__

__

流言與智者

星期日,不怎Hardcore,講下啲「佛偈」或「講耶穌」。


所謂有人嘅地方就有事非,但深究一下啲所謂事非係點樣出現,從根源開始,不外乎兩個目的 ── 1. 證實自己嘅存在價值;2. 對target進行攻擊以達至個人目的,甚至係任務。

所謂「存在價值」,係一個人對自己嘅自我身份、地位的認同。通俗一點的就是爭鏡頭、搏上位,提升知名道或所謂江湖地位。
有呢種思想嘅人嘅內心世界,要不是權力慾強,就是自我形象低落,認為自己彷彿一事無成,渴望自己能有出頭天。但同時地,在不知自己的內功根底差,老是想著懷才不遇等的潛意識之下,就使出各種渾身解數甚至旁門左道,為的就是對外證明「自己唔係咁差」,「自己唔係無料到」。但說穿了,不過只是自我陶醉的肯定自己的重要性。

至於第2.的「個人目的」,所指的是「存在價值」之外的一些較實質,以至能夠量化 (Tangible) 的事,同「存在價值」有關但不是必然。目的可以是金錢、權力,或者係一啲人事關係;也可以是知名度再衍生的利益等等。「任務」就更加唔駛講啦,但又要留意「指派任務」嘅人懷有嘅目的,都可能係同出一轍。

搞事非嘅其中一個較實在嘅動機,就是沒法循正常途徑攻擊目標,例如擺自己上枱,限奶令vs餵人奶、自由行vs其他國籍客源、單程證「家庭團聚是人權」vs台妹坡妹無得「團聚」,舖舖都係唔夠我拗,咁咪.....下.... 大家明啦。

搞事搞非嘅手法離不開「講(對自己有利嘅)一半,唔講 (對自己不利嘅)一半」,扮晒「有料到」、好多connection 吹風吹到似層層,或是「人有相似、物有相同」模式故弄玄虛式創作故事等等,然後就有得啲花生友自行進場參與其中,期望實踐毛澤東金句之「謊話講一千遍就變成真相」。

呢類煽動總會產生一啲效果,當然同香港人Gossip 本質有關。花生友心態望到「喂,阿哥,有啲料到喎」,然後就加柴加炭加電油,慌死燒唔大場火。但反過頭來,啲花生友十居其九無做最基本的事 ── clarification and verification。呢個唔單只係新聞專業嘅大原則,更是對任何「風」應有的態度。而要做到呢樣嘢係得一個方法:第一身觀察,甚至係見證。掌握到最實在嘅條件先能分析到啲「風」到底係真,還是只係有啲人「事非當人情」。更重要的是,沒有 in person observation or witness 而聽信那些「風」然後說三道四的,這根本就不是評論,更不是意見,也談不上是批評 (不論善意或惡意),而係聖經所提及的「論斷」
你們不要論斷人,免得你們被論斷。因為你們怎樣論斷人,也必怎樣被論斷;你們用什麼量器量給人,也必用什麼量器量給你們。 (馬太福音7:1-2)
唔要耶撚mode,咁就佛家有云「剃人頭者,人亦剃其頭」。要是不帶任何宗教色彩,就來「你點搞人,人哋都可以搞返你」。

做人嘅嘢,要適而為之。要上綱上線的講:香港今時今日嘅政治形勢仍大落後於台灣,就是多得你哋班唔用腦嘅憨鳩。

有時間而唔想諗政治咁hardcore,就研究下就嚟50歲嘅周慧敏點解可以keep到咁嘅狀態,思考下乜嘢叫做相由心生。

返回主頁

沒有留言: