__

__

何志平,共匪紙巾的體現



何志平被美國起訴賄賂案件,香港時間尋日有爆炸性消息 ── 同案另一被告塞內加爾前外長加迪奧(Cheikh Gadio)正與美國司法部就認罪協商進行談判,並有可能轉做控方證人。如果成事,何志平準備疊埋心水响紐約百年歸老都唔怕。除咗為此「開香檳」之外,仲要留意聆訊過程中,加迪奧嘅答辯極有可能要爆出交易嘅細節內容詳情,因而隨時搞到控方盤問何志平焗住爆出驚天內幕。而呢啲內幕除咗涉及到支那共匪高層之外,仲因何志平曾經是港共傀儡政權嘅高官而香港將被捲入漩渦當中,所以大家還是要「小心睇路」。

案情係點暫不便多談,但亦無需多講。反而何志平點解搞成咁,就好值得研究討論。

何志平衰貪心?可能係。但佢行醫嘅資歷及所謂江湖地位,基本上衣食無憂。正常嚟講,除非貪心、又或者有其他外來原因,生活無憂嘅人通常都無乜動力要去搵更多嘅錢。就呢件案件而言,何志平係為支那共匪做嘢,引伸出最少兩個外來原因 ── 何志平或有家人投共;共产党揸住何志平春袋。

投共唔係無跡可尋。97前有幾可見到何志平會出嚟講幾句政治?無端端失驚無神响2002年接受董建華邀請加入政府,而如今事後孔明睇返董建華呢個人嘅背景,尤其是同支那共匪嘅關係發展,佢搵人入政府點可能無衡量過人選嘅背景會否為共匪主子帶來好處!剩係一個已被小弟發掘到為「石油幫」仆心仆命嘅廖秀冬,已經係幾有力嘅證據。何志平自己本身有何意識要投共就真係佢自己先至知。雖有云禍不及妻兒,但佢老婆胡慧中呢個台灣女藝人唔係無可疑之處。

胡慧中自2003年起獲委任江蘇省政協委員,是跡象之一,但只是表癥。留意胡慧中嘅家庭背景,她是眷村人。所謂「眷村」是國共內戰期間國民黨的軍人,隨蔣光頭介石「退守」台灣之後,老K 覓地建屋安置佢哋而成嘅村里。例如香港某過氣政客「名咀」嘅外家 ── 新北板橋自強新村,或是小弟父系家族成員的桃園中壢華勛新村等等。簡明而言,「眷村人」最起碼就是國民黨嘅人。雖然近年台灣政壇泛綠光譜政客不乏眷村人 (或正確稱為「眷村子弟」),例如民進黨嘅段宜康、時代力量嘅林昶佐。但都是近十年八載才出現呢批按國民黨政治倫理觀視為叛徒。响2000年左右或更前嘅時期,眷村是「絕對藍」,部份人更抱有誓死效忠老K 嘅心態。

另一方面,台灣政壇响2000年「變天」,民進黨陳水扁勝出大選成為總統,國民黨轉軚開始親近支那共匪進行第N次國共合作。時間因素與何志平「加入特區政府」有配合之處。

再另外,匪區演員孫儷是胡慧中的孫姨甥女。2001年出道首拍《情深深雨濛濛》只是閒角一名,2003年拍第三部電視劇《玉觀音》就擔正女主角。唔否定孫儷嘅演技係咪有條件快速「上位」,但以匪區任何行業都講求「拉關係」嘅風氣 (演藝圈更甚),而 timing facts 又有啲巧合......

唔係話胡慧中係女諜,只係話其「眷村子女」嘅身份與及時間因素產生咗呢個疑團可能性。但就是「政協」身份,呢個可能性是不能排除。言下之意,由何志平獲董建華羅致開始,一切可能係佢身不由己。但都係嗰句 ── 天知地知佢哋兩公婆自己先至知!

至於何志平有何痛腳在支那共匪手上,呢個又係不得而知。但環顧返支那共匪的「捉痛腳」離不開錢銀同桃色,撇除何志平第一段婚姻離異係咪同胡慧中有關,1998年亞洲金融風暴何志平可有損手爛又係一個未有人發掘到嘅謎。假設何志平「輸」唔少,咁啱又娶咗個女明星返嚟,下意識好自然「要撲水」,在當時嘅香港政治大氣候好自然就有投共嘅意圖。

無錯,何志平可以預計要响紐約百年歸老嘅下場,又唔計被拘捕扣押期間所受嘅痛苦,已經充份證明支那共匪對所謂「同志」都只會用完即棄。但換另一個角度,何志平向共产党效忠嘅時候會諗過有此下場嗎?甚至乎佢可會認為自己的仕途、錢途一直越上越高就是得到黨的眷顧,因而認為黨點都會睇住佢而不惜一切越爬越高?表面上得佢自己知,但事實上以小弟觀察到不論身家、社會地位高低而投共去也嘅友仔,十居其九都係呢種思想,或是只看眼前需要然後任由黨去擺佈。但唔少嘅結果都係淪為一張紙巾 ── 當再無剩餘利用價值就被棄掉,爭在仆街嘅程度係只係唔見錢、家散人亡定係身敗名裂;仆街嘅過程係「一刀切」抑或如何志平嘅現況 「有排佢受」。

何志平要受嘅唔只係牢獄之災,仲有以正常人嚟講會擔心老婆同個女嘅人身安全,於是唔敢亂講嘢。但撇除胡慧中係咪女諜嘅可能,所謂「路係自己揀,仆街唔好喊」,千錯萬錯都係何志平自己「決意投向黨嘅懷抱」嘅錯,佢唔好怨,受啦仆街!

返回主頁



沒有留言: