__

__

港共封殺民族黨,闖下彌天大禍



港共傀儡政權尋日失驚無神將似乎得陳浩天一個人嘅香港民族黨冚檔,此舉要表達嘅訊息好明顯是打擊港獨,政界 bilibala 話為23條立法鋪路、甚至是變相23條已經執行中,可以話理解正確。

統稱「傘後政團」當中,民族黨是唯一白紙黑字寫明主張香港獨立,遭港共針對係正常不過的事。但坦白講,陳浩天嘅論述基礎係「傘後政團」中最薄弱;相當於澳洲的共和派主張,係最無市場;就算「勾結外國勢力」都寥寥無幾 ── 日本有,但已經無晒動靜;台灣嘛,得一堆根本只算係嘍囉。港共其實大可以對之視若無睹「膠都費時派」。可是,以毛澤東嘅鬥爭思想理論要全面圍堵,就必須連一隻「悉尼老鼠」都要消滅。而港共以至支那共匪應該仲有一個考慮,就係將已被港共打到頹晒嘅本民前同青年新政推向死角,以防任何反撲。

叉開少少順便講,梁頌恆走出嚟話打算將青年新政清盤,件事本身嘅方向係啱,但所謂「政治嘅事只能做不能講」嘅原則,佢講出嚟即係承接港共嘅盤算。呢條友就算唔係鬼都係無腦,唔再適合响政壇存在。

如前述,民族黨嘅主張响香港根本不成氣候,以至在「外國勢力」方面嘅聲勢(以至聲譽)可以話得啖笑,直接啲講「都無乜人理」。但港共傀儡政權打呢隻蒼蠅,搞到路透社响香港時間尋晚大篇幅報導,即係全世界「通天」。變相引全世界留意港共做緊啲乜,簡直就攞嚟衰,仲要係衰憨鳩嘅攞嚟衰。

再到香港時間今日清晨,英國外交部發表聲明,雖然字面上都只係一如既往嘅交行貨,亦有共匪、支教民、左賊最鍾意見到嘅 "UK does not support Hong Kong independence",但要記住英式英文 Understatement 習慣傳統;另要以民族黨在英國政壇嘅「知名度」根本未入流看待「政治嘅事只能做不能講」,即係「無乜必要講」。但份聲明寫「選舉權利、言論及結社自由係基本法及人權法嘅基石」,原文用 are enshrined in 而唔係 foundation of,語氣已經唔係輕;又除咗提及基本法仲提到人權法,「撻人權」出嚟唔只係加強語氣同立場態度,仲係配合返 Hong Kong Watch 同港督彭定康過去近一年以嚟就香港發表嘅意見都係以人權為基礎嘅方向。講白啲,英國對「悉尼老鼠」級數嘅民族黨都咁講嘢,即係英國攞民族黨嚟「借刀」向支那共匪插多一嘢,而威力不亞於游蕙禎被判監。

不過,對港共傀儡政權嚟講,英國衝出嚟「斬一刀」未係最大鑊,路透社報導將之「通天」,而美國政界一直有昅住香港嘅政局,總統特朗普咁就多一個籍口對付支那共匪。言下之意,「Pokemon」呢一下無疑對貿易戰火上加油!本港商界就睇到呢一點,話已經擔心緊美中貿易戰波及香港但港府乜都唔做,仲要突然搞民族黨,即係廹美國將香港加入加稅名單「商界可能已到了暴動臨界點」;更是有個別稍有留意政治嘅商賈直言「搞咗最激嗰幾個梁天琦、游蕙禎坐監咪算囉,搞個最無人理嘅民族黨做乜春,正一『無啦啦整撻疤』出嚟」

港共傀儡政權今鋪闖下嘅大禍唔止觸動「外國勢力」,仲踢中埋商界呢塊鐵板,即係點著城堡內嘅炸彈條藥引。只要侵總統「撳制」,唔好話取消香港關係法 / 通過香港民主及人權法,就是貿易戰進一步升溫,直接燒到港商嗰疊,有乜亂像發生港共就唔駛旨意可以撲救。

返回主頁

1 則留言:

日記君 說...

人民幣貶值樓主點睇?香港人可以點?
英國如意算盤打唔響,被日本搶先,可能被孤立?
之前親中係為生意,家陣中共好可能係沉船
香港又有無價值/幫助到英國而令英國認返香港呢?