__

__

海水化淡,真係平到笑



港共傀儡政權一日到黑唔係講填海,就話要開發郊野公園,先可以應付香港嘅住屋需要。其中「開發郊野公園」就因為水塘呢個生存攸關嘅問題俾人屌到拆天,近期暫時唔敢再高調講。而講到水塘同食水問題,就再引伸到東江水嘅胡塗賬。2017年簽訂三年合約價格144億,攤均每年48億港元買8.2億立方米,計算合約價每立方米5.85港元。但香港攞唔晒都要俾支那共匪粵海投資袋袋平安,按實際供水量大約6.5億立方米計算水價,更升至$7.38。

東江水嘅問題除咗錢,仲有污染問題。坊間同政界唔少人就提及海水化淡廠,又好多時以新加坡海水化淡為例子,佐證香港起海水化淡廠既可以慳錢,又可以確保食水安全。

新加坡海水化淡嘅水價介乎SG$0.79-0.91/cu.m,折算港紙 $4.50 - $5.19。對比東江水合約價便宜最少12%,若以實際供水量計,差距更高達接近四成。剩係呢條數已經夠晒吸引力。海水化淡廠運作成本,包括廠房設施保養維修、化淡設備消耗更換同電力。在目前嘅技術水平,每立方米化淡耗用電量約3.5kWh。以中電目前「大量用電價目」每度 $0.761 計算,即$2.28/cu.m。7月9 - 11日新加坡舉行的Singapore International Water Week 2018,其中一場研討會將探討 electro-deionisation 海水化淡技術,預期可節省約一半耗電量。即係仲可以再平啲。

要有海水化淡嘅食水,就要興建海水化淡廠。但到底興建水廠要花幾多錢?

近幾個月最少三個區議會(沙田、西貢同荃灣) 去過「考察」嘅新加坡 Tuaspring Desalination Plant,每日化淡產水量318,500cu.m,連同一座發電量 4.11mW 天然氣發電廠,總投資額唔駛9億坡紙,折算港幣53億,相當於俾粵海投資14個月嘅錢,就可以應付以目前香港每日用水量270萬立方米的12%。再「算死草」一點,Tuaspring 每年產水量逾10億立方米,仲多過東江水合約供水量兩成!即係起一間咁上下產能規模嘅海水化淡廠,已經可以即刻唔駛買東江水。





唔要發電廠又會係幾錢?以 Tuaspring 營運商 Hyflux 响天津興建每日產量10萬立方米嘅海水化淡廠,耗資美金9000萬,折算港幣約7億;就用最粗糙嘅計算方式 ~ 參照 Tuaspring 產能31.8萬再「加呢樣加嗰樣」,點計頂到盡都唔駛30億港紙。

只不過,支那共匪就是要在香港進行殖民統治,要控制香港就一定要將香港人嘅生存控制於掌握之中;再者,每年近50億嘅「進貢」,支那共匪點可能俾香港有海水化淡廠吖。講到尾,港共傀儡政權成日話「研究」興建,唔好俾我踢爆,根本得啖笑。再衰啲講,議員政客們去幾多次新加坡睇水廠都只會係「到此一遊」,仲要慘到因為 PROTECTED AREAS AND PROTECTED PLACES ACT (CHAPTER 256) 無得影相打卡,即係去咗都無人知囉陰功。





利申:小弟有去過 Tuaspring。

返回主頁



1 則留言:

Yiu Yiu 說...

新加坡己经在2017年开始,宣佈两年內要加百份之三十水费