__

__

劉曉波生命倒數盡見共匪殘暴



自劉曉波末期肝癌以來,小弟一直無點出聲,唔代表我唔關注呢位八九民運中堅份子嘅事;箇中原因亦並非熱普城信眾的「鄰國嘅事唔關香港事」,只因關注二字唔需要下下有如支教民體系咁做出面。

唔是黑心,而係現實,劉曉波病情有無彎轉,大家心中有數;幾唔想面對都好,劉曉波的生命已在倒數已成事實。再更加坦白講,不論佢留响共匪治區或是出國治療,亦相當不可能扭轉任何人生的結局。但是支那共匪同德國、美國嘅醫護專業就劉曉波是否出國嘅爭拗對陣,細心而冷靜啲睇,劉曉波嘅生命安危都係其次,劉霞嘅人生旅途未來才是重點。

支那共匪之所以無視英、美嘅關注以至德國總理默克爾(Angela Merkel)開火炮轟都唔俾劉曉波保外就醫,唔單只因為諾貝爾和平獎衍生嘅面子問題,劉曉波係「六四餘黨」,涉及的還有過去21年來共匪治區大量嘅個人見證,當中必定涉及支那共匪賊幫成員的利益問題,是無法迴避的。而黑幫電影總有一句對白:「死咗嘅人先至可以守到秘密」,試問支那共匪點會唔扼住佢嘅生命去到最後!

劉曉波被囚嘅同時,其妻劉霞遭到軟禁,甚至扭盡六壬迫到劉霞精神出現問題。目的並非是精神虐待進行折磨作為威嚇劉曉波「唔好亂搞小動作」咁簡單,而係意圖要劉霞意志崩潰,放棄為丈夫討回公道之餘,無法整理從丈夫方面得到的重要資訊。

只不過劉霞嘅意志確實很堅強,照觀察分析,超出支那共匪嘅預計。而劉曉波出國劉霞必定同行,這不只是兩夫婦關係同意願,也是「西方列強」以人權同人道立場必會採取嘅行動。要是共匪同意放行,就算劉曉波終離開人世,劉霞得到自由嘅同時,亦成為國際向支那施壓的籌碼。另因為如前述,劉氏夫婦執有共匪賊幫的資訊,歐美各國就會有更巨大力量向支那共匪以刀架頸。如果你係習近平,仲放唔放人吖!

以上推論很陰謀論?係架,但支那共匪做每一件事,針對某一個人,目的重來都唔係咁簡單,一切都係為咗政治、權力、金錢利益嘅計算。唔認清、面對支那共匪呢個真面目,係永遠無辦法了解同明白共匪治區嘅維權有關事件嘅真實情況。

劉曉波為民主作咗巨大付出,絕對值得尊敬;甚至比起香港班飯桶只識鳩嗌「建設民主中國」而無實際行動,劉氏夫婦的經歷更是值得尊崇。小弟亦因為咁而過去幾星期粒聲都唔出,免得淪為有如飯桶們的低質素。

經歷過多次親人生離死別的小弟,不是看透生死,而是知道要面對現實。希望劉曉波真的得到解脫,更希望劉霞早日平安離開支那匪區,沒說甚麼自由不自由,最起碼可以肯定能過正常生活。

返回主頁

沒有留言: