__

__

支那挑釁新加坡是否定鄧小平

新加坡國會在9JAN 對9架Terrex 進行質詢,國防部長黃永宏引用國際法有關「國家財產」直指港共海關扣留係不合法。正常嚟講支那共匪應該响最多96小時就要循外交渠道通知新加坡9架Terrex 落咗邊艘船,或最起碼要知會船期。但共匪無咁做不特只,支那外交部仲叫「坡縣」最好收嗲同尊重「一中原則」,擺明發爛咋!

首先了解返所謂「一中原則」。簡單講就是在外交同承認主權立場只能支那同台灣二揀其一。但國際形勢同客觀條件,支那同台灣確實是兩個不同嘅國家,於是乎唔少同台灣有經貿同政治往來嘅國家,就只能以「代表處」或「經貿辦」與台灣維持外交聯繫,基本上支那共匪因為錢同政治實力都奈呢啲國家唔何。而有個別國家同台灣嘅聯繫再高一層次,例如法國會有出售軍備俾台灣。甚至美國唔只賣戰機戰艦,仲有一條俗稱「台灣關係法」(United States-Taiwan Relations Act" (H.R. 2479))確立美國同台灣在一般稱為「次外交關係」的法律理據。照常理支那共匪係會扎扎跳,但礙於美國嘅國際政治影響力先唔敢出聲。

從呢種「一中原則」為基礎,新加坡同台灣响1975年達成「星光計劃」嘅聯合軍事訓練協議,意味中共看待新加坡同台灣嘅關係係美帝走狗級數。而支那人腦袋充斥嘅大一統思想,會認為「坡縣」咁細竟然達到可恥嘅美帝走狗嘅級數,遲早要好好教訓一頓。因此,英國 Financial Times 對支那外交部喻坡縣尊重「一中原則」解讀成共匪要脅新加坡同台灣斷絕往來,尤其是要終止星光計劃,根本就不是over read (過份解讀)。

另一樣要理解嘅歷史係新加坡係東盟最後一個同中共建立正式外交關係嘅國家,時為1990年。


而星支建交之後,星光計劃並沒有因此而終止。有歷史分析指,李光耀同鄧小平商討建交嘅過程中有私下談及星光計劃嘅存廢,鄧小平當然要求李光耀終止呢項星、台軍事合作。但別忘記六四北京大屠殺之後,支共响國際形勢上處於劣勢,李光耀極有可能因而拒絕鄧小平呢個要求,但同意唔會在萬一兩岸發生軍事衝突的話為台灣幫拖,於是鄧小平亦同意對星光計劃隻眼開隻眼閉。是故之可理解成中共當睇唔到星光計劃嘅存在。但不過是李光耀同鄧小平嘅私下共識,無可能白紙黑字地記錄下來,支那共匪一定伺機向新加坡迫供。

鄧小平死於1997年 (甚至可能更早),而李光耀卒於2015年3月。所謂嘅「私下共識」涉及嘅兩個人都不在世,共匪必定視之為「時辰到」可以郁手。但就如香港嘅《中英聯合聲明》無可能講一句作廢,只能逐步進行靜待時機。留意返過去6年,「煮咖喱」同孫旭可理解成共匪進行意識形態鬥爭嘅結果,然後的,要留意孔慶東同中南海軍閥們嘅關係,可確立「婊子論」是支那宣告同「坡縣」關係決裂。再到去年支那外交部同新加坡駐華大使在報章筆戰,就形同準備開拖。到9架Terrex 該就是支共認為可以行動而做嘢咁解。

但以現代文明政治邏輯,鄧小平當年同李光耀講過嘅,就算無black & white 都無理由視之作廢。但支那共匪的作風不單只唔會履行國際協議 (如《中英聯合聲明》)而更會視所謂口頭共識如無物,更是新一代嘅領導人會將前人的政治地位推倒以鞏固自己嘅勢力。鄧小平在1979年復出之後,不斷將毛澤東嘅豐功偉績全盤否定,就是歷史事實。到鄧小平之後,江澤民忌諱於自己嘅勢力同財富只不過是承襲自鄧小平嘅開放改革之路,不敢貿然推倒鄧小平,但也得循前人走過嘅路去鞏固自己嘅地位。1999年支那共匪建政50週年閱兵,巡遊除咗高舉老毛同老鄧畫像之外,仲有江澤民的畫像。

而江匪就宣告自己係第三代領導核心,為自己塑造成支那新一個神,與老毛及老鄧並駕齊驅。由此可見江澤民心中根本對鄧小平呢個「恩師」係目中無人。

返到嚟近期支那匪區嘅政治權鬥,江澤民派系仗著仍手握陸軍同海軍嘅控制權同習近平鬥過你死我活。客觀地,習近平因掌握住政治實權而佔有上風,江澤民就只得抱攬炒態度不惜以旁門左道向習系還擊。江澤民藉摧毀鄧小平同李光耀嘅私下共識,達成「推倒鄧小平」為自己造王造神之路謀求向習反擊之外,亦藉破壞坡支關係使習近平就算贏也只會得到一個難以收拾嘅爛攤子,一石二鳥之。

或者反過來,習近平可想保留星光計劃嗎?當然也想鏟除,但習近平非一貫嘅土包子;其父習仲勛老毛時期與鄧小平為伍,是黨內所謂的開明派。怎計算分析都會見到習近平做事作風不會死牛一面頸,事事意圖一刀切。最重要的是習並沒有如江要推倒鄧小平嘅心思,因此小弟不認為「綁架9部Terrex」係習的意旨,反而較大機會係江系的圖謀。

還要注意港共核心人物,包括689、林門鄭氏、黎楝國、張匪曉明,以至鄧忍光,都係江澤民系統嘅人。試問習近平點會叫得佢哋郁?! 但相反地,江澤民就可以指揮佢哋幾件傀儡太監做嘢。

再引伸出嚟,「否定鄧小平」嘅另一個結果就等同撕毁《中英聯合聲明》,這也是江系一直以嚟最想實現嘅目標。而又再反過嚟講,當香港嘅一國兩制運作被摧毁,也是習近平另一個難以收拾嘅爛攤子,符合江澤民「我要唔到都整爛晒佢」嘅思路同作風。

總結而言,「綁架9部Terrex」嘅核心就是江澤民。港燦們該全力推冧689同林門鄭氏,斬斷成個江澤民系統嘅前路先至有機會擺平。

後記:新加坡國防部日前宣告展開「動員令演習」,雖然都係每年例行公事,但請細心思考今次演習嘅代號。

延伸閱讀
2017 唔好旨意有安樂嘅日子

返回主頁

沒有留言: