__

__

揸車基本功無晒,皆因考牌制度嚴重脫離現實



**注意:本文充斥非常大量粗口,但睇晒一定明白點解會咁撚柒鳩多粗口。**

首先向噚日北角車禍嘅傷者及死者家屬表示慰問,另願逝者安息。

噚日校巴衝落山導致4死逾11傷嚴重車禍,警方初步調查認為起因係司機未有拉手制或拉實手制導致車輛溜動俯衝而造成。另有唔少討論 / 報導評論認為司機在長康街陡斜泊車除咗未有拉實手制,又沒有扭左軚同入後波,做漏晒所有程序。有傳媒搵嚟教車師傅 / 「有牌頭」的資深職業司機評論事件,指唔少職業司機對好多駕駛常識、知識「滑晒牙」,即係就算未遺忘都「唔太上心」。呢種情形,司機嘅責任當然走唔甩,但在另一個角度去睇,點解司機會「滑晒牙」?

先唔講揸車,宏觀講下「知識」呢樣嘢。知識嘅積累係透過學習,但「學生」要在學習過程中吸收到知識,再不斷的「溫習」,先至會注入腦海成為記憶再成為意識,能套用及實踐於實際環境。但如果學習嘅過程當中,知識嘅教授傳遞出現偏差,在「老師」嘅角度就出現「誤人子弟」嘅情況,在「學生」方面就一係讀唔入腦;或者以返學校去做比喻,學生可能在應付完測驗考試之後就乜都唔記得晒。

引伸返去揸車,就以噚日宗車禍為例,斜路停車需要拉實手制、扭軚、入波 (上斜1波、落斜R波;自動波P波),呢啲基本功早到夠18歲申請考車牌時,筆試就會考嘅題目;運輸署派發俾申請考牌人士嘅《道路使用者守則》入面有講。雖然肇事司機原來係華籍英軍,仲要係運輸兵,運輸署嗰套垃圾制度所引伸出嚟嘅問題未必適用於佢嘅情況,但剩係講我十幾廿年嚟見到大撚把司機都做漏最少一樣 ── 扭軚,加埋真係周街都有亂揸車嘅「柒頭司機」,已經意味好多人遺忘咗啲基本功係好普遍。

落斜錶位,三架私家車得一架有「扭軚」

點解「扭軚」咁重要?《道路使用者守則》有解釋,如果手制或波箱故障而未能妥善鎖定車輛,又或者遭其他車碰撞,透過路邊石壆阻擋車輪而制止車輛繼續移動,或至少避免車輛直線滑行造成更嚴重後果。噚日宗車禍已經反映「手制拉唔實」嘅可能性係存在,成因除咗司機操作之外,仲有機械故障嘅可能性,例如迫力皮損耗使未有迫實迫力碟/鼓(或噚日肇事小巴、五噸半嗰類貨車嘅「拉直濕」手制皮) ,手制鋼索(俗稱「威吔」)斷裂;再甚至乎近年流行嘅「電子手制」個摩打、Sensors 壞咗,咪鎖唔實架車囉。棍波車就算入咗波都唔係萬無一失,只要極力子損耗使引擎飛輪同波箱之間失去足夠抓著力,架車一樣會溜;就算依家主流嘅自動波私家車嘅P波,構造上真係鎖實架車唔會郁,但所謂「機器嘅嘢係會壞㗎嘛」!尤其是唔少司機亂用P波 ── 停燈推入 P,甚至泊好車唔拉手制入P 就落車,正式名稱叫 Parking Pawl 嗰兩隻齒輪連同軸心想唔早啲散都幾難!

撇除晒上段擺明「拋書包」嘅機械知識,學車考筆試嘅歷程唔係無「讀」到呢啲程序,但點解好似個個都唔記得晒?呢個根本就一如文題後半部「考牌制度嚴重脫離現實」所致。

三年半前舊文《司機多柒頭,因為運輸署憨鳩》同一年半前舊文《學車考牌同實際駕駛有幾大脫節》,簡單講過香港現時考車牌制度點樣脫離現實。今次就詳盡少少講解,同埋分析到底產生咗乜嘢問題。

第一樣嘢當然係先講車速。表面上就話「跟路牌」唔超速就唔會有問題,但實際係超過30km/h,考牌官就可以剔甚至「S」。講緊唔止係考私家車/客貨VAN,連中型貨車、重型貨車、巴士、拖頭都係。衍生嘅問題除咗不斷俾車「冚」造成危險之外,最大鑊係根本同日常實際駕駛嘅速度比較,司機需要有嘅反應同判斷「慢幾十拍」。更是中型、重型、巴士、拖頭,啲教車師傅、駕駛學校會為咗遷就返考牌同學車需要嘅車速,會拎架車去代理度改晒波箱尾牙,架「學神車」嘅性能同現實將會揸嘅車係差天共地。即係話學車嘅過程根本只係為咗應付考試,而唔係學曉可以响現實中駕馭所考嘅嗰一類車款。

另一樣都係同車速有關,就係剛提及「改裝波箱尾牙」,呢樣嘢產生嘅壞影響响巴士、中型、重型貨車、拖頭係最撚柒鳩閪大。目前運輸署訂立駕駛考試車輛規格要求,手動波箱最少4前速,於是乎啲駕駛學校就將架車改到得返4個波。但响現實世界,撇除巴士、中/重型貨車同拖頭已非常普遍配備自動波,就算係棍波,巴士都起碼係6前速,以前Scania 「電索波」、Isuzu LT134 係7前速;中型貨車起碼8前速,甚至12、16個波,仲要有「龜兔波」操作。如果再「爆」埋考牌「合格標準」除咗30km/h,唔准考生入4波,睇到考牌同現實有天與地嘅落差,點會唔想屌爆運輸署個老母臭化閪吖!而又返轉頭講,學車嘅過程根本只係應付考試,單係「波棍」操作已經絕對肯定人頭加龜頭擔保無可能响現實中出現,考完牌攞到合格紙仲會記住學車期間「學」到嘅嘢咩?!

第三樣係舊文有簡單講過嘅「讓線必須停車踩實迫力」、「停線要拉手制」與及「出路口、入迴旋處要完全clear」。呢樣最撚大鑊嘅係,因為現實嘅車速及司機需要有嘅反應同判斷能力,同樣地都係相對考牌嘅「合格標準」係天堂同地獄。即係話又係學車過程所「學」嘅根本無可能套用於現實當中。一種無可能有得「溫習」嘅所謂駕駛知識,人性好自然就會拋諸腦後,繼而產生「學車嘅嘢根本通通用唔著」嘅意識,仲唔 DLLM 將所有筆試路試嘅嘢全撚部冚鳩把冷掉落咸水海呀!

剩係以上呢三樣嘢,已經產生「知識」未能在現實中得以實踐,甚至再直接啲,就如「為咗測驗考試」嘅道理,考完試乜春都唔記得晒,有幾撚出奇。

事實上,考牌嘅「合格標準」再仲有最少兩樣根本又係要爆粗怒屌完全痴撚柒鳩閪線嘅情況。第一樣就係唔會考突發應變,甚至係任何突發情況都會「S」。唔只前文有提過「小路突然有車衝出嚟,DUP又肥唔DUP又肥」,仲有有朋友同我講過佢嘅經歷 ── 路試期間見到有小巴駛埋路邊打死火燈,但望到架小巴係開咗門有乘客上落。朋友按照不得超越正在上落客的巴士、小巴、的士嘅「合格標準」停响架小巴車尾等,個考牌官就話「死火燈即係壞車,你應該要爬佢」,但朋友就話「阿SIR,我見到架小巴開咗門,有乘客上落緊」。朋友話雖然最終都合格,但見到張合格紙第33欄「未能依照其他車輛發出的訊號而作出適當反應」俾「S」但就劃花咗有counter sign。除咗清楚可見路試嘅「合格標準」死板到痴撚線,完全忽略路面狀況變化萬千嘅狀況。更當然睇到個考牌官幾撚鍾意擺官威。

另一樣係唔容許有任何修正動作,尤其是泊車及掉頭;就算係一般行車,現實中駕駛响轉彎時點都會些微攞軚做修正,甚至是中型重型貨車、巴士、拖頭,點都需要回軚再攞「偷位」遷就。但路試嘅「合格標準」,就會在第55欄「軚盤控制不當」一定俾剔,甚至「S」,你話運輸署係咪有撚病吖!考泊車同掉頭唔俾修正,道理上「增加阻礙交通」好似好撚啱,但撇除現實有時真係焗住要「車前褪後攞多手」,啲「學神車」車頭車尾貼晒掛晒鑲晒啲五顏六色嘅標記,就係為咗俾啲「學生」掌握啲位置以便考牌當日容易過關。但現實中唔會有呢啲貼紙、吊牌,家陣成日見到泊車泊到鳩之嗎轆、車前褪後幾呀手都仲未泊好架車,就係咁搞成嘅囉!

要唔想泊車掉頭導致增加阻礙交通嘅條件之嘛,咪定個時限,60秒又好90秒又好,任鳩個考生話鳩之佢車前褪後攞多幾多手軚,時限之內唔撞壆唔揩雪糕桶咪得囉。我實實在在的告訴你,台灣、新加坡、馬來西亞考泊位掉頭就係計時!仲有,香港啲「學神車」車頭車尾貼晒掛晒啲五顏六色嘅標記,唔好話歐洲一定唔撚俾出現,台灣、新加坡、馬來西亞一樣唔得!睇到香港嘅考牌制度,唔止差過歐洲,係連台灣同馬來西亞都不如,簡直垃撚圾過閪到我都唔知仲可以點屌鳩運輸署個老母臭閪仆街冚家鏟!





如果要再「雞蛋裡挑骨頭」,仲有考試車輛規格關於車輛長闊高嘅要求,就算唔脫離現實,都係「最低水平」。考牌部私家車長度最少3.5米!大佬呀,家陣普遍嘅私家車有幾多款咁短呀!求其一架1,500cc「腳車」,例如豐田Corolla,都4.2米啦仆街;仲有啲「小農奴隸晒家產」最like嘅7人車,本田 Stepwgn 長4.7米呀。考牌用架 just little bit bigger than a 日本 K-car 嘅車仔,點會唔搞到周街「柒頭司機」!

中型貨車嘅登記類別許可總重去到24噸、長度11米,考牌架車只係要求 GVW 9噸,長度最少5.3米,仲短撚過一架豐田Coaster XZB40 (舊款短陣16座小巴)。重型貨車嘅總重就跟返法例上限30噸,但長度最少8.3米,比現實中仲短咗1/4。

巴士考牌用車要求更可以話係最不撚知所撚鳩謂,長度最低要求只係7.1米,長過「濕鳩小巴」0.1米咋仆街;「28座」都7.7米啦 DLLMPKHKC!仲要依家俗稱「大車」嘅旅遊巴士,超過九成嘅長度一定掂住12米。响「巴士佬」圈子成日話新牌仔唔撚識揸車,手車屎撚到 DLLM 連「28座」都成日揩揩碰碰,咪就係咁解囉。

清清楚楚睇到香港嘅考牌制度,由蟻躝車速、「完美」操控、不容執生,以至到車輛採用....... 冚撚把冷全撚鳩部完完全全徹徹底底點樣嚴重脫離現實,除咗解釋到點解依家周街都係揸車亂嚟嘅「柒頭司機」之外,又就係因為考牌嘅「合格標準」要求冚撚把冷全撚鳩部完完全全徹徹底底响現實中根本無可能實踐,再引伸到學車嘅過程所「學」嘅冚撚把冷全撚鳩部完完全全徹徹底底只係為咗應付嚴重脫離現實嘅考牌「合格標準」,考完牌咪全撚部將學車過程所「學」嘅掉晒落垃圾桶咸水海囉!唔係話啲教車師傅不負責任,但佢哋所教嘅,亦根本冚撚把冷全撚鳩部完完全全徹徹底底只會係為咗考試合格,唔會真係教授現實中駕駛嘅知識,直接啲講即係所謂「學車」都只係為考試,所以我咪臭串的話香港考牌唔係考駕駛汽車,而只係「汽車操作」,係完全正確。

唔係話噚日北角車禍個司機無責任,事實上佢有絕對責任。但撇除佢受英軍訓媡嘅因素,依家成街馬路炸彈嘅責任根本就係源自運輸署啲爛鳩考牌制度同「合格標準」,亦係事實。簡單講,如果考牌嘅合格標準同現實接近,教車師傅可以真正教啲現實中用得著嘅駕駛知識,點會唔記得吖!大家應該睇到在駕駛考核引伸至道路安全嘅問題有幾撚柒鳩閪嚴撚鳩重,但班考牌官可以「拎住明朝嘅劍斬清朝嘅官」揸住張考試表格可以玩鳩啲考生一嘗「做官的滋味」,然後月尾就袋最少$27,000 人工,想佢哋改革?今晚早啲瞓啦!





返回主頁

1 則留言:

CTS 說...

好簡單,叫班考牌官去啟德渣20/608,睇吓部12.8可唔可以三手軚沐寧街掉頭,做唔到即炒