古晉起輕軌，倒錢落咸水海貪污計劃

小弟家鄉砂朥越首都古晉打算興建輕軌捷運系統，年幾前開始吹風我已經話根本無必要，吹到今日當地報導州首長辦公室宣佈上馬，預計明年動工。三條路線全長254km，共67個車站，預算耗資108億馬幣 (折算約220億港紙)。我一望到呢條數就知擺明車馬係支那共匪嗰套「藉基建掠水」，堅想對巫統班 PKHKC 爆粗！

小弟以往確實多次寫過馬來西亞聯邦中央政府完全忽略砂朥越的社會基建發展，如今興建輕軌又舉腳反對，表面睇好矛盾，但睇咗古晉的基本資料，腦部構造及運作正常都必定睇到「無需要」呢三個字。

古晉 (包括馬當、西連、石隆門三個區/縣) 面積4,559平方公里，常住人口 (連同印尼外勞)約76萬，相當於人口密度只是175 per sq. km。香港輕鐵系統服務的屯門及元朗區，居住人口合共110萬 (香港政府2015年人口概況報告)，系統每日載客量約50萬人次，將港鐵 (HKEX: 00066) 財務報表分拆，輕鐵近乎無利潤甚至虧蝕。就是香港的地理及人口因素而有此財務狀況，古晉的輕鐵怎不會蝕到仆街！即使興建沒超支，108億零吉不是倒落咸水海無分別嗎！

我响 Medium 寫過我返到古晉的交通安排就是除了揸車以外沒有別的選擇，頂多得UBER。的士？全部只會响機場、中央車站 (Kuching Sentral。長途巴士站)、幾間大酒店門口「扎艇」等運到，唔會周街游兜客。巴士？古晉市區以往有巴士。除了現時的 Sarawak Transport Co. BHD (當地人簡稱STC)之外 (如置頂相片)，仲有一間小弟的七舅父(先母二哥)生前工作過的「晉連隆巴士」。


晉連隆主要經營市區內的路線，但响2009年執笠收檔，得返STC 去郊區，仲要一個鐘一班車，而且每班車頂盡十零個客。無政府補貼資助根本一樣執笠劏晒啲「古董」！

或者反過來講，古晉真的沒需要發展公共交通以至集體運輸系統嗎？唔好話人口未夠80萬而一望就知「預計2024年落成可服務近90萬8400人」根本吹水唔抹咀，古晉人口密度低到咁，而且就算市區內沒有完整的都市化城市規劃，住宅區、工商業區分散市區內每個角落，連巴士線規劃都唔知可以點設計。起輕軌仲唔係載空氣呀！單係呢一堆數據同觀點，已經1000000% 肯定輕軌起嚟是多鬼餘！

如果我再講埋下面「砂州眼 - My Sarawak」FB page 流出來的路線圖，


除咗綠線全部、藍線 SARAWAK STADIUM 至 SIGITIN、紅線 THE ISTHMUS 至 PENRISSEN 之間，其餘都係「鬼影都無隻」嘅地方 ── 唔係無人住，而係疏落得有如香港嘅上水蕉徑、河上鄉，即係有超過四成嘅服務範圍將會係「搵鬼搭」，仲唔係蝕到仆街嘅有力論證！

現州政府預計2034年服務人口將達190萬，啲人邊度嚟呀？雖然古晉無香港咁大生活壓力，普遍地三十歲前結婚又會生幾個細路，都無可能十年人口增長「翻兩翻」啦！支那共匪殖民過去呀？根據網民留言所指，唱好輕軌計劃的大多是巫統/國陣的支持者，已經有跡可尋。如果查埋《星洲日報》報導嗰堆承建商名單可會同支那共匪有關連，就會水落石出。

砂朥越確實亟需要發展基建，改善人民生活環境及推動經濟，但唔係要响古晉興建一條財務負擔無底深潭嘅輕軌。砂朥越最需要並可說最迫切的基建，首推南自古晉北至美里 (Miri) 編號AH150 公路進行升級工程，或重新規劃設計車速120km/h 以上嘅高速公路，同埋興建柏油路面公路至山區，改善山區土著嘅生活條件。100億馬幣應該唔夠，但起興軌就連呢筆錢都無埋。

若要再數就仲有一個「膠到無朋友」的事 ── 林夢 (Limbang) 都是砂朥越的城市，但要往來最近的美里或巫統為石油意圖「私有化」的民都魯 (Bintulu) 都要經過汶萊國境！


白痴都知應該興建一條新公路連接，但巫統班 PKHKC 半世紀以來就係唔做，剩係識得搶砂朥越啲石油，真係無得怪砂朥越人離心咁強。

後記：古晉老一輩應該知道爪哇街 (Lebuh Java) 以前的萬福碼頭，碼頭對面以前有一間咖啡店「惟安棧」就是小弟「祖家」。奉勸馬來西亞的「中國人」五毛別以為我只是「有家人在古晉」在充大頭而挑戰我。

返回主頁

佛家唔係乜都唔做等運到

復活節係基督教節日，講佛教好唔啱Channel。但呢期不斷有人 post 「佛系」抽水，去到氾濫成災嘅地步，有少少忍唔住要講兩句。

先此聲明，小弟並非信佛，亦沒有鑽研佛學，但聽聽埋埋唔少同佛學有關嘅嘢，加上「佛家」嘅哲理其實充斥响生活當中因而有所體會領悟而已。

無錯，佛家尚言道「緣」，但亦有普遍一般人聽過、以至常掛咀邊的「種善因得善果」、「天作孽尤可恕，自作孽不可活」等等的「佛偈」。稍會用腦的，都應該會知道佛家思想其中一個重點係「付出與收獲」。以香港人慣常中英夾雜嘅講法，即係 Give and take。所謂「緣」並不單是指「結果」會不會出現，還有「付出與收獲」形成的「因果」關係；但所謂「因果」並唔係 1+1=2 嘅道理。只不過因為「結果」未出現嘅時候只會係一個 unknown，因而會使人有 uncertainty 而有不安嘅感覺。再繼而因為呢種不安，不同嘅人就會有不同嘅態度與及行為。

以為「緣份」到就自然會得到結果，於是蹺埋雙手闊佬懶理，最終係得唔到想要嘅結果。呢個唔單只就是「因果」之理，英文諺語 No pain no gain 亦係咁嘅道理。或者世俗啲嘅講法，唔付出想有收獲是不可能的。已經Totally K.O. 嗰堆「佛系」posts。

或者走另一個極端去講，有人會為求達到目的不擇手段，得到想要嘅嗰件事情嘅結果。唔講乜嘢之後有報應嘅問題，响不擇手段嘅過程當中必定要勞心勞力以至付出金錢，已經係一種Give and take。

又最通常出現嘅情況就係一邊朝目標去做但內心忐忑不安，心大心細、十五十六、老鼠拉龜...... 藥石亂投而最終得唔到想要嘅結果，仲隨時搞到一鑊粥，相信好多人有咁嘅經歷。

引伸出嚟，所謂「緣」，唔係你最終會否得到個「結果」，而係响爭取個「結果」嘅過程當中，採取緊乜嘢態度，繼而因態度影響行為表現，使「結果」會係點樣出現。佛家修行看待「緣」，既不是「等運到」，更唔是「不擇手段」，而係覺悟 uncertainty is uncertainty 唔到你控制，明白 uncertainty 所產生的不安亦係必然，得處之泰然免得藥石亂投搞禍件事，即所謂平常心，或更「禪」的講法 ── 隨心而行。具體啲講就係唔好睇到目標結果天咁大，唔好一味諗住得唔到個結果就如「個天會冧落嚟」，以免影響咗自己嘅思緒而出現一個「亂」字。

另外要提，隨心而行嘅過程中，除咗要記得「唔好傷天害理」呢個最基本原則之外，亦要記住「凡事有代價」的定律。

要唔講「佛偈」咩，西方哲學亦有類似嘅思維，只是小弟少讀唔拋書包，頂多建議讀下卡耐基嘅書，雖然好重商業味道，但對於著重功利主義嘅香港人嚟講其實幾適合。

甚至乎基督教嘅教義都有類似嘅思想，例如最常講的「忘記背後，努力面前，向著標竿直跑。」(腓立比書3:13-14)。睇晒第三章的前文後理，保羅既表明自己知道有著「敵基督」嘅過去，因而知道自己當前應該要做乜；但亦知道自己嘅目標何在，而「若在甚麼事上、存別樣的心、上帝也必以此指示你們。然而我們到了甚麼地步、就當照著甚麼地步行」(3:15-16)。也就是相信上帝的安排然後隨心而行就能達成目標的意思。可謂同佛家的「緣」和「因果」同出一轍。

是故之，不論乜嘢信仰，唔好再抽乜嘢水「等緣份到而可等運到」，呢啲講法唔只侮辱佛教 (以至基督教等)，係簡直不負責任所為。

後記：耶撚唔好借勢批評我「一心不能藏二主」對基督教不敬，一切只是照事論事。再要串啲，成日講「上帝是全知全能，是無限的」，但又成日框限住上帝得一種形象，唔覺得好矛盾嘅咩！

返回主頁

孫安佐闖下彌天大禍

先啟：本文主要是給台灣的讀者朋友，所以文筆以國語為準則。敬請留意！

台灣藝人孫鵬和狄鶯的兒子孫安佐涉嫌宣言要在槍擊校園遭美國警方以「恐嚇威脅」拘捕和起訴，他就讀的 Bonner & Prendergast Catholic High School 也開除了他的學籍。而根據媒體最新消息，美國檢察部該不允許保釋，孫鵬夫婦只能在美國乾著急。

香港的讀者也許不認識他們，先簡單介紹。香港人最會留意台灣的電視節目就是綜藝節目，在節目中必有身材火辣美女陪伴主持，常有亮麗美媚當嘉賓的的「國光幫幫忙」，香港人該有點印相吧。孫鵬就是主持人之一。狄鶯是台灣資深演員，兩年多前推出一首台語歌《阿嫂》而 MV 裡性感造型大跳肚皮舞，香港的朋友也該有印象。兩人經歷過閃婚閃離再復合，八卦角度而言「很有話題」的一對夫妻和家庭。

孫安佐這次事件在美、台兩地帶來很大的震撼，台灣當然會是因為他父母是演藝人的身份，但對比在美國和對美國人的感受來說，實在是狗牛一毛。美國不時發生槍擊校園事件，使很多人變得驚弓之鳥，近月更引發全國討論和示威要求嚴管槍枝。孫安佐在這極度敏感的時期幹這事出來，不遭到輿論針對是不可能；美國警方和司法單位對他採取極嚴謹的拘留安排，在法律和輿論壓力下也是理所當然的。另一方面，美國剛生效的「台灣旅行法」提升美對台的外交政治聯繫不久，就有一個來自台灣的留學生做出觸到美國社會的痛楚的事情，就算未知道孫安佐的父母是台灣著名演藝人，怎都會產生對台灣一些負面思想。所以，說他闖下彌天大禍是一點都不誇張。

槍擊校園事件背後無可避免總有著欺凌的因素存在。雖然表面上美國社會好像沒有認真看待和處理這個問題，又雖然不排除孫安佐也面對這方面的壓力，但是不代表試圖以暴力「回敬」欺凌是妥當的做法。

從另一個角度犯案動機方面去分析，成因多少是嫌犯缺乏舒解壓力的渠道，以至心理素質問題，欲透過訴諸武力。我不是說孫安佐有心理問題，但是從過去台灣媒體一直以來對孫鵬一家的報導來看，就算說不上孫鵬和狄鶯教子無方，把兒子寵壞幾乎可以肯定。單是看狄鶯在這次事發後的言論都充滿了盲目的辯護，且是客觀而言是缺服說服力的觀點，已可見端倪。

但不管誰對誰錯，當前最重要的事情是為孫安佐將面臨的後果作準備，最起碼的是要美國司法機構公平公正處理，盡量避免產生更多負面因素。可是台灣的媒體只管八卦炒作，甚至找甚麼命理師說甚麼前世姻緣、塔羅牌占卜然後說三道四。除了滿足了讀者民眾低級的八卦心理之外，有何好處！就算拿孫、狄二人的感情經歷與兒子的關係來翻舊帳，不錯的能點出為人父母的責任所在，製造輿論壓力要他們好好處理兒子的事情，但也不需要炒作的筆風吧！

再講深入一點，香港的「狗仔隊」揭藝人私隱的作風，台灣媒體的狗仔比香港做得更猖狂。這次事件的背景、孫安佐的情況，台灣的媒體可有責任？雖說子女成長過程最主要的因素還是父母本身，但若非媒體老是愛挖藝人私隱，給他們足夠空間會不會少了一個影響條件，也是說不定的。台灣的媒體實在很該就孫安佐被捕的事住手，不要再只會八卦炒作，而且更該檢討反省對演藝人的「採訪」風格，莫講甚麼保障藝人權益之類的社會責任那麼高尚，起碼是別再埋下給人家雞蛋挑骨頭的可能。

最後要說的是，期望事件盡快完滿解決，孫鵬一家渡過難關之後要認真檢討如何好好經營這個家庭。

返回主頁

政客 - 藝人 cross-over 唔得架?!

曾俊華為動畫電影《超級無敵世界波》(原名：Early Man) 配音，好多人睇到宣傳廣告就打個突。一來應該無人諗過阿 John 會參與演藝工作，深入少少嘅二來就係配音唔是「對畫面口形讀稿」咁簡單，阿 John 竟然配到 (利伸：小弟未睇套戲)！如果唔係金魚記憶，應該知道阿 John 唔係第一個香港政治人物參與演藝工作。約兩年前游蕙禎就拍攝了ViuTV的劇集《三一如三》，撇除「私怨大過天」而針對佢嘅言論，同樣唔少人睇到嘩嘩聲。




唔少香港人都抱有「政界同娛樂圈風馬牛不相及」嘅觀念，甚至歸根究底是華人社會自古以嚟看待「為官者是為民請命，而戲子多是無情」的想法，認為做官不該同時做藝人嘅小農思想。又或者反過來認為藝人從政又係騎呢古怪舉動，認為拍戲唱歌就咪掂政治，以至又係小農基因的認為藝人從政嘅目的不過是「攞著數」。無幾多人會細心思考政客/演藝人 cross-over 嘅需要，更唔好話對社會產生甚麼作用。

無錯，從所謂「私利」嘅角度，政客參演或藝人從政，確係可以增加收入渠道、曝光率以維持知名度，點都避唔開的。但政客參與演藝工作嘅過程當中，既能對政治以外嘅事物有親身體驗，拓闊視野同思維，一定程度上有助政務、管治嘅工作。衰啲講，假設小弟在運房局工作 (事實當然係現在和可見將來都唔可能) 但又繼續偶爾「客串」揸巴士，不是可以在運輸政策工作上做得更好嗎！

從另一個角度去睇，演藝界唔需要面對「政治」嗎？撇開汪明荃、鄺美雲、曾志偉、成龍、陳小春...... 嗰咋友仔投共所衍生嘅問題，單純拍戲要申請封路、用政府設施做場景、拍攝爆破場面，唔係已經無得「我討厭政治」咩！如果有認識娛樂圈嘅政客，撇除所謂「朝中有人好辦事」嘅小農思想，剩係協助處理及跟進申請審批，已經有助推動本港嘅演藝娛樂文化。又例如近期熱門話題的演唱會門票炒賣，撇開馬逢國根本係一件廢柴，不是可以更有效向政府施壓嗎！甚至從小農基因角度去講，要是有熟悉演藝界嘅政客「坐鎮」，班黃牛黨點都有所顧忌。

就算要完全撇清「政治」二字，演藝工作過程唔需要同政府部門接觸，演藝人最經常遇到嘅問題之一莫過於同錢銀有關的事，例如收唔齊歌酬、片酬甚至被走數。又或是其實唔少藝人，尤其是新人，都缺乏足夠法律知識，或是受香港娛樂圈有著「講個信字」、「你唔係唔信我」嘅觀念氛圍影響，同經理人公司、唱片公司、電影公司有合約糾紛。撇開普羅大眾看待「明星」嘅心態，呢類事件其實有如一般打工仔的勞資糾紛。一般勞工階層如果同僱主「講唔掂數」都會尋求議員、政客協助，那麼一個能穿梭於政界同演藝界嘅人，不是能更有效充當呢個角色，必要時負責「擺平」工作參與談判，以至於平常嘅時期「鎮住」班心謀不軌嘅經營者。

撇除曾俊華現無官職、游蕙禎被DQ，又撇除班投共 artists、馬逢國之類嘅廢柴，香港確實欠缺有份量能穿梭於政界同演藝界嘅人物。方國珊除咗選極立法會都選唔到，仲要到今時今日仲拎住三十年前亞視劇集《哪吒》做光環，十足十啲「拔萃仔」咁，就算數把啦。原名劉慶基嘅「叉燒炳」劉丹，2000年競選立法會先得嗰15,450票。

反觀外國，唔計阿諾舒華辛力加（Arnold Schwarzenegger) 咁遠同「荷李活巨星」咁高嘅級數，近在台灣已經有一個叫余天嘅人物。


有去過台灣觀選，總會响民進黨嘅活動中見到呢位「二撇雞」大叔。

余天不單只是民進黨核心人物、曾於2008至2012年擔任立委，1965年已參與電影演出，1966年開始推出唱片，1977年起主持綜藝節目，是縱橫台灣演藝界逾半世紀的資深藝人。2004年參選立委但落敗，到2008年當選。曾為民進黨中委 (2014-2016年) ，現為民進黨新北市黨部主任委員。雖然余天出任立委期間未有突出的政績表現 (近期亦因為女兒余筱萍參選台北市議員而膠事連篇)，但確實壯大了他對台灣演藝界提供支援的實力。

余天除了身家豐厚不時借款予藝人渡過財政難關之餘，亦為唔少演藝人出頭。「大範圍」的計有2003年率領成立台灣文化演藝推展協會，2006年成立全國藝能總工會；「細範圍」的就例如襄助以故的豬哥亮當年的復出、協助徐懷鈺處理「登台演出『順便』老細飯局事件」之後的合約糾紛等等。

香港所謂從政的藝人，唔好話一味只識投共嚷著藝人「心懷祖国」有形無形地摧毀香港嘅娛樂事業演藝文化，有誰曾經關注過任何級數的演藝人的工作問題？唔好話從無過問 Dancers 五勞七傷而酬金奀到唔好話睇醫生、連開飯都成問題；唔敢得罪620之類無視 CCTVB 藝員人工差到隨時要借貸度日，連「發哥」周潤發的片酬被走數要自己搞訴訟追討！

再引伸出嚟，並非議員而在政圈中打滾嘅人、社運份子，對於香港嘅娛樂圈、演藝文化有何關注？除咗留意、分析、探究某部電影、電視劇、歌曲，藝人的言論有何政治涵意然後抽水說三道四之外，頂盡只會關注具有政治元素的事件 (例如近期的《中英街一號》未獲電影發展基金撥款)，有邊個稍為會留意涉及演藝人的權益的問題，以至發聲？在小弟視線範圍真係完全唔見囉！更唔好話會寫「非政治角度」的影評、歌評。單純以上呢兩點，已經係香港娛樂事業文化衰落嘅原因之一。

還要指出，家陣香港人對娛樂新聞嘅態度，對電影、劇集、歌曲作品有何欣賞或批評之處，幾近全無興趣，一味掛住「狗仔隊」揭陰私、藝人嘅私生活、女星件衫領口有幾低條波罅唧得有幾深、走光條底褲乜嘢顏色......

掉返轉講，台灣演藝界同樣受盡中国大陸嘅影響，但仍然總算基礎堅固。唔好用台、港人口差距做藉口抵賴，商界常言道「大陸十幾億人，一人一啖口水都浸死你」，香港嘅演藝文化衰落，根本全香港人都有份造成。

由此可見，政界同演藝界之間有互動往來係必須，政客參與演出根本唔駛大驚小怪 / 藝人參政 (投共之外) 亦無乜咁大不了。香港人咪再小農基因，更唔好再只掛住睇藝人嘅私隱；政圈中人亦唔好再「除了政治以外沒有別的事情」。

返回主頁

機管局今次斷正俾我 - 有橋位唔埋

先啟：今日下午由台北搭國泰返香港，泊 Outer Bay 對我呢個熟悉赤鱲角機場嘅人嚟講其實唔係問題，因為總好過要泊41-71號閘而要行餐懵。等咗起碼5分鐘先至有停機坪巴士駛至停機位，又明知停機坪啲交通立立亂，都還可以當無事發生。但見到最少有一個登機橋泊位 Vacant，仲要係最近入境大廳嘅E15，只好向機管局講一句：「今次係你哋唔好彩，擺明有仇報仇！」
________________________________________________

公開信
致
機場管理局
主席 蘇澤光先生 大紫荊勳賢 GBS OBE JP
香港大嶼山香港國際機場翔天路1號
機場行政大樓
電郵：customer@hkairport.com


蘇主席閣下：

投訴2018年3月26日CX461 抵港，有閒置登機橋泊位但停泊遠方停機位
要求機管局作出合理解釋

本人今日搭乘國泰航空公司編號 CX461 班機由台北返港，班機於大約14:50 於「北跑」25R 跑道著陸。在將近降落時，客艙椅背的屏幕顯示 Arrival gate number: N143，本人基於曾在赤鱲角機場工作近五年的經驗，已明暸班機將停泊於俗稱 Outer Bay 的遠方停機位，但也基於對赤鱲角機場的認識，知道停機坪巴士在客運大樓的落車處離入境大廳可謂近在咫尺，不會如普遍的乘客有所怨言。

飛機在 N143 泊位停好後，因本人的座位是機艙左邊且是機翼之前，故此能夠見到 HAS 的「梯車」停泊好對應 L1 機門位置，但停機坪巴士未有即時駛至接載機上乘客，機艙服務員也作出廣播請乘客耐心等候。數分鐘後巴士抵達而機艙服務員安排乘客拾級而下至地面及登上巴士。巴士經北衛星客運廊北面道路，E19至E16 泊位後方道路駛至客運大樓落客處予乘客落車。巴士行駛期間，本人發現 E15 泊位沒有停泊飛機，沒有見到有進行維修工程的欄柵，也沒有見到登機橋頂、提示地勤人員將有飛機進入泊位的紅色的「登機橋操作燈」(如《機場禁區駕駛手冊》第七版第10頁 第2.2.2 節) 閃動，意即 E15 泊位是閒置而可用的


另一方面，基於本人過往在赤鱲角機場工作近五年的期間，無數次發現抵港班機「有吉橋唔埋」── 有登機橋泊位閒置但抵港班機卻被安排停泊在 S101-S111、W121L-W126、N141-N145、V131-133 等 Outer Bay 泊位落客，無法不使本人今次再起疑心，甚至可說成「有合理理由認定機管局又再『有吉橋唔埋』」的管理不善所為。

又雖然以本人在赤鱲角機場工作近五年的期間，都知道有所謂「航空公司慣常使用泊位」不成文規矩；又縱然本人查到以 A380 客機執飛的 LH730 的編訂抵達時間 (Scheduled time of arrival - STA) 是15:25，單純呢項資料或可解釋到要預留能停泊 A380 客機的 E15 予 LH730 使用。不過，能停泊 A380 客機的泊位尚有 S23, N60, N62, N64, D212, D216。合共7個可供 A380 客機停泊的泊位，以目前有採用 A380 的班機數目及STA、STD (全寫 Scheduled time of departure。編訂起飛時間) 時間，客觀合理地認為無可能不足夠。故此，可推論是次投訴的成因是機管局胡亂編排泊位，沒有妥善運用泊位資源，「管理不善」又一證據。

不過，本人敬告機管局勿趁機「抽水」── 借題發揮宣揚第三條跑道計劃是必要的。縱使本人早已不理會「三跑」計劃，但例如往來香港至上海等航線「一班大機分拆兩班細機」衍生出泊位、空域流量問題，機管局(以至民航處) 從未有給公眾明確合理的解說，更不見有採取行動要求港龍航空 (現稱為國泰港龍航空)、中國東方航空等公司撥亂反正，更會是是次投訴的成因之一，亦可說是可能的事實！

本人現正式要求機管局就以下投訴及質詢作出交代：

1. 除 E15 外 ，在CX461著陸前，除中場客運廊的登機橋泊位 (D201至D219) 因客觀預計國泰航空公司不打算使用，尚有那些可供 A330 客機使用的登機橋泊位在閒置狀態？
2. CX461 停泊遠方停機位，是國泰航空公司的要求還是機管局的編排？
3. 承2.，如是機管局的編排，請詳細交代作出此安排的原因？(如是國泰航空要求，本人將另行向國泰航空公司查詢了解)
4. 在本人乘搭的CX461 的班機的機師向香港機場控制塔申請降落許可之後，E15泊位的使用狀況 ── 上一班停泊的航機的航班編號是甚麼？何時後推 (Push back)？地勤服務公司在何時向控制中心報告完成清場，可轉成閒置？
5. 在2018年3月26日14:00 - 15:25期間，第S23, N60, N62, N64, D212, D216停泊了的航機的抵港航班編號、著陸及抵達時間、機型？為何會安排這些班機停泊於該些泊位？
6. 承5.，為何明知 LH730 的 STA 而需要預留七個適用的泊位供其使用，但編配予該些班機停泊於該些泊位？

本人要求機管局就上述六項問題分開逐點回覆交代，並再次敬告、甚至可以話警告，勿故弄玄虛的回覆然後與「三跑」計劃扯上關連！更是切勿隱瞞S23, N60, N62, N64, D212, D216 的停泊安排背後是由早上開始的混亂引起的，直接而言就是請坦白從寬。請蘇主席緊記一點：本人曾在赤鱲角機場工作近五年，停機坪的事情即使談不上熟悉都有一定概念。簡明而言「唔好應酬式耍咗我就算」！

本人要求機管局在一個月內作詳盡回覆 (已多於機管局承諾回覆時間逾一倍)，清楚明確交代，並提出改善建議。

最後，俗謂「一粒老鼠屎弄壞一鍋粥」，敬請機管局切勿抱持「小題大做」的態度看待本人是次投訴，就算是「小人之心」看待，要怪就只好怪你們四年多前的一個決定。

林鴻達
時事評論員
CX461 26MAR2018 乘客
謹啟
2018年3月26日

副本抄送：
運輸及房屋局局長 陳帆 JP

解決演唱會黃牛黨唔係加強執法就得

相信大家都經歷過，想去睇「紅館」的演唱會，等到門票公開發售時，發覺 Seat plan 天下河山一片黑而有備註寫明「黑區」是主辦單位保留。「黑區」佔的比例必定超過一半，甚至最高記錄去到八成。想買到客觀認為「較好嘅位置」嘅「黑區」，要不是留意住商台「叱吒903」、唱片公司、製作公司之類公佈消息當中的「XYZ信用卡優先訂購」，然後响「優先訂購」當日 call 爆訂票熱線，先至有機會買到啲。如果「優先訂購」失敗，又唔想公開發售只能買到「只係有如去戲院」嘅位置，除非有門路搭上主辦單位、贊助商，否則只好去Yahoo拍賣、tickethk.com、viagogo.com 之類「炒飛」。

尋日立法會馬逢國議員向民政事務局提出書面質詢「炒黃牛」呢個問題，「垃圾筒局長」回覆又只係打官腔重提「炒黃牛」係犯法，會同警方溝通加強執法 (新聞公告全文)。可見港共傀儡政權對香港嘅演唱會「黃牛黨」完全闊佬懶理；亦同時見到馬逢國根本無針對「黑區」嘅問題核心，或者「黑區」涉及龐大利益而唔敢問，求其「問咗當做咗」應酬交差就算。

在商言商，一場演唱會製作成本幾百萬甚至過千萬，主辦機構要起碼封蝕本門係無可厚非，假設以 HK$500 計算門票平均價，一場的門票收入350萬至600萬 (「四面台」12,000個位 或「三面台」大約7,000個位)，基本上一場至兩場已可以「平手離場」；再者，「黃牛黨」的利潤亦與主辦單位無關，道理上主辦單位無必要助長炒風。但點解「黃牛黨」問題持續咗N年，且越來越猖狂，唔單只馬逢國無問 (或唔敢問)，相信好多人都無去探究。

又再在商言商，主辦機構如唱片公司最擔心賣唔晒而蝕錢，歌手亦會擔心歌酬同門票銷情所反映的「人氣」問題。單純門票銷售嘅收益又存在風險，搵方法「包底」係好正常嘅商業決定。HOLD 起「黑區」正正是「包底」舉動，而「包底」的亦無可能要蝕。銀行透過「信用卡優先訂購」，賺手續費同吸納現金流，既可解決「包底」嘅蝕本風險，同時地食住香港人「驚蝕底」嘅心態，製造輿論解決歌手擔心嘅「人氣」問題，一家便宜幾家著，已經解釋到「黑區」點解越來越大。至於那些成功「優先訂購」嘅門票最終會是入場觀眾定淪為「黃牛黨」活動，銀行可以一句「我哋只係負責門票銷售，出售後消費者嘅行為無法過問」推得一乾二淨。此為「炒黃牛」問題嘅根源之一。

另外，演唱會主辦機構亦會尋求贊助，贊助商所考慮的當然是「賣廣告」增加知名度，但「賣廣告」單純在宣傳海報、記招有公司 LOGO 出現，甚至乎就算「冠名贊助」，能增加嘅知名度點可能值幾十萬甚至幾百萬。但如果透過贊助而從主辦機構攞到「黑區」中的「超靚位」、握手位之類，然後派俾啲客仔，不單達到「增加知名度」嘅目的，又可以維持客戶嘅關係，咁咪「值返晒」囉！但跟住又係嗰句「啲飛派咗出街，攞咗票嘅佢哋之後點做唔關我哋事」推清責任。此為「炒黃牛」嘅根源之二。

大家再留意下，唔少演唱會嘅贊助商都有保險公司，最常見有 Prudential 保誠、AXA 安盛、AIA 友邦。正常人都知「賣廣告」是不可能直接吸納保單客戶，但保險公司最多嘅就係人 ── 保險代理。啲 Agent 可以「派飛」俾客維持關係，甚至「保單換演唱會門票」，why not?! 除咗又係「啲飛派咗出街，佢哋之後點做唔關我事」之外，可有保險代理參與非法的「炒黃牛」所為？天知地知佢哋自己先至知！

再計埋製作公司、唱片公司、經理人公司等等啲員工「靜雞雞」炒埋一份，已經數咗四個演唱會「黃牛黨」出嚟。唔單只解釋到「黑區」涉及龐大利益而可能係馬逢國唔敢問得到肉之外，亦睇到香港嘅流行音樂文化點解會沉淪 ── 歌手都以「紅館」開演唱會為事業目標，但要成功踏上紅館舞台嘅元素不過是操控响「黑區」的莊家手上，而唔係自己的歌藝以至舞藝嘅實力吸引觀眾、歌迷的支持。咪搞到「好似有舊痰响喉嚨度，把聲都唔出」、「錄音逐句錄靠後期製作」嘅所謂歌手周街都係囉！

相對地，台灣嘅演唱會就少好多呢啲利益輸送問題，主辦單位就算「Hold 起啲位」的比例唔會多，甚至 >99.9% 「堅砌」公開發售。例如明晚假台灣新北林口體育館開三場演唱會嘅鄧紫棋，會場佈局大約10,000個位，公開發售的就有8,000張。衰啲講，「炒」極都係得四份之一咋！

又例如小弟近期較多提及台灣樂壇有「平民天后」稱號的徐懷鈺，將在5月25及26日假台北國際會議中心開演唱會。

主辦單位 Hold 起嘅位近乎零，5月26日3500張門票三分鐘SOLD OUT，5月25日加場都賣咗超過九成。雖然場地係只有如香港的「伊館」或九展，但沉寂咗樂壇接近十年都有呢個成績，呢啲咪叫實力囉！

如果香港嘅演唱會門票銷售安排好似台灣咁，就唔會「黃牛黨」問題嚴重到要拎上立法會；開演唱會堅係講求「實力」，香港嘅流行音樂文化亦唔會近乎一潭死水。

利伸：小弟已買5月5日梁詠琪演唱會 (經歌迷會訂購) 同徐懷鈺演唱會 (兩場，全部經公開網上訂票)。

返回主頁

低地台小巴計劃瀨晒嘢，正常不過

約34個月之前，政府透過立法會進行的「公共交通策略研究」，其中針對公共及專線小巴服務的計劃，就是引入低地台小巴服務。運房局同運輸署隨後就向三間專線小巴公司「打心口」，訂購三架低地台小巴進行所謂的試驗。

小弟作為呢個概念嘅始作俑者，一早就公開指出低地台小巴會有N個嘅問題，包括：

1. 車身尺寸、重量將超出現行法例上限。必須修訂法例，建議參考歐盟 Class M2 的法定標準進行修訂；
2. 按現時運輸署的驗車指引及驗車程序要求，輪椅泊位的設計將造成載客資源浪費；
3. 根據現有法例關於小巴載客上限的要求，坐滿再上一張輪椅就超載違法 vs 留一個空位予輪椅乘客就司機同乘客嗌交；
4. 車價高昂。必須提供充裕經濟誘因，推動業界引入；

結果，車輛規格問題就「簽exemption」頂住先，而唔係趁修例加座位 (不論19定20) 時順手改埋；「超載 vs 嗌交」嘅問題雖然運輸署最終「屈服」接受 Fold-up seat，但「坐滿而中途有輪椅乘客截車但上唔到車」嘅問題，除咗運房局陳帆憨膠地叫乘客「讓座」之外，根本全部問題都無解決過。不單清楚見到「低地台小巴」淪為一場Show，亦清楚見到呢個政府廢到退聯。是故之順手講埋，小弟就係見到呢啲「講/寫咁多都係俾港共傀儡政權搞到變垃圾」，所以收口唔再點理香港嘅交通政策。

歐盟Class M2 所指的是「載客9座位以上，總重 (GVW) 不超過5噸」的車輛，當中的細節要求比目前Cap. 374A / 374F 涉及小巴規格嘅差別其實唔大，純粹驗車/Type Approval 審核最「惡搞」嘅兩項只係車身長度歐盟標準無寫明而Cap. 374A 附表一就寫明7m，同埋EU 的車輛總重上限將導致豐田Coaster (5.2噸)同三菱ROSA (5.5噸)以至金旅XML6701 (5.5噸) 都超重。但就算依照歐盟標準基礎去做唔係無得解決，例如長度，小弟就向立法會提議增加至8m；總重維持5.5噸但同重量有關的審核項目 (主要係安全帶及乘客座椅結構強度。超過5噸的是Class M3。M2 的要求比 M3 高25%以上) 就跟返足 Class M2 嘅要求，咁咪得囉！

運輸署班驗車官最興在Cap. 374A 之上就驗車程序自行「加料」，又最鍾意就係「援引」歐盟標準進行「加料」。今鋪點解唔做？一直以來佢哋班仆街狗官嘅「加料」目的只係增加工作量以保住自己飯碗，如果掉返轉修改法例就一鋪過而以後無咁多嘢做，隨時俾審計署寫「運輸署有大量冗員」。比著你响入境事務大樓34樓或41樓、或九龍灣驗車中心返工，點會做修例工作呀！仲有，「簽exemption」既可維持工作量，又可以「嗱，依家係署長皇恩大赦」，擺官威先至爽嘛！

須知道歐盟就輪椅泊位訂立標準的概念，除咗係可以俾輪椅乘客容易停泊好輪椅及保障行駛期間的安全之外，在沒有輪椅乘客期間可予肢體健全的乘客站立、或裝設 Fold-up seat 就坐。無錯，運輸署「屈服」了容許安裝Fold-up seat，但中途有輪椅乘客要上車但架車滿座，陳帆叫人「讓座」予中途上車的輪椅乘客，現行香港法例訂明小巴唔俾企位，即係叫人落車。唔只睇到陳帆痴膠花，亦睇到運房局同運輸署成班仆街官無腦。要「讓座」而唔落車就要容許企位，但唔好話香港人不過是井底蛙而唔知歐盟因為輪椅泊位而容許 Class M2 設有企位，如果運輸署「照抄」而提出，仲唔俾專利巴士公司同的士狗打到變蜜蜂竇呀！預約喎..... 咁同復康巴士有乜分別呀！

講到錢，香港地最鍾意破口大罵「利益輸送可恥」，但依家撇除 Just a show 嘅問題，要小巴佬「開善堂」？點解你哋啲港燦唔讓間屋出嚟俾廢青住 (以至扑嘢) 呀！豐田Coaster XZB70 (俾班Sales 加呢樣加嗰樣掠完水) 落地埋單港紙80萬，三菱 ROSA BE639G 都要75萬；落咗地嗰部 Optare Solo FOB ex-Southampton 16萬英鎊，嚟緊有部平治 Sprinter 平少少都 16萬歐羅，多一倍呀！小巴業界 (除咗「濕鳩CEO」陳文俊廢噏) 無要求過政府補貼，而又33個半月之前嘅5月5日，小巴業界代表凌志強响立法會表示「(估計) 加到24個 (座位)先可能有足夠經濟誘因」，依家「皇冠車行市場市場策劃部」俾得19個位，仲爭5個位呀，阿帆叔！

掉返轉講，張炳良同楊何蓓茵當日肯聽小弟「老點」── 取消Cap. 347A 附表三中小巴座位上限、車身長度放寬至7.5 - 8.0m，今日咪可以大大聲屌柒班食古不化嘅小巴佬「無盡社會責任道義」囉。亦因此，陳帆同現任署長陳美寶要找晦氣唔好搵小巴佬，更唔好搵我 (我只會1000字粗口拍枱問候你哋祖宗十八代。記住我無收你哋份糧！)，去搵張炳良、去教統局 Office 搵楊太！

成單「低地台小巴」搞到膠晒，唔好計「豐田霸權」「利益輸送皇冠車行可恥」，根本就係港共傀儡政權成班官都係垃圾。各位要使用輪椅嘅傷健人士，睇清楚要鬧嘅鬧邊個！

返回主頁

港人咒罵李嘉誠之前唔該反省咗先

香港首富李嘉誠尋日在長和 (HKEX:00001) 及長實 (HKEX:1113) 公報業績記招上宣佈退休，除引起經濟、政治方面的熱議之外，記者提問買樓置業嘅問題而李生回答「如果冇樓唔同你結婚....你快啲搵第二個」，是另一個熱爆嘅討論話題。

好多人批評佢講風涼話，甚至狠批「李嘉誠是高樓價的罪魁禍首」。從經濟角度去睇，長和系的確有份推高樓價，絕對無鬧錯。但是，所謂「一個銅幣有兩面」、「一隻手掌拍唔響」...... 香港人自己都有好大嘅責任。

首先講一個「最賤格」嘅角度。係人都知，李嘉誠嘅發跡源於外家，通俗啲講「無佢外父俾錢就無今日」。今時今日嘅香港，唔好話「打本俾個女婿」簡直痴人說夢話，有邊個老豆老母如果知道個女嘅男朋友嘅職位、收入低過自己個女，或所謂職業階層差異，而會唔嫌棄 (未必講出聲，而心底裡會有咁嘅諗法)？我見過嘅例子就是女仔係俗謂嘅白領階層，而個男仔係「車房仔」，even 男嘅人工略高於個女嘅，女仔老豆老母都嫌個男仔「周身油屎，無厘貴格」(放心，唔係我)。

然後的，結婚如果擺酒，仲有啲老豆老母 (不論男女方) 覺得大肆鋪張係必須，禮金收少個「0」啲外父外母都記住「呢個女婿無乜本事」去到入棺材。由呢啲心態思想開始，唔好話有無樓，唔少人有意無意間用錢去衡量看待感情或婚姻關係！呢啲錯晒嘅思想，點只搞到家庭關係面和心不和，仲係成個香港社會嘅倫理觀念出晒事嘅原因之一。

再衍生出嚟去到「買樓」呢樣嘢，撇除政治因素 (後段再講)，先唔好話港女，有唔少父母會認為結婚唔買樓，而租樓 (不論大細、物業類別) 搞到要年年搬屋而未得穩定嘅生活。忐忑不安唔單只係擔心個女「無嫁到個好人家」，仲有小農奴隸基因「不孝有三，無後為大」發作，遲遲未有得抱孫可以向親友耀武揚威...... 就成為「有樓先好結婚」嘅思想嘅基礎。

至於港女「有樓先好結婚」嘅諗法，某程度上亦係源自「租樓要年年搬屋」形成覺得「無穩定生活」嘅心理狀況，更甚至又係「不孝有三，無後為大」再加「唔想做高齡產婦」嘅諗法；而又有啲港女「父權主義」認為置業安居係男人嘅責任，令到港男背負住「買樓」嘅責任、或相反地產生「買唔到樓就唔好溝女」嘅思想。家陣香港周街毒男腐女，某程度上就係咁樣形成。

第二個角度就係唔少港人腦中「除了買樓以外沒有別的安居方法」嘅思想。又先撇除政治同經濟方面嘅因素，香港人幾乎完全唔記得其他嘅居住條件。唔好話「租樓即係幫人供樓」覺得好蝕底，仲有一啲我聽過覺得住公屋「都唔係幾光彩」嘅講法。成香港周街好似只係見到「要住就只能買私樓『豪宅』」。雖然過去20年以來支那共匪响香港進行侵略式殖民，推高樓價到同實質購買力脫節，但所謂「有強姦無焗賭」，唔係前述呢堆嘅心態思想對樓市推波助瀾、無你哋呢啲小農思想看待「買樓」而「有買遲無買貴」不斷追價入市，支那共匪啲炒家邊炒得起個樓價！李嘉誠唔係開善堂，跟市況賣樓完全符合經濟學，賴佢做乜呀?!

第三個角度就要講政治。點解依家租樓幾乎要「年年搬屋」做「現代遊牧民族」？立法會响 1998 同 2004 年分階段通過撤銷俗稱租務管制嘅《業主與租客條例》，當時你哋啲港燦有理過咩？冚撚把冷掛住睇CCTVB 六點半新聞、新聞透視、星期X檔案煲大租霸問題、啲業主好慘、撤銷咗租管都繼續有得租樓住，瘋狂式洗腦都不加思索照單全收！

再仲有，十幾廿年以來房委會不斷煲大「濫用公屋」，見到「阿一鮑魚」、邱淑貞老公仲「霸住」間彩虹邨公屋單位就起勢俾LIKE過港共傀儡政權，對申請公屋入息上限低到根本求其打份工都超額而「交申請表都唔得」，你哋港燦有理過咩！或是有如小弟經歷過嘅「寬敞戶『迫遷』」，唔好話「無錢請咕喱搬傢俬係你嘅事，唔『調遷』就終止租約去瞓街」响背後有相當複雜嘅因素，就是「人均居住面積超過15 sq.m 就會被房署迫遷」咁簡單易明兼極度容易搵到嘅資料，你哋啲港燦眼尾有無望過吖！更唔好話停建居屋呢樣嘢，我都費時嘥力打字浪時間講咁多。係囉，一味諗住「你無本事買樓就要受架啦」，係咪呀，港燦港豬港喱！

然後的，支那共匪殖入人口在何匪喜華、施匪麗姍之類襄助成功打尖「上樓」，唔好話你哋啲「除了買樓以外沒有別的安居方法」嘅港燦理都唔理，一句「有撚計呀，個政府係咁架啦」推得一乾二淨，再唔係又是「你無本事買樓就要受架啦」，甚至乎有話「咁你咪返大陸娶件村姑然後離婚咪可以打尖住到公屋囉」，我都聽過呀！

再講多次，李嘉誠唔係開善堂，俗謂「打開門口做生意就係要賺錢」。見住你哋啲港燦一味「除了買樓以外沒有別的安居方法」同「有買遲無買貴」，唔趁呢啲勢頭搵銀？傻架！掉轉講，比著你開舖頭見成街客衝埋嚟「追貨」，唔坐地起價賺多啲？唔驚同親戚朋友講「做人有返啲良心好」而招徠「笑你憨鳩怕你嬲」呀！做人嘅嘢唔識佛家有謂「剃人頭者人亦剃其頭」，都識得「呢個地球係圓嘅」啦！

根本上，「唔買樓唔結婚」呢六個字，李嘉誠係有責任，但香港人有更大嘅責任！記住：手指指鬧人嘅時候，同時有三隻手指指住自己。再串啲引用《聖經》── 耶穌說「為甚麼你只看見弟兄眼中的刺，卻看不到自己眼中的樑木」。

返回主頁

北韓向美國投誠，食定驚風散

今朝一起身，電話幾個 News Prompt 美國總統侵回覆北韓金正恩接受邀約，同意不遲於五月擇地正式會面。而仲有三個星期就是復活節，雖然响美國唔係大節，但咁高層次嘅外交禮節無可能十幾日就準備好，照估計四月中應該都無走雞。

北韓同支那共匪嘅關係，唔單只係基於政治制度及意識形態，要了解韓戰嘅背景唔單純係毛澤東搞「輸出革命」，仲有因為二戰結束後美國主導處理朝鮮半島主權問題，支那共匪唔希望同美帝紙老虎為鄰，對政權構成威脅，於是扶助金日城以築起緩衝區。所以金二世正日晚期到金三世正恩北韓經濟幾唔掂都好，支那共匪點都向北韓提供援助；亦同時見到北韓就是中国的附庸的事實。

金正恩主動向侵總統招手示好，即係北韓主動唔想再做緩衝區嘅角色，觸動到支那共匪神經線；如今美帝走狗「應機」，從可見嘅跡象反映，「中国緩衝區」消失將會是事實，爭在幾時咁解。成真的話，支那共匪就完全有得震無得瞓。

從以上兩個因素去睇，支那共匪必定思索如何阻止。可是北韓最缺嘅係錢，但如今支那共匪响實際上係無錢到自身難保，無可能重施故技用錢收買金三世。又試以黑社會思維作分析 ── 自己堂口缺錢，見隔籬個本來係友好嘅堂口缺錢打算向對家投誠，為保地盤會做嘅事，就係隊冧隔籬個堂口嘅大佬，盡地一鋪。搞掂嘅就唔只阻止到隔籬個地盤落入對家手上，仲隨時可以擴展勢力版圖。金三世隨時被支那共匪綁架甚至暗殺，唔係無可能嘅事。

就算支那共匪無錢打仗而只能眼白白睇住金氏王朝同可恥美帝走狗「上床牽被冚」，唔代表天下太平。承如韓戰嘅歷史背景，支那共匪同美帝必定响朝鮮半島長期對恃，一個唔覺意就擦槍走火。仲未計美國為首嘅西方列強隨時趁支爆而趁佢病攞佢命！

套用港燦思維，會認為「就算打，戰場都係朝鮮半島。唔關香港事」，正如一次及二次大戰嘅背景都係納粹德國對鄰國搞搞陣，唔關英國、美國事。但點解搞到全地球遍佈戰火？唔好忘記俗諺「趁火打劫」或「乘機搏亂」。剩係一個日本仔已經夠啦！响目前嘅全球政治大形勢，沙地皇室、伊朗、IS 餘孽...... 呢班友或者對港燦嚟講太遠了。

聚焦於支那共匪，周圍幾多「襯家」呀！有讀過《孫子兵法》或對國際政治、軍事有做過研究，必定知道「另僻戰場」分散式消耗敵方資源係有效嘅戰略策劃。唔好講南沙半島而與東盟嘅軍事危機風險，支那共匪一直想「收復」香港同台灣。剩係呢一點都應該夠驚嚇！

即使唔講飛機大炮坦克車咁殘忍血腥，又唔講支那共匪無錢打仗，純粹講亞太區地緣政治局勢走向，就算無戰火你估都係天下太平?! 剩係「中国最大海外投資」或「最大外來投資來自中国」嘅馬來西亞嘅問題，已經夠晒「刺激」。

大家可能睇到馬來西亞快將大選，又或者有見到前首相馬哈迪 (Mahathir Bin Mohamad) 同「世仇」民主行動黨與及安華 (Anwar Ibrahim)冰釋前嫌的「世紀大合作」，有機會打破巫統國陣壟斷國會嘅局面。但是連 Najib 前任秘書胡逸山都講得「不論何時大選，結果都唔會有變化」，都唔駛旨意有希望。仲有，2013年大選，香港呢邊都睇到巫統搞選舉舞弊係幾咁耍家，而且招式層出不窮；另小弟亦曾受邀撰文分析為何反對派取得大多數選票但國會仍然是 Minority，而大馬國會現正打算提出重劃選區法案。馬來西亞國會今季度會期至4月5日，而伊斯蘭齋戒期由5月15日開始。重劃完選區之後最多得四個星期，馬哈迪+DAP+安華 夠時間做修訂策劃嗎？可以話唔只唔好對「換政府」抱有希望，直頭可以話「死咗條心」！可以預計到嘅馬來西亞大選結果出現之後，柔佛就隨時「撳制」，甚至乎不能排除重劃選區法案通過就提早行動。

嫌柔佛得個「吹」字咩，小弟家鄉砂朥越近月發生的事，心血少啲都隨時出事。

砂朥越上年推出自己的電子支付系統 Sarawak Pay，月初砂朥越及新加坡政府達成協議，Sarawak Pay 同新加坡的 Singapore Pay 將能夠互通。砂朥越目前仲係馬來西亞聯邦十三州之一，金融系統竟然唔係同吉隆坡連接而係同「被趕出去瞓街嘅忤逆仔」連結?! 明白財金系統的就會明白砂朥越有何打算。

唔明唔緊要，前兩日仲有多一單更加驚嚇的事 ── 馬來西亞聯邦政府與砂朥越州政府達成協議，將在今年7月「歸還」石油及天然氣開採權。

自1972年以來，馬來西亞各州的石油及天然氣開採權全歸吉隆坡中央，賣到錢就俾返 5% 所屬州份。2014年「砂獨」運動出現，巫統急急腳話會提高俾砂朥越的 Rebate 至20%，但一直拖字訣無落實。另外，Najib 任內先後兩次想將砂朥越石油重鎮民都魯 (Bintulu) 「升格」做直轄市，想連 5% 都慳埋。如今巫統竟然大手筆到連原本的95%都「歸還」返俾砂朥越？Najib 痴咗線？但無論如何，砂朥越取回石油開採權，除咗會有助改善經濟及社會環境之外，砂朥越主權前途已經非常明確。講白啲，馬爆已經成局，除咗柔佛之外，仲有砂朥越第二個「炸彈」！

馬爆跟住會引發乜嘢問題而影響到支那共匪，之前寫過好多篇文，請自行點擊詳讀，本文不贅。又「港燦 mode」講咁耐都無發生嘛，用腦諗下為乜事新加坡地鐵將延伸至柔佛新山啦！記住係地鐵，唔係火車、高鐵！

一北(北韓)一南(馬來西亞) 兩隻「炸彈」，再加埋其他「大單嘢」，仲有港燦勁 LIKE 嘅 HX UO 母公司海南航空乾塘，唔只中国大煲鑊，仲必定香港將被牽連。食驚風散都未必鎮得住，但唔食就準備心臟病發！

返回主頁