__

__

哈迪阿旺諗清楚仲係咪要痴實納吉



千呼萬喚終出來。馬來西亞首相納吉今日早上到皇宮覲見國王請求批准解散國會,獲得批准後就正式宣佈明天 (7APR) 正式生效。根據馬來西亞憲法,大選將在不超過60日內舉行,即最遲6月6日。但是今年伊斯蘭齋戒月在 15MAY - 15JUN,而按照齋戒月期間「大事勿宜」的傳統習俗,只能齋戒之前;另外大馬選舉法訂定最少有14日的「選舉期」,即係大選將在21APR - 14MAY 之間舉行,實際日期有待官方正式公佈。


馬來西亞聯邦實行君主立憲制度,國王由11個州蘇丹輪任,所以程序上國會及內閣制任期終結 (或提前解散),首相都要向國王稟報及批准。亦所以有今朝的程序。不過,大家留意下日曆,4月6日,星期五

根據伊斯蘭教教義,星期五係安息日,除咗必要的例如公共服務、人名悠關的,通通都唔做。這唔單只解釋到為何納吉見完國王宣佈「解散國會」要等到明天 (7APR) 之外,仲有就係納吉今日見國王係違反伊斯蘭教義;再仲有的,因為國王 / 州蘇丹同時係伊斯蘭宗教領袖,納吉此舉更是對國王不尊、對伊斯蘭真主不敬。

過去小弟寫過,馬來西亞近年在伊斯蘭黨主席哈迪阿旺 (Hadi bin Awang) 大力鼓吹政教合一主張,推動伊斯蘭刑事法之外,乜都要 Halal / Non Halal、千錯萬錯都係女人錯、甚至連細路女都唔放過......而執政黨巫統亦同伊斯蘭黨一唱一和,以便借勢針對最大非穆斯林政治勢力 ── 華人為主的民主行動黨,搞風搞雨、搞屎搞屁搞到大馬國內的宗教同種族問題亂七八糟。哈迪阿旺同納吉嘅表現有如襟兄弟咁親密。

哈迪阿旺所主張的背後理念,係「馬來西亞貧窮落後因為國人對真主的不尊敬」、「因為有非穆斯林沾污馬來西亞國土所以招致真主懲罰而貧窮落後」...... 總之一切問題都皆因宗教而起。納吉今日所做的,既然違反伊斯蘭教義、對國王不尊、對真主不敬,哈迪阿旺應該快啲同納吉割蓆囉!如果唔係,就如檳城大水災之後哈迪阿旺出嚟「抽水」指檳州「招真主懲罰」,他日吉蘭丹州有乜天災人禍,想問哈迪先生孭唔孭得起呢個責任先?

但又講真,現時哈迪阿旺率領嘅伊斯蘭黨到底係真誠對真主、定只係借真主之名撈油水嘅政棍,佢哋自己同真主交代啦。

撇除所有宗教元素,今日納吉求勝心切到可以話「犯天條」,賊相盡現就是了。

後記:小弟唔曉Bahasa,希望有馬來西亞嘅朋友可以翻譯小弟呢篇文章,分派俾馬來族同胞睇。

返回主頁

沒有留言: