馬哈迪戰略理論對付東大嶼山填海

上文講到推倒東大嶼山填海嘅策略概念，一定要在普羅大眾層次嚟講夠「貼身」而唔好講埋啲懶係崇高嘅理念論述。點解會講到馬哈迪？因為响今年5月嘅大選時，希望聯盟亦係採取類似手法，就連 Kampong (馬拉話「鄉村」) 本來係巫統/國陣票倉嘅範圍都成功攻下而取得執政權。

响大選前，馬來西亞最大嘅兩個議題，一個係 1MDB 貪污逾420億令吉，另一個係銷售及服務稅 GST 導致物價上升。

比著响香港班左賊習慣曲高和寡講啲「高層次」議題，一定係拎住 1MDB 案嚟狂砌納吉。但馬哈迪同希盟就主打 GST 問題。以 GST 導致百物騰貴而民不聊生，特別响普遍較落後而貧窮嘅 Kampong 就更加痛苦。

希盟嘅講法亦唔係話巫統政權從 GST cap錢有乜春不公義咁空泛，而係講國陣政府嘅管治「洗腳唔抹腳」所以要收 GST，因而導致物價上升；只要「換政府」改變政府嘅運作同管治，盡可能減省開支，就可以改革稅制 (取消GST) 而收少啲稅，減輕生活負擔。提到 1MDB 嘅比例好少，亦都係 link up with 「洗腳唔抹腳」嚟到講。呢種講法嘅好處就係對選民嚟講夠「貼身」，容易引起共鳴。

或者對於香港班左賊嚟講，只會覺得馬哈迪、希盟嘅手法「好cheap兜」。但問題係選舉工程嘅目標就係要選民投你一票，而要選民將手上嘅一票投俾你，就係要使選民認同你。要如何得到選民嘅相信認同，就係要選民對你產生共鳴。要取得共鳴，就要講述選民覺得重要嘅事。而所謂「覺得重要」，放諸天下皆準的就是「貼身」。這就是現實！





馬哈迪响勝出大選後接受訪問，有提及整個選舉工程嘅策略鋪排。佢講到點解主打 GST 反而將更大問題嘅 1MDB 擺响次要位置，原因係對於普羅大眾嚟講，420億唔關佢事，相反地420令吉就是生活困難嘅主因；420億講唔到點解生活越嚟越苦，反之由420令吉開始就可以扯到去420億。

引伸出嚟而套用返响東大嶼山填海，5000億定10000億唔係同港人無關，但又要講稅收、政府財政呢啲咁複雜嘅公共行政問題，講得明白都「蚊瞓」。直接啲講同「趕客」無分別。但如果搵到一啲「拆細」嘅論述，並與普羅公眾切身利益有關，就正如馬哈迪「420令吉」咁，就能增加成推倒填海計劃嘅機會。甚至扯遠少少講，其實任何議題都可以循呢個方向去「打」。事實上，呢一種手法概念响當年保衛尖沙咀碼頭巴士總站用過，當年擺街站嗌咪內容只係「無車搭、無船搭」；又或者係限奶令戰役，都係集中講「撲奶粉」嘅困難。恕我囂張講句證明係有效。

就算唔睇小弟嘅「戰績」，馬哈迪响5月大選所採用嘅戰略理論，就成功創造歷史。學吓佢，唔會錯得去邊。





返回主頁

波德申補選再次見香港傳媒淪落

開始撰文嘅呢一刻，馬來西亞國會波德申 (Port Dickson) 補選已完成點票，根據當地傳媒報導點票進度 (非官方結果)，安華 (Anwar Ibrahim) 嘅得票已大幅拋離第二位「恐怖份子黨」回教黨納扎里 (Nazari Mokhtar) 逾四倍，可以話篤定當選呢一個議席，重返國會準備擔任下一任馬來西亞聯邦首相。安華嘅票數拋離對手嘅消息，早在投票結束後約兩小時 (即大約18:00) 左右陸續出現。

5月9日大選，香港傳媒就冷處理；今次補選，香港傳媒就急急腳狗衝咁報，最早嘅响大約18:00左右，就話預計當選。唔係報又鬧唔報又鬧，而係將今次補選同 509大選香港嘅傳媒報導取態進行比較，真係睇到香港啲傳媒都真係幾無腰骨。

香港傳媒對 509大選冷處理，我就猛火炮轟，話因為支那共匪有所顧忌選舉結果而「有指示」。今次補選，表面睇好似撥亂反正，但問題係既然 509大選就冷處理，而大選後馬哈迪就任首相就連番同支那共匪對著幹，理論上支那共匪嘅顧忌只會越重，因而都應該對今場補選作冷處理安排。但竟然掉返轉，真係唔使我起疑心。

問題在於，稍有留意南洋政治嘅阿水都知，安華勝出補選就將會朝擔任首相之路進發；而睇返希盟政府上台之後，支那共匪响馬來西亞嘅利益節節受挫，共产党班賊嘅思維好自然會諗如何扭轉劣勢。共匪所諗嘅係响大馬嘅利益出事只因馬哈迪，如果換上第二個就有變動嘅可能、翻身有望。呢個可以解釋支那共匪會好想安華贏嘅心態。就是希望安華贏，所以有「吹」佢贏嘅動機，亦於是乎解釋到點解香港啲傳媒咁急就報導呢場補選，仲要報得嚟係咁吹安華會當選，而唔似 509大選嗰陣，投票結束都只係話「投票結束，等待點票結果」；甚至是5月10日出晒點票結果，希盟推舉馬哈迪做首相，國王跟足程序處理宣誓安排，但《蘋果日報》就話「國王拖延宣誓」咁仆街。

另外，CCTVB 錯料 ── 安華係以「人民公正黨的候選人」身份參選，但真相係安華掛希望聯盟 Pakatan Harapan 牌頭出選。



基本Facts check 唔做當然有違新聞專業，問題在於 CCTVB 响傍晚六點幾就出 (網上已經遲起碼半個鐘，即係最遲17:00 多啲已經响新聞台做第一輪報導)，好有「急到瀨」嘅跡象。而點解急成咁，除咗係共匪主子嘅指令，似乎搵唔到其他原因。

將 509大選同今次波德申補選响香港嘅報導比較，可以見到：
第一，支那共匪真係好著緊馬來西亞嘅局勢變化。為乜咁緊張就唔駛再多解釋啦；
第二，因為對大馬局勢變化嘅著緊，輿論鋪排都要「計過度過」；
第三，香港嘅傳媒就視乎黨嘅取態想報定唔想報，而唔係純粹基於新聞價值去做衡量。

香港嘅傳媒機構根本就無腰骨，甚至再串啲講，因應本港政局已經「無腰骨」，連國際新聞都要「跟隨黨嘅指令」，直頭係軟體動物囉。





推前返少少去今場補選開始蘊釀，有傳媒報導 (唔開名喇) 話「馬哈迪要求安華先勝出補選先可以接任首相」，根本係一個誤導。馬來西亞係實行議會制，即有如英國、德國嗰種。首相必須係國會議員，而國會議員必須經由民主選舉選出。只不過太多人唔明、唔識，以至係小農奴隸基因只有皇帝嗰種諗法。可以見到香港傳媒處理國際新聞嘅能力同質素到底有幾不堪。

補選結果可以唔駛多懷疑，但安華即使就任首相，係咪代表「中馬關係」可以稍趨緩和；或者從支那共匪角度直接啲講，共产党响馬來西亞係咪會有返運行？須知道議會制政府唔係一個人話事；再者，安華、財長林冠英都係「好實際」嘅人，見到中国對大馬嘅經濟同政治會造成乜嘢影響，係唔會輕易轉軚。再者，劉特佐嘅問題一日未解決，支那共匪一日都唔駛旨意可以同馬來西亞有計傾。簡單而直接啲講，習匪近平早點就寢吧。






返回主頁

郭釗要幫共匪做說客唔該先做足功課

雖則有云言論自由就是任得你噏，但「道理」兩個字亦是原則底線，尤其是傳媒，更不容無理取鬧，甚至基於立場取態亂噏廿四更加不能接受。

如前文所述，香港傳媒對馬來西亞大選的報導及分析，因為支那共匪在馬來西亞嘅利益，搞到不堪入目。《蘋果日報》似乎仲未有意識要制止呢啲亂報亂寫，今日再多一個近年狂sell外國置業、尤其是大力吹捧馬來西亞物業嘅地產佬郭釗亂鳩咁寫《馬國不會自斷米路》。

無錯，因為馬來西亞憲法第153條的「馬來人優先」，大馬華人由讀書到就業都受到壓制，因而普遍出國升學同發展事業；亦同時導致唔少大馬華人(尤其是年紀較大的)比香港支教民左賊更心懷「祖國」。但郭釗文中所言的「有爭一口氣的感覺，也樂見中國在此投資做生意」，就真係唔好意思要講句「郭生今晚早啲瞓啦！」加埋佢又話「馬拉人更樂見中資帶動他們的經濟發展」，完完全全吹噓支那共匪係馬來西亞人心中的救世主。單係呢兩點已經清楚肯定郭釗在為中国共产党做推銷以至做說客。

點解要「老屈」郭生是在為党效力？講到錢，香港啲金融佬地產佬有邊個唔係仲吹緊「『祖國』強大」呀。再者，有一直跟開馬來西亞同財經有關嘅新聞，都會知道「馬來西亞最大外資來自中国」。標題擺明 passive voice 話「馬來西亞唔會為咗錢破壞同中国嘅關係」。

要理解郭釗咁寫錯咗乜，先要明白南洋人不論膚色種族，思想其實好現實 ── 有飯食就可以，但唔會因為邊個俾飯佢哋食就當佢神咁拜。郭釗跑咗咁多年大馬地產無理由唔知當地人係咁嘅思想，知而都係咁寫仲唔係幫支那共匪講好說話，或起碼係擦共匪主子鞋？又或者掉返轉，如果郭釗唔知當地人係咁嘅思想，唔單只證實呢篇爛文係鳩吹老作，嚴格啲講係無資格寫！

所謂唔出都出咗、印咗落報紙冇得改㗎喇，就再仔細睇下佢廢噏啲乜。發現最少錯咗兩個論點：

第一個係「一馬貪污案是他們(希望聯盟)勝利關鍵」，呢個簡直係極度嚴重低級錯誤。無錯，以支教民左賊最鍾意講「高層次論述」嘅思維，1MBD 確係納吉同巫統嘅死因之一，只不過馬哈迪講過，响整個競選過程當中，講得最多嘅唔係 1MBD，而係 GST (消費稅)。馬哈迪有解釋過，對於「連飯都食唔飽嘅平民」嚟講，納吉貪26億唔關佢哋事，但 GST 搞到要節衣縮食就怒火沖天。雖然，以支教民左賊嘅思維 GST 都係源於 1MBD，但兜咁大個圈先燒到選民最貼身嘅問題真係蚊都瞓。好明顯郭釗又係零國際視野井底蛙思維，然後自我幻想亂寫一通。就算因為香港啲傳媒無認真報導今次選情而郭釗唔知，但是張秀賢在《明報》撰文提到佢親自到當地觀選而聽到最多嘅不滿聲音就是 GST，而篇文响5月14日出街。早過郭釗尋日交稿囉！佢篤 keyboard 之前無睇過，就係失職。

郭釗或者想拗「張秀賢咁寫又如何？咪又係佢主觀諗法！」，但是，唔好話如前述連馬來西亞人嘅思想都唔曉，秀賢親自到當地視察，佢見到嘅嘢唔準過你郭釗响香港FF?! 如果再加埋曾擔任納吉秘書的胡逸山都接二連三話 GST 係希盟勝出大選嘅最大關鍵因素，直頭可以向郭釗大叫「連功課都唔做寫乜春國際嘢，你收皮啦！」

第二個係「林冠英擔任第一位華人財長」，完全超錯。

馬來西亞第一位華人財相係李孝式爵士，任期是1957至1959年。郭釗或可以打橫嚟講「馬來亞聯合邦 not 馬來西亞聯邦」(如果佢識的話，但睇怕佢唔識囉)，但是南洋政治研究就是視「馬來西亞聯邦」延伸自「馬來亞聯合邦」，原因是馬來西亞聯邦是馬來亞聯合邦加入新加坡、砂朥越及沙巴(當時稱為英屬北婆羅洲)而成，加上巫統的執政就是由1957年開始 (嚴格講是1955年) 一直到2018年5月9日，所以第一位華人財相是李孝式。郭釗連 Google 可以搵到嘅料都錯，簡直不知所謂！

只不過如果寫出呢個歷史真相，就不能將林冠英進行「神明化」然後基於「黃皮膚黑頭髮就是『中國人』」提出有利支那共匪嘅推論。無咗呢個推論就無得 spin 馬中關係將如何提升......再然後佢又點推銷中国地產商的樓盤呢！再次反映郭釗今次篇鳩文唔係意圖為支那共匪做說客，或推銷其馬來西亞物業銷售生意，真係搵鬼信。

仲有，郭釗話「馬哈迪委任郭鶴年擔任財政顧問」，剩係「財政顧問」又係錯晒。郭鶴年加入的是「國家元老理事會」。理事會嘅任務唔只「財政」，而且第一項工作係翻查 1MBD 案嘅文件呀，關「財政」乜事呀！可見郭釗又係鳩噏當秘笈。

佢咁寫咪又係想繼續以「黃皮膚黑頭髮就是『中國人』」話支那共匪仍然對大馬有非凡嘅影響力。甚至小弟可以更加串咀啲指出，馬哈迪委任郭鶴年真係貪佢同支那共匪關係良好而可以保持「水源」呀！講白啲，馬哈迪話要 review 外國投資項目唔可以損害大馬人民利益，仲兜口兜面開名碧桂園與及馬來半島東岸鐵路計劃，馬哈迪點都要撳住幫支那共匪講好說話嘅聲音，那管只係做戲都要有如周星馳嗰句「臨時演員都係演員」吖。

我唔會懷疑財經版「大佬」劉兆昌點解會俾呢篇文出街，事關劉兆昌嘅專長始終係財經方面，但總編輯陳沛敏點都眼尾望過下郭釗寫乜，撇除「疑似」幫支那共匪嘅鳩觀點，剩係呢三個錯誤佢都無 find out 走漏眼就係失職。更是陳沛敏五年前有去過馬來西亞採訪大選，衰極點都有少少 senses 去做判斷篇文係咪可以出街。

睇返郭釗嘅背景，呢條地產佬真係好積極 sell 馬來西亞物業，但好集中於來自中国嘅地產商嘅項目，又經常吹噓馬來西亞同中国關係幾咁密切、馬來西亞係一帶一路嘅要塞。呢啲就算唔係反映郭釗為支那共匪做緊說客，都係幫中国共产党進行緊宣傳推銷；當然，佢作為不過是一個地產佬，就是為錢，但為咗錢而硬銷共匪，更不惜在輿論方面進行誤導，就是不能接受嘅仆街所為。

地產代理監管局確係無權就佢呢啲鳩噏郁佢，但唔代表無人會拆穿佢嘅西洋鏡。可以講，小弟唔只因為南洋政治而抦佢，我亦曾經係註冊地產佬，雖則只係 S 牌，但好好醜醜都叫做有相關專業知識經驗睇到佢做緊乜嘢仆街事。兩瓣夾埋呀郭生，小心講嘢/寫嘢呀！

返回主頁

馬來西亞大選盡見香港傳媒墮落

相信唔少讀者朋友在所謂「唔講唔覺，講開又真係好覺」嘅情況下，會發現到香港嘅傳媒對今次馬來西亞大選嘅報導數量比五年前少得多。尤其是選前，除咗前首相納吉宣佈解散國會同公佈報名及投票日之外，完全沒有其他內容；選舉完成後，除了就希盟大勝「變天」而大篇幅報導之外，沒有緊密的跟進報導，更欠缺「賽果」分析。另外，姑且夠膽囂張自封「南洋政治專家」與及黃世澤在五年前都有在選前和選後在報章撰寫多篇文章評論選舉，但今屆除了一些「鳩寫」嘅所謂評論，以至如《蘋果日報》安裕的一篇是觸犯南洋政治禁忌之外，僅有已負笈馬來亞大學 (University of Malaya) 的李振良(Jacky Li) 在《信報》撰寫一篇談及我倆共同祖家(小弟長輩與他的長輩是古晉街坊) 砂朥越的文章，與及張秀賢在《信報》撰文分享到當地觀選的見聞。小弟及世澤完全消失於報章。

首先向堆左賊之類友仔「劈一刀」，小弟絕非「恨出鏡」或「鍾意搏見報」嘅人，所以唔好用「刷存在感」嚟 Spin 呢篇文。純粹照事論事而對比五年前、與及因應當前香港政治形勢，去探討香港傳媒到底衰成點嘅樣。

無錯，好多香港人在五年前都渴望馬來西亞變天，但最終願望落空。可是呢啲情緒化條件唔係可以成為冷處理今屆大選新聞消息嘅藉口，這就是新聞專業原則。撇除要派記者前赴當地的專訪，又撇除一些具煽情成份的報導，例如希盟的集會氣氛如何洶湧、國陣的集會如何人丁疏落...... 純粹靠外電的報導，客觀而言選前沒有值得報導的消息嗎？重劃選區呢樣奸招，已經可以拎嚟對比港共傀儡政權，但常理而言最應該會報導嘅《蘋果日報》都無報到。又例如馬哈迪警告就算希盟勝出大選變天但納吉可以拒絕交出權力，夠晒新聞價值啦，但無一間報館、電視台有作出報導。

點解唔報？撇除港燦的國際視野係零，表面而言當然就係唔想俾香港人知道咁多，繼續維持香港社會「我討厭政治」氛圍，推上一個層次就是選前形勢點都同「馬爆」有關。擱開小弟(以至黃世澤) 就「馬爆」寫過多篇文章深入分析，就是馬哈迪、林吉祥等人不斷強調「最後拯救國家的機會」，已經係大選同「馬爆」有關嘅訊號；又就是如小弟以往所寫的，「馬爆」必會牽連支那共匪，香港報紙電視電台報得多即係唱衰「祖國」，會「激嬲中央無運行」。再者，小弟以至世澤兄都必然會「抽水」。响咁嘅條件之下仲點會報導呀。由呢一點可以清楚見到，香港嘅傳媒已淪為支那共匪指揮的輿論機構。

一係唔報，一係鳩報、鳩評論。鳩報者，從最基本一味跟隨支那共匪新華社嘅「總理納吉布」、唔守新聞專業原則而拒絕使用馬來西亞政府官方華文譯名的「首相納吉」呢啲幼稚園級數低級錯誤，或是近幾日 馬哈迪高調處理 1MBD 案件、蒙古女郎炸屍案，香港傳媒嘅報導都係近乎零，甚至乎《蘋果日報》對馬哈迪宣誓安排竟然以「皇室搞局拖延宣誓」進行報導係嚴重犯錯，唔單只再一次睇到報館、電視台、電台只顧「跟隨黨嘅路線」，仲有係連新聞專業原則的 facts check / verification and clarification 嘅基本功都唔做。要做 facts check，嫌小弟係悉尼老鼠、口臭串咀「唔識做人」成日鬧傳媒，或是嫌李振良「新面口」，仲有黃世澤可以搵 (雖然响德國，但呢個世界有樣嘢叫長途電話 / Whatsapp call 直頭唔駛錢)，再唔係，當地幾份華文報章都係免費任睇唔嬲，咁都無做好基本功，可見香港啲傳媒人廢到退聯。

「皇室搞局拖延宣誓」同支那共匪有何關係，撇除首相馬哈迪聲言會重新審視同中国簽訂的合約、協議是擺明車馬對支那共匪是負面因素，單係「中国於海外最大投資是馬來西亞」呢一點，已經肯定支那共匪極度唔希望大馬「變天」。引伸出嚟，即係「如果繼續係納吉同巫統話事，支那共匪就會平安大吉」。呢一點唔只可見《蘋果日報》的報導極有可能有 Hidden agenda，甚至話總編輯陳沛敏 / 個別編採人員係支那共匪安插俾黎智英嘅「針」，都未必係子虛烏有嘅老作。

至於「評論」，除咗張秀賢嗰篇叫做正常之外，又撇除安裕如果响馬來西亞寫應該會被內部安全法即時收監，連埋李振良嗰篇都係鳩寫。以我同李振良嘅關係是不會懷疑他的出發點，但就要問《信報》：「砂朥越是大選的重點嗎？」為何要李振良咁寫，無 hidden agenda？我打死都唔信囉！

仲有，NOW 時事全方位本來邀請我，只是咁啱當日要飛而推掉。不過「變天」咁大件事竟然只安排1030-1100做 short talk，比2015年新加坡大選講足1.5小時，真係覺得有啲唔係好合理。請郭一鳴做嘉賓講者，又是對比2015年新加坡大選，四位嘉賓都同新加坡有聯繫，更加搲爆頭無法理解。雖然小弟自知「飲 NOW 新聞台奶水大」，但所謂是其是非其非，無可能唔出聲。

無錯，當前香港嘅傳媒都受到支那共匪不同程度嘅干預，所謂「政治大氣候」之下只能跟隨黨嘅路線？馬來西亞「變天」之前嘅「政治大氣候」，小弟曾經供稿、巫統國陣非常唔妥嘅《東方日報》(馬來西亞嗰份) 嘅編採水準都未至於依家香港咁低。所謂牛唔飲水唔撳得牛頭低，掉返轉傳媒人有無恪守返自己嘅專業水平，請撫心自問好了。

返回主頁

民政黨馬華公會完成歷史任務

今次馬來西亞大選值得留意嘅事，除咗馬哈迪率領嘅希望聯盟大勝、巫統輸到仆街同納吉將會無好下場之外，巫統為首嘅國民陣線兩個華人政黨 ── 民政黨及馬華公會瀕臨滅黨，都好有「話題性」


馬華公會成立於1949年，成立嘅背景係英國殖民走狗為要建立一股針對支那共匪扶持嘅馬來亞共產黨勢力。創黨成員都是具有中國國民黨背景，甚至是老K黨員，所以我會稱之為「國民黨馬來亞支部」就係咁解。

馬華公會成立以來就同巫統過從甚密，及後更「上床掀被冚」嗰隻組成今國民陣線前身「前盟」，逾半世紀以來同巫統不離不棄。馬華公會當年認為，以單一民族主張成立嘅政黨係有助捍衛族群權益；但又因為馬來西亞是多種族國家，執政管治需要同其他種族政黨合作 ── 巫統是代表馬來人、馬華公會是代表華人，走埋一齊就是代表馬來西亞人口超過九成。再後來印度裔的國大黨也接受招攬，就組成「聯盟」，再到1969年5.13暴亂演變成國陣。

馬華公會幾十年來就是打著「捍衛華人權益」旗幟，認定同巫統合盟是合適嘅方向做法。可是權力和金錢利益嘅吸引力實在難以抵擋，馬華班友將「捍衛華人權益」變成幌子從巫統撈取好處，並隨住馬哈迪時期嘅政治形勢變化，變成巫統嘅傀儡應聲蟲。另外隨住民主行動黨的發展，華人逐漸離棄馬華，使馬華响馬來西亞政壇嘅影響力逐漸萎縮，同時地巫統見到馬華嘅利用價值越來越低就開始當佢哋透明，極其量用作同支那共匪溝通嘅橋樑，但當要 make deal 就一腳伸走馬華而啲著數利益巫統自己食晒。

馬華搞到政壇/坊間兩面不是人，議席數目自不然流失。今屆大選輸剩一個叫魏家祥嘅人形生物，仲要係極有可能係响選管會舞弊之下先至以約300票差距嬴民主行動黨嘅劉鎮東。(有近500張廢票，舞弊可能性相當高) 。馬華唔只急速泡沫化，直頭「聞到棺材香」嗰隻。

民政黨成立於1968年，創辦人林蒼佑原為馬華公會時任主席，被喻為馬華黨內激進派。1969年大選民政黨贏到國會8席及檳城州議會16議席取得州政府執政權，就一直以檳城為基地。採取類近民主行動黨主張的多元種族方針，但同時想同巫統為首嘅「聯盟」有溝通維持一定程度上中央同地方政府嘅合作。5.13暴亂發生之後，納吉老豆阿都拉薩對華人政治勢力進行迫害，民主行動黨首當其衝，民政黨為求幸免就向巫統伸出友誼之手，正式加入「聯盟」並成為隨後演變而成的國民陣線。

只不過自此之後，民政黨嘅政治勢力版圖只能維持在檳城，且隨住大馬整體政治形勢變化被逐步侵蝕。1990年大選，民主行動黨林吉祥空降檳城擊敗林蒼佑打開了缺口。雖然之後多次大選仍能取得一定數目議席並保持住檳城州政府執政地位，但勢力繼續減弱，卒在2008年大選被民主行動黨奪得檳城州執政權而急速衰落，到今屆大選就全軍覆沒，鄧耀章宣佈退出政壇。零議席不只此徹底泡沬化，更是50年來執政成效不彰而可謂人心盡失，滅黨已成不歸路。

馬華同民政兩黨其中一個共同之處，是「寄生蟲」政黨，以為痴實巫統就有運行，圖藉住同巫統維持關係可以實現理想。馬華到後來更演變成吹噓為國陣成員可以捍衛華人權益嘅良方但實情就是從中撈取利益，十足香港班通稱建制派嘅政客政團。或是民政黨幾十年來「又傾又砌」，到頭來要好女兩頭瞞，實事又做唔好，香港有何例子唔駛再多講而大家都估到吧。

如今馬華、民政兩黨淪為番皂泡，甚至面臨滅黨，與其話因為選舉而導致，不如話係幾十年來只貪圖政治權力的榮華富貴功名利祿換來的報應。未來前景如何已不大重要，因為既是「完成歷史任務」，亦是歷史洪流再無空間俾佢哋生存落去。

返回主頁

馬來西亞變天成事之後

馬來西亞第14屆大選點票仍在進行，但希盟已經鐵定取得112國會議席，馬哈迪亦剛召開記招宣佈入主布城同盡快籌組內閣及覲見國王。另外希盟亦鐵定取得西馬六州政府管治權，柔佛，馬六甲，森美蘭，雪蘭莪，檳城及吉打；另雖然霹靂州出現 Hung Parliament ─ 國陣27席/希盟29席/伊斯蘭黨3席，包頭佬可以左右逢源，但回教黨班友講到尾都係睇風向做人西瓜靠大邊，加上預計馬哈迪點都會花啲功夫同三件包頭佬溝通講數，所以預計霹靂州政府都會由希盟話事，即係希盟將半島西岸除咗最北嘅玻璃市「統一江山」，東岸就留返俾班「恐怖份子」慢慢玩。

小弟本來對「變天」不抱太大期望，但今次選舉結果的確出人意表，對我嚟講最意外嘅係森美蘭同馬六甲兩個近乎與世無爭、順行順走嘅州份竟然變天，同埋祖家砂朥越取得10席，包括攻下最少四個位於山區、森林，與及香港《明報》老闆張曉卿老巢詩巫(Sibu)嘅國陣票倉。

選舉結果是變天成功，當然值得高興，但除咗要為巫統執政60年嘅爛攤子收拾殘局做準備之外，當務之急要做好防範納吉、巫統會搗亂搞事嘅措施。

馬哈迪响5月7日爆Seed 指就算變天，納吉有可能唔會和平地交出政權。須知道巫統有過一段使橫手推翻選舉結果嘅歷史，所指的是1969年的「5.13暴亂」。呢場暴亂係納吉老豆、第二任首相拉薩 (Najib Abdul Razak) 有份策動，馬哈迪係另一個主事者。老馬咁講，係要話俾納吉知「我估到你打算做乜，但我知道點樣向你還拖」嚟警告納吉同巫統唔好亂嚟，最起碼擺個下馬威出嚟；另一方面係提醒馬來西亞人民要防範任何煽動。

納吉會否「子承父業」表面上是未知之數，但國民警衛後備軍已經四處出動架設路障，以至响雪蘭莪、森美蘭出動水炮車，所以還是不能排除納吉會發爛咋。亦所以馬來西亞嘅同胞們慶祝變天之餘要慎防一切可能引起混亂嘅跡象。

另一個要做嘅準備就係提防納吉走佬著草。1MBD 嗰26億令吉貪污必定隨住變天而「出事」，而且查起上嚟隨時會掘出更爆嘅驚天內幕，例如蒙古女郎案背後嘅內情、再例如 MH370 之類...... 納吉唔只水洗都唔清，仲可能牽連埋沙地阿拉伯、支那共匪，到時就算越獄都唔知走得去邊。所以納吉出走嘅可能性係存在，甚至比起「重演5.13歷史」嘅可能性更高，而且亦有跡象。本來佢原本 0200 响吉隆坡開記招，臨時臨急先通知傳媒改嚟緊 1100。呢九個鐘佢會做乜無人知，但當年菲律賓總統馬可斯夫婦都只係用咗唔夠6小時就逃出馬尼拉著草..... 佢要著草可以去吉隆坡KLIA之外，彭亨亦最少有一個關丹 (Kuantan) 機場；又甚至乎佢搵艘船出海一日就去到越南金鷗。

佢著草都會對馬來西亞社會未來走向造成隱憂，所以要設法阻止佢逃亡。但馬來西亞嘅朋友請緊記「留生口」！

至於「收拾殘局」詳情就稍後另文慢慢講，但都要必須盡快做好個人準備，尤其是心理準備方面。最迫切嘅莫過於摒棄種族主義嘅心態思想，每一個人不論膚色、宗教信仰，講 Bahasa 又好，講華語、閩南、客家、白話...... 乜話都好，都是馬來西亞嘅一份子，變天就是大家齊心而成事。馬拉人望住巫統所謂「不俏子」嘅新加坡同埋檳城，該明白華人唔係入侵者，平等地位原來有最大得益；華人就唔好再「心繫『祖國』」，或是老土啲講「祖先揀得响呢度(馬來西亞)落腳就扎根於此」。其他族裔的也當有類似嘅想法。再講得白啲，馬哈迪、林吉祥、林冠英都可以走埋一齊為國家做咗件咁大嘅事，就是要學習嘅榜樣。

依家只係一個開始，又雖然暫時解除「馬爆」危機，但始終有好多事情話唔埋。不過初步分析選舉結果，尤其是州政府執政權嘅分佈，就是上天已經給馬來西亞祝福和做了一些準備。大馬嘅同胞朋友，俾啲信心啦！

返回主頁

睇香港選舉不如睇大馬選舉

撰文時，馬來西亞第14屆大選正進行投票。

相比2013年，小弟撰文或 FB page 出 post 嘅數量明顯減少。原因唔係懶，而係一來今屆好多形勢條件同五年前一樣，無必要花時間寫重覆嘅嘢。二來今屆不同於五年前的形勢狀況演進速度相當急速，寫都寫唔切。三來是國陣、希盟嘅「拳來腳往」唔止比五年前更加狠辣，但又好多「陰濕」招數；加埋四來形勢變化速度及兩派嘅過招，點都牽連到「馬爆」，太敏感而不能寫，兼夾「馬爆」涉及到支那共匪而土共想四出收料，講咁多俾佢哋知？傻的嗎！

不過，雖然少寫，但唔代表我唔理，甚至知我者就知小弟比香港選舉更著緊。著緊唔係因為自己的「家世」，亦唔係FF改朝換代，又唔係等睇緊張刺激嘅「馬爆」，而係有好多宏觀條件都比香港優勝。

• 政客修為質素，唔好話勁到馬哈迪同林吉祥父子、安華為咗隊冧納吉可以冰釋前嫌咁高層次，最起碼唔會香港班政客「私怨大過天，議席我要先」嘅醜惡咀臉；
• 仲有唔會意識形態為先，原則就是一切，不同嘅政團如有接近以至相同嘅立場目標，就會設法尋找合作嘅可能，務求「造大個餅」，而唔會好似香港咁爾虞我詐、你爭我奪；
• 從意識形態引伸出嚟，政客在日常工作唔會只顧啲「崇高理念」，而係真正「在地」的做實務；或競選活動演講唔會一味講啲曲高和寡嘅內容，扮高深抬高自己但又得自己明，而係又是「在地」的群眾能明白嘅內容去動員選民。例如馬哈迪唔會一味講 1MBD 如何不公義，集中且不斷講「食飯」等日常生活問題，快靚正使公眾產生共鳴而爭取支持，唔似香港成日講XX可恥、YY不公義，所以我哋要打到呢個ZZ政權，聽到蚊瞓。
• 面對對手嘅攻勢係毫不留情拳拳到肉，子彈不濫發，講究策略，每射一炮都命中要害。唔似香港班政客一味和理非非、謙謙君子，嘥時間鬥磨爛蓆，以至搔不著癢處，促成「永續抗爭」。或是甚至「射錯」目標，俾對方有還擊機會。例如最近許智峰搶手機單嘢，明明可以一嘢合力向港共傀儡政權迫供甚至有屈機完勝嘅可能，但偏偏就無咁做。換著係希盟，唔玩謝秘書處同行管會都捉住件 EO 嚟「凌遲」；
• 香港班飯桶成日話被政府打壓處於弱勢而好難反撲，或是埋怨資源唔夠「建制派」豐厚，馬來西亞嘅反對派逾半世紀以來咪又係面對相同處境，甚至情況更嚴峻。但馬來西亞嘅反對派會諗盡方法去應付、去克服，唔放過任何可行性，甚至搵位攝還拖。反觀香港班所謂反對派只會顧盼自憐怨天尤人鳩嗌「我哋好撚窮」然後只識伸大手板求施捨，If you were me 仲會有心機理咩！

政壇之外，社會狀況一樣大幅拋離贏香港。

投票率比香港高幾倍，所反映嘅公民質素唔只係人民知道投票嘅重要性，引伸到思想心理角度，知道自己對社會嘅責任、去投票嘅權利同目的，自不然會去投票。相對香港，一街都係我唔識政治、我討厭政治嘅燦頭，乜都唔理又點會去投票。又或者小農基因「官字兩個口，你唔夠佢鬥」而一味諗住「都係『阿爺』話事架啦，投嚟做乜」。順便講，新加坡實行強制投票，就係對付呢啲華人骨子裡總存在嘅思想，所以當年香港電台《傑出華人系列 ─ 李光耀》其中一句旁白話李光耀好清楚人心，係完全正確陳述。

阿水都明知巫統必定扭盡六壬搞舞弊，變相「大局已定」，但反對派政客同支持者點都會抱住「搏盡最後一口氣」嘅心態去做動員、去投票。反觀香港一味諗住「都係『阿爺』話晒事」而迤做、鳩做，以至唔做。

另外，就是「我討厭政治」同「都係『阿爺』話事」，搞到好多並非「食政治飯」嘅公眾人物唔敢講嘢。無錯，香港好多藝人都要「為人民幣服務」而噤聲甚至投共去也，但又有幾多藝人其實係敢怒不敢言？可是一堆「除了政治以外沒有別的事情」嘅所謂社運友硬係想佢哋「直咇腸 mode」兼旗幟鮮明表態，隱喻、暗示都唔係好滿意，叫佢哋點講嘢去推動社會氣氛呢！

相對馬來西亞，除咗社會嘅大氣氛形成嘅公民質素條件，藝人都唔會不問世事。明刀明槍如黃明志嗰啲當然贏盡掌聲 (亦引致好多麻煩)，但是例如梁靜茹近日在 FB 出 posts 輕描淡寫提到選舉，有如變相推動歌迷去投票，比起香港嘅藝人 (除咗投共嗰啲如陳小春、曾志偉、譚詠麟之類) 已經做得更多吧。或例如 Gin Lee 李幸倪，前日 FB/IG 貼相執緊行李，尋日朝早去搭機鐵、傍晚(對一般人嚟講)响唔知邊度坐緊車 (我一睇條片見黑底白字車牌，第一個字母係 J 就知道响柔佛)，隻字不提選舉。即使不是推動歌迷去投票，最起碼 showing 佢都有公民意識，還不足夠嗎！

無錯，無人知道佢哋支持那一邊，但「民主」不是每個人嘅立場都是其權利、要尊重嗎？掉返轉講，藝人作榜樣示範，點都可以推動社會氣氛，夠啦。唔係個個都要做議員政客先係「為社會做事」。

除咗Artists，唔少馬來西亞人都要離鄉別井去第二度打工。雖然有海外郵寄投票，但因為極有可能被巫統作弊而紛紛回家親身到票站投票，要撲巴士、火車、飛機票，甚至想夾份租車，開聲就一呼百應互相幫忙。香港呢？雖然唔駛千里迢迢去投票，咪又係小農基因「各家自掃門前雪」，甚至又係「都係『阿爺』話事」而話「投乜鬼吖，去飲茶行街睇戲啦......」

唔好話比著你見到咁都唔想理香港選舉，睇到香港政客、一般平民嘅質素，真係一句「香港人不配有民主」，真係啱嘅！

返回主頁

2018馬來西亞大選基本數據及形勢分析

第十四屆馬來西亞大選今日報名，選舉包括國會下議院222席及砂朥越之外12個州的州議會合共505席。投票時間為 5月9日 0800-1700；另予軍警等公職人員的「提前投票日」是5月5日。預計5月10日清晨將完成點票。

為予大家有較準確、客觀的了解今次大馬選舉，或直接啲講避免受支那共匪擺佈嘅香港傳媒誤導、被所謂 KOL 擦存在感亂鳩咁噏而誤解呢場選舉，另汲取2013年大選經驗，先提供一啲基本數據俾小弟嘅讀者。與此同時，警告所予有香港傳媒/網媒等的「抄子」警告咪嚟呢度抄嘢！要用嘅唔該先電郵或FB Page PM 小准，仲要加返「整理資料來源：林鴻達」俾返Credit 我。唔好死撐話抄自當地傳媒 (我知道竅門，剩係搵料都花咗接近兩個鐘！)，更唔好講 source from 選管會 (網站全部 Bahasa 你哋識條毛) 。
但熱普城系、左賊嘅《獨立媒體》及《立場新聞》通通一律死咗條心。順便講埋，唔好亂分析，逃唔過小弟以至黃世澤等「南洋怪獸」嘅法眼！

五年前大選，反對派「人民聯盟」的氣勢相當凌厲，在選舉期間的確予人期望有「變天」換政府的可能，但到頭來「民聯」取得逾六成選票，可是執政黨巫統為首的「國民陣線」卻取得國會過半議席執政。事後小弟在《蘋果日報》撰文解釋成因係選區選民人數有落差，出現所為「每票不特值」的情況。

在列出有關數據之前，先講呢個情況的歷史背景。本來1963年馬來西亞聯邦組成時的憲法寫明選區選民人數差距不能超過15%，但後來由納吉老豆、第二任首相拉薩 (Abdul Razak)，及納吉個阿叔、第三任首相胡先翁 (Hussein Onn) 率領巫統操刀，取消咗呢項憲法條文。再加埋1969年5.13暴亂係納吉老豆有份煽動，可見納吉冚家最少兩代人都係仆街，堅要佢哋冚家鏟！

選民人數落差到底有幾嚴重，先睇選民人數最多同最少嘅兩個選區。最多的是位於雪蘭莪州編號P102 的 Bangi 萬宜，選民人數178,790；最少的是位於砂朥越編號P207的 Igan 伊干，選民人數19592。差距逾9倍！

選民人數低於30000的選區合共16個，小弟老家砂朥越就佔11個，除了 Igan 之外計有：
P192 瑪士加汀 MAS GADING 29617
P200 峇丹沙隆 BATANG SADONG 23213
P201 峇丹魯巴 BATANG LUPAR 29811
P203 魯勃安都 LUBOK ANTU 20801
P204 木中 BETONG 29145
P206 丹絨馬尼 TANJUNG MANIS 21899
P209 如樓 JULAU 25380
P210 加拿逸 KANOWIT 21022
P216 烏魯拉讓 HULU RAJANG 27520
P222 老越 LAWAS 21297

另外沙巴有4個：
P176 金馬利 KIMANIS 29618
P181 丹南 TENOM 29182
P183 比魯蘭 BELURAN 28509
P187 京那巴登岸 KINABATANGAN 28730

西馬半島就只有一個咁嘅選區，位於霹靂州的P055 玲瓏 LENGGONG 29752。

睇下巫統班PKHKC對東馬，尤其是砂朥越有幾「厚愛」！

選民人數超過10萬的選區就有27個。「最嚴重災區」是同時包圍憲政首都吉隆坡及行政首都布城的雪蘭莪，連同前述的 P102 萬宜 合共14個，剛剛比例過半。包括：
P094 烏魯雪蘭莪 HULU SELANGOR 100990
P097 士拉央 SELAYANG 116176
P098 鵝嘜 GOMBAK 141112
P100 班登 PANDAN 101319 ＜－ 安華妻子旺阿茲莎的選區
P101 烏魯冷岳 HULU LANGAT 102363
P104 梳邦 SUBANG 146442
P105 八打靈再也 PETALING JAYA 140920
P106 白沙羅 DAMANSARA 164322
P108 莎阿南 SHAH ALAM 107316　＜－ 雪蘭莪蘇丹皇宮所在地
P109 加埔 KAPAR 124983
P110 巴生 KLANG 149348
P112 瓜拉冷岳 KUALA LANGAT 102406
P113 雪邦 SEPANG 104508

第二大災區係「離心」最大的柔佛，共5個選區：
P158 地不佬 TEBRAU 123033 ＜－ 柔佛皇儲派錢Shopping 間 Aeon 吉之島所在地
P159 巴西古當 PASIR GUDANG 124172
P160 新山 JOHOR BAHRU 101409
P161 埔萊 PULAI 106268
P162 依斯干達公主城 ISKANDAR PUTERI 138299 ＜－ 2013年大選時名稱 振林山 Gelang Patah。民主行動黨國會領袖林吉祥的選區

跟住嘅兩個災區各有兩個選區，分別係馬哈迪 (Mohammed Mahathir) 的老巢吉打：
P015 雙溪大年 SUNGAI PETANI 112577
P016 華玲 BALING 107213
及歌手梁靜茹和李佳薇的老家森美蘭：
P128 芙蓉 SEREMBAN 110168
P130 亞沙 RASAH 102838

最後四個分別是伊斯蘭黨根據地吉蘭丹，登嘉樓，霹靂及馬六甲：
P019 道北 TUMPAT 110924
P040 甘馬挽 KEMAMAN 107593
P063 打捫 TAMBUN 107763
P138 甲市區 KOTA MELAKA 126848

俾你贏晒呢27個議席，所得嘅票數(一般估計約80至100萬)，响嗰最少選民嘅16個選區「擸晒」100% 對比都只係「零頭咋」！所以就有「贏票數但輸議席數目」嘅場面。同時地，當地有多個學術機構估計國陣取得議席比2013年多，亦係咁嘅原因。

要了解一場選舉，以上呢堆數據資料絕對係基本；唔係一味發夢「納吉正仆街」、「巫統正冚家鏟」希望變天換政府，但到完成點票就喊苦喊忽嗰隻。

雖然，撇除巫統嘅舞弊手段層出不窮，又當地有多個學術機構估計國陣取得議席比2013年多 (最保守的一個估計都多8個)，但是細心留意，伊斯蘭黨出戰大部份嘅選區，好聽啲講就是「予選民在國陣或希盟之外有第三個選擇」，難聽啲講就是「鎅票」，只不過無法一刀切肯定「鎅」國陣或是希盟；又或是最老土嗰句「一日未完成點票，一日都未知結果」，今次呢場大選還是值得花時間精神留意的！

返回主頁