__

__

共匪討伐戴耀廷,不過是重演搞周子瑜嘅小醜把戲



北京人民大學黨史系前教授林保華有份組織成立的「台灣反共救國青年團」响3月24至25日在台北舉辦的研討會,邀請到港大法律系副教授戴耀廷為其中一位講者嘉賓,該正名支那共匪香港統戰宣傳部嘅《文匯報》嘅記者化身狗仔隊全程跟貼,然後聲大夾惡嘈生晒,將戴教授在研討會上的「港獨」言論小事化大的炒作,再惹起劉兆佳、中共香港支部等一堆土共嘍囉喊打喊殺。表面睇是為「23條」鋪路,係正確嘅觀察分析;同時地,針對港燦睇「新聞」當事實之全部嘅習慣,產生統戰宣傳作用,除咗為「23條」建構輿論,同時打擊港獨派、歸英派、本土派,封殺或鋪路封殺,劉子頎遭浸大停學就是其中之一個呢方面嘅結果。只不過呢類支那共匪慣常使出的鬥爭手段,唔識黨史、唔熟共匪黨性嘅就嚇死,識嘅就完全笑撚死!

首先了解返戴教授响研討會上 exactly 講乜。但先「自爆」,小弟其實亦獲林保華夫婦邀請出席呢個研討會,我在場並親耳聽晒 Benny 講乜!戴教授不單無講過「支持『港獨』」,只係指出基於言論自由嘅原則,與及中共政權能否永續執政嘅現實條件之下討論香港嘅未來前途,而獨立係其中一個選項,仲有講到明「唔支持港獨」、「現階段我唔認為港獨係可行」,只是支那共匪為進行鬥爭而無寫出街。過往有同 Benny 交流過嘅人都會好清楚知道佢即使不算大中華膠,亦不是主張香港獨立/歸英嘅人。可以更清楚見到支那共匪今鋪根本完全徹底係屈得就屈、監粗老屈,斷章取義瘋狂發花癲咁屈。

撇開支那共匪嘅目的,集中睇整個批鬥戴教授所用嘅鬥爭手段、風格、套路,確係文化大革命期間 (以至反右運動) 司空見慣,戴教授以「文革」反擊土共係正確的立論同方向。

研討會嘅講者尚有其他極具份量嘅人物,包括東突的 Umit Hamit、蒙古的代欽、西藏的達瓦才人。唔計香港人不太認識佢哋而所以土共無點樣講之外,支那共匪有無响呢三位人士現居的德國、日本同「可恥美帝走狗紙老虎」發爛咋!美帝既向中国發動貿易戰、北韓靠隴進行中,德國為首嘅歐盟亦對支那共匪「搞緊事」,日本亦在美帝背後撐腰下對匪區有所動作,支那共匪「唔驚俾人打呀」!

來自香港嘅講者尚有劉慧卿、游蕙禎、周竪峰、黃政鍀、梁晃維、劉子頎、桑普、羅國強。也許周、黃、梁對共匪嚟講不過是蚊滋仔、羅是「過氣政客」而不屑一顧,土共有採取對戴教授嘅「火力」向劉慧卿發炮嗎?林鄭捐咗三萬俾民主黨,撇除政治不正確嘅睇法,香港班土共仲未諗得通到底發生緊乜嘢事,點敢針對卿姐!

游蕙禎表面上已被打到殘晒,但佢前年去信英國政府指斥人大釋法 (宣誓要表現真誠) 是違反《基本法》第158條要求英國宣告《中英聯合聲明》失效,而英國近月頻頻有所動作 (港燦唔識了解以至「睇唔到」架喇),共匪夠膽輕舉妄動嗎!大家頂多知道桑普有主持論政節目,有寫評論而立場對共匪亦不友善,但桑普的資歷及衍生的人脈關係,共匪可會有所顧忌而唔敢貿然針對。

反觀戴耀廷,土共只會認為「不過是一介書生」,平日講句嘢都陰聲細氣,「佔中」爛尾收場...... 仲唔係發動批鬥嘅最佳目標人選!再承如前述港燦睇「新聞」嘅態度同習慣,衰啲講嗰句「唔揀你戴耀廷嚟打簡直笨賊」啦!

標題提及周子瑜,唔係要「用明星吸引標題黨」呃 LIKE 呃 Click「擦存在感」。大家仲記得投共台灣藝人黃安「舉報台獨」搞到周子瑜喊晒口道歉嘅事件嗎?



2015年底,到南韓發展演藝事業而加入 Twice 女團的周子瑜,在一個節目中揮動中華民國國旗,黃安呢條投共仆街响支那微博發帖「舉報」周子瑜係支持台獨份子,呼籲匪區屁民封殺佢同 TWICE;並警告台灣、南韓嘅藝人同機構不得冒犯中国否則封殺。擾攘近半個月後,周子瑜在2016年1月15日在經理人公司 JYP 安排下拍片道歉及「承認係中國人」。

點解話今次土共批鬥戴耀廷是重演搞周子瑜嘅把戲?

第一,台灣演藝圈雖習慣地不會表明政治取態,但你估支那共匪唔知、唔會透過國民黨班二五仔、匪諜打探研究藝人是藍是綠、甚至是紅嗎?唔好計前文提過擺明車馬係民進黨嘅余天無去匪區「搵食」而無得「搞」,支那共匪無諗過向取態偏綠的藝人「開火」嗎?剩係有唱台語歌、拍三立台灣台啲台語電視劇嘅藝人,已經可以「上綱上線」搞一中一台,進行大屠殺式「封殺」啦!

第二,就算知道或打探到某位有到匪區「搵食」嘅藝人係偏綠又如何?玩封殺隨時觸及共匪黨內同志們的金錢利益,例如出席商演嘅嗰間公司係某縣市衙門、黨委辦高層個唔知乜嘢疏堂親戚,嗌封殺嗰位藝人搞到開唔成個Show,唔見錢兼無埋面,然後隨時發生「黨內爭拗派系鬥爭」,如果撳唔住「火勢」驚動中央就可能「雙規」!所謂「打狗都要睇主人」,邊個夠膽亂嚟呢!

第三,周子瑜「出事」時得十六歲又剛剛出道,欺善怕惡嘅大原則思想之下「唔恰你細路女,唔通恰43歲唱咗廿幾年歌嘅謝金燕呀」。然後的,周子瑜又未有到過匪區登台,唔駛擔心會得罪黨內同志。唔揀你呢個細路女真係對唔住自己囉!

第四,2016年1月16日台灣總統及立委大選,支那共匪點都想向民進黨「鳴槍示警」。不過如果官方直接發炮隨時引起台灣社會反彈而適得其反,但又唔想「槍聲」唔夠響亮而FF mode 嚇唔到民進黨,最理想嘅方法就係煽動群眾,使官方可乘所謂輿論之勢合理地開火。難得有黃安呢件廢老食「鴛鴦蝴蝶」老本响匪區 (以為) 巴之咁閉,又肯做爛頭卒,又咁啱距離大選約一個月有周子瑜呢個細路女出現,仲唔乘機開火?傻架!

第一同第二點 matched 共匪點解唔「搞」其他人,尤其是第二點就對應解釋到劉慧卿、游蕙禎、桑普點解未有遭到強火力針對,甚至無事。第三點 matched 戴耀廷成為「重點批鬥目標」嘅原因,要咬文嚼字就是「周子瑜只是16歲細路女」而「戴耀廷只是一介書生」。條件雖不同但概念相同。

至於第四點仲過癮 ── 《文匯報》= 黃安,土共「瘋狗症發作」= 匪區屁民跟機發花癲。「火勢」燒得夠大咯,支那共匪《環球時報》、張匪曉明之類咪衝出嚟「淋電油」囉!

將呢兩件事作比較,可以好清楚見到支那共匪來來去去都係嗰幾度板斧,仲要背後嘅思維邏輯、策略盤算從來無變過,頂多講得好聽啲「換湯不換藥」。由此可見,只要對黨史有所了解,就會熟悉支那共匪嘅本質同預計到土共打算點做同會做啲乜出嚟,繼而就會知道點樣應付,甚至對土共「屈機」完勝收場。

姑且「教精你哋」,以今次事件作示範。支那共匪以「X獨」展開批鬥......
毛澤東於1920年9月3日發表「湖南獨立論」喎。強烈要求劉兆佳、陳曼琪,民建聯、工聯會.......立即發動「反對毛澤東分裂祖國」遊行去中聯辦,要求王志文促請中央嚴肅處理毛澤東分裂祖國嘅圖謀;聯絡張曉明促請在北京發動「打倒毛澤東破壞中國統一運動」,策動群眾拆毁毛主席紀念堂、火化毛澤東遺體 (定係蠟像)、拆除天安門城樓的毛澤東畫像並打個稀巴爛、燒毁所有毛澤東的物品;上書總理李克強及人大委員長栗戰書要求盡快召開人大緊急會議,審議刪除憲法及全國法律內所有涉及毛澤東的條文,就是要「將湖南從中國分裂出去是不得人心嘅行為」燒乾殆盡,把所有自古以來全部分裂中國的主張鏟草除根的消滅,才能徹底確保中國是統一領土完整的國家。

唔要掂到毛澤東咁大逆不道都得。
有請劉兆佳、陳曼琪,民建聯、工聯會等唔好得個講字,以身作則率領全國民眾準備船隻日內出發到釣魚島,驅逐「殺我千萬同胞東洋鬼子蘿蔔頭」取回釣魚島領土主權,用行動實踐捍衛領土完整、不容中国領土被分裂出去嘅主張。成功的話不單是中華民族大英雄,仲一洗當年「捍衛領土完整,解放軍還不及一個楊匡」嘅恥辱!另外上書中央軍委主席習近平,要求馬上號令解放軍出兵協助收復釣魚島主權,並出兵俄羅斯收復海參崴、外興安嶺,再遠征哈薩克、烏茲別克、土庫曼、伊朗、阿塞拜疆、亞美尼亞及土耳其,收復於公元1271至1368年期間的中國領土。

駛唔駛咁誇張?唔誇張過班土共,佢哋只會欺善怕惡「恰你唔識嘢」。正如上次「結束一黨專政」,一拎出呢六個字嘅源頭又係出自毛匪澤東之後,班土共就收晒聲。呢啲唔係旁門左道,而係毛澤東教落「打著紅旗反紅旗」之法門,同曾有云「吃硬不吃軟,越硬越有機」嘅道理!

返回主頁



沒有留言: