__

__

車公四十一韱仲大鑊



有報導指沙田車公廟師傅調亂咗兩枝韱,為香港求的該是第四十一韱 (第廿一韱是為沙田求卦的)。先唔好計堅定流或批評師傅「專業失當」,小弟睇返第四十一韱嘅韱文,然後再用極度皮毛嘅知識功力去參透分析,得出嘅結論就如文題。

第四十一韱嘅韱文係咁:
攝衣欲過灘頭淺,轉計回來怕濕身
人若不信辛苦事,何能取得保全寧
解曰:凡事小心,自身平吉,求財吉利,家宅後吉
斷韱:家宅不寧但後吉,自身要勇敢果斷,出行合宜但謹慎,姻緣退縮則不成,生育不順但無礙,行人途中有阻,財運艱難,勿圖不勞而獲,訴訟和談可解決,搬遷不宜,疾病可愈
先解說韱文。

攝衣欲過灘頭淺,轉計回來怕濕身
香港最出名莫過於「結果就想要,但唔好要我付出」、貪小便宜、有我著數蝕底就你嘅...... 直接啲講,車公就是向一眾港燦直斥其非!粗俗啲講就是「你哋班仆街港燦成日又怕痕又怕痛、又要威又要帶頭盔、俾$1想買到$10嘢.....」
而套用於港共傀儡政權,就是講出「以為跟隨共產黨指令就無事,但驚討好返香港人就得罪共產黨」嘅現實真相。再血淋淋啲講,即使唔係將一國兩制判咗死罪,都可以話係教誨「除非是但一邊讓步,否則一國兩制無得搞」。

人若不信辛苦事,何能取得保全寧
又是先講香港整體。如前述,香港人最想要著數,但唔要付出代價。但呢個世界邊有咁多不勞而獲!套用「斷韱」所指的「自身要勇敢果斷」,即係指斥港燦廿幾年嚟「飯來張口」同「唔用腦」嘅嘅做人態度,而想得安樂生活,簡直痴心妄想、痴人說夢話!唔駛講政治、CCTVB 新聞報乜都不加思索照單全收,淨係講每次地鐵故障只會埋怨、等接駁巴士、想改搭巴士小巴就做慌失失奇兵,之後就繼續「除了鐵路以外沒有別的交通工具」、信奉「敬畏鐵路萬能俠是智慧的開端」,已經應晒棍啦!
至於對港共傀儡政權嚟講,也就是車公破口大罵「手掌又肉手背又肉,以為隨風擺柳、因時制宜,唔跟返公義原則去辛苦,甚至以為「好女兩頭瞞」就可保平安?等出事啦!」

第四十一韱不單可理解為車公鬧香港人鬧得更加狠,綜合四句韱文去睇,香港陷於一個「死局」。尤其是「一國兩制」所衍生嘅社會問題,支那共匪會讓咩?掉返轉講,香港會讓就等如 Game Over。「死局」唔係無得拆解,但唯一嘅拆解方法就是「破局」。如何「破」?通俗啲嘅講法係「置之死地而後生」。即係要點做?再講一次,香港嘅社會問題响支那共匪之下有得解決嗎?明嘅明唔明都唔好問,已經講到好白。

又反過嚟講而聚針對港共傀儡政權,繼續一時一樣 ── 政制(尤其是涉及支那共匪「領土主權」) 同錢銀就討好共匪主子、其他事就睇風向同風勢,搵到位就姑且漏少少「碎銀」俾香港人,唔好話順得哥情失嫂意咁虛,就是打份工咁樣扭屎忽花,俾老細郁爭在遲早,就是常識!

至於「訴訟和談可解決」則不是小農奴隸基因嗰種「家和萬事興,有乜事咪慢慢傾」,要知道「庭外和解」呢四個字嘅前題係响法庭「打鬥進行中」。幸好「家宅不寧但後吉」同「生育不順但無礙」,應該都能最後逢凶化吉。

綜合整張韱去講,港共傀儡政權就算唔是死路一條都氣數已盡,爭在會否响最後倒數階段做返啲應該做嘅事以能「死罪可免,活罪難饒」留返條爛命苟且偷安終老;而對於香港人嚟講,仲繼續啲爛泥做人態度,不單難過動蕩不安嘅日子,就算危機過後一樣唔會好受。

要講嘅係咁多,奉勸香港人好自為之!

返回主頁

沒有留言: