__

__

叫停新隆高鐵,止蝕離場絕對正確



馬來西亞首相馬哈迪昨晚突然宣佈終止新加坡至吉隆坡高鐵 (新隆高鐵) 計劃,原因是避免興建及營運造成嘅財政負擔使大馬政府破產。消息一出,好多人聯想到支那共匪又出事而拍爛手掌。確實,新隆高鐵本來係支那共匪叼到咀邊嘅肥肉,如今唔只無得食,更是馬哈迪向支那共匪桶一刀;再加埋剎停東海岸鐵路,呢一刀其實係割斷支那共匪大動脈。

新隆高鐵點解係無必要嘅交通基建,首先要了解現時連接新加坡同吉隆坡嘅交通設施同服務選擇。要往返兩地嘅乘客嘅交通選擇有飛機同巴士。現時每日有逾84班飛機往返新加坡同吉隆坡,即是每小時4-5班機;航程約50分鐘,連埋保安檢查、移民局出入境手續,及市區往來機場嘅交通,總行程時間大約3小時,票價由SGD99-200 (廉航模式海鮮價)。

巴士亦相當多班次,連同在兀蘭或大士過關嘅車程時間大約4.5至5小時,票價由SGD20-64 (視乎班次時間及車款)。如果自己揸車就快1小時。只不過南北大道 (AH2公路) 有塞車問題,確係有啲「擇使」。AH2 塞車嘅原因係收費站,而馬哈迪政府打算取消收費站,落實後除咗解決塞車問題之外,一般交通狀況的行車時間亦可縮短最少10分鐘。

然後就要了解新隆高鐵嘅走線設計。新加坡嘅總站擬設於裕廊東 (Jurong East),雖然預計會實施雙邊一地兩檢,往來吉隆坡及新加坡的旅客可以一站到底而車程約1.5小時,不過往來新加坡市中心 (City Hall) 往裕廊東搭地鐵須時27分鐘;吉隆坡市中心往高鐵站所在地 Bandar Malaysia Station 亦要搭地鐵,估計需時15分鐘。即是總行程時間亦略多於2小時,比飛機快唔夠一個鐘。當然,比巴士快一倍。

單純行程時間,已經見到新隆高鐵嘅需要性並非相像中高。再者,預計票計SGD140-160,平唔過搭飛機,真係搵阿水搭咯。

由以上呢堆論據引伸出嚟,新隆高鐵計劃根本就是前首相納吉嘅面子工程,再因應預計將支那共匪負責興建而更可以直接啲講係納吉夾埋中国共产党嘅搵錢大計、納吉為共匪清洗黑錢嘅計劃。If I were Mahathir,都一樣情願賠5億俾新加坡都要斬咗呢項計劃。

無錯,台灣高鐵成功完全取代台北松山-高雄的飛機航班,可以此作例引證長遠而言新隆高鐵可取代每日逾80班飛機為目標而認為有需要興建。但是台灣高鐵每日乘客量約130,000人次,先至錄得53億台幣 (折算2.3億坡紙 / 7.3億馬幣);往返新加坡-吉隆坡的飛機平均每日客量僅12,000人次,就算加上新隆高鐵各中途站將產生的客量需求,幾時先至達到目標的120,000人次,完全係一個謎。別忘記馬來西亞的消費能力比台灣低,就是事實。即係回本無期,腦部運作正常都情願斬倉止蝕離場。

支那共匪今次確係非常大鑊,只不過响馬來西亞仲有好戲在後頭,事關同類嘅基建計劃仲有一個,就是小弟家鄉古晉的輕軌計劃。雖然支那共匪沾手古晉輕軌的證據還未正式曝光,但馬哈迪已明言時機一到就會向砂朥越名義元首泰益瑪目開拖,可以預計古晉輕軌計劃亦會泡湯,支那共匪連响東馬嘅殖民大計都遭受嚴重挫敗。等碧桂園森林城市等地產項目都衰埋,中国共产党响馬來西亞就Total lost!唔只唔見錢,仲斷埋一帶一路殖民侵略計劃南面主幹。

順便講埋,可恥美帝走狗紙老虎準備收拾伊朗,斬斷埋一帶一路北面主幹...... 有少少國際視野,就會好清楚知道689、老懵董成班狂sell一帶一路離仆街冚家鏟嘅日子不遠了。

返回主頁

沒有留言: