__

__

十四班車之嘛,都未二十班



港燦們常言道:
有地鐵,一天都光晒;
地鐵唔會塞車,搭巴士小巴塞餐懵,梗係搭地鐵啦;

即使串咀反駁「地鐵會壞車」,港燦極其量只會話「唏,有幾何吖」。

早幾日有人post 話响金鐘等咗十四班車先至上到,小弟即時反應就係「丟,咁鍾意搭地鐵,咪俾心機啲等囉」。然後的就諗起蘇匪錦樑嗰句「等多幾班車」,而平日港燦們成日話我哋呢啲「滋事份子」好唔聽政府話、同政府作對,依家你哋班港燦唔係唔聽蘇局長吩咐响度怨呀嘛。

但如果係小巴排長龍,你哋啲港燦做乜呀?屌,等極都上唔到,搭的士咯!好喇,小巴話要加座位,又話「丟,咪又係馬亞木佢哋想炒高個牌價......」

又或者巴士,等咗幾班車都仲未上到,又係咁上下話「話咗搭地鐵架啦」;又就算迫到上車,企到頂晒閘嗰陣,又話「咁撚迫,都唔係人搭嘅」。但地鐵一樣迫到沙甸魚咁嘅嗰陣,你哋班港燦又唔嘈?! 又就算怨,呻完咪又係繼續搭囉。

港燦們對住小巴、巴士有乜唔得就鬧生晒,地鐵有同樣情況就左賊最興嗰句「包容」。同樣的交通情況,對小巴、巴士嘅態度同立場,同看待地鐵係完全南轅北轍,簡直就人格分裂症症狀,爭在未係想攞刀攞槍通街殺人嗰種而已。

而每當有新鐵路線開,港燦們拍爛晒手掌話「受咗咁多年小巴巴士嘅氣,終於等到喇」,然後就話之港共傀儡政權運輸及房屋局對巴士、小巴進行大屠殺,甚至有啲仲會話「有地鐵咪得囉,駛乜仲要啲巴士、小巴阻住晒條路唧」。

可以見到港燦們已經「地鐵毒」毒發攻心,十足十大清帝國時期沉淪毒海啲草民成日話「皇帝都係咁食啦,有乜問題喎」。

因此,我只會講:
你哋咁鍾意搭地鐵,搭撚飽佢啦!
十四班車之嘛,咪繼續聽住陳潔儀首《等了又等》囉!
今鋪擺明串爆,亦再一次向港燦們講明:路係你哋自己揀,依家仆街唔好撚喊!

延伸閱讀
有地鐵搭咪得囉,怨乜嘢唧

返回主頁

沒有留言: