__

__

巴士模型炒家真係應該死全家



小弟係有儲開巴士模型,但唔係盲目的出乜買乜。一來雖然住處尚算「有地方」,但終歸都存在「土地問題」;二來「出乜買乜」遲早破產,有錢都唔係咁使法。

人好難唔回望過去。曾經窮到燶嘅日子,有唔少巴士模型推出結果買唔到。近一兩年財政稍為正常,自不然想「尋回昔日失去的」。在 Yahoo 拍賣或有人在 Facebook 設立的銷售群組,都能成功尋得心頭好。

小弟明白「限量發行」呢四個字就會衍生炒買,過去一貫立場已經唔堅持「折舊率」不該高於原價,只要並非天價,例如「新貨」$438而賣家開價唔過 $500,我都費時講價 (有响 Facebook 買賣 Group 同我交易過嘅都知。無失實陳述囉)。至於 Yahoo 拍賣就真係膽搏膽,一來「賣家開分身A/C」托價已成常態,二來 Yahoo 啲買賣雙方聯絡機制真係廢到一個點。仲有買家/賣家失蹤耐唔時發生,向 Yahoo 投訴咩?客服只叫你「俾負評」,即係投訴嚟都無用。

上個月响 Yahoo 拍賣見到部九巴「圓頂寶」,叫價在「射程範圍」好自然就出價。得 Bid 之後亦當然按照賣家指示「三日內聯絡交收」,但結果賣家玩失蹤。


坦白講,我都知,成交價真係超筍價;賣家嚟講就是賤價,炒家更是「跳樓(都唔掂嘅)價」。但所謂「自由市場」就係願者上釣、打死無怨,係咪咁講先。

再者,撇開「模型唔係拎嚟炒賣」呢啲懶係崇高嘅立場唔講,就是股票行、基金佬賣廣告都要加註腳
投資涉及風險,股票或基金價格可升可跌,投資者可能損失全部投資產品價值
你要炒係一件事,包賺架???

追咗幾日都潛水,就是連向 Yahoo 投訴都無用,度氣真係頂住。再者,賣家唔想賤價而沽,咪即管出聲囉,就算最終都係「負評」,總好過Lost deal 無得套現吖,再又係咪咁講先?!!

卒之「公器私用」的追殺買家,本來打算都係出咗道氣就算。點知「佢唔好彩」有人路見不平向小弟報料


小弟一 click 個Facebook Account link,即刻爆粗。

架「平頂寶」標炒價我都算 (姑且「自由市場」願者上釣,我心甘命抵),而係呢條友慌死我走佢數,死催爛催,仲要鬧人。交收時間地點只有就X晒佢,好似得佢啲時間好寶貴嗰隻。我做緊嘢接唔到佢Call就發癲:


(要食花生可Click 圖放大慢慢睇)

收到報料之後我 PM 問佢,仲要算係好客氣嗰隻,問佢係咪當事人而無一口咬定係佢,叫做俾位佢 / 鋪下台階


結果,只讀不回!

報料人提及呢條仆街炒家係會出動埋老母「掃貨」,擺明炒家一件。又再次撇開「模型唔係拎嚟炒賣」呢啲懶係崇高嘅立場唔講,我忍你。但Quote 多一次股票行、基金佬賣廣告要加嘅註腳「投資涉及風險,股票或基金價格可升可跌,投資者可能損失全部投資產品價值」。保證賺架?炒燶咗唔駛負責架?

當日你追我交收架平頂寶就天大道理 (仲幾乎屌我老母),我追你交收就玩潛水。俾晒機會你都唔應機,咁就只好公開你啲仆街事囉。你咪怪人,亦唔好怪「踩中我」,要怪就怪你自己心術不正得惹人反感而有人報料俾我。

後記:
1. 不論Facebook 定 Yahoo 拍賣都可以開分身掩人耳目,大家小心!
2. 姑且「左翼」(Not 左膠)一點,模型係收藏品,的確「有價有市」。但全心炒買,真係唔值得鼓勵。仲要出動埋老母,真係老土嗰句「有爺生、無乸教」
3. 如有同款巴士模型想出售可以聯絡我,真金白銀 $580 同你要咗佢。

返回主頁










2 則留言:

Genesis Lee 說...

完全認同你!!
果條友仔我都見過

Toni Tokai 說...

我知呢個post已經有幾個月。
算啦,Yahoo一向多港豬同藍屍用,唔係點解Yahoo拍賣咁多on鳩同閪賣家呢?
與期同嗰班港豬賣家買部圓頂寶,倒不如買九巴近期用新模翻出圓頂寶好過。
個人認為新版圓頂寶個模好仔細,而且唔駛洗五嚿幾就買到。
仲要你直接去門市買就得,唔洗畀sub鳩拍賣費添。
下面有傳送門畀你參考。
http://www.80mbusmodel.com/eshop/photos/KMB-M-2017050.jpg
http://www.80mbusmodel.com/eshop/photos/KMB-M-2017049.jpg