__

__

運輸署班官睇嚟除咗貪錢就乜都唔會做



今日運輸署擺進智公交上神枱,擺架豐田 Coaster B70 濕鳩座位小巴同 Optare Solo M790 低地台「小巴」响添美道做場SHOW,招呼傳媒同立法會議員同班十九官員。

小弟當然一早知會有呢場 Show ,而收到消息之後第一反應除咗係「Just a show」之外,就是完全參透到撇除環宇汽車的「20座」Rosa 新車遲咗船期仲未到港,運輸署同環保署點解要俾皇冠車行特事特辦三星期就做晒舊款 Coaster B50 的 Type Approval。因為如果三菱都趕得切的話,呢場 Show 既唔會有如豐田獨家車展,更是因為會有一架零零舍舍响車門後面或太平門左側少咗一張櫈嘅19座位小巴,啲議員 (例如劉國勳、尹兆堅、林卓廷) 就一定借勢開炮狂抦運房局局長陳帆與及在場的運房局 / 運輸署官員。另一方面,新款 Coaster B70 因為廠方提交文件的確 Overload,日本方面需要重新提交文件,而為咗呢場 Show 要準備 Contingency plan,所以就急急腳三星期就批咗 Coaster B50 囉。

佛家有云:人算不如天算。運輸署班貪官以為已經為皇冠車行呢個主子做足準備,可以幫豐田 sell 車之際,場 Show 還是有搞到官員柒到核爆嘅場面出現。

第一個場面已經有傳媒報導


(原LINK: http://news.tvb.com/local/59917fece60383407cd1bc66)

架 Optare Solo 如果坐滿19人,中途有輪椅傷健人士要上車,俾佢上的話,車上唔計司機就20個人頭 ~ 超載;即係司機衰埋「無第三保行車」。唔俾佢上,就必定投訴上到去羅致光度。

陳帆回應記者提問表示:「如果有善心市民願意讓座給坐輪椅的朋友,我們認為這值得鼓勵」小弟同各友好睇到粗口橫飛。陳帆跟住話「會否有其他的方法去處理,我要與同事及業界討論」,咁即係THB 同TD 以至成個港共傀儡政權從來無諗過呢個問題啦!

但是,好可惜的.......


以上是小弟响2015年5月5日公聽會提交俾立法會的意見書第19頁的Screen Capture。請碌大雙眼留意紅色框住嘅第2.點,逐隻字讀清楚。

你老母臭西,兩年兩個月零九日之前,小弟 Black & White (may be orange) 講咗低地台小巴會有呢個問題啦,點解兩年兩個月零九日仲會兜口兜面俾人問到口都啞呀!即係運房局同運輸署成班濕鳩官淨係掛住19座位幫皇冠車行做 Sales & Marketing 之外乜撚嘢都無做過啦,冚家鏟!

喂阿哥,我唔係政府官員反而仲早著先機諗到呢個問題出嚟,特首林鄭月娥係咪應該立即炒咗陳帆同將李萃珍燉冬菇唔好俾佢坐正署長,請我做好過呢!

但又好老實講,林鄭真係出十倍人工俾我,我都唔會做囉。但就引伸出嚟,唔該陳帆同李萃珍豪返十個月人工俾我,先叫做找到呢條數囉。

第二個場面係有在現場的朋友講俾我知的。話說張超雄搵嚟一位使用電動輪椅的傷健人士即場示範架 Optare Solo 上落車係幾咁方便。但據說塊斜板俾佢碌完之後拗咗變形。
利伸:我無再場,真係唔敢肯定。不過可以指出,輪椅斜板除咗一般市民識別得到手動 vs 電動之外,在 Engineering 層面係要留意斜板的負重能力,一般起碼150kg,最高的小弟見過有400kg。一部電動輪椅大約重70-100kg,而一個成年人體重約70kg。憑呢兩個數據,責拗咗塊斜板嘅可能性的確存在。

訂購商用車嘅程序同私家車南轅北轍,尤其是載客車輛。成架車的規格係好似舊式中醫咁 ── 執藥咁執。由肉眼見到嘅車身顏色、車廂旁板天花顏色、座椅面料,到睇唔見的電線鋪設要求..... 幾十個項目逐樣執,仲煩過去高登砌機!引伸出嚟,就係 AMS 訂車時無認真評估規格要求是否合適,求其見貨買貨就簽約俾錢。再順便爆埋,我俾立法會份意見書羅列的低地台小巴例子的確係有 Optare Solo,但係是長度7270mm 的M720 而唔係場Show 呢部 M790。而小弟唔駛問過陳文俊而另有渠道得知,M720 已經停產。即是 AMS 與及馬亞木訂購呢款車嘅過程當中係完全無用過腦!

第三個場面都係在現場的朋友講俾我知的。唔知係記者定議員問陳帆「前後見過兩架19座位小巴都係同一個牌子,想請問其餘嘅牌子嘅19座位小巴預計會幾時可以落地?」陳帆當場面都黑過鑊撈,當聽唔到無回答。

呢個場面代表住乜,唔駛小弟再費筆墨吧!

又再講佛偈:剃人頭者,人亦剃其頭;你算得人時,人亦算得你;千算萬算都唔夠個天算;機關算盡總有缺漏。運房局同運輸署班貪官小心天讉呀!

返回主頁

沒有留言: