保安局必須交代港人被拒入境澳門

民主黨尹兆堅今日被拒入境澳門，雖然同類新聞都唔係乜嘢新鮮事，呢幾年數數埋埋有見報嘅都幾十人。

小弟响兩年前 (2015-4-29)都被拒入境，搞到我想去劏房「尋寶」都去唔成。





係人都知 (珠海市) 澳門鄉共產政權比港共傀儡政權同支那共匪主子更親密，針對「反中亂港份子」做事更肆無忌憚就更加必然。好多人 (包括啲政客) 只聚焦政治考慮因素，但有一個更嚴重嘅問題無人理過。

去過澳門嘅都知道，不論新口岸、氹仔碼頭，定拱北關閘還是橫岸口岸，香港人都係用香港身份證辦理入境澳門手續。個問題就係澳門治安警察局出入境事務廳單憑香港身份證資料就可以進行 Dispatch 操作???

澳門治安警察局的入境櫃位查核香港身份證嘅操作流程，同外國嘅移民局入境櫃位查核護照係同一個原理，只係證件唔同而已。查核嘅內容主要就係有無入境當地嘅許可 ── 要簽證嘅就睇有無簽證，免簽證嘅就睇本護照嘅真偽，然後就睇下係咪被拒入境黑名單。而黑名單絕大多數同有無當地犯罪記錄有關，又或者係國際刑警通緝令。即係話唔計Interpol，「黑名單」係當地政府根據該人之前嘅入境記錄 link with 執法部門 crime database 資料 sort out。

澳門嘅問題就在於大部份被拒入境嘅香港人，該沒有澳門的犯罪記錄。就以小弟為例，以前响澳門租車揸被抄牌都未試過，澳門政府憑乜會將小弟列入黑名單？但呢個都係其次，反正大家都明根本就係一個涉及支那共匪嘅政治操作。

最最最嚴重嘅問題就係，正常嚟講，香港身份證嘅資料只由香港入境事務處保管，但澳門治安警廳竟然可以單馮香港身份證制定到份黑名單?? 唯二嘅可能要不是香港入境事務處就是幕後黑手，就係上一個層次嘅保安局負責操作，那管是直接掟過去澳門定透過統監府做中間人。

入境事務處根據《個人資料(私隱)條例》(香港法例第486章)的私隱政策係咁嘅：


根據第1. 條，交俾澳門政府係入境處嘅職能呀? 定係澳門政府制定黑名單係「活動直接有關的合法目的」呀？
但點都好，根據第6.條，唔講其他人剩係講自己，我幾時有同意過俾澳門政府查閱過我嘅香港身份證資料呀？

定還是保安局唔駛守呢啲條文，於是就一切話之，根張匪曉明指示掟我個身份證嘅資料過澳門，等佢哋BANNED 鳩我呀??

其他人唔引用呢啲規矩、法例嚟鋤鳩你入境處同保安局係佢哋嘅問題，我事隔兩年未有行動炮轟入境處同保安局唔代表我一世都唔會有行動。入境處處長曾國衞同保安局局長黎匪楝國唔好諗住側側膊當無事，你兩條仆街唔駛幾耐將會步張炳良、楊何蓓茵、黃匪錦星、莫偉全等賤人後塵。有排你哋受。

順帶一提，澳門治安警察局以「內部保安的穩定構成威脅」拒絕我入境，治安警察局局長梁文昌同保安司司長黃少澤唔該攞出實質證據證明有關指控，否則就違反澳門刑法典第六章「侵犯名譽罪」第174 至176條。

你兩件澳門共匪唔好諗住其他香港人唔會摷呢啲法例就可以為所欲為！

再順帶一提澳門鄉共產政權，尤其是梁文昌同黃少澤，事發當日我响扣留室入面癲到同三隻澳共公安打交咁滯，仲喪到叫佢哋「有種就開槍隊冧我吖！」「掹槍啦，做乜仲唔掹槍呀無膽鬼！」。真係唔好惹我囉！唔信就去問返當日响扣留室入面當值嘅三個警員 ── 24999 郭偉雄，21312 岑穗坤，14107 高永龍。

返回主頁

林鄭組班無人揀，不如我幫手揀埋

吹風32年前嫁日本人並定居日本嘅前歌星陳美齡會接替吳巴曲做教育局局長，成朝早網上嘈喧巴閉。除咗反映陳美齡不受港人歡迎之外，呢件事亦睇到林門鄭氏妖鵝搵人組班情況極之惡劣。要剔除689餘黨得嚟又要應酬張匪曉明同江匪澤民都夠頭痛，搵唔到人就雪上加霜。

既然要搵到法理上有日本居留權嘅陳美齡，當《基本法》第61條唔存在，咁不如直頭出個 LISTS 幫佢搵齊三司十三局。推介名單如下：

政務司司長 張曉明
原因：反正「西環治港」點迴避都已成事實，倒不如幫支那共匪名正言順、擺明車馬。好過張匪日日流晒口水，兼唔駛江匪澤民要諗成功政變幹掉習近平之後要如何賞賜張匪。兩全其美啦！

財政司司長 王震宇


原因：除咗落實「西環治港」之外，最重要係佢嘅財金經驗，深知黨嘅指示就是「低增值人士請離開香港，騰出空間讓高空間讓高增值人士進入」。幫江匪清洗黑錢之餘，又可以全力推動人口換血。簡直相得益彰！

律政司司長 馬恩國
原因：既然《基本法》第61條唔存在，澳洲護照當然無問題啦。佢响立法會講 FUCKING 唔駛告，又有強勁表現「愛國情操」，表演法治搬龍門呢家嘢唔駛再好似袁匪國強咁左閃右避，直頭明刀明槍。三權合作立即完成。

公務員事務局局長 高志森
原因：做導演其實即係引導演員做好份工。佢一直以來對港共傀儡政權嘅支持，心態上已準備好指導公務員要為黨效力。佢唔識政府行政? 唔緊要啦，反正家陣嘅所謂政府都無制度無規矩架啦！

政制及內地事務局局長 張德江
原因：既然有當《基本法》第158 (3) 無到，DQ 游蕙禎MP 同梁頌恆MP；又搞831。做咗咁多涉及香港政制嘅事，就直頭俾個位佢可以名正言順咁做，唔駛搞乜都俾人有話柄之餘，仲可以避開違反人大常委委員長不得提呈議案嘅規定，避過被習近平清算嘅危機。唔只兩全其美，直頭 Perfect！

教育局局長 劉廼強
原因：佢搵個仔劉方成立「香港社區網絡」再演變成「青年新政」，但俾游蕙禎MP 報警搞掂個手下鄭永健破壞晒件事，有必要為佢重新建立平台做嘢。再者，劉廼強係「民主回歸論」大推手，洗腦呢家嘢功力了得，必定向細路洗腦不遺餘力，成功在望。

環境局局長 莫偉全


原因：借所謂環保搵錢，佢嘅戰績真係唔講得笑。石油氣的士小巴造就豐田霸權之大業未成，但佢已準備暑假前退休，其實係一大遺憾。應該俾個機會佢完成控制汽車燃料、造就江匪澤民派系之下嘅石油幫搵大錢嘅大業先得架嘛，唔係佢點可以好好過埋下半世呢。

食物及衛生局局長 黃玉山
原因：消委會最新公佈深圳豉油好過香港，絕對可以勝任推動支那食品入口免檢，落實港燦食毒菜毒肉毒魚，同享做中國人嘅榮耀。呢個位簡直非佢莫屬。

民政事務局局長 劉江華
原因：純粹找數。又反正呢個位無乜嘢好做，擺個垃圾桶响度都無乜所謂。

勞工及福利局 陳永棋
原因：香港仲有勞工福利嘅咩? 反正共匪只想要一個有如奴隸制度嘅社會，由商家佬話晒事咪得囉。陳永棋又係所謂全國政協，共匪指令可以直達佢身上，執行必定無難度。

保安局局長 朱經緯
原因：雨傘運動期間手臂延伸打人夠晒勇武。而保安局最需要嘅任務就係鎮壓所有同政權作對嘅賤種，佢必定勝任有如。再者可同時幫佢銷咗單案，長糧繼續食，必定可以安心將捍衛政權面子嘅任務做好做滿。

運輸及房屋局局長 錢果豐
原因：曾擔任港鐵主席(2007-2015)，絕對有能力、有知識、有經驗全力推動鐵路霸權，同藉「鐵路沿線物業」概念推動地產霸權。另一方面，曾為皇冠車行母公司英之傑集團大中華地區主席，佢主政運輸政策就能成功建立皇冠車行同港共政權嘅直接溝通渠道，同環境局局長 莫偉全一唱一和，將能有效加快推動全香港馬路只餘下英之傑代理嘅汽車品牌，全面壟斷搵大錢！

商務及經濟發展局局長 鄭李錦芬


原因：唔單只係因為係老懵董集團完結香港基金總幹事，可以俾老懵董一嘗垂簾聽政有幾好玩。更重要嘅係佢做 Amway 香港頭目時推行「優惠顧客」會員制度，成功毁掉可恥美帝走狗响香港嘅傳銷大業brand value，仲有成功 Resume Amway 响匪區嘅經營，即係完全懂得同支那共匪領導人打交道，完全掌握如何推動香港嘅經濟運作同「祖國」無縫接軌。

發展局局長 馬時亨
原因：無乜嘢嘅，佢之前做得咁「好」，又so far 未被揭發有乜嘢同土地有關嘅利益瓜葛，要鏟除郊野公園更無後顧之憂。而且又係老懵董馬房。所謂一不離二，梗係俾返佢做啦。

財經事務及庫務局 郭艷明
原因：做《信報》坐館咁耐，熟悉財金事務之外，又係資深傳媒人，而好清楚點樣面對記者耍咗就算，要泵晒啲錢俾江匪澤民都唔會有關公災難。再加埋封殺練乙錚等寫手嘅戰績，絕對可以同黨交代。

創新及科技局 葛珮帆
原因：貴為巴基斯坦野雞大學博士，又係乜春 iProA 會員，必定頂得住莫乃光、方保僑呢啲薯粉。仲有係要辭去立法會議席，新界東補選一席變兩席，絕對有利共匪主子進一步控制立法會。到時梁國雄被馬恩國成功搞掂，就為補選錦上添花。諗起都覺得正。

至於林門鄭氏妖鵝受唔受，我就唔理喇。但就講明，以上名單每中一個，麻煩林太俾返 HK$100,000 過我。

所謂買魚頭搭魚咀，送多一個新聞統籌專員嘅建議：袁志偉。
原因：就嚟夠鐘退休離開CCTVB，梗要俾個位佢架啦！

返回主頁

香港根本唔適合搞單車共享

「單車共享」呢種公共服務，最多港燦第一印象就係台灣嘅 YouBike，因為雖然响外國唔係乜嘢新鮮事物，但沒有國際視野，YouBike 就使港燦們有如發現新大陸。

呢類其實係租單車嘅「玩意」，响香港已經 N 年。吐露港公路單車徑同大圍單車公園，算是「租單車」最蓬勃嘅時期。但都已經係後期的了。早於1970年代荃灣路德圍惠康超市兩邊，曾經有過幾間單車舖，賣車之餘提供租車。當時嘅「玩法」係無乜膽嘅就响路德圍、福來邨、沙咀道球場附近兜嚟兜去，夠大膽嘅就落馬路踩去汀九停車場。

只不過隨住時代變遷，加埋港共傀儡政權借建立鐵路霸權嚟助長地產霸權，大圍單車公園變為「沙中線大圍車廠」上蓋物業長實的「名城」，哪管單車舖轉型到沙田、大埔、泥涌都有分店 / 聯盟店，提供「異地還車」，租單車嘅生意已不復往昔就是事實。

「港式租單車」同「單車共享」 嘅概念係兩回事。「港式租單車」係一種消閒活動，而「單車共享」係既可以作為消閒，又可以作為交通接駁。就以台灣 Youbike 為例，幾乎所有 Youbike 站都係附設於捷運車站，俾一啲要去稍為遠離車站、但搭巴士/的士又唔三唔四嘅地方，踩單車「駁腳」；或是只係搭捷運只係一兩個站的路程又唔介意消耗下自己體力，既節省車費又唔駛上落月台，同時減輕呢類短途乘客對捷運系統嘅負荷。

台灣嘅 YouBike 之所以成功，唔單只係有良好嘅租用管理，仲有整個服務提供嘅出發點，係可以達至市民、政府、運輸系統三嬴嘅局面，人人受惠而唔會有 stakeholders 出現怨氣；更重要就係有完善嘅單車行駛配套設施，同埋對駕駛者及行人嘅教育。

反觀香港，地鐵站/火車站/巴士站側莫講話無租車點，連單車泊位都少見；就算有都俾人拎晒嚟做廢車場，有得政府「大清洗」時幫手掉垃圾。除咗吐露港公路、馬鞍山路等有有限的單車徑之外，根本就無單車行駛配套設施；就算有，總係搞啲「交匯處」楝幾個鐵欄隨時炒車，楝個「單車徑終止」路牌，然後港共公安要跑數時就企响嗰度，唔落車推就出告票。無單車徑呢，踩行人路又話犯法，踩馬路既有港共公安用《道路交通條例》玩鳩人，再有成大堆 (以為好撚巴閉嘅) 私家車車主「凶」啲單車然後擺上網公審「路權撚」。鐵路、巴士又唔俾連人帶單車乘搭。零配套之餘，港共傀儡政權不斷洗腦式指單車對道路安全構成危機，搞到成個香港幾乎完全仇視單車。就是台灣有嘅 facts 香港全部都無，點可能有「單車共享」嘅存在空間吖?!

GoBee.Bike 嘅出現無做到台灣 YouBike 嘅效果，租車點只係响城門河單車徑，唔單只違背「單車共享」嘅概念，血淋淋啲講，擺明同單車舖爭生意，點可能唔俾人「搞」吖。小弟唔係認同黑社會式嘅野蠻所為，但港共傀儡政權近幾年有乜搞作都只係諗搵錢機會，唔會理成個idea到底會有幾膠同會產生幾多問題；就是最簡單嘅踩單車配套乜都無，又成個社會意識對單車嘅態度，「租單車」呢門生意本來就係僧多粥少，點會唔發生啲野蠻所為。

到底乜人拆零件、掟啲單車落河，N個可能性，唔好一口咬定港燦支那化，剩係犯案動機我已經搵到一個，根本係無頭公案。但成件事根本就反映單車响香港嘅生存空間，所講嘅唔只係「租單車」生意，係直頭使用單車作任何用途，包括運動、消閒、交通工具。正如啲左賊話齋「針對政權」，應該借勢向運房局、發展局開大火。

返回主頁

RIP 被濫用的時代

一代賊王葉繼歡病逝，多家傳媒都做專題報導 (尤其是堆填區報)；另外又好多人當前嘅仇警思想，當佢好似神咁拜「悼念」甚至痴線地歌頌佢。

好多人總有著小農奴隸基因 ~ 人死而該善言。無錯，葉繼歡生前所做的總包含住膽量、挑戰權威嘅態度表現，但點計都好，佢所做過的就是破壞社會安寧、危害人命就是不爭的事實。

小弟認為所謂蓋棺定論，點都無可能迴避一個人生前所做的事的客觀、宏觀的效果，若是公眾認識的人物，更不能無視該人生前所做的對社會造成的影響。例如戴卓爾夫人丟低香港，係導致今時今日香港俾共匪搞到爛晒嘅主因，所以佢一死，我唔只無RIP，仲屌到佢反艇，直頭鞭屍嗰隻。

另一個最多香港人會談論嘅例子就係司徒華。佢表面上俾人嘅印象係所謂民主鬥士，但認真而詳細探討返呢個人嘅歷史，唔計佢同長毛嘅爭執，根本就係三十幾年嚟宣揚大一統毒害香港，甚至是為共匪做事。所以根本唔識得尊重、無需人死而該善言對待。

對小弟嚟講，仲有一個香港人唔太熟悉嘅人物 ── 馬來亞共產黨秘書長陳平。


唔少馬來西亞華人認為佢係爭取脫殖嘅英雄之一，無佢嘅堅持，馬拉佬點同英國政府拗數，馬來亞點唔可能成功擺脫英國殖民走狗。

無可否認，從戰略角度，馬共以武力爭取獨立，的確對英國政府面對巨大壓力，繼而迫於無奈要同東姑拉曼為首嘅巫統講數俾馬來亞脫離英國殖民統治。但正如佢死後一星期《蘋果日報》刊出小弟嘅撰文，當中指出「1957年馬來亞獨立之後，(馬共)在中共的支援下繼續進行戰事，彷彿有說不通的道理」，即係「佢話爭取獨立，但都已經獨立咗啦，仲打乜鳩呀?!」，就證明佢領導嘅馬共响之後直到1989年《合艾協議》繼續武裝行動根本就唔係反殖而係爭做龍頭，42年期間造成逾萬人死傷就是佢推卸不掉的血債責任。

更是馬共响1950至70年期間，利用意識形態同身份認同問題，煽動數以十萬計華人「回國建設偉大社會主義祖國」，而大多數係當時僅十多歲的「細路」同廿零歲的年青人，搞到呢批人响支那共匪陰霾甚至壓迫之下渡過幾十年顛沛流離嘅人生，最後不得善終。再同陳平計埋呢條數，佢真係死十次都唔夠還。

就以先母為例。據我响三月「返鄉下」成功尋親之後所了解到的，我媽咪係分別受到同馬共有密切聯繫嘅古晉中華總商會1947-1955年會長、1949-1951年任古晉當時唯一華人學校民德學校校董會主席陳木林、與及當時該是該校教師、砂朥越共產黨主席文銘權的唆擺，走上了她人生的不歸路，終流落香港至2006年終老。這就解釋到小弟對陳平死去、馬來西亞政府連佢嘅骨灰都唔俾返大馬嘅想法同民主行動黨完全天壤之別；亦所以小弟咁多年嚟不時拎陳平嘅事出嚟大力鞭撻。

RIP 本身帶有對死者的尊重、尊敬，如果連是非不分都用，不單係盲目、痴線、傻撚咗，更有可能係對因死者而受過害嘅人的不尊重。唔該咪再乜人死都RIP！

延伸閱讀
不如全球黃皮膚黑頭髮的都是中共子民

返回主頁

DSE 歷史考試引爆「民主回歸」大炸彈

DSE 考試本來係人見人憎，但今日歷史科考試，竟然以1982年香港革新會民調結果得4%人支持「回歸」中國，作為其中一條試題，就吸引到好多人注意，包括小弟。




當小弟响下晝忙得不可開交，突然有朋友 whatsapp 傳來消息同以上嘅試題capture，第一個反應係眼都凸埋 ── 考評局竟然夠膽死搵呢個不論對共匪定飯桶 (尤其是支教民) 都係死穴嘅歷史事件嚟做試題，簡直食咗豹子膽。第二個反應就係我係香港第一個翻出「民主回歸」臭史嘅茂利，第一篇在報章撰寫此為題材嘅文章响2013年7月19日《蘋果日報》刊出；亦係親自搵當年响港大就讀嘅朋友幫手摷出香港革新會民調報告。响呢四年嘅日子响報章同網上寫過近20篇文章講民主回歸，當中有最少9篇直接談、引用民調結果：

2013-3-26 如果命運能選擇......
2013-4-10「民主回歸」不能一錯再錯
2013-7-19 《蘋果日報》反思民主回歸
2013-8-22 《蘋果日報》悔不公投話當年
2014-1-10 香港人從來都無支持過「回歸祖國」 - 談1982年民意調查
《蘋果日報》2014-2-11 32年前一項沒有「出街」的民調
《蘋果日報》 2014-9-15 民主回歸之歷史因由和責任
2014-9-3 平衡時空 ~ 回到1982年
2014-9-10 民主回歸派最少三宗罪 ─ 全面「追殺」完全合理

但一直的 Noise 只集中在網上一少部份人，莫講話成件事擺明針對民主黨同教協所以當睇唔到，而佢哋啲同道左賊們亦當然唔出聲；連芒果菊花白雲教徒一樣當無件事，一直炒唔起呢個其實對香港人係極度重要嘅議題。政圈中唯一一個夠膽拎出嚟講同作為論述去做事的人，就是响去年立法會選舉時我表態支持嘅游蕙禎 MP。(我相信佢被針嘅原因之一就係夠膽隊正支教民死穴而)

「炒得起」嘅結果唔係小弟「上位了」，而係呢段歷史正正將呢19幾年嚟香港淪喪於支那共匪手上搵得返個根源，可以成為一套好完整嘅論述推翻港共傀儡政權，以至要英國躝返嚟香港收拾殘局。簡單啲講係香港可以「翻盤」嘅基石。而1980年之前出世的港人對中英談判至過渡期有親身經歷，呢個基石可以成為推動佢哋 action 嘅助力。

或者香港人普遍的歷史觀仍滯留於「鴉片戰爭是不義之戰」和所謂不平等條約而衍生香港同中國嘅關係觀念，加上傳媒同政界呢四年嚟要不是閃避就係隻字不提，所以就炒唔起。

今次考評局嘅膽大包天創舉會產生幾多即時反應是未知之數，又雖然各傳統新聞媒體亦冷處理而相信唔會有太多短期效果，但小弟相信揭破「民主回歸世紀大騙局」嘅星星之火已經點起，終會有燎原嘅一日。以當前香港嘅民怨程度，應該都未必要等好耐。

最後，奉勸民主黨同教協盡最後機會出嚟跪玻璃，已經係最後機會。過咗就等香港人同你哋大清洗。

返回主頁

特赦做交易籌碼? 傻架!!

近期香港以至世界各地嘅政治新聞，絕對唔可以膝躍反射模式去睇，因為到底係直線定曲線、甚至係掉轉嚟玩，完全無路捉。但要玩曲線甚至「掉轉」，係有極度高技巧。除咗要有好強嘅論述根底之外，係要有極度靈活嘅思路，諗通晒正反兩面甚至side effects，先至可以佈出對家、花生友中晒伏都唔知嘅「畫面」，仲有係唔可以俾位人哋入攝狂插，否則到頭來會俾人插到抵銷晒原本想出嘅效果。

可是，今日《明報》頭條民主黨提議特赦所有遮打革命被檢控嘅人，包括打柒曾健超嘅七件公安同朱經緯，

好多人即刻鬧爆，而小弟睇咗嘅反應真係鬧爆胡志偉。原因並非從法律角度去睇佢嘅主張係痴膠花，而係姑且認為係「玩曲線」，就犯咗「唔可以俾位人哋入攝狂插」嘅玩膠原則；仲有係要同共產黨 make deal 都唔係咁搞，攞錯晒籌碼。

如何避免俾位人入攝狂插？例如小巴加座位單嘢，好多憨膠膠嘅友仔不知小弟早已不是廈門金旅香港代理嘅人，「入我數」指廈門金旅嚟咗一架 Prototype 20座位，不過是我借打擊豐田霸權之名幫共匪抬轎為實。


姑且將錯就錯講下。的確我係知情廈門金旅會造呢款小巴出嚟，我諗呢架車嘅第一個 point 就係如果 proof 到連「國貨」做到20位而運輸署仍然堅持19，對應689之下嘅港共傀儡政權極度 insist 「愛國」而 TD 都唔跟隨，就更加肯定 TD 班貪官係偏幫豐田。第二個考慮就係正如啲憨膠友仔話齋「幫共匪抬轎」，但如果並非政策制訂偏幫而產生市場優勢，自由市場原則之下無理由唔俾廈門金旅賣車。結果就是擋晒所有「幫共匪抬轎」嘅冷箭而全城幫手「打著紅旗反紅旗」，搞到有相熟記者朋友同小弟講運輸署班貪官嬲到爆炸鬧我「駛唔駛 (攞架國貨嚟)玩咁串」，同埋有傳聞驗車組千方百計拖住驗車 (到今日仲未見到架車行街應該係咁嘅原因)。

胡志偉或會認為用柒警、朱經緯可以同共產黨「等價交換」式 make deal 放生所有參與佔領被起訴嘅人，特別係啲有名有姓嘅社會領袖。無錯，响思路上，佢個intention知道「交易」可以話係一個進步，出發點無錯。但要同共匪開條件要對準死穴，迫向死角係必須，可是柒警、朱經緯，以至整個港共公安部都只係共匪的棋子，共匪必要時可以棄車保帥推呢堆响黃竹坑警校被洗晒腦嘅傻仔出嚟祭旗，共匪根本就唔會 Care 啲港共公安嘅死活，即係話唔會 make 得成 deal，更是若果只係打算去 proof 林門鄭氏 777 無意「大和解」的話，放生柒警、朱經緯亦都係唔會有效果。唔單只搞出「俾位人哋入攝狂插」柒到核爆，就連「原本想出嘅效果」都唔存在，可以話成單嘢根本就係「鳩做」。就是連政客的基本常識都無、又或者只係繼承飯桶「做咗就算」嘅一貫傳統，所以頂頭嘅配圖唔係用大家較熟悉嘅「臨時演員都係演員」而用《喜劇之王》另一金句。

再者，飯桶們另一樣最耍家嘅係「政治道德喜瑪拉雅山」，原則大過天。跟呢條 track 去「開價」就應該用「支持林鄭响7月1日後嘅管治」爭取撤銷「831」同落實《基本法》原本訂好嘅2007年可以雙普選。就算退一步唔迫倉撤銷「831」，最起碼應該係爭取撤銷所有 DQ 官司，包括梁頌恆同游蕙禎 (飯桶幾唔 LIKE 佢兩個都好，點計佢兩個都係有民意授權，正正就是民主大原則)，達至非土共派大和解，準備下一步合力同共產黨對著幹，做到毛澤東有云嘅「兩手準備」，咁先係路。

要懂得同共產黨拗手瓜第一個先決條件就係要認識了解清楚共匪嘅特性，黨史係基本，然後要通曉策略。飯桶唔識同共產黨 make deal 就咪衝出嚟柒啦，唔該！

返回主頁

年過六十罹患眼疾，返去新北

黃毓民宣佈退出政壇，從此不再參選香港選舉，不少人第一反應係「留名等走數」。事實上，正如賭馬「刨往績」，由佢出走社民連以嚟啲record，真係唔好怪人人都咁諗。亦因此要執正少少個「立此存照」會好啲嘅。

客觀講，黃毓民由商台《政事有心人》封咪之後走入議會，的確對香港政界產生唔少正面作用，至少响立法會會議廳聲大大鬧港共狗官係佢創先河。但可惜因為黃特漢啲新聞 (係呀，又講呀)之後嘅表現以至人格變化，就使到佢嘅宣佈「退出」，除咗佢嗰堆芒果教信眾之外，根本無嘢值得可惜。

唔計一直有傳因為「大漢」(試用閩南話讀呢兩個字)而投共去呢個可能的子烏虛有，剩係講佢班追隨著開口埋口嗌佢做「教主」，佢又好受樂而即合理理解根本在搞個人崇拜，呢個完全違反民主政治原則嘅搞作，已經係佢從政以嚟嘅一大敗筆。

芒果佬話會繼續論政，無任歡迎嘅。但除非只為做慈禧太后玩論政為名莫後操盤為實，否則正如小弟有寫台灣《自由時報》同新加坡《聯合早報》咁，芒果佬查實唔一定要响香港。咁佢可以去邊呢??

點解會起題「返去新北」嚟呼應，當然有典故啦。Details 就...... 費時俾人話「禍不及妻兒」啦。

但要講返一件事，响舊年立法會競選期間，佢堆信眾因為我公開表態支持游蕙禎，就响小弟FB Page搗亂，但在我一晚之內連出三個posts都蘊藏住台灣新北市板橋區呢個訊息，之後就雞飛狗走、水靜鵝飛......應該諗到新北同芒果佬有乜關連喇掛。

反正話對眼唔掂喇，不如返外家，起碼多幾個人照顧下。

後記：
當晚要是堆教徒無停火的話，我就會貼埋呢張响之前去台灣時特登去影嘅相

自強新村唔單只係眷村咁簡單，慢慢參透下啦

頂圖是响美國西岸至中部，墨西哥流行嘅一款名為 Mango Salsa Hotdog 嘅美食

返回主頁

UA 處理Overbook 程序錯晒

聯合航空 UA3411 班機打傷乘客故然唔啱，俾全球抽水兼股價下挫5%完全自己攞嚟賤。事件起因航空公司要安排 4個 crew 飛去 Louisville 上機要Sub-load 4個乘客，有說法是「超賣」Overbook 導致。但嚴格嚟講唔算係 Overbook case，而係完全行政失當造成。但既然間間傳媒都錯誤演繹件事，姑且將錯就錯連埋 Overbook 開始講下 UA 成件事到底錯成點。

首先唔好成日一睇報紙寫「航空公司超賣機位」(尤其是大埔工業村寫因管理不善而XYZ!#@%^%) 就認為航空公司離晒大譜。Overbook 呢樣嘢係民航客運變得普遍之後任何一間航空公司都必定會做嘅事情，原因唔係貪錢，而係要預計有人「放飛機」(No Show)，即係訂咗位但又唔上機。港燦們唔好認為「點會有人咁憨膠俾咗錢都唔飛」嘅事，呢啲情況通常係商務旅客，但就算去旅行玩，屋企有乜突發事「甩碌」都係歸類呢啲 cases。航空公司為免浪費資源，所以一定會做 Overbook。睇到呢度應該明白 Overbook 其實係一項風險管理。

Overbook 「管理」係由訂位系統開始就會進行。簡單講就係班機有300個位，但訂位系統可以接收最少301個位。然後到起飛前24小時，航空公司的 Load Control Office / Seat Control Office 開始計算班機的運載時，會查閱 checked-in 客數可會多過該班機的座位數。又或者再準確啲講，係計算客數連預計寄倉行李+貨運單數重量 (當然仲要+載油量等 Technical figures) 會不會超過隻機的許可負重。

到起飛前3-4小時做最後確定，如果真係有 Overbook (不論係checked-in 客數多過該座位數，或負重)，就會通知 Ground Service (地勤) 準備「派錢」，即係要 Offload 乘客。Check-in Counters 到 Boarding gates 當值嘅地勤職員都必定收到「OB」指令，游說乘客「改搭下一班機」，或無人肯落搭嘅就「先到先得」， Boarding Sequence 第301開始就全部 Offload。

通常响 Check-in Counter 已經「哄」到有人「落搭」或成功堵截，但現今有唔少旅客用 online check-in 又無寄倉行李，去到機場直入禁區再去到登機閘口等。响 Boarding gates 當值嘅地勤職員就守最後一關，通常係針對最尾的幾個乘客。不過好少可會响閘口咁做，因為就是 online check-in 嘅普及，「OB 客」要不是做唔到 online check-in 就係响 Check-in Counter 被「堵截」。

Overbook 「管理」箇中當然有好多竅門。用一啲香港出發或來港嘅班機做例子講解一下：

• CX 去台北，一日十幾班機，又同 CI 有 "POOL agreement"，真係有 OB 都可以問華航能否幫拖「食」咗隻客。非旺季日子每班機 OB 20 都未必會出事；
• CX 去東京成田，一日五班機。同 JL 有 "POOL agreement"。但長期 loading >90%，又雖然仲有兩班去羽田，再唔係可以「掟」個客去大阪關西賠多張JR火車票，但最盡每班機 OB 兩三隻；
• CX 去馬尼拉，經濟倉多數爆，但商務倉多數有剩，姑且可以每班機 OB 兩三隻經濟位，大不了 upgrade 個客上商務；
• CX 去倫敦，一日最多七班機，但又係長期 loading >90%，特別係暑假、聖誔假期之後大把細路返過去開學必定爆到瀉，就千祈唔好 OB，否則 Check-in Counter 開大片；
• 不論CX 定TG，曼谷飛香港貨倉唔係榴槤、大頭蝦就其他嘢食，總之大把貨到唔好話寄倉行李都無乜位剩，隨時為咗啲貨唔可以上滿客。盡量都唔好 OB。

以上純粹例子，並非實際操作。因為每條航線、每班機都要「執生」。可見 Overbook 「管理」係一間極度講求經驗嘅工作。

UA 打人件事，除咗好明顯無做足以上的 Overbook 「管理」工作，尤其是 Control Office，因為「照正常」嗰四隻要飛去上機嘅 Crew 唔係臨起飛之前先出現响登機閘口。班機 STD 1740，即係就算之前一晚無收到通知，都應該當日早上 Control 已經知道。又「照正常」的話應該响 check-in counters 「做嘢」。

UA3411 到 Louisville STA 2002，斷估唔會即刻上機做嘢而係等到第二朝。即係就算四隻 Crew 上唔到 UA3411，仲有一班 UA4771 STD2100 可以俾嗰四隻 crew。即係話聯合航空最起碼仲有一個後備計劃，唔駛夾硬 Offload 乘客甚至打人收場。當然，UA 啲管理其實仲垃圾過國泰，四隻 Crew 係失驚無神要飛唔係無可能嘅事。即係唔計打人係大錯特錯，所有責任都係 UA 嗰度。

如果嗰位亞洲裔醫生真係去 Louisville 做手術，而嗰位病人因此有乜不測，UA CEO Oscar Munoz 跳湖都唔掂。

返回主頁

由城巴女車長見香港傳媒墮落到近乎翻身無望

一個新入職，相貎稍為吸晴嘅城巴女車長，搞到網上「流晒口水」，然後多家報館爭相追訪。好多人嘅即時反應係「駛唔駛咁誇張呀」，再唔係就「前世未見過女人咩」；比較識車嘅就話「好樣女司機有幾出奇唧」，某程度上講緊事實，起碼我都搭過巴士而位女車長的樣貎都叫做生生標緻。但仲有一個來自接近傳媒嘅講法，就係「有乜嘢新聞價值呀?」，出發點就是基於前三個講法。

睇返《香港經濟日報》、《信報》同《香港01》等嘅報導，採訪內容都係離不開「點解一個女仔會走去揸巴士」，一種港燦mode「出奇」有如發現新大陸嘅角度，同當年「9A車長」無乜分別。即係睇完同無睇係無乜大分別，最多叫做睇完笑完就算。報導內容無乜可讀性，就難怪依家啲人唔睇報紙。此是香港傳媒沉淪嘅第一個原因。

呢單新聞嘅源頭係網上流傳照片，即係話幾家傳媒都只係從網上「八卦」到就當係新聞咁做，但做採訪得嚟又無進一步深入去探討同分析，延續第一個原因嘅論點之餘，亦反映傳媒响發掘新聞題材嘅意欲已經去到懶到出汁嘅地步。而响資訊傳遞層面嚟講，網上嘅料根本就唔駛你報都會傳得開，亦即有無報館、電視台其實無乜分別。傳媒嘅存在價值進一步下沉，是第二個衰落原因。

第三個原因係採訪嘅手法，所指嘅唔係「無深入最少一個層次」同「無做分析」，而係為攞料採訪無所不用其極。其中CCTVB「東張西望」搞出來的，根本完全有違專業操守。

第一衰就係本來城巴都好識做俾女車長「落地」做訪問，但 CCTVB 為求畫面唔會出現其他傳媒嘅咪牌扮獨家，唔同其他傳媒早一日一齊去。第二衰嘅係除咗偵查報導爆料，要採訪一間公司某個員工該先取得僱主同意，或最起碼知會僱主，但 CCTVB 要「自私食」又唔同城巴溝通安排。仲有第三衰的是，採訪對象係提供公共服務，採訪安排必須盡可能將服務影響減至最低，CCTVB 阻住阿 WING 開車，就範下此大忌。

以上嘅都只係傳媒步向滅亡嘅「病徵」，由 CCTVB 嘅做法開始睇，會見到「有乜嘢記者就有乜嘢新聞」嘅現象，利穎怡只係藝員訓練班出身，唔係新聞系畢業；又或者唔係類似我呢啲茂利咁接觸得多新聞時事而有一丁點新聞專業概念。純粹跟上頭指示做嘢嗰種。咁就解釋得到「東張西望」會搞到咁柒。

但就算係其他傳媒嘅記者，雖然多數都係唸新聞系出嚟，但由老闆到「老頂」到編輯，都無 sense 迎戰當前社交網絡嘅發展形成新聞資訊流通方式嘅變化，甚至單睇今次呢單嘢，好多只係求畫面、sound-bite，一味攞到網上嘅 hit-rate 就算。於是乎記者點堅持由院校所學習到的，做盡晒所有記者嘅本份都好，返到報館 / 電視台 (尤其是袁花蟹嗰邊)，就死 cut 爛 cut 嘥晒記者啲心機。加埋雞碎咁多嘅人工，試問仲有幾多記者有心機做落去。單是小弟由尖碼以嚟呢 9年所認識而 keep 住聯絡嘅記者朋友，起碼有一半轉行做 PR 或者 Freelancer 接JOB，最差嗰個份人工都比起做記者多60%。

留唔住舊人，新人入行既生手又遇著啲 (已近乎忘記何謂新聞專業) 上司，咪繼續只會响 Facebook 蒲搵新聞，然後攞吸晴畫面同 sound-bite 交差就算。

無可避免地姑且政治化，記者人工奀過鬼，管理層又唔再持守新聞專業，甚至要採訪時做出一啲惹人討厭嘅事出嚟，結果不過是逐步鏟除傳媒响社會上嘅角色，等專權者無需懼怕傳媒嘅監察同輿論可以為所欲為。

仲繼續堅持做記者嘅朋友，希望你哋努力同爭氣。但就請傳媒高層以至老闆認真思考兩個問題：
1. 開口埋口話隨住互聯網尤其是社交媒體發展，就是傳媒嘅末日。點解 Financial Times, NY Times, The Thames, The Guardian 之類仲可以繼續生存得到？
2. 生意口吻咁講，有FB、Twitter 之類傳嚟傳去嘅嘢，報紙電視無 add-on value 的話，點解仲要睇你哋呢？

後記：香港01「事後」出多篇評論，分析呢位女車長所帶出的性別、年齡與職業定型嘅問題。叫做擦咗陣「膠」味走。但其實依家嘅傳媒形勢，呢篇嘢內容應該就响篇「報導」入面出現啦。

返回主頁

岸膠舞若衣之膝躍反射柒咗都唔知

好多人，包括大堆平日懶係關心時事政治嘅人，一見鍾國斌响 NOW「大鳴大放」咁講，即刻「上腦」的大鬧自由黨派件仆街中之XO掌管教育，話自由黨夾埋林鄭月娥要搞死香港啲細路正一冚家鏟。

睇表面嗰層，的確係得出咁嘅結論。但由節目出街起計剛過24小時，自由黨榮譽主席田北俊就响FB 出個咁嘅 Post


成個 post 連埋啲 Hashtags 完全係一陣「曲到圓」嘅味道，即係嗰大堆狂鬧嘅友仔全部中晒伏。

先唔講田大少玩膠所蘊藏嘅意思，若果冷靜、細心分析一下鍾國斌所言，其實充滿伏味。

第一，自由黨嘅民意支持不嬲都唔高，且偏重於來自商界。可是有一個不分派別都極度討厭嘅黨員，呢個叫做張宇人。普通階層討厭佢唔駛多解釋啦，但商界因為佢啲「資本家可恥」嘅言論過晒火位，推高老闆 vs. 打工仔嘅對立火勢，影響到日常營商嘅管理上變得更加困難，認為佢係一件「累街坊」嘅人形物體。

第二，因為張宇人神憎鬼厭，黨內自不然有人認為佢「陀衰家」，唔妥佢嘅大有人在。甚至不能排除有想逐佢出黨嘅諗法，但始終黨內有一批張廿蚊嘅死忠，莫講話要逐佢走，就是要借今次特首選舉佢唔跟隨黨嘅路向表態高調支持林鄭而要「紀」佢，都唔係容易執行；就算要做現階段都唔可能明做。難得有機會食住林鄭嘅民望弱勢「借刀」將對佢嘅不滿擺上枱面，先可以鋪路趕佢走。

第三，再就算唔諗、唔知、唔理第一同第二嘅情況，自由黨推薦等如林鄭一定要受咩? 正如平日搵工，你寄申請信去一定會見你咩? 約得你 Interview，一定會請你咩? 連呢個咁簡單嘅都諗唔到，仲學乜嘢人做KOL講嘢呀?!

第四，張宇人真係熟教育嘅事？客觀嚟講不論階層都會講句「咪玩啦」。用坊間對張廿蚊嘅普遍印象反「借刀」捅林鄭，擺明車馬發放「我哋唔妥你林鄭」嘅訊號。即係林鄭組閣工作繼續受阻。呢個就係田大少玩膠所蘊藏嘅意思。

中學 Biology 有教授膝躍反射 (Stretch reflex)測試證明人體反射機能唔單只係透過腦，係可以經由中樞神經作快速操作。故此可用作測試中樞神經診斷例如中風、小兒麻痺等同脊髓有關嘅疾病。

一個二個對推薦張廿蚊做教育局局長即刻衝出嚟鬧生晒，完完全全就有如膝躍反射咁唔經大腦嘅所為。就連如以上四個 facts (最少) 都唔去思考，就衝出嚟柒。再加埋田大少「曲到圓」嘅表達，更見到嘈嘈嘈嘅友仔是何等的岸膠舞若衣 (憨鳩無藥醫)。

姑且拉闊同時間上返去耐少少，過去呢幾年好多新聞事件，都極度多人以膝躍反射模式作出反應。唔講英國對香港嘅取態表現或支那共匪所做的都係隱匿手法咁高深，講單連陳云根都柒爆咗嘅事 ── 2012年8月保釣成功登島。

當年因著剛抬頭嘅香港本位主張 (即一般稱為本土主義)氣氛，好多好多好多好多人批評啟豐二號赴釣魚台只是大中華情意結、幫支那共匪助長民族主義氣燄抬轎。但小弟就偏偏大唱反調，認為今次行動只會搞到共匪頭都痕，結果當然俾眾人圍屌狂插。直到楊匡不顧阿牛曾健成阻撓(江湖傳聞，真假自行判斷) Full Throttle ，同日本海上保安廳兩艘艦艇硬撼成功登島。


再之後引發共匪治區發生大規模「反日示威」，微博、QQ 互傳高喊解放軍出兵，或反過來說「捍衛領土解放軍還不如一個楊匡」之後，就全世界收晒聲；小弟當然就借勢瘋狂大反擊，包括狂掃陳云根及其信眾，結果「被下地獄」。

事隔咁多年就不妨爆埋，當年响出發前幾晚同楊匡出嚟飲酒吹水，佢同我講：「Jacky，睇住我做場好戲！」我無追問佢會做乜而只係回應一句：「我買定煙同酒等你返香港，係咁多！」，兩條友跟住拎住啤酒樽一哼「就咁決定」。

膝躍反射 mode 唔單只誤導言論，輕風作浪嘈喧巴閉都事少，仲往往做出錯判形勢，搞到成個坊間反應錯晒而影響大局走向，更見呢堆直咇腸政客、KOL 害人不淺。但最慘嘅係呢堆盲毛恃住自己响道德喜瑪拉雅山兼有所謂知名度指斥如我呢類反其道而言嘅友仔，先至禍害深遠。

自由黨鍾國斌同田北俊今鋪唔只成功向林鄭射一炮，仲使一大咋平日聲大大但實情係無貨賣嘅友仔被炸到體無完膚，小弟確係有少少心都涼埋。但同時奉勸各路英雄英雌唔該緊記「政治嘅嘢邊可能單睇表面」嘅原則囉。

後記：
1. 慢慢參透下楊匡不顧阿牛曾健成阻撓嘅江湖傳聞，會明白點解支那共匪要追殺楊匡到天腳底；
2. 正如新約聖經路加福音4:24 ~ 沒有先知在家鄉是受到悅納的。真係唔好怪小弟對香港政事冷淡。

返回主頁

強烈支持馬來西亞政府驅逐所有華人出境促成政教合一政體

馬來西亞國會議員沙布丁 (Shabudin Yahaya) 好一句先姦後娶、9歲細路女可娶，搞到本來國際上無人理嘅馬來西亞政治，一下子吸引晒全球多國注意。




呢條變態馬拉佬乞膠威力高登仔坐火箭都追唔上！！

馬來西亞國會現正審議簡稱「355法案」，大致內容係將通稱為「伊斯蘭刑事法典」同伊斯蘭審訊 Syariah Courts (Criminal Jurisdiction) 變為全國適用。拗撬重點唔單只係非回教徒是否適用，東馬兩州(尤其是砂朥越)是否豁免實施，重有條文訂定同執行如何實施於回教徒身上。

「355法案」表面上促使穆斯林「回歸」對真主嘅真誠，對於馬來西亞普遍接受所謂世俗化嘅回教徒嚟講，其實只能接受。但如果知道夾住响汶萊東西兩部份中間嘅砂朥越林夢市 (Limbang) 有如支那匪區東莞咁 (日後有機會先詳談)，成因同汶萊一直奉行伊斯蘭刑法有關的話，就會知道班馬來西亞堆馬拉佬政客所打算的根本得啖笑。

研究馬來西亞政治嘅重點從來都係圍繞住種族主義。唔講太遠，由1965年Singapore is OUT，到1969年5.13暴亂，再到1980年代馬哈迪時期強勢打壓林吉祥父子以至民主行動黨，通通都係由種族主義思維所衍生出來。本來到安華出任副首相開始出現「大和解」蹟象，但馬哈迪一腳踢佢入監倉，就一切還原到政治上馬拉人同華人對峙狀態，或最起碼面和心不和。到納吉出任首相，呢種政治上不和嘅狀態變本加厲。

又本來民主行動黨非常努力爭取馬拉人支持，2013年大選派出多名馬拉人上陣，2014年5月安順補選更直頭傾盡全黨力量為Dyana Sofya助選；加上檳城州首相林冠英執掌州政府不到八年將州庫房財政轉虧為盈贏盡州內不同膚色的掌聲，道理和形勢上該出現第二次「大和解」。但本來响2013年同民主行動黨及安華為首嘅公正黨合組「人民聯盟」嘅伊斯蘭黨，一直採取開明主張嘅精神領袖聶阿茲 (Nik Abdul Aziz) 响2015年2月12日逝世之後，黨內保守勢力抬頭，直指2013年大選民主行動黨才是大贏家，認為伊黨為這華人為主嘅政黨結盟只是作嫁衣裳，係錯誤的。導致民聯散夥 (但不是想談的重點)，然後伊黨大力鼓吹政教合一主張。納吉「淋電油」撥大個火，全國大規模充公 Non Halal油掃呢件膠事就係咁情況下發生。

伊斯蘭黨嘅中心思想係信仰主導一切，甚至有保守死硬派認為馬來西亞社會及經濟狀況一直落後，是因為國內信徒對真主不夠真誠，再有更激進(雖然只是極少數)的想法認為一切皆因有非穆斯林响大馬招致真主嘅懲罰。馬來西亞人口種族比例，馬拉人(連同土著)約70%，非土著絕大部份是穆斯林；非穆斯林的有印度裔人約7%，華人約23%。可見伊黨嘅茅頭其實直指華人。

另外要留意，巫統嘅政治主張重點就係「馬來人優先」。基礎係指華人漂泊到來掠奪資源、掌控經濟命脈，是導致馬拉人大多數窮困嘅原因，所以要讓馬拉人先享有政治、經濟、福利、教育嘅優先權，才可以擺脫華人嘅支配。

兩黨差別只在於直接從宗教角度，或是借宗教之勢加諸於經濟和社會因素，但都係針對華人，壓縮華人嘅生存空間為目標，甚至要將華人趕走。

換上另一個角度看看大馬華人。馬華公會嘅成立目的是要抗衡巫統等政治勢力對華人嘅打壓，為華人爭取權益。成個巴勒斯坦解放組織 VS. 以色列政府咁嘅陣勢，當然就出事啦。再加埋華人血液裡嘅小農奴隸基因 ~ 皇命不敢違 + 西瓜靠大邊，結果咪俾巫統收編。加上Singapore is OUT 之後民主行動黨不斷受到狙擊、迫害，就使馬來西亞華人心底裡總有著寄人籬下的思想，擦不掉同「中國」嘅心理聯繫，沒有如新加坡華人嘅落地生根思想，就成為馬拉人認為華人係非我族類、唔可靠嘅理據，也所以能解釋為何華人成為伊黨同巫統嘅針對目標。

但更仆街嘅係唔少大馬華人無 alert 到呢個問題，响2015年5月曹格認做「中國人」事件，小弟借勢點出呢個問題，响馬來西亞《東方日報》撰文兩篇：2015-5-28 歌手曹格是中國人?，2015-10-6 華族毋忘歷史教訓，提醒大馬華人，結果兩個「馬來西亞『中國人』」接連開炮還拖：
2015-6-8 大馬歌手曹格犯下滔天大錯？ ──駁林鴻達的謬論
2015-10-25 華人沒忘歷史教訓──回應林鴻達

就證明馬來西亞華人俾馬拉佬針對，甚至可能因「355法案」招禍，更甚至發生排華，都係抵撚柒死唔抵可憐。

順手一提，自從呢兩炮之後，知道大馬華人根本唔抵幫，就再無心理會同再無為《東方日報》撰寫評論。多謝老闆黃金城一直的支持。

既然伊黨同巫統咁想趕華人離開馬來西亞，又既然華人咁「心繫(支那)『祖國』」，那倒不如強烈支持伊黨同巫統好過，反正學陶傑話齋「中國人係一個習慣走難嘅民族」。但不過咁，柔佛二王子東姑依德利斯講過佢身上流著有華人嘅血；雖然追溯返「曾祖父」阿布峇卡蘇丹陛下 (Sultan Ibrahim Abu Bakar Al-Khalil) 娶妻廣東客家妹黃亞嬌，後來改信伊斯蘭教並改名法蒂瑪 (Sultanah Fatimah binti Abdullah)，但柔佛王室唔認同伊黨同巫統甚至狂抦，真係要趕華人走的話，就順手趕埋柔佛走啦。

返回主頁

新加坡人被馴養到無執生能力

上面呢張唔少人share過嘅相，事發於2016-11-21日，地點係楊厝港路 (Yio Chao Kang Road) 與宏茂橋第5街 (Ang Mo Kio Ave. 5)，詳讀The Strait Times 報導。各港燦唔知地點唔緊要，反正呢啲區份正常嚟講你哋唔會去。

重點係壞咗交通燈，全部車塞死去唔到，無人有intention睇下點郁動啲車散水，拉手制等警察到。

換轉响香港發生呢啲事情，起碼的士佬、貨車佬，又或者如我慣咗响路面「碌」，就會落車睇下點環境，諗下點褪車同幫手睇位盡可能散咁啲車，等警察嚟到唔駛煩而只係指揮交通直到交通燈恢復為止。

已可見到坡佬真係無港燦咁醒。

但呢類膠事前日又一單，又係响宏茂橋

原LINK: http://www.channel8news.sg/news8/latestnews/20170404-sg-amk-traffic-jam/3651106.html

又再假設發生响香港，應該會有十零廿個人幫手推車，將其中一部巴士推去同一條行車線，或就算唔敢攞軚 / 著唔到車軚箱無咗液壓輔助攞唔到軚，就推前大約兩個車位 FOR 足夠空間俾車過。起碼可以慢溜而唔會塞死。

新加坡人真係鈍到咁嘅地步？定係心態上懶到咁？

話說一個月前小弟返鄉下時，搭過一程的士，司機年約60歲的華人，知道我係香港人就雞啄唔斷吹水 (當地較年長的不論膚色都係鍾意同香港人吹水，除非你唔願意講嘢)。講到李光耀，提到1965年獨立之後嘅歷程，肯定 Mr Lee 所付出同貢獻之餘，就講到李光耀為國家同人民所規劃嘅一切，的確使新加坡人人安居樂業；但亦相反地使唔少人因為安穩而有一點「飯來張口」嘅心態，覺得生活上好多事情政府會做好晒唔駛操心。於是乎就就無咗香港人嘅主動性、積極性、靈活性嘅思想，同做人做事欠缺衝勁。

吹水期間就講到壞交通燈事件，我有講如果發生响香港會點，的士司機就話呢個就係新加坡人嘅思想同心態方面嘅寫照，同對比香港人嘅分別。

呢啲思想心態同兩單交通事件有何關連？

第一件事當然係香港啲星馬半桶水同左賊最愛批評新加坡嘅「打壓自由可恥」。就是獨立前後到1980年代，新加坡面對種族、宗教而成嘅內憂被迫重手對付「言論自由」，久而久之除咗養成新加坡人「有乜事都唔出聲」嘅習性之餘，仲有養成「循規蹈矩」到唔係自己份內事就想掂都唔好掂。揸車嘅就揸車，搭車嘅就搭車，other than that 乜都唔好搞。

第二件事就係諗住「政府乜都會做架喇」，於是乎壞交通燈咪就等警察嚟囉、壞巴士咪就等巴士公司或LTA搵拖車嚟囉。然後基於「唔係自己份內事掂都唔好掂」，唔會諗到塞死晒就拖延警察騎電單車到現場嘅時間、拖車去唔到現場。更加唔會諗警察或巴士公司嘅人嚟到第一件事要做就係疏散啲車而呢啲嘢其實可以自己做得到，兼且可以加快當局善後嘅速度。

其實以新加坡歷史進程形成新加坡人嘅辦事能力，根本可以好快處理，尤其是壞巴士平排單嘢。新加坡兵役制度使普遍男性嘅體能比香港人好得多，要推開架巴士更加無難度。

李光耀的確成功壓住國內嘅危機使新加坡發展起來，亦的確使人民生活得到富足，但就搞到社會運作得如此笨拙。但反過來，如果沒有李光耀當年嘅強硬，新加坡隨時唔只會有Shabudin Yahaya日日鳩噏，搞到日日打打殺殺。真係針無兩頭利！

所以唔好淨係羡慕新加坡人住「大屋」，好多膠事香港人係唔會明白，更可能接受唔到。

返回主頁