__

__

學車考牌同實際駕駛有幾大脫節

香港嘅駕駛執照考試硬膠就係人都知,除咗車速過40km/h 而根本都未違法,考牌官都會「控制車速不當」一欄俾個S,完全同實際行車 (唔計通常無可能唔過50km/h)兩回事之外,仲有大量同現實完全脫節到離晒譜、甚至擺明「裝彈弓」嘅硬膠嘢。

例如路口讓線,一定要停定晒踩實迫力先嚟望,而並非平常如果無建築物遮擋就提前半個至一個車位預早望兩邊;停線就直頭要拉手制。現實中真係個個咁揸法,唔計俾後面車呠到趴街,就擺明製造交通擠塞!

但有一個港島區考牌路線,就直頭擺明車馬係「裝彈弓」迫你重考,講緊嘅係跑馬地試場。由山光道左轉入毓秀街,跟住就右轉成和道上山返上試場。可是毓秀街成和道交界 (如下圖)


就算係考貨VAN,車頭唔過讓線,都無可能望到成和道落山嘅車 / 要望到成和道落山嘅車就一定要過讓線位。即係一係就「路口駛出無留意交通狀況」S,一係就「讓線停車位置不適當」S。你話叫人點考吖!

出迴旋處嘅考牌要求比路口就更加之硬膠。油塘 (私家車及貨VAN)嘅鯉魚門道迴旋處,荃灣海濱 (巴士及中、重型貨車) ,葵盛圍 (私家車及貨VAN,有時考牌官會要考生落德士古道)嘅德士古道迴旋處)。


平常駕車若果望到全部車向緊上一個出口駛出就俾油去,但考牌要求係右邊視線all clear 完全無車先可以出,否則就「駛出迴旋處」一欄就S。除咗又是現實中真係個個咁揸法就製造交通擠塞之外,所謂「路面判斷」在望到全部車向緊上一個出口駛出,即係自己就係clear 可以駛出。咁仲唔係有力證明香港嘅考牌制度就是製造柒頭司機乎?!

考牌制度除咗唔要求、甚至根本唔容許以上有關司機嘅主動性判斷能力之外,更唔會預考生有任何應付突發情況能力。即例如最常見嘅係明明考生响「大路」,有架的士又好、私家車又好、乜車都好「玩嘢」突然衝出,不論你鬆油、踩迫力,考牌官都會送個S俾你。就是莫講話「防衛式駕駛」理論唔會學到,考牌有乜突發嘢都係「肥」,搞到個個新手牌都唔識應付緊急情況,點會唔搞到香港交通意外率高吖!

但是運輸署唔繼續呢一套考牌制度,又點可以繼續俾啲十九局長之類、港共公安部吹「慢就是安全」,然後繼續低B車速限制,再然後就成日擺檔影快相搵錢!

延伸閱讀
唔合理車速限制就是俾公安部搵錢
司機多柒頭,因為運輸署憨鳩

返回主頁

沒有留言: