__

__

唔合理車速限制就是俾公安部搵錢

80km/h 其實好慢架咋

就嚟農曆新年,又係大量雪藏牌司機製造道路安全危機嘅日子。

呢啲小農奴隸基因之要揸架車向親友示威病發嘅友仔會製造嘅問題,停低車嘅計有亂泊車阻礙交通,轉彎位泊車頂住巴士製造擠塞;行緊車嘅有唔識路震過貓王,發雞盲出路口唔收慢/停定就出,CUT 線唔打燈唔望鏡,當然就導致交通意外。就算唔撞車,一樣極多黑人憎嘅事,响快速公路KEEP 右線嘅快線撚平日都唔少,呢堆新年司機更隨時响屯門公路行右線但車速只得65km/h,我遇過,真係遇過!然後的,推爆佢,呠佢囉!


佢哋平日無揸開車,自不然驚驚青青唔敢快。政府成日強調「慢就是安全」,搞到就算响平日好多人以為揸慢啲就無問題同唔會有危險。但快又係咪等如一定危險?真正懂得駕駛嘅人會知道,車速快慢同駕駛者個人嘅反應/應變能力先係正比。可是香港白痴嘅考牌制度,就只是秉承「慢就是安全」嘅所謂金科玉律,就搞到好多手車根本唔得嘅人毫無意識自己根本就係馬路炸彈,或成為交通擠塞嘅成因。

要是繼續堅持「慢就是安全」的,甚至堅信「車速不能太快,否則就好危險」的想法,咁請解釋一下,响德國,唔講Autobahn 無車速限制,就如彌敦道咁嘅市區幹線道路,德國嘅限速可以係80km/h 甚至90km/h,龍翔道起碼110km/h。但德國嘅交通意外引致死亡比率低到3.94/100,000,全球排名160。排首位嘅係伊朗,比率43.54/100,000,泰國高速公路限速90 - 120km/h,死亡率33.57/100,000 排第14位。

再仲有,德國嘅交通意外率整體而言並沒有隨住放寬車速限制而上升,甚至相反地持續下跌

(Source: https://www.destatis.de/EN/PressServices/Press/pr/2016/12/PE16_439_46241.html)

再睇埋交通意外死亡率排名,馬來西亞25.25/100,000 排名34;南韓11.08/100,000,比德國高接近三倍。可以肯定車速並非交通意外嘅唯一成因,駕駛者態度、技術、意識,先至係交通安全嘅重要因素。

不過,香港要是沒有車速限制,除咗必定大量以為自己係冼拿再世上身嘅人會搞出亂子之外,港共傀儡政權公安部又點搵錢吖



報導原link:http://news.now.com/home/local/player?newsId=205872&home=1

根據現行《道路交通條例》(Cap. 374) 第40條,法定車速上限其實只係50km/h;運輸署署長刊憲公佈批准提高某啲道路車速限制至70、80、100、110。

先撇除法例主體超過40年無郁過同車輛性能今時唔同往日,所有嘅車速限制其實只係預架車响轉彎時仍然四平八穩車身唔會側。就以屯門公路為例,屯門至深井嘅80km/h 同深井至荃灣嘅70km/h,青龍頭、汀九橋、油柑頭-麗城共五個彎位,又或者公主道近衛理道,「跟路牌」架車側都唔側下。其實只是縱容手車唔掂到連小小離心力都受唔到嘅白痴司機「阻住條路」!

又例如的士台報嘅「渡船街東莞街旺角TV」,限速50km/h 只係為咗加士居道天橋出嚟同由窩打老道上橋但準備要cut右過塘尾道嘅車「有足夠時間」預位。但如果司機駕駛意識同反應都夠快,就唔駛加士居道天橋向果欄個個要收慢頂到返去印度會。

再加埋呢40年以來汽車科技不斷發展,就算無電子控制懸掛、ASR (防滑差速)、EBS(電子分佈制動)之類好多車主「聞風喪膽」嘅電子嘢,純機械設計不論引擎輸出、迫力效能、懸掛避震穩定性能,唔好話50km/h 根本係低能白痴,就算 100km/h 甚至 150km/h 都唔係乜嘢問題。

或者掉返轉講,調高車速上限,甚至無限的話,總有一堆以為自己係冼拿或舒密加嘅人胡亂飛車形成道路危機。小弟同意這是事實,但無自省同自制能力嘅人,同樣係唔識合揸車。又再掉返轉,為咗遷就一堆技術根底未夠班嘅司機將車速限定於低B,又係咪恰當嘅做法呢?要知道車速係計算道路設計流量其中一個Factor,車速越低就流量越細,咁咪塞車囉!

若問我車速限制應該提高到幾多,法定車速80km/h,所有快速公路起碼100甚至120、130。擔心增加意外?德國於1974年將高速公路車速限制由100km/h 提高至130km/h,之後嘅四年意外率係有上升,但隨之就下跌,即是只不過「適應期」嘅問題而已。又或者總有人擔心「始終有啲司機揸唔到咁快」,咁我就只會講一句:

無本事無能力唔夠反應就唔好揸車!

不過,港共傀儡政權公安部過去10年為咗維穩燒咗咁多錢,放寬車速上限仲點搵錢填氹呀...... 所以都係講下就算咯。

延伸閱讀
司機多柒頭,因為運輸署憨鳩
九巴司機蠢?因為間公司製造蠢材!
賽車運動的背後意義

返回主頁

沒有留言: