回望2013

很平淡的標題吧......
是的，今年實在發生得太多事


好友的不辭而別

Eric 嘅離去，對我同一班朋友嚟講，真係一個嚴重嘅打擊，也坦白講，大家的傷痕仍未回復過來。

住了30年的居所，遭痴線無恥嘅政策被迫離開

當下的亂局，使好多人感到苦惱
身邊嘅朋友，都陷入情緒病困擾當中，結果.....

留意照片下方的一排藥丸
Lexapro = 治療抑鬱症藥物

連自己都不能倖免

但壞事的背後，總有一些好事出現
所謂患難見真情
因為被迫遷，邊啲係朋友，邊啲當我係傻仔，堅係睇得一清二楚
响度要多謝呢班兄弟，响危急關頭出手襄助

新地方其實也不錯的，至少地方多咗，又可以種下菜
或者都要多謝上天冥冥之中有安排......

舊年年尾，李怡前輩同意之下，正式在報刊寫評論
又因為一場誤會，編輯們提供了更多機會，使今年進入多產時期，單是《蘋果日報》累計剛好50篇文章。甚至要同田北俊、工聯會筆戰，算是來得有點刺激。
另外又乘著自己大馬家庭背景，從馬來西亞大選擴充自己嘅眼界，也帶來機會，開拓版圖至馬來西亞《東方日報》；又因緣際會地能登陸新加坡《聯合早報》和台灣《自由時報》。總算能給自己一點兒的交代。

還要提到7.1 前發佈的「這些年來，你過得好嗎」的短片的製作。我參與的其實並不多，只算是故事的構思和小部份的協助剪接的工作，但當中的過程真的是白般滋味在心頭。沒法子，因為97前的移民潮失去了不少......
但怎麼說這也是一個不錯的經驗。
細細聲：我同MICHAEL 等人構思緊不知可會有可能寫成一部電影劇本

對咗中國汽車製造業十年有多，今年決定放棄


港共欲以比亞迪電動的士巴士，為共匪殖民提供助力。衰咗而踩多幾腳，不單是因為一開始已經睇死佢唔得，更因為十多年前的大中國膠，以為中國會進步，認為自己也是「中國人」該為「祖國」嘅發展去付出。結果，親身目睹中國汽車工業越做越爛、政商圈子勾結越趨腐敗得，「搞」到我雞毛鴨血，浪費了十年青春。所以就奉行半澤直樹精神 - 以牙還牙，十倍奉還
也因此，絕對肯定中國人根本就是爛泥附唔上璧，中國是完全沒得救

限奶令算唔算針對中國嘅「傑作」? 可以話係。但更加係我、世澤、林忌等人認定要保障香港人要做嘅事。

展望2014的日子，希望各方面的工作會有進一步發展，尤其是媒體的發展空間 (搲撈呀喂，各位傳媒大佬!!)
當然的，還是希望可以作多方面嘗試，希望各方高台貴手，關照下小弟......
更是的，希望天下太平，人人都可以過安樂日子，我亦可以返回正常嘅生活，唔駛再處於一個猶如打仗的狀況

雖然大局勢不敢樂觀，但所謂有危自有機，我信香港總會有重光的一天

返回主頁

左賊的「家庭團娶」雙重標準

綜援案的爭拗，又係走返去單程證審批權嘅問題，呢個係預料之內。事實上，正常的話，只要奪回單程證審批權，又或者更簡單地香港政府根據《基本法》第22條有關大陸人到香港嘅入出境限制，就可以規限「家庭團聚」嘅資格，最低限度要考慮响香港生活嘅一方具備足夠經濟能力去維持兩個人、甚至更多人嘅生活。呢個亦係所有外國嘅家庭團聚審批嘅大原則。

但偏偏班大一統左賊一見到有非自己人提出取回單程證審批權就發晒茅，又話佢哋都係支持取回審批權，可惜一講到入肉，即係審批權如何執行，唔係又嘈「歧視大陸人」就係潛水去到馬利安娜海溝，始終都唔肯定面交鋒。坦白講，班左賊嘅立場係講得通道理的話，佢哋又駛乜咁嘅表現吖。

呢項嘅爭拗並非今次案件而起，早前9月初「源頭減人」廣告時都已經嘈到拆天，但其實拗咗好耐。過去的日子，不少本土派拿出南亞裔人作例子，指佢哋要同家人响香港團聚要受入境處審批，要考慮佢哋本身响香港嘅居住環境、工作收入，先會批准。班左賊當然都係出唔到聲啦，但同時又有土共話香港係中國地方唔俾佢哋嚟係應該。即係話，左賊同土共其實都係同一種思維 ~ 中國人就要接納。

既然非華裔會引起其他爭論角度，那就回到左賊(以至土共)對「中國人」的理解就是哼著侯德健首《龍的傳人》~ 黑眼睛黑頭髮黃皮膚。所以我就提出台灣美媚同南洋華人女仔作例子。但事隔多月，土共當然無聲出，左賊亦同樣地不作回應。乘勢今次案件再起爭拗，而論點又係嗰啲，於是就嚟一次「每日一問」

追殺到佢哋肯回應或者宣告投降為止 (最少玩一個星期)

台妹或者坡妹嘅論調，單純建基於「黑眼睛黑頭髮黃皮膚」，啲左賊又可以話新加坡、馬來西亞等遠離中國、南洋華人早就離開中國 (响六四紀念前後有關「建設民主中國」嘅爭拗中，左賊也不向小弟回應「點解南洋華人唔駛支持」而作出嘅推論)。而佢哋一直以嚟對香港同中國嘅關係的態度其實係因為香港與中國相連、南京條約割讓香港是不公義。亦即係話，佢哋看待香港與中國嘅關係是源自清朝中葉，那我就加上一啲歷史元素去講台妹同坡妹：

華人移居南洋可以追溯到明末開始。例如出現於清乾隆年間嘅蘭芳共和國，就係一班明末至清初跑到婆羅洲 (今沙巴、汶萊一帶) 嘅華人所建立。又或是新加坡建國總理李光耀，在他的回憶錄上集 (1923-1965) 記載到佢嘅祖父生於1871年，即係最遲於佢曾祖父就走到南洋去

《李光耀回憶錄 (1923-1965)》

照推斷該會是1850 - 1860年期間。
即係話，南洋華人嘅源頭時間同左賊認知嘅香港嘅時間都是同一個時期 ~ 清朝，甚至更早。

至於台灣更是源遠流長，但所指的角度不是共匪嗰種「自古以來」、也不是親監營看待「共匪不合法奪權」嘅觀念，所指的是語言系統。眾所周知，台灣嘅本土語言歸納為「閩南語系」，而這種語系在大陸的範圍包括浙江溫州，南下福建沿海嘅莆田、泉州、廈門、漳州，然後廣東的潮汕，與及雷州半島和海南島都屬於閩南語系。
即係話，台灣華人嘅文化同大陸係一直連系著，比左賊認知嘅香港同中國嘅關係嘅時間更早。

從以上兩個歷史因素可以睇到，如果認為香港同中國是一家人所以要寬待的話，就應該同時寬待娶坡妹、台妹嘅港男/嫁坡仔、台灣仔嘅港女；或者套用返左賊嘅論調，當下要對港台/港星家庭要在香港團聚而要評估經濟能力就係歧視。

所以，唔該班大一統左賊收聲，唔好再話倡議收回單程證審批權然後加入經濟能力評估就係歧視排外法西斯，或者話係「歧視同剝削窮撚組織家庭嘅權利」；一係就要嘈的話就去齊英美澳紐加駐港領事館抗議。

返回主頁

綜援案引爆社會炸彈

今朝早「新移民綜援案」終審法院裁定「來港七年才可申請違反基本法第36條」嘅消息，在Facebook 洗版的情況，可不只是平時會談論政事的人，就以我個人為例，不少平時唔會SHARE 新聞、唔會談論政治嘅朋友都鬧到拆晒天，即係話呢件事繼電視牌照之後, 又一宗辣著全香港人嘅事件。

點解牛頭角順嫂街市買魚佬點解會咁慶，不外乎一般市民大眾對「新移民攞綜援」的觀感就是他們好食懶飛、嚟香港只係貪圖福利。呢個觀念唔係你孔令瑜講幾多好話可以扭轉。再加上近年港中矛盾問題，尤其是雙非孕婦搶床位、搶奶粉尿片，更使一般港人對大陸人 (包括新移民、遊客) 嘅觀感進一步惡化。由此可見，佢哋今次真係火山爆發。

睇返判詞同重溫返基本法第36條，的確無「永久居民」嘅字眼


又相對第44及67條有關行政長官同立法會議員嘅參選同組成有寫「香港特別行政區永久性居民」，純粹從法律觀點角度，判決係正常。成單case 反映住嘅就係《基本法》存在漏洞，但到底係共匪「陰鳩」香港人，或是當年班草委睇漏眼，依家嘈都無意思。又循法律角度去講，正確嘅做法就係修改《基本法》。但從莊豐源案引發基本法24條嘅問題，共匪連同香港班媚共政客走狗一直都話唔可以修改，即係話形同修改無望。

另一方面，綜援問題涉及到本港社會福利資源問題，這就自然地使市民引伸「交稅俾呢班蝗蟲貪」嘅想法。但目前單程證係由共匪治區進行審批而香港只能來者不拒。即係話另一個根源問題就在單程證嘅審批，而正確嘅做法，就係奪回審批權。但同樣地，共匪都係睬香港人有味。

兩個可以解決問題嘅辦法，共匪和港共都應該係唔會做架喇。甚至乎共匪們呢一刻沾沾自喜，篤定殖民大計可以進一步推行。但另一方面，普羅市民一下子未必意會到呢個核心問題，所以遷怒於法院和大陸新移民係好正常。亦即係話民情進一步升溫，可以話到咗危險邊緣。而如果佢哋明白一切源於共匪的話，爆起上嚟就唔係人咁品。所以事到如今，各社會意見領袖應該導正民粹，清楚指出問題所在，以使這一下嘅爆發能夠對準中共匪幫和港共傀儡政權，好多事情(包括政改)都能夠使香港增加籌碼同共匪拗手瓜。

至於何匪喜華、工黨、左賊之流對新移民嘅態度，其實响Facebook之外根本就沒有收視率，亦同時會因為今次嘅民情升溫甚至爆發而同時被殲滅，所以可不用花時間去同佢哋鍵戰。
都係嗰句：在香港從政/論政而不為港人考慮是荒謬的。

返回主頁

總結路姆西風潮

「丟你路姆西」轉眼間一星期過去，係時候做一個小小嘅總結。
公仔大賣，我實在感到非常意外。政治訊息如何先擱一旁，從商業角度開始觀察，會發掘出另一個層次出來。

Ikea 的公仔產品的造型一向偏向歐洲口味，故一直在香港並不算得佷受歡迎；加上一般人對狼這種動物的印象都是極為負面的，縱使這產品的設計理念是源於童話故事《小紅帽》，可是一般港人都不諳文學。
換句話說，這款公仔產品正常而言根本無可能有好的生意額，通俗啲講，呢隻公仔根本就係「趕客」或「票房毒藥」;

第二個角度就是社會文化方面，所指的是港人看待粗口嘅態度。早陣子林慧思老師的事件其實有不少人認同「老師任何時候都不能說粗話」，這就反映着香港人視粗口為禁忌嘅態度。掟呢隻公仔所表達的粗口，其實係一種嚴重的冒犯，可謂是禁忌中之禁忌。不過，要睇返爆呢句粗嘅環境情況，通常係「火都嚟埋」、或極討厭被罵對象。

第三個角度是港人對政治的態度，所指的不是看待特區政府和689，也不是國民教育和香港電視事件引發的公民覺醒，而是一直以來，普羅市民對社民連的印象都是呈負面的，而且總想到「長毛」在立法會內大吵大鬧和掟嘢、與及示威場合的衝擊警方，認為這些「搞事行為」、「搗亂份子」唯恐天下不亂而無事生非。但今次呢一掟 (加埋再之前嘅掟蛋)，換來的竟是坊間一同搶購，甚至有港人跑到深圳、廣州的分店搶購。我有朋友在外地旅遊還whatsapps / Facebook PM 問我「要唔要幫手買」。

將以上三個角度合起來分析，可以見到港人為求表達對六八九的不滿，已經可以摒棄一些既有的觀念和衝破多重的禁忌；掟呢隻公仔的所表達的粗口，代表住的是港人對六八九的不滿是到了「極度討厭」的程度。民情已到了爆發邊緣，睇下因乜嘢事點著個炸彈。不過，請大家緊記：共匪嘅盤算就係天下大亂的話就啟動《基本法》第18條 ~ 如發生動亂，或特區政府管治失效，就宣佈在香港實施全國性法律。即係廢除一國兩制。

所以大家都係要小心

延伸閱讀
由西藏歷史看香港
暴動可能性

返回主頁