__

__

TVB禁奶令,沙地極端伊斯蘭勢力延伸咋



往常 CCTVB 台慶嘅焦點都集中於女藝員著得有幾少布,波罅到底唧有有幾深,再唔係就等睇跟住兩日啲報紙 C疊有幾多露底褲、波邊、砵仔糕之類嘅走光照片。今年無啦啦出「禁奶令」,唔少人心諗 620 不過係「逆線宣傳」搏收視之嘛 (的確,台慶嘅收視率連年下跌),點知真係大部份女藝員都「封奶」。

利申:我頭先同女友人晚飯而食店有電視,咁啱睇到而講開。

標題黨一定想鬧:唔好上綱上線講到咁誇張啦。香港嘅事點可能關中東事呀?! 但是,小弟寫得點會無的放矢呀!

無錯,香港同中東响政治上可謂完全零關連,但如果話俾大家知,馬來西亞 ASTRO 華麗台 (電視解碼器311台) 係同香港 CCTVB 翡翠台同步直播 (應該係 delay 15秒),應該估到少少端倪。不過應該絕大部份人都仲未明白發生乜嘢事。


首先講返馬來西亞近期嘅在宗教有關的政治/社會爭拗,重點係極端保守派不斷散播伊斯蘭原教旨主意嘅觀念,對「世俗」指手畫腳諸多批評,例如可能比較多香港人知嘅「清真洗衣店」,其他細節唔詳盡講,可參考前文《強烈支持馬來西亞政府驅逐所有華人出境促成政教合一政體》。班「包頭佬」以 (曲解的) 回教教義做道德判官好多年,唔少主張都係針對女性。女性著罩袍包頭之外,其中一樣「重點打擊」就係女性胸脯。香港嘅報刊「打格仔」只係乳頭,馬來西亞嘅報刊唔好話Push up bra、Nude bra 唧到條線,就是領口低少少乳溝晾起咗都要打格。

唔信?留响馬來西亞十日八日,每日都去便利店買報紙,必定有一日會睇到。小弟就係年初返古晉留咗八日,讀《詩華日報》同《國際時報》時睇到!

或者大家仲會抽秤:咁多年嚟都係咁啦,點解往年唔禁今年先嚟禁唧..... 都多舊魚。問題在於馬爆 (馬來西亞經濟崩潰以至國家解體) 其實已經不可逆轉,巫統正是支那共匪清洗黑錢嘅白手套,支那共匪為求盡力保住响馬來半島嘅身家,必定要做啲嘢向巫統示好;另一方面,當前大馬借 (被曲解的) 伊斯蘭教教義嘈到翻天覆地嘅黑手正是執政黨巫統 (夾埋伊斯蘭黨),而巫統同支那共匪嘅關係密切到可以列席「十九大」。哪麼支那共匪要拉近同巫統嘅關係嘅方法,當然就係迎合返 Najib 同 Hadi Awang 嘅口味,CCTVB 禁奶奶就 Match 返馬來西亞報刊「打格仔」嘅標準囉。

只不過巫統同伊黨嘅玩法,其實承傳自沙地阿拉伯 (詳情可讀《極端伊斯蘭主義散播危及全球安全》,所以,起題不單絕非上綱上線,小弟夠膽講係正確陳述。同時可以話,鬧我嘅其實係無國際視野之徒而已。

唔扯到沙地咁遠而集中睇支那共匪同巫統嘅關係,仲可以見到支那共匪為求穩住權力同利益,對香港不擇手段嘅地步係超乎大家想像。

後記:
同女友人席間談到電視畫面見的藝人「年紀有返咁上下」,引證香港演藝事業完全青黃不接。我聯想到的,要不是盧覓雪當年大力推動「狗仔隊」式採訪,只顧挖掘藝人私人活;又娛樂版只顧大灑鹽花,搞到 Artists 十居其九只為求曝光率出賣私人活 (女性仲要出賣色相) 而唔係努力於演藝材華發展,香港嘅電視、電影、音樂點會搞到一潭死水吖。

返回主頁

沒有留言: