新加坡生活開支高，但都唔夠香港痴線

經濟學人 (The Economist) 公佈全球生活指數排名統計，香港同新加坡及法國巴黎齊齊排名最貴首位，曲線咁講香港真係當之無愧。我未去過巴黎，唔敢講太多；至於新加坡，好多人第一件事先將香港同新加坡嘅樓價/租金做比較，呢個係啱，亦真係睇到香港嘅住屋成本真係高到痴膠花，但「生活」唔止淨係做樓奴，仲有所謂衣食住行多個範疇。我就剛剛去完返嚟 (返古晉經新加坡轉機，回程留咗兩日搵朋友食飯)，可以講今次去新加坡所見，好多嘢都比舊年貴咗，但都未至於香港咁痴線。

講到明响新加坡係搵朋友食飯聚腳；又眾所周知，我專係去啲「陀地」地方食嘢，所以我能掌握當地生活行情真相。一碟雞飯，舊年SGD3.0，今年SGD3.5；一碗叻沙，舊年 SGD2.5，今年座底SGD3.0；沙嗲串燒，舊年 SGD0.6，今年 SGD0.65 甚至 SGD0.7。唔好只係睇嗰五仙或五毫子，計返 Percentage，增幅好狠高。



我响新加坡出街，多數都係搭巴士。我有張 EZ-LINK 卡，車費一目了然。舊年巴士最短程收費 SGD0.77，今年係 SGD0.83。又係唔好睇嗰六個仙，加幅係7.8%。

新加坡去年薪酬平均增幅大約4.0%，睇以上嘅例子可以話落後大市，但確實地單係住屋開支比香港低得多，一定程度上可以抵銷得返。已可見香港嘅生活開支高嘅源由就係住屋方面引致，港共傀儡政權同啲走狗黨羽，例如瑞銀嗰啲仆街，點拗都拗唔過架喇。

另外，我响新加坡仲有一個習慣，係會去行 FairPrice 超市。比較港坡兩地都有得賣嘅貨品，可能會加清楚香港嘅問題就係「土地問題」。

例如百勝廚叻沙拉麵，FairPrice 賣嘅四包裝只係 SGD10.95，折算港紙 $60.0，除開每包係 HKD15.0。但香港賣緊廿幾蚊一包。


無錯，運費要錢，但 Theory calculation，頂盡 HKD2.0 一包；又無錯，代理要賺錢，超市亦要賺錢，但中間仲有起碼 $3.0 水位，如果再考慮埋批發價一定唔駛 HKD15.0 一包，香港零售價嘅Profit Margin 隨時 $8.0 甚至 $10.0。即係代理同超市謀取暴利？別忘記代理Office、貨倉，超市舖面都係要交租！

今次响新加坡，因為响臨走之前一日先至去行 FairPrice，仲做咗一件「變態」嘅事，就係買咗一條 Sunshine 麵包返香港做早餐。


張相係已經食咗1/3，原裝成條嘉頓生命麵包咁大份。價錢係 SGD3.35，折算 HKD19.1。就咁睇價錢係貴，但我買嘅呢包係嘉頓歐陸系列嘅級數，即係大約 HKD15.0 一包八塊嗰啲。





香港生活開支高，確實真係由「土地問題」延伸出嚟，唔止反映响樓價/租金，仲有係各行各業嘅經營收益有相當大嘅 Portion 去咗「土地公」，先至啲嘢要賣咁貴。反觀新加坡，貴得嚟唔止仲可以有飽飯食，仲要係可以食到啲正常嘢，而唔係香港貴得嚟食垃圾。

香港嘅土地成本高昂嘅主因，一方面係隨住人口上升形成嘅供求定律，另一方面當然係支那共匪啲黑錢流入推高價格。再加埋新加坡嘅住屋開支比香港低得多，可見香港嘅生活開支高昂係因為支那共匪操控土地成本變成無限放大而致。可以話香港當今嘅生活開支高昂到痴線，再衍生嘅各種社會問題，根本就係支那共匪搞局而致。所以一日唔隊冧支那共匪，香港係唔會有運行！

順便長氣都要再講，港共傀儡政權咪再講乜春「學習新加坡」！






返回主頁

HMV 執笠關音樂數碼化叉事

HMV申請清盤，國際唱片業協會香港分會總裁馮添枝話 HMV 的「死因」係音樂作品數碼化、以至盜版猖獗導致，我一屋CD，梗係完全唔認同呢個講法。

香港嘅唱片舖確實所剩無幾，旺角信和中心商場、女人街合計嗰五間，我就耐唔時會蒲；另外上環永吉街有一間；再另外姑且數埋 HONG KONG RECORDS 同 CD WAREHOUSE。但是如果數碼化以至盜版問題真係可以「整死」唱片零售商店，點解佢哋仲可以生存到？再串啲講，基於「財政實力與經營可持續性的關係」理論，單是信和嗰幾間應該比 HMV 更早執笠啦！

HMV 衰乜？由最遠兼最簡單嘅開始講起。一直以來，同一張 CD，HMV 比其他唱片舖賣貴幾十蚊，在消費者嘅角度必定會諗「為乜要幫襯 HMV？」呢條問題，已經夠「死」。HMV 本來嘅優勢之一就係有得試聽，可以吸引到一啲「懶唔想行 / 唔想另外搵日去信和慳返三幾十蚊」嘅消費者，可是試聽機越整越少，就連呢班「貪方便」嘅客仔都留唔住，咪「死」得快啲囉。

推上一個層次講，家陣KKBOX、Apple Music、iTunes 之類嘅音樂網站有試聽，但都係得30秒、頂盡1分鐘，確實抵銷咗 HMV 啲試聽機形成嘅優勢。再者，網上買一首歌真係好方便，引證音樂數碼化致 CD 銷售收縮的情況確實存在，馮添枝表面上無講錯。但是，例如我呢類「CD 控」甚至 Hifi 發燒友，點都聽得出數碼檔案嘅音色質素同 CD 嘅差距；就算 Apple 最新的 Lossless 技術嘅音色都同 CD 仲有些微分別，所以仲會買 CD。之前我响 Medium 有寫過數碼音樂檔案同 CD 的音色質素差別，有一啲數據比較。所謂「講求音色」係有啲根據，唔係吹毛求疵。引伸出嚟而更加串咁講，仲會買 CD 嘅係俗語所謂「有要求」嘅人，即係比一般消費者有更高嘅要求，但去 HMV 俾多幾十蚊 but get nothing extra；或掉返轉講，連想聽吓隻 CD 嘅音色都好似有啲困難，而且去信和買起碼平返三幾十，仲隨時可以有海報買或送，仲去 HMV 簡直「把托」！

消費者嘅心態其實好簡單，有足夠誘因而覺得「值」先至願意俾多少少錢。HMV「舖面」本來嘅優勢除咗試聽機之外，就係可以開歌手簽名會/迷你音樂會之類 mini event。指定响 HMV 買碟先至可以參加、攞簽名，咁咪可以驅使消費者 pay more。唔好話近幾年已經少搞甚至無搞，仲要將店舖空間賣啲同音樂無關嘅嘢，例如玩具，直頭係趕客！

綜合而言，根本就係「因經營不善而陷財困至導致清盤結業的 HMV 音樂商店」，直情無誤。

再宏觀一點去睇件事，音樂數碼化對唱片銷售市場造成嘅衝擊，係消費者在「百幾二百蚊買隻碟」vs「十幾蚊買一首歌」之間可以作出取捨。有唔少人話呢個係不可逆轉嘅趨勢，但正如前述「數碼檔案嘅音色質素一定唔及 CD，仲會買 CD 嘅人一定有更高要求」，故此唱片市場就同音樂作品質素拉上關係。但是，本地流行音樂作品嘅質素不斷下跌，係不爭的事實。消費者覺得「唔值」就唔買，又或者只想以最低成本去擁有，導致唱片銷售進一步收縮嘅條件，甚至乎是盜版問題猖獗嘅原因。無錯，可以話反映出 HMV 之死同本港演藝行業嘅腐化有關，但又掉返轉講，如果唱片公司、歌手、創作人著重作品質素，駛鬼驚呢啲「大趨勢」咩。至於盜版問題唔係今時今日嘅事，幾十年前有舖頭專門幫客人「DUP 歌」，但點解當年一隻專輯賣十幾廿萬張，更證明作品質素嘅重要性。





事實上，「音樂數碼化」縱使係大勢所趨，見到仲有唱片舖可以生存，即係 CD 仍然仲有市場；甚至乎近年黑膠碟「翻生」，不單反映「數碼化」並不能完全將唱片銷售滅絕，亦反映音樂作品質素先至係維持唱片市場的關鍵，且可以話重中之重。好簡單，近十年出道嘅歌手有發行黑膠碟，唱功必定有返咁上下！

正如大約20年前數碼相機面世，冚世界都認為菲林相機必被歷史洪流淹沒而消失，但是，雖然新款菲林相機寥寥無幾，就連本來應該執笠嘅Kodak都繼續賣135菲林，可見數碼化始終取代唔到「傳統」。菲林相機就「升呢」成為更高層次嘅攝影玩意、以至攝影技術。因此，與其繼續認定音樂數碼化是不可逆轉，不如認真地製作音樂作品，提高質素好過啦。





返回主頁

地鐵故障全疊打之港燦唔好埋怨

地鐵四線全部瓜柴，港燦叫苦連天。我就當然又拎「鐵路萬能俠聖經」── 除了鐵路以外你們不可以有別的交通工具；你要盡心盡性盡意愛鐵路猶如愛自己；敬畏鐵路萬能俠是智慧的開端，出嚟恥笑佢哋唔識搭其他交通工具。確實今早嘅情況，真係焗住啲燦(或豬)一係就响地鐵站入面死等爛等，一係就幾唔識搭巴士、小巴都要硬著頭皮去搭。但就有人話根本無得揀係焗住搭鐵，就算知道有巴士小巴都無乜選擇，不論搭乜都係大排長龍。再甚至乎話周圍都塞車、撞車，不如留响地鐵站裡面慢慢排好過。

缺乏選擇，好自然就大排長龍。但查實搞成咁嘅環境，除咗係港鐵公司要負責之外，一切根本都係港燦/港豬自作孽造成。

香港人中「鐵路毒」可以話中到痴晒線。但凡鐵路新線通車，都話「好咯，從此唔駛再迫巴士小巴、唔駛塞車咯」，而在通車前夕港共傀儡政權提出所謂巴士小巴路線重組，其實都係 cut 鳩晒巴士小巴，但是不論啲議員真心定假意只圖成功爭取提出反對，基本上當區居民都闊佬懶理而使議員政客徒勞無功。甚至乎例如將軍澳咁，直頭覺得有咗地鐵就天下無敵，巴士、小巴線「死不足惜」而話之運輸署 cut 線。由此可見，所謂「無乜選擇」與其話港共傀儡政權製造鐵路霸權，根本亦係港燦/港豬有份造成。此乃無得怨之一。

另有話今朝周圍塞車，再加上龍翔道、汀九橋、將軍澳隧道、東區走廊等幹道發生好多宗交通意外，就有人話改搭巴士都無謂。或者去返平時，交通意外都經常發生，亦導致路面擠塞，成為港燦港豬話「搭地鐵唔駛塞車」而放棄路面交通嘅諗法。可是點解成日咁多交通意外發生，坦白講根本就係駕駛技術問題。粗俗而直接啲講，周街柒頭司機、快線撚、篤油撚、硬Cut撚...... 考牌制度嚴重落伍嘅問題，寫過好多篇而唔再响度重覆；又或者揸搵食車嘅十居其九都係「非洲式用車」── 欠缺保養、壞咗先整，加埋啲駕駛陋習，點會唔容易出事。如果駕駛者識得自省自覺，會日日「碰碰車」嗎？





再返轉頭，撇除小農基因買車炫耀嘅思想，公共交通服務係夠方便的話，其實唔會有咁多人買私家車。但就是「鐵路萬能俠」嘅現實，巴士、小巴服務不斷被港共傀儡政權收縮，有幾多香港人理過？冚撚把冷都係只會「敬畏鐵路萬能俠」。根本今朝嘅惡果，全因港燦嘅自私。

有無得解決唔好問我，問吓港燦港豬港喱會唔會因為今朝地鐵全線崩盤而唔再講「地鐵壞車都係一次半次」先啦。根本港燦港豬港喱一日唔改變「除了鐵路以外你們不可以有別的交通工具」嘅信仰，港共傀儡政權一日都仲有建立鐵路霸權嘅彈藥。所以香港人繼續日日「敬畏鐵路萬能俠」啦。





返回主頁

山竹之後，香港無得救 - 仆街僱主奴隸主與甘願做奴隸

上回講到，超強颱風山竹摧殘過後，林門鄭氏只肯停課唔止停市，而一眾港人港燦港豬展現「我好鍾意返工呀」精神，唔理無巴士無鐵路，都要翻山涉水、攀山越嶺都要返工，好狠犯賤。所謂「一隻手掌拍唔響」、「一個銅幣有兩面」，「我好鍾意返工呀」精神嘅背後點解要咁犯賤，究其原因，不過是香港充斥住本質是奴隸主嘅仆街僱主，不斷搵方法、搵罅攝去壓榨員工。

林門鄭氏面對傳媒追問唔停市對打工仔嘅影響，就咁叫僱主「講良心」唔好扣人工、獎金之類......結果？幾單扣人工、扣大假、口頭警告上咗報，無上到報嘅 Cases 隨時多如銀河沙數。剩係講返政府本身，响林鄭向奴隸主對牛彈琴嗰朝早，我認識幾個打政府工嘅朋友，全部都俾上司「照肺」── 做乜咁遲先返到嚟。無錯，林鄭响嗰朝亦都話已向政府內部「落柯打」，但到18號先有公務員工會走出嚟話响17號臨收工先收到銓敘科 (公務員事務局响97前嘅名稱) 嘅通告。即係話連政府內部嘅所謂主管級別，未見到通告就「揸正嚟做」為名，壓榨下屬為實，都係奴隸主一堆。

過去的這些年，僱主要壓榨勞工階層嘅思想、心態、言論、行動，都壓出入窮、無孔不入，「廿蚊張」呢條仆街講過乜嘢賤嘢，無謂嘥時間回帶。但啲奴隸主嘅表現就出晒嚟，為嘅就係經濟左翼理論所講嘅「高人一等」嘅階級特權、優勢。細心睇清楚，其實係一種借踩低勞工階層嚟抬高自己嘅低劣手法。坦白講，屌鳩啲僱主壓榨嘅同時，換另一個角度，其實係啲奴隸主廢柴。試諗下，作為好聽啲叫做老細嘅、管理層嘅，有本事的話駛閪咁樣壓榨下面咩。

點解又係引伸到「香港無得救」呢五個字？要指出嘅唔係乜嘢階級矛盾呢啲懶係高深但其實流於表面嘅理論，奴隸主壓榨奴隸(僱員) 妨礙社會正常運作，亦只係「無得救」嘅表層，而係承如上段所講嘅「廢」，啲「奴隸主」嘅思想心態，係唔想個社會有變化，藉住「地球唔轉」嚟保住自己嘅優勢陣地。

至於在「奴隸」層次，為咗開飯為咗供樓，甘於被奴役；怕開飯都成問題，面對奴隸主嘅壓榨，或者再直接啲引用16世紀開始非洲、美洲嘅奴隸制度，俾奴隸主虐待都唔敢反抗、據理力爭；或仿傚林鄭嗰句，爭取返啲「良心」返嚟。再另外的，不論東方定西方嘅奴隸社會，除咗奴隸唔敢反抗之外仲有另一個現象，就係奴隸/奴才為咗要啖飯好食少少，就只會向奴隸主阿諛奉承，而其中一種手法就係為奴隸主幫口，甚至落埋手虐待奴隸。用現代嘅講法即係「揸住雞毛當令箭」。導致嘅局面就係有能者不一定會居之，但無能者只要「識做人」就能「成功」。唔好話「屈屈不得志」咁嚴重，就是平常嘅職場，唔少有能力嘅人才因為咁而被淹沒。





而睇返16世紀開始嗰段奴隸制度嘅歷史，就係奴隸唔敢反抗，或頂多只會討好奴隸主，結果奴隸制度超過400年嘅時間。引伸出嚟，即係個社會發展停頓咗。套用返响香港，打工嘅就係唔敢反抗、據理力爭，有得啲濕鳩老細繼續「打鞭」，香港嘅社會發展咪停咗囉。咁仲有得救咩?!

無錯，香港社會嘅問題主因係來自政治制度，但家陣香港地最普遍嘅意識形態氣氛就係「我討厭政治」嘛。香港人繼續俾心機「我要食飯」「我要供樓」啦！





返回主頁

山竹之後，香港無得救

超強颱風山竹吹襲過後，香港市面滿目瘡痍。港共傀儡政權四個大字關人撚事，只停課不停市，結果今朝鐵路巴士乜都無，根本成個香港就運作唔到。林門鄭氏由噚晚到今朝，只係叫啲僱主講下良心..... 香港啲僱主根本只係奴隸主，當啲僱員係奴隸。心諗你林鄭都有撚病嘅。

林鄭點解唔停市，後半部再猜測分析，先睇下今朝「山竹過後無車搭」之下，港燦嘅表現，簡直痴撚鳩線。

响大圍站，港鐵公司本來話會有接駁巴士出九龍塘，但後來因為路面受阻開唔到，就有港燦問喉港鐵娘親 ── 咁我點返工呀?! 這是一位在現場目擊朋友話我知的。另外，巴士公司嘗試提供有限度服務，但開車不久就遇上冧樹無法再前盡。另一位在朋友在車上，佢就同我講有乘客話「唉，點返工呀.....」。再又另外一位朋友，好彩地搭到巴士102隧巴過港島，見有兩個同行的人在紅隧口上車，聽到佢哋坐低後就話「終於上到車，唔係返唔到去，實俾老細屌」

香港人真係好鍾意返工呀！好撚好笑呀屌你老母......

明明無車搭，腦部正常嘅人見到咁嘅環境，都費時出門啦。但一眾港燦還是扭盡六壬搵方法去返工，唔計在僅餘嘅公共運輸車站大排長龍，話之要比平時返工嘅方法轉多幾多次車、俾的士狗劏到一頸血、紅VAN狼斬到一地血，甚至要攀山涉水、「行路上廣州」嗰隻。尚且因為政府無宣佈停市，只能焗住硬食，都算喇。但呢三個例子 (姑且當佢哋無吹大咗)，反映咗香港人對於「不合理」呢三個字，唔係只會逆來順受，而係盲目。而尤其是返工呢兩個字引伸出嚟嘅意思，就係為咗食飯乜都得。唔信？試下問今朝呢班人點解要千辛萬苦都要返工，我敢保證答案離不開「唔駛食飯呀？」「唔駛供樓交租呀？」

扯遠少少講，每逢涉及到「開飯」嘅問題，不論佔中也好、今次打風過後也好，香港嘅人形生物都係「食飯」為先，而為咗「食飯」，幾唔合理嘅奴役都會忍受、接受、甚至享受。所以話，香港根本係奴隸社會，根本係無錯。講緊唔係樓奴定返工奴，而係直頭係奴隸。

過去見唔少人用《千與千尋》荻野千尋嘅父母形容香港人，我覺得係侮辱咗宮崎駿囉。點解？荻野千尋父母變咗做豬都改變到個女，但港豬就真係等被支那共匪劏囉。

港豬咁嘅素質，香港仲有得救咩??





林鄭點解唔停市，具體原因真係好難參透。但今朝林鄭見記者時話「早已知道會有這個情況出現」，即係話佢知而不行啦。要「行」其實响技術上有幾個方法，包括《公眾假期條例》(Cap. 149)，或者《緊急情況規例條例》(Cap. 241) 呢個响共匪殖民侵入之下其實好危險嘅做法 (一開咗先例，支那共匪一定濫用)，仲有《預防及控制疾病條例》(Cap. 599) 擺明「打橫嚟」嘅方法。有來自官場嘅流傳，港府係有諗過Cap. 149 同 Cap. 241。雖然無辦法確定堅定流，但可以進一步肯定林鄭就係唔做。

而既然林鄭講過「知道」但就只係停課而唔停市，即係有更高層次嘅「力量」唔俾佢做。呢股「力量」來自邊度都唔駛多講啦。咁同「香港無得救」有乜關係？

拉到最遠講當然係「民主回歸」啦，但真係扯到太遠。講返近啲，港燦成日開口埋口「乜都係『阿爺』話事㗎啦，講咁多做乜？反對有乜用？」，表面上又係逆來順受嘅思維，或者係小農奴隸基因「君要臣死，臣不得不死」，深入一啲講，其實係縱容支那共匪亂鳩咁嚟為所欲為，想對香港做啲乜嘢仆街事都唔駛擔心有人反對，因為反對得嚟都俾啲人形豬撳住。過去呢十年八載，高鐵又好、佔領又好，一大堆社會議題都係咁而出事，依家連因為風暴引致嘅個人安全問題，港豬、港燦咪自己受囉。不過咁，啲香港人形豬還是會「唔好上綱上線」「唔好乜都政治化」而繼繼忍受、接受、以至享受。

一場風暴，唔止揭露港共傀儡政權嘅廢，亦揭示咗香港社會到底有幾病入膏肓，死得嗰隻。





返回主頁

打風期間危險，打風善後麻煩

動KEYBOARD 嘅呢一刻，超強颱風山竹來襲，10號風球已經掛咗四小時。全港各處唔係冧樹、冧棚架、冧牆、水浸、爆玻璃...... 真係好危險。

每次打風，新聞報導嘅其中一個焦點係赤鱲角機場。凌晨8號波之後，除咗 SFO 經 HKG 再落 SIN 嘅 SQ1 同幾班貨機 (全部提早走) 之外，飛機全停。怡中航空人事部改更表，將原本過幾日放假嘅職員改咗做今日放假，職工盟就發花癲鬧渣甸無人性，確實係抵鬧，但李卓人班粉皮根本無諗過風暴之下到風暴過後嘅機場到底係點亂法、响勞工角度有乜問題。再引伸出嚟，全香港市面到底有乜問題，善後應該點做，暫時都係無乜人講。咁就由我呢個過氣嘅機場地勤由機場開始講起。

响風暴期間，機場運作停頓；但當風暴過後，疏散滯留旅客衍生嘅工作，就亂過亂世佳人。撇除啲咸魚係咁鬧人、尤其是來自共匪治區嗰啲郁啲就「你們應該賠」造成嘅秩序混亂，要將兩至三日嘅客量/行李處理，真係做到人都癲。就以我以前响機場揸雙頭巴為例，平日9個鐘更份通常10轉車 (唔計機管局玩嘢係咁掟機泊Outer bay)，打完風之後轉數最少多一倍，真係「落地疴尿都唔得」嗰隻。但响現時機場各公司嘅制度，掛8號波要返工嘅就有「颱風津貼」，可是返到去除咗準備娘親俾咸魚問候之外其實無嘢做；相反落咗波之後做撚到仆街，不過就無颱風津貼。通俗啲講，「有錢袋」就唔駛點做 vs 「無錢收」就做餐死。剩係呢個情況，點解香港啲工會無出過一粒聲；甚至乎可以話李卓人班仆街一味只會抽水就算。

講到市面，已經一片凌亂，甚至可以話頹垣敗瓦，要執都有排執。剩係冧樹已經有排清理、水浸唔可能即刻泵走晒，就算公共交通服務可以恢復都無可能暢通無阻，仲未計例如大角咀發生冧籠𨋢槽架、冧牆，造成嘅阻礙。再仲有大量住宅、商業大廈爆玻璃，可以話成個香港根本就運作唔到。或反過來講，重點係要清理善後，不論公眾地方定私人地方。既然係咁，政府應該宣布風暴過後停工停課停市最少兩至三日。





政府其實有呢個權力咁做，爭在做定唔做。只不過做的話，啲商家佬一定發花癲話「唔見幾十億」而向港府開炮。但所謂人命大過天，If I were 林鄭，一定話之班商家佬死。依家睇林鄭有無呢個意志，或者功利主意啲講，颱風到之前Call齊各部門開咗一場記招 Show 攞到唔少掌聲，會唔會食住個勢上。但宣佈得停市，正如機場渣甸班仆街一樣，班商家一定想响人工、假期等上玩嘢，張建忠、羅致光就一定要昅到實一實。另外，公共事業嘅員工受颱風影響嘅工作、薪酬等嘅安排，以至颱風天氣工作安排仲係咪沿用現有制度，定係參考台灣嘅做法進行改革，我覺得要趁山竹過後要展開檢討。

後記：台山同陽江兩座「固定核武裝置」，支那共匪依然睬你都有味。如果有乜大吉利事，應該成為壓倒中国共产党最後一根稻草，所以習匪近平、江匪澤民班仆街唔好咁得戚。但掉返轉好彩無事，都唔代表支那共匪無事，珠江口西岸到雷州半島必受山竹造成嚴重破壞，賑災稍有差池，一樣隨時仆街。大迷信啲講，山竹呢個風應該係造就局勢大逆轉嘅天機。所謂天要下雨、娘要嫁人，奉勸响香港一眾土共好自為之。







返回主頁

Facebook 變質到用唔用都無大分別

Facebook 出現本來嘅目的係「尋找失散多年嘅朋友」，但隨住貼文功能嘅發展變得多元，逐漸變成為資訊流傳嘅渠道，甚至產生推動社會進程嘅作用，例如香港過去十幾年嘅保育、社會運動、佔領等等。於是乎有人話 Facebook 已變成政治角力場，再衍生出所謂 KOL 、識打字就是評論員等網絡生態變化。

用途「政治化」之外，Facebook 公司本身亦都政治化。朱西百格為咗打入支那匪區市場不擇手段，乘著用途變得政治化，就開始一連串扭盡六壬、古靈精怪、痴線變態嘅操作，所謂 Community Standard 無限搬龍門，縱容五毛黨嘅存在，但同時針對同支那共匪「過唔去」嘅帳戶、專頁，搞事搞幹。輕則刪POST，重則禁言，以至「極刑」取消帳戶。可以見到 Facebook 已經變晒質。

在要數臭朱西百格之前，以所謂「自己眼中的樑木」的去睇返隨住 FB 發展繁盛嘅網絡生態變化，除咗孕育出所謂 KOL 、識打字就是評論員之外，值得留意嘅係，唔少人對於接收資訊，唔好話身邊朋友發生乜嘢事，就連社會上有乜事發生緊，已偏向甚至完全依賴 Facebook，無咗主動性。

對於每個人嘅朋友圈子，呢啲私事就唔多干涉；就是新聞資訊，自從 FB 興旺以來，仲有幾多人會自己主動去睇報館、電台、電視台嘅新聞網站？唔好話外國新聞都懶得去睇，就連香港本地嘅都闊佬懶理。以我最近三至四年嘅觀察，唔止係好少主動去新聞資訊嘅網站，就連 Facebook 出 POST 貼埋條 Link 可以睇全文 (不論香港、外國，或是博客作家網站)，頂盡得30%嘅人有 click，仲要當中唔少係「標題黨」── 睇下出 POST 嘅 caption 先至考慮係咪 click；其餘的都係無 click 條 Link，甚至近一年嚟仲有人同我講「吓，乜有 Link 可以 click 嘅咩??」，即係全無意識、意念可以睇晒 whole story。引伸出嚟，即係根本啲人懶到出汁。或者掉返轉去分析，呢啲人其實响未有 Facebook 之前嘅時空，普遍地 Browser 嘅 Home page 設定係 Yahoo，都唔會睇下社會、以至地球上發生緊乜嘢事。只不過 Facebook 嘅出現，叫做有可能「眼尾望過吓」嗰隻。

可以話，Facebook 嘅普及其實係「養懶人」── 以往尚且有了解過吓個世界發生緊乜嘢事嘅人，因為 FB 嘅「方便」而唔再自己「摷新聞」；懶開嘅更加懶。綜合而言，對社會以至整個世界，FB 使人更加無知。

最大鑊嘅係，隨住朱西百格嘅投共所為越來越猖狂，加埋「毛澤東私人攝影師個仔」── FB Greater China CEO 陳澍嘅仆街，到底每個帳戶可以接收到乜嘢資訊，不論係朋友嘅事情、還是新聞消息，完全受到操控。之前已經講過「演算法」如何出蠱惑，壓低某啲帳戶 / 專頁嘅 feed distribution、或帳戶嘅 feed receiving。





近期更發現多一個仆街嘅做法，而似乎針對香港同台灣 (香港嘅比重較台灣大)，就係 delay feed distribution。同樣係針對某些 PAGE / 帳戶，尤其是「政治化」的 PAGE、傳媒等。Delay 9小時或以上，甚至我遇過嘅最高紀錄係14小時。即係點？


睇 Timeline wall 所謂嘅 Top Stories 係「演算法」亂鳩咁嚟就唔駛多講，而「演算」得嚟，好多傳媒 / 作家 / 政客 PAGE 以至帳戶 嘅 Posts，見到嘅時候已經係 9 hrs、14 hrs，搞到 News 變 iMoM。轉用 Most recent 呢？so9ry that 直頭唔派 feed。除非响 Search box 直接 click 過去某個 PAGE 或 帳戶，然後不斷轆 Mouse 嘅 pointer Scroll down，先至睇到出過乜嘢 POSTS，知道報館/電視台出過乜嘢新聞、朋友發生過乜事。

即係話，用唔用 Facebook 對於每個人嘅社交生活，以至留意社會時事，都係無意思，都係要靠自己。咁同時光倒流去返2005年以前，其實無分別。當然的，同時見到 Facebook 將會沒落同如何沒落。所謂花無百日紅，加上朱西百格同陳澍呢兩條撚樣嘅仆街，Facebook 已經進入 Counting down 階段，大家係時候要改變。只不過習慣嘅嘢，無可能一時三刻、三五七日可以改變，現階段大家姑且繼續用住先，但都要開始熟習返得閒搵下啲朋友嗲下吹下水、瀏覽唔同嘅網站尋找新聞資訊等等。

成言，小弟亦逐步開始「做嘢」，但亦需要大家嘅配合。目前還是維持在 Facebook 嘅運作，但懇請大家直接訂閱小弟現時運作嘅各個平台。習慣用手機睇我呢度嘅文章嘅朋友，想加入「追縱」訂閱，除咗用 Notebook 或返到屋企用Desktop 電腦做之外，可以用以下嘅方法：

Step 1，轉做「網絡版本」

Step 2，指去右邊，見到「追縱」check box，然後用手指「篤」一下

咁就搞掂

除咗呢度，暫時仲有 IG、Medium。往後再有乜嘢變動，都會通知大家。





返回主頁

碧桂園死撐，港燦唔抵爭

噚日馬來西亞首相宣佈會禁止「新加坡一河之隔」嘅碧桂園森林城市賣俾外國人、唔會向買家發出居留簽證之後，碧桂園發出聲明話只係傳聞、「未有確實消息肯定有關措施」死撐，好多港燦、五毛就起勢話「禁售」只係老吹老作云云、或是保守少少跟風話「傳聞」大家唔駛緊張。雖然馬來西亞政府真係未發出官方文件確認，但只要清楚馬來西亞嘅移民政策，根本唔會選擇相信碧桂園嘅聲明，甚至一早唔會落搭買呢個樓盤。

縱使到依家都仲未見大馬政府嘅官方文件，一切都只係建基於傳媒報導。香港嘅傳媒多數引述 Reuters。路透社一貫唔會亂「賣稿」，而本身嘅「消息」都係來自當地嘅傳媒。我睇返噚日嘅「消息」發佈時序，最早嘅係新加坡 Channel News Asia。「森林城市」所構成响政治方面嘅威脅，新加坡係有份承受，即係話「傳聞」嘅可信性係存在，或最起碼「唔會流得去邊」。

更要知道 Channel News Asia 係新加坡政府有份嘅 Media Corporation 旗下嘅傳媒機構，即係話「傳聞」有官方加持。响呢個條件之下，仲選擇信香港傳媒狂推嘅「碧桂園否認『傳聞』」嘅友仔，唔係傻嘅就係無腦啦。只不過港燦習慣地「我討厭政治」同國際視野係零，再加埋總是「祖国很強大」嘅潛意識，咪信「只係傳聞」囉！





再推前返去個樓盤聲稱「永久居留權」嘅宣傳技倆，相對馬來西亞最原本嘅移民政策，其實係除非基於家庭因素，例如已故香港藝人陳儀馨嗰隻，否則無得移居入籍，係只能「定居」，無公民權，即係連教育、醫療等社會福利都唔會有；或是近年好多人吹捧嘅「第二家園計劃」(MM2H)，更講到明唔會有得入籍，根本可以意會到碧桂園有可能呃神騙鬼。試諗下馬來西亞政府點會無端端因為一個樓盤而改變政策？你話信嗰個係咪個腦有問題吖！

我有聽過有啲友仔話納吉同中国關係「友好」，提供啲「優惠」俾中国有乜出奇。道理上好似講得通，但對比返最原本嘅移民政策，根本係名不正言不順；掉返轉，相對於MM2H，其他樓盤嘅買家見到，撇除「狗衝」，條氣一定唔順。引發以 MM2H 定居嘅人嘅不滿情緒事少，隨時搞到 MM2H 都話要爭取有得入籍/永久定居，即係馬來西亞分分鐘要大開中門，咁仲得掂嘅?! 可以睇到馬哈迪「斬」嘅原因，亦睇到有言論指納吉係「引清兵入關」嘅賣國賊真係無講錯，另同時睇到啲俾楊國強父女 tum 落搭嘅人係幾咁憨鳩白痴無腦！

另外，做返啲「考古」，小弟响兩年前已經發出警告訊號小心唔好俾人昆，呢個樓盤可會係一個騙局、甚至爛尾；雖然以馬哈迪嘅宣告內容嚟講，「爛尾」嘅成因有別於當初我所預計的，但掉返轉講，如果當初有聽我「鳩吹」，依家咪唔駛準備做苦主囉。而由今次碧桂園森林城市嘅事件可以見到，港燦真係唔抵可憐，甚至可以話死有餘辜。

碧桂園今日股價中午收市下跌42仙，報$11.72。雖未至於插水式下跌，但後市仲有幾多承托力，自行判斷啦。





申報：本人未持有碧桂園任何股份，或各類投資產品。

返回主頁

勝利球迷之阿媽係女人

美帝走狗紙老虎嘅美中經濟與安全審查委員會「揭發」支那共匪政協副主席董建華名下嘅美中交流基金會為共匪統戰部在美國境內進行間諜滲透工作，好多人睇到嘩嘩聲，亦有唔少人形生物話「唓，一早知啦，美國都係事後孔明講埋啲阿媽係女人嘅嘢之嘛」。呢類說話响近十幾年嘅香港經常出現，我都聽到無晒感覺。點樣「經常出現」?

就以今次事件為例，當老懵董「退位」於港共傀儡政權之後，成立多個所謂基金會、智庫之類嘅時候，多數港燦就是不聞不問，但同時對於有言論認為董匪是在為支那共匪辦事、不管是對香港進行殖民入侵或是如美帝爆出嘅統戰滲透，港燦就話「唔好亂諗咁多啦」、質問「你有乜證據呀？」之類作出否定。呢啲說話背後嘅思維考量，在一定程度上係基於董匪嘅所謂社會地位同衍生嘅勢力，認為無可挑戰。或以較學術性質嘅講法，係一種崇尚權威嘅表現。再引伸出嚟，係一種以為親近權貴有著數、至少唔會出事嘅小農奴隸基因價值觀。俗語「西瓜靠大邊」其實係咁嘅意思。

只不過如今係美國呢個「勢力」比董匪強勁千倍、萬倍嘅物體出嚟話董匪「係共諜係鬼」之時，港燦被迫要面對「押錯注」嘅現實，但又要「維護自己面子」跌落地嗱返乍沙，順便掩飾自己對之前所不認同的、反對的說話嘅「錯失」。

類似嘅例子响過去10年其實多不勝數，單是689暴政為例。2011年傀儡政權首長假選舉嘅時候，條街一大堆港燦話689好呀好呀，對唔少論政者指出689嘅危險之處嗤之以鼻，甚至對689僭建醜聞、黑幫飯局之類嘅醜聞一概冠以「抹黑」之說。但當689現出狼相之後，以至佔領期間到清場，就只會講一句「唔夠佢鬥㗎喇」就算。面對2011年嘅「批評」就只係識得鵪鶉、迴避不談，完全唔記得自己當年係乜嘢立場、態度同講過啲乜。

要再數真係仲有排數，但可以清楚睇到港燦是一堆何等仆街嘅賤種，老土而俗啲講係「死咗都唔駛恨」嗰種。





除咗過去的、現在的，嚟緊陸續仲有好多港燦「唔好亂諗咁多啦」、「你有乜證據呀？」好大機會會「出事」。其中一樣就係 BNO 護照平權。會幾時發生我真係話唔埋，但港燦只會繼續「英國佬走咗仲點會理香港吖」，咪等睇下到時有幾多喊苦喊忽囉。依家唯一可以講嘅係「要續好續，唔續準備永世無得續」，可以唔信嘅，反正一如《聖經》路加福音4:24


勝利球迷之所以「風光」，因為自我感覺上永遠處於不敗之地，俾外人睇落自己好醒好掂；另一方面就方便左右逢源「兩面落注」，好似金庸筆下嘅韋小寶咁食盡兩家茶禮，著數攞晒；但韋小寶要做幾多功夫先可以同時奉承康熙又能向紅花會交代到，就好多香港人唔會睇唔會諗。即係我成日屌鳩港燦「著數想要，付出免問」嗰種仆街思想。更是現實世界係經常發生魚與熊掌嘅情況，香港要仆街除咗支那共匪之外嘅最大原因，其實就係咁。

香港嘅局勢已經不可逆轉，更可以話巨變在即。睇下到時幾多當日鬧人咪FF嘅港燦，到時鵪鶉死晒狗。不過，我可以講，佢哋想鵪鶉都唔得，因為好肯定一定有人會對佢哋嘅「勝利球迷」劣行追斬九條街，跪玻璃都唔掂。






返回主頁

Facebook post 行李門新聞都Spam，陳澍又收到共匪689乜嘢柯打呀

今日傍晚以嚟，我收到三個關於Facebook 無理刪帖嘅舉報，內容不約而同都係Share 空中服務員司法覆核689行李門事件。

三個舉報都係話收到 Facebook 話「疑似垃圾訊息」，即係 Spam 而自動刪除。幸好舉報人無被處以禁言「刑罰」，FB 戶口仍然正常運作。另外亦收到消息有台灣用戶 Share 呢宗新聞都自動變 Spam。

一直以嚟，Facebook 嘅所為 Community Standard 嘅執行情況都不斷受到質疑 ── 土共、五毛唱好支那共匪就點 Report 都仍然健在，但相反地隨時唔知 Post 啲乜都轉過頭唔見咗，就好似今次咁；甚至被處以禁言24小時、3日、7日、14日以至30日嘅「刑罰」。

講真嗰句，Facebook 執行所為 Community Standard 亂鳩咁嚟都唔係乜嘢新聞，要同佢哋拗除非玩到返美國或者歐洲，否則只會石沉大海。所以研究 / 追究嚟都無謂，不過，Facebook 大中華區CEO 陳澍嘅背景、香港嘅辦事處嘅狀況環境，甚至朱西百格嘅一啲動靜，應該解釋到點解 Community Standard 會亂鳩咁嚟。

大約半年前，台灣有報章披露，Facebook 大中華區 CEO 陳澍個老豆，原來係支那共匪神明毛匪澤東拍攝紀錄片嘅攝影師。按照支那共匪党史及倫理，同得毛匪/魔做嘢一定係共产党員，引伸出嚟，陳澍呢啲撚樣歸類為紅二代，另一個稱呼即係(廣義)「太子黨」。所謂廣義太子黨，即係只要無公開地完全表態同支那共匪「割蓆」，不論有無入黨嘅「二代」咁解。陳澍既無公開同黨劃清界線，而又在「管理」Facebook 偏幫土共同五毛；而「爆料」事隔半年以來，報社無收過提告誹謗，即是佢係支那共匪嘅可能性係存在的。

另外，Facebook 响香港有一個辦公室，位於鰂魚涌華蘭路18號港島東中心66樓。有圖有真相：



呢張相係我親自影的，我仲上過去..... 但重門深鎖，撳鐘仔得一個聲稱係「保安部」但又無出示保安員證嘅茂利出嚟做攔路虎，一味話唔入得去，仲要話升降機大堂係「私人地方」連影相都唔俾喎。似政府最唔見光嘅情報部門多過似一間商業機構嘅辦公室。

嗰次上去，係因為有朋友被無理禁言30日打算搵陳澍屌佢老母叫佢即刻解封。但嗰隻自稱Alan (連全名都唔敢講) 嘅門口狗就阻頭阻勢，連所有「申訴程序」都要响升降機大堂、道理上屬大廈公眾地方進行。逗留約半小時期間，見到好多掛住狗牌(Facebook 職員證) 嘅人形生物出入，而且口音唔正甚至係講流利支那匪語，即係一般人所稱嘅普通話。

大家見到咁嘅描述，應該都會對 Facebook 呢個物體充滿懷疑了吧！





再作遠一啲嘅推論，朱西百格一直好想打入支那匪區市場，仲有被挖出向支那共匪提供用戶資料數據嘅臭屎出嚟。就算撇除佢搵個黃皮膚黑頭髮雌性做交配對象都可能係part of the 投共計劃，朱西想投共嘅意圖同動機都非常清晰。而聘請陳澍呢個紅二代，可會是想「朝中有人好辦事」，或至少容易啲掌握到如何「跟隨黨嘅路線」。引伸出嚟，Facebook 可會只是一個社交平台咁簡單，定係一個掛羊頭賣狗肉嘅收集情報嘅網站？在美帝走狗紙老虎同歐盟未郁手「斬」之前，大家都係小心啲。

順便「賣廣告」，直接追蹤訂閱返我呢個 Blog；同Follow 其他平台：
Medium - https://medium.com/@jackylim/
Instagram: https://www.instagram.com/jackylim915/
Twitter: https://twitter.com/jackylim915
Telegram Channel: https://telegram.me/JackyHTLim

無謂再受陳澍同朱西百格啲無理取鬧濫權嘅氣之餘，亦記住「花無百日好」嘅道理 ── Facebook 總有摺埋嘅一日。

至於個地址爆咗出嚟，大家打算點，自行策劃，但「頭盔」that 陳澍同朱西百格唔好入我數。你擺得個 Office 响度就預咗有「出事」嘅可能！掉返轉講，正如「小學雞搜書包」嘅道理，你唔係做仆街衰嘢，駛撚匿成咁呀！仲有嗰日我上嚟嗰單嘢，唔止個A/C 仲未解封，陳澍你嗰隻叫 Alan 嘅門口狗教嘅「申訴程序」，無人應機呀！精精地你就快啲解封，否則我以至响德國嘅黃世澤有排俾你受。






返回主頁

要藝人免受凌辱，先要學識尊重藝人

南韓女星張紫妍2009年自殺事件，近日因為南韓嘅刑事檢控期限即將屆滿再被翻出來，有指她的經理人做扯皮條 (香港叫法「雞頭」) 迫她做應召女郎，由陪酒到上床，甚至SM、Orgy、Double Penetration、Trio-bang ...... 乜都玩齊，更要她進行結紥手術方便各行各業的老闆「享用」時可以無套中出，可見南韓人嘅變態程度令人咋舌。另根據報導指南韓警方在張紫妍報案嘅冷淡處理睇到韓國人重男輕女嘅態度係幾咁仆街。

雖然褻玩性侵藝人唔只發生於亞洲，美國荷里活、歐洲演藝圈一樣有，「metoo」事件都係咁樣嚟。一般人認為呢類事件嘅成因不過是經理人、製片人、監製之類大權在握，演員、歌手為咗事業生計唯有就範，以至再衰啲嘅小農奴隸基因 ──「一買一賣」之嘛，甚至係「這就是發明星夢嘅代價」。但點解會有呢類事件發生，無乜人深究過，更無人反思過，頂多只係從金錢嘅角度，認為演藝圈嘅生態不過如此然後作結。

要講錢，就要從經濟右派嘅角度去分析。「右派」嘅理論基礎係供求，有何「求」導致啲仆街經理人、製片人、監製之類會提出「供」？又或者啲經理人、製片人、監製之類同演員、歌手之間就呢啲不道德的交易有何供求關係？後面條問題好多人都會明白，唔駛多講。想詳細啲可睇返前文《係時候對藝人的壓力做反思》。至於前面條問題，除咗錢之外，不容否定的是，係對「藝人」嘅所謂身份地位嘅想像，以至幻想。金錢方面，當然就係藝人嘅收入生計問題，不論係「無通告」要開飯就上床都要做，或者認為藝人為咗賺更多錢上床都無所謂。至於想像以至幻想，就係覺得「搞明星」係好威水嗰份虛榮感 ── 明星人人識，但就係我同佢上到床；又或者同金錢角度嘅虛榮感 ── 老子有錢有本事同明星上床。





深入一層做思考，無論係「同明星上床好威」定「有錢搵明星上床」嘅虛榮感，其實都係基於一種「明星唔係普通人」嘅看待態度，講到尾都係一份唔尊重嘅思想心態。無錯，「發明星夢」呢四個字對某啲人真係好大引誘，但唔係成為經理人之類可以胡作非為嘅藉口。

或者大家認為我諗得太理想，覺得從事演藝圈嘅應該只集中磨練演技唱功，啲仆街經理人之類應該消失。事實上我亦知現實世界一定有仆街，賤人永遠係掃唔晒，但是只要仍有視藝人、公眾人物係「好另類」，嗰份虛榮心就必定存在，啲變態佬仍然會「求」、啲仆街經理人仍會搵辦法「供」。社會應該要學會「藝人嘅工作唔係anywhere，anytime，離開咗螢幕、舞台就如一般打工仔 after office hour『收工』」嘅觀念；或者套用來自高登嘅「靚女唔疴屎」嘅笑話，即係藝人在工作以外，都係要過一個尋常普通人嘅生活。

所謂「仆街掃唔晒」，但無謂增加仆街嘅數目，就由大家做起。

後記：張紫妍慘劇被翻出，令我產生一個懷疑，當年台灣滾石唱片一個姚姓嘅經理係咪打算安排响南韓做類似嘅交易？只不過有人唔肯就範，但之後就開始一連串負面新聞出嚟，嚟劑一沉百踩過佢嘆。邊個歌手就唔開名喇。如果我烏鴉口佢都係受害者。再者，「過咗咁多年」都無謂再考究。





返回主頁

買樓追貨然後仆街，唔係無前科

香港人(尤其是港燦) 一講到買樓，總會抱住「有買遲無買錯」嘅思想，仲一日到黑諗住「寧買當頭起」趁升勢「追貨」，唔會理啲盤嘅呎數質素；但當跌市嘅時候就好少可會諗住「執平貨」，而係諗身家縮水甚至「負家產」而唔敢貿然入市。

前文《香港資產市場泡沫大到呢.....》其中一部份提到，樓市已經同實際購買力有幾大脫節，另相對地發展商推出「都唔撚係人住」嘅 Nano Flat，一於將貨就價 ── 呎價高就起細呎數「質低」總樓價。翻查歷史，類似嘅市場情況唔係未出現過。

時光倒流到1994-96年，當時香港嘅樓市，市區的呎價由已經同實際購買力脫節嘅大約 $6,000 繼續升至約 $9,000 左右水平，當時唔少港人埋怨樓價飛升唔知點上車，幸好當時仲係「英國殖民走狗」管治，仲有居屋可以選擇。但另一邊廂，就有「財演」話升勢將會持續，預計可見「萬元戶」呎價 $10,000 水平。好多港人驚死「遲啲再升就更加買唔到」，係咁狗衝，仲出現「排隊黨」。

去到1996年尾，由中電及長實合資興建嘅海逸豪園準備開售 (終於醒起置頂張相係邊度呢！)。長實就不斷「放風」有可能呎價過萬，但同時就話將提供一房單位「配合市場購買力」。所指嘅係第1座A, H 及第5座D, E 單位，建築面積467至535呎。






到97年3月開售，長實話「平均呎價 $9,500」，咁就吸引到班「水魚」埋去。但一房單位 (唔計第1座低層對住變壓站「面璧」嘅「超筍價」)銀碼由四百幾萬起至逾五百萬，呎價維到大約$8,500至接近$11,000。嗱嗱嗱，細呎數撳低銀碼但「晾住」呎價嘅招數「考古出土」。之後到98年「亞洲金融風暴」一個大浪，全香港樓市「哀鴻遍野」，呢堆一房單位蝕讓、銀主盤低水見260萬，呎價跌穿 $5,000，下跌幅度勁過大市！

點解呢隻一房單位會好似食瀉藥咁？當年長實「吹風」話會有呢隻單位，其實冚世界都話長實將貨就價起埋呢「得一個房點撚樣俾人住呀」嘅單位。仲有唔少人話實用率仲衰過「黃埔二期死碌鳩」── 黃埔花園第二期 (聚寶坊商場上面) 最細嘅單位，建築面積469呎，進行比較。

對比近年嘅樓市，Nano flat 嘅呎數比海逸一房仲縮水；對照返海逸豪園嘅歷史，要是香港樓市再有乜嘢「頭暈身㷫」，呢咋「都唔撚係人住」嘅 Nano Flat 將會有嘅「死狀」唔慘烈得過當年?!

本港銀行今晚(8AUG) 突然宣佈調整按揭息率上限，由2.25%p.a.加0.1個點子到2.35%p.a.。就咁睇數字「好細之嘛」，但識計數就會知到以供款期25年計，每100萬按揭額嘅每月供款額就增加逾$60，即係按揭額 500萬每月供款增加超過 $300。乘返25年即係「供多咗」接近十萬銀。你話對後市無影響，真係發夢啦你！所以，唔好話我把口賤，仲諗住「追貨」嘅準備仆街都唔怕，驚死執輸買咗先算連Nano Flat 都買嘅就準備「跳樓」啦。





返回主頁

係時候對藝人的壓力做反思

盧凱彤墮樓終結生命，確實使人非常悲痛同惋惜；縱使我不是她 / At17 的Fans，尋日嘅心情都唔是太好。原因可能同我都曾經係情緒病患者，或多或少有點感同身受；加上近期多咗接觸娛樂新聞、演藝界的人和事，對於 Ellen 的不幸，再有多一重的思量。

盧凱彤的經理人昨晚在 FB 出post，從新聞角度正式確認她的離去及感謝各界關心之餘，亦提及她的情緒病經歷。一般公眾總有意識「藝人面對好大壓力」，但似乎無乜人認真思考藝人嘅壓力來由，極其量只係「藝術家特質」然後再無補充陳述。

單純工作方面嘅壓力，其實唔難理解。從最「小農」嘅搵食開始講起。打工仔定時定候返工(放工)，個個月準時出糧，人工幾多一清二楚；但藝人無固定返工時間，無準時出糧，仲要唔係今個月出咗糧就知道下個月有糧出，而係做咗嘢先至(應該)有糧出，出咗之後唔知下次幾時有得出，人工銀碼幾多，視乎「通告」嘅主事單位offer，天價又得、賤價又得。然後的，啱價就做，唔啱價唔想做都可能要焗住做；相比打工，上司交項任務俾你，唔LIKE可以彈，又就算「硬食」，你份人工起碼無減到。

藝人「搵食」嘅金錢問題，理論上同工作表現掛勾。最容易理解嘅講法 ── 出唱片嘅銷量、拍電影嘅票房收益、拍電視嘅收視成績。再引伸出嚟，就係有幾多人會聽/睇佢嘅工作。但同時地掉返轉，每一次嘅工作要面對嘅人數，起碼幾百，甚至成千上萬。相對打工仔頂多對住幾十人 (就算大公司幾千人，都只係對住一個部門幾十人)，嗰份壓力已經唔嘢少。或者換另一個該比較貼切嘅比喻 ── 學校「天才表演」、話劇比賽、歌唱比賽，上台就要對住合共過千名師生...... 想像到嗰份壓力吧。

再深入一啲講，所謂「台上一分鐘，台下十年功」，唔好講經驗累積同學習，出碟要練歌，而唱歌唔係大家平常去唱K(認真唱嗰隻) 唱啱個音就得，運氣發聲如何配合編曲，已經唔簡單。再講埋「感情」投入嘅準備功夫，又要參透歌詞，又聽監製講解兼聽編曲以至Demo 去「憑空想像」。拍戲仲高難度，响每次「通告」時，參透劇本、熟讀該場戲嘅對白之外，每一個場境唔計NG，起碼要重覆拍幾次唔同角度，先至可以俾剪接師剪到大家入戲院、對住電視睇到嘅畫面。

舉個例，就如昨日巴士台HK Bus Channel「出街」同小弟 Cross-over 嘅旅遊巴士試車片集，開場見到我行上車、坐入司機位再到閂門嗰十幾秒，總共拍咗三次唔同角度 (連埋剪咗無用嘅拍咗五次)！每拍一次，都要記住左腳定右腳開步先，坐入去司機位個籮柚係點樣轉。真係想講「你哋睇就輕鬆呀，試下做就知有幾唔好玩」！

拍 Documentary 已經叫簡單，拍戲的話仲要講求揣摩角色，即係要將自己「變咗做另一個人」。技術上對常人而言已經好高難度，要演得逼真分分鐘抽離唔到角色，搞到「懷疑自己係咪變成另一個人」嘅心理包袱，就隨時可以搞出「大件事」。

單係呢啲工作所形成嘅壓力，已經非一般人嘅水平。可是，坊間總是坊間只會覺得「明星搵好多錢」好風光，忽略藝人背後嘅辛酸，更是無咗對藝人嘅基本尊重。剩係講盜版嘅問題已經有排講。太多人只圖免費，唔會諗藝人「開飯」嘅問題，又或者就係諗住「明星搵好多錢」然後「少我一個唔少啦」。無錯，近呢十幾廿年，演戲嘅唱歌嘅，質素如何唔想再多講，但低質素嘅作品、實力欠奉的表演者可以眼尾都唔望，由市場進行淘汰係可以。只不過，港燦就是只會羊群心態的跟風，見「人氣」勁就衝過去。

而「人氣」係可以造出嚟，例如「買Fans」、造新聞等等。要「造」與否同如何「造」，都係公司做主導，結果就使藝人要受公司擺佈。俗啲講即係想紅就要「聽話」，唔受擺佈嘅唔駛旨意紅，就算紅都可以造幾單新聞打返落十八層地獄.......無形中再增加藝人嘅心理負擔。





其中「造新聞」呢樣嘅「人氣」條件，一定程度上係建基於小農奴隸基因的「戲子」之念，覺得佢哋嘅生活是與眾不同；或因為佢哋嘅工作是要面對成千上萬嘅群眾，引伸而成統稱「公眾人物」在社會上嘅身份，就產生「八卦」心理，結果就催生「狗仔隊」之類嘅怪物出嚟，連私人生活都彷彿要公諸於世。

藝人嘅生活關你哋啲港燦乜事？我曾聽過有「燦」回答「公眾人物嘛，一舉一動受到注視係理所當然」，真係唔知乜嘢道理！低層次啲講，藝人嘅工作係向公眾提供娛樂；工作地點唔係anywhere 時間亦唔係 anytime。掉返轉講，一般打工仔 after office hour 上司「騷擾」都有啲火，你俾人「監視」都唔高興，為何認為藝人連私生活都要曝光是理所當然的??

總括嚟講，演藝人在工作本身已經要承受無比嘅壓力，公眾再額外增加壓力實在講唔過去，更何況藝人在社會上嘅基本職責是唱好啲歌、拍好啲戲，唔係連食飯、疴屎都要俾你啲港燦拎嚟娛樂。唔好再留意「揭陰私」的娛樂新聞，就算唔稍為認真研究何謂唱歌唱得好、做戲做得掂，都唔好再為藝人添加不合理嘅煩亂。不幸嘅事件，一單都嫌多。

最後，願 Ellen 安息，無人再煩你喇；願家人振作。

延伸閱讀
解決演唱會黃牛黨，還原基本步先再講




返回主頁

香港資產市場泡沫大到呢.....

自問唔係財經專家，好少寫財金嘢。但近期做咗唔少觀察同思考分析，姑且班門弄斧扮下嘢充大頭鬼講兩句。

「資產泡沫」呢四個字大家都聽得多，一般嘅理解係資產價值高至不合理水平，與市場承接力反映嘅價值脫節，但仍然繼續上升；「爆破」之意就是市場失去承接力，資產價值急速下跌；另因為償還資產抵押借貸出現困難，導致金融系統運作出現異常，衍生一連串經濟環境出現萎縮嘅情況。

再深入啲就無謂講，我亦唔太曉得用文字表達。但事實上，香港嘅各種資產市場，其價值早已高至不合理水平，「泡沫」形成好耐。只不過港燦「執輸行頭慘過敗家」與及「有買遲無買錯」嘅思想，明明與市場承接力反映嘅價值脫節，仍然繼續「追貨」推動資產價格上升，結果泡沫越吹越大。

例如尋日講嘅小巴牌照，市場高位750萬係响2010至2011年出現，當時升市嘅背景係市場憧憬成功爭取「加座位」之後，紅色小巴司機增加收入就可以加租，或專線小巴客量上升反映的租金價值增加。另外，當年支那匪區經濟處於升軌，消費力向境外流出，香港之「蝗禍」推高零售市場購買力，亦增加公共運輸需求。


想當年，紅色小巴每日車租確實在四個位水平，由$1000 - $1200。車主每月可獲取三萬多元租金收入，扣除維修等支出後的剩餘償還按揭能力達$28,000。以利率P-2.5% p.a.、25年還款期、每100萬每月還款額約$4,400 做八成按揭做推算，相當於牌價高達790萬。但是當年紅VAN 司機或專線小巴每車計的實際收入能否應付租金水平？

根據運輸署統計數字，過去十年公共小巴每日乘客量約160萬人次，攤分4350部小巴，每部車每日載客367人次。假設平均車費 $10.0 計算，每部小巴每日車費收入$3,670.0。但入油/入氣無咗$500，紅VAN仲有「收陀地」又無幾百，交埋租剩低嘅先係司機自己袋。

以16座位計算，每日每車載客367人次相當於要跑23個單程。撇除「通宵線」，一般每部小巴每日運作約18小時，23÷18=1.28，即係每45分鐘就要行完一程。做唔做到呢？撇除每日嗰兩至三個小時嘅繁忙時間「人等車」，一般時段嗰15個鐘，「扎艇」等打爆16個開車需時平均7-8分鐘，再加站頭排隊平均輪候4架車 ── 4x7=28分鐘，剩低17分鐘...... 仲未計用「氣艇」一定無得偷雞孭住客去排隊 (法例其實規定去入油車上唔可以有乘客)「又做少轉」。

扣埋入油/氣、「陀地」、交租，平均司機「剩袋」大約 $1,000。以2010-11年嘅經濟條件，叫做「好過打工囉」。當年嘅租金水平唔可以話吸引，只算是「仲可以接受」。但鐵路及巴士嘅競爭以至霸權，未能對後市承接有樂觀展望。可以話會形成泡沫嘅條件已經出現。

又例如最多人講嘅的士牌照，過去我寫過嘅「炒牌方程式」，就是不斷加價然後加車租，增加還款能力提高牌價估值。撇除 Uber 嘅競爭，的士嘅收費水平是否為市場所接受，十幾年嚟其實係一個問號。


若果比較新加坡搭的士由樟宜機場去武吉班讓31km，咪錶收費 SG$33.00 (折算 HK$188.0)，香港的士就要收 $239.5，已經搵到答案係NO；甚至再對比埋新加坡是平治E Class 而香港只係擺兩件行李都尾冚閂唔埋嘅爛鳩豐田Comfort，香港嘅的士收費水平根本就垃圾級！

(新加坡親友提供的收據)

既然過去十幾年香港的士嘅收費水平處於不合理水平，即係市場承接力同樣的「未能有樂觀展望」，亦係開始形成泡沫。只不過「炒牌方程式」實在太萬試萬靈，而司機亦搵到方法「後市追貨」(那管是合法不合法，最緊要有方法！)，至少在租金回報方面提供承托。但是「托市」方法不擇手段，連違法嘅揀客劏客乜都齊，就如股市散戶「借財仔做孖展」的冒險急進，泡沫就急速擴大。Uber 嘅出現及私家車數目飊升，造成車費收入「存在不明朗因素」；套用返小巴嘅情況，司機搵唔夠交唔起租，牌價就有下調嘅壓力。事實上，的士牌價由2014年最高峰嘅725萬「回落」至580萬，市值蒸發咗145萬，跌幅達兩成。

撇除黎敦義筆下「的士牌是不義之財」嘅講法，的士牌價到底在乜嘢水平先至叫合理？以每更的士平均做25枝旗，每枝旗平均$60，總收入$1,500.0；減去燃料約$230，餘下$1,270.0。司機「剩袋」起碼$900.0 我認為先叫做合理 (開工25日，即每月搵大約$23,000 唔過份吖)，即係每更租金頂盡$370.0。每月租金收$11,300.0，計算返按揭供款(七成至八成)，即係牌價嘅合理水平330-360萬，正正就是2003-09年嘅水平。或反過嚟講，每個的士牌嘅泡沫仲有200萬，總計逾30億。

講到「資產」當然一定要講樓市，目前一手樓平均呎價約$16,000。同樣地以實際購買力計算一下到底有幾不合理。


根據政府統計處响3月公佈嘅調查，個人平均每月入息中位數是$16,800，以家庭為單位計算則是$27,600。以目前金管局規定及銀行按揭審批準則，供款額佔家庭收入上限45%計算，即係約$15,000 - $16,000；按揭比例上限為物業價值的60%，或透過按揭保險計劃提高至最高90%；利率以P-2.5% p.a.、25年還款期，得出按揭金額為360萬，相當於樓價介乎400-600萬之間。





當下的Nano flat面積約200呎，平均售價$300萬。銀碼 matched 入息中位數，但200呎「邊撚係人住架DLLM」。何謂合適人均居住面積，相信以新加坡組屋作參考標準唔會有太多人反對。新加坡建屋發展局目前訂定的「人均居住面積」建議指標為不少於25平方米，相當於約270呎，講緊係香港mode的「實用面積」喎。即是話要兩個人要無「土地問題」，最少要有540呎，相當於「建築面積」起碼700呎。如果有「中出」打算，即係預期最少有三個人居住，即是「建築面積」起碼900呎。

正式計數之前就睇下新加坡嘅組屋嘅單位面積。最細的「兩房式」(香港mode 交樓時一房一廳，可橺多一間房) 面積45平方米 (490呎)，「三房式」(兩個浴室)面積65平方米(700呎)。

樓價介乎400-600萬，「要有地方扑嘢」約600-700呎嘅單位，相當於平均呎價$7,850；要能「繼後香燈」嘅單位就要大約900呎，平均呎價是$5,500。拉上補下、左加右減、七除八扣...... 即係合理嘅呎價水平係大約 $6,000 左右。現時呎價水平高出逾兩倍；近三年市區新樓平均面積不超過300呎，同實際「可以俾人住」嘅差距最少兩倍。呢隻泡沫嘅體積真係「超級大笨象」。順便講埋，直至2018年3月底本港未償還住宅按揭總額為12,284億港元。

呢堆泡沫點形成，就無謂再多講喇。承如前段，在港燦「有買遲無買錯」嘅思想及心態，姑且「政治不正確」咁講，本港經濟有乜起事上嚟，唔可以怪晒支那共匪嘅。睇路啦各位。





返回主頁

港人咒罵李嘉誠之前唔該反省咗先

香港首富李嘉誠尋日在長和 (HKEX:00001) 及長實 (HKEX:1113) 公報業績記招上宣佈退休，除引起經濟、政治方面的熱議之外，記者提問買樓置業嘅問題而李生回答「如果冇樓唔同你結婚....你快啲搵第二個」，是另一個熱爆嘅討論話題。

好多人批評佢講風涼話，甚至狠批「李嘉誠是高樓價的罪魁禍首」。從經濟角度去睇，長和系的確有份推高樓價，絕對無鬧錯。但是，所謂「一個銅幣有兩面」、「一隻手掌拍唔響」...... 香港人自己都有好大嘅責任。

首先講一個「最賤格」嘅角度。係人都知，李嘉誠嘅發跡源於外家，通俗啲講「無佢外父俾錢就無今日」。今時今日嘅香港，唔好話「打本俾個女婿」簡直痴人說夢話，有邊個老豆老母如果知道個女嘅男朋友嘅職位、收入低過自己個女，或所謂職業階層差異，而會唔嫌棄 (未必講出聲，而心底裡會有咁嘅諗法)？我見過嘅例子就是女仔係俗謂嘅白領階層，而個男仔係「車房仔」，even 男嘅人工略高於個女嘅，女仔老豆老母都嫌個男仔「周身油屎，無厘貴格」(放心，唔係我)。

然後的，結婚如果擺酒，仲有啲老豆老母 (不論男女方) 覺得大肆鋪張係必須，禮金收少個「0」啲外父外母都記住「呢個女婿無乜本事」去到入棺材。由呢啲心態思想開始，唔好話有無樓，唔少人有意無意間用錢去衡量看待感情或婚姻關係！呢啲錯晒嘅思想，點只搞到家庭關係面和心不和，仲係成個香港社會嘅倫理觀念出晒事嘅原因之一。

再衍生出嚟去到「買樓」呢樣嘢，撇除政治因素 (後段再講)，先唔好話港女，有唔少父母會認為結婚唔買樓，而租樓 (不論大細、物業類別) 搞到要年年搬屋而未得穩定嘅生活。忐忑不安唔單只係擔心個女「無嫁到個好人家」，仲有小農奴隸基因「不孝有三，無後為大」發作，遲遲未有得抱孫可以向親友耀武揚威...... 就成為「有樓先好結婚」嘅思想嘅基礎。

至於港女「有樓先好結婚」嘅諗法，某程度上亦係源自「租樓要年年搬屋」形成覺得「無穩定生活」嘅心理狀況，更甚至又係「不孝有三，無後為大」再加「唔想做高齡產婦」嘅諗法；而又有啲港女「父權主義」認為置業安居係男人嘅責任，令到港男背負住「買樓」嘅責任、或相反地產生「買唔到樓就唔好溝女」嘅思想。家陣香港周街毒男腐女，某程度上就係咁樣形成。

第二個角度就係唔少港人腦中「除了買樓以外沒有別的安居方法」嘅思想。又先撇除政治同經濟方面嘅因素，香港人幾乎完全唔記得其他嘅居住條件。唔好話「租樓即係幫人供樓」覺得好蝕底，仲有一啲我聽過覺得住公屋「都唔係幾光彩」嘅講法。成香港周街好似只係見到「要住就只能買私樓『豪宅』」。雖然過去20年以來支那共匪响香港進行侵略式殖民，推高樓價到同實質購買力脫節，但所謂「有強姦無焗賭」，唔係前述呢堆嘅心態思想對樓市推波助瀾、無你哋呢啲小農思想看待「買樓」而「有買遲無買貴」不斷追價入市，支那共匪啲炒家邊炒得起個樓價！李嘉誠唔係開善堂，跟市況賣樓完全符合經濟學，賴佢做乜呀?!

第三個角度就要講政治。點解依家租樓幾乎要「年年搬屋」做「現代遊牧民族」？立法會响 1998 同 2004 年分階段通過撤銷俗稱租務管制嘅《業主與租客條例》，當時你哋啲港燦有理過咩？冚撚把冷掛住睇CCTVB 六點半新聞、新聞透視、星期X檔案煲大租霸問題、啲業主好慘、撤銷咗租管都繼續有得租樓住，瘋狂式洗腦都不加思索照單全收！

再仲有，十幾廿年以來房委會不斷煲大「濫用公屋」，見到「阿一鮑魚」、邱淑貞老公仲「霸住」間彩虹邨公屋單位就起勢俾LIKE過港共傀儡政權，對申請公屋入息上限低到根本求其打份工都超額而「交申請表都唔得」，你哋港燦有理過咩！或是有如小弟經歷過嘅「寬敞戶『迫遷』」，唔好話「無錢請咕喱搬傢俬係你嘅事，唔『調遷』就終止租約去瞓街」响背後有相當複雜嘅因素，就是「人均居住面積超過15 sq.m 就會被房署迫遷」咁簡單易明兼極度容易搵到嘅資料，你哋啲港燦眼尾有無望過吖！更唔好話停建居屋呢樣嘢，我都費時嘥力打字浪時間講咁多。係囉，一味諗住「你無本事買樓就要受架啦」，係咪呀，港燦港豬港喱！

然後的，支那共匪殖入人口在何匪喜華、施匪麗姍之類襄助成功打尖「上樓」，唔好話你哋啲「除了買樓以外沒有別的安居方法」嘅港燦理都唔理，一句「有撚計呀，個政府係咁架啦」推得一乾二淨，再唔係又是「你無本事買樓就要受架啦」，甚至乎有話「咁你咪返大陸娶件村姑然後離婚咪可以打尖住到公屋囉」，我都聽過呀！

再講多次，李嘉誠唔係開善堂，俗謂「打開門口做生意就係要賺錢」。見住你哋啲港燦一味「除了買樓以外沒有別的安居方法」同「有買遲無買貴」，唔趁呢啲勢頭搵銀？傻架！掉轉講，比著你開舖頭見成街客衝埋嚟「追貨」，唔坐地起價賺多啲？唔驚同親戚朋友講「做人有返啲良心好」而招徠「笑你憨鳩怕你嬲」呀！做人嘅嘢唔識佛家有謂「剃人頭者人亦剃其頭」，都識得「呢個地球係圓嘅」啦！

根本上，「唔買樓唔結婚」呢六個字，李嘉誠係有責任，但香港人有更大嘅責任！記住：手指指鬧人嘅時候，同時有三隻手指指住自己。再串啲引用《聖經》── 耶穌說「為甚麼你只看見弟兄眼中的刺，卻看不到自己眼中的樑木」。

返回主頁

職業司機不受尊重，係自作自受嘅惡果

過年前九巴反車意外，全城鬧爆「兼職司機好危險」而九巴將逾二百名兼職車長暫時停工，正職車長响農曆年期間 (尤其是年初一及初二) 做到氣咳，加上「咸魚」仍然肆虐，怨氣爆燈。另一邊廂，車長薪酬待遇相對人手不足嘅問題再度引發社會熱議，九巴推出「改善」薪酬方案，周街港燦再次憨膠的以為「厚待了巴士佬」，但好快就被各方拆解晒係明加實減，將公關SHOW 變成災難。有司機急急腳發動罷駛，結果只得6部車參與。發起人如今「一身蟻」已經唔駛多講成個行動有幾膠，望住成堆九記巴士佬只會逆來順受 (或聽工賊會老點)，更引證巴士司機圈子成日講笑自嘲「巴士佬無一個係無辜」係完全正確陳述。

撇除會員人數較多對工賊會的愚忠盲從，點解巴士佬見到自己蝕底咗都唔出聲？無錯，可以話巴士佬以至大部份職業司機的奴性很重，但先反過嚟講，如之前兩篇文章提過，巴士公司 (尤其是九巴) 視車長是白痴、只是機械人，無針對呢種社會普遍現象疏導車長的心理因素，唔會灌輸有如「無我坐司機位？行路啦你！」嘅思維提高車長嘅個人心理質素，就導致車長們還是「我還不過只是一個巴士佬」！另一方面，撇除政治大氣候，如果不是「咸魚」價值觀念大行其道對職業司機狗眼看人低，點會唔搞成咁！

又無錯的，「政治化」咁講，支那共匪近20年嘅殖民擴張，手段之一是壓縮「殖民地」住民生活空間，或淺白啲講「壓低住民生活質素」，打工仔薪酬待遇增長追不上通漲 (更唔好話經濟增長)，使好多人為「搵食」已經要疲於奔命，精神及時間上再無空間思考「食飯」以外的事情之外，同時產生「擔心飯碗不保」的危機意識，甚至因為「餐搵餐食餐餐清」的現實而出現「除了食飯養家之外沒有別的事情」的意識思想。於是乎，明知被僱主欺壓，但深怕「飯都無得食」而不敢「搞對抗」，忍氣吞聲算數。

其實呢種「奴性」唔單只從「得6架車罷駛」反映出來，其實悠久以來每日都存在發生，只不過雞毛蒜皮到平常人無為意，最簡單例子莫過於抄牌。職業司機面對告票的想法，除了「當自己唔好彩，今日白做」之外，係「有抄遲、無抄錯」，完全無意識張告票出得是否合理 ── 唔好話「有位泊駛X俾你抄」涉及到政策咁高層面，就是簡單到張告票有無寫錯字，都無幾多個有意識去睇。或者係涉及行車的檢控，又唔好話低能的車速限制嘅政策層次咁高，就算如今車CAM 當道可以有片有真相「打甩張票」，我接觸過嘅職業司機十個有九個都係一句「咁嘥時間精神，唔駛搵食呀！四舊半當俾乞身算啦」；甚至是小弟認識的而我話樂意代勞 Draft 信，叫佢俾條片我都係嗰句「唔搞咁多嘢喇，當跌錢算數啦」。

分享一個真人真事例子。駕駛一部66座大車，T 字路口 (兩個方向都是雙線來回雙白線) 左轉 ，車頭必定超越雙白線「偷位」。遭「鐵馬」截停，但唔是寫票「超越雙白線」罰 $450，係「落簿」話要告「老不」。佢走嚟搵我呻，我話單嘢絕對有得搞，程序亦唔複雜，最煩一樣只係問公司攞架車嘅牌簿睇返運輸署嘅Type Approval No.，搵返 Swept Circle 就得。點知都係嗰句「算啦，上到庭認罪俾錢，扣分又唔駛停牌，有得佢啦」

清楚見到職業司機腦袋充斥小農基因，乜都「搵食」、「開飯」「養家」，根本變相縱容「俾人恰」直到永遠阿們。同時地，在法律角度，因為沒有作出過抗辯，普通法就視之為案例，在為自己以至所有駕駛者佈下天羅地網，永續的中伏。可是佢哋只會「有讀書就唔駛拎堂圜搵食」，然後「用錢解決到嘅問題就唔係問題」。

無錯，當人人都開口埋口「細時唔讀書，大時做運輸」，催生巴士司機以至大部份職業司機的自我形象較低；而且總是抱著「唔讀書就除咗『拎堂圜』乜都唔識」思想，心底裡有著「預咗俾人恰」嘅潛意識。但俗語有云「有強姦無焗賭」，即使所謂社會大氣候普遍鄙視職業司機，都無人用枝槍指住巴士佬/貨車佬「連自己都睇唔起自己」，只懂逆來順受。但就是唔好話成個香港，就是單係揸車佬嘅態度表現，有幾多人會覺得有問題？近乎零囉！所以，車公大元帥第41韱係「有鬧遲，無鬧錯」。

返回主頁

兼職巴士司機就是危機？

2月10日大埔公路大埔滘段雙層巴士反車的嚴重意外，在傳媒欠缺駕駛及汽車知識、與及只會搵啲「有朵有牌頭」連9,10牌都無嘅所謂專家說三道四，合力繼續以「慢就是安全」 Spin 車速之外，又搵到職工盟轄下巴士業職工會聯盟副主席郭偉光 (行內俗稱「綠簿仔」) 俾到個「兼職車長缺乏經驗，比較危險」嘅 Sound-bite，搞到全香港遷怒於兼職巴士司機，繼而九巴斬腳趾避沙蟲勒令為數209名兼職車長停工，導致初一至初三九巴各線班次脫班情況惡化。另一邊廂，兼職車長通過各種渠道「圍剿」郭偉光，嚴斥佢「扑爛飯碗」、以為咁就可以保住全職車長的利益是白痴思想所為，同時地全職車長亦因為人手不足致工作量增加而埋怨公司「兼職停工」是錯誤決定，加上傳媒一味集中講車速問題而本來可以開快少少嘅路段都唔敢「踩咁盡」導致休息時間減少，與及乘客「加強『監察』」的無形壓力增加，怨氣充天。可以先見到「勒令兼職停工」已變成一場公關災難，且同時是對外及公司對內，九巴今鋪有排拆。

無可否認，近年唔少新入職的兼職車長的駕駛技術、工作態度以至心態係有啲問題，確係有部份抱住「玩玩下」嘅態度坐上駕駛座，但呢個問題係人事部招聘過程沒有嚴謹審視申請者所產生的情況，是稍有管理經驗知識都能一眼發現的問題。只不過運輸業人手不足是普遍問題，而巴士公司還要顧及司機人手短缺導致班次失準招致投訴的問題，自然地管理層要人事部「跑數」。管理學上確有所謂「量」同「質」反比關係理論，但並非無辦法解決，只不過要時間同更多行政管理工作。

雖然「樹大有枯枝」係事實，但被停工的逾二百位車長又係咪全部都係大族中的乞兒，除咗被巴士業界圈子尊稱為「阿爺」嘅城巴創辦人李日新先生斷言否定之外，小弟亦認識幾位被停工的兼職車長其駕駛技術及態度絕對唔差。由此可見，向兼職「一刀切」根本是大錯特錯！更是從公關角度去睇，九巴管理層對輿論「為應酬而應酬」的低B公關手段，甚至可以直言是反映佢哋嘅無能。

有輿論認為兼職司機除了其自身的問題之外，訓練不足就將駕駛技術問題進一步惡化。表面睇好似係事實，尤其是行內俗稱「操線」嘅路線訓練，確實不可能單純「睇片」就能做好。但是，這可會是九巴的訓練制度以至管理制度出咗問題，過去十日無人考究過。以小弟所知，九巴的「操線」係一條路線為基礎單位，每位新入職全職車長頭三個月「操線」最多三條線 (輔助線/班次例如46X及46P計一條線)、兼職就「派更」前兩日操一條線，而不是按區域劃分一次過「操線」多條路程接近的路線 (例如46X加47X及48X)，既引致編更及前線車務調派欠缺靈活，影響班次服務質素，亦導致車長缺乏更廣闊的路面知識形成的信心。更是九巴的ISO9001訂定的管理制度是「假設車長只懂駕駛接受過路線訓練的路線」，連突發情況「執生」改道都唔得，一定要等稽查到場指揮，形同當車長係「白痴」，形成人事管理學上「員工才能發揮受限」衍生的「員工自我價值」進一步受壓嘅 atmospheres，點可能唔出事呀！

無錯，每條巴士線的行駛路線都不同，甚至即使行駛同一條道路但中途站位置都有差別 (例如彌敦道，2,6 vs. 102,104,112)，但如果訓練及管理制度得宜，車長早已有概念，起碼對九龍區的路段有基本認識，不就是可以提高「操線」效率、同時提升人事管理學對於車長駕駛方面的心理質素嗎?! 駕駛訓練同「操線」的重點並非視車長如機械人，只需知道行駛路線及車站位置就算，仲要俾車長心底裡明白自己的職責，同埋基於知識上可採取的 Contingencies。例如日前有車長駕駛112往蘇屋時在灣仔行錯路幾乎要 call 上台求救，如果「操線」內容唔係死板、又如果管理制度唔係當車長係白痴，就唔會搞成咁。

或者好多人還是堅持駕駛訓練只需要揸得郁部巴士、「操線」識行駛某條路線就得啦，然後認為無接受過訓練就駕駛某款車、行駛某條路線是很危險的事，小弟就分享下過去全職/兼職揸旅遊巴士搵食的經驗，睇下「有幾危險」。

須知道揸旅遊巴士的行駛路線比專利巴士更變化萬千，單係酒店已經幾十間，仲隨時一轉接機要「派站」三、四間酒店。但任何一間旅遊巴公司都無做一般人同傳媒所想像的「路線訓練」，俾司機熟悉由赤鱲角機場出嚟去每一間酒店要點樣行法。夠危險未吖，港燦??? 又或者行內所謂「開 Island Tour」，不同國籍旅客的行程略有差別，有啲就直接上太平山頂，有啲就搭纜車上山然後在山頂上返巴士再過南區，再有啲就先去上環文武廟然後再上山頂...... 都係無做過「路線訓練」。以港燦同傳媒嘅思維，唔是要擔心「危害旅客安全，影響香港形象」嗎！甚至乎日本、星馬泰印(尼) 通常早上有行程去酒樓飲茶，然後先「開 Tour」，按照港燦同傳媒嘅思維而要做「路線訓練」要做幾多百次先得呢?!



要講「無做路線訓練好危險」，小弟仲想講下响2009年東亞運動會嘅經驗。東亞運動會嘅比賽場地係「去都未去過」，甚至「聽都未聽過」，例如赤柱的香港航海訓練學校，平日「做 Tour」都係行赤柱灘道去到赤柱巴士總站側邊，落客後駛過去佳美道赤柱廣場或沿赤柱村道兜返上山去赤柱灘道或赤柱崗道泊車，或上客之後就向香港仔方向「走人」，會行走東頭灣道嘅機會係零。夠危險未呀?! 我做過呀，仲要當時只係攞到巴士牌一年左右，又唔見我撞車！

又其中北韓隊住宿於荃灣曹公潭戶外康樂中心，往常工作係無機會行荃錦公路，負責北韓隊接送嗰位同事仲要揸部下圖咁嘅「爆炸品」！


點解當年無人質疑小弟同班舊師兄弟「做埋啲咁危險嘅嘢」？點解無記者問霍震霆「啲司機有無 Train 過？唔擔心威脅運動員安全咩？點解唔同啲司機做足訓練呀？」

反過來講，唔少人結婚「大龍鳳」都會租旅遊巴接載兄弟姊妹團，或散席接載親友返歸，司機都無响事前做「路線訓練」，啲兄弟姊妹團 / 親友講一句要去邊，司機就要去，點解你哋啲港燦唔會驚呀！奉勸大家，結婚唔好租車，講緊唔只唔好租旅遊巴，連花車都唔好租，司機一定無做過「路線訓練」架，無謂紅事變白事啦！男女家、行禮、擺酒全部安排响同一間酒店，或頂多「行幾步路就到」嘅地方就算啦！

小弟唔係要炫耀手車有幾得，而係要引證巴士公司嘅訓練到底有何問題，為改良「操線」提供參考；引證港燦响一大片基於無知嘅輿論聲音而產生嘅思想係幾咁不知所謂！小弟強調，唔係話訓練無需要，而係現時巴士公司嘅訓練內容並唔足夠，同埋「咸魚」思維無助巴士公司作出改善，反令到巴士公司只顧應付輿論壓力去頭痛醫頭而沒有時間同空間去搵出對症下藥嘅改善方法。都係臭串啲嗰句：「無巴士牌就出少句聲無人話你哋啞！」

利申：小弟現時並未有受聘於九巴。近三年只偶爾「客串」揸旅遊巴。

返回主頁

一程機體驗香港教育嘅敗壞

小弟因為公事快閃新加坡幾日。一如既往都係搭 SQ，唔是貪圖座位闊落過因航，仲因為 SQ 的Cabin services 的語言由英文為先，就算有支那蝗蟲上機都會因為「語言障礙」唔會响機艙嘈生晒。點知尋晚 SQ872 返香港，就有班幾十人天水圍和富慈善基金李宗德小學嘅師生搞到我爆炸咁滯。

故事由登機閘口保安檢查開始。小學生手腳慢尚且情有可原， 但排在我前面有一個男學生過咗保安檢查後一嘢衝咗去，無攞返隨身行李；但因為個學生仲要過埋地勤 Counter 無得 Back Track 返去攞，個女教師想幫佢攞但又基於保安理由唔容許咁做，搞到保安員要高聲呼召個學生隔住玻璃確認件行李係屬於佢，和示意同意由老師代領取先至解決。雖然無造成阻礙，但點都出現輕微混亂。

到我過地勤 Counter 時，電腦有 Error prompt 唔能夠順利通行。嗰刻間我唔係諗「被新加坡政府拘留」而只係唔知發生乜嘢事。地勤表示 a family of three persons would change the seat with you, can seat together，我諗咗一分鐘就拒絕。當時考慮嘅唔係「我劃咗呢個位就有權坐呢個位」，而係「點知係咪恐怖份子想坐埋一齊方便『做嘢』」。地勤亦讓我通行進入候機室。在候機室安坐後，再回想返我在前日下午做 online check-in 時先至劃 36C，當時已見36A 36B 同36D 已經 occupied，對照返地勤向我表示想更換座位的乘客是 36D，就想到該「一家三口」諗住「兩個人坐三個位」點知殺出程咬金。雖然「兩個人坐三個位」乃人之常情，但「出咗事都要受」亦係常識，我就更堅持唔換或頂多係上到機先再算。

進入機艙後又是一片細路喧鬧聲，雖則聲浪唔是太大(又幸好四個小時航程機艙都一片安靜)，但點都覺得「唉，你班細路..... 我呢程機有排受」。當走到我的座位，有兩個學生坐在36BC，當時反應係「細路唔係貪坐窗口位嘅咩」。出示登機證示意「呢個位我嘅，麻煩起身或者褪入去窗口」，兩個學生都無即時起身嘅意欲。我碌大雙眼望住佢哋然後用英文著佢哋讓返個位出嚟，其中一個學生先同隔離嗰個講「話咗坐錯位架啦」但仲未捨得起身，直到有 Crew 行埋嚟但未開聲問乜事，兩個學生先斯斯然起身。

擺放好手提行李之後安坐，但由於見 36AB 未有人坐而預計要起身俾嗰兩位乘客，未有扣上安全帶，期間更有離座往洗手間，直到廣播 Door closed 都仲未有進入就坐，當時無特別諗乜嘢事或以為自己「得米」一條友霸三個位。直到準備 Push back，當時坐在35D，36DE的三個乘客(兩女一男)就有所動作，其中一男一女就「返回」36AB，咁我就解開安全帶起身讓路。女的坐36A男的坐36B 都好正常。

在未繼續「故事」之前講一條 Side track。在登機期間，有兩女一男相信是教師的人，不斷巡迴機艙吩咐班學生「唔好做呢樣，記得做嗰樣」同埋派發唔知係筆記定問卷定測驗卷，「男教師」就是坐36B的那位。這位「男教師」身形魁梧，衣著髮型行為舉止似是教體育嗰種。

去返 Row 36 事發現場。嗰位「男教師」就坐後，身形問題導致「膊頭頂膊頭」都算，手肘仲超越扶手「入侵」我的座位空間，雙腿張開而右腳過咗座椅隙位的中線位，客觀意會「要趕我走」應該都無老屈。最可惡嘅係「男教師」同當時坐在36D的女士雞啄唔斷，即係「當我透明」嗰隻，完全無禮貌所為。心中頓時起火，撳制 Call Crew 要求處理。但因為開始 Taxing 而 Crew 未有即時到臨，我就「轉台」講返香港話問佢哋「係咪要調位呀」，「男教師」同坐在36D的女士就諗都唔諗嘅反應「係呀」。我一起身而著紫色制服的 Purser 過嚟問乜事，我話 It's fine, just exchange the seat with them。Purser 好有禮貌同我講 Thanks very much Mr Lim 而我又「轉台」Singlish「OK la, doesn't matter la」。Purser 見我同嗰個女子坐好同扣返好安全帶就離開。

調位後，「男教師」不單坐姿變得沒再掗手掗腳，起飛後我更見到佢嘅手臂搭住坐在36C的女子膊頭，再之後更是女子頭部緊貼「男教師」膊頭雙雙入睡。


對照返調位前竟不是他倆一同「返回」36AB，即是唔只「兩個人坐三個位」表面證據成立，更是「男教師」掗手掗腳，與坐在36D的女子雞啄唔斷所反映要「趕我走」的意圖不中亦不遠矣。

根本件事本來可以好簡單處理 ── 直接同我講，或請 Crew 以至 Purser 過嚟，講返清楚，或衰啲講最起碼俾我確認「Not Terrorists」咪得囉，駛乜搞埋呢啲黑人憎小動作！如果那男子真的是教師，更簡直是有失身份，向學生作壞榜樣更簡直成何體統！以為我坡佬而唔敢？唔好玩啦，一係佢啲英文屎，一係就出於種族觀念，對學生嚟講係更加之唔要得嘅態度。當今啲教師質素問題，除咗共產黨搞事搞幹之外，呢件事某程度上反映「人嘅質素問題」亦同時存在。

順便另外講，前段 Side track 提到「相信是教師的人，不斷巡迴機艙吩咐班學生」，其實都係機艙廣播會講、Crews 會檢查嘅嘢，包括扣安全帶、熄電話(或轉Flight mode)、打開窗板之類。我心諗「PA 只有英文，擔心啲細路聽唔明呀？國泰啲 PA 係粵語 (同普通話) 咪唔駛煩囉，做乜搭 SQ 呀。仲有的，派餐時 Crew 問「You want beef brisket noodle or baked fish」，竟然有學生疑似唔識聽而 Crew 要「轉台」「想要牛腩麵定焗魚呀」。不單進一步證明「唔識英文做乜唔搭國泰而搭星航」並非 Emotional 發爛咋，更證明當前香港嘅英語教學差到「超乎想像」。

再「上綱上線」講，就是從保安檢查到候機室再到機上的事，已清楚反映小學生缺乏自我照顧能力，校方咁就帶佢哋去新加坡，係咪過份咗少少呢！甚至只係小學六年級生客觀地自我保護能力係零，雖然新加坡嘅治安尚算可以，但幾個教師帶住幾十個學生，真係可以保證到佢哋安全？我唔知團費係邊個出，但好清楚見到就算無發生「調位」事件，成個團根本就超錯。或者咁講，依家香港嘅教育制度之荒謬，就是呢啲荒謬嘅所謂遊學團嘅始作俑者。

我唔需要鄒秉恩校長作出任何交代，亦唔駛要嗰位 (如確認係) 教師嘅男子道歉，校方打算點處理佢同學生與我無關。但亦當然不排除係小弟殺錯良民，願意收回本文及公開道歉。同時地姑且「看得自己那麼高」，貴校唔好打算邀請我到臨演講，那管是「今次事件嘅教訓」以至新加坡 (政治以外) 嘅題材。

小弟旨在講出件事，提醒全香港為人師表的注意自己嘅言行，與及要求各辦學團體認真反省呢類「遊學團」係咪有必要，同埋唔該從學生嘅安全角度去考慮並顧及其他人嘅感受。

返回主頁

巴士模型炒家真係應該死全家

小弟係有儲開巴士模型，但唔係盲目的出乜買乜。一來雖然住處尚算「有地方」，但終歸都存在「土地問題」；二來「出乜買乜」遲早破產，有錢都唔係咁使法。

人好難唔回望過去。曾經窮到燶嘅日子，有唔少巴士模型推出結果買唔到。近一兩年財政稍為正常，自不然想「尋回昔日失去的」。在 Yahoo 拍賣或有人在 Facebook 設立的銷售群組，都能成功尋得心頭好。

小弟明白「限量發行」呢四個字就會衍生炒買，過去一貫立場已經唔堅持「折舊率」不該高於原價，只要並非天價，例如「新貨」$438而賣家開價唔過 $500，我都費時講價 (有响 Facebook 買賣 Group 同我交易過嘅都知。無失實陳述囉)。至於 Yahoo 拍賣就真係膽搏膽，一來「賣家開分身A/C」托價已成常態，二來 Yahoo 啲買賣雙方聯絡機制真係廢到一個點。仲有買家/賣家失蹤耐唔時發生，向 Yahoo 投訴咩？客服只叫你「俾負評」，即係投訴嚟都無用。

上個月响 Yahoo 拍賣見到部九巴「圓頂寶」，叫價在「射程範圍」好自然就出價。得 Bid 之後亦當然按照賣家指示「三日內聯絡交收」，但結果賣家玩失蹤。


坦白講，我都知，成交價真係超筍價；賣家嚟講就是賤價，炒家更是「跳樓(都唔掂嘅)價」。但所謂「自由市場」就係願者上釣、打死無怨，係咪咁講先。

再者，撇開「模型唔係拎嚟炒賣」呢啲懶係崇高嘅立場唔講，就是股票行、基金佬賣廣告都要加註腳

投資涉及風險，股票或基金價格可升可跌，投資者可能損失全部投資產品價值

你要炒係一件事，包賺架???

追咗幾日都潛水，就是連向 Yahoo 投訴都無用，度氣真係頂住。再者，賣家唔想賤價而沽，咪即管出聲囉，就算最終都係「負評」，總好過Lost deal 無得套現吖，再又係咪咁講先?!!

卒之「公器私用」的追殺買家，本來打算都係出咗道氣就算。點知「佢唔好彩」有人路見不平向小弟報料


小弟一 click 個Facebook Account link，即刻爆粗。

架「平頂寶」標炒價我都算 (姑且「自由市場」願者上釣，我心甘命抵)，而係呢條友慌死我走佢數，死催爛催，仲要鬧人。交收時間地點只有就X晒佢，好似得佢啲時間好寶貴嗰隻。我做緊嘢接唔到佢Call就發癲：


(要食花生可Click 圖放大慢慢睇)

收到報料之後我 PM 問佢，仲要算係好客氣嗰隻，問佢係咪當事人而無一口咬定係佢，叫做俾位佢 / 鋪下台階


結果，只讀不回！

報料人提及呢條仆街炒家係會出動埋老母「掃貨」，擺明炒家一件。又再次撇開「模型唔係拎嚟炒賣」呢啲懶係崇高嘅立場唔講，我忍你。但Quote 多一次股票行、基金佬賣廣告要加嘅註腳「投資涉及風險，股票或基金價格可升可跌，投資者可能損失全部投資產品價值」。保證賺架？炒燶咗唔駛負責架？

當日你追我交收架平頂寶就天大道理 (仲幾乎屌我老母)，我追你交收就玩潛水。俾晒機會你都唔應機，咁就只好公開你啲仆街事囉。你咪怪人，亦唔好怪「踩中我」，要怪就怪你自己心術不正得惹人反感而有人報料俾我。

後記：
1. 不論Facebook 定 Yahoo 拍賣都可以開分身掩人耳目，大家小心！
2. 姑且「左翼」(Not 左膠)一點，模型係收藏品，的確「有價有市」。但全心炒買，真係唔值得鼓勵。仲要出動埋老母，真係老土嗰句「有爺生、無乸教」
3. 如有同款巴士模型想出售可以聯絡我，真金白銀 $580 同你要咗佢。

返回主頁

香港人無謂再為港燦嘥精神，走啦

呢個星期好多人在講 Dunkirk 呢套電影，你一言我一語係咁講，一係話睇唔明，一係就扮晒明咁話「撤退就促成希特拉佔據成個歐洲」，然後話英國佬廢柴云云。小弟就未去睇 (亦應該抽唔到時間去睇)，亦未曾好深入了解呢段歷史，但就知道如果當日英法兩國唔決定保留實力，同納粹黨硬碰，就只會出現同歸於盡嘅後果，唔好話「登陸諾曼第」好大可能唔會發生，希特拉嘅暴行起碼可以持續多十年八載。

《孫子兵法》作戰第二 ── 夫鈍兵挫銳，屈力殫貨，則諸侯乘其弊而起，雖有智者，不能善其後矣。
又軍形第四 ── 見勝不過衆人之所知，非善之善者也；戰勝而天下曰善，非善之善者也。故舉秋毫不為多力，見日月不為明目，聞雷霆不為聰耳。
可見大撤退絕對係必須。若再事後孔明的去睇，真的要不是有大撤退，也好難三年多後就可以攻堅希特拉。

認識小弟好幾年的話，都會知道以往我唔會鼓勵人離開香港，甚至鄙視提出移民打算嘅人，因為我認為香港係你同我都有份，出咗事就應該大家一齊去救。但自2012年689暴政以來，政治環境以至社會秩序的確急速變壞，支那共匪當然係責任所在，但所謂「一隻手掌拍唔響」，一眾港燦們在過去最少五年嘅表現，亦是難辭其咎。

從最高層次嘅政治問題開始講。支那共匪同689暴君確實做咗唔少摧毀一國兩制 (最原來版本) 的運作，尤其是法治制度方面，造成的唔只是六名立法會議員被褫奪議席，亦唔只是很多宗可理解成政治檢控事件，而係因為法律制度形成嘅制度同保障，即俗謂「遊戲規則」變得蕩然無存，使社會運作上人與人之間嘅互信消失。

另一方面，支那共匪同689暴君與及大堆親共政客利用其權力，與及同支那共匪高層的關連，塑造出一種「只要親近權貴就萬事大吉」嘅意識形態，就催生到社會上普遍存在相類似的價值觀，再衍生出「唔得罪政府就唔會有問題」嘅思維。呢種思想就將王宛之名句 ── 我討厭政治，更推上一層樓。使港燦們更加確信「我唔理政治」係絕對正確嘅做人態度，「唔好同我講政治」變成順口開河。於是乎無論發生乜嘢社會議題，就算有幾切身利益、甚至是利益得有幾就在眼前都好，港燦們都只會「唔掂政治咪乜事都無囉」嘅態度。所以無論政改又好、特首選舉又好、高鐵一地兩檢又好，港燦都係擺出一副Who Fucking Cares 嘅咀臉出來。甚至乎游蕙禎MP被DQ一事，港燦就是「無人叫佢辣慶『阿爺』喎」而認為佢抵死，完全唔理689暴君、袁匪國強等仆街到底有幾打橫嚟。

落一個層次嘅政府運作方面嘅問題，港燦同樣地「我討厭政治」嘅態度，再唔係就是「親近權貴就萬事大吉」衍生出來純粹利益角度去看待。例如小弟跟進得最貼嘅公共交通策略研究議題，尤其是小巴加座位，十個港燦十一個只係認為「幫馬亞木身家上漲之嘛」。莫講話無視整個社會到底有何得益咁宏闊，就連最基本日日要搭小巴嘅市民受惠都唔當乜嘢一回事。覺得18又好19又好20又好，加咗咪得囉！甚至是小弟掘出嚟嘅豐田霸權問題，會有人認為我「收咗三菱錢之嘛」，全無「地球上造小巴的車廠唔只得豐田同三菱」嘅視野，完全井底蛙一大堆。

又或是社會最關注的住屋問題。港燦一日到黑只係諗住買樓買樓買樓，地產霸權起埋啲百零呎嘅單位，仍舊只顧狗衝。連呢啲細到都唔係人住嘅單位都買唔起嘅就批評「不思上進嘅廢青」；撇除何匪喜華、施匪麗姍瘋狂幫支那蝗蟲恩恤上樓嘅仆街事，政府話起多啲公屋又話養懶人，申請公屋資格到底有幾唔合理，港燦就完全闊佬懶理。自私自利、自以為是嘅態度完全表露無遺。

衍生出再落到最底層的民生問題。涉及到日常生活的理應有切膚之痛，但港燦依然可以麻木。例如屋邨茶餐廳可以貴過出面街，領匯趕絕小商戶，士多執晒得返7仔OK，一罐汽水貴2蚊，除咗呻「可以點唧，唔駛食咩」之外，就係「政府話點就點架啦，有得反抗咩」。唔好話反抗意志係零，就是何謂據理力爭之念都係無，完全任由港共傀儡政權宰割。但都未夠荒謬。

港鐵壞車，港燦們除咗怨兩句之外，完全承受港共傀儡政權洗腦灌輸「鐵路是萬能」嘅思想，忘記晒巴士、小巴、渡輪嘅存在，壞地鐵要轉搭其他交通工具時就如電影 Madagascar ~ 香港譯名「荒失失奇兵」。但交通擠塞導致巴士、專線小巴失誤就瘋狂投訴，又大大聲講「話咗搭地鐵架啦」，忘記晒港鐵壞車時到底有幾呢迤。

或是每當港鐵加價，港燦又是除咗怨同呻「又加呀，好貴呀」之外，就依舊日日進貢鐵路霸權；巴士加價就喊晒鬼話「咁去搭地鐵咯」，專線小巴加價就更加屌晒老母，連小巴公司講明「係要嚟加人工，改善人手荒」仍舊鬧爆，甚至話「你要出糧俾司機係你嘅事，唔好响我個袋度攞多一分錢」。自私自利之餘更見到港燦就是雙重標準。

推返上一個層次嘅社會價值觀問題。教育制度除咗支那共匪洗腦大計之外，乜嘢校本條例、中小學派位制度、收生不足殺校等等，根本就是配合考試測驗 (撇除只是統監府搵錢大計嘅TSA) 建立「弱肉強食」嘅教育環境，但港燦怪獸家長就只會由「贏在射精前」開始，迫啲細路日操夜操，話之佢跳樓都話「燒啲練習等你做死佢」咁變態。一係就思量如何送仔女出國留學，但對人前表面在說「為仔女打算」，實為向姨媽姑爹隔離屋乜師奶炫耀「有錢供個仔女去外國」。唔單只見到港燦腦袋是如何不仁，更見「凡事向錢看」嘅態度。

港燦在意識形勢上之所以盲目的「順服政權」，除咗小農奴隸基因「民不與官鬥，富不與官爭」之外，就衍生出另一個最大嘅問題就係是非不分。接收新聞資訊渠道只有CCTVB，唔好話無晒國際視野，聚焦於香港新聞事件，莫講話了解事件的始末來龍去脈咁艱深，單係「一個銅幣有兩面」咁簡單嘅道理 ── 事件嘅另一面，全無 intention 去求證，繼而從「政府乜都啱」嘅小農思維，同埋「我討厭政治」，認定一切同政府「作對」都係超錯。

港燦最留意新聞莫過於「C疊」── 娛樂新聞。但唔係睇一套電影、電視劇、一首歌、一張CD專輯有何值得欣賞之處，十居其九只係「欣賞」女星出Show件衫低胸到幾乎見到LIN頭、走光條底褲乜嘢顏色；又或哪兩個男女藝人「返香閨第二朝先走人」......

香港已經爛到咁嘅地步，好少少講「要醫返好都有排」，甚至可能係「醫返都嘥藥費」，仲可以做啲乜？或者你仲有所堅持，這是好事，值得支持。但與其留低只係被港燦潰爛嘅腦袋、腐臭嘅思想消磨時間同意志，倒不如承繼 Dunkirk 嘅思維，留下有用之驅，等他日真正可以為香港做事嘅時候先至付出可以有成果嘅努力。但當然，要遠走他方必定要思量「食飯」問題。而如果解決到的話，走啦。BNO的堅係去歐洲，尤其是德國、荷蘭、西班牙。

後記：
1. 坦白講，如果外國有Offer，我係會帶埋幾隻貓走；
2. 唔少朋友問我「點解近呢一兩年咁靜」，我除咗講呢篇文所講嘅事之外，仲會講「我繼續做嘢唔係為咗『救』，只為有立此存照以使他日當我『又開口中』之時就『癲佬正傳mode』四周圍鬧人」

延伸閱讀
真係有少少想留响砂朥越唔返香港

返回主頁