__

__

有地鐵搭咪得囉,怨乜嘢唧

港鐵南港島線明早(28DEC2016) 通車,港共傀儡政權都是一如港島線西延、將軍澳線通車咁,將與鐵路重疊嘅巴士、小巴路線有殺無賠;連稍遠離鐵路嘅區域嘅跨區巴士線、專線小巴線唔係取消就削減班次服務。所謂嘅重組都只係提供接駁至最近嘅鐵路站就算,總之就是迫港燦們向聯交所上市編號66號進貢。當然的,亦是事實,這樣的安排就是使部份人好唔方便。


報導原LINK: http://news.mingpao.com/pns1612251482601764498

當某個區域未有鐵路嚟嘅時候,港燦們就怨聲載道「無鐵路真係好唔方便」云云,然後到鐵路通車,那管好似觀塘延線因為鄺葆賢醫生响九龍城區議會成功動議押後港鐵通車後半年先重新討論巴士小巴重組計劃,而紅磡何文田未有即時發生巴士小巴大屠殺,港燦們都係紛紛「用腳投票」向港鐵霸權投懷送抱,總之有鐵路就如小農奴隸基因之有仔萬事足咁,話之巴士小巴執笠PKHKC啦。

另一方面,港燦們就是政治潔癖為傲,認為啲議員要求政府唔好搞巴士小巴大屠殺都只係為咗可以掛成功爭取BANNER。更甚是有層樓揸手嗰啲,一日到黑諗住「鐵路概念」層樓升值得更快,就更加唔會過問鐵路通車的巴士小巴重組計劃到底甚麼內容,一味諗住「地鐵通車我層樓就更升得更多」。

但到頭來假以時日,地鐵一壞車,就呻無其他替代服務,只能等了又等、無了期咁等。港鐵加價嗰陣 (尤其是將軍澳線),就埋怨「無晒巴士小巴缺乏競爭任由宰割」然後只好乖乖就範俾鐵路霸權劏。

話分兩頭,英國殖民走狗年代三條地鐵線通車,巴士路線重組絕非大屠殺,而係真正的因應道路網絡同地區人口發展而進行重組。不妨同大家一齊考古:

1979-80年觀塘線分階段通車
港島區保留原來的10,20,21,22之餘,增辦10M 北角 -- 金鐘,20M 筲箕灣 -- 金鐘,21M 太古城 -- 中環,22M 鰂魚涌 -- 金鐘,加強服務。

(Source cannot be clarified)

九龍新界區方面
增辦40M 石硤尾 -- 荃灣碼頭。但就仍然保留 40 觀塘碼頭 -- 荃灣碼頭 (今時今日港共傀儡政權mode 就一定殺咗條40)
開辦33M 旺角 -- 荃灣碼頭。但仍然保留 33 深水埗碼頭 -- 荃灣碼頭、大角咀碼頭 -- 葵興 嘅33A / 大窩口嘅33B
開辦66M 旺角 -- 大興。但仍然保留 66 深水埗碼頭 -- 大興

1982年荃灣線通車
取消33M,將33A同33B 合併成新33A,延長至大角咀碼頭 -- 荃灣碼頭 (今時今日港共傀儡政權mode 就一定乜都無)
取消40M,40 就仍然繼續行駛 (今時今日港共傀儡政權mode 就一定乜都無)
開辦60M 荃灣 -- 安定。並在1986年開辦60X 屯門市中心 -- 佐敦道碼頭 (今時今日港共傀儡政權mode 就一定唔會有60X)
66M 改為荃灣 -- 大興;66 之後延長至大角咀碼頭。再之後因應屯門嘅發展,响1988年增辦66X (今時今日港共傀儡政權mode 就一定取消66同必定唔會有66X)
開辦68M 荃灣 -- 元朗;68 元朗 -- 佐敦道碼頭仍然保留;1987年開辦68X (今時今日港共傀儡政權mode 就一定取消68同必定唔會有68X)

1985-86年港島線 (柴灣 - 上環)分階段通車
除取消10M,20M,21M,22M之外,10,20,21,22 仍然繼續行駛,甚至2 中環--筲箕灣是完全與地鐵重疊都沒有被取消。 (今時今日港共傀儡政權mode 就一定全部處斬)

這就難怪巴士迷大多都是戀英眷殖的。但同時亦反映港燦們在物業價值同港共洗腦下,真係無用腦諗嘢兼看待巴士同小巴嘅態度真係數典忘宗、忘恩負義。講到尾,你哋啲港燦咁嘅思想就是有份助長鐵路霸權,因此根本就無資格講埋怨乜埋怨物。繼續俾心機「乜都鐵路」,幫港共成就鐵路萬能俠嘅無比威力啦。

返回主頁

沒有留言: