民主黨都係死咗佢算啦

尋日黃碧雲响梁君彥宣佈休會後聯同其他泛民見記者時話民主黨無參與護送游蕙禎同梁頌恆進入會議廳，並且爆出原因係唔認同游、梁嘅「辱華」所為，搞到民主黨被人狂插一日有多 (今日仲見到有人鬧)。撇除青政FANS 嘅炮火，好多人包括小弟嘅開炮並不是要為青政二人「護短」，而是轟炸白鴿竟然「辱華」緊要過689破壞三權分立，簡直輕重不分、痴撚鳩線。

而一日以來嘅「炮火」同時間迫到有民主黨人 (邊個就唔開名，念在交情。但一定唔係區諾軒、柴文瀚) 爆出內幕。

第一，民主黨人A表示過黨嘅立場只係關注劉小麗能否宣誓，响「炮戰」當中，當然俾人 (唔只小弟) 抦佢哋連議事規則都唔理，或「咁即係支持梁君彥違反議事規則」。黨嘅另一立場認為亂局皆因游蕙禎把衰口引致，根本就是「人必自侮，然後人侮之」，無必要幫佢。就係咁，即係民主黨嘅親疏有別、私怨大過天嘅本質，終於清清楚楚、完完全全、徹徹底底的表露無遺。亦即係話「民主黨不配講民主」完全成立!!

第二，民主黨人B表示黨中委曾經開會商討是否發出讉責游、梁兩人「侮辱中華民族」聲明，只是一切嚟得太快，亦有中委認為當前大局重點是三權分立受到破壞，就算游、梁的立場違背「建設民主支那」，這一刻還是該出少句聲無人話你啞。結果就到今日都未見到白鴿有份咁嘅聲明出過街。

就第一個內幕，唔單只「不配講民主」，更見到佢哋為針對游蕙禎同梁頌恆，可以如土共派的毫無底線咁不惜連民主大原則都放棄，為圖個人和黨團嘅私利做到咁，簡直令人髮指。亦完全有辱「民主」二字。

至於第二個內幕，唔單只反映白鴿民族主義上腦，呀唔係，直頭充昏頭腦。就是因為游蕙禎梁頌恆唔支持「建設民主支那」就誓要打倒佢哋；可但是劉小麗响選舉期都係舉出「自決」口號。咁到底係民主黨親疏有別到睇見劉小麗姑且係「左賊」就視之為盟友，定還是劉小麗嘅口號都只係得把口而實質都係大一統，即係劉小麗講大話呢？

更值得留意，白鴿的反「辱華」立場，除咗就同土共一樣之外，基礎其實都只係如港燦的看待「支那」二字，即係話班白鴿對「支那」嘅認知都只係二次大戰時期嘅歷史。再就算練乙錚日前搬出更多有關英國、歐洲的歷史出來指「支那」點都帶點侮辱，但就對照返歷史時序都是明代之後，而南宋時期程頤程灝兩兄弟發明、明朝朱熹發揚光大，統稱「宋明理學」，當中有唔少主張有如今日的泛道德主義，甚至是拉登塔利班。會不會是「中國人」醜態盡現「西方列強」眼前，即又不過是「人必自侮，然後人侮之」招徠，响呢一刻無從考究。

唔講咁深遠，更唔好話公元205年印度梵文、公元約1000年伽色尼王朝嘅Catai 演變成今日嘅China 呢啲再深嘅歷史觀點，孫中山也用過，甚至毛澤東也用過，點解白鴿就選擇性失明失聰以至腦退化呢？白鴿(尤其是班老鴿)平時好鍾意吹捧啲學者名人，有教授銜頭就廢噏都是秘笈，又成日話人唔睇書架，點解响今次「支那」事件，白鴿唔睇書，同港燦一樣程度，甚至是無意中煽動港燦呢？可見白鴿同土共一樣都係仆街。而常嗌「爭取民主義無反顧」口號，更見得佢哋係冚家鏟。

既然民主黨根本就是民族主義上腦，所謂「建設民主中國」亦只是用嚟呃飯食嘅口號；而同時親疏有別嘅態度，同為私利連「民主」原則都放棄，真係唔死都無用囉。亦因此，小弟從今以後會把民主黨改稱為「支那民族黨」，簡稱「支民黨」或「支族黨」。而萬一真係好彩地發生Hong Kong Is OUT，必參與搜捕支民黨成員並遺送至羅湖邊境驅逐出境，俾機會佢哋實踐「建設民主支那」千秋大夢。

返回主頁

劉小麗隨時成為民主黨被收編嘅犧牲品

青年新政响下晝放風「收到兩位分別於選舉事務處兩個辦事處工作的支持者透露，處內近日以機密文件通知職員準備為三個立法會議席進行補選。」


雖然可陰謀論去解讀成只為今晚嘅集會谷人數，但只要搭埋689修改入稟狀要懸空游蕙禎同梁頌恆兩人嘅議席，呢個風其實唔假得去邊。

689張匪曉明嘅目標只係游蕙禎是肯肯定的，而梁頌恆因為同游蕙禎一齊去報警鄭永健就被拉埋陪葬；而另一邊廂土共想僭越議事規則放生劉小麗，照推論都應該準備補選游、梁兩個議席，有說法是拖埋劉小麗落水，九龍西兩席嘅補選就變成比例代表制，土共可藉此攞多一席。呢個分析絕對準確。但睇返啲現況，會發掘到另一層的盤算。

根據議事規則同「按姓名筆劃」嘅立法會慣例，宣誓次序就是游蕙禎，然後梁頌恆，劉小麗排尾。土共嘅打算可視為違反議事規則，就算民主黨唔用呢招，相信公民黨 (但只限楊岳橋、譚文豪同毛孟靜) 都會用嚟制止梁君彥犯規。即係游蕙禎一日宣誓唔到，劉小麗都無得宣誓。689張匪曉明該同時基於此情況，加上「比例代表制」嘅盤算，決定嚟一招順水推舟。

而另一方面，白鴿今朝無參與人鍊，都算喇；一直响宣誓問題潛水食花生，就連「按姓名筆劃」嘅問題都無出過聲，就算是對於土共打算放生劉小麗係違反議事規則，嚴重破壞議會制度呢啲往日成日大大聲鬧嘅問題都唔出聲，唔能排除白鴿根本只在乎劉小麗呢個「自己友」而唔Care 游蕙禎有無得宣誓。

如果因為跟正規矩游蕙禎無得宣誓甚至最後俾689張匪曉明DQ埋，劉小麗就無奈地成為陪葬品，照道理白鴿應該開始緊張嘛。或者一來今朝黃碧雲衝出嚟柒已經俾人打到瞓低而唔敢再講嘢住，但尚有另一個可能，就是統監府準備以白鴿可參與補選，引誘班老鴿參與隨之而來的輿論戰 ── 將劉小麗失去議席SPIN 成「一日最衰都係游蕙禎」、「唔係你條MK妹就唔駛連累埋劉小麗」。

唔好話小弟生安百砌、無中生有。只要明白張匪曉明有幾憎恨游蕙禎，又明白共匪鬥爭手段離不開製造矛盾挑撥離間，就會知道以上推斷唔係無可能。而張匪曉明一心只為整死游蕙禎，區區一個劉小麗對佢嚟講根本只是風中微塵。

再換另一個角度去睇，白鴿(尤其是班老鴿)只係一堆只圖議席開飯嘅仆街，如果犧牲一個所謂嘅盟友而能有機會 (記住只係「有機會」) 換返個飯碗返嚟，你估佢哋唔會跪地棄豬乸呀! 淨係睇2010年入中聯辦同過去幾次選舉開口「鎅票」埋口「分薄票源」，就知白鴿幾在意啲議席而來嘅嗰口飯吖。

奉勸劉小麗唔好再做鍾欣桐，以為有班飯桶撐你就坐定粒六等梁君彥唔跟「按姓名筆劃」俾你宣誓先。真心為民主嘅就唔該加入戰團幫游蕙禎爭回宣誓，呢個亦係唯一>99%保證你可以宣誓就任嘅方法。唔好到時俾白鴿出賣咗喊苦喊忽嗌後悔。

延伸閱讀
是的，統監府張曉明大報復
睇嚟想搞掂游蕙禎嘅唔止土共

返回主頁

民主黨躝返深圳河以北做政協啦

成個早上Home Office (自己屋企，唔係英國內政部)，無完全睇實立法會大亂鬥。跟其他一路mon 住電視直播嘅朋友溝通過之後，確定了護送游蕙禎同梁頌恆嘅人鍊除咗有毛孟靜、長毛、慢咇、邵家臻，仲有岳少同我估唔到响度嘅張超雄 (應該仲有的，未確定到晒)。就連鄭松泰不單護送，仲第一個引用議事規則向梁君彥大迫供。不過，同時間確定人鍊內一隻白鴿都無。係，唔好話50萬票王鄺俊宇，連林卓廷都都無响度。



雖則民主黨呢個情況係預計之內，但黃碧雲响「事後會」明言無參與護送，仲重申「反對辱華言論」立場。

喂喂喂，咁即係同場外班土共動員嘅阿伯阿嬋同一立場喎!!! 仲要樣更重要嘅要留意的，黃碧雲係民主黨中委，佢咁講得出口即係代表住這就是民主黨嘅官方立場!!!

天下皆知民主黨與青年新政嘅港中關係立場就是水火不容。黃碧雲言下之意，即是民主黨不單只繼續親疏有別私怨大過天，更是「建設民主契丹」嘅重要性蓋過香港嘅法治、三權分立等核心價值。亦即是話只要不是支持「建設民主契丹」者都視為敵對的。

今次事件反映民主黨就是「建設民主支那」大過天，大到民主基本大原則都擱在一旁，話之游蕙禎死活，咁仲有乜資格講民主二字？仲有乜資格話「爭取民主義無反顧」？

小弟講過好多次，要咁堅持「建設民主契丹」就唔該遷居深圳河以北去建過夠，唔該民主黨黨員全部辭職，然後去跪叩689 張匪曉明俾返張回鄉卡佢哋，可以躝返去共匪治區「成就祖國民主大業」。

延伸閱讀
睇嚟想搞掂游蕙禎嘅唔止土共
六四晚維園，你去我唔去
六四仲拗乜鬼

返回主頁

香港從此多咗一個梁公公

先講啲軟性嘢。我無賭錢嘅嗜好，極其量行過投注站見無乜人排隊就入去篤張六合彩或者$200上限畫張3T。暑假返鄉下(新加坡) 入咗金沙，玩都其次(都只係$2000港紙)，主要係入去了解下賭場映照嘅新加坡社會狀況。下次返去都未必入。

(Source: 游蕙禎Facebook Page)

凌晨仲响度賭舊泛民話今朝都係Just a show，結果係組成人鍊護送游蕙禎同梁頌恆進入會議廳。即是話，小弟賭輸咗。正常嚟講輸咗個人會頹，但今朝我朝得高興，因為舊泛民政客卒之無揸流攤。雖然唔係齊腳28個，但入到去就係入到去。真心佩服梁國雄、毛孟靜、陳志全等執行護送嘅議員。

梁君彥估唔到會出現咁嘅場面而束手無策，仲要趕極都唔走；而班食蕉又唔敢SM游蕙禎，在無計可施之下先宣告暫停會議，再之後就宣告休會。而休會嘅後果係下星期三先重新開會，即係同流會一樣。可是今日唔是土共派玩流會，而係梁君彥自行了斷，那麼還不是變成太監麼!

梁君彥呢一下其實一石三鳥，除咗協助共匪主子製造「又係兩件『民族敗類』阻礙議會運作」輿論之外，又可以向游蕙禎、梁頌恆同舊泛民擺下馬威。但第三鳥仲過癮：向土共宣示「你哋咁玩法我都唔知可以點陪你哋玩落去」。

唔好以為「第三鳥」只係小弟FF，想像下梁君彥尋日轉軚俾人鬧到仆街，俾人話佢不惜破壞議事規則，甚至串佢法庭都拒絕頒禁制令而幻想自己係法官。再加埋英國國籍單嘢其實未完結。廠佬性格就是見自己一身蟻就想逃脫，而依家係張匪曉明夾埋成堆土共迫佢玩，故亦要向689張匪發放訊號。

後事如何仍未知，但部份舊泛民亦已決定親自落場打埋一份，照正常民主黨亦唯有被迫參戰，但當然可以逃脫。另一邊廂廖暉已被拖落水打，即是北平已經大打出手而習近平暫稍佔上風。班土共還未知風向，但就極有可能最終進退失據而敗亡。大手入定花生啦!

返回主頁

飯桶隨時又只會係鏡頭前烈士

仲有唔夠十個鐘，就會知道梁君彥嘅「覺今是而昨非」拒絕為游蕙禎及梁頌恆監誓會演變出乜嘢事件出嚟。小弟唔會期望有人會好似我為咗「19座位」聯同柴文瀚同「巴十判官」出動P&P咁會用Cap. 382 Sect. 19 對付陳維安，因為除咗港共公安必定唔會受理之外，當前周街港燦只會執住「支那」就是「侮辱」「傷害民族尊嚴」認定游蕙禎無資格做立法會議員，即係無吸取2011年底至2012年初嘅「狼鷹大戰」堅定不移地認為唐英年「道德淪亡」而不適合做香港市長嘅歷史教訓，阿水會做呢個行動咩！

至於响議會內，飯桶派就放風會做場「好戲」，雖未知係乜，但正如賭馬「刨往績」都唔好諗住有乜好嘢。再者，梁君彥嘅更新裁決只係Ban 游蕙禎同梁頌恆，無Ban 劉小麗。而根據議事規則同過去慣例，是要按姓名筆劃數順序為議員宣誓，即係游蕙禎、梁頌恆先至到劉小麗。而如果游蕙禎未完成宣誓，梁頌恆無得宣；兩個都未宣的話，劉小麗係唔可以宣，梁君彥同一眾土共嘅打算可以話係違反議事規則。

但是，由梁君彥見完記者扑完嘢，呀唔係，係抖完咪之後至今九個鐘頭，除咗社民連話搞示威、公民黨嘅黨員以個人身份「譴責」講兩句之外，都無實質攞住議事規則同梁君彥「死過」；民主黨、工黨同街工更加一粒聲未出過聲，一隻字都未打過。

喂阿哥，你哋班飯桶唔係成日話要捍衛法治、反對破壞三權分立嘅咩? 點解响呢個客觀上咁關鍵嘅時候竟然都只係做啲門面嘢，甚至唔出聲食花生？民主嘅原則唔係「統一判斷標準」，即係佢哋成日講嘅「誓死捍衛你的XX權利」嘅咩？

再嚟「刨馬經」mode，飯桶一直都唔妥青年新政兩人，但就視劉小麗係同道。如今梁君彥唔Ban 劉小麗，即係「自己友」過咗關就四個大字關人叉事乎！在為免俾人抽秤「都係搬龍門」，面對住游、梁兩個「共諜」，極其量咪行禮如儀一下，俾記者們影晒相拍晒片有晒記錄「證明做過嘢」咪算囉。唔知今次又會唔會俾我講中喇！

一班口講民主嘅人，到頭來隨時又係親疏有別選擇性民主、私怨大個天話之唔係自己友嗰邊。

延伸閱讀
睇嚟想搞掂游蕙禎嘅唔止土共

返回主頁

是的，統監府張曉明大報復

全文：http://hk.apple.nextmedia.com/realtime/news/20161025/55825986

中共港共為求封殺游蕙禎，不惜迫梁君彥違反議事規則以至催陳維安違反《立法會權力及特權條例》(Cap. 382) 第19條，都不特只，689 仲突然改入稟狀，「支那」宣誓風波不單一發不可收拾，直頭攬住香港港走上不歸路。無錯，即係正如小弟曾經提過，江派在與習派惡鬥就是拿香港做人質。

689 如此心狠手辣，誓要將游蕙禎置之死地，堵截「宣揚港獨」的確是在所謂政治正確的條件反射的理據，但不過是表面目的。鄭永健被捕源於游蕙禎拍枱爆seed 報警，黃世澤指鄭永健被判罪成即是將中共成個鎅票系統曝光，算是其中之一。小弟提過，游蕙禎此舉無疑摧毁張曉明透過劉廼強父子進行嘅大茶飯；而張曉明所屬的薄熙來幫素來都係考慮個人私利就無底線的作風，就必定會同佢「死過」。

大家或者質疑「咁點解唔响提名期就DQ埋游蕙禎而仲俾機會佢選」。其一可能性係當時統監府同689認為佢勝算不大；其二就姑且又爆內幕。游蕙禎响選舉期嘅表現暴跌，其中一個原因係青年新政為佢「悉心安排」咗一啲身份背景存疑嘅人做佢嘅競選團隊成員，即是有可能689同張匪曉明早已佈好局，等佢輸到趴响度嚟懲戒佢；其三就是如今的一著 ── 預埋佢贏嘅「極地反擊」大撲殺。可以話統監府早已做好幾手準備，佈下「欲擒故縱」之局，睇下邊個時機就用邊一招「等佢上得越高、跌得越仆街」。

在第一輪民調就有約7%支持度，「勝算不大」的前設失效之後，本來睇住選舉論壇一仆再仆，689同張匪曉明以為計劃得逞，怎料游蕙禎唔知食錯乜嘢藥，有線電視嗰場論壇嘅表現突然「迴光返照」，且跟住嘅最後十幾日算是越戰越勇。最後响紅磡一帶七個票站比黃毓民攞多一千票取得第六席，就開始諗計要佢落馬，與及當日陪佢去報警嘅梁頌恆陪葬。

但要出招都要搵到位入攝先得嘛！尋日《自由時報》刊出嘅小弟拙作，文中引用《孫子兵法》的「高陵勿向，背丘勿逆」，所指的是游蕙禎當日拍枱到報警，即是辣著咗張曉明的「高陵」，得需「勿向」，即避免還擊；港共就是「背丘」，當「勿逆」，即唔好挑機。而「無恃其不攻，恃吾有所不可攻也」，套用返件事，即是唔好以為中共港共唔會出手，唔好諗住進攻且更加要知道有何要防範先守穩陣腳，唔好俾位689張匪曉明入。簡單講即係老生常談的「防人之心不可無」。但結果「We Fucking Off 支那」成為大好時機，既俾位陳維安呢隻走狗唔承認佢嘅宣誓，又俾位班土共借周街港燦唔識「支那」嘅真正底蘊，成功入晒位，就搞到今日呢個田地。

無錯，689同張匪曉明都係仆街冚家鏟。但要是(唔知仲係咪)游議員懂得分析當日嘅拍枱同報警原來係咁大件事，又或者起碼有仔細咀嚼過《李光耀都俾人傳係馬共》(我有send 條 link 俾佢)的話，應該知道要把持「小不忍則亂大謀」原則，「一日未坐穩就一日都未係時候『搗亂』」。鄭永健案完全是李光耀清剿馬共嘅翻版，但馬共一直反擊直到1971年「華文報禁事件」。不過，李光耀嘅智慧、英國暗中支援李光耀，而游蕙禎呢兩樣嘢都欠奉，或客氣啲講「唔夠」智慧，就出現不同嘅局面，甚至係結果。

游蕙禎咁玩法係好膠，甚至可以話好狠憨膠，但愛爾蘭獨立戰爭到愛爾蘭共和軍嘅歷史，話唔埋就是游小姐嘅真正目標。當然，滿腦子《基本法》18條嘅689同張匪曉明總會認為「那便成局了」，而然後一眾支教民體系附和之「話咗佢係共諜」。但又就是IRA 嘅歷史，就算「18條」咗，都唔到民主黨甚至是張匪曉明、江匪澤民想點就點。還有的是，游蕙禎在台灣演講提到「中共好需要台灣，但唔需要台灣人」，間接將中共 (尤其是江派) 對香港嘅打算公告天下，即係佢已經睇穿咗共匪嘅思路。所以一眾土共亦唔好諗住當下之局可以開香檳，隨時好戲在後頭。

返回主頁

不如全球黃皮膚黑頭髮的都是中共子民

小弟响共匪治區聽咗一個黑色笑話好多年：世界各地有乜天災人禍，例如地震、空難、恐怖襲擊，死傷者名單必定有中國人。又另外，留意近19年嚟嘅新聞報導，就是發生災難事件，總會有個point 「死傷者中有幾多名中國人」；就算係美帝走狗境內，都會講「死傷者中有多少名『華裔』」。

又另外，但凡有黃皮膚黑頭髮嘅「海外同胞」同支那有聯繫的話，動輒就「是不是中國人」邏輯。莫說是對著香港同台灣，就算遠至美帝走狗之境都唔會放過。例如駱家輝 (Gary Locke) 到北平就任美帝走狗駐天朝代表時，接受支那共匪CCTV 記者訪問還是以英文對答，一眾五毛破口大罵「身為中國人回到家還說英語」；記者問佢「你會回台山祭祖嗎?」，佢話唔會，五毛們再罵「數典忘籍的爛臭黃皮白豬」；

就算不要「政治化」，莫說蝗蟲嚟到香港會質問「干吗香港都回归了还说广东话」，支那人去到歐洲遇到黃皮膚黑頭髮的「同胞」而開口不會煲冬瓜，都會擺出一副不屑嘅姿態。可見共匪煽動民族主義嘅程度，比日本已故天皇裕仁的大東亞共榮圈或希特拉嘅納粹歐洲，煽動人數及無形的力量，以至涉及面積範圍有過之而不無及。

就算是曉得漢字，會說華人語言 (包括粵、閩、潮、客等)的，支那共匪治區屁民更是鬥得犀利。香港同台灣以外，2012年奧運會羽毛球決賽，支那林丹對馬來西亞李宗偉，梁靜茹在微博貼文支持李宗偉，海量Cina Babi 又發花癲的鬧佢「係唔係中國人」「唔認中國人就不要在中國賣專輯」。一係掉返轉，好似曹格咁，就讚到佢天上有地下無咁。由此可見，支共煽動嘅民族主義根本就是要「天下眾生但凡黃皮膚黑頭髮盡皆吾民」，且是要嬴政嗰隻「書同文」之外還要「話同音」。論暴政之烈，支共根本比秦始皇更瘋狂。

梁靜茹、李宗偉等南洋華裔的歷史，可追溯到明末鄭成功之後。較多數「中國人」移居南洋一帶的時期是由清國乾隆帝開始，即是超過二百年。這些支那豬眼中視為「叛徒走狗」的大多只是一心外闖賺一筆然後衣錦還鄉。但奈何正如柏揚話齋：中國人只會窩裡鬥。所謂「同胞」之間爾虞我詐，先富起來的一群招攬新一批過來，但不是帶歇他們「發達」而係剝削做奴隸，即係張廿蚊思維咁上下嗰隻，結果遲遲未能回歸祖地而被迫落地生根。當然，亦有一部份捱捱下發覺「生活總比家鄉好」而留下來。又部份死慳死抵儲到一筆就買田買地，結果又係响南洋落地生根，甚至傳宗接代開枝散葉。而部份的，响南洋華僑圈子稱之為「娶生蕃婆」「嫁生蕃佬」與當地土著通婚。其中的例子，就是小弟的親生祖父。無錯，小弟係有1/4婆羅洲土著血統的，所以套用支共的血統邏輯，我根本就唔係「中國人」。

可但是「黃皮膚黑頭髮寫漢字說華語」就一定係中國人嗎? 那留意以下兩段歷史：

1. (其實响《蘋果日報》寫過，但費時大家摷) 時值1950年，毛澤東領導的支共開始在契丹領土站穩陣腳，就不忘要「輸出革命」。乘當時馬來亞反殖運動進行得如火如荼，當中最出力的是由陳獨守一手建立而隨後轉形的馬來亞共產黨。在協助「偉大的陳平同志」之餘，借反殖之名推動共產主義是的主要戰軸，借英國在馬來亞、海峽殖民地（即新加坡、馬六甲和檳城）和婆羅洲的管治只求利益罔顧社會需要，社會環境相當不堪，另，透過馬共借「同胞」總還認為自己是「中國人」，即所謂身份認同觀念，宣揚「祖國需要海內外同胞齊心協力建設」進行招攬「回國建設偉大社會主義祖國」。數以十萬計的「同胞」，尤其是年輕人，不顧家人反對下「回國」。是的，小弟老豆老母分別在1955年和1956年「投奔『祖國』懷抱」。

支共本來打算利用這些「同胞」有較豐富且多元化的知識推動「社會主義祖國」朝著超英趕美嘅目標向前邁進，但到了1959年「大躍進」仆晒街之後，老毛唔知點收科就諗到一條屎橋出嚟，賴呢班「由祖宗起長期在外，非土生土長，本質不純」嘅物體搞禍晒，轉移群眾視線去批鬥呢班「同胞」。小弟老豆本來是在廣州做老師，因為一名高幹子弟唔交功課俾我老豆罰打手板，咁就要寫悔過書 (唔記得有無遊街)，之後就掟咗去華僑農場「上山下鄉」。毛匪澤東咁就叫做甩身。

再到之後，老毛同周總理恩來思前想後，認為留呢班「同胞」响度盞嘥米飯，於是就陸續以發出「中華人民共和國公民出境證」，即相當於現在的「單程證」驅趕離開「偉大的社會主義祖國」。但因為呢班「同胞」嘅馬來亞國籍或印尼國籍(下一段會詳講) 已遭褫奪，返唔到去馬來西亞或印尼，結果只能流落香港終老。但又因為馬來西亞或印尼國籍已遭褫奪，而「單程證」等同於取消契丹國籍，即變成無國籍人士。英國殖民走狗知道「國際人球問題」，於是吩咐人民入境事務處嘅職員誘導呢班後來通稱為「南洋外國僑胞」嘅人在辦理入境手續填表時國籍一欄寫「中國」，搞到連BDTC 都唔攞得而只能用 (年青的未必聽過) 俗稱C.I. 嘅「身份證明書」出門，搞到就算要返去馬來西亞或印尼十日八日見下親人都要張羅搵親友寫擔保信先至申請到簽證成行。甚至我老豆來自嘅汶萊講明「拒絕申請」而返都無得返!!

喂，阿哥，口口聲聲話「同胞」，結果咪係要你嘅時候就「中國人」，唔要你嘅時候就「本質不純嘅生蕃」囉!!!

2. 1955年時任支共總理周恩來出訪印尼，「中國歷史」課本只敘述了出席萬隆會議，成功與印尼打開建立友好之門。但就沒有敘述同時間發生的另一件事 ── 周匪同當時印尼總統蘇加諾簽署咗一份互不承認雙重國籍協議。呢份協議對當地「同胞」要在「認祖歸宗」定做「印尼生蕃」之間要作出抉擇。

但當時全球一片反殖浪潮而向左走嘅大環境之下，加埋或多或少心底裡總有著「離開了家鄉百幾二百年而心裡有愧」的思想，大多數都不願放棄契丹國籍。但沒有歸化入籍印尼，不單沒有公民權亦沒有公民福利 (雖然當年根本都無福利可言)，還使啲「真‧印尼生蕃」認為呢啲黃皮膚黑頭髮「都唔係自己人」。結果蘇加諾俾蘇哈圖迫宮緊嘅時候，即是1966年就「排華」。支共本想「接濟同胞」，但經過大躍進之後趕咗一批「南洋愛國僑胞」(包括小弟老豆 (1963年初)同老母(1963年底)，加上偉大的毛澤東領袖剛發動「無產階級文化大革命」，周匪都唔敢亂嚟，有得班印尼「同胞」自生自滅。

喂，阿哥，口口聲聲話「同胞」，係「中國人」都唔救喎!!!

到後來1969年第二次印尼排華，周匪恩來「大發慈悲」，派船往印尼椰加達、峇里等地接啲「同胞」返回「祖國」照顧。但是，由大躍進之後對「南洋愛國僑胞」以「由祖宗起長期在外，非土生土長，本質不純」批鬥之火繼續燃燒，燒到呢班印尼僑胞度。結果周恩來只好狠下心腸「壯士斷臂」的把這些親自督師接返嚟嘅「同胞」幾乎統統趕走。亦同樣地只能流落香港終老，再一次發生唔要你嘅時候就「本質不純嘅生蕃」囉!!!


家陣班土共口口聲聲，下巴輕輕話梁頌恆、游蕙禎嘅「支那」侮辱全球黃皮膚黑頭髮所以要全力聲討迫使失去立法會議員資格。那麼，由駱家輝咁小嘅事，到梁靜茹嗰單好似大單啲啲，再到孫旭鬧新加坡「兩百年前都是中國人，幹嗎現在人比狗還多」辣慶到新加坡幾乎重演印尼排華咁大單，依家又上綱上線拖晒「全球華人」落水，咁算乜嘢意思先?! 再者，唔計我有1/4婆羅洲生蕃血統，就是「南洋愛國僑胞」一時就「同胞」一時就「生蕃」，咁到底响支那以外嘅「黃皮膚黑頭髮寫漢字說華語」嘅又係咪「中國人」吖?! 再者，估計香港有8-10%人口係「南洋愛國僑胞」嘅物種，你哋班土共係咪要拖埋落水吖? 係嘅話唔該叫張匪曉明、張匪德江，以至薄匪熙來，甚至是江匪澤民，向每位仲在生嘅「南洋愛國僑胞」(連同後人) 每人賠返10億8億，過咗身嘅就每個先人賠返10萬8萬，找咗呢條數先好話「全香港嘅『中國人』唔妥巴治奧游蕙禎」。

班土共唔好諗住香港地無乜人意識到「南洋愛國僑胞」到底係乜嘢一回事而側側膊，淨係小弟「揼石仔」不斷寫都寫咗三年，就算同唔到港燦洗腦，都肯定喚醒咗一班本來只知道老豆老母、阿爺阿嫲响南洋嚟香港嘅「南洋愛國僑胞」後人。爭在响呢一刻仲未全部埋位同你哋班共匪賣港賊鍊過。班土共最好求神拜佛 (呀唔係，共匪係無神論的，應該話求江匪澤民) 我玩唔大呢單嘢，否則幾十萬「南洋愛國僑胞」玩到你哋去羅湖僑投河自盡都唔掂呀!!!

後記：如果「支那」係侮辱的話，咁唔該班土共盡快去馬來西亞領事館抗議。因為馬來文(用拉丁字母寫) 仍是充滿侮辱的Cina，發音仍是「痴拿」。俾埋地址你哋：灣仔告士打道50號馬來西亞大廈24樓。領事姓名Tengku Sirajuzzaman bin Tengku Mohamed Ariffin 。

返回主頁

全球華人? 南洋愛國僑胞包唔包呀

土共派為阻游蕙禎、梁頌恆宣誓無所不用其極。以「進入司法程序」為由就預計之內，亦反映土共派同689、張匪曉明狼狽為奸，一唱一和，裡應外合、夫唱婦隨.... (下刪四萬字)

論述基於民族主義上腦，日本二戰暴行，亦係預計之中。

本來，講乜嘢民族大義，我都可以恥笑完算數。就算扯埋台灣，台灣政府和民間都會有人招呼呢班土共。但放大到「全球華人」，我一邊哈哈大笑之餘，另一邊就真係要幾乎爆粗問喉班土共娘親祖宗十八代。

所謂「南洋愛國僑胞」，簡單啲講，即是一班原本响星、馬、印尼居住咗起碼兩代嘅華人，响1950 - 70年代受盡中共嘅擺布，結果星、馬、印尼嘅家歸不得，只能待在香港含恨而終。詳情可讀2013年9月23日《蘋果日報》刊登小弟拙文〈由馬共歷史看中共〉。

文中除咗提到中共對「南洋愛國僑胞」呼之則來揮之則去，要利用就「同胞」到時勢唔掂就「本質不純」鬥得就鬥趕得就趕，亦明言小弟父母就是其中的兩個。

而基於除咗偷渡之外，「南洋愛國僑胞」就算偱合法途俓以「中華人民共和國公民出境證」，即相當於現在的「單程證」來港渡過餘生的，中共當然無統計數字，香港入境處亦因為「國籍」一欄在當時的法律同行政程序上無得寫「馬來亞」、「印尼」，所以亦唔會有統計數字。以小弟LIM 氏家族連同先父母的同輩友好圈子近百人，並已最少有第三代人在香港生活，再加做咗42年人認識接觸而確認到身份的，估計「南洋愛國僑胞」佔香港人口 8 - 10%。即係嗱埋50 - 70萬。

唔該班土共議員，尤其是小學雞上身做班長嘅廖長江，要上綱上線玩到咁大之前，先打個長途電話上北平問問習近平「南洋愛國僑胞」係一班乜嘢怪物，到底偉大的毛主席欠落呢班人乜嘢天文數字大爛賬。唔好講第二個，要不是 (陳嘉朗mode) 我老豆老母憨鳩鳩，就當都係佢兩個相識結婚，依家我應該最少有九個位港紙嘅身家响砂朥越古晉或者 Miri 做緊大少，唔駛日日對住你哋班土共發癲打大交呀。

也許第一代的「南洋愛國僑胞」大多已老去，仍在生的亦大多不願向後輩提及這段羞恥的個人經歷，就使好多香港人都唔知道呢啲歷史真相，於是乎班土共可以繼續當睇唔到。但唔代表呢筆可以話係血債唔駛還。

嚴重警告立法會班土共，咪再咁玩落去，我唔知我會幾時忍唔住向你哋大打出手。
我可以因為「19」呢個數字玩到出動P&P質爆張炳良，我有幾「痴線」，廖匪長江你自己慢慢考究下啦!


延伸閱讀
香港人就是中國人,,,,,,
媚共同小朋友洗腦就認咗佢 ─ 致黃大仙聖母幼稚園公開信

返回主頁

颱風證港人對政府信心全失

今日該是香港淪陷19年以來，第三次颱風襲港致全日停市。對上兩次分別是1999年9月16日颱風約克及2011年9月29日颱風納沙。撇除道德批判思維，對普羅打工一族嚟講真係渴望已久的一日假期。

事實上，不知是甚麼巧合或天意，19年來幾乎每一次打風，掛8號風球嘅時間都係傍晚至清晨。本來有所云天有不測之風雲，可是2006年8月2日襲港的颱風派比安，被氣象發燒友踢爆天文台謊報位置及風力，就使香港成街人都認為天文台根本有心的刻意唔掛8號，而「李氏力場」之說亦應運而生。甚至乎蘇錦樑明言「因為天氣影響經濟運作，所以堅持天文台要繼續由商務及經濟發展局管轄」，於是乎就人人認為港共政權就連天氣都要「操弄」而不再相信，並隨著互聯網資訊流通的發展，唔少人選擇睇台灣、日本，以至美國氣象機關嘅颱風消息，而唔再理小弟戲謔改名為「香港氣象訊息發報有限公司」嘅天文台發報的颱風資料。

這又何證港人對政府信心全失? 港燦們都是政治冷感甚至潔癖，因而對政治層面嘅政府施政問題不聞不問；但細心留意同回想一下，每當涉及自身利益的事情，不論那利益是否合理，只要是有個人利益的都會不滿以至破口大罵。而就是連打風都充滿怨言，甚至連天文台都唔信，正正反映港燦們根本就是對港共傀儡政權不信任。只不過就是政治冷感、潔癖，又同時政治問題的確比較要用腦思考，所以沒對真正的不公義事情有乜嘢表達而已。

或許港共中共還沾沾自喜的認為港燦的思想還在掌握之中，左賊以至獨派點煽惑都唔會出事。但正如小弟等人常言道「法國大革命都只係因為師奶買唔到麵包而爆發」，當下港人就連打風都對港共滿腦懷疑滿肚怨言，其實就埋下炸藥。只不過港燦仍存難民過客心態，「有乜事咪移民囉」思想，爆發嘅可能性的確比法國大革命低，又或是爆發時間不斷後延，真不知道禍福難料。

後記：有好多人質疑點解唔學台灣由縣市政府統一決定停課停市。其實台灣當地對颱風嘅停課停市安排有好多拗撬，台灣商界認為該仿傚香港嘅做法。小弟一年前撰文 (《自由時報》2015-10-3 <台灣颱風假 香港假颱風>) 引用毛澤東之言打到佢哋反艇。這也是我對颱風停課停市安排嘅明確立場。

返回主頁

釋法後患無窮

全文：http://www.hk01.com/sns/article/49210

暫且不談 HK01 嘅背景，呢篇報導唔係空穴來風。關於釋法，共匪同啲走狗都會強調「釋法權在人大手上」，而港燦亦小農奴隸基因上身認為「『阿爺』要點做有得反對嘅咩」。無錯，《基本法》158條第一節係咁寫明，但不過睇埋第二節：

香港特別行政區法院在審理案件時對本法的其他條款也可解釋。但如香港特別行政區法院在審理案件時需要對本法關於中央人民政府管理的事務或中央和香港特別行政區關係的條款進行解釋，而該條款的解釋又影響到案件的判決，在對該案件作出不可上訴的終局判決前，應由香港特別行政區終審法院請全國人民代表大會常務委員會對有關條款作出解釋。

即係只有香港法院因判決需要，經終審法院提呈人大要求解釋，人大先可以「釋法」。呢個稱之為「釋法啟動權」。即係任何不是經由香港法院提呈進行嘅「釋法」，都係違反呢一條。翻查過去人大嘅釋法，只有「剛果案」(案件編號FACV 5-7/2010) 符合「釋法啟動權」，其餘的，包括莊豐源案，揸正嚟做都係違法，即可視之為「中華人民共和國違反基本法」，然後延伸到中共違反《中英聯合聲明》。

只不過「中共違反《中英聯合聲明》」嘅後果就是中共匪幫失去香港主權的合法性，而從支教民體系嚟講即係「建設民主中國」無咗，所以19年來都無人用呢一招去向中共迫倉。繼而引伸到港燦的態度就變得中共港共有恃無恐。

之但是支教民唔敢用，唔代表全香港無人夠膽用。而我相信，中共要是今次夠薑的話，就算游蕙禎使呢招出嚟，都會有人出呢招。中共夠膽就嚟啦!

返回主頁

公審五毛Louis Or

共產黨啲「網絡評論員」，即俗稱五毛當我流架。話咗「「五毛」留言不會刊出，但會保留日後公告天下」同「「五毛」與否，由本博客定奪。唔好同我拗，無咁得閒燒時間幫你「出糧」」，仲夠膽入嚟挑機。




Louis Or 的Google Plus A/C：https://plus.google.com/101966986833263316963

重申一之，呢度係我嘅主場，即係我話事。共匪唔好响度搞搞震。要再講嘅就係，共匪要搞我之前唔該找咗我老豆老母條天文數字爛賬。

要講嘅係咁多!

返回主頁

張曉明689不惜摧毁香港

律政司司長响傍晚大約 17:00 入稟高院申請禁制令禁止游蕙禎同梁頌恆明聽日重新宣誓就任立法會議員 (是的，我早過大家知道)，撇除張曉明同689背後嘅政治目的，成個操作就有以下三個問題：


1. 梁君彥响下午裁定五個人，另外三人分別係劉小麗，黃定光及姚松炎於10月12日嘅宣誓程序無效。按照道理，袁國強要禁就應該禁晒五人。但只禁巴治奧同游蕙禎，好明顯係針對人而唔係針對「宣誓程序有誤」；
2. 根據立法會條例，議員宣誓是否有效是由立法會主席決定，袁國強以至背後嘅689同張曉明此舉無疑是越權；
3. 如2. 所指，撇除張曉明呢件統監府嘅仆街而單純集中於特區政府的運作，是項申請形同行政透過司法干預立法，是完全摧毁三權分立嘅所為。

而摧毁了三權分立，等同於將香港嘅政治運作完全扭曲成共匪治區一樣，那不就是徹底摧毁香港吧!

表面觀察件事是袁國強在操作，雖然呢條茂利做嘢都無底線，但佢無理由睇唔到第3. 點嘅問題，要負上巨大的政治責任。但佢仍然咁做嘅唯一解釋，就是689 落柯打。而689 亦不過是江澤民派系嘅走狗，佢上線有個叫張曉明嘅物體响度。以中共嘅政治倫理去睇，呢單禁制令根本就是張曉明落命令。至於點解張曉明要咁做，留待下回分解，但小弟相信離不開10月24日「雙規令」同青年新政嘅背景。

陣間21:00 開庭，雖然梁君彥表明會反對申請，但條友可以對記者講一套，响庭上講另一套。仲有的是，佢可會在盤算要在聽日親自手刃游蕙禎以向共匪主子邀功，是不能排除的。所以，唔好信梁君彥講嘢，要一直昅實佢直到聽日游蕙禎完成宣誓，先可以暫時鬆一口氣。

返回主頁

睇嚟想搞掂游蕙禎嘅唔止土共

當前立法會的兩大爭議，既有梁君彥的退籍風波，另外的就是游蕙禎同梁頌恆嘅「支那」。





兩單嘢性質唔同，但有一個共通點：飯桶政客(不論是現任還是前任)與及啲友好同道，都無乜點出聲。至於游蕙禎，唔好話教育界嘅葉健源唔會拎返啲歷史真相出嚟講下道理，亦唔好話拎毛澤東都用過「支那」兩個字出嚟反譏，就是最基本禮貎「幫口講兩句好說話」都無。也許就是飯桶視游蕙禎唔是同路人而只會食花生。

不過，當下是追殺俗謂建制派嘅大好時機，唔好話對比小弟「放核彈」(雖然打唔中，但引發衝天大火災)，就連攞把「二呎四」都無，極其量拎住把生果刀嚇下人嗰隻，完全迤住打嗰隻。朱凱迪飛咗去英國向保守黨迫供，游蕙禎亦搵黃世澤同小弟做功課去信英國內政部。另外仲有最少一位新丁議員搵小弟問料，就是羅冠聰。但班飯桶老嘢呢?? 呢一下就更加之惹人懷疑，飯桶班友到底想點，係咪同梁君彥，甚至689、統監府有政治交易，真係唔到我等唔去猜度呢啲可能性。

可但是有一宗事件似乎使飯桶露出了馬腳，所指的是有所謂「一群默默耕耘的歷史文化及教育工作者」譴責游蕙禎梁頌恆「支那」論的聯署。

內容就無謂講，都係嗰啲基於錯誤歷史觀加民族主義上腦嘅調子。但聯署發起人名單當中，有一個同飯桶關係密切嘅人 ── 羅永生。

首先，當然不能排除羅永生只係真心膠地參與。但是他對於港中關係嘅立場，縱使他曾撰文表示要反思民主回歸進程當中的疑問，仍脫不掉一貫大中國膠民族主義思想，同「建設民主中國」的茂利們可謂是一夥。

而換另一個角度，飯桶們可不知道在抗共意識上，游蕙禎不也是同道嗎? 哪管游小姐在港中關係的立場迴異，但按道理，就算唔幫口，也該把梁君彥單嘢搞大佢，將公眾嘅視線較聚焦於梁君彥，使游蕙禎有得抖下氣。

游蕙禎抱持的港中關係立場有異於飯桶，或多或少使飯桶政客感到不快，而從2013年小弟有份發起嘅「源頭減人」廣告演變成「歧視排外法西斯」批鬥，也會睇到飯桶左賊是欲將「港獨份子」從議會、政壇除之而後快的想法。這點就先成立了飯桶想幹掉游蕙禎的議席的第一個動機。即套用刑事法邏輯的 mens rea。

回顧大約一年半前，游蕙禎孖住鄺葆賢開始在紅磡展開地區工作，從初初「無事發生」漸漸地越做越似樣，取得最起碼黃埔花園、海濱南岸等屋苑的居民信任，打穩了進入議會嘅基礎。而她們的地區工作亦越見扎實，例如10月23日港鐵觀塘延線通車當日不會同日出現如將軍澳線、港島西延線通車時的「巴士小巴大屠殺」，10月24日仲有九巴212搭、6C，6F，101，111等巴士線專線小巴2，2A，6，6A，6X，8，13等無減班或被取消，就是鄺醫生在九龍城區議會提交一份文件要求將巴士小巴路線重組押後至港鐵通車後半年才重新咨詢，力抗運輸署同港鐵霸權得來的結果。換轉係黃碧雲會做到咁嗎?

又返去梁君彥件事，朱凱迪、游蕙禎，以至羅冠聰，可以話迫到梁君彥埋死角。但同時地，撇除飯桶係咪有心迤住做，但佢哋三個「攞刀斬」，就同時反映飯桶們有幾廢，並引證住飯桶們無執政意志、只圖議席搵飯食可能是真確的。言下之意，如果俾游蕙禎等人留响議會入面，班飯桶就無得再得閒隨口嗌下口號、搞下遊行集會、夠鐘就拎六四出嚟消費，就可以每個月攞廿萬公帑使。睇住「悠悠閒可以有飯食」嘅日子可能會俾游小姐摧毁喎...... 即正如辦公室政治般，廢柴掃把、經理見到個下屬仲搏過佢，梗係諗計整隻鑊佢嘆一樣道理。第二個動機亦此成立了。

可但是游蕙禎怎選都是民意授權的議員 (雖然未宣誓，但法律上係)，親手郁佢就可大可少喎。於是乎就唯有食花生。另一方面，梁君彥放風不排除星期三DQ 佢同另外四人 (梁頌恆，羅冠聰，劉小麗，姚松炎)...... 你係「廢柴經理」見到「頂頭大老細」可能會郁個會威脅到自己地位嘅低級職員，仲點會將平日响Pantry 講老細啲壞話搬出嚟呀。

但就是飯桶無位入手親自搞掂游蕙禎，咪唯有搵人借刀囉。而以羅永生同飯桶嘅關係，不排除就是飯桶的「借刀」，甚至飯桶在觀察形勢而羅永生只係「第一借刀」，隨後陸續有第二刀第三刀....第N刀。

要是羅永生明確表示只係自己真心膠，那我就同樣的會向羅教授相約時間同地點，行三跪九叩禮道歉。可是飯桶們的mens rea嫌疑還是洗不脫的。

奉勸班飯桶，唔該記住做議員唔係迤做就可以呃飯食。那管是中共扭曲晒香港嘅政治制度議會生態而好似無從發揮一個議員應有嘅職能，今屆幾個新人就證明只係過去18年你哋無去搵而已。唔該，精精地就出手搞梁君彥，唔想違背民族主義上腦嘅所謂良心而不欲「勾結英國殖民走狗」，就唔該好好支援呢三位議員追殺梁君彥嘅工作。

返回主頁

就算Date chop 無事，件事都未完

响我瞓到死咗嗰陣，黃世澤半夜發功，引述高登巴打指個Date chop 應該唔會有問題。

小弟尋日花咗時間造咁多Photoshop 對比拆解似乎廢晒，呢啲好少事。正如警察查案、律師分析案情，或是記者做偵查報導，總會有類似情況。不過，姑且當我死雞撐飯蓋，我研究一個印就引起更多人有intention要查根究底，都算是無白廢心機。

姑且假設梁君彥份文件上個Date chop 無問題，又另外有網友俾咗個現場直播截圖睇到梁君彥出示份文件上疑似有鋼印：


梁君彥嗰一份嘅Date Chop 同疑似鋼印嘅位置並不是如高登巴打嗰一份，在Signature box 嗰度，而係低過「HOME OFFICE」下款。


黃世澤提到「鋼印一樣可以假，如果果個印嘅製造者係state-sponsor嘅話」，的確係要懷疑as 中共造假嘅嘢係可以毫無底線。姑且信個鋼印係堅，當小弟「無嘢搵嘢撩」：HOME OFFICE 嘅行政訓練有無咁唔統一格式 ~ 簽名、Date chop、鋼印可以在不同位置，以我接觸香港政府和英國政府文件N年 (由1993年在旅行社工作開始)，就是唔係好相信。

再就算林忌有同我提過英國啲公務員做事其實好膠的，HOME OFFICE 班公務員做嘢是求膠其，即係梁君彥份Form RN 真係堅，而小弟真係有可能要响立法會大樓出面俾記者影住向梁君彥三跪九叩道歉 (記住：仲係可能as 尚有一個條件係梁議員要show晒佢所有旅行證件證明無其他國家國籍/居留權)，成件「退籍選主席」就有以下N個問題，變奏成更大嘅政治危機：

1. 梁君彥本來聲稱9月初申請退籍，但點解後來出示嘅 (疑似) Form RN 嘅申請日期係9月22日。點講都無可能視「22日」係「月初」。佢大哥唔係忙到連呢啲日子都記錯嘛。

2. 經過多番考證，Form RN 嘅 Processing time 一般要12-14週，有記錄的最快最快都接近六星期，先會收到HOME OFFICE 寄回確認文件。那麼點解梁君彥可以前後9日 (9月22日-9月30日) 就可以完成手續? 仲有喎.....

3. HOME OFFICE 要收申請表正本連同本護照，即係一定要寄過去。梁君彥响9月22日填表，假設用DHL或UPS或FedEx或特快專遞，都要最快9月23日中午先至去到HOME OFFICE，再經內部傳遞去到負責嘅職員手上。不過9月23日係星期五，即係職員最快响9月26日朝早返工先開始處理梁君彥個申請。假設特事特辦到Email PDF softcopy 俾梁君彥「頂住先」，四日時間就能完成 Form RN 審核，實在太匪夷所思!

4. 暫撇除「四日Processing time」嘅疑團。如果跟足程序，HOME OFFICE 應該是在9月30日pack 好晒啲文件然後寄DHL 嚟香港 (HOME OFFICE 係用DHL，唔用其他快遞公司的)。10月1 - 2日是星期六、日，10月3日就會派件去到梁君彥手上。而立法會主席提名期Deadline 是10月5日。即是話佢根本有足夠時間公開披露份Form RN，唔駛搞到依家咁大件事。點解當日唔Show 出嚟呢? 又或者，既然照計文件正本已經到手，點解要响10月12日先至突然間話收到呢封信，仲要只係「影印本」?
好明顯，10月12日出示嗰份影印本唔單只「唔係正本」係問題，完全唔符合Time facts 更是極度巨大嘅問題!!

5. 承接返2. 同「四日Processing time」嘅疑團。點解可以快成咁，就是假設份文件係堅的話嘅最大最大疑問。

5.1 英國內政部對於國籍申請從來都非常嚴謹。內政部基於乜嘢理據特事特辦到將梁君彥嘅退籍申請審核時間濃縮最少10倍 (六星期=42日)?
5.2 梁君彥响提交Form RN 時有無夾附一份信件說明來由? 如果有而假設信件內容提到就係「因為要參選立法會主席」，HOME OFFICE 係咪可以視之為合理理據加快審批，我是非常懷疑。
5.3 又假設HOME OFFICE 真係接納，即是變相英國政府介入香港政治?! 中共唔係成日話「不得外國干涉中國內政」嘅咩? 梁君彥「勾結外國勢力介入『中國內政』，死罪嚟嘅喎!!
5.4 再拆解落去，要不是有共匪主子嘅默許甚至指令，梁君彥斷不敢貿然去「勾結英國」。即是話，如果5.2同5.3嘅推斷屬實，成件事根本就是中共在梁君彥後面指揮。

6. 反過來假設梁君彥無咁大膽主動或「被主動」搞「勾結英國殖民走狗」，即是沒有向英國提出要求極速審批。但就是「四日Processing time」點樣搞出嚟，如5.1 所講，小弟和「歸英派」各路人馬都唔會相信HOME OFFICE 會主動咁做，一定有其他外來壓力。事實上，在「歸英派」圈子討論得最多的可能性，係支那駐英國大使劉曉明出手向HOME OFFICE施壓。

劉曉明嘅履歷其中一項是「朝鲜民主主义人民共和国一级友谊勋章（2010年）」，很有「與張德江是同道」味道；而當時的支那駐北韓大使張鑫森是上海人。照此推論劉曉明該是江派的人，亦即受張德江及/或張曉明指揮是有可能的。

如果真的是劉曉明向HOME OFFICE 施壓，反映中共(尤其是江派) 急到瀨而不惜僭越外交規矩。而急到瀨嘅原因就是江派明知張曉明同689失勢，必須要盡快另覓人選掌控住對香港嘅控制權，繼續「脅持」香港做人質同習近平駁火。特首辦同行政會議已經失守，向立法會埋手是正常不過嘅路向。當然的，劉曉明就犯下「引入外國勢力介入『中國』內政」嘅罪名。

照睇成件事，可以話梁君彥做咗江派嘅爛頭卒，俾人擺咗上枱。而根據中共嘅政治倫理，只有「有痛腳揸手」嘅人先至可以被差遣。梁君彥任董事的18間公司，最少有5間係BVI。除咗新興織造廠算是背景清白之外，另外四間都可謂有點不明不白。而「巴拿馬文件」披露唔少共匪高層都掌控住BVI公司，可會就是梁君彥被中共欽點的因由，就天知地知佢自己同佢背後嘅共匪主子先至知。
但中紀委已向張曉明發出雙規令，梁君彥呢隻爛頭卒的下場如何，真係拭目以待。

但又反過來講，梁君彥真係有足夠政治智慧的話，其實應該將成件退籍事件的來龍去脈和盤托出，換不回非親共派議員和港人的信任是其次，就是見住中紀委嘅舉動，同張曉明割蓆自保先至係上策。不過，同得共匪走得埋一齊嘅人，十居其九都只係會祈求自己身處嘅嗰一派能夠戰勝另一派。留名等睇佢最終無好下場好過。

返回主頁

帶定頭盔先?! 費時有人斷章取義

《明報》即時新聞


網址：http://news.mingpao.com/ins/instantnews/web_tc/article/20161015/s00001/1476533133095



梁君彥唔認，預咗。但成件事嘅關鍵係梁君彥只係出示一份影印本，而非正本又或最低限度係「核證副本」(Certified True Copy)。

有人向我提過英國嘅印鑑可能會唔同，我同意的。但能夠將疑點完全Clear的，就只有英國政府內政部。
如果梁君彥議員或任何人能夠從英國政府取得到正本又或「核證副本」，又或是英國政府能挺身而出證實梁君彥嘅退籍申請之真確，先至能夠證明小弟嘅質疑係不成立的。

另一方面，篇文文題係有「涉嫌」二字，即是無咬死話一定係「流」或者「假」。前後兩篇文章均有寫明意思是「可向英國尋求澄清」，即是我無一口咬定之餘亦俾條路佢走。而強調英國，不單純是因為文件來源，還有一政治考慮就是不論梁君彥怎不承認也無法推掉的現實 ── 香港人唔再信中共港共。言下之意，即是已經擺好晒盤棋、鋪好晒條路，俾梁君彥議員可以體面地解決今次嘅「退籍風波」。

事實上，我個人真係好希望英國政府能夠證實我嘅質疑係唔成立，因為成立的話即係成個香港已經敗壞到返唔到轉頭。

重申一點，成件事重點唔係我嘅質疑內容，而係成單「退籍 + 選主席」事件進程太肉酸。梁君彥要解決嘅唔是小弟的質疑帶來的所謂名譽問題，而係公眾對佢信任。但要是梁君彥真的要「李光耀」上身，我都無辦法。但可以講，我銀行戶口得幾千蚊，你要告我就係賠得雞碎咁多，孭住破產令四年都未必找得晒條數俾你大哥。

可以開定期票：要是英國政府證實梁君彥嘅退籍申請係真確的，又同時梁議員能出示所有旅行證件，證實沒有其他國家嘅國籍同居留權，我會同梁議員相約時間，响立法會大樓議員入口出面行人路向佢行三跪九叩禮認道歉，歡迎各傳媒到場採訪拍攝。實踐「錯就要認，打要企定」嘅原則。

返回主頁

梁君彥個印同毛孟靜的到底有幾大差異

所謂「私怨大過天」嘅氛圍之下，有人話「Ms Mo 都無發現，幾時論到你呢個19評論員扮專家」，呢啲說話我都聽慣......

客觀而言，10月12日當日响立法會大樓嘅情況根本亂過亂世佳人，個Date chop 嘅差異係極度細節嘅事物。小弟做咗多年平面設計，都花咗接近三小時先對比得出兩個印嘅差異；Ms Mo 嘅老本行係記者，以至其他非土共嘅議員以我所知都無邊個有平面設計底子，沒有一下子找出來根本就平常的很。

上一篇文的影像比較是採取平排方式，用意是容易讓各方人馬明白。但要是很認真的做對比的話，確實還未夠準確。

Photoshop 嘅用途除咗要嚟執相之外，仲可以做影象重疊嚟進行對比。小弟以此方式進行一次，可以俾大家睇得更清楚兩個Date chop到底有幾大差異。

程序1：
先在兩張相片嘅Date chop 四角加上記號


方便對位之餘，並盡量減低兩張相片因拍攝角度的差異而影響準確性。

程序2：
分別將兩張相片同相關的記號做合併圖層

使兩張相片同記號變成一個影像Layer，避免在做對位時出錯。

程序3：
修改在較上圖層的相片的「透明度」，改為「覆蓋」

使在較上層的相片變得「透明」，能看到較下圖層的相片的記號，以便能對位。

程序4：
轉換功能做「移動箭咀」，將Mouse 移至以其中一個角的標記，開始做對位


程序5：
Right-click menu，再揀選任意變形

然後將相片「扭嚟扭去」，直到兩張相的各四個標記都重疊。如下圖


最終結果的影像就是咁的：


有網友PM 小弟話真係要不排除英國內政部換咗個印鑑嘅設計同格式。我完全同意的。但是依家個Date chop 嘅懸疑嘅根源係英國內政部，即係話只有大英祖國政府出嚟澄清，先至係真真正正釋除疑累同K.O. 小弟嘅質疑嘅唯一做法，而唔係梁君彥、陳維安，以至張曉明，甚至習近平出嚟話係就係。再次重申：只有英國政府內政部嘅澄清先係唯一可信嘅答案。

後記：人玩Photoshop 共匪玩Photoshop，我已經唔算玩得叻架喇。如果我提出嘅質疑最終成立的話，梁尊貴以至共產黨唔該俾一萬幾千港紙學費去學下點用Photoshop 啦


返回主頁

梁君彥嫌涉偽造及行使假文件

梁君彥只用了七日時間就做到了一般最少要四至六星期才能完成的放棄英國公民國籍的手續，已經惹起各方揣測可有中共以外交勢力介入。而梁尊貴响商台就申請時間支吾以對，更使人懷疑成件事根本另有內情。

10月11日晚上，毛孟靜議員响Facebook 上載她在2008年申請放棄英國公民而有英國內政部 (Home Office) 確認的文件，形同向梁君彥迫倉之餘，還留下一道線索，引起小弟懷疑梁君彥議員在10月12日下午急急腳拎出嚟份文件堅定流。可看以下兩圖的比較。







這些絕非雞蛋裡挑骨頭。有經歷過英國管治的，都會知道英國帶俾香港一套嚴謹的文件處理概念同制度模式。

首先，「鋼印」嘅目的就是透過在紙張上壓出一個即使壓平仍有痕跡嘅記認，防偽是其次，最重要是是使文件的真確性不受挑戰。
不單是政府文件，即使是一般商業文件，尤其是合約等契約式文件，合約的各方會用鋼印。為的就是將來萬一要對簿公堂時，不會被控辯雙方和法官質疑文件的真確。

第二，英國佬無形中有教落港燦：印章是可以無限製造，簽名無得呃人，所以簽名比蓋印是更重要。
在Date chop 簽名嘅目的，在行政上是確定文件審核的責任，如Ms Mo 嗰份嘅簽法是同時保證個chop 唔會有人做手腳修改。再細心留意Ms Mo 嗰份嘅簽名，係疊住月份同年份。嚴謹程度符合處理國籍是極度嚴肅的事情的需要。
再重申一點，英國人做嘢唔係求其，就是公務員訓練是有包括處理文件簽核嘅要求。唔似得中國人總有著胡適筆下的差不多先生。

第三，更有一個極度嚴重的疑點。先看下圖的比較：


Ms Mo 份文件個Date chop 的方框同日期是平衡的，即是肯定係一個類似以下在日常工作會用到的「收貨章」之類的印鑑。


但是梁君彥嗰個所謂Date chop，方框同日期嘅方向係唔一致的!!

再放大兩份文件嘅印，會好清楚睇到梁君彥嗰份嘅年份係歪嘅

(毛孟靜議員的文件)

(梁君彥議員的文件)

還有的，Ms Mo 份文件的Date chop ，方框頂部橫線同「HOME OFFICE」字樣較模糊，方框底部橫線同「REGISTERED」字樣較清晰且變粗；方框兩側的直線的線條變化是「順勢」的；連同日期字樣都是上半部較下半部模糊。完全吻合HOME OFFICE 職員在蓋印時用力方向。

至於梁君彥的一個Date chop，成個方框同「HOME OFFICE」及「REGISTERED」字樣都非常清晰，日期就偏向模糊。照道理，方框兩側的直線相對於日期的垂直位置都應該「矇」......


甚至是方框兩側直線同「HOME OFFICE」字樣的距離，梁君彥嗰個都有異於Ms Mo。


正常嚟講，英國政府造印章，就算係分批訂購，係唔有咁大差異。

即係話，梁君彥嗰份嘅Date chop 有可能係Photoshop整個框 + 「HOME OFFICE」及「REGISTERED」字樣然後响工具列的「濾鏡」中的「模糊」造出效果，然後用响文具舖買到的日期印在方框內咁上下位置蓋印嘅「合成製品」。即是話梁君彥展示嘅所謂英國內政部文件極度有可能係流嘅!!

而如果真係偽造的話，梁尊貴就觸犯以下兩條法例：

《刑事罪行條例》(Cap. 200) 第73條 ─ 使用虛假文書的罪行
任何人知道或相信某虛假文書屬虛假，而使用該文書，意圖誘使另一人接受該文書為真文書，並因接受該文書為真文書而作出或不作某些作為，以致對該另一人或其他人不利，則該名首述的人即屬犯罪，一經循公訴程序定罪，可處監禁14年。

《立法會(權力及特權)條例》(Cap. 382) 第18 (2) 條 ─ 虛假證據及欺騙
任何人向立法會或任何委員會提交虛假、失實、揑造或揑改的文件，而意圖欺騙立法會或該委員會，即屬犯罪，可處罰款$10000及監禁12個月，但如此等文件的提交構成第(1)款所指的罪行者則除外。

或者一眾土共想Spin 小弟不是甚麼法律專家云云，也的確小弟不具LLB學歷，只是長年累月的對住合約之類嘅商業文件，累積了相當經驗而已。但就是個Date chop 粗疏到俾我發現得出，就簡直係低質素製作。奉勸梁君彥議員最好作出清楚交代，那管是快手向英國殖民走狗跪求出嚟澄清，或者自首同供出係咪已經有「雙規令」响身嘅張曉明教唆、指使甚至是合謀，好等法庭判決前有求情減刑嘅理據。否則如出現政治前途和生意都Total lost嘅局面，就唔好怨了。

返回主頁

土共不要再借人對「支那」的無知去煽動

梁頌衡同游蕙禎在宣誓儀式中以「鄉音」將「差拿」讀成「痴拿」，周街無知之徒一個二個以為佢哋「侮辱」，然後土共玩嘢發起聯署譴責，要求炒咗佢兩個云云。無錯，佢兩個係「惹火尤物」，但成件事，就算拉埋「ReFUCKING」根本就無乜咁大不了。可但是港燦受盡劉慧卿和理非非荼毒多年，加埋冚卵把冷都係歷史盲，先至俾土共有機可乘。

「支那」原字是出現於約公元205年出現的古印度梵文(英文譯作) Cinta 或Cina，而根據歷史學家馮承鈞的《西域地名》一書中，這字之意是「遠方之國」或「邊地」，指的該是喜馬拉雅山脈以外的青藏高原地區甚至更遠的地方。再作進一步研究，所指的該是武俠小說常講的「中原」，即現今湖北省至河北一帶通稱為華中平原嘅地方。

在研究China 呢個英文字嘅同時，仲要留意「契丹」呢個字嘅出處。有記載的歷史文憲最早於波斯王朝，但我手上的資料比較凌散。而英文譯作 Catai 或Kitai、Khitan的稱呼，和後來再演變出來的Cathay，原字最早出現於公元1000年伽色尼王國 (地理位置即今阿富汗、巴基斯坦、印度北部、伊朗東部) 有關摩尼教的文獻當中。(無錯，就是金庸小說常提到的摩尼教)。就是隨住歷史進程，逐步演化到大清帝國到現代的China，而漢字寫成「支那」是以明國以後歐洲人東來並主要使用「羅馬拼音」的音譯字。即是話「支那」呢個字根本是一Neutral 名詞。

至於變成Negative 之意要拜中國國民黨大獨裁者、今有外號稱為「蔣光頭」的蔣介石所賜。背景是二戰時期日本皇軍還普遍用連孫大炮中山也用過的「支那」，蔣光頭認為與「中華民國」和簡稱的「中國」不符並形成混淆，欲在其權力之下「正名」，於是就指責日本皇軍還在說「支那」就是侮辱「中華民國」、「支那人」就是侮辱「中華民族」。言下之意，一切不過是蔣光頭為其個人政治考慮，不惜搬龍門顛倒是非黑白搞出嚟的。

順帶一提，Hong Kong is not China 單純字面其實有如以下例子：
Tsing Yi is not Kwai Ching
Siu Sai Wan is not Chai Wan
Whampoa is not Hung Hom
Hung Hom is not Kowloon City
Kwun Tong is not Kowloon
Tuen Mun is not New Territories
Wan Chai is not Hong Kong

唔明呀? 你哋啲英文點學返嚟架!!!
咁都可以大做文章，根本就是范徐麗泰之流成日講嘅「政治化」思想。又好笑的港燦成日話「我討厭政治」但响呢啲事又好狠聽共匪話循「政治化」去用腦。

唔該全香港啲燦頭白痴有時間就讀下書，尤其是「國民黨調子」中國歷史課本以外的歷史書籍。你哋啲白痴無知就係不斷俾共匪利用架咋，懵抦!!!
書又唔讀淨係識盲從附和，抵你哋俾飯桶點到陀陀擰又俾土共煽到做咗傻仔都唔知!!!

返回主頁

有請梁耀忠辭去立法會議員職務

公開信

致：
梁耀忠立法會議員
新界葵涌葵芳邨葵仁樓地下7號

梁議員：

擔任議員廿載卻怕主持會議，不堅守執行議事規則，便請退位讓賢

閣下自1995年成為立法局 / 97後的立法會議員，扣除非法的「臨時立法會」的一年，足足20年的光陰。20年的議會經驗，理應對《基本法》及《議事規則》非常熟悉，深明身為會議主席該秉公辦事，並且體驗過本人稱為親共派而俗稱建制派的議員主持會議的不公正，更該知道主持會議必須公正無私。

可是今日(2016年10月12日) 的會議，就有關最少三位議員的宣誓過程的問題，秘書處秘書長陳維安超越《議事規則》賦予的權力處事，閣下既未有採取相應而適當行動；又在關於梁君彥議員的國籍問題出選主席的議程上，同樣未有堅守《基本法》第70條，即擁有外國居留權的議員不得出任主席，的原則去主持會議，甚至不知是遺忘還是有意的逃避《議事規則》第1A條的規定及形成對閣下的責任，宣佈不再主持會議。

石禮謙議員主持會議和之後的混亂場面，與及選出主席的結果事少，閣下的「逃脫」違反《議事規則》第1A條，在法理上形成憲政危機事大。而既然「做了20年議員」連《議事規則》都不會遵守，甚至是「不知道如何主持下去」而「逃脫」就是逃避責任。

在香港政治圈子充斥所謂「私怨大過天」的氛圍下，本人必須表明從來沒與閣下或閣下所屬的政治聯系「街坊工友服務處」有任何積怨，更是本人在2010-2013年期間面對房屋委員會不合理的「寬敝戶迫遷政策」迫害之時，除了現任沙田區議員李世鴻先生之外，「街工」就是給我最大的支援。撰寫本信件純粹基於對閣下的表現有所不滿及從社會利益角度所做的分析和判斷，不涉及何本人與今屆立法會任何一位議員的或公或私的聯繫，

但是今次的事件反映閣下出任立法會議員的能力、履行議員責任的可能存疑，與及閣下的「逃脫」所衍生的政治後果將使香港的形勢進一步朝不利方向推進，因此本人認為閣下不再適合擔任立法會議員，並該以辭任議員職務承擔政治責任，是必須的，且該即時的。

至於閣下如果辭職而出缺的區議會第二界別的議席補選安排，本人基於民主的大原則不在本信表態或提出任何意見，那管本人心中是有人選的。但最大的大前題，是閣下不再適合擔任立法會議員，有請馬上辭職。

時事評論員
林鴻達

謹啟

2016年10月12日 22:30HKT

返回主頁

獨派歸英派該全力支持梁君彥成為立法會主席

梁君彥持有British Citizen 國籍的英國護照，雖然《基本法》之下容許佢持有外國護照出選功能組別(可恥) 嘅工業界並成為議員，但按照立法會議事規則是不能成為主席，包括大會及各委員會。



而尊貴的梁議員聲稱已在9月初已向英國政府提交退出英國公民國籍申請，但至今仍未能提交 “declaration of renunciation” 佐證已進行辦理，即是有可能根本得個吹字，即所謂「呃住大家先」嗰隻。而按道理，正常情況之下，佢當選做主席就會搞出憲政危機。但不過......

要是尊貴的梁君彥議員仍然是British Citizen 而出任立法會主席的話，不單只是立法會會議由英國人主持，而身為主席的並得要在所有議案、表決記錄等文件上簽署。這麼，豈不是英國人操縱著立法會!

再試想想這個情況其實形同於英國已經變相重新接管香港，並參與政府嘅管治。不就是獨派和歸英派最渴望的事情終於發生了嗎！而同時的，很多港燦、左賊、支教民「建設民主契丹」體系成日話「英國佬仲點會理香港吖」，就可以成為廢話，一眾獨派、歸英派就可以向佢哋追數、拖去皇后像廣場跪玻璃批鬥。嘩，諗起都爽呀。

而既然尊貴的梁君彥議員成為立法會主席，就形同成就了獨派、歸英派嘅心願，因此小弟強烈呼籲所有支持爭取香港獨立或回歸大英祖國嘅人，全力支持梁君彥。而我當刻就身先士卒的宣佈：

支持尊貴的梁君彥議員在無須放棄British Citizen 國籍成為立法會主席。
反對向尊貴的梁議員的國籍問題施壓。
所有向尊貴的梁議員的國籍問題咄咄逼人嘅政客可恥卑鄙！

返回主頁

政治厚黑市場學

市場學表面上有著好濃厚嘅商業味道，但當中很多的理論，包括目標的訂立、擬定執行計劃、預計受眾反應和對手的反制以至攻擊制定應變方案，其實放諸於政治一樣適用。尤其是「預計受眾反應」是最為重要，因為公眾接收政治訊息如果與傳遞的目的有異，就會適得其反。而呢個情況不單係市場學嘅課題，亦是新聞及傳理學入面要深入研讀嘅課題。即是話，就算點拒絕「商業元素」於政治都好，唔預計公眾對政客自己講或做嘅事嘅反應而胡亂派膠，就是點都講唔過去。

至於「厚黑」，好多人不明就裡，一睇呢兩個字就認為係衰嘢。但其實亦係市場學實踐的一種思維同執行模式，主要套用於「預計受眾反應和對手的反制以至攻擊」，要諗到有咁衰得咁衰，即所謂prepare for the worst，此之為「黑」。而「制定應變方案」過程中，要思考如何減低「黑」的影響，轉危為機甚至是逆轉，要有廣泛的分析同充分的準備，涉及的是足夠的功架根底；操作過程要扎實嘅個人心智，甚至要有越過自身經歷嘅最低處，此之為「厚」。

悠久以來，香港嘅從政者大多都沒有市場學嘅概念，尤其是飯桶派系的更因為常掛「勾結商界可恥」口號在咀邊，因而抗拒呢種充滿商業意味嘅思維。於是乎，由個人形象到文宣、橫額，通通都莫說Eye-catching是欠奉，更是非常悶蛋。或者當中懷有就是要維持「政治是很奄悶」的印象使維持港燦抗拒政治嘅政治目的。

從政者在操作任何議題，在缺乏運用市場學嘅同時，另一方面還欠缺顧及公眾觀感，使到好多事件都無法有效爭取公眾的認同，飯桶派的問題更為嚴重。例如高鐵爭議，撇除左賊們過份聚焦於菜園村，既是無有很實在的讓公眾明白高鐵的不需要性，又無法招架土共以「飯碗」的招數。又或者在好些「攻防戰」上，大多都存在進退失據的問題。從昔日2009年白鴿黨入中聯辦，到2013年開始醞釀的「佔中」；又或是大事件如財委會會議攻佔主席台、拉布，小至AV仁、午餐肉等，都「有位」俾人入楔抽水。

近日鬧烘烘的「游蕙禎扑嘢」，雖然引起的一些反彈彷彿是「對手」失分，例如劉鳴煒連同老豆劉鑾雄嘅女人問題被KO，又或者何秀蘭嘅「長頭髮唔環保」俾人追斬九條街，但從市場學 (或傳理學)去研判件事，最少犯咗三個錯誤：

1. 港燦已習慣於政客的「謙謙君子、文質彬彬」的假面具，游小姐該是想要以真面目、真我個性去擔任議員，我不單是認同，而且基於民主政治嘅本質更該支持佢要咁做。另一方面，港燦個腦總係認為「女仔人家講嘢應該斯文啲」嘅思想。縱使我所知游小姐嘅友儕嗌佢做「禎哥」，或反映住佢性格係男仔頭。但同樣道理，响公眾角度還是看待佢是女兒身，尤其是一把長頭髮。
在港燦未及適應之前佢係「MK妹議員」之前，有需要採取一種「中間落墨」嘅手段。目的不單純是「適應」二字，而係市場學中的 Get the earliest "Yes" 理論，而實行手法是 Talk the target interested，簡單講即是「投其所好」。當目標對象表達出「認同」之後，你講乜做乜只要唔太離普都會企响你嗰邊。

2. 以「扑嘢」去帶出土地問題以至港中矛盾觀點，本身係完全適合的，而場合在理工校園，亦的確容易引起共鳴。但是可有其他事件議題是必須的。原因不單純是「預計受眾反應」，還有的是受眾所建立的「第一印象」。
縱使如何討厭香港人的虛偽，但要是公眾的First impression 就是口沒遮攔，甚至是泛道德主義上腦認為「好隨便嘅女仔」等負面觀感，在日後的議會工作不論有多努力做出多好的成績，印象分還是被扣減。而同時地，港燦本來都對游小姐「無乜期望」，如今即是弄得日後的工作要做足120%甚至更多，先至得到80%的效果。係咪攞嚟衰！

3. 由舊年區議會選舉的「共諜」、「選美定選議員」開始，游小姐根本就是處於四面楚歌之局，有乜依郁就會俾人打到「蜜蜂竇」，响呢個形勢下最需要做的是「防守」而唔係「進攻」。該要小心注意言行，唔好製造任何機會俾人「攝位」。尤其是周圍大量「仇家」之外仲有好多抽水怪客，例如陶傑逐個有關造愛嘅詞彙去研究，而引證1. 同2. 所講嘅情況的「合理」都夠晒煩。
今次出現何秀蘭等人被打返轉頭只算係好彩，綜合埋2. 所指的，所謂的贏其實只是「殺敵一千，自損八百」慘勝之象。

用返件事做例子，比起「屌閪」、「俾鳩插」呢啲直頭粗口，其實「扑嘢」呢個咁市井好MK嘅詞彙係無問題。但如果改成為「開房」、「爆房」，或極其量「搞嘢」，至少唔會引起反彈。

所謂唔衰都衰咗，即使出現「好彩」的場面，唔代表日後都會咁好彩有得兜同會有「外人」幫拖。仲有兩日就正式「開鑼」，正如《選戰》張癸龍嗰句「周圍都係獅子老虎大笨象」，游小姐自己執生喇。

延伸閱讀
上任咗就用下腦有啲分寸

返回主頁

只有中國車牌在港行駛的懸案

前後未夠一星期，就有兩架來自共匪治區嘅私家車未掛有香港車牌在本港道路行駛被「捕獲」的事件。

相片來源：Facebook 小心駕駛(討論別人駕駛態度) 群組

在未講港共政府有幾荒謬之前，先講一啲技術性嘅觀點。

架「沪G‧R0133」嘅Audi，見到有「A6L」水牌；而從照片所見，軸距比一般C7/4G代的A6 略長。而A6L 這個規格是大众汽車集團為匪區暴發「好大喜功」的市場需求特別設計，全球只有契丹獨有。

至於另外一架啡色的MPV 物體，核對車尾的「骨位」(如下圖)，

未加標記的底圖相片來源：Wikimedia

該是匪區稱為克萊斯勒大捷龙的第四代Chrysler Grand Voyager。响遠東銷售的國家有台灣、菲律賓同契丹。台灣和菲律賓的車要嚟香港就要船運，正常嚟講無可能在香港路面出現。

即是從車款判斷，>99.9999% 肯定兩架車係嚟自共匪治區的。

要响上海揸車落嚟香港，有兩條路線選擇：
第一條 ~ 沿沪昆高速 (G60) 經杭州、金華入江西至鷹潭，轉濟廣高速 (G35)經瑞金直劈廣東梅州興寧，然後再經河源、惠州到達深圳。
第二條 ~ 經渤海灣大橋至寧波，然後沿沈海高速 (G15) 經台州、溫洲入福建寧德、福州、廈門、詔安入廣東澄海，再直踩至橫崗到達深圳市區。
兩條線淨行車時間大約20-22小時。

確定了是匪區來車同嚟香港嘅可行性，就可以逐個政府部門批鬥。

第一個，當然係運輸署。假設兩架車只係唔記得掛上香港車牌。正常而言，目前只有廣東及海南兩省上牌嘅車先可以向港共運輸署申請「國際通行證」，但港共傀儡政權最喜「特事特辦」。尤其是架車係嚟自689上線江澤民曾管治過嘅上海市，運輸署署長楊何蓓茵有否運用權力，不論係689或統監府施壓之下或自行獻媚，批准架Audi A6L 落嚟香港；

第二個，就係入境處。不論沙頭角、文錦渡、落馬洲、深圳灣邊境管制站，入境香港車輛要過兩個閘口，第一個就是入境事務處，檢查司機及乘客證件辦理入境手續之外，同時負責檢查車輛牌照、車輛及司機的邊境禁區許可證。三樣齊晒無問題先至放行至第二度閘口 ── 香港海關；

第三個，香港海關閘口會抽樣檢查私家車的隨車物品可有走私、運載違禁品。循例亦會望下架車嘅車牌、擋風玻璃有無貼上禁區許可證。而就算係匪區裝嵌的九巴城巴，亦會核對報關單同掛上的試車牌(即俗稱T牌)是否正確刎合才會放行；

第四個，唔駛審當然就是警務處。在沙頭角及文錦渡管制站對出的沙頭角公路/文錦渡路均設有警察哨崗；至於落馬洲及深圳灣沒有哨崗，亦並非所有時間有警員駐守新深路/深圳灣公路。如果這兩架車 (甚至有其他未被發現的)經沙頭角或文錦渡過關，照正常應該係走唔甩；經落馬洲或深圳灣就有機會成功闖入香港。

從以上分析，唔計運輸署嗰一part，這兩架車起碼避過了入境處同海關。而最主要責任就是負責檢查車輛牌照的入境處。可是有報導的傳媒都沒有問入境處，不知是否走漏眼定刻意唔問。而另外，又是正常的話，這兩架車响馬路上出沒，警員係有權「基於未能展示香港車牌及出示有效的行駛文件(即國際通行證」截停並立即扣留車輛。成件事即使香港海關可以甩身，運輸署可以卸責，入境事務處處長曾國衛同警務處處長盧偉聰都唔該出嚟講兩句，甚至係呢兩個部門嘅頂頭保安局局長黎楝國出嚟解釋清楚點解呢兩個部門會走漏眼，定甚至係共匪主子落咗柯打要俾呢兩架車响香港橫行無忌。

順帶一提，近期香港的政治局勢非常吊詭，呢兩架車 (尤其是架Audi A6L) 是咪有政治任務是不能排除的。黎局長最好出嚟交代清楚!

返回主頁

如果孫中山活於當前香港

今日10月10日，所謂中華民國國慶......

但是，根據「中國歷史」課本所述關於朝代興亡，就是在契丹地域有政治實權嘅政治組織 (廣義用詞，即包括「家族」) 失去了其管治主權，就稱之為「亡國」。而古稱有福爾摩沙或至當今台灣的島嶼，在清國乾隆帝之前沒有與契丹地域嘅政治實權有關連的時期，視之為外邦、外域、外地。1911年10月10日當日，中國國民黨政治權力並不包括於台灣。

中國國民黨從1949年10月1日失去了在契丹地域的管治主權，只餘下台灣、澎湖、金門、馬公的政治實權。但是二戰後的所謂「恢復主權」，美帝走狗是沒有處理《馬關條約》的法理問題，蔣光頭也當然沒有。即是話「中華民國」從沒有得到台灣的合法管治權。

綜合以上的條件，國號稱為中華民國根本就已經亡國!

若要再拗，說著今天台灣已有甚麼民主化云云。哪請記住：既然國民黨主導嘅「中國歷史」教學如此寫，就該如何的以1949年10月1日給中華民國劃界。條件不是我訂的，是老K自己訂的。


好多人讀歷史往往就充斥著以上盲點，而針對於中國國民黨的觀念和態度，尤其是有關孫中山的，試以今日港燦目光去看待孫大炮，尤其是私生活男女關係，港燦第一件事必定指住拋棄盧慕貞嚟鬧：「父母之命都唔聽，正一忤逆仔」或者話「老豆俾得你嘅就無得嫌，個個都係咁架啦」。再唔係就大叫「拋棄糟糠可恥！呢個係咪男人嚟架，拉佢去刀子房閹咗佢啦！」
到佢去到日本，先行爆seed「妹仔都唔放過」。然後呢，大月薰未溝到手就已經話佢「有無搞錯呀，連細路女都唔放過，要咸濕都唔係咁呀嘛！」
再然後溝咗宋慶齡時，就話佢「話咗呢條咸濕佬架啦，溝完細路女生埋仔又唔要人，同個秘書搞埋！」

可但是港燦還總是認為佢係甚麼「歷史偉人」。而在當下的香港，只要所謂公眾人物的私生活男女關係出現所謂「唔檢點」的情況，就破口大罵「道德淪喪」。
根本成段歷史就在搞個人崇拜，和老K借將佢神明化嚟鞏固政治勢力而已。只是港燦總不會用個腦思考。

就算係「社會大事」的部份，繼續以港燦的思路，一樣好多膠嘢。就是由提出要推翻滿清政府的概念論述，港燦已經大把嘢講：
推翻嚟做乜唧，家陣又唔係無得食。真係唔掂嘅，咪坐船出埠去南洋搵食囉。再唔係，唉都無辦法架喇，咪送個仔去淨身入宮，起碼唔駛佢捱餓，甚至希望帶歇到全家啦。
就算係咁又點唧，你有何本事！唔駛講乜嘢，淨係派啲官兵嚟捉咗你拉去殺頭就乜都唔駛搞。
講乜鬼鴉片戰爭喪權辱國呀，皇帝都係咁食啦，有乜問題唧。唔夠人打就輸架啦，你有本事咪去搵啲紅鬚綠眼嘅洋鬼子幫手殺咗個皇帝佢囉。

稍有見識嘅就會咁講：
你睇下李鴻章、曾國藩佢哋搞乜嘢洋務運動，咪又係失敗收場。你嘅本事勁得過佢哋咩？定係你想學譚嗣同、梁啟超佢哋咁走佬，咪俾心機囉。將來有好日子過的話，我哋一定記得你架。
無端端搞乜鬼共和制唧，一定好得過俾皇帝管架？幾千年都係俾皇帝咁管，一朝天子一朝臣從來都係必然嘅歷史嚟架啦。正一無事搵事做。

到後來俾清政府追殺嘅時候，港燦應該係咁講：
話咗佢架啦，好得罪唔得罪皇帝。
條仆街真係走去勾結英國鬼呀！做乜唔入宮同皇帝或太后好好傾下唧，係都要國醜外傳。
走去香港學西醫已經夠衰格，家陣仲要走埋去英國、日本勾結外邦。洋鬼子火槍打到國家輸晒，佢條友走去搵洋鬼子做乜呀，仲嫌國家仲輸唔夠呀。

港燦之所以是燦，就是這麼荒謬。

返回主頁

上任咗就用下腦有啲分寸

一個月前 (應該話29日前)，游蕙禎以424票險勝黃毓民取得九龍西選區末席之後，撇除堆「唔忿氣」嘅教徒同堆一直唔妥佢 / 青年新政嘅飯桶 (舊泛民) FANS 嘅冷嘲熱諷，坊間對呢位「香港有史以來最年輕女性立法會議員」嘅期望係走向兩極 ── 一係就期望佢會真係做出成績，一係就期待佢不斷派膠。但同時地，前者亦憂慮佢會「出事」。結果，一個月過去......

小弟不是要打倒昨日的我，事實上游小姐嘅做事能力唔係弱，但分析同判斷能力真係，客氣啲講「仲有好大嘅進步空間」。

紋身本來唔係乜嘢問題，但可惜佢唔係叫林昶佐，呢度係香港而唔係台灣。而從來响港燦嘅「傳統觀念」就是紋身一定係壞人，就算近幾年流行的圖案，又或者游小姐被攝到的梵文，好多港燦依然認為曳人先會紋。說實在，應該避忌下唔好咁快「曝光」。

就算游小姐幾唔鍾意都好，現實就是香港人對於「公眾人物」有一套非常獨特的所謂道德尺度，而「政客」更有很多附加要求 ── 男嘅未結婚就要乖仔，結咗婚就要好好先生，做埋老豆嘅就要父慈子孝；女嘅不論單身與否都要如聖女貞德，結咗婚的就要賢妻良母咁款，再加埋劉慧卿嘅和理非非毒素，真係有乜「行差踏錯」都會俾人插到飛起。就連對「新事物」嘅接受程度，香港都遠遠落後於台灣。

可是一膠還有一膠硬......


用情侶要開房造愛嚟談論土地問題，確實係好貼題亦容易引起共鳴。但同時地，呢個 approach angle 游小姐唔係第一個用 (亦唔係陳雲)，出自佢把口其實係無問題。

而「扑嘢」其實只係一個普通得很of 造愛嘅代名詞。只但是同樣道理，再加上港燦普遍是性壓抑，同埋蔡閹人志森嘅泛道德主義嘅加柴淋電油，港燦總認定就算要講性都得隱晦表達。而且又再是「傳統觀念」認定女性在性方面應該表現保守，甚至認為女性只能是被動；再甚至乎小農奴隸基因之不孝有三無後為大而好多燦個腦認為「要繼後香燈先至要做」。

游小姐有時間就上下Baby Kingdom 睇下啲女士開post講同男友/老公嘅性生活，十居其九唔係無人應機就係或明或暗的嘲諷水性楊花、出牆紅杏。又或者係啲「生仔post」，學習下啲隱晦到唔恨嘅字眼，例如Do Do (唔是鄭裕玲呀)、約咗老公三晚 (啲乜鬼育兒書籍雜誌話想生就「較正時間」响排卵期前後連做三晚)。

我不是認同港燦的所謂思想保守，而係認為作為一個議員政客，應該要掌握公眾嘅觀感。用較商業角度去演繹，就是 Marketing 中的Packing schemes，意思即係件Product / Services 本身好掂都好，個Promotion Plan鑊咗就「出事」。要救返唔係無可能，但耗費更多嘅時間、資源、金錢。另外，傳理學上的「考慮受眾」，即是決定做每一件事之前要思量一下公眾會如何看待結果。在過去十幾廿年，飯桶都沒有做好，例如長毛的「掟嘢」那管出發點有多好，但俾CCTVB 等spin 就乜都無晒。姑且苦口婆心的講，作為議會新人在未有實在成績，就該諗到First impression 壞咗，日後工作表現那管做得有多好，公眾印象都可能事倍功半。

勤力唔是一切，做事能力有多好但用錯方法都只會功虧一簣。決定做任何事、講任何話之前，得需思量清楚。選之前幾咁不滯，人人都可以話你「無經驗」而俾機會你，到今日一個月過去，還未懂得一啲基本功，就真係唔好怪任何人「好言想勸」以至開你拖。容我姑且自私的一句，小弟當日對佢嘅「支持」都唔想變成係「錯誤的一頁」歷史！

返回主頁

國泰航空高層食懵咗

國泰航空 (CX) 日前宣佈打算改裝777系列客機的經濟倉座位佈局，由3-3-3 改為3-4-3而座椅闊度由18.5吋收窄至17吋，引起全城公憤之餘，仲俾專線小巴公司聲稱小巴座椅仲闊過佢「抽水」，真係超福島級關公災難。

17吋到底有幾窄，或者是咪很不合理，下圖可清楚說明




莫說大隻佬，就連正常體形嘅港女嘅膊頭闊度都隨時唔只15吋。可見香港的「巴士」座椅闊度要求的確很過時，要改例的話其中一個首要項目就是跟隨歐盟城市巴士的420mm 甚至是同小巴睇齊450mm。歐洲旅遊巴士不只是「旅行團」會乘坐的那一種，還有是長途巴士。而歐盟有規定巴士每行駛300-400km (即約4小時) 就要進入服務站最少15分鐘。即是話「國泰17吋」不堪到一個地步簡直虐待乘客，就是去新加坡、東京都比不上响歐洲搭長途巴士。

從乘客角度當然抵抦，如果响營運角度去分析成件事，更會睇到「因管理不善而.......」係無形容錯誤的。

首先，大家可知道就算是一班「客機」，嚴格嚟講都係一班「客貨兩用機」? 每一架「客機」的下層，即行內俗稱的「機肚」，就是貨倉。而運載的不只是乘客的寄倉行李，還有空運貨件。


只要對航空事業有所了解，就會知道航空公司的盈利收入並不是來自客倉而是來自貨倉。每班機的貨運量與載客量是反比的。何解？因為每隻飛機都有載重上限，每載多一個人，就載少幾十公斤嘅貨。航空公司有一個叫Load Control 嘅部門，主要職責係監察住每一班機的客量同貨量，然後向機師提供Load sheet 以作最後飛行規劃；另外就是與空運部聯繫，安排裝箱之餘，還可能因應finalized passenger check-in 嘅人數同寄倉行李總重量，通知貨運部可以再「塞」多幾多貨上去，務求賺到最多。

即是話，每增加客倉一個座位，就相應減少貨倉的運載量。以預計國泰的計劃最多增加37個經濟客位，所牽涉的負重就會係咁：

每個座椅淨重30kg，淨座椅的負重	1110 kg
計算每個乘客連手提行李重量約70kg	2590 kg
計算每個乘客寄倉行李20kg	740 kg
計算每個乘客一份用餐(連餐具) 2kg	74 kg
涉及的「計算負重」	4514 kg

即係變相每班機載少了4噸多的貨物。

將37個座位同大約4噸空運貨物的收益做比較的話，會得出以下嘅結果：

涉及的「計算負重」變成貨運可用負重： 一隻LD3 貨箱最高淨重70kg，4514kg 要用三隻 (即4514-70x3)	4304 kg
以HKG/TPE/HKG 機票約HK$1800除以2計算 37個經濟客位的額外單程收益  (即37x$900)	HK$33,300.0
以HKG/TPE 空運平均運價 HK$20/kg 計算收益	HK$81,880.0
以HKG/LON/HKG 機票約HK$11000除以2計算 37個經濟客位的額外單程收益  (即37x$5500)	HK$203,500.0
以HKG/LON 空運平均運價 HK$120/kg 計算收益	HK$491,280.0

台北、倫敦的貨量唔夠?? 以我做過訂貨寄送過往返香港同台灣、英國嘅經驗，多多機都唔夠呀!

我明白炒燶期油就要諗計搵錢填氹，但貨運的收益比客運高出一倍多，還換來一場關公災難。國泰的高層還不是食懵咗，就是個腦有問題而該去養和醫院做4D腦掃瞄吧!


後記：
1. 廉航也不是求載更多的乘客，那便請知道廉航沒有飛機餐，更少的寄倉行李量，就是要騰出更多的payload 去載貨。以5J 的A330-200為例，270客x7kg (一份餐同只有15kg行李)=1890kg。兩噸都嚟緊喇!
2. 國泰本來係「香港人嘅驕傲」，共匪治下不單大肆破壞，仲要搞個「香港航空」出嚟將香港徹底污名化。所以就算唔駛錢，我係打死都唔會搭HX，UO。

返回主頁