__

__

再講汽油彈,警車冷知識



前一篇講到「中汽油彈」架港共公安衝鋒車 Benz Sprinter 519CDi 係舊款,我熟車就當然係一眼認得出嘅因素。但其實分辨埋車款,仲會解釋到點解呢單「劇情」會係用架咁嘅車。甚至我可以預告,大家睇晒一定會笑到反肚

港共公安用 Benz Sprinter 已經有接近20年嘅事,前後用過三代。第一代已經早在2015年左右全數退役。今朝「中汽油彈」嗰款係第二代,最早一批於2007-2008年期間引入。下圖係同型號。


第三代就如下圖,最早响2015年引入。


第二及第三代型號都係519CDi。除咗比較兩張相睇到車頭款式造型有唔同之外,規格大致上係無分別;都係配備OM642DE引擎 V6 3.0L 190PS。事實上平治廠方都只係叫 Face-lifted。

前段講到,第二代 Sprinter 衝鋒車係响大約2007-2008年引入;政府訂下使用年限係10年,即係話呢批車應該响舊年、頂盡最遲今年年初就要全數退役。但唔止今朝「汽油彈爛劇」嗰部,仲有相當嘅數量仲行緊。撇除以我所知呢批車雖然「咪數」最少600,000公里但實際狀況仍然良好,呢款衝鋒車之所以仲行緊,全因為2014年9月28日晚上嗰87粒催淚彈而搞到咁。

相對返第二代 Sprinter 預計「到期劏」係2017年開始,政府通常就會提早一至兩年出 Tender 訂車。可是嗰次招標,平治代理仁孚無入標,結果就是 Iveco Daily 中標。仁孚點解無入標,據我打探所得,就是歐盟議會因為2014年9月28日晚上嗰87粒催淚彈向香港警務處實施禁運,德國聯邦政府下令 Mercedes-Benz 唔可以再賣嘢俾香港警務處。但意大利佬唔知唔記得通知香港代理祥龍汽車定係諗住博懵,入標兼中埋。照正常的話,應該趕得切2017年赴運交車。但點知意大利佬俾歐盟「照肺」,卒之要另僻方法履行招標合約。具體點操作就唔再講喇,重點係因為咁嘅情況而導致延遲交車。

另一方面,意大利車嘅可靠性其實唔係太好,香港更加之完全「水土不服」,結果搞到交咗車俾港共公安部都成日壞車,甚至我打聽到因為啲「奇難雜症」實在太騎呢,加埋零件供應問題出唔到街,因而港共公安唔夠衝鋒車用,於是就將第二代Sprinter 「續命」。

港共傀儡政權原本計劃要再為公安部買衝鋒車。今年二月政府物流服務署又再出Tender,編號AD201182017,買189部大型客貨車(寫明Police Version)。


3月15日截標。我唔知有邊間車廠代理入標,但我可以講隨住歐盟份 Demarche,就算香港代理有入標,歐洲車廠應該係唔會交貨,尤其是德國三間有生產呢類車嘅車廠 ── Mercedes-Benz (Sprinter)、Volkswagen (Crafter)、MAN (TG-E),因為呢份編號AD201182017標書,德國聯邦政府响二月中已經收到一份;正常的話,德國政府一定向呢三間車廠發出警告。最終會係點當然仲要等時間證實。但又係照正常去講,港共公安部部長盧匪偉聰以至佢老頂比卡超應該知道「出咗事」。

講返架「中汽油彈」嘅第二代Sprinter。又正如前述,其實係「等劏」嘅車。假設,假設呀吓,真係港共傀儡政權以至支那共匪自編自導自演,都要計算成本風險 ── 要預計「凶徒」真係掟中而燒著架車。咁嘅情況之下,唔搵架「反正都係要劏」嘅舊車唔通搵架最新嘅「想放假,揸歐霸」呀!睇到呢度,大家應該會認為「假設」嘅可能性係進一步提高啦!咁仲唔係笑到反肚呀!





另外順便講,當國際社會,尤其是歐盟,鍊到你港共公安部以至成個港共傀儡政權條頸實一實,仲唔識縮不特止,今朝仲玩啲咁嘅嘢,依家成個網上強烈恥笑都相對事少,歐盟同德國仲唔乘機隊你鹵味仆街冚家鏟!

班公安揸「放假牌」揸到發老四呀?諗返吓2014年9月28日做過啲乜先啦。遲早連「放假牌」都無得你哋揸呀!





返回主頁

沒有留言: