補選初選佈局精密程度達共產黨水平，趙家賢唔係共產黨員？

之前兩篇文講九龍西補選，已經指出呢個佈局唔係飯桶智慧水平可以做到，甚至直言「根本係支那共匪嘅操作，就算不中亦不遠矣」，大家也許仍半信半疑。在撇除趙家賢係共諜係鬼可以話已經斷正嘅因素，分析返初選由籌備開始嘅事情，相信會更加清楚一切指控絕非小弟「自我設想」的幻想。

去年年中，民主動力開始籌劃補選事宜 (初選係好後期的事了)，最初幾次會議確實有邀請游蕙禎 / 青年新政等人開會商議新界東及九龍西的人選。據我所知，游蕙禎多番以2016-2-28新東補選飯桶提出的「議席原屬」原則，認為該由青政指派人選，飯桶們當然擺出「睬佢都有味」嘅態度。之後游MP 退一步，提出如果青政未有屬意人選而飯桶有合適人選，則該要與青政商議合作細節，但民動嘅姿態係「你有你講」嗰隻。如是者再過幾次會議都傾唔埋欄，又新東、九西各有三人銳意參選而除咗張秀賢之外都並非青政或本民前屬意人選，游蕙禎 / 青政就再沒有出席民主動力嘅會議。

由此可見，游蕙禎 / 青年新政為求合作以盡量避免土共贏得補選，已向支教民處處退讓；亦同時見到支教民 / 民主動力擺明只圖將青政踢走，連青政嘅讓步都視而不見，更唔好話乜嘢原則都拋諸腦後。

依家或者可以因眾志出事而事後孔明的認為「好在無俾青政沾手」，但青政一直無高調提及人選 (曾吹風的袁健恩除外，但盲嘅都估到係煙幕)，亦無在民動上表示會公開表態 endorse 某人，一定程度上反映游MP 已知所進退同風險所在，更可見到游蕙禎在補選上唔是只圖個人利益。

支教民牽頭的民主動力要排拒青年新政嘅原因，表面上是議席開飯大過天，當然還有「民主派我大晒」嘅惡霸思維，驅逐視為非我族類嘅青政。集中於今次補選，要 K.O. 青年新政以至通稱本土派嘅政治勢力，亦只是背後原因的 Level 1，而由呢一點開始衍生出成個部署盤算。

首先，正常人都會明白，補選要擊敗共匪是需要集合支教民、新同盟、本土派等門派的支持者，是但少一派都會出事。先行驅逐青政，游蕙禎同梁頌恆嗰接近五萬票就算無消失晒都起碼唔見三份之一，共匪嗰邊嘅勝算就增加了。

第二，郭永健「大愛包容血濃於水嘅同胞」擺明進一步清剿本土派支持者嘅票源；馮檢基更是將傳統泛民支持者的票數壓低，進一步推高共匪嘅勝算。此還可說成「買重保險」。

第三，就九西而言，就去返前文 所講嘅「姚松炎 DQ 後接替」嘅盤算，佈出「米已成炊」之局，確定共匪嗰邊「瞓响度選都贏」。

第四，就新東而言，因為范國威嘅根基非常穩，而張秀賢嘅策略鋪排亦非常成功，就是黃之鋒私怨大過天於張秀賢都扭轉唔到郭永健嘅劣勢。劉顈匡、陳國強就响嗰個時候走出嚟，就是不論秀賢定 Gary 勝出初選都有「鎅票手」於正式補選嘅兩手準備。 (呢點可以係支那共匪一條分支戰線，未必直接同民動有關)

第五，唔「搞」港島區，使眾志以為得米，因而疏於防範。結果唔駛再多講啦。呢一點除可見黃之鋒的憨居之外，亦見到整個部署嘅目標亦包括港島。(中國國民黨資深黨員任善寧個仔任亮憲係另一條 Line，唔關民動事)

呢五點嘅部署盤算唔只精密，更是機關算盡。以飯桶嘅政治智慧，根本無呢個能力做到；但相反地，支那共匪近一百年來嘅鬥爭歷史，就充斥呢啲「智慧」。例如反右運動、文革之前，精心部署「搜集」鄧小平、劉少琦等開明派的「罪證」，另外煽動群情以準備可以作大規模群眾動員，都係機關算盡到近乎密不透風。簡單講，只有共產黨員或共產黨指揮先有可能佈出如此精密嘅棋局！

趙家賢前海人民法院調解員嘅官銜，重點係支那共匪視司法是刀把子，要進入司法系統取得官位的主要條件是政治，司法專業知識資歷根本無關痛癢，頂到盡只是門面裝飾，予人覺得好睇啲，即所謂「又紅又專」。可是，紅比專重要得多。言下之意，只有黨員先可以在共匪嘅司法系統拿點好處，或最起碼要有黨重量級人馬撐腰先可以攞到個九品芝麻官嘅銜頭。唔識中共黨史就可以俾趙家賢蒙混過關。直接啲講，趙家賢就算無咁嘅本事，單是呢個身份已可以確定必有高人在其身後教路、或最起碼成件事佢是在執行黨嘅指示。

就算趙家賢唔係共產黨員，但官銜來自前海，而呢處涉及的人脈網絡包括 iProA 洪為民，洪又同董建華共事於團結香港基金、董建華上面就是江澤民系統...... 再加埋涉嫌偽造學歷反映佢有嚴重品格問題，both mental and physical 引證佢有能力及動機進行佈陣，趙家賢水洗都唔清！

民主黨咁大隻老鼠响米缸成10年都唔知，仲俾機會佢負責選舉操作，成班元老到底係食懵咗呀？定係共犯嚟呀？即刻驅逐佢出黨同民主動力即刻炒咗佢啦！

硬膠選舉條例：新界東已報名候選人尚有陳玉娥、鄧家彪、方國姍、趙佩玉、黃成智；九龍西已報名候選人尚有鄭泳舜、蔡東洲；港島已報名候選人尚有陳家珮、區諾軒。

返回主頁

西九補選，公民黨企開啲啦

話說小弟寫西九初選提到姚松炎再被DQ，就有可能飯桶急就章安排馮檢基補上。點知篇文一出街 (定初選時辰到而DQ姚松炎風聲吹得緊)，民主動力就拎份初選協議書「投名狀」出嚟，初選冠軍「出事」就由亞軍頂上。在一定程度上不單證明小弟對飯桶嘅指控，尤其是「兜大圈撐基哥」呢個佈局，絕非無的放矢，更證明飯桶們一早就儲心積累呢個鋪排。只不過馮檢基輸姚松炎「成條龍翔道」距離太大，搞到飯桶們唔知如何體面地實行 Plan B。

或許飯桶們精心部署「馮檢基補上姚松炎」嘅計劃被小弟踢爆 (姑且看得自己這麼高)，就以為攤份「投名狀」出嚟晒冷就可以鎮住個場，點知馮檢基輸到仆街，中埋小弟提出的「低票勝出，壓低晒認受性」主張，飯桶唔只難以體面地實行計劃，仲因為馮檢基响初選嘅成績低到退聯，即係推佢代替姚松炎(萬一真係被DQ) 就會受盡千夫所指，飯桶於是放風「打算搵梁家傑做 Plan B」，順便繼續以論資排輩的小農思想撳住游蕙禎MP / 青年新政難以藉機衝出嚟重奪話語權。除咗遭飯桶支持者批評唔跟初選訂好協議規矩「搬龍門」嚴重狠批之外，搵梁家傑更清楚見到飯桶們為求封殺本土派 / 獨派係可以全無底線。

眾所周知，小弟對呢場根本唔應該出現嘅補選嘅立場就是「眾志歸眾志(港島)，青政(本民前)歸返青政 (西九及港島」。好多柒頭 (尤其是飯桶同熱普城) 再度恥笑小弟係「青政盲粉」，但呢個主張唔係我發明，而係源自 2016-2-28 新界東補選期間，飯桶大聲疾呼「議席原屬公民黨就該歸公民黨」。無錯，按照當日嘅原則，梁天琦 (好似) 係「鎅票」，飯桶亦因而認為今次補選嘅安排只不過是對青政 / 本民前「以其之道還彼之身」，是完全合理的。但是飯桶們由港共傀儡政權公佈3.11補選以來迴避了一個極大原則 ── 湯家驊係自願辭職放棄議席 vs. 游蕙禎同梁頌恆係被港共和支那共匪迫逼到失去議席。單係呢一個原則，更加證明飯桶於今次補選嘅所作所為比梁天琦嘅「鎅票」更加不合理。

順便爆料，小弟有聽過飯桶中人以「游、梁宣誓『玩嘢』等同於『自行放棄議席』」狡辯回應呢個原則，更見到飯桶為封殺本土派 / 獨派嘅痴線程度，再望住佢哋開口埋口講「民主」二字，真係除咗想講粗口之外就想打爆佢哋 LMCH！

仲有，公民黨不單是 2016-2-28 新東補選嘅第一身，因而根本無資格涉足於今次3.11補選，更是「考古」發現，2015年底，青年新政 / 本民前提議進行初選解決人選爭議，梁家傑以「不是兩個政團的私事」兜大圈附和民主黨黃碧雲以「初選需要龐大經費」同工黨李卓人嘅「單是年輕不夠」


到最後以「時間倉促」否定初選嘅建議。

無錯，梁家傑 / 公民黨當年就咁講可以 apply 返落去今次3.11補選，但又去返「湯家驊自行了斷 vs. 游蕙禎梁頌恆被迫了斷」嘅原則，就 fit 唔返「X個政團的私事」嘅講法。更是黃碧雲當年大大聲「邊個畀錢？」，咁點解今次就樂意推動初選「燒銀紙」？講到尾咪又係為求封殺青政 / 本民前就可以龍門任搬囉！再仲有，今次初選距離補選大約三個幾月，比當年青政提出「初選」的時間唔是多好多，點解今次得上次唔得呀！更證明飯桶是否辦初選一切只是盤算「初選結果係咪有自己著數」。加埋呢段歷史，除了「古思堯上身」嗰句「企開啲啦，屌你老母」對住梁家傑同公民黨嚟大鬧狂抦喪打之外，就是「梁家傑同公民黨有乜撚嘢資格參與今次補選呀」！

成場西九補選嘅事件進程亦清楚睇到飯桶為議席開飯、封殺本土派 / 獨派可以做嘅事嘅仆街程度，係超乎想像。但同時見到，成個佈局之精密程度，根本唔係飯桶嘅智慧水平可以做到。言下之意，姑且講白佢，根本係支那共匪嘅操作，就算不中亦不遠矣。支那共匪嘅目的，盲嘅都睇到囉就是要呢幾個議席落入土共屬意嘅人選，最起碼係西九嘅一席；而支那共匪嘅鬥爭手段從來都唔係要贏，而係將敵人「鬥垮鬥臭」── 著飯桶佈局派出一個「輸鳩硬」嘅人選 (那管馮檢基、梁家傑都唔會攞到游蕙禎嘅票源)，胡杏兒姐夫鄭泳舜咪可以「瞓响度選都贏」囉。亦因此，趙家賢係咪一個仆街，甚至「係共諜係鬼」，睇嚟只係等時間證明。

返回主頁

何君堯抽李光耀水，知唔知自己噏乜春?

小弟病咗兩日，今晚先叫做响返狀態。

話何君堯係不學無術嘅仆街，相信除咗佢啲同道與及一眾土共，都無乜邊個唔認同。佢要向支那共匪獻媚雖然都見怪不怪，但抽水都有個譜。好抽唔抽抽李光耀，除咗遭SPIN「李光耀帶領新加坡獨立」確定佢抽中火水之外，對住類似小弟呢啲稍有認識星馬政治歷史嘅人嚟講，簡直係侮辱到不知所謂。

小弟唔敢認所謂星馬政治專家，但近年花較多精神時間於星馬，對於李光耀嘅人和事嘅理解程度，夠膽認响香港排第三 (第二俾返黃世澤)，唔好話第一，第四都無乜邊個夠膽認。何君堯？「見到尾燈當你贏」都無份DNLM！小弟係有少少覺得同佢拗嚟都嘥時間。但或者港共傀儡政權以至支那共匪十幾廿年嚟不斷借香港人對新加坡嘅片面認識，同埋傳統泛民政客的半桶水亂鳩SPIN，搞到香港普遍地錯讀新加坡，加上佢嘅身份，就焗住郁手。

即是又唔計李光耀其中一件最豐高偉績嘅事係1963年嘅「冷藏行動」(Operation Coldstore)，將馬來亞共產黨嚟個一網打盡，可以強力恥笑何君堯「拜錯神」，而以支那共匪成日高唱李光耀對新加坡社會有幾大貢獻 (但撇除誘導香港人接納「專制獨裁」)為基礎，你何君堯有邊一忽及得上李光耀呀？

唔好話李光耀執政新加坡政府幾十年而何君堯連「執政」兩個字揩邊都有排無佢份，剩係講一啲思維、心法嘅嘢，何君堯有邊樣可以同李光耀比呀。以香港啲「南洋政治半桶水」嚟講李光耀好狠野蠻，但李光耀從來認為佢做任何事只需要向新加坡人負責。何君堯你夠膽話向香港人負責嗎？

再仲有，李光耀從政以來最憎恨兩件事 ── 貪污同講大話。何君堯有無貪污，現階段「未有懷疑涉貪事件曝光或遭執法機構調查」而可以話無，但講大話呢？剩係佢啲唔知執業定執葉嘅嘢到今日都仲未 Clear，已經觸犯天條啦。唔單只係「侮辱」嘅最大證據，更證明何君堯自比李光耀簡直不知廉恥，仲衰過中共香港支部 ── 禮義廉呀。順便的，咪話小弟唔提醒尊貴的何議員，你單「執業」其中一瓣就是新加坡。你今鋪咁樣辣著新加坡會有乜後果，好自為之！

而最屈機嘅係，李光耀响1965年8月9日宣佈獨立當日嘅訪問入面有以下呢一句說話

你夠唔夠膽講你從政以來對香港社會嘅態度同立場就係咁吖？抱歉的，我再次的表示「只睇到你一心只圖取悅中国共產黨」而已。

何君堯嫌唔滿意我咁樣屌柒你唔緊要，夠薑你咪學支那共匪主子 / 支教民左賊最興講嗰句「李光耀最叻就係告人誹謗告到佢破產」嚟還拖。小弟就身無長物，就算輸咗都無嘢可以賠俾你！但咁做就再一次反映何君堯根本就唔認識李光耀。因為李光耀唔係最鍾意告人，而係最樂見對手「以道理和實力作出反擊」，拗贏咗就心服口服。因此，我樂意同何議員作公開較量，以李光耀為主題進行同台辯論，時間地點任由何議員決定，甚至限制住只有何君堯可以帶成千人做現場智囊、啦啦隊，完全俾佢打茅波都無問題，小弟樂於「一人做事一人當」奉陪到底。又順便的，我夠膽講我呢個打算才是「真正的李光耀」。

如果何君堯唔敢嘅，就唔該公開向李光耀嘅家人、人民行動黨以至全新加坡人民作出道歉同收回有關言論。不過依小弟估計，何尊貴都係當睇唔到無事發生嗰隻，咁就唔好話「睇你唔撚起」，仲要再講多次「小心你單『新加坡執業 (資格)』」啲手尾唔知幾時出事。

最後終極一串：相信何君堯未睇過《李光耀回憶錄》，就唔該「柒少鑊當幫忙」。但又如果何君堯敢於應戰，小弟送咗我手上呢套好難再買得返嘅俾佢又點話！

不過都係嗰句「我睇死佢都係唔敢應機」。

返回主頁

珍珠坊拆卸重建可能先至係出路

我响 Medium 寫過去新加坡旅遊，其中提到「仲要老豆阿媽抱住」返去嗰陣，幾乎日日去蒲珍珠大廈/珍珠坊商場，但又講唔知近年變成點。最近幾次返去就過去逛過，得出嘅結論係「不堪入目」。

42年樓齡嘅殘舊都事少，內裡店舖除咗啲幾十年老字號、成個場格局變得有如香港嘅葵涌廣場都唔係問題，搭巴士去到新橋路唐坊城落車過天橋，一推玻璃門行入去第一個反應係「唔撚係嘛，變到香港佐敦上海街 (甘肅街至佐敦道一段) 咁樣！」。即係點？嗰段上海街大量支那蝗蟲開設嘅邪骨場，一堆嗰樣想嘔著晒低胸甚至摟屌裙滿口匪語响梯口拉客嘅阿姑...... 無錯，珍珠大廈商場成咋紅藍色 LED 板寫住按摩嘅招牌，一聽就知係支那口音華語嘅女人係咁問「老闆要不要按摩」，就真係唔只無眼睇，心中暗問「乜搞成咁呀」，同埋「啲中国人去到邊都剩係識做呢啲搞到污煙瘴氣」。

珍珠大廈响1976年落成，直到1980年代後期係新加坡人視為 Significant Landmark，樂於到此行街買嘢，到1990年代中後期隨著售賣翻版VCD、軟件CD 氾濫開始走向沒落，無諗到今時今日會搞成咁嘅田地，尤其是本應只在芽籠出現的色情事業竟在這老牌商場大行其道。除咗法律問題之外，更反映中国人的思想好有問題。

曾幾何時，講緊大約兩年前，新加坡有一笑話：「麻甩佬唔去芽籠架喇，因為 all girls are from China, service no good la」。最近返去，發現芽籠「無嘢睇」，尚且唔知係咪唔啱時間啦...... 但珍珠大廈呢度嘅情況，連同過去一星期最少三宗掃黃或「放蛇」偵查的報導，事發地點遍佈全新加坡，其中一宗「冚檔」更是總理李顯龍的選區宏茂橋。

不論你是否認同紅燈區呢樣嘢，就是明明有合法「開工」地點但偏唔用，不是很奇怪嗎？也許在芽籠「開工」既要申請牌照，又要定期睇醫生，仲要交稅...... 响中国都唔駛，「坡縣」做乜要呀！除咗呢套「錢作怪」嘅邏輯之外，頂多加一樣「去芽籠好易撞到熟人而解釋唔到，分散晒就無呢個問題」之外，我暫時搵唔到其他理據。由此可見，支那蝗蟲對新加坡社會秩序的影響，唔只係語言，仲涉及一連串複雜、多角度的思想問題。

珍珠大廈業主委員會响舊年11月通過成立集體出售委員會，希望集齊晒業權出售。先放心，雖然「集體出售委員會」嘅目標係有如香港嘅田生，但呢啲委員會係响一定法律監察之下組成，唔會發生「空置單位縱火案」。出售之後最大可能性當然就係拆卸重建，未賣出當然未知重建計劃會係點，定係政府收返土地業權變公園、社區會堂一類綜合大樓......都唔係無可能。但起碼係一個可以徹底清除 PRC 搞到商場 (以至樓上住宅) 啲「污垢」嘅機會，繼而重整成個牛車水嘅社區秩序都唔係無可能。

順便俾少少旅遊 Tips，見到以下呢啲只得中文，或頂多有唔是新加坡慣常寫法的英文嘅招牌嘅舖頭，唔駛驚以為去咗匪區，鎮定啲。唔駛諗包唔包容，行快啲 NEXT 就得啦。


再醒多樣新加坡旅遊冷知識俾大家，EU TONG SEN STREET 驟眼望有啲似人名，但又睇唔明啲南洋譯法而估唔到係乜水，去裕華門口就會望到路中間有極度罕見有華文嘅路牌。

余東旋何許人？余仁生中藥創辦人余廣培個仔囉。搵到錢尚且會發財立品，唔係有錢買起條街就可以楝個路牌...... 算啦，中国人唔會明架喇。

返回主頁

係囉，英國佬走咗就唔理香港囉

一直以嚟，好多香港人 (尤其是港燦) 將文題嗰句說話成日掛在口邊，繼而引伸對爭取 BNO 平權運動嗤之以鼻，話「咪發夢啦，英國佬點會咁好死吖」；更唔好計因為《里斯本條約》在法理上 BNO 有歐盟居留權，甚至有逾五萬港人因此响歐洲定居，都當睇唔到或話「吹水老作都有個譜」。呢啲態度同說話不單有如向參與 BNO 平權運動嘅人士潑冷水，令到獨派 / 歸英派感到氣餒，仲同時為支教民飯桶左賊嘅「建設民主中国」助長氣焰。小弟雖然尚可「我笑別人看不穿」，但心底裡一直有個「如果英國佬真係有行動，就捉你哋班港燦出嚟跪玻璃」嘅想法。

亦的確，自《里斯本條約》响2009年頒佈同實施之後，再到2012起的「689暴政」同「2014-9-28 大屠殺預謀」，英國政府亦沒有實際行動使人感到洩氣，但隨住英國自由民主黨前黨魁、現國會上議院議員艾思定勳爵（Lord Ashdown Paddy) (註：艾思定是英國官方漢字譯名) 牽頭的組織 Hong Kong Watch 响香港時間前晚發表報告，指出中共政權違反《中英聯合聲明》及提出 BNO 獲得 BC 身份建議；同將於香港時間今晚深夜 (18JAN 0200) 舉行會議，預計會將公佈 BNO 平權計劃初步安排，既搞到港共傀儡政權同支那共匪除了「反對外國勢力干涉中国內政」之外就無法招架，亦同時引證歸英派一直所「發夢」嘅並唔係吹水唔抹咀，更當然引證香港人响過去最少八年多以嚟係幾咁白痴無知，而且絕對可以話對獨派 / 歸英派同 BNO 平權運動嘅人士唔住。

無錯，英國一日未正式 make announcement，一日都唔可以就此武斷的批鬥香港人 (以至支教民左賊)，但呢一切諗法全部只係建基於零國際視野、對英國政治的無知而成，更甚至係白痴到唔明白「政治嘅嘢只可做不可講」、「時機未到要做都不可能直線進行」嘅道理。再即係話，一直以嚟香港人嘅諗法同態度都係錯到無譜。

艾思定勳爵並唔係支那共匪五毛所指的「過氣政客」，只不過好多香港人唔認識英國嘅政治制度，或頂多記得 House of Common (下議院) 而唔知道有 House of Lord (上議院) 呢個物體，先至俾五毛黨可以製造呢啲輿論。但英國嘅政治制度之下，艾思定勳爵仍是英國政府的一員，即係話佢寫嘅嘢、講嘅說話可解讀成「英國政府官方立場」，呢一點已經解釋到林門鄭氏點解會响尋日倒塔咁早 (0830) 就發花癲。又雖然 Lib-Dem 並非執政黨，可以繼續 「英國政治白痴 mode」以 「無牙老虎」嚟 Spin，但 Hong Kong Watch 係跨黨派組織，仲有「執政黨」Conservative Party 响度。再者，港督彭定康响舊年10月訪港期間，回應劉慧卿提問 BNO 國籍問題時表示將會向國會提交私人法案賦予 BNO 居英權。雖然仲未見彭督份 Bill 曝光，但不排除稍後時間就會出現，又或者肥彭同艾勳爵借刀是不能排除。言下之意，更可以肯定 BNO 平權將會發生，甚至因為港共傀儡政權律政司「玩嘢」將黃之鋒判監，因而加快速度。

若說 Hong Kong Watch 份報告同香港時間今晚深夜(明天凌晨) 的會議激到港共中共扎扎跌但唔識應機，英國時間 1月23日國會下議院其中一項辯論動議，更必定搞到港共傀儡政權同支那共匪隨時火山爆發。



Westminster Hall debate，以香港立法會運作嚟比喻說明，即係逢星期三的大會。唔好話香港立法會大會嘅議程唔係雞毛蒜皮嘢，英國下議員嘅議程更加唔講得少。將香港嘅問題進行辯論，即係英國政府視香港係重要事情。意味英國政府已經對香港有行動計劃，甚至可以話「展開行動」。順便的，再一次對港人一直以來認為「英國佬唔會理香港」兜巴星！

雖然無人肯定 debate 嘅結果會係點，但英國朝野將香港嘅問題歸類到涉及人權，並且作為基礎重點，正常地除咗班議員唔會講啲不負責任嘅說話，甚至將 May 姐迫埋牆角，頂到盡都係 I do not know where is HK 嘅中部鄉下佬可能廢噏，但英國政治環境班鄉下佬唔出聲避免出醜嘅可能性更大。

英國佬對「光榮撤退」呢四個字睇到天咁大，係英國政壇源遠流長嘅傳統觀念。而Hong Kong Watch 份報告寫明 "Will China...... thereby breaching an international treaty?" 同引述前首相馬卓安 (John Major) "if there were any suggestion of a breach of the Joint Declaration, we would have a duty to pursue every legal and other avenue available to us"，即是宣告 (或最少認為) 英國對香港不是「光榮撤退」，英國佬無可能唔會對香港採取適當行動而目標就是「收拾殘局」。將呢個思路套用返於1月23日的辯論，更可以幾乎肯定議員們唔會「應酬咗就算」。再甚至以一戰及二戰英國對納粹德國唔履行條約就開拖嘅歷史背景，英國佬唔單只唔會唔理香港，更必定會郁手。只不過過去近八年以嚟，除咗國際形勢中共處於上風而時機未到之外，英國無收到香港社會發出求救訊號，無法出師有名。

又就是香港人無 Shouted for help，英國無法出手，繼續容讓支教民、左賊鼓吹「英國佬唔會理香港」，清楚見到香港遭支那共匪破壞是香港人自食其果。更是以「遇溺但沒有呼救，出咗事就埋怨救生員『做乜唔救人』」作比喻，更見到香港人不單抵死，仲個腦裝屎嘅！因此，香港人唔好諗住「得米」，小弟必定以你哋過去最少 8年對獨派/歸英派同爭取 BNO 平權運動嘅態度、言行作出清算。鬧人憨鳩嘛、話英國唔會理香港，攞英國佬啲嘢做乜呀！

後記：
1. 支那共匪近幾年來常講「香港係中国的，唔做中国人就離開香港」，引伸出嚟支那共匪不排除會因為平權而展開驅逐港人嘅行動。但咪話唔提醒習近平、江澤民，你哋自己以至大量同志嘅家眷响美帝走狗紙老虎、英國殖民走狗等西方列強嘅國家定居，小心啲紙老虎走狗拎你哋啲家人嚟「玩」；
2. 再仲有，加拿大、美國、澳洲同新加坡在過去最少一年做咗不少針對中国移民嘅行動，包括拖延審核入籍申請，甚至拒絕批准入籍以至驅逐出境；就算未做呢啲官式嘢都已經有兩手準備。支那共匪咪即管試下諗住趕香港人走，睇下呢啲國家又會點以牙還牙囉。

返回主頁

咪用馮檢基侮辱李克勤

雖然身為李克勤FANS，但非常反感佢曾經公開表態支持 Mrs. Hilter 同反對「反國教」所表達的政治取態，亦明白政治圈子因此而極度憎佢，繼而事無大少針對佢，雞毛蒜皮嘢都要抽秤佢，就連佢攞到今屆商台叱吒樂壇男歌手金獎，都要恥笑「樂壇關愛座」。可是純粹從音樂角度出發而對事不對人，佢攞呢個獎雖不算實至名歸，但當前香港嘅所謂樂壇有邊個男歌手真係掂過佢，我真係睇唔到囉。

無錯，李克勤無話好似佢嘅「伯樂」譚詠麟，或同期出道嘅張學友宣佈唔再攞獎，係會俾人覺得「仲要同啲細嘅爭」，但舊年2月第59屆格林美獎其中一首得獎歌曲Moth into Flame，樂隊 Metallica 四位成員中最年輕的Robert Trujillo 比克勤大三歲，唔通美國樂壇又流行「關愛座」呀?! 對人不對事總不會客觀，但「名叫香港嘅井」太習慣不知外面嘅世界係點郁啲就因人廢言。

李克勤出道30年，音樂造詣除咗「零瑕疵」嘅相反「無感情」之外，當今的歌手那管是許廷鏗、陳柏宇、吳業坤等，真係「見到尾燈當佢贏」。唔駛講乜，剩係《演奏廳》同《演奏廳 II》嘅 Live recordings，家陣有邊個歌手夠實力同夠膽呀！歌曲類別唔只情情塔塔，乜嘢題材都有，甚至「講政治」計有小弟提過嘅《後會有期》講移民潮，仲有大家該仍記憶猶新嘅《天水、圍城》(雖然佢迴避係「政治嘢」)；要再數的話，起碼仲有《演奏廳 II》第四首《香港仔》其實係講香港人為賺人民幣不擇手段嘅醜態。唔計寫同唱呢類題材嘅歌要講下膽量同要有時事觸覺，俗謂「新世代」嘅一堆歌手有無 intention 寫同唱同社會有關嘅歌？抱歉的，在我的印象中又係無。



今次得獎由來的《30克》專輯，《一個都不能少》的編曲抄襲確實係污點，仲要係重犯同類錯誤 (上一次就是《希望》)，真係抵打。但第五首的《給歌迷梁小姐的公開信》雖然既無得獎亦無派過台，以有如答謝梁小姐在世時一直的默默支持，勉勵她的親人繼續開心的生活落去，唔用生命終結只有悲傷的方向，又有那位歌手同創作人可以做到？更唔好話呢首歌反映克勤對歌迷的尊重咁懶係高尚囉。

《30克》專輯另一首最多人講嘅歌係《C3PO》。C-3PO 本是 Star Wars 其中一個機械人角色，克勤將《星戰》中 C-3PO 同莉亞公主嘅關係寫成一首歌，又係嗰句「唔係人人諗得到囉」。仲要講呢，Google search 最少三篇對呢首歌嘅《樂評》，但篇篇都係話首歌係講「收兵」，其中一篇仲串克勤成50歲人學人講「兵」係咪老咗啲呢...... 我睇到真係笑咗囉。

所謂「中學生中文閱讀理解」嘅要求之一，係要從考慮埋作者嘅身份同文章嘅背景，以至寫作的時間條件，先至係正確研讀同分析。例如朱自清嘅《背影》，唔擺低今時今日鐵路(以至通訊科技) 嘅發達係唔會研讀到作者與父親別離嘅情懷。

C-3PO 只係一個機械人隨從，點取代 Han Solo 呀！無錯，真係只能寫到「兵」咁樣，但克勤的「青春期」由1980年代開始，嗰陣嘅香港社會嘅男女感情關係無依家咁功利主義，單純得嚟真係可以見到心儀對象有「白馬王子」照顧而幸福快樂就默默祝福，直到永遠阿們嗰隻。當然，以今時今日嘅觀念係覺得好撚憨鳩。但呢種「石器時代」嘅思想就係咁，而且同現今嘅想法最大分別，既唔會因為「女神」唔揀你呢隻兵而自怨自捱，更唔會憎恨將「女神」私有化嘅嗰條友 ；同時地，會否另覓對象同「女神」無直接關連 (嗱，官方MV就表達咗呢啲元素) 。可見這些《樂評》不單膚淺，更可以謂「小學雞」都不如。至於點解咁寫，係咪因為當前香港社會看待李克勤的大氣氛，小弟唔去考究。

專輯有兩首歌觸及「送禮勤」── 《恭喜你》同《30克》。雖然自嘲呢樣嘢關心妍的《關家姐》可謂最經典，但關心妍擺明車馬用首歌嚟做 Promotion Campaign 重點，响 Marketing 嚟講係好低 Level 嘅招數。相反地，克勤無咁做，就算上電台接受訪問講呢兩首歌，重點集中响編曲同聲線調校 (恭喜你)，同 A-capella 嘅「好玩」(30克)。

另外，詳細研究李克勤 30年來逾50隻非純精選嘅專輯，《30克》嘅編曲同演繹風格近乎從未出現過，除咗《五十路》同《失魂記》兩首「又係唱俾老婆聽」之外，題材亦係「新鮮」，加埋以上幾點，已經足夠證明李克勤攞獎根本就唔係「關愛座」。頂到盡一句「時也命也」，或奉承的講「遲來的男歌手獎」。

咁馮檢基呢？在香港從政逾30年，做嚟做去都係得一味有如「街坊保長」，對比克勤啲歌嘅題材同風格就變化萬千，已經「企開啲啦」。雖然克勤嘅歌藝「無感情」，但「零瑕疵」可以要嚟 Hifi 「炸機」，但馮檢基打又唔打得 (唔是「勇武」嗰隻打，而係連質詢都迫唔到啲官埋牆角)，企出嚟連台型都欠奉「睇又唔睇得」，講句嘢都唔夠說服力嗰隻，拎李克勤嚟比喻根本就是揀錯對象。

再者，如前述《30克》專輯充滿全新音樂元素，尚算能說「與時並進」作出改變，但馮檢基莫過話好似克勤 (江湖傳聞離開UMG原因除咗錢之外係音樂創作空間，導火線係《罪人》因為改編歌少咗商台嘅宣傳機會) 夠膽轉陣作新嘗試，就是唔少人好言相勸著佢要改革都當耳邊風。甚至乎克勤過去親自落手協助新人發展演藝事業 (例如黃依汶、陳婉淇。雖無功而還但都唔關克勤事)，馮檢基就偏聽深水埗幫班死老野，搞到任國楝、莫家嫻、楊振宇最終拂袖而去，仲要死攬住個根本係廢柴嘅李健勤當係寶。

將以上咁大堆嘢夾埋一齊去睇，馮檢基唔只不配同李克勤嚟比，直頭係「食塵都無份」嗰隻，亦更清楚肯定咁比法簡直係侮辱李克勤。亦同時證明，香港嘅社運同論政圈子啲眼界視野狹隘到退聯，連基本常識都無，中學生都不如；一味只顧因人廢言、私怨大過天、拎住一個論點就大放厥辭發花癲...... (下刪三萬字)。是故之，小弟無乜意慾理會香港政事，情願匿埋做自己嘢 (包括開 Hifi 聽歌炸機) 好過，亦係呢個原因。

都係嗰句，年齡唔係問題，能力先至係關鍵。馮檢基唔好話拍馬都追唔上林吉祥或柯健銘，連李克勤都不如，收山返鄉下耕田啦！

返回主頁

中共用語言進行侵略豈止香港

有報導指《2016年中期人口統計報告》顯示過去十年來港新移民人數雖然下降，但來自支那匪區的殖民人口，以粵語作為慣用交談語言的比例，2006年是84%，2016年跌穿七成；相反地以通稱普通話實該為北方胡語的比例，由2006年2%急升六倍至2016年近14%。呢項調查結果將支那共匪透過向香港輸入人口進行殖民赤裸裸，毫不含糊地徹底斷正。

除咗希特拉名句「要消滅一個民族，首先要消滅他們的語言」引證支那共匪嘅所為之外，中史科大力推崇備致的大一統觀念，其中一樣就是「書同文」。呢個不單形成文字要「統一」的所謂制度，亦形成自1911年以來中國呢個地理名稱涵蓋嘅範圍的語言要統一嘅觀念，當然亦成為由國民黨到共產黨的政治手段。引伸出來，隨住歷史進程，形成「中國人就要講普通話才是正道」的觀念。

在文化大革命期間，就是沒有在講普通話，哪管都是用漢字系統的粵語、潮州、客家、閩南、上海話，隨時輕則「沒有緊跟毛主席指示」遭到批鬥，重則就會被扣帽子「從事間諜行為」批鬥或被拘控監禁甚至處死。還證明支那共匪更將胡語定性為「判斷是否本質純正」或作為迫令歸順嘅政治工具。這也解釋得到支那共匪要在東土耳其及圖博要使用普通話，甚至欲廢除當地原本嘅語言和文字；亦當然解釋得到點解共匪要不斷輸入習慣講普通話的人口到香港，與及要推動普教中。

另一方面，來自支那匪區進入香港嘅人口，包括遊客、單程證、雙非小童等等，總抱怨、埋怨，甚至指責香港人唔會講普通話，就是承襲了「中國人就要講普通話才是正道」的觀念，加諸於「黃皮膚黑頭髮就是中國人」。而呢種觀念同態度與及衍生到針對「不說普通話」作出不友善的行為的，還不只限於香港人。其中一個以政治角度看待較誇張嘅例子就是駱家輝 (Gary Locke) 到北京履新美國駐華大使時，接受支那共匪CCTV 記者訪問還是以英文對答，一眾五毛破口大罵「身為中國人回到家還說英語」。即使在平民層次普羅社會，一樣唔只發生於香港。無錯，就係新加坡。

還記得孫旭呢個來自重慶嘅新加坡留學生嗎？佢因為網上POST 「新加坡狗比人還多」被新加坡政府罰款3000坡紙及社會服務令，再加取消Final Year 獎學金。孫旭的 POST 的前半部係「你們祖宗200年前都是中國人」，證明「黃皮膚黑頭髮就是中國人」就是中国人的思維邏輯。但點解佢會話新加坡人係「狗」，就是從「中國人就要講普通話才是正道」開始。

新加坡以英語為法定語言，不論種族膚色，一埋位就是 English Speaking。或者華人同馬拉人習慣講一句話幾種語言撈埋一齊，但必定有英語响當中。

華語 (即支那共匪的普通話) 雖然係華人社交語言，但同時地客家、潮州、閩南話隨街可以聽到，亦因此新加坡華人講華語不論發音、聲調、用字，同中国的「官方標準」有好大差異。

對於來自中国的人，新加坡華語唔是「中国官方標準」，隨時聽到一頭霧水之餘，唔多唔少會覺得「為甚麼都是『中國人』說話還不標準」而認為格格不入；而周街客、粵、閩語，更必定搞到「都唔知啲新加坡人講乜」，然後又回到「為甚麼都是『中國人』還不說普通話」的思路。衍生出嚟，就是 PRC Nationals 覺得新加坡華人「本質本純」。再甚至乎因為主流語言係英語，啲中国人更會有如「駱家輝事件」咁覺得「身為中國人說英語成何體統」，出現嘅思路已不是格格不入而是「民族走狗」。孫旭所指的「狗」其實係咁嘅意思。

只不過中国人個腦已被支那共匪的意識形態填滿，就算是南洋華人源流的歷史是今日新加坡以英語為主嘅成因，中国人都只會覺得「他們的祖先飄泊到來不過是民族敗落的歷史過程」，然後出現「為了中華民族的興旺，要糾正他們的不純」的想法。但對住新加坡華人要不是滿口英語，就是唔符合「中国官方標準」的「普通話」，而且「好像沒改正過來的打算」，就開始一方面覺得新加坡人非我族類，另一方面就認為遭到新加坡人排斥而開始畫地為牢，即係俗啲講開始「霸山頭」。其中牛車水、芽籠簡直是「重災區」。牛車水英文是 Chinatown，依家新加坡人稱作 China Town，可想而知有幾嚴重！





有一位曾留學新加坡但已回港的朋友同我講，有中国留學生親口講覺得新加坡華人講英語是「中華民族敗類所為」，更可以相信 PRC 認為「黃皮膚黑頭髮幹嗎不說普通話」的想法其實相當普遍。

支那共匪的語言政策方針所產生嘅問題，新加坡比香港其實唔好得幾多，頂盡因為英語為主形成的「語言障礙」令到佢哋只能「霸山頭」而沒有好似香港「遍地開花」。不過，亦因為 PRC 看待華人的態度，無法與李光耀成功建立嘅多元平等意識接合，另同時使新加坡人認為啲 PRC 唔接受呢一套，兩者之間嘅關係存在暗湧。但講到尾，要不是支那共匪長年累月嘅洗腦，就唔會動輒「黃皮膚黑頭髮就是中國人」然後再衍生一堆根本係錯誤嘅思維。亦由此可見，支那共匪嘅遺禍，香港同新加坡係「同病相憐」。

後記：支那蝗蟲無法融入新加坡主流社會，或只會承襲支那共匪的一套嗎？新加坡一套講述獨立後社會發展的電影《1965》，其中一位主角戚玉武，是生於廣州的新加坡移民。佢仲係 MediaCorp 經理人合約藝人。佢响 The make 入面有提到跟隨家人移居新加坡初期都有適應問題，但決定努力融入呢個社會。依家佢就成為新加坡演藝圈的重要一員！





返回主頁

西九初選投廢票

叫人投廢票，即係益咗支那共匪？仲唔是「係共諜係鬼」現形！小弟唔阻止你哋咁諗，但小弟稱作「飯桶」的傳統泛民派系為咗3.11補選，猙獰面目盡現人前，黑幕黑到史無前例級數，尤其是九龍西，飯桶嘅策略佈局(包括新界東)同益咗中国共产党無乜分別。只不過新界東有張秀賢同范國威兩名悍將，尚算頂得住飯桶同左賊操盤郭永健啲仆街事，而九龍西就真係飯桶「玩撚晒佢」。

回帶到原本「流傳」區諾軒得到游蕙禎MP 背書「考慮出戰」，但吹咗幾日風就「墮馬」，接著姚松炎突然現身。撇除小弟同區諾軒交情非淺 (事實上小弟素來公私分明、公事公辦)，呢單嘢嘅內情搞到我極度火滾。

可以爆料，游蕙禎MP / 青年新政的 First choice 並非區諾軒，最原本的屬意人選正是姚松炎 。你哋唔知呢！
游MP 早在去年暑假前後接觸姚松炎，但姚松炎扭屎忽花mode 暗示「唔打算選」，繼而無應機，游MP 先至 approach 退黨不久嘅區諾軒。呢個情況帶出嘅問題在於姚松炎「唔嫁又嫁」── 冷對游蕙禎的游說，但區諾軒的「風」未吹得起就「被收皮」後突然衝出嚟，跟住成堆白鴿以外嘅飯桶、左賊企响佢側邊。姚咁做唔係擺明 ignore 游蕙禎 / 青年新政咁係乜呀！政壇中除咗土共之外最想消滅青政嘅正正就是一堆飯桶，意味姚松炎就算無同飯桶有 Deal，都係同飯桶同一陣線。

或者大家會以「姚松炎只係唔想接游蕙禎『死亡之吻』」嚟到反駁。但如果姚係咁諗，為何唔同游蕙禎講清楚而要扭屎忽花mode 暗示「唔打算選」以至後來直頭唔應機！單係呢點已經引證小弟絕非上綱上線扣帽子！

另外有三件吊詭事可以引證姚松炎「好有問題」。第一，姚松炎原屬建築、測量、都市規劃及園境界功能界別，佢大可以選返呢個位。但姚既不打算選，又沒有見到有「意向繼任人」出現，難免使人覺得佢另有盤算。再對照返九龍西補選同初選嘅時間軸，佢到底搞乜真係老夫子之慣常 ── 耐人尋味。而就是區諾軒「墮馬」同佢蒲頭在時間上的巧合，更無法排除不懷好意。

第二，12月初有風聲吹出，姚松炎將可能報名補選再被DQ。呢個風險姚松炎無可能唔知，或最起碼唔會無預計呢個可能性。點解佢仲會咁搏命於九龍西唔是重點，率先放呢個風嘅係《香港01》，即係港共傀儡政權已經有兩手準備，先至係關鍵位。按照目前形勢(尤其是香港研究協會民調結果) 分析，姚松炎勝出初選嘅機會相當高。如果佢去選舉事務處報名無幾耐選管會就 DQ，飯桶必定以「形勢緊急」、「唔夠時間再作初選」之類做藉口，安排初選結果第二嗰個頂上。以香港研究協會民調結果為基礎，即係馮檢基。

按此拆解，白鴿 / 支教民見袁海文 (有排都) 未夠班「隊冧」游蕙禎 / 青年新政，但又搵唔到其他人選，馮檢基恨選得返恨到流晒口水，姑勿論馮檢基對白鴿嚟講唔算係自己人，但總之青年新政是首要敵人，黃碧雲等人「連結次要敵人」有乜出奇。但眼見袁海文啲「拔萃仔態度」又真係唔夠抽，直推馮檢基必會引起巨大反響而極有可能低票輸俾胡杏兒姐夫，到時唔只交代唔到仲必定會俾全城圍剿追殺。但先「開行TURBO」推姚松炎，等選管會 DQ 然後急就章推馮檢基出嚟，既達成「射落海都唔益青政」嘅目標，就算馮檢基真係輸咗，都可以一句「我哋盡咗力」推得一乾二淨。呢個推斷仲睇到飯桶隨時同港共傀儡政權夾好晒，仲去初選投票而唔投廢票即係幫支教民抬轎！

第三，飯桶的民主動力籌劃初選期間，都懶係有禮貌的邀請游蕙禎一齊開會商議。據悉游MP 堅持引用2016-2-28新東補選飯桶提出的「議席原屬」原則，認為初選結果必須得到青年新政認可，搞到飯桶們頂住度氣但無從招架，於是趙家賢班仆街千方百計扭盡六壬要將青政踢出去，出返口氣之餘全力將「隊冧青政」的首要目標得以達成。

飯桶選擇姚松炎主要原因係針對游MP 講過「被 DQ 者有優先權」，封咗佢把口；另外圖以姚被歸類為「自決派」方便包裝成「同青政立場相近」，將姚松炎出選西九補選合理化，冀徹底地封殺游蕙禎 / 青年新政在補選的話語權同空間。

或者掉返轉講，姚松炎要是唔參與呢場劇目，飯桶 (尤其是黃碧雲) 同左賊根本唔可能佈出呢個棋局；又劉小麗 (同佢後面個70+阿伯) 知道小弟、世澤等人隨時「打到佢變蜜蜂竇」而決定等下一場補選先再算，飯桶、左賊可以話沒有其他人選。言下之意，姚松炎到底係被飯桶綁上賊船，還是佢自投羅網，真係天知地知佢哋自己先知。但無論強姦定焗賭，三件事唔只清楚見到姚松炎極度有可疑，第二及第三更見到飯桶私心歹毒到毫無底線。既然如此，初選仲投嚟做乜春！

跟住講埋馮檢基。佢年紀大其實唔係問題，外國唔少政客都老過佢。例如馬來西亞反對派國會領袖，民主行動黨的林吉祥今年已77歲，比馮檢基大13歲。


外號「空降王」嘅林吉祥幾乎每次大選都不在原有議席選區，2013年更到選民人數近11萬、被視為國陣鐵票黑洞的振林山 (Gelang Patah)參選，結果 54284 : 39552 贏近15000票當選。馮檢基呢？剩係識死守深水埗，仲要輸鳩埋，連輸兩劑添呀！

無錯，2015年區選有黃仲棋鎅票，但如果實力足夠維持到小弟提出的「過半支持度」理論，黃仲棋嗰215票縱有點威脅，但致敗嗰99票 (陳穎欣2531：馮檢基2432)根本只係一粒鼻屎。已見馮檢基之廢。

再講林吉祥從政生涯之所以幾乎每次都空降，除咗係為民主行動黨拓展版圖之外，當選後重點專注鞏固選區勢力基礎同培訓新人，但馮檢基不單只會留戀深水埗，任國楝、莫家嫻、楊振宇、蕭亮聲在九龍城區只係「食自己」。就是民協沒有投放充足資源，佢哋四個被迫變得強悍。可是到頭來馮檢基沒有反省，民協不單沒有改變策略，更是譚國僑為首嘅「深水埗幫」堆死老嘢嫌佢哋四個「太過勇猛」有異於民協『踏實』(實質係老油條) 作風，就開始進行排擠內鬥。

結果呢，唔好計阿聲嘅性格有少少囂欲以响「天龍國」嘅嘉多利山站穩陣腳同班元老有拗撬而離開，與小弟交情算得上深厚的任國楝曾私下向我信誓旦旦、矢言「民協湊大我，我點都唔會離開」，都拂袖而去。已經百份百肯定馮檢基以至整個民協毫不在意俗謂後輩嘅成員在政壇的發展。更是楊振宇一條友响工賊竇堅砌到師傅廖成利可以安心做證婚生意，本是最有潛質出選超級區議會，但深水埗幫為免「悍將」映照出佢哋只圖食老本之廢，咁啱線何啟明擦鞋擦到佢哋好高興，就情願捧件擦鞋仔而踢走 Ronald，結果咪包尾大幡慘敗。唔是話 Ronald 贏硬，但我好相信要是深水埗幫尚且正常拉票，攞第五席唔係無可能，或至少唔會衰過陳琬琛。更清楚見到譚國僑班死老嘢的無恥之餘，亦證明馮檢基在黨內事務一樣無能。

飯桶唔曉馬來西亞，咁就講台灣嘅例子。現年66歲的民進黨立委柯建銘，佢在台灣政壇一直以來嘅主要任務就是做說客。近三十年來的成績雖難憑肉眼看見，但不分藍綠「點都俾番佢幾分薄面」是台灣政界人所共知的事。柯建銘真係做到年輕 2歲的馮檢基的名句「又傾又砌」的實效出嚟，馮檢基？得個講字囉！馮檢基連柯建銘都不如，廢到拎去堆填都嫌阻訂！俾佢選到即係繼續助長「議席關愛座」風氣，使民協不過是一間「政壇老人院」得以續命。

再者，半年前的《馮檢基告老歸田啦》一文已經講過，小弟經年苦苦相勸馮檢基要改革，但馮不單沒聽進耳；呢半年來仲好學唔學走去學白鴿「當我透明」嗰隻。既然不改陋習、不顧政治倫理硬係要搶奪原屬青年新政嘅議席，小弟就只好拋掉「馮檢基是我的政治啟蒙之師」的道義，核彈式剿滅民協。順便向呢半年來有同我交流過的現任主席施德來勸諫：民協無得救架喇，無謂再為間老人院浪費精神時間，早走早著啦。

至於袁海文，佢上面係黃碧雲呢條臭X八婆已經唔駛講嘢。就算撇甩條八婆，改晒你啲「拔萃仔自以為好巴閉不可一世」嘅做人態度先再講嘢。

姑且擱下「議席原屬青政」嘅原則，姚松炎「呢個人相當有可疑」，馮檢基廢到退聯，袁海文的無料扮四條仲要臭串，點選得落手呀仆街！星期日無謂去投票九西初選，要投都投廢票，務求是但一個贏都是低票勝出，壓低晒認受性。
(新東就掉轉，衝去倒票俾張秀賢或范國威。郭永健？要「包容同胞」就俾佢啦。)

唔要佢哋三個有何人選？就是「議席原屬青政」嘅原則，應該留返俾游蕙禎講嘢。如按過去事態發展，區諾軒就是了；按未來形勢走向，仲要為英國內政部相當可能唔會早過 11MAR2018 批出周庭退籍BC申請 (甚至否決申請) 作出部署，區諾軒可能又要出動 (唔參選都要做動員)，九龍西就剩下一個的鄺葆賢醫生。雖然我知道佢極不想參選，但真係搵唔到其他人，跪地向阿葆求原諒同謹慎考慮。

後記：
1. 飯桶見住游蕙禎响2015年响被喻為泛民墓穴嘅黃埔幾乎「搞掂」鼠王芬，又見立法會選舉响紅磡7個票站得票比黃毓民多成千票，唔隊冧佢即係證明支教民廢柴喎；
2. 再計埋開辦6C專線小巴事件阿葆受盡屈辱，唔整死佢哋以後就算有議席嚟開飯都要做餐死先有飯食，仲成世界嘅。梗係隊冧佢哋最重要啦！

返回主頁

一程機體驗香港教育嘅敗壞

小弟因為公事快閃新加坡幾日。一如既往都係搭 SQ，唔是貪圖座位闊落過因航，仲因為 SQ 的Cabin services 的語言由英文為先，就算有支那蝗蟲上機都會因為「語言障礙」唔會响機艙嘈生晒。點知尋晚 SQ872 返香港，就有班幾十人天水圍和富慈善基金李宗德小學嘅師生搞到我爆炸咁滯。

故事由登機閘口保安檢查開始。小學生手腳慢尚且情有可原， 但排在我前面有一個男學生過咗保安檢查後一嘢衝咗去，無攞返隨身行李；但因為個學生仲要過埋地勤 Counter 無得 Back Track 返去攞，個女教師想幫佢攞但又基於保安理由唔容許咁做，搞到保安員要高聲呼召個學生隔住玻璃確認件行李係屬於佢，和示意同意由老師代領取先至解決。雖然無造成阻礙，但點都出現輕微混亂。

到我過地勤 Counter 時，電腦有 Error prompt 唔能夠順利通行。嗰刻間我唔係諗「被新加坡政府拘留」而只係唔知發生乜嘢事。地勤表示 a family of three persons would change the seat with you, can seat together，我諗咗一分鐘就拒絕。當時考慮嘅唔係「我劃咗呢個位就有權坐呢個位」，而係「點知係咪恐怖份子想坐埋一齊方便『做嘢』」。地勤亦讓我通行進入候機室。在候機室安坐後，再回想返我在前日下午做 online check-in 時先至劃 36C，當時已見36A 36B 同36D 已經 occupied，對照返地勤向我表示想更換座位的乘客是 36D，就想到該「一家三口」諗住「兩個人坐三個位」點知殺出程咬金。雖然「兩個人坐三個位」乃人之常情，但「出咗事都要受」亦係常識，我就更堅持唔換或頂多係上到機先再算。

進入機艙後又是一片細路喧鬧聲，雖則聲浪唔是太大(又幸好四個小時航程機艙都一片安靜)，但點都覺得「唉，你班細路..... 我呢程機有排受」。當走到我的座位，有兩個學生坐在36BC，當時反應係「細路唔係貪坐窗口位嘅咩」。出示登機證示意「呢個位我嘅，麻煩起身或者褪入去窗口」，兩個學生都無即時起身嘅意欲。我碌大雙眼望住佢哋然後用英文著佢哋讓返個位出嚟，其中一個學生先同隔離嗰個講「話咗坐錯位架啦」但仲未捨得起身，直到有 Crew 行埋嚟但未開聲問乜事，兩個學生先斯斯然起身。

擺放好手提行李之後安坐，但由於見 36AB 未有人坐而預計要起身俾嗰兩位乘客，未有扣上安全帶，期間更有離座往洗手間，直到廣播 Door closed 都仲未有進入就坐，當時無特別諗乜嘢事或以為自己「得米」一條友霸三個位。直到準備 Push back，當時坐在35D，36DE的三個乘客(兩女一男)就有所動作，其中一男一女就「返回」36AB，咁我就解開安全帶起身讓路。女的坐36A男的坐36B 都好正常。

在未繼續「故事」之前講一條 Side track。在登機期間，有兩女一男相信是教師的人，不斷巡迴機艙吩咐班學生「唔好做呢樣，記得做嗰樣」同埋派發唔知係筆記定問卷定測驗卷，「男教師」就是坐36B的那位。這位「男教師」身形魁梧，衣著髮型行為舉止似是教體育嗰種。

去返 Row 36 事發現場。嗰位「男教師」就坐後，身形問題導致「膊頭頂膊頭」都算，手肘仲超越扶手「入侵」我的座位空間，雙腿張開而右腳過咗座椅隙位的中線位，客觀意會「要趕我走」應該都無老屈。最可惡嘅係「男教師」同當時坐在36D的女士雞啄唔斷，即係「當我透明」嗰隻，完全無禮貌所為。心中頓時起火，撳制 Call Crew 要求處理。但因為開始 Taxing 而 Crew 未有即時到臨，我就「轉台」講返香港話問佢哋「係咪要調位呀」，「男教師」同坐在36D的女士就諗都唔諗嘅反應「係呀」。我一起身而著紫色制服的 Purser 過嚟問乜事，我話 It's fine, just exchange the seat with them。Purser 好有禮貌同我講 Thanks very much Mr Lim 而我又「轉台」Singlish「OK la, doesn't matter la」。Purser 見我同嗰個女子坐好同扣返好安全帶就離開。

調位後，「男教師」不單坐姿變得沒再掗手掗腳，起飛後我更見到佢嘅手臂搭住坐在36C的女子膊頭，再之後更是女子頭部緊貼「男教師」膊頭雙雙入睡。


對照返調位前竟不是他倆一同「返回」36AB，即是唔只「兩個人坐三個位」表面證據成立，更是「男教師」掗手掗腳，與坐在36D的女子雞啄唔斷所反映要「趕我走」的意圖不中亦不遠矣。

根本件事本來可以好簡單處理 ── 直接同我講，或請 Crew 以至 Purser 過嚟，講返清楚，或衰啲講最起碼俾我確認「Not Terrorists」咪得囉，駛乜搞埋呢啲黑人憎小動作！如果那男子真的是教師，更簡直是有失身份，向學生作壞榜樣更簡直成何體統！以為我坡佬而唔敢？唔好玩啦，一係佢啲英文屎，一係就出於種族觀念，對學生嚟講係更加之唔要得嘅態度。當今啲教師質素問題，除咗共產黨搞事搞幹之外，呢件事某程度上反映「人嘅質素問題」亦同時存在。

順便另外講，前段 Side track 提到「相信是教師的人，不斷巡迴機艙吩咐班學生」，其實都係機艙廣播會講、Crews 會檢查嘅嘢，包括扣安全帶、熄電話(或轉Flight mode)、打開窗板之類。我心諗「PA 只有英文，擔心啲細路聽唔明呀？國泰啲 PA 係粵語 (同普通話) 咪唔駛煩囉，做乜搭 SQ 呀。仲有的，派餐時 Crew 問「You want beef brisket noodle or baked fish」，竟然有學生疑似唔識聽而 Crew 要「轉台」「想要牛腩麵定焗魚呀」。不單進一步證明「唔識英文做乜唔搭國泰而搭星航」並非 Emotional 發爛咋，更證明當前香港嘅英語教學差到「超乎想像」。

再「上綱上線」講，就是從保安檢查到候機室再到機上的事，已清楚反映小學生缺乏自我照顧能力，校方咁就帶佢哋去新加坡，係咪過份咗少少呢！甚至只係小學六年級生客觀地自我保護能力係零，雖然新加坡嘅治安尚算可以，但幾個教師帶住幾十個學生，真係可以保證到佢哋安全？我唔知團費係邊個出，但好清楚見到就算無發生「調位」事件，成個團根本就超錯。或者咁講，依家香港嘅教育制度之荒謬，就是呢啲荒謬嘅所謂遊學團嘅始作俑者。

我唔需要鄒秉恩校長作出任何交代，亦唔駛要嗰位 (如確認係) 教師嘅男子道歉，校方打算點處理佢同學生與我無關。但亦當然不排除係小弟殺錯良民，願意收回本文及公開道歉。同時地姑且「看得自己那麼高」，貴校唔好打算邀請我到臨演講，那管是「今次事件嘅教訓」以至新加坡 (政治以外) 嘅題材。

小弟旨在講出件事，提醒全香港為人師表的注意自己嘅言行，與及要求各辦學團體認真反省呢類「遊學團」係咪有必要，同埋唔該從學生嘅安全角度去考慮並顧及其他人嘅感受。

返回主頁

依家個局勢，梗係保住鄭若驊

鄭若驊及潘樂陶的僭建事件，演變到客觀嚟講收唔到科，政圈要求佢辭職嘅呼聲越趨巨大，但又唔好話港共公安部唔會因為有人報案而拉人封艇，港共傀儡政權林門鄭氏必定設法保住佢，亦係政治現實。簡單而潑冷水咁講，要佢落台根本就嘥氣，所以小弟無出過一句聲。

文題同政圈主流呼聲唱反調，曲線乎？可不是的。嘗試仔細分析所謂「大形勢」，會好清楚鄭若驊繼續坐住 SJ 對香港有最大好處。

首先一個最最最現實嘅問題：鄭若驊辭職，誰接任？思考呢個問題必須以支那共匪誓要扭轉香港司法制度成為政治工具的目標為基礎，定必會搵一個有咁親共得咁親共嘅人接任，其中一個考慮條件必定係「有痛腳揸手」以便控制。雖然以一般香港人嘅思維，就是睇住鄭若驊咁樣出事而認為「有痛腳」咪又係盞出事。但支那共匪嘅態度點只會覺得可以隻手遮天，況且會認為繼任人選嘅黑材料點都唔會嚴重得過鄭若驊而必定「壓得住個場」，跟住就因為「保住佢」就可以指揮佢為所欲為。支那共匪嘅思路就係咁白痴，但不要排除白痴得成功就後患無窮。

姑且大膽假設，就是湯家驊繼任，唔好話懷疑「衰十一」單嘢曝光頂多被 SPIN 好色「不過是個人私生活操守有待改善，已成過去而不影響職位的公正性」，就算「匯美酒店」不再是江湖傳聞，不就符合了「黑材料點都唔會嚴重得過鄭若驊」嘅條件嗎！或者相反角度，支那共匪繼續同佢冚住，你估湯家驊做仆街嘢唔會勁得過袁國強，甚至超越白髮魔女梁愛詩呀。剩係湯家驊呢個不能排除嘅可能性，已經反映保住鄭若驊 is a good direction。更唔好話江澤民一派隨時盤算想梁老乾婆翻閹，破壞力仲大呀！

第二，鄭若驊依家可謂「百罪纏身」，而且涉及刑事成份，原則上佢已經被廢晒武功，落乜嘢 Charge 都可以俾人質疑其公正性，仲要嚴格啲講唔只帶有政治性質嘅案件，即係成個 DOJ 停止運作咁滯。將政治因素加諸於呢個條件引伸出嚟，鄭若驊以至 DOJ 再有乜嘢「政治考慮」嘅動作加諸於任何帶有政治成份嘅案件，例如佔中案、東北案上訴、游蕙禎非法集結案、梁天琦暴亂案，都必定全世界開大拖打個稀巴爛。而從心理學角度去探討，鄭若驊定會思量「支那共匪無幫手擋住僭建事件啲箭，做乜仲要同共匪主子賣力」，不如「放水」起碼少啲人鬧好過啦。即係呢啲政治案件被告嘅重判嘅可能性降低，點計都係對香港整體有好處。

再者，就是「支那共匪無幫佢擋住僭建事件啲箭」，鄭若驊與支那共匪嘅關係走向惡化，表面睇支那共匪難再擺布鄭若驊，或起碼是鄭若驊掛住同共匪主子嗌交講數而唔會得閒處理啲 Cases，實踐了共產黨鬥爭理論的「挑動敵人內部矛盾」；而反過嚟，鄭若驊離任，「內部矛盾」就不再存在，支那共匪就有時間整合實力，準備重新展開破壞香港法治制度嘅任務。即是鄭若驊只要仲坐住 SJ 個位，鄭、DOJ 同埋支那共匪都暫時唔會得閒搞香港。仲未睇到鄭若驊留任嘅好處嗎！

最極端啲講，就是鄭若驊唔辭職，成個 DOJ 停擺，撇除政治案件的政治因素，就是一個正常嘅政府運作 ── 行政、立法、司法，三個系統，其中一個 suspended 形同政府管治失效，撇除支那共匪的朕即律法的態度，香港特區政府倒台之象已成，甚至以國際歷史(例如美國1761年) 客觀去睇，港共傀儡政權倒台劇目已經揭幕。點解仲要鄭若驊落台變相俾機會支那共匪續命呀，梗係借勢推冧佢啦！

就是鄭若驊唔辭職對香港充滿好處，而且唔係 Lesser Evil，所以應該點都要保住佢。更是的，唔嗌「鄭若驊落台」有異於共匪慣常嘅鬥爭手法同思路，搞到支那共匪唔識招架「打亂陣腳」，或起碼要消耗時間思量有何新嘅鬥爭方法，清楚可見保住鄭若驊先係上上之策。

返回主頁

讀多啲書先學人講按章工作抗議

朱經緯判監三個月但准保釋等候上訴，相比同樣「執勤」期間襲擊平民，柒警判兩碌仲要即時入冊，朱前警司真係執到。純粹「學術研究」咁講，年資長過柒警N倍，該更熟悉《警隊條例》(Cap. 232) ； 曾健超挑機在先而柒警姑且叫做「還拖」，鄭仲恆乜都無做 (根據 CAPO 調查結果) 而朱生就「手劈延伸」，咁都唔判兩碌，真係戥柒警唔抵囉。就算「一把年紀」、鄭傷勢輕過曾係判輕啲考慮條件，都無理由三個月囉。

但警務處成班友咁都唔滿意，向處長發爛咋，稍有常識都必定認為人心不足。撇除一時姓傅一時姓陳帶隊嗰班紅衛兵撥火，表面睇班有牌爛仔發花癲背後嘅思維就是「差佬大撚晒」呢樣唔駛多講。至於點解好似去返「四大華探長年代」暫時唔詳談，但發癲到話要「按章工作」抗議，就真係笑大人個口。

要恥笑嘅並唔係班差佬成日協助共匪主子輿論工作開口埋口話「唔好搞對抗」而如今就搞對抗，有口話人無口話自己嗰隻，而係以為「按章工作」而唔係罷工、遊行集會「屌你老母」就唔會俾位人入。

首先講低層次嘅嘢。一般人理解所謂「按章工作」，係「唔做額外工作」或「受僱條款訂明職務以外的工作」。出處是左翼看待資本家剝削工人階級，老闆為增加收益要僱員「人工收一份，嘢就做兩份」。工人階級透過「按章工作」造成資本家損失利益的效果表達不滿，作為同老闆談判嘅籌碼。但要「按章工作」的先決條件就係有明確的「受僱條款訂明職務」，即係例如工廠訂明車衣工人每日返工9小時要車起最少100件衫，工人本來9個鐘可以車150件，「按章工作」就是車到第100件就等夠鐘收工閃人。

以此例子，警隊要「按章工作」，即係唔做《警隊條例》(連同附屬法例) 以外嘅事。Cap. 232 sect. 9 同 sect. 10 就寫得好清楚要做啲乜，但當前的所謂警隊有乜嘢職務係超出呢兩條法例嘅呢？

前任處長曾偉雄大聲疾呼「維護國家領導人尊嚴」响 sect. 10 咩喂？要「按章工作」的話，仲企响添美道、添華道、上亞厘畢道、干諾道西160號出面食風？收隊返大館坐到夠鐘收工啦！抑或係曾偉雄 and/or 袁國強加咗條 sect. 10 (s) 「維護香港特別行政區政府及中央政府官員尊嚴」但無 update 法律公告？定還是學運輸署班驗車官最興嘅「自訂 Cap. 374 以外的驗車要求」而唔駛向外公告呀喂？諗住「按章工作」又可以擦共產黨鞋，唔該拎呢條唔知係咪新加嘅條文出嚟先囉，唔該。

升高一個層次「拋書包」。《史記·高祖本紀》「與父老約，法三章耳：殺人者死，傷人及盜抵罪」；又南朝宋·謝瞻《張子房》「王風哀以思,周道蕩無章」，「章」字是「法」的同義字 ── 「法」本義是概念，「章」把「法」變得具體可讀可解；「章」具法律含意和用途，有規範、制約、約束、判斷之義。

按此從古籍認知「章」的意思，警隊要「按章工作」就只可以守法循規，嚴格遵守 Cap. 232 連同附屬法例，與及《警隊條例》賦權編訂的《警察通例》返工，然後等出糧。引伸出嚟，如何「按章工作」其實唔難，第一件事緊記《警察(紀律)規例》Cap.232A sect. 3 (2)(k)「不合法或不必要地行使權能，引致其他人或政府蒙受損失或損害」是違紀行為，就得架喇。如果上級用 (e)「違反警察規例或任何書面或口頭的警察命令」同(f)「不服從上級」撻你要做某啲嘢，繼而信誓旦旦話「無事嘅，我會保住你」，就請收工後去廟街/佐敦道交界緬懷一下，

或者幻想下當年嗰兩位伙記「度劇本」時有幾緊張刺激，應該可以大轍大悟。但記得跟住返到館上返炷香俾二哥。

唔想諗呢個咁高層次嘅問題，要低層次啲仲簡單。唔好話《通例》第6章「保持標準的體格」，肥少少都要去減咁慘情，就是緊記 Cap.232A sect. 3 (2)(b)，唔好响架平治Sprinter 519CDi 或者隨時放假嘅 Iveco Daily 上面瞓覺，閉目養神都唔好喎。家陣周街相機車Cam，一個唔覺意有人掟張相或條車cam 片去 CAPO，咁就前途似咁架喇。

差佬以為有成堆土共撐腰就可以為所欲為，再直接啲講嘅係以為「阿爺」睇實頂頭大佬，唔會執行《通例》第6章「不得參與政治活動」就痴埋堆土共度，書都唔讀就學人講「按章工作」聲大夾惡，唔識就俾你嚇死，識嘅咪笑死囉。但始終黃竹坑不斷「你哋先識法律，條街度無人識法律」洗腦搞到當全香港人都係白痴，又唔怪得晒你哋嘅。

港共公安想「按章工作」而以為可以見人就打嘛，有個好簡單嘅方法：反正《警察通例》都係任得處長寫，叫盧偉聰寫到「見人就打」甚至隨時可以掹炮辣低粉嶺教落「佢哋全部都係暴徒，你唔打佢就會有生命危險」而不違反香港法例，咪得囉。驚俾啲律師之類「懶係識法律挑戰警隊權威同尊嚴」嘅仆街抽秤，走去搵梁愛詩報請人大釋法 ── 《警隊條例》違反《基本法》第XYZ條故宣報失效，咁就唔只可以將梁天琦打到殘廢，捉到黃台仰返嚟拎住枝 (就嚟無得用) MP5 打到佢變蜜蜂竇，嫌唔夠喉嘅話，仲可以做返本來 2014-9-28 可以做嘅事都得。又可以隨時「屌你老母」、扮查牌免費打飛機/扑嘢，都無問題啦。

你哋堆偽俊仔都係想咁之嘛，家陣提供埋方法喇，快啲去做啦！

返回主頁

淘空歷史是為了編造歷史 ─ 鴉片戰爭喪權辱國

上一篇談及支那共匪在過去20年不斷抹走1841年以來香港的歷史印記，目的之一是「建立將英國殖民管治污名化的輿論空間」，而同時建構支教民、左賊幫手吹捧的「香港中國不容分割」的話語權空間，將香港同支那嘅關係進行綑綁，方便進行向香港上下其手的政治操作。

小弟過去寫過多篇文章，或在 FB 出 post 指出，香港社會普遍存在一種「因鴉片戰爭的不義，香港的繁華對中國是帶罪之身」的思想觀念。而呢種觀念源於過去逾半世紀中學「中國歷史」科目就鴉片戰爭及三條與香港有關的條約的內容，只提出「英國販賣鴉片毒害中國 (正確陳述該是「大清帝國」)人，林則除銷煙觸怒英國等西方列強於是發動戰爭，「中國」戰敗簽下不平等條約割讓香港，有如喪權辱國」的描述。繼而認為鴉片戰爭之敗猶如打開缺口，使「中國」在接續的數十年不斷遭受西方列強欺負，領土不斷外國被瓜分。不單只勾畫出「香港對中國是帶罪之身」的意念，更可說成「中國的一切問題都是由香港被割讓開始」，香港簡直是罪魁禍首。

雖然「中國歷史」課本有提及《南京條約》同時要大清政府開放廣州、福州、廈門、寧波、上海通商，但「割讓香港」還是佔最大比例。以中小學閱讀理解嘅層次看待呢啲內容，無疑是把香港定位為鴉片戰爭的「主角」，使學生領受香港是「喪權辱國、民族恥辱」問題的關鍵核心，成功注入「香港對中國是帶罪之身」以至是罪魁禍首的思想。

不過，由銷煙到戰爭到「不平等條約」的過程當中，英國等西方列強的「船炮堅利」就是「中國」被欺負而敗，是課本內容和老師教授的重點，甚至可說是唯一陳述。大清政府在取締毒禍到與英國交涉，再到戰事期間所做的事情與及衍生的責任，課本就隻字不提，老師亦鮮有向學生就課本以外作出補充。但清廷真的無責任嗎？當然不是吧。

就以小弟耗時逾年閱讀鑽研中國社科院近代史學者雷頤著作《革命的年代 ─ 風雲變色的晚清七十年》，

第一章「定勢」首兩篇文章，就點出林則除看待英夷「腰腿僵硬，一仆不能復起」而不向皇帝行跪拜禮的無知開始，繼而把持「天朝觀念」沒有客觀了解英國，是導致錯判軍情的成因。另詳述主帥楊芳在戰爭期間的荒誕作為，包括日間樂於 Shopping 而且鍾情於洋貨，特別係鐘錶；晚間只顧狎玩童妓享樂，且是男童，部下若找不到男童就要女童剃髮易服成男童供他尚且能「慰藉心靈」。除可見楊芳沒有專心於戰事和有嚴重人格問題之外，亦反映大清政府錯誤選將。雷頤更詳述楊芳想到「我方炮臺在陸上固定不動卻不能擊中夷，但夷艦在『風波搖蕩中』總能擊中我」，然後認定「必有邪教善術者伏其內」，決定收集婦女溺器佈置「馬桶陣」圖以道術破「邪」，結果當然係英軍的船炮堅利將所有盛載屎尿屁血的馬桶炸過稀巴爛啦。單是這兩樣「野史」已證明大清政府在戰敗有無可推卸的責任。

如果中史課本載有這兩段歷史事實，整個「西方列強欺負中華民族」論述不單站不住腳，更簡直全面崩潰。莫講話無法建立「香港是帶罪之身」的意念，更不能延續至及後的戰爭以能描繪出「中華民族」受盡苦難需要「救贖」，鋪陳孫大炮中山有如「彌賽亞」登場，領導辛亥革命推翻清廷進入共和體制，「終止」西方列強勢力入侵擴張，成功拯救「中國人」萬民脫離凶惡。

暫且拉遠少少講，點解小弟一直認定香港的「中國歷史」課程是中國國民黨的政治操作，原因之一就是透過將「鴉片戰爭」訴諸悲情，使能將孫文塑造成救世主以確立其推翻滿清的功績，再確立國民黨擁有中國大陸領土主權的基礎論述，然後成為蔣光頭介石不斷吹噓「反攻大陸」是合理的。

原因之二是在軍事戰略方面的考慮，就是要在金門及馬祖之外建立一個處並非處於國、共對立狀態、有如「中立」的軍事據點。香港由英殖管治，正正切合「中立」的條件，且蔣光頭無法在長江以北找到一處。但要成為據點就要當地人民與國民黨有相同思維，才會支持「反攻大陸」的說法、計劃以至實質軍事行動。

《自由時報》刊登小弟撰文「指控香港中史科是國民黨的政治操作」至今近兩年半，國民黨既無出來否認，也沒有指罵小弟子虛烏有、砌詞誣衊、含血噴人....(下刪一萬字)；要是小弟老屈國民黨，由當時(2015年) 主席朱立倫到洪秀柱再到現任的吳敦義，大可以重炮還擊，或台灣政壇最流行的提告「誹謗」使我入境台灣時就被拘捕而不能順利過關 (甚至重演「江南案」，如果老K夠薑的話)。但老K 一直「潛水」不發一言回應，意味小弟擊中了老K 要害死穴的機會 >99.9999%。

回到鴉片戰爭的歷史場景。中史課本對英國販賣鴉片「毒害中國人」形容得犯了滔天大罪，但當時大清帝國社會上下不論階層為何熱衷吸食大煙，甚至可能視為時尚潮流，也是隻字不提，亦同樣不見有老師向學生就課本以外作出補充。

就是很簡單的道理 ── 現今世界毒品問題仍然猖獗，毒販仍能從「毒品銷售鍊」賺個盤滿缽滿，毒品類別更不斷推陳出新「市場有更多供應同產品選擇」。引伸出兩個論點：
1. 當今仍舊有毒品銷售，而且比鴉片戰爭時期更「繁盛」，但會否沉淪毒海只是個人意願的抉擇；
2. 接觸毒品與否，一定程度上與社會環境有關，不論是感到社會氣氛的壓迫圖設法緩和情緒、逃避現實，還是視吸毒是生活習慣一部份，以至有如「潮流指標」

以論點1. 為基礎看待鴉片戰爭的背景，就是「英國佬賣鴉片是仆街，但無人用槍指住『中國人』個頭迫佢哋食」。意即為何在當時的大清帝國社會吸食鴉片是如斯普遍，課本和學校沒提及。但若果出現在課本的話，不單同樣摧毁「鴉片戰爭只是英國等西方列強欺負中國」之論，更會反過來出現「丟，『中國人』自己抵死走去吸毒之嘛，賴乜春英國殖民走狗」，而「孫中山是中華民族的彌賽亞」就淪為一則大笑話。試問呢個條件之下，國民黨點可能會俾學生知道！

論點2. 則能推論提問，當時有何社會氣氛驅使「中國人」熱中於吸食鴉片？這疑問也沒有出現於「中國歷史」課本。

換另一個角度再深入一點，縱使有見過中史課本提及「道光帝是荒淫無道的昏君」，但也無法與鴉片戰爭作出連結，即是話政治及社會狀況於鴉片戰爭的遠因是一片空白。甚至再講得更遠，嘉慶至道光年間，大清帝國的社會有何變化至走向衰落成為通稱「嘉道中衰」，而衰落導致「人人都是癮君子」的可能性是客觀存在的。不單沒見到香港的「中國歷史」科目有述，更是小弟走遍香港同台北的書店，包括最老字號的三民書局，從未成功找到有提及或分析這段歷史的社會背景的書籍。即是話港、台兩地(以至支那匪區) 就通稱清朝的歷史資訊，在康雍乾盛世之後就跳到鴉片戰爭喪權辱國民族恥辱...... 公元 1796 至 1840年之間的「中國」歷史除了「嘉慶怒斬和坤」，可謂近乎完全空白。

將兩個論點拼合，就是國民黨涉嫌收起「嘉道中衰」的歷史，使客觀的普羅社會了解「鴉片戰爭」的始末成因變得無從稽考，背景空白一片就任得蔣光頭家族可以亂噏一通。刑事法理論的「犯案背景」成立了！然後的如前述，國民黨將不利的史料收起來，只宣揚有利的歷史內容，建立同鞏固「反攻大陸」的論據。以刑事法理論的「犯案動機」也成立了！而香港的「中國歷史」課本及一直以來的主流教學內容，就是刑事法的「犯案行動」的證據，若再考古起底最早期參與編撰課本教材的人的身份背景，隨時證據確鑿無得抵賴！不單清楚可見中國國民黨人心歹毒不亞於支那共匪，更見其惡毒加害於香港，「認中關社」、「民主回歸」以至「建設民主中国」沒有蔣光頭家族的洗腦，共匪點擺佈劉廼強、司徒華等千古罪人都只會無所作為。

不論那門黨派，抹去歷史都必定不懷好意，「中國歷史」科目的內容偏頗缺失，就是鐵證。港人如今不單要制止支那共匪摧毀香港歷史，重新研讀客觀、全面的「中國歷史」及詳細學習香港歷史之餘，得順勢展開有如追究日本侵略香港責任的程度追殺中國國民黨，唔認錯都要為香港的歷史學術問題給個說法。

後記：我知好多親藍的朋友睇完呢篇文會好想打鳩我、同我斷絕來往。我尊重你哋嘅諗法同行動，但請放下你哋對國民黨的崇拜以至盲忠，客觀仔細的想清楚我有無寫錯，然後以道理和事實將我擊倒。

返回主頁

無1841年開埠就無香港

練乙錚在 New York Times 撰文，以追溯至秦始皇嘅歷史，甚至引用上海復旦大學歷史學家葛建雄「這些征服是中原地區漢族對周邊非漢族人進行殖民統治的非正義戰爭」之說，否定香港同中國的必然關係，惹起支那共匪輿論發炮狂轟。

支那共匪在1997年之後，將香港自1841年的歷史印記，從肉眼看到的城市景象到 Intangible 的社會氣氛，由淡化到刻意消滅。最明顯的例子莫過於拆卸中環天星及皇后碼頭，直接鏟除英國在香港的有形事物；
或是大量借「改善住屋及社區環境」為名的市區重建項目，表面上雖無與英國的關連，但例如「波鞋街」、順寧道，或將近完成的土瓜灣新山道、如箭在弦的紅磡春田街，或是回望如今萬景峰的荃灣禾笛街/新村街 (四季大廈)，承載住香港人在二戰後的勤奮改善生活艱難到社會興旺的歷史。將之抹掉，使英殖歷史變成空白，或最起碼消除近年不少人談論英國管治時期的「功」的事跡，撇除在政治上遏阻「本土思潮」的擴張，就是能建立將英國殖民管治污名化的輿論空間。

香港社會悠久以來受「國民黨思想指導」編撰的「中國歷史」科目的內容薰陶，大多數人對英國殖民管治的態度和立場只有負面，更因為1970年代認中關社到1980年代的民主回歸，發展到當前的「左膠」(小弟稱為「左賊)」認為即使英國管治使香港社會步入文明同現代化，仍認為英殖管治只有「惡」而沒有「善」的意識和論述。撇除左賊們猶如幫支那共匪抬轎，就是普遍港人對「殖民」二字的想法，就產生排斥英治時期歷史的潛意識，使共匪可肆無忌憚的摧毀香港歷史，亦同時是當前支教民、左賊的話語權仍有市場的原因。

宏觀15世紀以來有關殖民主義的歷史，確實是惡貫滿盈之象，尤其是西班牙及葡萄牙將殖民地變成奴隸社會簡直令人髮指。雖然英國殖民相對沒有西南歐兩牙的卑鄙無恥下流賤格仆街冚家鏟，但意識形態方面的手法也確實類似 ── 將本國的城市發展概念套用於殖民地；帶入本國的宗教意識形態至殖民地社會，改變住民價值觀進行同化；只圖在殖民地撈取利益，社會問題視若無睹，甚至連基礎民生需要都闊佬懶理。英國殖民管治也確實充滿大量劣質歷史，是無可否認的事實。但是，二戰後英國政府大幅度改變殖民地政策，除了撤出非洲、巴基斯坦、印度、孟加拉、錫蘭及緬甸的過程倉促導致往後的混亂，香港、新加坡、馬來亞半島 (撇開巫統的搗亂搞局)，都有相當不錯的社會及經濟發展，亦是不爭的事實。

當香港社會仍然排斥英殖歷史，甚至認為「世界上只會不斷鞭撻殖民主義」，而支那共匪大規模、全方位鏟除英殖歷史嘅時候，新加坡忽然間重新高調注重英國殖民歷史。

總理李顯龍今年的新年獻詞，除咗有如例牌菜的談及未來的施政方向計劃，後半部大談新加坡歷史，更重點提及萊佛士爵士 (Sir Stamford Raffles) 於1819年將新加坡開埠，為新加坡走向現代文明的重要基礎，甚至直言「沒有這段歷史，就沒有從第三世界躍升成為第一世界」；並宣佈成立紀念開埠200年小組，籌備明年多項紀念活動。

以香港社會的主流意識看待，新加坡政府嘅所為簡直「政治不正確」；或是支教民、左賊大喊「美化殖民主義，為英國殖民走狗塗脂抹粉可恥」。但歷史就是無可能扭曲的事實 ── 要不是萊佛士爵士的「入侵」，新加坡還是一個只有樹林沼澤的荒島；莫說今日新加坡係一個現代化都市，就連港燦只識去嗰度飲啤酒食沙嗲的 Clark Quey 的前身都唔可能出現。當然，新加坡能有今日嘅社會同經濟成就，1965年被馬來西亞聯邦政府強迫獨立是重要因素，但沒有「英國殖民走狗」建立嘅基礎，李光耀就算有神仙棒都無可能將「丫烏變女神」，亦是客觀的事實。

當香港人欣羨新加坡 (表面上) 的美好生活環境，該想想新加坡社會過去沒有如香港的負面看待英國殖民歷史，可會是成功因素之一，小弟唔敢表示肯定。但最起碼，1959年李光耀登上總理職位之後的爭取脫殖過程，沒有把柔佛王朝割讓領土的歷史訴諸悲情煽動群眾，對比今日香港特別行政區受盡支那共匪摧殘源於港人過去半世紀讀中史課本不問就裡照單全收，然後成為「認中關社」到「民主回歸」再到「建設民主中国」的燃料，就清楚肯定認清歷史真相的重要性；或反過來講，可以肯定支那共匪不斷刪去1841 - 1997年 (尤其是1949年以後的一段) 歷史，就只會將香港推向萬劫不復的深淵。

香港人不單要重讀歷史，更要丟掉由中國國民黨有份參與編撰嘅「中國歷史」，但所指的不是拋掉整部歷史，而是將充滿「反攻大陸」為目的的偏頗角度內容全數燒光殆盡。最簡單的例子莫過於「不平等條約」之說 ── 要是戰敗的條約是「不平等」，德國不就是可以奪回波蘭及今捷克北部的領土嗎？日本不就是可以高呼要重新佔據管治台灣嗎？半世紀以來，香港人就是受盡中史科的荼毒，欠缺了如此客觀的思維分析以致批判。

新加坡未來24個月為「開埠200年」所做的會是甚麼還未知曉，但從李顯龍的獻詞內容所表達的方向，以客觀的歷史觀而言是正確的，算是好的開始。香港人還打算繼續「喪權辱國」、「民族恥辱」落去的話，唔好話最終必定被支那共匪「搞掂」香港，剩係支教民繼續「建設民主中国」令香港有如置身佛家的無間地獄，就真係唔好怨天尤人。好簡單而臭串的講，成部歷史擺在眼前，你硬係要堅持「英國佬販賣鴉片可恥」而不問「何解道光時期以吸大煙為時尚潮流」，真係幫你唔到。

返回主頁

2018 唔到你唔怕

無可避免，2018 都會係用個亂字嚟開始。

無錯，2017 我都話「得個『亂』字」，也的確港燦幼稚思想看待「亂」字的騷亂、暴動之類嘅事一單都無發生過；連「支爆」都仲未真係爆，但「江系會繼續在香港搞局，且會有咁亂得咁亂」，稍有丁點政治常識嘅都會認同講中咗，剩係一單立法會修改議事規則都已經夠，更莫講話一地兩檢李飛索K一言九鼎、DQ2演變到DQ6、黃之鋒羅冠聰要入冊。所以唔好話我鳩噏亂吹。

「支爆」的確客觀上仲未爆，但港燦貪平成日幫襯嘅 HX UO 母公司海南航空「國庫空虛」根本已成定局，只要是但一間銀行call loan，咁就唔只港燦邊度都唔駛去，亦會係支爆的開幕式。順手講，小弟係打死都唔搭廚叉U噢，就是 HX 曾經開香港直航古晉我都情願搭 SQ 經新加坡轉機返鄉下，唔單只係支那共匪拎香港「掛羊頭」而成政治因素，更是知道兩間航空公司唔知幾時突然無先兆死亡呀。

另外「謎網50」涉及嘅公司絕大部份都同中國有關，而康宏財務主要大股東富邦銀行後面係台北市政府，現任台北市長係乜水呀？柯P 點會唔插一刀呀，咪玩啦！姑且陰謀論一啲講，任亮憲老豆任善寧係資深國民黨黨員，點解 Mr. Five Minutes 會俾人爆，慢慢諗下 N 個可能性啦。

今日00:01起，支那匪區銀行戶口境外提款上限收緊至每年100,000人民幣。呢個新政嘅目的就係阻截資金外流。為乜事要阻截資金外流？唔係防止境內流動現金不足導致扯高息率，加重借貸成本催化「支爆」咁係乜呢！「支爆」唔係未到，係已經到咗，只是習仲勛個仔千方百計盡最後努力「拖得幾耐就幾耐」咁解咋！仲係睇唔到「支爆到了」甚至唔信會「支爆」，真係幫你哋啲港燦唔到囉。

舊年仲有講「馬爆」呢個point，但亦的確柔佛州目前仲係馬來西亞聯邦十三州之一。但前文《馬爆在即，柔佛真係準備率先走》 羅列咗大量柔佛脫離大馬聯邦嘅訊號且去意已決。仲有的， 2017-10-14 柔佛蘇丹依布拉欣陛下宣佈柔佛州伊斯蘭宗教局與聯邦伊斯蘭發展局中斷往來，以馬來西亞「宗教高於政府」嘅政治形態嚟講，柔佛蘇丹呢個決定形同宣佈咗獨立，只欠「國際標準」的政府官式宣告 (Government official announcement)脫離馬來西亞聯邦。簡單講，柔佛步向獨立已是無法逆轉的定局。

仲要等幾耐，我真係答你唔到。不過，2017-12-11 依布拉欣陛下在皇宮接見新加坡內政部長尚穆根。外交會面不是見外交官員而是見內政部長?! 搞乜嘢？自行參透啦。

姑且講多少少，柔佛獨立之意於「馬爆」都未係最刺激，砂朥越獨立/歸英之意雖然斬斷巫統財政水源，但都只係「放血」，同時包圍住憲政首都吉隆坡及行政首都布城嘅雪蘭莪州如果都走的話，就直情係斬頭嗰隻。

點解係「斬頭」？吉隆坡同布城在法理上為聯邦直轄區，但地理上被雪蘭莪州包圍。萬一雪蘭莪獨立，兩個首都都被封鎖晒，就算馬來西亞聯邦憲政勉強延續，都出現憲政危機。不過最大鑊嘅係吉隆坡同布城原本係雪蘭莪「自古以來」領土，納吉老豆拉薩 (Abdul Razak) 1974年率領巫統响國會通過法案將吉隆坡「升格」聯邦直轄區，馬哈迪就在2001年將布城「升格」。通俗嘅講法要雪蘭莪「割讓領土」。你估雪蘭莪蘇丹沙拉弗丁殿下發難的話唔會順手收回吉隆坡同布城嘅領土主權呀！到時馬來西亞聯邦憲政及行政首都全部無晒，成個馬來西亞正式散鳩晒。

雖然雪蘭莪未有明顯離意，但沙拉弗丁殿下在2017下半年多次炮轟大馬聯邦嘅宗教事務，更解除鼓吹「強姦9歲女童」的查米漢在雪州講道執照「炒魷」，反映沙拉弗丁殿下就算唔係同柔佛蘇丹同一陣線，都會係近似甚至相同諗法。

雪州政府於2017-11-13突然宣佈全州所有政府部門停止訂閱《馬來前鋒報》及《每日新聞》兩份巫統「黨報」，斷巫統「水源」都其次 (反正都唔係多收入)，雪州政府有如表態拒絕接收巫統輿論先至事大。加上沙拉弗丁殿下親自表揚讚賞公正黨執政雪州將政府財政止蝕，如果你係蘇丹，點會唔諗下前路仲係咪要痴住巫統。

花咁多篇幅講「馬爆」，一方面係引伸返因為「中国最大海外投資就在大馬」及「馬來西亞最大外來投資來自中国」，點出「馬爆」勢必禍延至「支爆」危機的存在，順便為有睇開小弟嘢嘅讀者更新消息「馬爆」危機已經擴大到超乎想像，爆起上嚟可以將巫統一鋪清袋，然後支那共匪啲錢就「係咁先」。另一方面係香港傳媒就馬來西亞政局嘅報導近乎零，所謂「傳媒唔講咪由我講囉」，等袁花蟹之類嘅仆街唔好以為「唔報就無人知」兼向支那共匪「嚇鬼」。

同香港有直接關連嘅國際政治因素當然有啦，首推嘅梗係何志平在美國被捕。佢會否同美國司法部「講掂數」然後爆料嘅可能性係存在，但爆咗料之後唔好掛住食花生，因為爆料內容必定涉及香港，甚至由「建華之亂」以嚟嘅香港特區政府都牽涉其中。美國為首嘅「西方列強」亦必定採取針對香港嘅行動，對香港實施更嚴緊嘅外匯監管應該無走雞，甚至以徹查政府參與清洗黑錢「入侵」香港司法系統亦有可能。斷估袁匪國強都因為聞到呢陣，唔想俾可恥美帝走狗紙老虎「嚴刑拷問」而急於著草。

至於响歐洲同英國方面，唔好仲係「英國佬走咗就唔會理香港」，因為歐盟里斯本條約制訂嘅自由行動權利，Brexit 衍生英籍公民在歐盟地區居留如何處理，係其中一項極度棘手到近乎無法解決嘅問題。而因為條約本身並沒有相應英國國籍分類嘅條文，歐盟因此 defecto 承認 BNO 在歐盟的居留權。當前有近七萬個 BNO 港人在歐盟成員國合法居留，Brexit 將導致呢班人一係變無主孤魂然後由英國「接返走」，一係就被正式入籍居留國。再因為條約在法理上的涵蓋範圍衍生到要同時處理其餘合資格 BNO 港人嘅國籍。

不過，北愛爾蘭同愛爾蘭要求不設邊境管制嘅問題更加複雜。倫敦一係冒住新芬黨重整武裝風險為完成脫歐設立邊境管制；一係零零舍舍北愛「留歐」搞出怪胎，俾北愛居民有一個可自由進出歐盟嘅國籍身份。如果英國採取後者做法，歐盟又會問返「咁BNO、BOTC.....之類想點樣處理」

英國政府最終會點做尚是未知之數，但英國時間1月16日，國會就會展開脫歐法案辯論，到時自有分曉。不過當日仲有一場口頭質詢環節 ── British Indian Ocean Territory (Citizenship)



BIOC 可理解為 BOTC 之下嘅一種國籍，同 BNO 一樣是 Brexit 要處理嘅事情。想知英國政府玩乜，香港時間1月16日傍晚留意 Parliament TV 直播囉。但別忘記港督彭定康曾公開表明會提交私人法案俾 BNO 有英國居留權，隨時嚟緊呢兩星期有好戲上演。

夠亂未？如果再分析埋中国 vs 東盟對訣南沙群島呢啲支那共匪自以為好威好打得嘅憨鳩事、仲有北韓問題衍生對北京嘅影響，再引伸到點樣同香港有關，大家應該「食安眠藥都瞓唔著」。

姑且大迷信一點，所謂天意早定，驚都無用。或者繼而以佛家的因果作說，今天亂局皆因港人當年盲信「民主回歸」而致。或者以毛匪澤東的唯物論去講，港燦被成功培養出政治潔癖，使港共傀儡政權同支那共匪主子無限座大，咪得出今日中国之危局而勢將「燒返香港自己後欄」囉。

返回主頁