__

__

職業司機不受尊重,係自作自受嘅惡果



過年前九巴反車意外,全城鬧爆「兼職司機好危險」而九巴將逾二百名兼職車長暫時停工,正職車長响農曆年期間 (尤其是年初一及初二) 做到氣咳,加上「咸魚」仍然肆虐,怨氣爆燈。另一邊廂,車長薪酬待遇相對人手不足嘅問題再度引發社會熱議,九巴推出「改善」薪酬方案,周街港燦再次憨膠的以為「厚待了巴士佬」,但好快就被各方拆解晒係明加實減,將公關SHOW 變成災難。有司機急急腳發動罷駛,結果只得6部車參與。發起人如今「一身蟻」已經唔駛多講成個行動有幾膠,望住成堆九記巴士佬只會逆來順受 (或聽工賊會老點),更引證巴士司機圈子成日講笑自嘲「巴士佬無一個係無辜」係完全正確陳述。

兼職巴士司機就是危機?



2月10日大埔公路大埔滘段雙層巴士反車的嚴重意外,在傳媒欠缺駕駛及汽車知識、與及只會搵啲「有朵有牌頭」連9,10牌都無嘅所謂專家說三道四,合力繼續以「慢就是安全」 Spin 車速之外,又搵到職工盟轄下巴士業職工會聯盟副主席郭偉光 (行內俗稱「綠簿仔」) 俾到個「兼職車長缺乏經驗,比較危險」嘅 Sound-bite,搞到全香港遷怒於兼職巴士司機,繼而九巴斬腳趾避沙蟲勒令為數209名兼職車長停工,導致初一至初三九巴各線班次脫班情況惡化。另一邊廂,兼職車長通過各種渠道「圍剿」郭偉光,嚴斥佢「扑爛飯碗」、以為咁就可以保住全職車長的利益是白痴思想所為,同時地全職車長亦因為人手不足致工作量增加而埋怨公司「兼職停工」是錯誤決定,加上傳媒一味集中講車速問題而本來可以開快少少嘅路段都唔敢「踩咁盡」導致休息時間減少,與及乘客「加強『監察』」的無形壓力增加,怨氣充天。可以先見到「勒令兼職停工」已變成一場公關災難,且同時是對外及公司對內,九巴今鋪有排拆。

車公四十一韱仲大鑊



有報導指沙田車公廟師傅調亂咗兩枝韱,為香港求的該是第四十一韱 (第廿一韱是為沙田求卦的)。先唔好計堅定流或批評師傅「專業失當」,小弟睇返第四十一韱嘅韱文,然後再用極度皮毛嘅知識功力去參透分析,得出嘅結論就如文題。

唔專業解韱 - 車公廿一韱



戊戌大年初二,小弟捨得「開年」。先恭祝各位讀者「 身壯力健,財源廣進,萬事如意,心想事成,出入平安..... (下刪三百字)」

每次農曆新年大年初二,港府 / 鄉議局都派人到沙田車公廟為香港求韱問卦未來一年運程。雖云信則有不信則無,但尚且就是習俗,不信者可視作本地文化。

今早鄉議局主席劉業強於巳時 (0900) 為香港問得第廿一韱。

據好多年前與一位玄學命理師傅閒聊,他提過車公韱文並沒有如黃大仙韱文有典故,相對地比較難解說,但車公在世時為將領,對君臣忠心之餘更關懷社稷,故會淺白的教誨信眾,因而亦可憑字面去思考參透。不過,那位師傅亦有講,與其視之為預視未來,不如視之為訓誡「當關注反省眼前事」。小弟姑且以此印象記憶的皮毛道行,嘗試解說一下。