__

__

東方日報膠少陣啦

《東方日報》今日「探射燈」專欄講旅遊巴做校巴懷疑違法、妄顧學童安全。揸住「架車無A03」嚟狂鬧狂抦,又一扮專家搞啲唔識就嚇死識就笑撚死嘅硬膠報導出嚟。

首先,嚴格嚟講,接載學童的非專利巴士的客運營業證的確要有A03 (學童服務) 批注,但如果巴士公司壞車/車務調動之類,要「搵外援」的話,就是與「外援」同業進行「合約租用」服務,即是A08 (出租服務) 批注容許的經營行駛。只不過因為好多年前屯門、元朗村巴服務經營者利用當時A08的漏洞,運輸署後來就加入行政指引規則,指明同一個客運營業證號碼的車輛不能以A08批注行駛同一路線超過14日。故此只要「外援」行駛不超過14日,就根本唔係犯法。順便的「.....話A03拎咗去整,用架A08頂幾日,整幾耐自己講,冇人會check真定假.....」明知Grey Area 都直爆,講嗰條友有無腦架?!


報導另外提到的安全擋板 (如下圖)


是Cap. 374A sect. 73 (1AA) 規定 2009年5月1日之後首次登記、而會具備A03批注的非專利巴士先要安裝


响法例生效之前出牌的巴士又有A03批注,係唔需要有的。

要加裝係要經過ECE-R80 測試,以巴士是採取歐盟M3分類 (>22座位,總重>5噸),擋板能承受10000N 衝擊力。

實際做法係要响車廂地台相對鏍絲位置焊一塊5mm或以上厚度的鐵板,並用上 M8 或更粗的高拉力鏍絲,以「通關」(即鏍絲另一端要用絲母鎖緊) 安裝固定,而唔係就咁用鏍絲鑲响地台就得。舊車要裝就要拆晒車廂座椅、地台板先可以進行。連工包料起碼六萬,仲未計ECE-R80測試同issue 報告,講緊又五萬銀。

但最大鑊就算車主肯花呢筆錢,TD 要check 嗰款車身有無 previous type approval record,無嘅話就要車身廠申請,時間最快都起碼一個月,否則就直頭唔會批俾你。

以為捉住個Topic 執到寶就可以亂咁發炮,做新聞唔該做得專業啲啦!

返回主頁

沒有留言: