__

__

功能組別唔一定可恥 - 區諾軒

本文為2016立法會選舉候選人推薦 (選舉廣告)

今屆立法會選舉,是的,很出奇的我會支持「可恥的」功能組別候選人。



功能組別的確係垃圾,絕對應該立即消失,但政治現實就是「你唔去搶,有得中共唔係擸晒都擸咗九成,然後議會以至成個香港出晒事」。小弟經歷過「新九組」,好清楚功能組別可以有怎樣的「玩法」。

同區諾軒認識咗9年,但絕對唔係呢個原因支持佢;但就是相識了9年,我好清楚佢做緊乜。尤記得四個月前佢走嚟同我講「我打算選批發及零售界,點睇?」,我劈頭第一句,但是是玩膠mode「功能組別可恥!」。然後就了解佢成個概念,不單係同我對前述嘅政治現實一樣,仲有係佢對香港嘅經濟理念,尤其是「人民經濟自主」概念中有關小商戶嘅經營生存問題。在佢解決到四方西嘅阻撓之後,我就有投入一些時間協助佢嘅選舉工程。

當下的香港的營商環境,不論乜嘢行業,根本就唔係正常運作。講實在啲,你唔埋中共堆就無運行。但就算埋中共堆,都逃不過「剩餘利用價值接近0就遭拋棄」這中共黨史中永恆不變的定律。又或是在日常經營,任何行業都受到中共殖民主義指揮港共傀儡政權的打壓,範疇不單只是地產霸權,還有各式各樣嘅政策同法例問題。同區軒傾嘅過程中,佢就是堅定的要為不同嘅行業爭回一個合理、公平嘅營商條件,又認定這才是香港與契丹之別,才能吸引更多外國企業來香港投資而能有實在的基礎去推動本港經濟。

換另一個角度,真正懂得何謂「做生意」必定要清楚知道只有公平、合理的政策同施政,才是真實的營商條件。望住十幾廿年嚟自由黨爪牙一直霸住這個議席,但從來所做的都是向中共獻媚而不是為了香港的生意人,那管只是一間士多。唔係有得自由黨玩「奉天承運,皇帝詔曰」繼續違禍香港呀嘛。

再者,所謂「功能組別可恥」口號,不過是飯桶們唔識同商界溝通合作,然後就黃子華魚蛋理論 ── 我做唔到都唔俾其他人做到。而既然區軒夠膽死打爛四方西之流嘅魚蛋檔,又既然有咁清楚嘅論述主張,我帶著9年交情就是絕對應該要做的事。


返回主頁

沒有留言: