職業司機工時問題仲要拖到幾時

今早青馬橋頭發生的嚴重車禍，肇事原因當然有待警方調查，但肇事的旅遊巴所屬公司冠忠集團老細無良柏好學唔學學埋九巴、台鐵啲衰嘢，即刻卸晒隻鑊俾個司機，佢個臭朵真係無改錯。的確，每一宗交通意外，司機總有不可推卸嘅責任，但一宗意外嘅成因並唔一定只係司機嘅責任，單係揭發司機日做12個鐘，無良柏已經責無旁貸。再往上追查分析，特區政府亦有非常之大嘅責任。

司機每日做12小時，行內戲稱「十二碼」，根本係旅遊巴業內常態。雖然，有啲公司「編柯打」唔會要司機「踩」足12個鐘 ，撇除去廁所、食飯，中間可能有兩至三小時嘅歇息，牌面上都係揸9-10小時，但始終由第一轉到最尾一轉，真係起碼12小時。再計埋去車場攞車、尾轉清客返車場擺車，其實接近13至14小時。連埋往返屋企嘅車程，普遍旅遊巴真响屋企張床嘅時間根本得6-7個鐘。已經可見旅遊巴司機係過緊非人生活，根本個個都係疲勞駕駛。至於冠忠集團，我可以爆料，真係除咗去廁所同食飯，「十二碼」期間個屎忽未離開過張司機櫈。唔係咁對司機「揸乾揸淨」，無良柏兩父子點同股東交代！

「十二碼」之所以咁普遍，除咗係左賊常嗌嘅「資本家壓榨勞工階層可恥」之外，在宏觀嘅層面嚟講，係司機人手不足所致。現時整個客運行業，包括旅遊巴、專利巴士、專線小巴，整體司機人手不足接近30%。無錯，理論上出高啲人工應該可以請到人，但我之前寫過，香港嘅就業市場根本出晒問題，就算撇除「蝗蟲」問題，根本都唔知啲勞動人口去晒邊。

正常嚟講，專利巴士公司唔夠司機都「收車大法好」，旅遊巴公司就唔好接咁多柯打。但就是針對冠忠嚟講，本身做開行內稱為「固定柯打」嘅生意，即係例如出事時予國泰航空 (或太古集團 as 以我所知仲有 HATS 同 HAECO 員工乘搭) 的「廠車」柯打，為咗可以繼續有得做，就不斷接受被「鍊價」。做生意嘅响呢啲情況下，就必然要擴張，「擸」更多柯打返嚟。事實上，冠忠在過去十年不斷「擸」新柯打返嚟，而據我所知，十居其九都係賤價而得。另外一種擴張，就係不斷進行收購，單純非過境業務計有小弟舊公司樂基、友聯、惠康等等。另外仲有機管局嘅停機坪巴士服務。

樂基旅運

友聯旅遊巴士

惠康巴士

收購嘅唔止係啲車，仲有原本嗰啲公司做緊嘅柯打。但啲司機當然遣散，冠忠要重新聘請。車多咗、柯打多咗，但人手唔夠；而另一方面柯打價錢「爛咗」，就要接更多柯打返嚟「拉上補下」，結果咪唯有要啲司機「跑到氣咳」囉。

單純於營運管理嘅角度，冠忠嘅核心根本係「十個茶煲七個蓋」不等止，仲要係「無咁大個頭但硬係要帶咁大頂帽」。拉闊啲去講，冠忠為咗「擸」更多生意，是在以本傷人迫走啲中小型公司；另加上不斷進行收購，目的不過是要壟斷市場。可以睇到無良柏係幾咁大貪、貪得無厭。雖然冠忠予司機嘅人工客觀講唔算差，但總係編柯打編到要用盡司機，坦白講佢就算唔係無良僱主，都唔算係有良心嘅老細。

冠忠之所以能夠「壯大」，除咗無良柏嘅貪之外，其實係特區政府一手造成。呢部份嘅「故事」要由2004年開始講起。廖秀冬執掌環境運輸及工務局局長期間，除咗搞出「豐田霸權」之外，在2004年停發俗稱旅遊巴牌的客運營業證，然後就導致明明《道路交通條例》(Cap. 347) 第27(7)條寫明「不得轉讓」嘅旅遊巴牌都有得炒賣。旅遊巴牌「有價有市」，導致想開旅遊巴公司除咗買車之外，仲要預備多一筆錢買「牌」，使旅遊巴業缺乏新競爭，同時助長冠忠呢類本身已財雄勢大嘅公司，可以蠶食啲中小型公司嘅生存空間。

或者簡單啲講俾大家更容易明白。本來嘅法例同制度，只要搵到意向柯打，拎80萬出部豐田XZB59 / 三菱BE649J、120萬出部Isuzu 49座，就可以做生意；但廖秀冬嘅搞局，當年就要拎多50萬、依家更要逾200萬，先至可以開檔。而另一邊廂，冠忠不斷「割價促銷」，車主見無利可圖但又見到可以賣咗個牌套現筆錢又唔駛再煩，就傾向「賣盤」。可以講，冠忠係响咁嘅條件之下壯大的。講返轉頭，就係冠忠呢隻大笨象越來越大，但又正如前段所講人手又唔夠，於是乎就要司機「跑死」囉。





無良柏話想縮短司機工時，相信大家睇咗以上嘅內容，都知係廢話一堆。佢另外話司機工作時數上限只適用於專營巴士，根本只係想為司機工時問題逃脫。大家該更清楚見到佢嘅無良到底有幾仆街。直接啲講，掉返啲柯打出街，咪唔駛要司機「十二碼」囉。佢制唔制吖？

要解決旅遊巴司機嘅工時問題，特區政府大把嘢要做。仿傚歐洲職業司機工時上限，絕對係必須，但跟住就衍生一大堆問題，其中就是專利巴士/專線小巴要增聘人手，造成嘅薪酬成本就導致要加價，啲政客同咸魚唔鬼殺咁嘈就返嚟搵我啦！而針對旅遊巴行業嚟講，除咗一樣要增聘司機人手之外，仲因為縮短司機工作時數，就要增加車輛數目；另外仲要重整旅遊業政策，唔好再有幾千萬人/昆蟲嚟香港，減少旅遊業嘅用車需求。夠晒林鄭頭痕喇掛！

順便又再扯遠少少講，假設林鄭一聲令下重新發出旅遊巴牌，「牌價」必定大冧價甚至歸零，無良柏同嗰啲參與炒賣嘅粉皮唔出嚟同你死過！仲未計因為有銀行承做旅遊巴牌按揭而會出現金融體系危機。就是單純針對冠忠，除咗「牌價」衍生出觸及股價嘅問題之外，仲有估計最少1/3 柯打要嘔返出嚟，佢兩父子唔同你林鄭「搏老命」呀！

唔好話我扯到咁遠去講，試下用腦仔細分析，我只係將由今次意外所反映出嚟旅遊巴行業嘅問題畫返幅圖畫出嚟。可以講，司機工時問題根本源於香港公共交通服務政制，一切禍源來自廖秀冬，甚至係董建華。如今就算要撥亂反正，都有排搞。

利益申報：
1. 本人並未持有「冠忠巴士集團」(HKEX 00306) 的股份；
2. 本人曾在2009-2014年受僱於冠忠集團旗下的Trade Travel Limited 的巴士司機。主要負責駕駛機場停機坪巴士。

有圖有真相！

後記：但凡發生交通意外，傳媒總係鍾意搵啲「有朵有牌頭」嘅專家出嚟亂噏廿四，講嚟講去又係車速同安全帶。我不厭其煩再講：最安全車速係0；安全帶唔係萬能；快就是危險德國應該每日200人死於交通意外。







返回主頁

奉勸杜汶澤唔好出嚟選

九西補選完咗，飯桶死性不改周圍鬧人，唔敢屌票就四出狩獵，無端端「廢陶」陶君行孖住劉細良狂轟杜汶澤，搞到杜生响 FB 講晒粗口屌晒佢兩個老母。跟住就唔知邊個點著個火頭，叫杜汶澤出選新東補選，仲有人做埋戰略分析，話可以連娛樂版都攻佔埋，真係大量花生。

不過，我諗咗大半日，發覺雖然杜汶澤係香港演藝人當中，最具備從政條件嘅藝人 (無之一)，就係起碼拍戲、拍節目，例如較早前好多人睇到樂在其中嘅「走佬去台灣」都夠膽講政治，但綜合做分析，都係覺得佢唔撚好出嚟選。

無錯，我曾經講過，香港嘅娛樂圈其實欠缺一個真正嘅响議會嘅代表，又或是欠缺一個有如台灣嘅余天咁嘅人物，會認真的為演員、歌手等藝人嘅權益做事。但問題在於，家陣响香港娛樂圈打滾嘅人，十居其九都係覺得只要埋到老細身、碼實電視台高層擦靚佢對鞋，又或者係同啲娛樂版記者保持關係，得閒漏啲料俾佢哋扮吓狗仔隊，出賣吓私隱；再唔係就啲女明星著少啲露吓波罅、底褲邊，咁就可以繼續食呢行飯。有幾多個覺得自己嘅權益係重要吖？更甚是，就當阿澤出嚟選又真係選到，睇怕疏遠佢嘅人一定多如天上繁星。唔駛點吖，剩係CCTVB、乜春娛樂公司、乜柒經理人公司嘅高層落柯打，已經夠啦！

娛樂圈根本就唔需要一個議員，咁條街又點呢？要知道香港仲係一個小農社會，小農嘅特質之一，就有所謂「只顧門前三畂田」，覺得只有「食飽飯無屎疴」嘅無聊人先會從政；另外一個特質，就係所謂「戲子無情」。直接啲講，會認為杜汶澤做議員都只係戲子一名，所謂「為香港社會作出貢獻」都只係一句戲子之言。即係話，就假設阿澤當選，又真係响我哋呢啲懶係關心社會、識政治嘅無聊人覺得做得幾好都好，條街仍然只會覺得杜汶澤「做戲之嘛」。屌你，所謂好心著雷劈呀，選嚟做乜鳩！

或者阿澤會覺得，丟佢老眉，呢啲白撚痴嘅唔柒駛理佢，FINE。咁就睇下現時的從政嘅人會有乜諗。撇除依家响議會做實事嗰啲人唔會唔妥佢，但呢啲真係佔極少數，絕大多數嘅政工作者，一定唔撚妥佢。我夠撚膽講，第一個唔妥佢嘅係馬逢國。佢老味見住見住杜汶澤成個明星坐咗响度，內心必定充滿危機感，好撚驚阿澤唔知幾時將一啲隻死老馬唔敢爆嘅娛樂圈黑幕爆出嚟，隻老馬唔知再點冚住嗰啲黑爆同啲利益持份者，一定搵辦法煮鳩杜汶澤重米。雖然，我純粹斷估，阿澤都未必咁撚得閒爆嗰啲娛圈黑材料，但做賊嘅永遠都係心虛，永遠只會顧忌唔知幾時出事。

跟住會係梁君彥同各委員會主席，呢班撚樣唔會專心開會做主席，而係明知杜汶澤呢條友爛口到不堪，只會昅住佢幾時講咗啲爆粗或者諧音粗口然後趕佢出去。咁就成就咗前段所講嘅「小農」思想，確立阿澤做議員也不過是戲子嘅印象。

不過，最大嘅麻煩唔係小弟講嘅親共派，即係坊間通稱嘅建制派，而係來自我稱之為「飯桶」，即坊間通稱嘅泛民主派。可以講，「廢陶」爆鳩佢 seed 嗰堆，正正就係普遍存在飯桶們個腦入面。簡單一句就係「收錢做嘢正仆街」。唔駛點，剩係咬住田蕊妮仲有去共匪治區拍戲，班飯桶一定繼續話阿澤「係共諜係鬼」直到永遠阿們。雖則有謂清者自清，但都夠煩氣啦。再者，講得血淋淋啲，香港地有幾多個人真係有腦而會識得分析到底乜嘢一回事。我敢講，正如台灣民進黨抹黑柯文哲一句「兩岸一家親」，大撚把綠粉即時歸邊，响香港會因此而認定杜汶澤「係共諜係鬼」嘅比例，一定多過台灣多多聲呀。就用返上星期六台灣選舉結果做比喻，仲想贏丁守中三千幾票？倒輸三十萬票就有呀。





就算唔係响議會裡面，班飯桶一樣阿煩膠捉住杜汶澤嚟屌。唔駛點，剩係阿澤平日粗口爛舌屌媽拆蟹，連「走佬去台灣」集集都有嘟嘟聲冚咗啲粗口，成班飯桶一定「劉慧卿上身」狂轟佢「又講粗口，教壞細路，成何體統」。再跟住就係，我估計杜汶澤對於港中矛盾問題好大機會係企响香港人嘅一邊，到時成班飯桶仲唔衝出嚟鬧爆佢「歧視排外法西斯可恥」呀。恭請杜汶澤知道，「歧視排外法西斯可恥」呢9個字，就係出自爆完你SEED嘅陶君行個老婆孔令瑜。你試吓對自由行粗聲粗氣啲俾人拍片擺上網，唔俾佢兩公婆分頭吹雞屌到你反艇就返嚟搵我啦 (雖則你唔識我乜水傻仔，即係咁講啫)。

依家香港嘅政治除咗俾共产党玩晒嘢之外，就係一大堆飯桶只圖霸住個位「日日等出糧」，甚至對任何威脅到佢哋鳩迤、做吓樣扮反對响咪兜俾記者影幾張相就有飯開嘅人，都只會有如打爛仔交咁樣圍剿，唔撚柒駛點，剩係一隻俾人話唔知選美定選議員嘅「油雞」游蕙禎已經有版你睇。數數埋埋以上幾呀樣濕鳩嘢夾埋，杜汶澤仲出嚟選，計我話真係憨撚鳩到無朋友。但當然，擦鞋啲嗰句，阿澤真係好撚勇喇。

不過，我都係奉勸杜汶澤與其參選從政，不如拍多幾套香港同台灣人都識得欣賞嘅電影、電視節目好撚柒過啦。正宗「收錢做嘢」而唔會俾人鬧仆街，仲要掉返轉有真實嘅掌聲同讚賞呀。強烈推薦開拍「走佬去台灣 II」，同台灣版「低俗喜劇」。杜汶澤千祈咪撚咁傻呀，你估你真係傻強就得嘅咩！





返回主頁

BNO準備平權? 唔好咁開心住

呢個响7月該是一位居英港人發起嘅網上聯署，「簽」嘅人數一直低水，但經過幾輪嘅透過Social media 嘅催谷，終於到咗 10,000 呢個「政府必須作出回應」嘅水位。即係話文翠姍政府一定要應機，幾時就無規定。不過，我要講嘅「唔好咁開心住」，唔係要潑冷水，而係要參透英國佬可以有嘅仆街所為，除咗「要有定心理準備」飯桶成日講「英國佬仲點會理香港」嗰隻當睇唔到之外，係篤爆文翠姍以至保守黨政府可以出乜嘢蠱惑。

個聯署標題確係要求 BNO 平權。雖然聯署全文嘅意思係英國殖民走狗拒絕及迴避給予港人英國居留權，而支那共匪視《中英聯合聲明》如無物，要求英國政府「接收」同避免英國的國際聲譽受損，在以 Indirect approach, Under statement 嚟講，確可以話係爭取BNO平權嘅理據，但英國政府會唔會响「適當時候」走精面係好難講。撇除 Brexit 搞到依家英國立立亂，而正如之前我有寫過，英國佬從來只係想「執死雞」，真係唔好咁腦定。May 姐想縮沙，照字面解，然後話明白香港人嘅處境、一國兩制雖然存在問題，但相信仍可以運作良好...... 你估佢唔會呀。再仲有支那蝗蟲老公，外相侯俊偉，呢個仲更加可疑，就算唔係佢出聲應機，就係因為佢老婆係支那人，而講緊支那共匪「記者」孔琳琳打人都撤銷檢控放人，隨時係「侯生」嘅柯打。佢隨時叫MAY姐「耍咗班 HK pig 唔好激嬲共产党」......

或者另一個落柯打要放生孔琳琳嘅人，係內政大臣賈偉德。但佢係巴基斯坦裔後代，會比較清楚英國殖民歷史嘅仆街，所以還是侯偉俊嘅嫌疑比較大。當然，「文女士」一樣好大嫌疑，爭在邊個做講出口嗰個咁解。

仲有無其他人要防範？梗係有啦。今次「吹雞」吹到10,000嘅其中一個功臣，係 Rees-Mogg 呢條 die-hard Brexiter 大奸鳩。佢奸鳩之處係一邊推 Brexit，但另一邊就將自己名下嘅公司遷冊去歐盟，主要係愛爾蘭。佢點解會吹雞，我就仲考究緊，其中一個可能性就係利用如果MAY BOT無耍香港人之後「掛成功爭取Banner」，吸納香港可以提供嘅政治資源。香港可以提供嘅其中一個政治資源，就係目前英國開始吹風嘅第二次脫歐公投。

英國政界提出要進行第二次公投嘅論述主要有三點，第一係好多人响2016年投票時係無認真了解Brexit嘅內容；第二係 Brexit 影響到後代，對當年未達投票年齡 (18歲) 嘅人唔公平，應該俾機會佢哋表態；第三係 Brexit 影響最少70,000個現時响其他歐盟國家居住嘅英國公民未來嘅生活，而2016年公投不設海外投票而呢班人無得表態，應該提供一個俾佢哋表態嘅機會。假設MAY BOT 咁好死將BNO 平權，第三個論述就會延伸至香港。Rees-Mogg 呢條粉皮就隨時借幅「成功爭取Banner」昆香港人支持 Brexit。但英國脫離歐盟就必定引發蘇格蘭同北愛要離開 United Kingdom 嘅危機，而呢個危機嘅結果就係聯合王國瓦解，正宗「分裂國家」。

當然，响現階段嚟講，最重要梗係成功爭取BNO 平權啦。Rees-Mogg 嘅危機就容後處理都問題不大。但又不過，就假設「文女士」真係打算由呢個聯署開始計劃宣佈平權，對香港唔係無危機。其中來自支那共匪嘅，呢個時候就無謂講住，因為剩係香港內部，都會有好多問題。

首先，從英國政府嘅角度去睇個聯署內容，支那共匪無錯真係搞到香港立立亂，亦有充份證據證明中国共产党真係違反咗聯合聲明，但從來無一個來自香港有代表性嘅人物或組織出嚟大叫「中英聯合聲明失效」，即係一方面好似出師無名，另一方面反映「香港人都唔係好著緊聯合聲明嘅有效性同合法性」。引伸出嚟，文翠姍政府係可以因為咁而求其「耍」咗就算。

第二，一直以嚟，討論香港人的英國國籍問題都會談及兩個數字。第一個係 Qualify people，即係合資格人士，所指嘅係1997年6月30日或之前在香港出生、或經歸化程序取得 BDTC / BNO 國籍資格的人，數目大約330-350萬。第二個係 Valid Passport Holder，即係依家揸住本有效的BNO護照。今年年初嘅數目係大約165,000本。一個多月前有 Fake news 話歐盟會取消特區護照免簽，就催咗班過去對 BNO 護照 Who fucking cares 嘅港燦，我個人估計頂盡兩萬本。

即係話，就算四捨五入、二一添作五...... 篤數，頂盡都係20萬本。再「七除八扣」減去 97前移民美、加、澳、紐...... 嗰啲表面上唔再需要BNO 嘅人，都仲有起碼250萬個 Qualify people。20萬 vs 250萬 = 8%。所謂「數字說明一切」，保守黨真係可以望住呢個數，認為香港人真係唔在乎英國國籍嘅身份同權利，然後鳩迤耍咗份聯署同香港人，然後就「英國佬走咗就唔會理香港」可以成真了。





或者唔好講得咁厚黑，就假設英國政府真係會將 BNO 平權，亦可以望住 20萬 vs 250萬呢個數據，認為只係得嗰20萬 Valid Passport Holders 在乎英國國籍身份同權利，然後就話只係向呢 20萬人作出平權。其他嗰150萬 (甚至300萬)，你諗你囉。而在我嚟講，就會大叫「你哋啲港燦唔係嫌BNO 貴，免簽又少過特區護照咩。同享中国人的榮耀啦」。係呀，我就係咁黑心。吹咩！過去六年，提過你哋啲港燦港豬好續 BNO 呀，你哋乜春嘢態度呀？講乜呀？如果俾我烏鴉口中，只係俾 Valid Passport Holders 的話，只係你哋自己攞嚟。

當然，英國政府會點樣回應、幾時回應呢個聯署，仲係未知之數。但可以講，文翠姍係可能「耍」，但亦可能「正式找數」；而「找數」有可能「一炮過找晒」，亦可能只係找俾依家有 BNO 响手嘅人...... 好多可能性存在，但有無你份就閣下自理。要講白啲就係「要續好續，唔續隨時無得續」。

最後，平心而論並客觀啲講，成日開口埋口「英國佬仲點會理香港」嗰啲粉皮，不過是民族主義上腦，只會睇見「鴉片戰爭係不義之戰」而對「林則除交涉無能、楊芳馬桶陣攻敵無知」選擇性失明。香港人聽邊個講，自行決定。總之唔好話無人提你。





返回主頁

飯桶想同本土派溝通簡直痴心妄想

睇開我呢度都知，我係用「飯桶」取代「泛民」呢個名詞。因為經年觀察，坊間通稱「泛民」嘅泛民主派政團政客，十居其九都只係為咗要個議席開飯；更大可能係「除了議席以外沒有別的方法開飯」，講到尾只係為咗食飯而已。仲有就係從佢哋長年累月尸位素餐嘅表現，甚至我以前分析講過游蕙禎MP 被成功 DQ 嘅其中一個原因，就係通稱「泛民」嘅政客預計游MP 會「堅砌」，搞到佢哋好難再响議會做戲子嗌吓口號就可以支取由擔任議員嘅薪酬津貼維持生計，所以就只做「花生友」有得游蕙禎被趕走。綜合即係「食嘢唔做嘢」，而响舊日嘅香港/粵語系城市就通稱呢種人做「飯桶」，又咁啱「飯」「泛」同音。

九西二輪補選終結，陳凱欣呢件連杜耀明教授都鬧嘅欺師滅祖嘅八婆當選，班飯桶本來都想一貫作風的「屌票」，但當有人計算出李卓人加埋馮匪檢基嘅票數都只係「等如」3月姚松炎嘅票數，即係所謂「基本盤」已經用盡晒；另外唔少人以民進黨在之前一日的「九合一」選舉大敗之後嘅表現向飯桶狂轟濫炸，結果都要收嗲唔敢再指責選民。尋日(27NOV) 李卓人上商台881「晴朗」，十個 PHONE-IN 十個都係狂抦佢，甚至直斥「由廿零歲開始都係支持泛民，但見住你嘢又唔做，仲霸住個位做乜呀」，李卓人卒之死晒狗。唔知係咪陳志雲同陳聰都有講「自佔領之後選民嘅政治光譜已是三分天下，本土派已經係泛民同建制以外嘅一個板塊」，李卓人條仆街就話要同本土派溝通。我真係心諗，你班飯桶「今晚早啲瞓啦」！

飯桶同本土派 (撇除黃毓民系統、熱普城呢啲支那共匪嘅假扮) 嘅嫌隙，係由意識形態嘅分野開始 ── 建設民主中國 vs 顧掂香港為先；大愛包容同胞 vs 保障港人優先；以至最激嘅 香港中国不容分割 vs 香港可以自主甚至脫離中国，已經係天南地北，大纜都扯唔埋。

然後的在實際政治操作方面，飯桶對住本土派只有惡言謾罵，甚至「晒馬」攻擊，已經摧毁咗外交政治語言嘅「和平溝通」契機。唔駛講多，剩係「選美定選議員」針對游蕙禎，話陳澤滔「不過是一隻IT狗」，已經夠皮啦。

再到2016年新界東補選，飯桶們對梁天琦嘅參選，不單繼續惡言惡行的攻擊，就連前述陳志雲陳聰所講嘅「三分天下」都唔視而不見，唔止破壞咗「泛民」同本土派政治人物嘅合作可能，更係飯桶對本土派「唔放在眼內」嗰種不屑嘅態度，激嬲晒本土派支持者，更已成為兩個政治板塊分道揚鑣嘅局面煉成。然後到2016年9月立法會大選，由「確認書」開始，飯桶們冚把冷闊佬懶理；跟住到青年新政「過到骨」就話係共諜係鬼，尤其是黃碧雲呢件臭西。就是過去四年嘅實際政治操作，飯桶不單無收窄與本土派嘅分歧，更是將兩個板塊嘅關係 (包括政客同選民) 破壞到一去不返。甚至要講埋宣誓風波之後，區諾軒、許智峰等等仲算能夠同本土派溝通得到嘅「泛民」人物，基於真正嘅民主原則去做嘢，間接地進行修補關係，但班飯桶不止冷淡看待，甚至指責佢哋係叛徒。即係話連溝通渠道都散埋。再加埋魚蛋革命之後飯桶嘅所作所為，兩派嘅關係根本已經覆水難收。

雖然有所謂「政治無永遠嘅敵人」，但飯桶同本土派嘅關係唔止已經係水火不容，更是由3月嗰場補選開始，飯桶對游蕙禎同青年新政擺出嘅態度，只會令人覺得飯桶只係在進行「收編」，要將本土派壓在「泛民」之下接受指揮。簡單講，本土派根本對泛民嘅信任在目前係0，唔好話修補關係，連溝通嘅基礎都唔存在，更加可以肯定飯桶們死撚咗條心。

事實上，兩派嘅關係差成咁，根本係飯桶一手造成。飯桶們唔先為過去四年對木土派嘅惡言惡行跪玻璃，唔清理門戶，掃走黃碧雲、趙家賢、楊岳橋等呢類必定只圖進行「收編」嘅茂利，真係唔駛旨意可以溝通。

甚至我可以講一個最激進嘅方案 ── 宣佈明年終止舉辦六四紀念活動、或最起碼公開宣佈不會再提甚麼建設民主支那；支持收回單程證審批權、支持根據《基本法》第22條限制匪區人口進入香港；支持維持「限奶令」有效...... 保證可以成功同本土派破冰。甚至係班飯桶親身落場去匪區蝗蟲肆虐嘅地方做風紀，我更夠膽講，唔止能夠打開同本土派溝通之門，隨時連游走於本土同泛民嘅「游離選民」，都能夠歸位。再甚至向國際要求宣告《中英聯合聲明》失效、承認民主回歸世紀大騙局嘅責任，我會親身參與斡旋同日後助選又點話。但呢一切「最激進」嘅做法，通通都係與飯桶所堅持嘅「建設民主中国」理念背道而馳；再講白啲，飯桶就係廿幾三十年嚟以呢句口號呃到飯食，邊可能「轉死性」！





撇除政治理念嘅差異，本土派在香港政治嘅角色其實係鯰魚。只不過飯桶呢堆沙甸魚以為趕走咗本土派嘅「鯰魚」就可以繼續迤做、對住選民扮可憐「俾共產黨打壓得好慘」就可以呃飯食；扮永遠的反對派唔駛承擔執政責任就有飯開。唔好話班飯桶係不負責任咁高深，最簡單睇返上星期六台北市長選舉，柯文哲嘅親力親為，就使士林區內社子島嘅選民瘋狂「倒票」，壓倒松山、大安、文山嘅選民「深愛」丁守忠嘅蛇齋餅糉。你哋班飯桶會好似柯P咁，駛乜驚梁天琦、游蕙禎佢哋嘅「堅砌」呀。



甚至再血淋淋啲講，飯桶最鍾意講意識形態嘛，柯P 獲勝嘅更大關鍵選區係大同區，拋離丁守忠逾一萬票。



大同區乜叉地方？港燦、飯桶一定識嘅寧夏夜市、江記華隆豬肉紙、新光三越百貨...... 飯桶好似好熟嘅台灣歷史其中一個重點 ── 二二八大屠殺，蔣魔光頭介石殺第一個人嘅現場嘅迪化街、隨即嘅大搜捕嘅圓環同大稻埕，就係大同區喇。講白啲，柯P 就親自示範點樣「食」意識形態嘅票。別忘記柯P 係二二八難屬呀。睇你班飯桶去台灣觀選為名玩樂為實吖！

可以講，飯桶無可能同本土派溝通 (更枉論合作)，歸根究底係一大堆惡言惡行嘅爛賬。更是心術不正嘅態度，既無可能得到本土派嘅信任，亦反映一直都係只圖偷天換日。我唔係話本土派無啲咁嘅人，但飯桶嘅仆街唔只人數眾多，仲已經遺禍深遠。民主黨、工黨、社民連、公民黨都係等隨住歷史洪流淹沒算數啦。至於民協，睇施德來嘅造化喇，我响大約一年前已經提醒過佢；除非將譚國僑逐出黨啦，否則我唔會再講。即係都係等死。





返回主頁

柯文哲市長，好險呀！

經過長達逾10小時點票，「柯P」柯文哲以58萬票，以3254票之差，險勝老K丁守忠，連任台北市市長。雖然根據台灣的選舉法例，因為差距少於0.3% 自動啟動重點機制，但台北市12個選區入面，丁守忠只在東面幾個選區：松山，信義，大安，文山有4000-12000票差距；頂多加上中正的145票，其餘的7個選區，柯文哲佔優而有相當差距，一般有4000票以上，最差的南港也有2800票；大同區更逾11000票。預計重點不會改變選舉結果。

撇除丁守忠或會提出選舉無效訴訟，基本上台灣這次「九合一選舉」已塵埃落定。其他的縣市的結果，對民進黨而言是慘不忍睹，但容後另文詳評，而先集中台北市。有幾個要點。

第一，2014年柯P得票85萬，即是今次少咗27萬；姚文智的得票24.4萬。兩數相比，即是民進黨把35000票流走了。另外，新北的三重蘆洲被視為綠營陣地 (香港稱為「票倉」)，但蘇貞昌在這兩區跟侯友宜只是平手。詳細數字容後再計算。但從這兩個情況可以確定民進黨今次選舉於雙北實行的策略，是「徹底失敗」。

第二，柯P 大勝丁守忠的大同區，民進黨市議員議席比2014年減少一個，顏若芳飲恨；得票比例由2014年的47.3%下跌至35.8%。點票最後勝負關鍵的士林區，民進黨的議席數由6席降至3席，得票比例由2014年的40.5% 急跌至16.7%；相反地，因為沒參與「批鬥」柯文哲而在民進黨內視為「二五女」、姚民智威迫退黨的高嘉瑜，不單只當選，個人得票數字與2014年相差不遠，繼續成為「票后」；她所在的內湖南港區民進黨的四名候選人都能成功連任，而且得票比例由2014年的33.9% 上升至38.4%！這就不只更肯定民進黨打擊柯P 的策劃是嚴重錯誤，也因應投票結果反映的民情，柯P 才是台北市泛綠光譜的最大公約數。

引伸出來，就是提出在這次選舉不要跟柯文哲合作的人，該「推出午門斬首示眾」。姚文智親自參與這場「批鬥」大戰的，當然罪無可恕。事到如今他必須實踐承諾，馬上退出政壇。我相信無人再想見到這個卡蹭鬼！更是因為在內湖南港的得票比高嘉瑜還少1200票，若要談到所謂政治倫理道德，姚文智該在報紙刊登向高嘉瑜道歉的廣告。



除了要「處決」姚文智之外，更要把「批鬥柯文哲」的始作俑者拉出來嚴刑拷問。這個人是阿扁的副手，前副總統呂秀蓮。相信大家還記得，這個老乾婆是第一個人提出主張要派人挑戰柯P，還說「如果黨內沒找到人選就由自己上陣」！呂前副總統著實必須在 24小時之內出來公開交代如何承擔責任。





這次的「批鬥」的成因，要說回2014年民進黨「讓賢」給柯P的事。當年民進黨認為「柯文哲不過是醫師，那會懂政治和管治執政。反正黨內沒合適人選，讓他做四年玩玩吧」。只是沒想到柯P 雖然沒有從政經驗，但懂得任用人才，能把台北市的市政搞得有聲有色。民進黨內有人看得不是味兒，然後認為再給柯P 四年等同封掉自己的機會，於是就「起兵」展開抹黑行動，拿著他跟共匪「表現友好」大造文章。再到呂秀蓮「狗衝」出來，再到權利慾薰心的低能兒「接棒」進行這場「戰事」。

其實只要仔細的留意，柯P跟共匪的「友好」不過是「店面粉飾」，單是看著世大會時中国隊的抗議而柯P 擺出毫不在乎的姿態，就知道民進黨的抹黑批鬥根本站不住腳。可見發動這場「戰爭」的人，根本是心機很重、充滿私心。這些人一定要除之而後快！

順帶一提，民進黨慘敗的其中一個原因，就是耗用太多資源於批鬥柯P，使新北、台中、高雄，以至嘉義市未有足夠的支援。呂秀蓮不單責無旁貸，看著選舉結果更可以說是罪無可恕。另外，正如我早前在自由時報已分析這次選舉充斥共匪的因素，選舉結果對共匪有利就是事實。呂秀蓮的主張背後還會不另有所圖，看著同是美麗島人物的施明德投共去也，抱歉的說，沒法不讓人懷疑。

大局已成，台灣人特別是高雄人，好自為之。我就立此存照的說明，如果高雄人對韓國瑜、新北人對侯友宜、台中人對盧秀燕有任何不滿，我必定破口大罵到你們狗血淋頭。香港有句話「路係自己揀，仆街唔好喊」！早就作過提醒但聽不進耳嘛，慢慢承受好了。







返回主頁

侯友宜的沉默迴避可會是老K當年的殺人大計

將在明天舉行的台灣「九合一」選舉，其中新北市市長候選人的侯友宜，他的身份背景在台灣可謂無人不曉；在香港，有鑽研台灣歷史就會知他不止是國民黨員，而是1989年4月7日親自率隊到台北市民權東路三段106巷3弄11號(當年門牌是民權東路550號巷三弄) 打算拘捕鄭南榕的警察隊長，是鄭南榕自焚殉難事件的關鍵人物之一。

一直以來，侯友宜面對輿論追問29年半前的事情，他都三緘其口，不願多講。就是今次選舉，除了「包租公」「大地主」醜聞被傳媒狂追猛打之外，鄭南榕殉難的歷史也被挖出來，他當然還是保持不欲多言的態度。只不過，前天晚上，鄭南榕女兒鄭竹梅打破二十九年半的沉默，在新北市新店小碧潭蘇貞昌造勢晚會，公開炮轟侯友宜。但侯友宜事後僅以「我都表示尊重啦」回應，相信都使人無名火起。也反映當年的「拘捕行動」以至他的身份，殊不簡單。

首先，侯支宜二十九年半以來都以「奉命行事」就鄭南榕自焚作出回應，表面看的是他只圖把責任推卸到當年警政署的上司，但想深一層，多少反映他當年不過是以「打工仔心態」而已；而在二十九年半之後，他還是如此回應，甚至是所擺出的態度，更反映他只是一個盲從威權的走狗而已。

繼而的就是他當年作為率隊攻堅之首，是親身見證的人，但他從來沒有詳細交代過在雜誌社現場的事；雖然台灣社會對鄭南榕的犧牲已有客觀認知，但就是一直未能找出完整、具法律效力的事發經過真相，還有老K 死忠粉絲鬼祟的歪斥鄭南榕是「放汽油彈的暴徒」。既可見他的緘默的隱藏，沒能找出真相，還可以讓「謠言」滿天飛，使不公義的情況存在，也同時在相反角度而言，證明要找出真相、掃除不公義因素是非常重要。

侯友宜接近三十年來的沉默是甚麼原因和動機？是忌諱鄭南榕殉道造成的民間聲音嗎？我看不是。試想想，要是他認為「奉命行事」是一個正確的行為，或是「打工仔」的思想心態，認為當年的「任務」使自己受屈，大可以「告白」吧。就是他的迴避，甚至連鄭竹梅的炮轟也只淡然的回應，反映他根本不願意面對這段歷史，或起碼是「不想多談」了。問題就在於他的迴避、沉默的動機何在。從刑事偵查的概念作推論，他該是為免多言而洩漏了警政署當年由策劃到行動可有驚天內情的蛛絲馬跡。哪麼會可能是甚麼「驚天內情」？

鄭南榕殉難的政治因素，基本是分兩個方向。第一，主張台灣獨立，不單是挑戰國民黨的威權，嚴格來講是質疑國民黨、蔣光頭和二世的執政的合法性。雖然當年剛解嚴，但對於嚐權如命的老K 和蔣家皇朝而言，還是有權威不容挑戰的思想。

第二，解嚴已導致老K 的「反攻大陸」失去立足點，無面子了嘛。而沒法否定的是，江南案是促成解嚴的原因之一；江南案亦改變美國對蔣家皇朝的態度，迫著要解散有如秘密警察的情治部，對蔣家皇朝的威脅構成威脅，也是丟面子的。如果再給鄭南榕空間可以挑戰蔣家的權威，怎對得起在慈湖的那條死屍呀！

按照這兩個方向再作推論，老K 根本想把鄭南榕「滅口」的動機是存在的。可是江南案已搞得老K 在台灣、在美國以至在國際上盡丟面子，如果再直接把鄭南榕幹掉，恐怕會萬劫不復，所以政治上、道理上，不可能主動殺害鄭南榕。但是，鄭南榕公開表明老K 只能抓到他的屍體，而警政署又像是收到他買了汽油放在雜誌社的情報，老K 可會想著「引導」或威迫或促使他「自行了斷」，那就既可以成功達成「滅口」的目標，又能避過江南案的危機？

袂講我說得這麼心黑。就是老K 知道難以「滅口」只能循法律方面把他關進監獄，但是有著要把鄭南榕「滅聲」的底線，哪麼藉著提告然後發出傳票，然後再以傳票需要採取拘捕作為幌子，而只要在「拘捕」的過程當中，不論是鄭南榕的拒捕引發衝突，或是他真的如情報會自焚，就實現了「滅口」但又避過主動殺害他的結果。





引伸出來，侯友宜在二十九年半前的「奉命行事」，可會是老K 的殺人滅口的驚天大陰謀，就是不能排除。而針對侯友宜，他的「奉命行事」到底是「拘捕」把鄭南榕帶到法院，還是「藉拘捕為名引他自行了斷為實」？假設真的只是要拘捕鄭南榕，他大可理直氣壯的說明當年是奉怎樣的命；但他接近三十年來的迴避，似乎後者的可能性更大。更重要的是，連鄭竹梅作為另一個第一身事主的炮轟，他也只淡然的回應，從這個動機更可以相信，當年的「拘捕」是有不簡單的內情。

再次的試想想，要是侯友宜「講多錯多」說漏了咀，給傳媒可以去追查的話，萬一查到真相原來是老K 圖謀迫使鄭南榕自行了斷的話，國民黨肯定要滅黨，侯友宜該當可罪！另外，如果還查到侯友宜當年的真正身份原來是相當於秘密警察，不單官運就此終結，還會被嚴厲清算。當然，就是真相還沒有查出，一切都只是推論而已，但可能性是實實在在的。

侯友宜接近三十年來的迴避，讓老K 的死忠還可以誣蔑鄭南榕，也讓老K 繼續胡作非為，甚至勾結共匪搞亂作歹。如果侯友宜在禮拜六能更上一層樓的話，鄭南榕犧牲的真相只會被延續掩藏，老K 威脅言論自由的不公義因素仍然存在。相反地，要是能查清鄭南榕當年自焚的真相，就算把國民黨沒有被滅，至少不敢再亂來所以。所以，必須把「北租公」拉下來，排除了向他進行刑事偵辦的障礙，台灣的言論自由才有機會進入鞏固階段。





返回主頁

劉迺強死得太早了

支那共匪頭號打手劉迺強今晚死撚咗，報導均話佢癌症死。佢到底真Cancer 定「被 Cancer」，我無乜興趣深究，只係覺得佢死得唔著時，甚至死得太早。

或者大家想鬧我「你唔係想佢長命百歲繼續搞事搗亂呀嘛？痴線架！」，我完全同意、亦非常痛恨佢成個共匪統戰/紅衛兵系統搞風搞雨，單係基於呢方面真係想佢快啲去無間地獄。但劉匪在香港所作的惡，近年的根本九牛一毛，佢所作嘅最大的惡，係搞到香港淪陷於支那共匪嘅「民主回歸」

首先，留意返本文之首，我對佢封號「頭號打手」，佢可以話當之無愧。近年由佢嘅時聞香港，到「愛字頭」嗰堆紅衛兵組織，全部都係劉匪嘅傑作。唔係英國人周融咩？劉匪嘅馬前卒囉！打手仲要下下自己親自落手做嘅咩！咁宏大嘅共产党鬥爭勢力都係劉匪操控，已經係頭號打手啦。

第二，講到民主回歸，有一直睇我呢度個BLOG嘅讀者，或Follow我Facebook Page的話，一定記得，或至少有印象，我追殺「民主回歸」呢個世紀大騙局真係不違餘力，而且做嘅「考古」工作唔止於淺層，1982年民調只得4%支持「回歸中國」，就是我嘅「傑作」。而响過去接近六年嘅「考古」，其中一樣發現嘅歷史痕跡，就係劉迺強呢條仆街賤種冚家鏟。

民主黨嘅組成其中一個部份，就係匯點。匯點係第一個鼓吹「民主回歸」嘅政治組織，呢個係楊森同張炳良自爆的。劉匪迺強係匯點嘅創立會員之一。過去單係呢度已經寫過「民主回歸論」點樣仆街，仲要賤到將 「4%支持」冚過晒，已經反映劉匪迺強之仆街。

更是我另一個「發掘」到嘅係劉匪早在1970年代，就潛伏於本港報壇，在當時一片「認中關社」嘅風氣之下，响《信報》等報刊撰寫評論，主要是經濟和管理有關的題材，但偶爾會講下政治。到1980年代初開始，就重點寫政治分別以真身及筆名艾凡，幾乎每週撰寫合共近4000字鼓吹民主回歸。清楚見到「頭號打手」呢四個字，唔止適用於過去呢十幾二十年，係可以追溯到半世紀以前。可想而知呢條友係對香港係壞事做盡嘅仆街賤種冚家鏟！

我之所以嫌佢死得太早，就係「民主回歸」呢個佢搞出嚟嘅天文數字大爛賬，唔好話跪玻璃喇，就係到底支那共匪點樣由佢點著呢個「炸彈」，背後成個操作係邊個做最高總指揮，係咪我一直推論嘅鄧小平；另外仲有楊森、張炳良、馮煒光、蔡耀昌、高達斌等呢啲賤種，三十幾年嚟到底充當乜嘢角色；再仲有係點樣 override 「4% 支持回歸中國」嘅輿論，當年係點樣响傳媒嗰度「做嘢」而成局....... 等等，呢啲歷史要查到出嚟，做清算就必然的，最重要係還原返成段歷史，先可以進行相當於德國二戰後或近期台灣開始做嘅轉型正義工作。而剛述嘅呢堆臭屎，劉匪一定係最清楚嗰個。佢咁就死撚咗，你話仲點樣查呢？香港若逃出支那共匪魔掌就要進行轉型正義，無咗佢爆料就增加咗成個轉型正義嘅難度。所以，我咪話佢死得太早囉。





無錯，楊森、張炳良、馮煒光、蔡耀昌、高達斌都仲未死。但問題係，呢幾條仆街應該唔係最高 Level / 同共匪最接近嘅嗰一層嘅人，佢哋就算爆都唔大可能係最核心嘅料。當然，如果真係 Hong Kong is OUT，啲二打六、馬前卒以至爛頭卒都唔可以放過啦。

另外，正如武俠小說常見對白「就咁殺咗你咁便宜？我要你求生不得，求死不能」，或例如陳百強嘅《眼淚為你流》其中一句歌詞 「心痛苦比處死更難受」，假設佢係真Cancer，咁快就拉柴，益撚咗佢啦。呢啲撚樣應該慢慢受先係呀嘛。家陣所謂唔死都死咗，家陣有撚計呀。唯有睇下英國人周融、陳廣文、高達斌呢堆賤種幾時仆街，以至「民主回歸」臭屎炒得返起之後，楊森、張炳良、馮煒光、蔡耀昌等嘅冚家鏟點俾人炮製囉。






返回主頁

美國宣告香港一國兩制玩完

美國國會委任的美中經濟與安全審查委員會（US-China Economic and Security Review Commission）剛發表最新年度報告，482頁紙可以用一句說話歸納 ── 中华人民共和国及中国共产党係班大賊。偷嘢不突止，仲要偷完話係自己嘅，你嗰啲先係賊贓。唔好話國際秩序咁高層次，就算係一般平民遇到咁嘅情況，都會㷫過辣雞甚至火山爆發。

其中第3章第4部，唔計附錄，21頁紙，直指中共打壓言論自由、新聞自由、干擾選舉、插手香港內政...... 唔遵守《中英聯合聲明》同《基本法》，香港已有如支那匪區一個城市無乜分別。建議美國國會及商務部提交報告，審議及檢討美國對可民轉軍用物品出口管制仲係咪應該將香港同中国分開處理。

睇到呢度覺得精彩呢，內文更加「過癮」！除咗羅列DQ立法會議員、封殺香港民族黨、銅鑼灣書店事件，中共到底搞過乜狗屎垃圾，唔少得 Victor Mallet 被逐事件，全部都係話有違根據《中英聯合聲明》所訂定嘅高度自治原則。好似「行貨」咗啲？直接踢爆 DQ 同補選就係為咗23條立法鋪路，對香港人嚟講雖然係「阿媽係女人」，但睇呢類政府文件嘅理解就係「你共产党唔好當我美國佬傻嘅先得架」，即係話美國都 MON 實支那共匪同港共傀儡政權嘅一舉一動，同識得「捉路」。俗啲講，唔好以為美國唔識中国國情。

最精彩嘅莫過於 Implications for the United States 嘅一節。其中一段原文

As a key transshipment hub for mainland China, Hong Kong is an important partner in ensuring robust protections against unauthorized shipments of controlled U.S. items to the Mainland. Pursuant to the Hong Kong Policy Act, the United States treats Hong Kong as a separate customs territory and maintains unique export control agreements with Hong Kong distinct from those with mainland China

直接而簡單啲講，美帝直屌共匪利用香港政策法形成嘅條件，透過香港從美國撻嘢。另外仲有一段

In 2017, the United States and Hong Kong strengthened export control cooperation, introducing new documentation requirements on controlled exports and re-exports to Hong Kong

言下之意，美國係屌埋港共傀儡政權有份幫手撻嘢。

但中共另一邊廂就透過各種政治手段，唔遵守《中英聯合聲明》嘅承諾。呢個其實係話俾全世界聽，睇下香港有份《中英聯合聲明》都變成只係支那共匪嘅偷竊工具，同中国簽乜協議都無用，簽完都係會變廢紙，只會係俾共匪偷嘢搶嘢。





另外值得一提，報告入面仲有一段參照4月18日紐約時報Chris Horton 同 Austin Ramzy 撰文、3月19日台北時報前駐港領使楊甦棣的撰文嘅陳述：

The Xi Administration’s failure to abide by its commitments sends a strong message to Taiwan that Beijing would do the same in a similar arrangement with Taipei. More broadly, it signals to Taiwan citizens that China’s promises cannot be trusted.

台灣的鄉親序大，下個禮拜六應該怎投票，不用再提啦吧！

今次份報告，絕對可以話為解除 Hong Kong Policy Act / 通過 Hong Kong Human Rights and Democracy Act 大開綠燈。中共以為用一国綁住香港，借兩制幌子經過香港向國際攞著數，今次美帝走狗紙老虎就清清楚楚話俾中国共产党知「唔得」呢兩個字，唔好以為有錢大撚晒要全地球都唔理你亂鳩咁嚟，知道乜嘢叫承諾先好响國際「說三道四」。





返回主頁

舉報快線撚信件Template

一直以嚟，唔少駕駛者响馬路上遇過其他車輛有違法駕駛行為，威脅到自己安全。做「車Cam 撚」將影片擺上網只係純粹發洩，又或惹埋啲「花生友」講乜春「咪閪多事啦」「你無犯過法咩」之類嘅爛膠回應，其實都幾無謂。但對唔少人嚟講，要實際行動作出舉報又未必識，識又好似覺得好麻煩，咁我就提供 Template 俾大家參考。

响 Medium 寫過「快線撚」唔只阻住地球轉，仲隨時會導致交通意外嘅發生。另外，有報紙無端端報導，响快速公路Cut左線扒頭係違法，但就唔講「快線撚」先至係禍源。既然係咁，就整個 template 俾大家。

先講一啲基礎法律概念。作出舉報需要提供具備以下嘅陳述先至「成到case」俾警方「開快勞」。包括：

1. 你揸緊架乜嘢車，確定你係目擊人士；
2. 車cam 乜嘢型號，證明條片嘅 file data 關於攝錄裝置嘅數據吻合，同證明你係點樣錄到條片，確保唔會辯方 Challenge 條片嘅來源。與及予警方或律政署在需要時可以聯絡生產商或代理核對資料；
3. 涉事嘅車輛車牌。以至顏色、外型、類別等等；
4. 案發時間地點，事發經過，涉事車輛做過啲乜而你認為係違法嘅嘢。甚至對你或觀察到對其他車輛造成乜嘢安全威脅

如果知道違反邊條法例，就引用埋；唔知道就唔好寫，費時造成「證供與控罪有錯」而被踢甩。另外，車cam 片一定唔可以剪接，唔可以cut 聲，就算錄到你爆粗小人老母都要俾警方聽埋，避免成為辯方以「證供片段經過剪接而非絕對可信」踢甩嘅理據。所以一定要用能夠設定分時段錄影嘅「車cam」，而唔可以用 Sports cam 一嘢錄一、兩個鐘。

另一個要講嘅基礎法律概念，就係要有乜嘢條件，先至有可能從法律角度認為係「快線撚」。

首先，當然係你見到有一部車在一定嘅距離維持在右線行駛，並有以下三個情況最少其中一個：

1. 中線有足夠空間可以予「快線撚」切入但佢無咁做。或；
2. 未見到「快線撚」有超越在中線、左線的車輛 (平排都「中」)。甚至；
3. 你以合法車速在中線或左線行駛，或見到有其他車輛而你相信係以合法車速行駛但能超越「快線撚」。例如你响中線「快線撚」一直維持距離，有右線車焗住「左CUT」

你就可以認為係「快線撚」作出舉報。

何謂「在一定距離」？根據我過往嘅經驗，起碼 1km。如何估計 1km？以路牌80計算，換算返影片時間長度，即係最少45秒；路牌100，就是最少36秒，如此類推。簡單講，有唔少於1分鐘嘅片段影到以上情況，就可以「做嘢」。

以我在上週响 Facebook 披露一單「快線撚」為例子，提供 Template 如下：

=========================

致：香港警務處
新界南交通部
新界荃灣城門道8號
新界南總區警察總部地下
(如果唔肯定事發路段屬於邊個警區管轄，就寄去 中央郵政總局信箱 999 號，由警務處總部處理交去邊個警區)

敬啟者：

舉報車輛 ZZ 1234 於屯門公路佔用最右行車線

本人在 _____年__月__日大約 __:__，駕駛車牌 YY 9999 私家車 (跟返你自己揸緊嘅車嘅登記類別，例如輕型貨車、中型貨車、公共巴士) 於屯門公路往屯門方向行駛，由汀九橋一段開始，發現一部車牌 ZZ 1234 的白色私家車長期佔用最右行車線，現向警務處作出舉報。

本人當時駕駛的車牌 YY 9999 的車上裝有型號 ABC 666T 的行車錄影裝置。

附上唯讀光碟載有擷取自行車錄影裝置錄得當時的行車片段，檔名_______________ 。片段記錄當時本人在屯門公路駛往屯門方向，駛至近汀九橋一段路面，發現該部車牌 ZZ 1234 的白色私家車一直維持在最右行車線，直到接近大欖涌巴士轉乘站離開本人視線範圍為止，即使中線及左線尚有足夠空間可予該部車輛安全行駛，但從未有切線轉回至中線。期間因有右線車輛需切入中線超越 ZZ 1234，影響本人的行車安全。

影像片段時間標記 __:__:__ 清楚可見車牌號碼 ZZ 1234 (如以下影片畫面截圖)；


從提供予警方的錄影片段可見錄得外觀與這時間標記的車牌號碼相同的車輛的行駛情況，一直維持在右線行車。
(呢部份關於 Screen Capture 最好寫埋，使警方收到信件之後能馬上確定到條片真係錄到車牌。無都唔緊要。)

本人現向警方舉報駕駛車牌 ZZ 1234 的車輛的司機於______年__月__日晚上大約___時___分至___時___分期間，在屯門公路往屯門方向汀九橋至大欖涌一段的道路觸犯交通罪行：

《道路交通(快速公路)規例》(香港法例第374Q章) 第12條 ── 未有合理切實可行範圍內將車輛駛回快速公路車路的最左綫或駛回緊貼該最左綫右邊的行車綫。

要求警方調查及向駕駛車牌 ZZ 1234 的車輛的司機作出檢控。

本人謹此以真致誠聲明唯讀光碟內的行車影像片段並無作任何修改或剪輯。本人同意警務處可將提供的片段提交予法庭作呈堂證供。如警方需要本人到警署錄取口供，及/或出庭作供，本人願意安排時間。

附上個人資料及地址，以便警方進行調查工作：

姓名：車金能 (CHE, Kam Lun)
香港身份證號碼：____________
電話： __________
電郵：___________________
地址：____________________________________________________



車金能 謹啟
_______年___月___日


=========================

寫好封信，印出嚟，响下款適當位置簽名；將車cam 片燒成三隻CD，連埋封信寄去警務處。DIN C5 信封夠晒裝封信同三隻CD，目前郵費 HK$5.0 (視乎實際重量)。之後就等負責嘅交通部環頭打電話通知，話收到你個case 會作出處理。警方或可能會約你去邊度落口供。地點如下：
港島區 ─ 筲箕灣西灣河街28號
西九龍 ─ 紅磡衛環里8號
東九龍 ─ 九龍牛頭角兆業街2號
新界南 ─ 荃灣城門道8號
新界北 ─ 大埔安埔里4號





唔少人都怕落口供好花時間，但根據我同「巴士判官」嘅經驗，就算最複雜要畫幾張圖嗰種案情，都唔超過兩小時；「快線撚」呢啲相對簡單，好快就可以响口供紙上面簽個名就走得。

或者咁講，好多不負責任嘅駕駛者就係抱住「好多人嫌麻煩」而响馬路上胡作非為，「怕麻煩」某程度上形同姑息養奸。姑且「小農」啲講，難保啲不負責任嘅駕駛行為就係撞到你，所以就算「只顧門前三畂田」，呢啲時間都唔好慳。





返回主頁

高雄不是藍綠對壘，是紫綠決戰台灣

傳統以來，台灣的政治意識形態，都是以藍和綠兩種顏色代表。藍色代表國民黨的陣營，綠色代表民進黨為主的陣營。為什麼我定題「紫色」？藍+紅就是嘛！那麼紅是甚麼？台灣社會就是以「紅」代表中共。紫色的意思，就是說到國民黨跟共产党混在一起。

好像說得有點誇張，藍粉也一定暴跳如雷，但試問近年中共在台灣的行動，不論明做或是暗幹，都是跟國民黨有關，甚至可以說是透過國民黨去執行，或是國民黨在包庇、在袒護，就是不容否定的事實。單是中国網軍「租用」大量中華電訊的 IP 主機發動網絡攻擊，請問老K、藍粉打算怎樣解畫。

說到網絡戰、網軍的情況，即將在11月24日進行的「九合一」選舉，韓國瑜的網軍被揭發有來自中国，老K 和藍粉還有話好說嘛?! 只要了解為什麼高雄變成重點戰場，老K 和中共在當中有啥盤算，就能明白「紫色」的理據，也能分析台灣社會在這次選舉到底面對有多大的危機。

中共很多戰略思維都以意識形態為基礎。台灣民主發展歷史，高雄可說民主的搖籃，是民進黨的根源，該無人反對。中共就是會認為，要是把民進黨在高雄的執政權拿掉，就如摧毀民進黨的政治根基，能打擊黨內士氣。隨之而來的該會是民進黨內出現紛爭，蔡總統和政府高層就得忙於應付黨的內亂，執政表現必定繼續下滑。然後，國民黨能伺機重新壯大，或起碼妨礙民進黨的發展。

好像說得有點「虛」嘛？哪講實在一點。中共的中遠集團已奪取了高雄港碼頭的控制權，又是以中共的戰略思維必定想擴張在高雄的政治勢力。情況就如毛澤東在延安喘定下來，等待時機。中共想著的是，只要把民進黨踢出高雄，起碼少了最大的政治障礙，然後就能伺機擴張。雖然，表面上不能說國民黨掌權高雄就會向中共大開中門，但大量支持韓國瑜的網軍都來自中国大陸，就證明中共不想民進黨留在高雄。再者，韓國瑜的「不准再有意識形態的抗爭，要集中拼經濟」說法，其實是中共在香港喊了二十年有多的「口號」...... 韓國瑜的選舉工程充斥這麼多中共的「成份」，還不算是「國共合作」欵！

翻查歷史上的兩次「國共合作」的背景都是國、共兩黨有共同敵人 ── 第一次是北洋軍閥，第二次是二戰時的日本。國民黨為了保住政權，共產黨要掃除擴張阻力，於是就「合作」起來。若說當前國民黨的首要政治目標就是要擊倒民進黨，是沒法否定的；中共對民進黨的立場也毋須再多講。歷史也許就引證國、共兩黨為了民進黨這「共同敵人」而在這次選舉再度「合作」的可能性。另一方面，國民黨這「百年老店」一直都有黨員為了利益投向共產黨陣營的歷史，還少不了是孫大炮、蔣光頭基於政治考慮的「許可」。自從2016年總統和立委選舉國民黨大敗之後，老K 既面對巨大的政治壓力，黨團本身必定想辦法扭轉形勢；另因為轉型正義衍生黨產「被清算」造成的財政和利益問題，黨員可會因少了「好處」而看到中共能提供支援以至「利誘」然後投誠？回看國共內戰的後期，山東、江蘇、湖南、四川等地的國軍將令向共匪投誠的歷史，也許能找到答案。

「合作」的背景、動機都有了，已可推斷出「藍」混了「紅」變成「紫」的說法能夠成立的。

前段提及高雄港碼頭已落入中共手上，須明白港口在軍事角度的重要性。隔著鼓山就是左營軍港，而只要從地理方面了解到中共在廈門和漳州的海軍軍港，與及澎湖，一併所形成的戰略關係和價值，就知道高雄市不容有失！也同時能明白中共為何會對韓國瑜投入如斯大量的資源，把高雄變成無點「戰場」。看到這裡，該更清楚明白就算對民進黨有多不滿，都要全力保住陳其邁，免得「城堡從裡面打破」。或是反過來說，要是高雄的「缺口」被老K 打開，後果隨時會使台灣陷入萬劫不復。所以說這次選舉是一場「決戰」。





無可否認，2016年蔡英文當選總統和民進黨取得立法院議席過半之後，政府的管治和台灣的經濟狀況沒有明顯改善，民眾增加對民進黨的不滿，民心轉向是正常不過，都可以理解。蔡總統將賴清德和陳菊「北調」而接任的代理市長均只有如「看守政府」的處理兩市的施政，實難怪翻動了南、高兩市民眾的情緒。但是，單純地方政府施政的問題，換上國民黨真的可以把民進黨的施政不濟扭轉過來嗎？而且，從多種跡象反映「國共合作」的真實性，換上國民黨不單不會改善地方的管治，更可以說是引匪入室。

我不是要當民進黨的說客，事實上我有看到民進黨有很多不濟，甚至對某些候選人非常不滿。但是從觀察台、港兩地的政局現況，中共威脅的因素是確實存在，「國共合作」就是實在的。所以無論對民進黨的施政表現有何想法，只能戒急用忍，一定不能讓國民黨得利，高雄、台南更必須為泛綠陣營死守，把老K 打個稀巴爛。






返回主頁