__

__

倡港獨喊打喊殺,咁就應該鏟除毛澤東



由舊年2月立法會新界東報選開始,港獨二字爭吵由網上正式擴展到政圈;再到舊年7月立法會選舉揭開戰幔,梁天琦被DQ參選,到支那共匪 (尤其是「香港市委書記」張曉明) + 疑似英國人梁君彥夾埋玩嘢裁定梁頌恆同游蕙禎兩位 MP 宣誓無效,香港獨立更成為街頭熱話。但是十居其十一唔係一開口話無可能、共產黨一出坦克就冚家散,就係附和於港共傀儡政權同一眾在港共匪跟尾狗口水尾「大逆不道」。唔好話有歷史、政治元素咁高層次嘅論述,就是最基本的「理性」以道理嘅討論,近乎完全欠奉。客觀睇,此亦成為港共傀儡政權可以越玩越大嘅成因之一。

雖然,普遍港燦同香港人否定香港能夠獨立嘅可能性,照正常計支那共匪 (尤其是「香港市委書記」張曉明) 無可能將「港獨」發到咁大,搞到港大校長馬斐森都要賣屎忽 (結果俾人整封信去佢下任老細 University of Edinburgh 要求唔駛佢返工)。稍有政治思維嘅人都未必諗得咁明點解可以搞成咁。簡單講,要是香港真的不能獨立,張曉明可以玩到咁咩?

有人話,張匪曉明之所以可以玩到咁,不過是秉承毛澤東名句「謊話講一千遍都變成真理」,老作老吹就可以煽動鬥爭。錯唔晒嘅,但要知道毛匪嘅玩法唔係完全無中生有就搞到出嚟,而係點都要有丁屎咁多論據根底,先可以拎嚟無限放大而變成「真理」。再一次簡單講:香港唔係無可能獨立。但要如何參透,日後另文詳述而唔是本文重點。

要同張市委書記就港獨二字進行鬥爭,為乜事要燒到偉大的毛主席嗰度?

支那共匪今日對港、台、疆、藏四毒喊打喊殺,可是時光倒流到1920年,中國共產黨醞釀成立之時,毛匪就開始提倡相當於聯邦制嘅「聯省自治」。再到1921年,就不斷以「湖南獨立」為基礎大做文章。呢堆統稱為「湖南獨立論」嘅垃圾文,有收錄於《毛澤東早期文稿(一九一二年六月-一九二0年十一月)》同《毛澤東選集》等書籍入面。

即係咁,梁天琦、陳浩天大喊「獨立」就唔俾選,梁頌恆同游蕙禎兩位 MP 不講「獨立」二字而只做象徵性質舉動,張匪曉明就要鬥到佢哋準備做「四年後一條好漢」,毛澤東咁大逆不道,仲要長篇大論寫文無數講「獨立」,點解港共傀儡政權同一眾在港共匪跟尾狗粒聲都唔出先?再仲有的,張曉明咁「憎」獨立,點睇老祖宗毛澤東响93年前前做埋啲咁大逆不道嘅事出嚟呀喂?

按照要對「港獨」喊大喊殺嘅邏輯基礎,理應狠狠對付毛澤東,先至合情合理囉。雖然,偉大的毛主席已經作古41年,但按照文革嘅鬥爭邏輯,應該要將可能仲在生嘅兩個女李訥同毛嬌嬌(話之佢哋都超過80歲啦。薄一波受薄熙來批鬥時都就嚟70),到啲孫楊月花、湖南衛視主持人孔繼寧、孔東梅、王效芝,當然唔少得出晒名嘅毛新宇,再連埋佢啲仔女毛東東同毛甜懿,全部拖晒出嚟掛住「老祖宗大逆不道」牌篇遊街示眾、跪玻璃..... 先至符合文化大革命「抄家滅族式批鬥」嘅鬥爭準備,先至啱喎。張市委書記 (呀唔係,江澤民未成功謀反,仲係張主任) 係咪應該咁話先呢!

OK,就算有如教育局 (該正名) 黨委書記蔡若蓮個仔跳樓死之後,周街港燦「禍不及妻兒」之論,點都起碼要同毛澤東「鞭屍」咁先啱囉。最起碼要拆走天安門城樓幅毛澤東畫象,拆卸毛主席紀念堂,燒咗條屍 (其實可能係蠟像),咁先至符合晒「喊獨立就是要鬥到底」嘅表現同邏輯!

唔該林鄭月娥、楊潤權、蔡若蓮,以至成群同中國共產黨 (姑且暫用正名) 痴金糠嘅政客,包括民建聯、工聯會、(疑似中聯辦某副主任條女嘅)梁美芬嗰啲一視同仁,秉承黨嘅「鬥爭就要鬥到底」訓令,鬥得游蕙禎梁頌恆兩位MP,就要鬥爛鬥臭埋毛澤東。麻煩你哋盡快去信國家主席暨中央軍委主席習近平,要求「因為提倡湖南獨立是大逆不道所為,建議拆走天安門城樓幅毛澤東畫象,拆卸毛主席紀念堂,及將紀念堂內的毛澤東遺體火化。以警告所有分裂中國之徒,凡喊獨立二字的都不會有好下場」。但9月30日前你哋唔行動,小弟就親自行動。唔係玩嘢,而係證明你哋先係無跟隨黨嘅指示;再衰啲講,我呢啲擺明(689同張曉明視為)「逆賊」嘅,比你哋更會跟隨黨嘅指示,你哋等仆街啦!

後記:
1. 所謂「知己知彼,百戰不殆」,要對付支那共匪就必定要熟悉佢哋嘅玩法係乜;
2. 再要知道支那共匪最耍家嘅技倆就是「公佢贏,字你輸」,以為自己天下無敵。然後就拎返晒啲舊屎臭屎出嚟 Prove 「搬龍門」,即是「打著紅旗反紅旗」嘅其中一種表現,佢哋就唔識招架!

返回主頁



沒有留言: