__

__

何志平被捕,香港大亂揭幕



今朝瞓醒乜都未做,就見到電話大量News Prompt 美帝走狗FBI 以涉嫌清洗黑錢罪名拘捕何志平,未食早餐都已經食花生食滯。當然,同時想起一大堆同「求韱基督徒」關連的人、事、物,與及國際政局變化對香港產生嘅因素。

首先講美國政府今次行動產生的效果。
第一,美國對香港以至支那嘅立場取態急速變化,甚至可以話「飄移甩尾式掉頭」
第二,何志平是支那共匪清洗黑錢的「白手套」身份曝光;
第三,中国共产党透過香港進行清洗黑錢證據確鑿,而且有香港政府官員參與其中,甚至親身行動;

第一點的確複雜,又或者以港燦腦袋充斥「為咗錢點會得罪共產黨」思維而認為唔合理。

先講比較複雜嘅國際關係問題。美國對住支那共匪真係處於下風,因而對華政策及亞太地區事務嘅態度會向共匪處處忍讓嗎?撇開美、支爭奪地球控制權在政治同軍事嘅競爭行動,要知道支那共匪「輸出革命」只得用錢收買一度板斧,而過程中收受利益嘅國家除咗錢之外係無嘢得到,甚至觸發國內民情不滿危及管治者的地位。例如肯雅、斯里蘭卡都因為中国發生示威騷亂;相對美帝實行毛澤東所云嘅帝國霸權嘅過程中,提供金錢利益之外亦盡量穩定「愛惠國」嘅政局。

用江湖電影比喻,「49仔」幫共匪打到一個新地盤之後,就算扎職「426」,無幾耐就俾頂頭大佬「搞掂」。但幫美帝守住地盤 (守住咋,唔駛打),就長食長有,食唔到過世都起碼在可見將來都衣食無憂。比著你,你會跟共匪定跟美帝吖?! 共匪嘅國際勢力根本得個殼,仲要只係雞蛋殼。

對於香港,美國政府可以因為香港為共匪清洗黑錢嘅平台曝光,已經大條道理加強監察香港匯款出入境管制等收緊金融方面嘅政策,已經夠玩謝香港。仲可以因為有特區政府官員背景人士參與其中,採取多項政治方面嘅措拖。唔好話 Marco Rubio 推動嘅 HK Human Rights and Democracy Act 呢粒核彈要得到國會通過嘅阻力已經大大減低,借谷開來持有特區護照做理據收緊特區護照申請簽證審核,更加有排玩。

雖然,第二點從來都係官場同商界公開的秘密,但始終無證無據,一直俾人話鳩吹。但今鋪斷正,香港的清白終正式被毁。另一方面,支那共匪見終於東窗事發,必定狗急跳牆加強對香港嘅控制,以便在西方列強未擴大緝捕行動之前盡快同盡可能繼續運用香港進行洗錢活動。港燦唔好認為唔關你哋事,因為火勢必定蔓延波及本港整個銀行財金體系,開立戶口難度必定增加,提存款項嘅監察抽查亦必趨更嚴緊。

第三點就更大鑊。支那共匪從來一定只會搵自己人處理錢銀事情。何志平做得「白手套」,即是佢係共產黨員嘅可能性 >99.9999%。亦即是話由1997年7月1日開始,香港特別行政區政府就是共產黨幹部管治。衍生出嚟,港共傀儡政權(包括現屆同過去20年) 有幾多官員係共匪,人數隨時嚇死人。

另留意 FBI 公佈案情涉及支那共匪「石油幫」,即係周永康、薄熙來,頂頭大佬叫江澤民嘅嗰一派。即是話何志平是江澤民系統嘅卒仔,同系人馬最少仲有689同董建華。

美帝「斬」何志平意味江系洗錢「太平門」被封,老江必定發晒癲,但腦裡最先出現嘅諗法必定係自保。要自保嘅方法之一就係向美帝示好,棄車保帥推啲爛頭卒俾美帝「交差」係共匪嘅慣性思路,所謂「踩著屍體過河」嘛!死一個何志平,唔爭在推其他人去死。

只不過一眾爛頭卒也必會為求自保,唔同老江合作、要脅甚至出賣老江,亦是共匪史中的慣常。其中董建華以492億出售東方海外俾中遠集團,財金界普遍認為作價唔合理,加上政界亦普遍認為不過是一單「聖旨級」交易;而老董家族嘅業務一直以美國做市場主力,美帝走狗應該拎住涉及老董嘅證據,或最起碼係把柄,董建華隨時係 The next one 嘅可能性唔細 。順帶一提,英國、澳洲同日本握有 689 涉貪嘅證據,留名等睇 689「出事」之餘,亦可見美、英聯合對付支那共匪嘅陣營已經亮相。

「收買」美帝之餘,江系見「斷水」亦必定打算同習近平決一死戰。香港作為「案發現場」之外,統監府以至特區政府仲有相當多江系嘅勢力人馬,必會與習系就加強對香港嘅控制鬥過你死我活。估計統監府會策動大量具摧毁性質嘅行動,涉及全面社會範疇,為「輸咗我都要整爛晒佢」做兩手準備,相信負責宣傳統戰工作嘅副主任林武該會做打手領軍。加埋班爛頭卒圖自保而作反,共匪派系响香港嘅鬥爭將會白熱化,且「鬥」得胡亂出刀。另順便講,鼠王芬同林武嘅關係「唔係想像中咁簡單」,相信必定利用地區勢力為隻觀音兵四出搗亂。

美國終打開了 Pandora Box,香港亂局唔只已成,直頭浮上水面,大家小心睇路,唔好再繼續強國勃起了。

後記:「熱普城」系統嘅陳雲曾在特區政府民政事務局工作,直屬上司就是何志平。「白雲教」到底係一個乜嘢東西,隨住何志平嘅「白手套」角色曝光,都唔駛再多講。唯一要補充嘅係,文革成功爆發,《人民日報》五君子 ─ 夏衍、吴晗、廖沫沙、孟超和唐弢,真係功不可沒。

返回主頁

沒有留言: