__

__

英國佬正式出招,港燦快啲跪玻璃



BNO 平權呢件事吹咗好多年,好多香港人(尤其是港燦) 當係流料,仲拎住大一統左賊開口埋口「英國佬走咗仲邊會理香港」瘋狂恥笑。即使因為 Brexit 引發英國政府要為所有英國護照類別「找數」而平權,大多數香港人仍而無動於衷。

隨住英國國會審議 BIOC 平權法案,另日前爆發的內政部「跑數」醜聞將 Windrush Generation 國籍問題嘅「火勢」越燒越猛,英國政壇既出現勢必要通過 BIOC 平權法案嘅呼聲之餘,大一統左賊視為「過氣政客」但實為英國國會上議院議員自由民主黨的艾思定男爵 (Lord Ashdown 的官式漢字譯名),日前就撰文提及英國政府對 BNO 嘅責任相當於 BIOC,甚至因為支那共匪違反《中英聯合聲明》而有更大嘅責任,正式將 BNO 平權問題搬到台前。

艾思定男爵全文寫乜就自己睇,但重點係指出「香港人嘅英國居留權與及其他理所當然嘅核心權益被英國政府剝奪」。原文用到 were stripped,以 understatement 嘅習慣而言係對英國政府提出好嚴重嘅指控。末段就是直言將 BNO 嘅責任問題等同於 Windrush,更直指英國政府由香港前途談判開始已經離棄香港人,另指英國政府對 Windrush 以至所有前殖民地嘅態度同立場係侮辱、唔尊重,以至出賣 (abused, betrayed and disregarded)。呢啲字眼唔單只係極重語氣,引伸出嚟即係認為英國對香港係「不光榮撤退」。而「不光榮撤退」於英國政治傳統嚟講係死穴。

艾思定男爵嘅撰文係朝兩個方向去引導 BNO 平權發生:第一係將 BNO 嘅責任問題綑綁於 BIOC / Windrush,意即要英國政府處理 BIOC / Windrush「唔該順手搞掂埋 BNO」。呢件事內政部係可以趁 BIOC 平權法案做嘢,例如 take over BIOC 平權條 bill 將 BNO 加入其中然後恢復二讀,或可以 copy & paste BIOC 平權 bill 但將 BIOC 改成 BNO 提出另一條 bill;甚至再可能會有其他方法。

第二係借「不光榮撤退」成為一把有如劍或槍嘅武器,將英國朝野全部政客迫埋牆角,那管是仲帶著種族歧視有色眼鏡嗰堆英格蘭中部班鄉下佬,都要因為「不光榮撤退」嘅責任問題而必須對 BNO 平權就算唔支持都唔可以出聲。

而呢兩個方向產生嘅效果,就係向 Theresa May 施壓,仲要係「唔該同我快手啲」嗰種施壓。即係話英國對香港局勢產生嘅變化將會加速,BNO 平權唔單只係指日可待,仲有可能極短時間內出現。

當然,對於大多數香港人都係《聖經》中十二門徒的多瑪 ── 要親身見到耶穌基督身上的傷痕才相信復活,即係英國一日未「劃公仔劃出腸」正式宣佈平權就一日都仲認為係鳩吹。但呢個世界邊有咁多事情係一步登天呀!就算去蘭桂坊鎅女 One Night Stand,都唔係一見到上眼就可以即刻拖去開房啦!香港人 (尤其是港燦) 可以繼續唔信、或堅持「英國佬走咗就唔會理香港」嘅諗法,但到公仔條腸劃出嚟嘅時候,你哋就咪狗衝,到時我必定打實你哋鹵味炒西。

但又唔怕漏口風,仲唔趁依家嘅最後時空續領返 BNO 護照,有可能到時想狗衝都無得你衝。續唔續,自己諗掂佢,但記住一句俗語:
成年人要為自己做嘅事負返責任同承擔後果!
路係自己揀,仆街唔好喊!

後記:今次係四個月內第二次發出同類警告,對上一次係2018-1-17

返回主頁


沒有留言: