__

__

建立香港自決能力的范國威

本文為2016立法會選舉候選人推薦 (選舉廣告)

今屆立法會選舉推薦名單第四個,呀唔係,係第四「碟」





唔明呀? 做人唔好只係直咇腸先得架! 即係佢囉!!

(第一次俾人拉住玩自拍)


認識 Gary 接近7年,佢進入咗立法會之後亦算多聯絡。响小弟涉足的議題上,亦同 Gary 合作無間。

Gary 對議會外進行公民參與嘅人嘅尊重,係舊泛民體制光譜中最高的,任何人嘅意見佢都會聆聽,經溝通而認為可取的話,在議會或地區工作上就會將之發揮出效果。而响外國嘅議會政治,議員同民間要維持適度良好關係,是必須要做好做滿的事,使能取得足夠的意見和資訊去審議各個議題、法案、政策等。對比民主黨、公民黨親疏有別的偏聽,又或「私怨mode」視我係悉尼老鼠嘅目光同態度,派咗膠都只會死撐、當睇唔到,甚至背後向我放箭。我怎不會出行力支持佢。

關於「本土」,或我會將之正名為「香港本位主張」,好多人認為Gary 無太多「實在」的表現;又或者真實啲去講,只是無見到佢有如梁天琦咁「衝」法。但我認為用村長、左賊的「鏡頭前烈士」去對佢評價,是不公平,是憨膠的。

要明白政治嘅本質,尤其是過去四年香港要面對中共,好多事情只能做不能講,做亦不能「直線」進行,和不能「一腳地板油」衝住去進行;而且面對中共全方位的殖民手段,涉及的事情不止是意識形態,更有好多實務要應付。而Gary 提出由食水 (籌建海水化淡廠)、糧食 (推動農地復耕),到經濟 (重建本港工業等多元產業),同左賊最鍾意嘅意識形態 (捍衛本地語言,促進本地文化事業),完整的支持住佢提出「建立香港自決能力」的論述。呢種「做」,就如Singapore is OUT 之後的人民行動黨 (撇除一些被迫的強硬政治手段和事件)為新加坡建構自立能力一樣。即係話,Gary 是一直默默地為香港的未來做該做的事情。

返回主頁

沒有留言: