極端伊斯蘭主義散播危及全球安全

菲律賓南部爆發伊斯蘭國 (ISIS) 恐襲，意味呢股借伊斯蘭教搞恐怖主義活動火燄已正式蔓延至亞洲遠東地區。加埋印尼椰加達前任省長鍾萬學被班伊斯蘭痴線佬搞到入獄，仲有外界無為意馬來西亞其實已淪為ISIS溫床 (主要响吉蘭丹州)，係時候了解一下呢種溫和啲叫做「極端伊斯蘭主義」實情係「宗教痴線佬恐怖主義係乜嘢一回事。

普遍港人對「極端伊斯蘭主義」嘅印象離不開 Bin Laden、塔利班，或近期嘅伊斯蘭國 (ISIS)；又或者同恐怖主義作直接掛鈎。而稍為認真研究，會發現到有一個共通點兼源頭思想，所指的是「政教合一」。

講到「政教合一」，大多數人嘅即時思想反應，就是伊朗、沙地阿拉伯等中東國家。其實响遠東實行伊斯蘭政教合一嘅國家，就有汶萊。另外，馬來西亞近兩年在伊斯蘭黨鼓吹、巫統火上加油不斷玩，亦朝住政教合一嘅方向走。

「政教合一」有一個學術性質嘅叫法，稱為「神權政治」。神權政治顧名思義就係將宗教教義融入於政府管治，情況就如中世紀到神聖羅馬帝國咁。只不過伊斯蘭政教合一係以回教信仰為基礎。

响政治權力實施嘅層次嚟講，政教合一不過是統治者凡事藉宗教為名去做事。但以相反角度去睇，某程度上係管治者無能嘅表現。此話何解？有乜想做就撻真主朵，有乜唔妥就賴真主。例如沙地、伊朗、阿富汗立法規定女性出街一定要包頭，或禁止女性做呢樣做嗰樣(例如沙地禁止女性揸車)，就是「撻真主朵」；或例如前文《強烈支持馬來西亞政府驅逐所有華人出境促成政教合一政體》提過，大馬伊斯蘭黨同巫統就有人認為「馬來西亞社會及經濟狀況一直落後，是因為國內信徒對真主不夠真誠」，就是「賴落真主身上」。好使好用到唔駛用腦就能管治國家！

就係好使好用到咁，兼夾可以藉宗教之名控制人民嘅思想，所以絕大部份回教國家嘅統治者唔捨得放手。但無奈地面對全球化，回教國家都在面對文化方面嘅衝擊同挑戰。應付嘅方法不外乎「抵抗」，保守的就是實施有如鎖國嘅國策，例如伊朗、阿富汗；激進的當然就是向外擴張，塔利班、ISIS 當然就是例子。

值得留意的是，Bin Laden 本身是沙地皇室成員，而一直有說法是佢背判離皇室而出走。另外，國際上一直有傳塔利班、ISIS 幕後金主是沙地皇室，即是拉登有可能係執行家族任務。只是至今未有實質證據證明。但從馬來西亞近幾年嘅政局走向，多少會搵到一啲端倪。

首相納吉嘅貪污醜聞出晒名，其中 1MBD 涉及USD 26億嘅黑錢，同時揭發最大捐款來自沙地皇室持有的石油公司PetroSaudi，金額高達USD 10億。另一個比較明顯訊嘅的事件，就是馬來西亞麥當奴响舊年12月由沙地阿拉伯的Lionhorn集團全面收購，之後就發生「生日會帶蛋糕要Halal」的鬧劇。呢兩件事反映馬來西亞同沙地阿拉伯在搞甚麼？又同「極端伊斯蘭主義」以至恐怖主義有何關連？

納吉要錢，沙地皇室又俾到，正宗「姣婆遇上脂粉客」嘅棋局；而另一個因素就是支那共匪嘅水源近乎枯竭，支爆除咗必然「斷水」之外亦會因為整個清洗共匪黑錢嘅操作曝光，納吉既要錢之餘，亦要為著草做準備 ── 當支爆之後佢响遠東區無地可藏，美帝走狗為首嘅西方列強亦唔容許佢藏身。就算沙地目前牌面同美國關係良好，斷估都唔會出賣納吉。

但沙地皇室有何動機要「幫」納吉？中東嘅神權政治堡壘已逐步被包圍，伊朗受國際經濟制裁同不斷有「脫伊者」大爆伊朗社會同政治黑幕，統治者嘅地位已呈外強中乾；科威特因為美國擊退伊拉克入侵而親美，連同卡塔爾、阿布扎比、阿曼等偏向世俗化道路。加上伊拉克隨Saddam Hussein倒台而神權政治被擊潰，連埋以色列，美帝打開咗兩個針對沙地嘅戰略缺口。要抵抗美帝走狗嘅統戰，一方面就要拎真主做擋箭牌堅守陣地，另一方面當然就要向外擴展勢力。在論到馬來西亞之前，可以見到國際上有認為沙地皇室就是 ISIS 幕後金主唔係生安白砌，至少可以睇到 ISIS 主要盤據敘利亞同伊拉克西北部就是制衡伊拉克呢隻美帝棋子。

沙地皇室選擇馬來西亞做新據點，一來當然因為石油資源，二來就是巫統一直以來玩到出神入化嘅沙文主義 / 種族主義，與及伊斯蘭黨保守派在精神領袖聶阿茲 (Nik Abdul Aziz)離世後勢力抬頭，大力推動政教合一。

石油資源除咗因為錢之外，見伊朗遭石油禁運而焗住偷偷摸摸勾結俄羅斯同土耳其但都俾人「撳價」，經濟毫無起色，沙地皇室自不然要謀一個能夠突破封鎖嘅後著。而推動政教合一，就是拓展神權政治呢味嘢嘅勢力範圍。目的就是萬一美帝走狗等西方列強因為政治同宗教問題，尤其是涉及女性嘅人權問題最容易出事，同沙地皇室反枱，最起碼有一個响遠東區嘅附庸國做談判籌碼。

納吉恨錢恨到發燒，伊斯蘭黨又宗教主義上晒腦，就做盡好多有如推銷向沙地皇室示好嘅事情。「355法案」就是要讓沙地皇室睇到佢哋嘅宗教主張逐步同沙地睇齊，麥當奴賣俾沙地，換錢之餘，就是有如支那共匪控制香港經濟命脈咁由最低層開始俾沙地「揸莊」。

但馬來西亞政局在宗教方面最恐怖的並唔只巫統同伊黨夾埋玩呢啲神權政治操作，而係國際上一直有傳伊斯蘭黨根據地吉蘭丹州已有大量ISIS成員聚居，等待時機發動有如菲律賓棉蘭老島甚至是敘利亞模式的「武裝起義」。吉蘭丹州既是產油州份，可以見到 ISIS 以至其幕後金主嘅盤算到底有幾危險同瘋狂。而最痴線嘅就係有大馬嘅朋友同我講，啲疑似 ISIS成員响吉蘭丹州內係行動自如，即係伊斯蘭黨容讓甚至是縱容 ISIS 盤據。若果消息屬實的話，即是伊黨班宗教上腦嘅痴線佬擺明車馬「兩手準備」，要是循正途嘅政治操作唔能夠將馬來西亞伊斯蘭化，就用非常手段用暴力、恐怖活動等有如1979年伊朗革命咁將馬來西亞落實政教合一。這亦某程度上解釋到點解新加坡政府近兩年不斷強調要為反恐做足充份準備，就是因為班恐怖份子响正隔籬。

呢件事造成嘅國際危機唔單只影響東南亞，如果沙地皇室夾埋巫統同伊黨嘅計劃成功，沙地皇室為保自家以神權政治嘅權力同地位，必定照版煮碗响其他國家，尤其是有石油、天然氣等資源嘅國家，那管是瑞典、挪威等都隨時出事。

既然 ISIS 後面就是沙地皇室嘅可能性存在，又睇到馬來西亞嘅政局又同沙地皇室有關嘅跡象，要是美帝走狗等西方列強向沙地阿拉伯開拖，就算將沙地皇室抄家滅族，都真係唔需要可憐佢哋。或者啲凡美帝就反嘅左賊到時都會出嚟柒，但到時就問下佢哋「沙地女性如果被強姦係會被控告誘使與非丈夫男性性交罪」，仲係咪要鬧美帝走狗可恥吖！

返回主頁

有生育無性慾，咪要HJ2Q

個「HJ2Q 賓周都損」嘅 Whatsapp 截圖，最多人抦嘅兩個角度就是「影響細路」，同指摘個爸爸係滾友。兩者其實都係泛道德主義上腦。港燦就係唔會有無其他角度去思考或批判，這是今時今日香港嘅悲哀之處。

無錯，個爸爸好明顯該是同班有去揼邪骨嘅「損友」Whatsapp 點知 Send 錯 Group 而出事；亦無錯，呢啲所謂傷風敗德嘅事唔應該俾細路知，更唔應該「禍及」小朋友。但要是啲細路問父母佢點出世，啲家長又支吾以對、怕怕羞羞唔敢講呀?!

先理解甚麼是 HJ2Q。是「邪骨」的一種服務，據悉又是來自神州炮兵團主要「戰場」 ~ 支那匪區廣東省東莞市。出現呢種服務嘅真正因由無從稽考。要知道男人射精後有一段空窗期，心理同生理狀態唔容易出第二次。心理或可以透過挑逗進入「備戰」，但生理就涉及個人體能等有關。或者經營者睇到呢種男性渴望展示性威力嘅思想，於是乎就提供呢種服務出嚟。

不斷講「唔道德」去批評，都無法迴避人類與生俱來就是有性慾。但可有想過點解總會有人去揼骨「出火」解決性慾？又或者揼骨就係咪一定要「出火」先？

須知道當下耶撚當道，而耶教响殖民主義嘅角色就是充當道德判官。不單搞到今時今日好多父母仲係羞於同仔女講佢哋點出現於呢個世界，仲搞到好多夫婦仍舊視性愛為污穢事。莫說話同人講 (包括醫生)，就是夫妻之間都唔會有好多討論「點樣做得開心啲」。甚至小弟所知，仲有唔少夫婦响心態上只為「交差」而造愛，又或以達成小農奴隸基因之「不孝有三，無後為大」看待。

或者咁講，唔係同個爸爸以至佢啲「老友」辯護，打飛機「出火」可能係一種响釋放性慾同所謂道德之間嘅一個「平衡點」，至少使男人認為「無插過老婆以外嘅女人」姑且可以响心理上好過少少。

集中講 HJ 呢樣嘢，針對呢件事又有一個講法是「結咗婚仲要搵人用手，真係無陰功」。但就是一條問題：撇除係咪用自己雙手，是咪結咗婚就唔可以用手先？舉個最簡單嘅情況，老婆嚟緊M，老公又「色心起」，太太用手幫丈夫「出火」係咪犯法吖?? 難道就是為咗小農奴隸基因之「不孝有三，無後為大」，要留返啲精响嚟完 M 之後第三至第七日 (排卵期) 「完成使命」，所以要保留彈藥呢？

再深入少少講，夫妻嘅性愛係咪除咗啫啫插入鮑鮑之外唔可以有其他「活動」方式先？講到尾，以上呢啲想法，除咗小農奴隸基因之「不孝有三，無後為大」之外，真係搵唔到其他嘅解釋。

Handjob 對不論男女都係一種other than 性交嘅體驗同情感交流。男人享受老婆/女友嘅「服務」是當然的，但若只看到這點又不過是所謂父權主義思維。女人為所愛嘅男人提供「服務」時，因為手握「命根」可說是一種支配男性嘅心理，當chok「出嘢」(唔計早洩)嘅時候多少都會有一種「成功感」。呢啲想法相信又是好多人忽略。

甚至再講得 (道德撚mode)「露骨」啲，女性用手响 chok 嘅過程中俾到男性嘅肉體感受，除咗同性交唔同之外，有謂 Sensual 定係 Erotic 嘅感覺係操控响女性手上，「玩法」變化萬千。由最基本嘅就咁「出火」，到Fendom Handjob；有本事嘅真係HJ2Q，或者 Post Orgasm Torture 夠晒刺激..... 但最起碼俾男人有唔同嘅體驗，而呢啲體驗 if from wife or girlfriend，有 other than piston motion 嘅「活動」。女性如果懂得當中嘅奧妙，自然地男人就會覺得「還是屋企個女人好玩」囉。呢個道理就正如好耐無公開蒲頭嘅連綺嵐曾講過「屋企食得飽又覺得好食，就唔會有打算出去搵食」。咁食唔飽又或者覺得唔好食，咪要出去「尋找野花」囉。

但支那共匪有如葡國佬响非洲殖民期間咁，以耶撚作道德判官建構嘅泛道德主義當道，呢啲「新聞」無可能無日無之架喇。

延伸閱讀
總係要為咗女人對奶拗餐飽
前世未見過女人個胸咩
夏天為大地帶來......
所謂「愛家」，都係小農DNA發作
像天堂的懸崖 ─ 情與慾抉擇

返回主頁

鼠王芬保飯碗都唔好咁肉酸

海濱南岸業委會阻撓紅磡愛景街開辦新小巴線及設立總站嘅醜聞爆出，雖則七個業委會成員除咗一個李興廉好大可疑之外 (佢FB 幾乎無做 Privacy setting 睇到同好多工賊、教聯會嘅人合照)，另外六件到底同鼠王芬有何關係，客觀上仲未夠實在證據。不過件事賴晒落鼠王芬到，睇返2015年區議會選舉，並非毫無理據，仲係有跡可尋。




黃埔東游蕙禎MP 僅以304票敗於梁美芬，可謂當時全城焦點。但更值得留意嘅係鄺葆賢以39票險勝鼠王芬條𡃁，背後有一件熟悉當區嘅人都知嘅醜惡事。

話說劉偉榮同海濱南岸業委會關係緊密，响區議會選舉期間夾埋業委會玩「封村」，唔俾鄺葆賢競選團隊進入屋苑範圍進行任何選舉活動。莫講話家訪、洗樓、開街站，連「插信箱」都唔俾鄺醫生入去。但劉偉榮就可以响屋苑內通行無阻，甚至可謂橫行無忌。但就是「封村」劉偉榮都輸，試問如果新小巴線成功開辦，咁即係鄺葆賢多一個政績 (舊年已成功爭取連接愛景街及黃埔花園四期行人天橋加建升降機)，劉偉榮仲駛返去?? 又或者鼠王芬或統監府仲點搵新人落去？

走返去黃埔東。跟據多條天線，2015年9月22日大約1900後，統監府透過希師奶「吹雞」黃埔花園十期及十二期「紀律部隊宿舍」倒票俾鼠王芬，票數約400-500票...... 所以鼠王芬根本只係險勝游蕙禎MP。但今年特首選舉希師拉連提名都攞唔夠數而同統監府反大枱，即係2019年時老鼠芬就最少無咗呢400-500票。若果游蕙禎MP到時「二次滅鼠行動」，姑勿論阿葆到時會否爭取連任，但鄺醫生嘅成績有目共睹嘅時候，鼠王芬隨時係咁先。

但相反地，只要落實黃子華嘅魚蛋理論 ── 唔俾鄺葆賢再有任何政績，鼠王芬點懶西唔做嘢，話之地鐵恢復路面工程如何遲滯兼亂糟糟，都唔駛咁大威脅(佢咁諗，但黃埔村民應該唔係咁諗)。所以，姑且就以李興廉一竹篙打晒一船人扣帽子於其餘六個業委，就千方百計扭盡六壬阻止小巴線開辦，順便方便一眾自撚私「有錢買車、無錢泊車」嘅大種乞兒，嚟個變相蛇齋餅糉。

順便講，响交通規劃角度，公共交通服務一定優先於私家車。而海濱南岸依家嘅公共交通服務除咗的士，就只得一條6X專線小巴出尖沙咀 (13號專線去九龍城有等於無)，根本完全需要有新嘅公共交通服務，哪管是小巴或巴士。所以呢班人嘅反對係完全唔合理；撇除政治考慮，為保「鳩泊」更加之荒天下之大謬。總之呢班業委一定要鏟除，而擴大到成個黃埔花園，唔鏟除梁美芬亦唔會有好日子過。

返回主頁

張曉明放狗亂咬人，就同你開大拖

小弟從來對付五毛黨毫不留手，响 FACEBOOK 搗亂必定玩大屠殺，REPORT 到佢被封A/C 係成日做，只是我做咗係唔會出聲咁解。

一單C919 飛機攞唔到FAA適航證，搞到支那共匪扎扎跳。小弟仲用中國旅遊巴士踩多腳恥笑佢哋


搞到連張曉明透過周融、陳廣文之流揸莊嘅一堆流氓都走嚟我度搗亂搞事。繼續使出渾身解數隊爆佢哋，都仲要繼續挑機。

只是越玩越過份，五毛黨知名人物，前港共公安吳四海竟然翻出支那共匪呢幾年嚟相當忌諱嘅事情 ── 南洋愛國僑胞


呢段臭史，我大大話話講咗4-5年，詳情可讀2013年9月23日《蘋果日報》刊登小弟撰文〈由馬共歷史看中共〉。當中重點提到：

借反殖之名推動共產主義是南洋（星、馬、印）共產運動的主要戰軸，而且得到廣泛支持，的確與當時英國在馬來亞、海峽殖民地（即新加坡、馬六甲和檳城）和婆羅洲的管治又相當不堪，只求利益罔顧社會需要有關。但另一方面，中共支援馬共與及印尼共產黨外，並透過這些組織宣揚共產主義下借華人對身份認同問題進行招攬「回國建設偉大社會主義祖國」，數以十萬計南洋華人，尤其是年輕人，不顧家人反對下「回國」，筆者父母就是當中的分子。可是後來又基於「南洋僑胞」身份成為地主、資本家、知識分子以外的中共主要批鬥對象，下放華僑農場上山下鄉，甚至在大躍進、文革的受到慘烈批鬥；或是「幸運地」或被驅逐離境，但礙於大馬國籍已遭褫奪，結果只能流落香港度過餘生。這便是香港社會有不少南洋華人和後裔的原因。

呢4-5年以嚟，不論共匪治區北平中南海，或是干諾道西160號統監府，一見我拎返呢段歷史出嚟，就通通龜縮。原因係呢段响70年前嘅歷史印證住支那共匪對南洋僑胞嘅惡毒手段，共匪們根本無可能應付。當中嘅因素仲包括「黃皮膚黑頭髮就是中國人」嘅論述，完全失效。

但到如今，周融、陳廣文之下嘅呢堆共匪流氓，連呢段歷史都夠膽咁玩，仲要Exactly the same as 當年毛匪嘅論述 ── 本質本純。引證住一係張匪曉明死到臨頭，暴走式落柯打叫周融、陳廣文呢堆仆街玩盡佢；一係就是周融、陳廣文呢堆共匪收唔到錢，不惜拎共匪主子最大忌諱嚟要脅張匪曉明，以至最高頭目江澤民攞錢用。以支那共匪嘅歷史嚟睇，兩樣是但中一樣。

玩到咁過份嘅後果唔只得罪我同一啲已經清楚「南洋愛國僑胞」歷史嘅人，仲有係呢段歷史本來呢4-5年整個社會無乜人理，依家就隨時嚟個大爆發。張匪曉明好自為之！

延伸閱讀
張曉明操盤操出大頭佛
江澤民隨時俾納吉累死
張曉明仲唔縮就等上刑場
封殺柴油私家車為益油公司，亦係為皇冠車行

返回主頁

血庫告急又如何??

近幾年，紅十字會成日都話血庫告急，呼籲市民前往捐血，我聽到有點麻木之餘，會諗起點解97前無幾可聽到呢？原因唔係諗搞出關公災難嘅支那共匪攞血用，而係捐血人次係咪少咗。

雖然2015年統計捐血人次26萬，比2011年23萬上升13%，但2011年香港人口707萬，2015年730萬，上升幅度3.25%。中間10% 落差已經好大個問號。


2011年年齡中位數係的41.7歲，2016年44.4歲。人口老化確實增加醫療輸血需求，但點都無可能超過人口增長 VS. 捐血人次落差嘅嗰10%。

單係呢兩個數字，紅十字會真係唔好怪人質疑又係支那蝗蟲共匪導致的。

港共傀儡政權推廣「旅遊醫療」係咪成因之一，不論紅十字會、各大私家醫院必定打死都唔會認。但醫療服務不論公營定私家，首要任務就係應付本地人嘅醫療需要係無容爭拗嘅事實。有剩餘資源先至搵外國人錢，呢個放諸天下皆準嘅道理。

「旅遊醫療」呢樣嘢响外國唔係新鮮事物，美國、加拿大搞咗好N年；近十幾年，新加坡同台灣都大行其道。小弟早幾年鼻頭生到一舊舊，都係去咗台北台大醫院做手術。台大醫院亦設立一個國際醫療部，專門招呼外國人嘅醫療查詢同安排應診、手術等事。但台北人有無屌鳩我呢類「佔用當地醫療資源」吖? 無囉，仲好歡迎添。台灣人仲認為我哋呢啲「客仔」俾全費接受治療，變相幫助醫院嘅財政，減輕佢哋以至政府嘅醫療財政負擔。但最大前題就係外籍「客人」無分薄本地人嘅醫療資源、無影響到本地人嘅就醫。

另一個要留意有關捐血人次嘅數據，就係30歲以下嘅捐血者比例持續減少，16-20歲更下跌超過一半。呢個唔單只係同人口老化有關嘅趨勢危機，仲有係點解後生嘅人唔捐血，好值得深思。

我唔認為成因唔係「政治化」咁講嘅本土主張，而係要留意捐血嘅條件之一就係唔可以病，就算傷風感冒完咗最少6星期無服用過藥物先可以捐。但當今有如奴隸制度社會，無償OT變得老馮，一個二個「廢青」身體變差而動不動就傷風感冒，點去捐呀？而「奴隸化」嘅社會狀況，又係支那共匪殖民手段。可以見到血庫告急問題，唔單純係支那蝗蟲享用本港醫療嘅問題，更是共匪殖民造成嘅長遠危機。

人命的確無價，但支那蝗蟲享用本港醫療嘅「疑團」一日唔扑散，減低需求；又一日唔改善本港就業「奴隸化」嘅問題，供應就遲早出事。故此，呢一刻真係情願「草菅人命」搞出大危機，否則「奴隸化」繼續落去遲早都會搞出大件事。

返回主頁

港共莫怪香港人嚮往新加坡的生活條件

1973年落成的大巴窯 Toa Payoh Spring 組屋 (Blk 202 - 204)。
間格主要是 3-room type (即香港的「兩房」)，實用面積81 - 87平方米。

港共傀儡政權常言道「要向新加坡學習」，共匪之意是以對李光耀管治的誤讀著港人屈從強權。但每當港人以新加坡人的生活環境反擊，共匪就「選擇性失明」。

根據新加坡《聯合早報》2011年11月26日報導，2009年新加坡公共房屋的人均居住面積是27平方米。相對香港房委會的「寬敞戶」訂義是 >15平方米，可見香港嘅住屋政策是何等侮辱港人。

尋日《聯合早報》報導，位於新加坡東北面、鄰近樟宜機場的白沙 (Pasir Ris) 將進行發展，興建2000個公營房屋 (組屋) 單位。



如果將之放諸於香港會係點？小弟以香港的情況將報導原文改寫：

新落成樓宇毗鄰九龍城寨公園，居民可使用天橋步行連接各物業基座的商場及港鐵啟德站。此外，九龍城迴旋處公園將進行大翻新，提供更多休憩設施。

市區重建局提出九龍城重建計劃，將介乎聯合道至沙埔道及賈炳達道至太子道西之間約20公頃範圍，以往受啟德機場航道高度限制的樓宇拆卸重建，預計提供最少35,000個住宅單位，當中包括約10,000個公屋單位將聯同房委會合作興建。

重建計劃將保留九龍城寨公園，及翻新九龍城迴旋處公園。居民只須步行約5分鐘就能到達，部份住宅可享有獅子山或遠眺鯉魚門景致。因此，以現時市值估計物業落成時呎價約35,000。

受到區內業權分散，啟德機場自1998年搬遷之後，一直難以將以往受啟德機場航道高度限制的樓宇進行重新發展，增加住屋供應；並且透過重新規劃設計，改善區內街道環境。

市建局指出，計劃將拆卸九龍城街市，由新建物業設有大型商場內的超市取代。另外考慮到現時區內的食肆特色，將籌劃「泰國街」開設各類型出售泰式美食店舖。

市建局預期用兩年時間進行收購，甚至必要時以官地收回條例收回業權。受影響的居民租戶將由房委會審核公屋申請資格，符合條件的將安排搬遷至港九各區公屋，業主亦會得到七年樓齡市值的收購賠償。

政務司司長張曉明認為計劃有助更新九龍城的社區環境，並提供更多住宅讓市民得以安居，呼籲居民及業主與市建局合作，以免計劃受到不必要的阻礙。

九龍城區議會歡迎市建局提出的計劃，另敦促政府盡快落實在附近的土瓜灣「十三街」等重建發展項目，使整個九龍城區能喚發新景象。

再對比返《聯合早報》報導原文，該清楚見到港共傀儡政權是如何的垃圾。共匪只圖港人屈從，但又唔俾香港人安居，簡直荒謬。

順帶一提，奉勸支那共匪咪再抽新加坡水，過去幾年小弟已經「見一鑊打一鑊」：
獅城50年國慶，港燦你識條毛咩
羞愧於新加坡真正原因
香港絕不可以變成新加坡
新加坡能　香港不能
新加坡的成功需要探究

延伸閱讀
立法會終於審「寬敞戶迫遷」政策
至於窮人住屋難嘅問題......
聲明 ～「最嚴重寬敞戶調遷」政策無助改善公屋供應，迫害公屋居民 招致迫遷表示不滿

返回主頁