__

__

碧桂園森林城市隨時係爛尾樓

講起碧桂園呢個支那匪區地產霸權,港燦們嘅印象大多停留响順德、番禺或中山等城市,但其實早已染指契丹以外嘅地產發展。而近一年狂賣廣告,聲稱「新加坡一岸之隔」,而實質係响馬來西亞柔佛州笨珍市 (Pontian) 嘅「碧桂園森林城市」,該會是比較多港燦留意得到。

而到近期馬幣兌港紙匯率跌穿2算,發展商同好多財金演員不斷吹捧投資馬來西亞物業,又話可以買樓「入藉」(實質只係12年期居留權),港燦有啲蠢蠢欲動咁。但各位在去展銷會之前,不妨睇清楚一啲真相。



首先,廣告從來只強調樓盤位置「與新加坡一河之隔」,幾乎隻字不提馬來西亞。撇除碧桂園有如昆人落搭,港燦對柔佛州嘅認識從來都只有新山市 (Johor Bahru),連Legoland 所在地的市是振林山 (Gelang Patah) 都唔知而都當係新山。又甚至小弟聽過好多港燦唔知道新馬過境通道有兩條 ~ 兀蘭 (Woodland) 同有稱為Causeway II 嘅大士 (Tuas)。响新加坡買Legoland 套票包埋嘅嗰程巴士係經大士關卡往返的。即係懵到俾人賣咗豬仔都未必知。

笨珍市本身係柔佛州西岸嘅一個樹林區,以港燦日常用語即係「鬼地方」。樓盤聲稱嘅所在地其實係填海得嚟。連同新加坡裕廊填海,係新加坡獨立以來,三十多年來與大馬政治爭拗嘅重點之一,馬哈迪同李光耀拗到火紅火綠。

但好戲在後頭......

小弟多年來從新加坡嘅親友口中所講,樓盤所在地根本一直都係泥灘爛地,未見過有任何建築工程進行。我一直都半信半疑,但七月底「返鄉」時又未能抽時間過去八卦。但日前再見到發展商廣告,仲要話開展銷會,就嗌個朋友幫手過去大士關卡附近做觀察,結果就係.....



ZOOM 近啲睇


相中有啲類似貨櫃碼頭吊機的,就是笨珍填海得嚟而興建嘅新山貨櫃港。幾座建築物亦係貨櫃港的辦公、貨倉大樓。

樓盤聲稱的位置是在貨櫃港嘅左邊。但是,莫講話建築物,就連建築機械都好似唔多覺眼喎。

到底係遠期樓花遠到點先?連打樁機都唔見係咪有伏,咪話我唔提醒各位港燦唔好唔記得1980 - 90年代响珠三角地區唔少爛尾樓而唔少苦主係香港人。

但就算碧桂園願意搞睇樓團,甚至係「唔駛錢請你去」,港燦唔好以為信得過就畫龜落訂。

近幾年馬來西亞嘅大新聞除咗納吉嘅一馬基金貪污案之外,仲有一單同樓盤有直接關係嘅就係柔佛王室同吉隆坡中央政府啲爭拗,甚至乎王儲東姑依斯邁 (Tunku Ismail Idris) 响去年10月爆seed「若中央違反協議,柔佛可脫離大馬」,揭開柔佛獨立戰幔。而柔佛同巫統政府爭吵嘅其中一個起因,就是樓盤所在地嘅土地使用權。

話說柔佛州政府打算在填海地進行地產發展,另興建工業園推動包括高科技工業等。但巫統同馬華公會蔡細歷等人利用環評報告K.O. 柔佛州政府,然後利用中央政府嘅權力,將啲地轉手俾支那共匪嘅地產商,其中之一就是呢個碧桂園嘅所在地。

只要柔佛蘇丹「撳制」宣報脫離馬來西亞聯邦獨立,呢塊地會有乜下場,應該唔駛要我畫公仔畫出腸喇掛。

港燦們唔好剩係識見錢開眼,平日你哋嘅政治潔癖搞到香港立立亂,又無國際視野,就隨時一鋪清袋係咁先。今次唔好話我呢隻南洋怪獸唔提你哋,當我唯恐天下不亂鳩吹的,到時仆咗街唔好返嚟喊。

返回主頁

沒有留言: