__

__

所有事情只能直線進行架?

高登mode 的「直線」的相反詞是「曲線」,本意為「反諷」,「講反話」之類。但如按字面解「曲線」作副詞用,即是迂迴,不能直接。

自從FB 响香港流行,就幾乎識用的都變評論員、分析師,尤其是會網上論政嘅一群,總會大師上身般說三道四。可但是每每都只係睇表面嘅一層,然後直線式發表意見。然後的,就回音谷式的like、comment 認同之類。

但又同時,每當有異議者出現「挑釁」提出不同見解,就合力發揮小農奴隸DNA之集體主義,然後再以小農奴隸DNA之非我族者其心可誅,群起而攻之,務求將異議者置諸死地。

再又同時,好多花生友就發揮港燦極樂之八卦精神,加入埋一齊說三道四。可但是又只係全部直咇腸式。

結果,就搞到真正做研究分析評論嘅,寫得深又話睇唔明,寫得淺嘅又話「阿媽係女人駛鬼你寫/講咩」。

鬼唔知「直線」係最直接咩,但呢個世界邊有咁多直線嘢、邊可能每件事都直線理解,咬咗層包皮就知係叉燒包定豆沙包呀。根本好多事情表面睇落好簡單,但在實際執行起上嚟可以好複雜,甚至迂迴到你唔會信.....

假設有日,你揸緊架車沿彌敦道由尖沙咀去緊旺角,去到過咗美麗華之後突然坐响你隔離嘅唔知邊個話「我想去食澳牛,體驗下史兄所講嘅黃昏」,當你無法推搪嘅時候,以為响柯士甸道左轉..... 點知係藍色直去牌,再去到佐敦道又諗住左轉,又係藍色直去牌......

實情就如下面地圖,跟住藍色線咁行


係呀,你可以屌鳩我「無人叫你揸車」;又或者左賊mode「我哋要針對政權,要求放寬柯士甸道同佐敦道轉彎限制」。但當你就是揸住架車,當一日未成功爭取到改路牌之前,係咪都仲要咁兜法呀?!

做人嘅嘢,唔好太直線!!!

後記:
第一個教我就社會議題有時要採取「兜咁大個圈」去做事,係港區全國人大代表、曾是西九新動力成員、2007-2015 油尖旺區議會委任議員高寶齡女士。就是响保衛尖碼巴總嗰陣,但唔係我提出要去見佢,係尖碼之聲主席話要去同佢溝通。之後仲响高女士安排下,見過埋梁美芬添.......一次咁多囉。(依家佢實唔會認,但肯定有相响佢度,爭在唔知會不消滅證據)

返回主頁


沒有留言: