__

__

小巴佬唔係走游蕙禎數嘛



照大形勢應該等雙規、但個腦仲認為自己係香港市委書記嘅張曉明(有合理理由相信)決定命令(疑似)英國人梁君彥向游蕙禎同梁頌恆兩位 MP 追數合共近二百萬,擺明就係文革 mode 「鬥死敵人」嘅手段。鄭永健案有如「李光耀清算馬共」級數摧毀張匪曉明夾埋民主回歸論頭號打手劉廼強嘅大計,張書記承襲自薄熙來啲鬥爭思維點會撳得住吖。

重提鄭永健案,係要說明游蕙禎同梁頌恆兩位 MP 被 DQ 背後的不義因素,同支那共匪 (尤其是張曉明) 係要立心整死佢哋。進一步推論就算佢哋宣誓無「玩嘢」,港共傀儡政權總會受命於支那共匪 (尤其是張曉明) 不斷搵機會搞走佢哋離開議會。簡單講即係「死」是必然,爭在遲早咁解,只不過宣誓就被支那共匪引爆咁解。當然,不得不提梁耀忠呢件逃犯真係正一仆街冚家鏟,仲要街工周偉雄串串貢話「權在秘書長陳維安手上」。喂阿哥,秘書權力大過主席?支那共匪人大呀!

講返游、梁兩位 MP 被追數,如今已成事實,除咗佢哋疊埋心水準備「四年後一條好漢」之外,亦就是成件事充滿不公義因素;又甚至最小農思維「炒魷仲要追人工,痴膠花架?」實在無理由要佢兩個孭呢條飛。代找數係一個合理嘅手段。

港共傀儡政權立法會行管會响 8月底表明一定會追佢哋數,我已經指出除咗投票俾佢哋嗰58000幾票嘅選民可以出一分力之外,小巴加座位成事 (雖然俾進智公交CEO陳文俊炒禍少咗一個位),游MP 以至青年新政 (及相關友好組織) 出過唔少力就係不爭嘅事實,所以小巴業界係最有責任為佢哋「頂」呢條數,是無可否定的!順便要講,呢啲唔係叫政治交易,而係政治倫理道德,所以啲左賊、飯桶之流唔好乘機抽水嗌乜春「勾結商界可恥」。

小巴業界可以點同兩位 MP「頂」?第一個係最直接嘅方法,用一個小巴牌做按揭借貸套現,然後拎舊錢去立法會或者法庭。
以最新銀行對小巴牌價估值 $360萬,$180萬即係只要拎一個牌做一半按揭。利率P-2.3%,60期=月供約HK$34,000。再算爆啲,每日千二銀。你班小巴佬唔係拎唔出呀嘛!尤其是陳文俊,嬴場馬都唔只三萬銀啦!

第二個方法係結合黃世澤提議嘅「神沙黨」計劃。唔一定要有如「歡樂滿東華」義載,事實上街上有好多燦唔LIKE 游、梁兩位 MP,影響呢個方法嘅成效。
據小弟了解,現時專線小巴的八達通 / 現金收入比例約8.5:1,即是有約 10-15% 散銀。以運輸署乘客調查小巴每日乘客人次約170萬;專線車數約3200部,佔總數4350部約七成,即是「俾散紙」嘅專線小巴每日人次約12萬。以平均車費$4.0 計算,每日就有大約 $500,000 散銀。四日嘅錢箱神沙可以「頂」晒有凸。

第三個方法係秉承「加座位」嘅成果。在政府咨詢期間,小巴業界預計每部車增加4個座位可帶來約15-20%車費收入增長。以每部專線小巴平均每日車費收入約 HK$2,500 計算,加咗座位就每部車每日增加約 $400.00 收入,3200部專線小巴總計一日就收大約 HK$1,280,000,兩日搞掂,頂盡三日目標達成。

只係提專線而不提「紅頂」,第一個原因係「紅頂」其實應該消失於香港路面,同時地亦係好多涉及小巴嘅公共運輸政策仍然膠到核爆嘅問題根源;第二就係兩位 MP 之所以由凡人踏進政界是因為遮打革命,而旺角通菜街先達嘅潮聯商會當日大大聲叫反對佔路、夾埋民建聯搞禁制令,但通菜街4條行車線霸咗3條就聲大大「係要霸呀,吹咩」。不可能提供機會俾佢哋「買贖罪券」!

唔好覺得小弟呢個提議好膠,又或者一味諗住「班小巴佬睬佢兩個都有味」、「加咗座位就過咗海神仙」而認為無可能。坦白講,以我對佢哋嘅認識同了解,真係會同兩位 MP「頂」嘅可能性唔係太大。但最起碼要提出呢個做法,俾班小巴佬自己慢慢諗,更是要建構立此存照,小巴佬就是只會唯利是途,不顧甚麼政治倫理道德,等他日多一個理據進行大清算而佢哋除咗束手就擒就無得反抗。

但有三間專線不在清算之列,亦無需「追」佢哋要「幫手『頂』」:
有游蕙禎車身廣告嘅捷輝小巴;

俾陳澤滔响 37M (黃大仙-慈雲山)「貼玻璃」嘅小巴大王馬亞木家族;
俾游蕙禎同陳澤滔「貼玻璃」嘅70號 (維港灣-鑽石山地鐵)嘅捷溢投資 (即是捷成車行);

其他的,佢哋唔「頂」的話在「大清算」時大家想點處置,我當乜都睇唔到,尤其是貴為上市公司嘅進智公交。雖然黃文傑老先生日前仙遊,但小弟不是對黃老先生不敬,而係以我認識嘅黃老先生是一位懂得大義嘅老行尊,總會在「大局為重」之下做應該做的事。再者,點都要講多一次,要不是「十九CEO」陳文俊衰多口就唔會少咗一個位。就是進智公交不以公司名義出手 (事實上亦因為係上市公司而可能唔方便) ,陳文俊有絕對責任以個人名義出手「頂」條數,「頂」唔晒都起碼要根據車數 (約360部) 頂10%。

最後,都係要同一眾小巴公司老闆講句「嘢就人哋做咗,唔好當無件事。這就是政治倫理道德」

返回主頁



沒有留言: