__

__

加泰隆尼亞獨立玩完?同馬德理攬炒大戰就真



加泰隆尼亞响1OCT獨立公投之後,自治區主席普迪蒙特(Carles Puigdemont)遲遲唔宣佈獨立,10OCT 加泰自治政府議會草擬好獨立宣言,吹晒風話會隨即宣佈獨立,但結果係普迪蒙特只係畫押然後宣佈押後獨立。接續呢十日,馬德里同巴塞隆拿刀來劍往,西班牙首相拉霍伊 (Mariano Rajoy) 出動到廢除自治權向加泰迫供,照平常的思路 Puigdemont 應該嗱嗱聲宣佈「走人」,但到香港時間今日0300,只係「打咀炮」狠批馬德里中央野蠻無道,繼續俗謂「扭屎忽花」而無宣佈獨立。

香港特別行政區Game Over



英國保守黨人權委員會羅哲思 (Benedict Rogers) 被支那共匪拒絕入境香港,支那外交部話係「外交事件」,果然餘波未了。

先有香港總督彭定康去信林鄭月娥,字裡行間質問林門鄭氏會否禁止彭督入境香港,事隔一週林鄭似乎仲未應機;跟住英國政府响日前傳召中共駐英大使抦鑊甘,再跟住首相文翠姍都講兩句敦促支那共匪唔好唔記得香港係實行一國兩制。

香港就快成街遊魂野鬼



華人置業 (HKEX:00127) 二世祖劉鳴煒串年青一代情願花錢去旅行都唔願儲錢買樓,俾人抦到爆晒廠。無視樓價同實際購買力脫節,仲衰過晉惠帝。

衰啲講,買樓其中一個目的係扑嘢。但死慳死抵先至可能俾得起200呎唔夠嘅 Nano Flat 嘅首期,更大可能係舞雷公咁遠,一個月交通費又成千銀,加埋供樓、燈油火蠟管理費又萬幾兩萬銀。去旅行住好少少嘅酒店,間房嘅面積同層納米樓差無幾,最緊要係起碼Queen-size bed (5x6.5呎),甚至係 King-size bed (6.5x7呎),一定大過 Nano Flat 諗到爆頭都係頂盡「四呎半床」,唔好話起身出去吃喝玩樂連床都唔駛執,剩係張床嘅大細已經「扑都扑得開心好多」。兩個人去 4-5日使幾千銀,所謂Price-cost-value,正常人都真係情願去旅行啦。

小巴佬唔係走游蕙禎數嘛



照大形勢應該等雙規、但個腦仲認為自己係香港市委書記嘅張曉明(有合理理由相信)決定命令(疑似)英國人梁君彥向游蕙禎同梁頌恆兩位 MP 追數合共近二百萬,擺明就係文革 mode 「鬥死敵人」嘅手段。鄭永健案有如「李光耀清算馬共」級數摧毀張匪曉明夾埋民主回歸論頭號打手劉廼強嘅大計,張書記承襲自薄熙來啲鬥爭思維點會撳得住吖。

馬爆在即,柔佛真係準備率先走人



對香港人嚟講,就算有留意時事甚至國際政治,主要涵蓋星、馬、印尼嘅南洋政治始終比較少人為意。一來南洋政治真係好膠,而嗰種膠又唔係法蘭西、比利時嗰種膠得嚟有得笑,而係膠到好多嘢解釋唔到;二來當中包含嘅元素除咗政治角力、經濟,仲有宗教、種族。再仲有撈埋一碟嘅文化同煩過嘔茄嘅歷史,複雜到唔係好似小弟、世澤、李振良等有南洋家庭背景係好難參透。

禁羅哲思入境香港是外交? 咪玩啦!



英國保守黨人權委員會羅哲思 (Benedict Rogers) 被支那共匪拒絕入境香港,支那外交部話係「外交事件」,仲要聲大大「誰可入境係中國政府話晒事」;香港市長林門鄭氏亦應聲蟲的認同「外交事件」認同北京有權咁做。不過,羅哲思响英國政界根本就無一官半職,支那共匪咁都禁止佢入境,就真係搞到件事變咗做真‧外交事件

香港同加泰隆尼亞係唇齒相依



加泰隆尼亞獨立公投的投票正在進行。馬德里中央政府派出警察大肆破壞公投票站等鎮壓手段 (BBC 報導)。


加泰隆尼亞同西班牙中央政府關係勢成水火嘅成因眾多而繁複,語言同文化當然係重點,亦係加泰人多番發動獨立運動嘅論述基石。要稍加深理解加泰隆尼亞同馬德里嘅恩怨,必定要數返去大獨裁者佛朗哥(Francisco Franco)。佢又係以社會主義為名實行專制獨裁統治,中央集權控制地方。但古今中外歷史都記載個別實力較強嘅地方區域要不是受到打壓迫逼就是被榨取資源及收益,然後促成地方與中央的交惡。佛朗哥亦係採取高壓嘅管治手法,控制意識形態就是必然,其中之一當然係壓制加泰語文嘅存在空間,佛朗哥時期(1939-1975)禁止加泰地區學校教授加泰語。