__

__

希師奶志不在特首,只係執行統監府任務



港共終於刊憲禠奪游蕙禎同梁頌恆嘅立法會議員資格,另一邊廂強國猿入稟DQ 劉小麗、羅冠聰、梁國雄同姚松炎。預計政治干預下的司法機構都會裁定689勝訴。而跟據法例,補選將不遲於2017年6月4日舉行,亦即是有足夠時間搞掂劉、羅、梁三位地區直選議員。九龍西及新界東就有兩席出缺,需要以比例代表制方式進行補選。

港島則一席,以單議席單票制方式進行。根據2007年共匪馬力去同毛澤東團聚嘅嗰場補選,土共派希師拉同泛民支持嘅陳方安生「隻揪」輸38324票 (得票率差距12%)嘅慘敗結果,共匪為求搶奪立法會控制權,點可能唔諗計有啲搞作吖。

尋日有消息指希師奶將在15DEC 宣佈參選特首,佢例牌唔認就是的。但若果佢正式去馬,雖然法例上唔需要佢辭職,但政治形勢上佢應該會辭職。原因不單只是避免外界認為利益衝突,而是只要佢辭職,就連港島區都會响明年6月4日之前有兩席出缺,咁即係連港島區補選都要比例代表制,土共就有可以响九西同新東之外再搶多一席地區直選議席。

你估希師奶唔知自己選到特首機會係almost to be zero 咩,但點解都要衝出嚟,唯一解釋就係製造辭職嘅藉口,成就689張匪曉明之大業。而好肯定講,只要統監府俾夠安家費 (議員薪津每月約20萬X最少40個月 = 800萬,即估計起碼1000萬),希師奶一定衝出嚟做呢台大戲。亦即係可以理解呢10日就是希師奶同689張匪曉明講數,所謂黨內商議都只係掩飾。

以上純粹推測,唔知中唔中。但track record 就是小弟估十次中咗起碼八次。不過,咪話我唔提醒希師拉兩件事,一就是張匪曉明响土共圈子中出晒名是走數王;第二就是如果你真係選特首,小弟必定拎返限奶令抄功課事件出嚟同你奉陪到底,唔好唔記得當日响維園我夠膽當眾寸你唔駛用M巾意味我癲起上嚟唔係人咁品。


後記:
按此局,三個選區各出缺兩席,以689張匪曉明貪得無厭嘅性格必定想搞大啲。朱凱迪同鄭松泰嘅選舉宣傳內容都有「自決」二字,689隨時可以再入稟一次過DQ佢兩個,咁就四個選區都要比例代表制補選,土共可以搶多4-5席。甚至乎咬住民主黨 (姑且暫用返正名) 黨綱有建設民主中國,公民黨亦宣告調整黨嘅方向,再DQ埋胡志偉同譚文豪,咪話唔可能。

返回主頁

沒有留言: