多謝余英時教授向支教民屈機

每年踏入五月，又係支聯會為首嘅支教民飯桶體系又出動消費八九學運嘅時候。而近年通稱本土派嘅興起，就關於紀念8964大屠殺嘅立場主張爭吵不斷，尤其是針對「建設民主中國」、「平反六四」等嘅口號，客觀講支教民根本就無力反駁，飯桶們只能大肆抹黑本土派、真‧獨派。

我早在2013年，已經响蘋果日報寫過《二十四年過去了……》《暴風雨中緊箍咒》兩篇文章，指出呢兩句口號有乜嘢問題；尤其是引用「平反劉少奇」嘅歷史指出「平反六四」就算真係出現，其實根本係無意思，試圖敲醒支教民，與及充當飯桶同本土派嘅和事佬，可是支教民充耳不聞，甚至私下當我臭四、以至當我透明。唔好話調整立場論述，根本就毫無反省。

但呢六年以來支教民、以至整個飯桶體系，依然故我。再者，响過去呢六年，我亦因為對紀念8964大屠殺嘅立場同論述同支教民完全南轅北轍，其實暗地裡受到飯桶陣營嘅排擠、背後嘅「毒箭」，以至或明或暗嘅打壓 (無得再响《蘋果日報》撰文就係其中之一)，所以自此之後，我無再每年6月4日晚上踏足維園，甚至眼尾都費時望。但「建設民主中國」、「平反六四」呢兩句口號嘅問題等如解決咗、消失咗咩？

响之後嘅一年，即係2014年，我直接向支教民「開拖」，直指「建設民主中國」呢句口號係飯桶建基於「中國無民主，香港唔會有民主」，認為中國一日未有民主都唔會俾香港落實民主，當中嘅邏輯簡直白痴。當中嘅重點就係响個「俾」字 ── 等中國有民主然後「俾」香港實行民主，咁同古代等皇帝奏准地方可以實施某啲政策，有何分別！

至於「平反六四」，我除咗再次以「平反劉少奇」嘅歷史、以至關於大躍進、文革嘅「平反」嘅歷史，指出「平反」都係等涉事人等死撚晒之後先至出現，所以「平反六四」呢句口號根本係無意思、係絕對廢話。換來的除咗係飯桶嘅無視同打壓之外，對我嘅抺黑更變本加厲，甚至出現响身邊。

差開少少講，我偶爾打 #躝返新加坡 Hashtag，起因就係响2014年，曾為戰友嘅尖碼之聲主席陳嘉朗對我提出以上「建設民主中國」同「平反六四」嘅觀點論述，無力反駁但又條氣唔順堅持己見，就在Chat group 發爛咋寫

冷血無恥之徒；你話你老豆老母係星馬嗰邊，又成日講到新加坡咁好嘛，你咪躝返新加坡

一直以來，我對於唔認識南洋政治嘅人，除非錯得離譜到好似沈旭暉嗰隻，否則大多都係忍口。但佢拗唔掂就出言侮辱埋我父母，我就梗係唔會放過佢啦。有人做和事佬，但佢唔肯道歉同收回呢番說話，所以各走各路之餘，我不斷伺機無限LOOP「躝返新加坡」呢五個字，埋下「君子報仇、十年未晚」之局。是的，我承認擺明玩「人格謀殺」。

有和事佬就梗有撥火，亦必定有花生友。邊個撥火邊個食花生嘅我暫時唔爆住，但咪話我唔「鳴槍示警」，當日撥火、同埋為求貫徹「識人好過識字」左右逢源而沉默嘅仆街反骨仔，好自為知啦。





我對「建設民主中國」同「平反六四」提出嘅論述，最少五年嚟受咗咁多「氣」，梗係希望有「平反」嘅一日啦。噚日《蘋果日報》訪問余英時教授，佢對呢兩句口號直斥其非，更是一如我响五年前所講嘅「冀皇帝開恩」認為支教民嘅諗法荒謬，

我一方面覺得「終於有人幫我出呢一口氣」，另一方面我就好熱切期待支教民飯桶對余教授嘅反應，但似乎無一隻飯桶夠膽出聲。呢個情況正正反映支教民飯桶根本係一班仆街冚家鏟 ── 第一，因人廢言。已經不配講「民主」二字；第二，證實過去最少五年，對我嘅態度根本同共产党一鳩樣「杮子挑軟的揑」，直接講就係欺善怕惡。

我依家就強烈要求支聯會、民主黨、工黨、公民黨等飯桶，有種就立即公開鬧爆余英時，甚至直指佢「係共諜係鬼」！一係就向我道歉，否則唔駛旨意我會停手鬧爆你哋。

但無論我呢啲「悉尼老鼠」又好，余英時教授呢啲鼎鼎大名又好，支教民响對8964大屠殺嘅立場同論述根本係一堆垃圾，就肯定係事實。又姑且好言相勸講，今年仲唔收返起呢兩句口號，唔好怪人繼續問候你哋娘親！





返回主頁

飯桶想同本土派溝通簡直痴心妄想

睇開我呢度都知，我係用「飯桶」取代「泛民」呢個名詞。因為經年觀察，坊間通稱「泛民」嘅泛民主派政團政客，十居其九都只係為咗要個議席開飯；更大可能係「除了議席以外沒有別的方法開飯」，講到尾只係為咗食飯而已。仲有就係從佢哋長年累月尸位素餐嘅表現，甚至我以前分析講過游蕙禎MP 被成功 DQ 嘅其中一個原因，就係通稱「泛民」嘅政客預計游MP 會「堅砌」，搞到佢哋好難再响議會做戲子嗌吓口號就可以支取由擔任議員嘅薪酬津貼維持生計，所以就只做「花生友」有得游蕙禎被趕走。綜合即係「食嘢唔做嘢」，而响舊日嘅香港/粵語系城市就通稱呢種人做「飯桶」，又咁啱「飯」「泛」同音。

九西二輪補選終結，陳凱欣呢件連杜耀明教授都鬧嘅欺師滅祖嘅八婆當選，班飯桶本來都想一貫作風的「屌票」，但當有人計算出李卓人加埋馮匪檢基嘅票數都只係「等如」3月姚松炎嘅票數，即係所謂「基本盤」已經用盡晒；另外唔少人以民進黨在之前一日的「九合一」選舉大敗之後嘅表現向飯桶狂轟濫炸，結果都要收嗲唔敢再指責選民。尋日(27NOV) 李卓人上商台881「晴朗」，十個 PHONE-IN 十個都係狂抦佢，甚至直斥「由廿零歲開始都係支持泛民，但見住你嘢又唔做，仲霸住個位做乜呀」，李卓人卒之死晒狗。唔知係咪陳志雲同陳聰都有講「自佔領之後選民嘅政治光譜已是三分天下，本土派已經係泛民同建制以外嘅一個板塊」，李卓人條仆街就話要同本土派溝通。我真係心諗，你班飯桶「今晚早啲瞓啦」！

飯桶同本土派 (撇除黃毓民系統、熱普城呢啲支那共匪嘅假扮) 嘅嫌隙，係由意識形態嘅分野開始 ── 建設民主中國 vs 顧掂香港為先；大愛包容同胞 vs 保障港人優先；以至最激嘅 香港中国不容分割 vs 香港可以自主甚至脫離中国，已經係天南地北，大纜都扯唔埋。

然後的在實際政治操作方面，飯桶對住本土派只有惡言謾罵，甚至「晒馬」攻擊，已經摧毁咗外交政治語言嘅「和平溝通」契機。唔駛講多，剩係「選美定選議員」針對游蕙禎，話陳澤滔「不過是一隻IT狗」，已經夠皮啦。

再到2016年新界東補選，飯桶們對梁天琦嘅參選，不單繼續惡言惡行的攻擊，就連前述陳志雲陳聰所講嘅「三分天下」都唔視而不見，唔止破壞咗「泛民」同本土派政治人物嘅合作可能，更係飯桶對本土派「唔放在眼內」嗰種不屑嘅態度，激嬲晒本土派支持者，更已成為兩個政治板塊分道揚鑣嘅局面煉成。然後到2016年9月立法會大選，由「確認書」開始，飯桶們冚把冷闊佬懶理；跟住到青年新政「過到骨」就話係共諜係鬼，尤其是黃碧雲呢件臭西。就是過去四年嘅實際政治操作，飯桶不單無收窄與本土派嘅分歧，更是將兩個板塊嘅關係 (包括政客同選民) 破壞到一去不返。甚至要講埋宣誓風波之後，區諾軒、許智峰等等仲算能夠同本土派溝通得到嘅「泛民」人物，基於真正嘅民主原則去做嘢，間接地進行修補關係，但班飯桶不止冷淡看待，甚至指責佢哋係叛徒。即係話連溝通渠道都散埋。再加埋魚蛋革命之後飯桶嘅所作所為，兩派嘅關係根本已經覆水難收。

雖然有所謂「政治無永遠嘅敵人」，但飯桶同本土派嘅關係唔止已經係水火不容，更是由3月嗰場補選開始，飯桶對游蕙禎同青年新政擺出嘅態度，只會令人覺得飯桶只係在進行「收編」，要將本土派壓在「泛民」之下接受指揮。簡單講，本土派根本對泛民嘅信任在目前係0，唔好話修補關係，連溝通嘅基礎都唔存在，更加可以肯定飯桶們死撚咗條心。

事實上，兩派嘅關係差成咁，根本係飯桶一手造成。飯桶們唔先為過去四年對木土派嘅惡言惡行跪玻璃，唔清理門戶，掃走黃碧雲、趙家賢、楊岳橋等呢類必定只圖進行「收編」嘅茂利，真係唔駛旨意可以溝通。

甚至我可以講一個最激進嘅方案 ── 宣佈明年終止舉辦六四紀念活動、或最起碼公開宣佈不會再提甚麼建設民主支那；支持收回單程證審批權、支持根據《基本法》第22條限制匪區人口進入香港；支持維持「限奶令」有效...... 保證可以成功同本土派破冰。甚至係班飯桶親身落場去匪區蝗蟲肆虐嘅地方做風紀，我更夠膽講，唔止能夠打開同本土派溝通之門，隨時連游走於本土同泛民嘅「游離選民」，都能夠歸位。再甚至向國際要求宣告《中英聯合聲明》失效、承認民主回歸世紀大騙局嘅責任，我會親身參與斡旋同日後助選又點話。但呢一切「最激進」嘅做法，通通都係與飯桶所堅持嘅「建設民主中国」理念背道而馳；再講白啲，飯桶就係廿幾三十年嚟以呢句口號呃到飯食，邊可能「轉死性」！





撇除政治理念嘅差異，本土派在香港政治嘅角色其實係鯰魚。只不過飯桶呢堆沙甸魚以為趕走咗本土派嘅「鯰魚」就可以繼續迤做、對住選民扮可憐「俾共產黨打壓得好慘」就可以呃飯食；扮永遠的反對派唔駛承擔執政責任就有飯開。唔好話班飯桶係不負責任咁高深，最簡單睇返上星期六台北市長選舉，柯文哲嘅親力親為，就使士林區內社子島嘅選民瘋狂「倒票」，壓倒松山、大安、文山嘅選民「深愛」丁守忠嘅蛇齋餅糉。你哋班飯桶會好似柯P咁，駛乜驚梁天琦、游蕙禎佢哋嘅「堅砌」呀。



甚至再血淋淋啲講，飯桶最鍾意講意識形態嘛，柯P 獲勝嘅更大關鍵選區係大同區，拋離丁守忠逾一萬票。



大同區乜叉地方？港燦、飯桶一定識嘅寧夏夜市、江記華隆豬肉紙、新光三越百貨...... 飯桶好似好熟嘅台灣歷史其中一個重點 ── 二二八大屠殺，蔣魔光頭介石殺第一個人嘅現場嘅迪化街、隨即嘅大搜捕嘅圓環同大稻埕，就係大同區喇。講白啲，柯P 就親自示範點樣「食」意識形態嘅票。別忘記柯P 係二二八難屬呀。睇你班飯桶去台灣觀選為名玩樂為實吖！

可以講，飯桶無可能同本土派溝通 (更枉論合作)，歸根究底係一大堆惡言惡行嘅爛賬。更是心術不正嘅態度，既無可能得到本土派嘅信任，亦反映一直都係只圖偷天換日。我唔係話本土派無啲咁嘅人，但飯桶嘅仆街唔只人數眾多，仲已經遺禍深遠。民主黨、工黨、社民連、公民黨都係等隨住歷史洪流淹沒算數啦。至於民協，睇施德來嘅造化喇，我响大約一年前已經提醒過佢；除非將譚國僑逐出黨啦，否則我唔會再講。即係都係等死。





返回主頁

劉迺強死得太早了

支那共匪頭號打手劉迺強今晚死撚咗，報導均話佢癌症死。佢到底真Cancer 定「被 Cancer」，我無乜興趣深究，只係覺得佢死得唔著時，甚至死得太早。

或者大家想鬧我「你唔係想佢長命百歲繼續搞事搗亂呀嘛？痴線架！」，我完全同意、亦非常痛恨佢成個共匪統戰/紅衛兵系統搞風搞雨，單係基於呢方面真係想佢快啲去無間地獄。但劉匪在香港所作的惡，近年的根本九牛一毛，佢所作嘅最大的惡，係搞到香港淪陷於支那共匪嘅「民主回歸」

首先，留意返本文之首，我對佢封號「頭號打手」，佢可以話當之無愧。近年由佢嘅時聞香港，到「愛字頭」嗰堆紅衛兵組織，全部都係劉匪嘅傑作。唔係英國人周融咩？劉匪嘅馬前卒囉！打手仲要下下自己親自落手做嘅咩！咁宏大嘅共产党鬥爭勢力都係劉匪操控，已經係頭號打手啦。

第二，講到民主回歸，有一直睇我呢度個BLOG嘅讀者，或Follow我Facebook Page的話，一定記得，或至少有印象，我追殺「民主回歸」呢個世紀大騙局真係不違餘力，而且做嘅「考古」工作唔止於淺層，1982年民調只得4%支持「回歸中國」，就是我嘅「傑作」。而响過去接近六年嘅「考古」，其中一樣發現嘅歷史痕跡，就係劉迺強呢條仆街賤種冚家鏟。

民主黨嘅組成其中一個部份，就係匯點。匯點係第一個鼓吹「民主回歸」嘅政治組織，呢個係楊森同張炳良自爆的。劉匪迺強係匯點嘅創立會員之一。過去單係呢度已經寫過「民主回歸論」點樣仆街，仲要賤到將 「4%支持」冚過晒，已經反映劉匪迺強之仆街。

更是我另一個「發掘」到嘅係劉匪早在1970年代，就潛伏於本港報壇，在當時一片「認中關社」嘅風氣之下，响《信報》等報刊撰寫評論，主要是經濟和管理有關的題材，但偶爾會講下政治。到1980年代初開始，就重點寫政治分別以真身及筆名艾凡，幾乎每週撰寫合共近4000字鼓吹民主回歸。清楚見到「頭號打手」呢四個字，唔止適用於過去呢十幾二十年，係可以追溯到半世紀以前。可想而知呢條友係對香港係壞事做盡嘅仆街賤種冚家鏟！

我之所以嫌佢死得太早，就係「民主回歸」呢個佢搞出嚟嘅天文數字大爛賬，唔好話跪玻璃喇，就係到底支那共匪點樣由佢點著呢個「炸彈」，背後成個操作係邊個做最高總指揮，係咪我一直推論嘅鄧小平；另外仲有楊森、張炳良、馮煒光、蔡耀昌、高達斌等呢啲賤種，三十幾年嚟到底充當乜嘢角色；再仲有係點樣 override 「4% 支持回歸中國」嘅輿論，當年係點樣响傳媒嗰度「做嘢」而成局....... 等等，呢啲歷史要查到出嚟，做清算就必然的，最重要係還原返成段歷史，先可以進行相當於德國二戰後或近期台灣開始做嘅轉型正義工作。而剛述嘅呢堆臭屎，劉匪一定係最清楚嗰個。佢咁就死撚咗，你話仲點樣查呢？香港若逃出支那共匪魔掌就要進行轉型正義，無咗佢爆料就增加咗成個轉型正義嘅難度。所以，我咪話佢死得太早囉。





無錯，楊森、張炳良、馮煒光、蔡耀昌、高達斌都仲未死。但問題係，呢幾條仆街應該唔係最高 Level / 同共匪最接近嘅嗰一層嘅人，佢哋就算爆都唔大可能係最核心嘅料。當然，如果真係 Hong Kong is OUT，啲二打六、馬前卒以至爛頭卒都唔可以放過啦。

另外，正如武俠小說常見對白「就咁殺咗你咁便宜？我要你求生不得，求死不能」，或例如陳百強嘅《眼淚為你流》其中一句歌詞 「心痛苦比處死更難受」，假設佢係真Cancer，咁快就拉柴，益撚咗佢啦。呢啲撚樣應該慢慢受先係呀嘛。家陣所謂唔死都死咗，家陣有撚計呀。唯有睇下英國人周融、陳廣文、高達斌呢堆賤種幾時仆街，以至「民主回歸」臭屎炒得返起之後，楊森、張炳良、馮煒光、蔡耀昌等嘅冚家鏟點俾人炮製囉。






返回主頁

戴耀廷教授帶大家回到1982年

「港獨」兩個字，支那共匪港共傀儡政權一味喊打喊殺，又話唔可以討論，甚至膠到「必需要以『不可行』作前設去討論」，都痴膠花嘅。坦白講，如果港獨是不可能，支那共匪駛撚一日到黑喊打喊殺咩。

只不過支那共匪港共傀儡政權對於堅實關於香港獨立 / 分家 / 歸英 嘅論述 (唔係熱普城、澳門狗嗰啲假嘢，或陳浩天嗰類根本流料)，都係唔敢應機，尤其是歸英派基於「《中英聯合聲明》失效」嘅論據，更加只係識潛水，又或者當睇唔到 / 撥火「英國佬走咗就唔會理」嚟 SPIN 就算。

或者咁講，香港獨立 / 脫離中国係咪可能、係咪有民意，到呢個 moment 無人夠膽肯定，而如果港獨真係不可能、真係無民意支持的話，支那共匪可以名正言順响香港大開殺戒。戴耀廷教授今朝提出進行港獨公投，仲話肯定結果係NO。獨派 / 歸英派先唔好怒屌帶教授，平心靜氣諗一諗，除咗剛講過嘅呢個時候民意係無辦法確定之外，再冷靜嘅諗一諗，就是假設公投結果既然係NO 的話，試問支那共匪敢唔敢應戰吖？

問題重點並非公投結果 YES 或NO，亦唔係支那共匪/港共傀儡政權會唔會容許呢場公投，而係預計得到支那共匪唔敢應機。唔敢應機嘅原因，不單純於支那共匪只容許「可以預計結果嘅選舉」嘅硬膠，而係承如戴教授嘅前設結果係 NO 嘅條件之下，支那共匪都唔敢應戰，即係有 YES 嘅可能性。但我想分析討論嘅唔係假設會有公投嘅結果嘅可能性，而係從戴教授嘅挑機對照返1982年嘅歷史，會捉到支那共匪嘅套路。

1982年，香港革新會同星島日報先後做過民調，結果只係得最多 4% 民意支持香港「回歸」中国、逾七成支持香港繼續由英國管治。但呢股民意並未能進一步擴張，甚至被當今民主黨組成嘅其中一個政治組織 ── 匯點，劉廼強、張炳良、楊森等仆街冚家鏟在教協司徒華、學聯幫手撥火催生「民主回歸」嘅輿論騎劫而不了了之。另外，佔中發起人之一嘅陳健民教授在中大學生會會議上動議討論應該進行公投，結果被同工黨關係密切但查實隨時係工賊嘅黃洪，同埋吳志森呢兩條撚樣，再夾埋其他「莊員」(其中一個可能係鼠王芬)否決咗。

要留意嘅第一點，就係戴教授今朝(21/9)出聲，出奇地支那共匪、港共傀儡政權同一咋土共，無點出過聲。情況有啲似1982年兩個民調之後嘅冷處理手法。試諗下，如果當年兩個民調結果「煲大」，匯點、教協、學聯班仆街冚家鏟大叫「民主回歸」仲邊有市場。套用返今次戴教授嘅「挑機」，如果好似Catalonia、Brexit，又或者砂朥越當地咁炒到火紅，支那共匪唔好話連陳浩天嗰台戲都無辦法做落去，就係連對「港獨」二字都無得再喊打喊殺；仲要掉返轉好似英國班政客咁做「拉票」，支那共匪真係唔得你死咯！

至於第二點，就係連飯桶都無出過聲。呢個情況仲「抵死」── 同1982年時一樣，口講「『民主』回歸」但就反對用最民主嘅方法處理香港前途問題。支教民律師黨成班飯桶可以話通通現形。唔止係「大中華情意結」、大一統主張，仲有係霸住議席呃飯食。好簡單，如果公投成事，佢哋嘅「香港中国不容分割」嘅立場就會浮晒上水面，面對獨派/歸英派無得再支吾以對、當睇唔到，仲會被獨派/歸英派追斬九條街。再然後的，面對住選民，在香港 vs 支那共匪嘅利益衝突問題，就一定嚴重流失票源，唔止(對佢哋嚟講)輸咗場公投，跟住啲區議會/立法會選舉一定輸到仆直，再拎返對付游蕙禎MP嘅手法出嚟唔止失效，同樣地都係會俾獨派/歸英派大反擊到血流成河。





無錯，戴教授有時講嘢膠膠地，但由提出佔中以嚟，幾乎每一次嘅「膠」其實係一面照妖鏡。唔止照到支那共匪 / 港共傀儡政權 / 香港土共，在一定程度上亦照到埋支教民律師黨班飯桶現形。

將戴教授今次嘅「港獨公投論」同1982年開始嘅「民主回歸論」進行對比，可以預計到支那共匪下一步會做嘅，就係想將民意扭曲，暫時估計到嘅可能性仲係維持「香港無咗『祖国』會死」。另外，留意一下，支那共匪一直無視「歸英」立場，一來係歸英主張嘅論述其實係最扎實，二來係支那共匪其實好清楚「《中英聯合聲明》失效」其實已經成局。而照呢個牌面去睇，不能排除支那共匪會就「港獨公投論」借力打力，進一步 killing 歸英派嘅輿論空間，其中一個方法係實行拉一派打一派製造拉攏戴教授嘅現象，令到主張歸英嘅一群斷絕同戴教授嘅溝通往來，再然後因應情況孤立戴教授等人。呢種做法同1982年對比，根本就換湯不換藥。

就我對 Benny 嘅理解，佢應該同一般香港人一樣，認為「英國佬走咗仲點會理香港」而唔相信歸英可能性嘅存在。但佢唔係一個唔講道理嘅學者，同埋佢比起飯桶更清楚明白同恪守民主嘅原則，大可以同佢溝通。正如1982年嗰兩個民調都唔止「留英」定「歸中」而仲有獨立、聯合國托管地合共四個選項，提議佢將「港獨公投論」加入其他嘅選項。杜絕支那共匪嘅搞局，亦令到飯桶更加唔知點應付，更同時令到黃之鋒班所謂自決派實際係騎牆派嘅政治投機份子唔識應機。但當然，Benny 身邊有大量牛鬼蛇神，要做到唔係容易。不過，仲要睇清楚戴教授由提出佔中以來，壞大事嘅唔係佢而係班飯桶、牛鬼蛇神。所以，奉勸獨派/歸英派放下對佢嘅誤解同歧見。





返回主頁

六四後香港真係有機會逃離共产党魔掌

明日「六四」，今年支聯會啲行禮如儀活動參與人數，與及啲爭吵聲創低到一個點。一定程度上反映香港對中国嘅態度，尤其是年青一代已經 Who fucking care，於是膠都費時俾。難怪連北京都擔心後晚維園人數......

對支教民嘅不滿源於「建設民主中國」呢句口號嘅背後論述，將香港同中国嘅關係綑綁，認為支教民妄顧政治現實；甚至視之為出賣香港嘅政治前景。只不過，翻開歷史，六四大屠殺仲有更嚴重損害香港嘅事情，支教民有不可推卸嘅責任。

三年多前，小弟寫過一篇虛構推理故事 《平行時空 – 回到1989年6月5日》，講1989年北京大屠殺之後香港人爭取撤銷中英聯合聲明，最終在一連串爭拗聲中成功，英國政府參照1957年新加坡自治協議，在香港推行本地化自治。所謂歷史沒有如果，呢篇文某程度上真係得個吹字。但是《香港01》上星期報導，英國解密文件揭露當時港督衛奕信向英國政府表示，雖然有人要求聯合國監管中英聯合聲明的實施，甚至要求廢除聯合聲明，但衛奕信認為不切實際。

呢則報導在一定程度上證實咗小弟篇「故事」嘅可能性的確存在，亦同時證明香港本來的確有逃出生天嘅可能性，只不過因為衛奕信呢件「中國通」咁樣向英國政府滙報，結果就落空了。單憑文件，香港要淪喪於支那共匪逾20年嘅黑手，衛奕信絕對當之無愧。但除咗佢「中國通」嘅背景而思路處處向中共退避三舍之外，正如小弟以往多次提到中英談判期間香港嘅民意未有轉化成英國的談判籌碼，如果北京大屠殺之後香港社會拒絕「回歸」的輿論聲音夠大的話，衛奕信仲會否夠膽咁寫？就算衛奕信仍然咁寫呢份文件，時任首相馬卓安點都會知道香港嘅民意情況，就算唔會就廢除聯合聲明同鄧小平開拖，點都會做返多少少嘢。

可是，六四北京大屠殺之後，香港就未來前途嘅輿論聲音，大部份只係集中於爭取民主普選、推動中国嘅民主發展等後來演變成「建設民主中國」口號嘅方向；爭取廢除聯合聲明或要求國際加強監察聯合聲明執行嘅輿論聲音，同「4%民意支持回歸」一樣無晒蹤影。試問在咁嘅條件之下，英國政府除了屈從於支那共匪之外又可以做啲乜！須知道，當時主導關於香港前途、政制發展嘅輿論集中源自今支教民體系嗰班人。

由此可見，支教民由悼念六四衍生嘅爭拗所背負嘅責任，根本唔止係「建設民主中國」咁簡單，仲有係當年大屠殺之後的一言一行促成香港的淪喪。所以，仲係咪去維園，真係有好大嘅商榷。但去唔去，閣下決定。總之鬧英國殖民走狗出賣香港之餘，支教民嘅罪責亦是歷史事實。

返回主頁

無1841年開埠就無香港

練乙錚在 New York Times 撰文，以追溯至秦始皇嘅歷史，甚至引用上海復旦大學歷史學家葛建雄「這些征服是中原地區漢族對周邊非漢族人進行殖民統治的非正義戰爭」之說，否定香港同中國的必然關係，惹起支那共匪輿論發炮狂轟。

支那共匪在1997年之後，將香港自1841年的歷史印記，從肉眼看到的城市景象到 Intangible 的社會氣氛，由淡化到刻意消滅。最明顯的例子莫過於拆卸中環天星及皇后碼頭，直接鏟除英國在香港的有形事物；
或是大量借「改善住屋及社區環境」為名的市區重建項目，表面上雖無與英國的關連，但例如「波鞋街」、順寧道，或將近完成的土瓜灣新山道、如箭在弦的紅磡春田街，或是回望如今萬景峰的荃灣禾笛街/新村街 (四季大廈)，承載住香港人在二戰後的勤奮改善生活艱難到社會興旺的歷史。將之抹掉，使英殖歷史變成空白，或最起碼消除近年不少人談論英國管治時期的「功」的事跡，撇除在政治上遏阻「本土思潮」的擴張，就是能建立將英國殖民管治污名化的輿論空間。

香港社會悠久以來受「國民黨思想指導」編撰的「中國歷史」科目的內容薰陶，大多數人對英國殖民管治的態度和立場只有負面，更因為1970年代認中關社到1980年代的民主回歸，發展到當前的「左膠」(小弟稱為「左賊)」認為即使英國管治使香港社會步入文明同現代化，仍認為英殖管治只有「惡」而沒有「善」的意識和論述。撇除左賊們猶如幫支那共匪抬轎，就是普遍港人對「殖民」二字的想法，就產生排斥英治時期歷史的潛意識，使共匪可肆無忌憚的摧毀香港歷史，亦同時是當前支教民、左賊的話語權仍有市場的原因。

宏觀15世紀以來有關殖民主義的歷史，確實是惡貫滿盈之象，尤其是西班牙及葡萄牙將殖民地變成奴隸社會簡直令人髮指。雖然英國殖民相對沒有西南歐兩牙的卑鄙無恥下流賤格仆街冚家鏟，但意識形態方面的手法也確實類似 ── 將本國的城市發展概念套用於殖民地；帶入本國的宗教意識形態至殖民地社會，改變住民價值觀進行同化；只圖在殖民地撈取利益，社會問題視若無睹，甚至連基礎民生需要都闊佬懶理。英國殖民管治也確實充滿大量劣質歷史，是無可否認的事實。但是，二戰後英國政府大幅度改變殖民地政策，除了撤出非洲、巴基斯坦、印度、孟加拉、錫蘭及緬甸的過程倉促導致往後的混亂，香港、新加坡、馬來亞半島 (撇開巫統的搗亂搞局)，都有相當不錯的社會及經濟發展，亦是不爭的事實。

當香港社會仍然排斥英殖歷史，甚至認為「世界上只會不斷鞭撻殖民主義」，而支那共匪大規模、全方位鏟除英殖歷史嘅時候，新加坡忽然間重新高調注重英國殖民歷史。

總理李顯龍今年的新年獻詞，除咗有如例牌菜的談及未來的施政方向計劃，後半部大談新加坡歷史，更重點提及萊佛士爵士 (Sir Stamford Raffles) 於1819年將新加坡開埠，為新加坡走向現代文明的重要基礎，甚至直言「沒有這段歷史，就沒有從第三世界躍升成為第一世界」；並宣佈成立紀念開埠200年小組，籌備明年多項紀念活動。

以香港社會的主流意識看待，新加坡政府嘅所為簡直「政治不正確」；或是支教民、左賊大喊「美化殖民主義，為英國殖民走狗塗脂抹粉可恥」。但歷史就是無可能扭曲的事實 ── 要不是萊佛士爵士的「入侵」，新加坡還是一個只有樹林沼澤的荒島；莫說今日新加坡係一個現代化都市，就連港燦只識去嗰度飲啤酒食沙嗲的 Clark Quey 的前身都唔可能出現。當然，新加坡能有今日嘅社會同經濟成就，1965年被馬來西亞聯邦政府強迫獨立是重要因素，但沒有「英國殖民走狗」建立嘅基礎，李光耀就算有神仙棒都無可能將「丫烏變女神」，亦是客觀的事實。

當香港人欣羨新加坡 (表面上) 的美好生活環境，該想想新加坡社會過去沒有如香港的負面看待英國殖民歷史，可會是成功因素之一，小弟唔敢表示肯定。但最起碼，1959年李光耀登上總理職位之後的爭取脫殖過程，沒有把柔佛王朝割讓領土的歷史訴諸悲情煽動群眾，對比今日香港特別行政區受盡支那共匪摧殘源於港人過去半世紀讀中史課本不問就裡照單全收，然後成為「認中關社」到「民主回歸」再到「建設民主中国」的燃料，就清楚肯定認清歷史真相的重要性；或反過來講，可以肯定支那共匪不斷刪去1841 - 1997年 (尤其是1949年以後的一段) 歷史，就只會將香港推向萬劫不復的深淵。

香港人不單要重讀歷史，更要丟掉由中國國民黨有份參與編撰嘅「中國歷史」，但所指的不是拋掉整部歷史，而是將充滿「反攻大陸」為目的的偏頗角度內容全數燒光殆盡。最簡單的例子莫過於「不平等條約」之說 ── 要是戰敗的條約是「不平等」，德國不就是可以奪回波蘭及今捷克北部的領土嗎？日本不就是可以高呼要重新佔據管治台灣嗎？半世紀以來，香港人就是受盡中史科的荼毒，欠缺了如此客觀的思維分析以致批判。

新加坡未來24個月為「開埠200年」所做的會是甚麼還未知曉，但從李顯龍的獻詞內容所表達的方向，以客觀的歷史觀而言是正確的，算是好的開始。香港人還打算繼續「喪權辱國」、「民族恥辱」落去的話，唔好話最終必定被支那共匪「搞掂」香港，剩係支教民繼續「建設民主中国」令香港有如置身佛家的無間地獄，就真係唔好怨天尤人。好簡單而臭串的講，成部歷史擺在眼前，你硬係要堅持「英國佬販賣鴉片可恥」而不問「何解道光時期以吸大煙為時尚潮流」，真係幫你唔到。

返回主頁

吳志森出少句聲無人話你啞

小弟承認，往日吳志森在香港電台主持「自由風，自由PHONE」時好敬重佢，覺得佢係其中一個無可多得嘅時事評論節目主持。

只不過隨住港中矛盾問題發酵，佢嘅「大中國膠」立場現形，就開始有少少覺得呢個人有啲問題。再到2014年遮打革命之後，俗稱本土派嘅人同組織冒起，佢對香港本位主張以至港獨言論肆無忌憚、但言詞缺理的批評，更確定呢個人「好有問題」。再到近期，為求 Spin 本土派 / 獨派，不惜搬龍門，好似飯桶「吹雞」反對修改議事規則但無人應機，直頭現晒形。

每個人都有其政治立場取態，在民主社會係正常不過；而由民主嘅原則係應該互相尊重，但吳志森嘅表現有如左賊，甚至基於佢嘅「江湖地位」其實仲衰過左賊。

只不過呢啲開口埋口講民主，但實際行動又反民主嘅所為，吳志森都唔係第一日咁做。

2014-9-8 佔領前夕，《蘋果日報》題為〈「民主回歸」幻滅　本土派勢力抬頭〉報導，提及1982年中大學生會討論香港前途，陳健民提出就香港「回歸」應該交付全民表決，結果遭到否決。

雖然報導無刊出表決投票記錄，但單純以報導提及嘅人物及其立場取態，可理解成當時有份開會同表決嘅人，其中包括同工黨關係親密但具工聯會背景嘅黃洪，仲有一個就係吳志森，並投下了反對票。
(順帶一提，同屆學生會幹事之一是梁美芬)

小弟過去就「民主回歸」呢場世紀大騙案提出嘅其中一個論點，就是「講民主但反對民主方法(處理香港前途問題) 矛盾得荒謬到極點」。即係話照報導去推論，吳志森唔單只係「民主回歸」推手之一，仲係「口講民主但反民主」唔係今時今日嘅事。再整理一下會發現但凡涉及港中關係的事情，吳志森就會唔講「民主」。繼而再對比返「民主回歸」統帥劉廼強，真係唔好又嚟「六合彩3T又唔見我中」── 吳志森只不過係周融二號。

奉勸人稱「森哥」嘅佢一係就因應《蘋果日報》篇報導出嚟解畫，最起碼交代返當日有無份投票、係咪投咗反對票。最起碼好似「匯點」創會成員之一黎則奮咁承認返責任，仲可以有空間俾你繼續說三道四。一係就對港中關係問題收嗲，免得被人「踢館」。更是的，小弟作為挖掘「民主回歸」臭屎嘅打手，必定追殺你到天腳底。

後記：
1. 要了解返「民主回歸」呢場世紀大騙案可 click --> 民主回歸 標籤；
2. 2017年DSE 歷史科考試〈卷一〉第1題，以1982年民調得4%支持回歸中國為題。而考評局亦已出版俗稱Past Paper 的試題專輯 (訂購LINK 編號3327) 。我就買咗一本

即係呢場騙案會流傳千秋萬世。支教民 (尤其是匯點派如楊森、李華明呢啲仆街) 唔好再諗住避得就避，遲早俾全香港人追斬九條街。


返回主頁

香港無民主仲賴英國佬?

支那共匪成日話英國殖民走狗都無俾香港民主，點解香港人唔賴英國佬而「回歸『祖國』」十幾廿年就係咁嗌要爭取民主，成何體統！

歷史如此記載：响1981年戴卓爾夫人訪問北京期間，同鄧匪小平傾到香港前途問題，矮仔鄧話會不惜一切代價，包括透過軍事行動，都要收回香港主權。之前已有英國解密文件證實呢段歷史的真確。亦即係話香港之所以無民主唔係英國殖民走狗唔俾，而係支那共匪以爛仔手段令到英國佬唔响97前實行民主政制。

今日 CNN 報導再有英國解密文件再次證實支那共匪响香港問題對英國是如何野蠻。

其中提到，支那共匪以武力威嚇英國唔可以俾香港自治以至獨立 (或最起碼實行民主政制)，1981年嗰次唔係第一次，而係早於1958年。

當時英國首相麥美倫(Harold Macmillan) 收到一封電報 (或書信)，指時任支那共匪總理周恩來响1958年1月30日表明如果英國俾香港實行有如新加坡自治的話，將會採取任何「不友善行動」，並且強調英國無權過問香港嘅主權事宜。



先要明白傳統英文有所謂 Under statement，即係「寫得留有餘地」。電報寫 any move towards Dominion status as very unfriendly act，即係有如鄧矮仔的「不惜一切代價」。故所以有本港傳媒報導翻譯成「不惜動武」，可以話係政確。

電報另一個值得留意之處，係 self-governing Dominion like Singapore. 。周匪恩來為乜事要提到新加坡？

1958年1月23日，柏立基 (Sir Robert Black) 到港履新第23任港督。佢出任港督之前，在1955年起出任新加坡總督。而擔任坡督期間一項重要任務，就係進行新加坡自治協議談判，最終在1957年4月達成協議。仲有另一項功績，就係大舉清剿當時馬來亞共產黨响新加坡嘅政治勢力。而清剿在坡的馬共份子在一定程度上，對馬來亞獨立產生正面作用。而馬來亞就响1957年8月31日宣佈脫離英國殖民統治獨立。





今次 CNN 報導的英國解密檔案，尤其是周匪恩來發爛咋嘅內容，正好引證英國政府任命柏立基做港督，該是要「搞掂咗新加坡就麻煩搞掂埋香港」，即係英國有意俾香港隨新加坡之後實行自治和民主政制。如果唔係，周匪駛乜發咁大火，仲要講明「新加坡」呢！

再留意埋電報提及周匪發爛咋嘅日子剛好是柏立基到港後一星期，即係英國政府還未對香港實行自治有任何行動，共匪就有理無理開咗炮先。完全切合毛匪有云「對付敵人，要消滅於萌芽之時」的調子。

依家爭在仲未有任命柏立基做港督、或是記錄柏立基計劃推行香港自治的文件曝光。但單從今次 CNN 報導，就幾乎可以肯定香港本來就是可以一如新加坡咁實行自治、甚至獨立。未能成事又係支那共匪發花癲！

將歷史再推前一點，有一個稍有研讀過香港歷史的都知道的「楊慕琦運動」，同樣因為支那共匪對香港的威脅而告吹。連埋「88直選」，95年匯點四仆街响立法會投棄權票，支那共匪响1997年前最少先後四次阻撓以至破壞香港的民主政制發展機會。再加埋《基本法》附件一都走數，清楚可見香港無民主根本就係支那共匪造成。唔該啲五毛黨、大一統左賊、老K上腦嗰啲友仔，咪再講「英國都無俾香港民主」！

延伸閱讀
「民主回歸」不能一錯再錯







返回主頁

DSE 歷史考試引爆「民主回歸」大炸彈

DSE 考試本來係人見人憎，但今日歷史科考試，竟然以1982年香港革新會民調結果得4%人支持「回歸」中國，作為其中一條試題，就吸引到好多人注意，包括小弟。




當小弟响下晝忙得不可開交，突然有朋友 whatsapp 傳來消息同以上嘅試題capture，第一個反應係眼都凸埋 ── 考評局竟然夠膽死搵呢個不論對共匪定飯桶 (尤其是支教民) 都係死穴嘅歷史事件嚟做試題，簡直食咗豹子膽。第二個反應就係我係香港第一個翻出「民主回歸」臭史嘅茂利，第一篇在報章撰寫此為題材嘅文章响2013年7月19日《蘋果日報》刊出；亦係親自搵當年响港大就讀嘅朋友幫手摷出香港革新會民調報告。响呢四年嘅日子响報章同網上寫過近20篇文章講民主回歸，當中有最少9篇直接談、引用民調結果：

2013-3-26 如果命運能選擇......
2013-4-10「民主回歸」不能一錯再錯
2013-7-19 《蘋果日報》反思民主回歸
2013-8-22 《蘋果日報》悔不公投話當年
2014-1-10 香港人從來都無支持過「回歸祖國」 - 談1982年民意調查
《蘋果日報》2014-2-11 32年前一項沒有「出街」的民調
《蘋果日報》 2014-9-15 民主回歸之歷史因由和責任
2014-9-3 平衡時空 ~ 回到1982年
2014-9-10 民主回歸派最少三宗罪 ─ 全面「追殺」完全合理

但一直的 Noise 只集中在網上一少部份人，莫講話成件事擺明針對民主黨同教協所以當睇唔到，而佢哋啲同道左賊們亦當然唔出聲；連芒果菊花白雲教徒一樣當無件事，一直炒唔起呢個其實對香港人係極度重要嘅議題。政圈中唯一一個夠膽拎出嚟講同作為論述去做事的人，就是响去年立法會選舉時我表態支持嘅游蕙禎 MP。(我相信佢被針嘅原因之一就係夠膽隊正支教民死穴而)

「炒得起」嘅結果唔係小弟「上位了」，而係呢段歷史正正將呢19幾年嚟香港淪喪於支那共匪手上搵得返個根源，可以成為一套好完整嘅論述推翻港共傀儡政權，以至要英國躝返嚟香港收拾殘局。簡單啲講係香港可以「翻盤」嘅基石。而1980年之前出世的港人對中英談判至過渡期有親身經歷，呢個基石可以成為推動佢哋 action 嘅助力。

或者香港人普遍的歷史觀仍滯留於「鴉片戰爭是不義之戰」和所謂不平等條約而衍生香港同中國嘅關係觀念，加上傳媒同政界呢四年嚟要不是閃避就係隻字不提，所以就炒唔起。

今次考評局嘅膽大包天創舉會產生幾多即時反應是未知之數，又雖然各傳統新聞媒體亦冷處理而相信唔會有太多短期效果，但小弟相信揭破「民主回歸世紀大騙局」嘅星星之火已經點起，終會有燎原嘅一日。以當前香港嘅民怨程度，應該都未必要等好耐。

最後，奉勸民主黨同教協盡最後機會出嚟跪玻璃，已經係最後機會。過咗就等香港人同你哋大清洗。

返回主頁

劉迺強你都對得住黨咯

《成報》接二連三以頭版爆大鑊，除咗鬧爆統監府張匪曉明同689之外，還燒到青年新政頭上。

今日 (11SEP) 的頭條標題，直爆張匪曉明同689根本一直圖謀政變篡位，佢兩個加埋例如張匪志剛等嘅黨羽準備坐洗頭艇都唔怕。內文提到青年新政，特別指名道姓游蕙禎是「內應」，好多人就睇到上晒腦，特別係應該躝返去台灣新北板橋湊孫同睇實「大漢」嘅黃毓民啲教徒信眾。但事情真的這麼表面同簡單嗎?!

游蕙禎係咪共諜，呢一刻都無人會答到。但正如前篇《李光耀都俾人傳係馬共》提過，鄭永健事件最終曝光源於佢拍枱的堅決要報警，唔容讓組織內其他人打算揸流攤式處理包庇佢。單從呢件事去睇，要是她真的係共諜，佢嘅演技都真係一流，呃到全世界。但是要留意《成報》9月3日嘅頭條內文其中一個重點係講青年新政嘅身世，尤其是劉迺強一直所做的。




大多數人只知劉迺強依家係中共政協，算係所謂中共紅人。但要了解劉迺強呢條茂利，就要認識佢由1980年代開始所做的如何破壞香港。

劉迺強自1970年代以來一直於《信報》寫文章，雖然主要是經濟和管理有關的題材，但別忘記那時香港正吹起一鼓「認中關社」嘅風氣，不能排除他早就潛伏伺機；及到1980年代初，就重點評論政治。

根據當時為《信報》編輯的林保華向我所述和提供的歷史檔案，劉迺強當年分別以真身及筆名艾凡，幾乎每週撰寫合共近4000字鼓吹民主回歸。而他在1982年聯同楊森、高達斌、馮煒光等人創立「匯點」，更將民主回歸論的呼聲高唱入雲，掩蓋了香港革新會及《星島日報》兩個民調結果是絕大多數港人支持 (分別是70%及76%) 繼續由英國管治嘅呼聲。再加埋司徒華為首嘅教協一唱一和，卒之促成咗 4%民意變成主流聲音的局面 (實踐了毛澤東的「謊言講一千遍就變成真相』)，亦即是導致到今時今日香港淪喪於共匪手上的亂局。而基於呢段歷史及劉氏在當今中共的政治地位，加埋高達斌、馮煒光等人的表現和所得到的政治酬庸，更可以好肯定民主回歸就是中共自編自導自演的戲碼。

但是，中共的政治倫理就是要維持個人的利用價值才不致會被用完即棄，劉迺強响 97 後仍然動作頻繁，但每每都是唱紅打黑模式惹來社會反彈，雖然他的確是透過「製造麻煩然後解決麻煩」的呃到飯食，但政治影響力逐步轉弱亦是事實，尤其是江澤民派系換上了張匪曉明之後，以至689登位，他在台前演出的機會更進一步減少，2012年1月他在《信報》的欄位被撤，正反映佢嘅政治地位亮起紅燈。很自然地，他就是要尋找機會重振個人聲勢、不被黨所拋棄。

佢個仔劉方在2006年任港大學生會主席，而《成報》提到的「香港社區網絡」成立於2010年，Timing Facts 是刎合的，並引證劉方幫老豆抬轎 / 老豆要個仔幫拖的情況存在。可但是姑且以《成報》指的演變出青年新政的推論，確實證明青年新政嘅背景「有問題」，甚至是到今日仍然鬼魅處處不是子虛烏有。但又要留意返鄭永健事件的背景同始末。

鄭永健家人响尖沙咀亞士厘道經營食店，要注意的不是賄選事件被揭發的其中一個案發現場，而是食店可會促成佢同劉迺強父子的關係、有甚麼聯系。雖然沒有太多的消息或風聲確立呢個推論，但聚焦於賄選事件被揭發，形同鄭及其上線的行動和計劃遭摧毀，所指的不僅是所謂鎅票計劃，仲有係如何利用青政去做政治佈局幾乎被Total lost。而如果鄭的上線真的是劉方、甚至就係劉迺強，你係中共會點睇佢老人家吖?! 粗俗啲講就係「你劉迺強衰响個MK妹手上，仲點睇你老哥兩父子台戲呀！」

或者大家睇到頭都大埋，先整理一下個局：
《成報》屬習系就是很明顯的，習系要對付的是江系，在港的目標就是張匪曉明同689也非常明確。但要真正出動洗頭艇或策動「輔仁文社命案」之前，總需要「掃垃圾」的吧。而既然劉迺強應該因為青年新政孭咗隻大黑鑊，俾著你係習總都會先行解決佢。

至於點解不斷提及游蕙禎，我認為就是鄭永健賄選案，亦即是劉迺強隻鑊的「罪魁禍首」(之一)。只有將這位小妮子拖落水，講到佢好似為劉（以至統監府和689) 執行緊任務，引證劉迺強有份參與張匪同689嘅謀反，但同時 Show 埋佢到底有幾廢，習系先至有足夠彈藥先行「隊冧」呢位由民主回歸到搞到今日香港立立亂嘅麻煩友兩父子，兼部署緝拿張匪曉明同689！即係呢，又是直咇腸去理解《成報》的爆料，都係會錯誤理解。

還是那句，游蕙禎係咪共諜，呢一刻真係無人講得埋。但從鄭永健事件，再加埋細心觀察九龍西選情，最少三條名單 ── 黃毓民，林依麗同李泳漢，甚至還要加上何志光就四條名單，擺明車馬就是針對游蕙禎的佈局來看，她就算真的是共諜，都唔會係屬於要拿香港做人質嘅江系。不過，從我超過一年嘅觀察同認識了解，佢可能似李光耀女兒、夠膽同阿哥李顯龍就父親遺囑問題近乎大打出手、暗串阿哥「欲借助將父親神明化鞏固自己地位」嘅李瑋玲醫生多啲。但當然，正如民主回歸論一樣，政治嘅嘢就是要時間引證真相。姑勿論游蕙禎的身份如何，劉迺強兩父子响中共嘅地位「係咁先」就是不爭的事實，大家該可以聽/睇少一個廢人廢噏。

返回主頁

李光耀都俾人傳係馬共

飯桶左賊睇今日《成報》頭條應該睇到high過食忽得，以為可以瘋狂打落水狗。可但是政治嘅嘢係咁簡單，就唔會有練乙錚、李怡等前輩要寫咁多分析，又甚至再衰啲講，唔會有機會俾我呢啲地踎茂利一個月呃返少少稿費去飲餐茶啦。

我好少咁直接起題，原因係香港地太多「直咇腸」，包括飯桶、左賊。與其仲要你哋啲人慢慢用拎返初中學生中文閱讀理解能力去思考，真係嘥時間。



李光耀响1951年由英國劍僑畢業之後返到新加坡，係透過參與工會運動、以義務律師為工人爭權益起家。人民行動黨於1954年11月21日成立，創黨的不只是李光耀，仲有好些馬來亞共產黨的人，例如林清祥、方水雙等。直至到1962年9月1日主權公投前，套用飯桶左賊思維：李光耀同馬共過從甚密，根本就係共諜就係鬼。也的確，方壯璧等馬共在新加坡的頭目，不斷放風李光耀其實都信唔過，借行動黨之名掩飾都係共產黨云云。但結果，公投完成點票後第2日，所有真‧馬共都被政府以內部安全法拘捕收監。

《成報》如此說青年新政的「出生」

劉迺強的兒子劉方時任港大學生會主席，把在港大結織的同路人再帶到「香港社區網絡」搞活動，種下「青年新政」的種子。後來，青政的年輕人由新知舊雨組成。

但同時的，《成報》還提及

去年11月的區議會選舉前，曾傳出有人向青年新政開過一張「鎅票價目表」。若是挑戰較弱對手是20萬至40萬，挑戰較強的對手則可高達100萬元，當年以民主黨最受衝擊。最終誰有收錢、誰沒有收錢着實不得而知。

所指的就是後來被揭發的鄭永健賄選案。姑且披露一啲我所知嘅內情，係青政核心開會商量如何處理鄭永健呢件真共諜時，當然有人意圖包庇佢，但游蕙禎拍晒枱爆seed，堅持要報警，然後就由佢同巴治奧親身去警署，再跟住鄭永健被拘捕而事件曝光。

又是「中學生中文閱讀理解」，《成報》只講了整宗事件的前一半，沒寫出「報警」的結局，表面而言就是在抹黑。可但是，又是「政治嘅嘢邊有咁簡單」!

青政嘅身世係極度有問題，尤其是劉廼強呢件民主回歸論嘅最大推手。按照《成報》報導內容，由香港社區網絡到青年新政，該是張曉明指揮劉廼強去收兵，想要一班後生仔女受指揮去達到張曉明個人佔據香港嘅政治目標。但青政嘅「成長」過程，就如民建聯、工聯會入面一樣有著一少拙唔受劉匪或張匪嘅指揮嘅人，而鄭永健事件反映住青政逐步不受到張匪曉明嘅擺布。同樣道理，《成報》都只係講一半唔講一半。到底目的何在?

李光耀的另一段政治生涯歷史是有說他是英國刻意栽培接收新加坡的，或是另一個角度的說法是「李光耀是被英國所揀選的」。綜合歷史進程，不論那一個角度都是不爭的事實。但「栽培」只有返學上堂、共青團開會之類的方式嗎? 李光耀所接受的「培訓」，極其量是英國殖民走狗製造社會議題事件，讓他有機會去處理和應付，又同時地使或是機緣巧合而同佢走埋一齊嘅人合作做事而最終建立團隊。

大家可能還是直咇腸的認為「青政受到中共栽培去搞港獨」是荒天下之大謬的想法，但是，正如袁花蟹話齋：你係中共，尤其是習系肚裡面條蟲嗎?

先不談中共係咪有想法讓港中分家發生，但可以好清楚講北平中南海係知道2004年之後的管治香港手法出晒問題，唔單只搞到香港立立亂，仲同時出現有如「反攻吉隆坡」的情況，影響緊支那的中共直接權力範圍，必須要修正。但是共匪見住統監府不受控，到689出現就直頭失控；民主黨、公民黨等「舊泛民」亦無力、揸流攤的招架，甚至為了飯碗同流合污。如果你係習近平，怎不會想有新勢力出現?!

青政可會經歷著有如1951-1962年間的李光耀受英國「栽培」，大家不妨深入思考。但飯桶們的表現反應，包括動輒說是共諜、又或是如黃碧雲對林依麗侮辱游蕙禎時袖手旁觀食花生仲要偷笑，在所謂「不招人妒是庸才」的道理下，甚至是小農基因上腦望住鳩嗌口號扮晒抗爭、做鏡頭前烈士就呃到飯食的機會受到可能的威脅，相信大家搵到答案。

成長蛻變是每個人必然的人生歷程，昔日是「投共」的大有人在。李怡曾說過在1970-1989年是何等的信任中共，小弟亦曾「瞓身」的推動支那汽車工業，但如今都是反共的輿論最前線。難道李怡前輩、小弟這幾年都是在做戲嗎?! 再說的，李光耀就算是馬共 (事實的確唔係)又如何，成功爭取脫離英國殖民統治就係佢；成功應付周邊國家的危機及國內的亂象危機，使新加坡成為國際政治和戰略都不容忽略的國家，就是事實。

後記：
飯桶左賊睇《選戰》睇到好high架，但好多劇情如今响現實中發生，張癸龍同葉晴嘅關係、宋漫山同陸偉陶的惡鬥、何松柏同方啟釗的爾虞我詐，紀文慧同岑雪麗的狼狽為奸，莫說是要在現實中實踐，就是仍然只係表現得一舊屎。

硬膠選舉條例：
九龍西選區候選名單 (首位) - 1.吳文遠、2.何志光、3.毛孟靜、4.梁美芬、5.譚國僑、6.朱韶洪、7.黃毓民、8.黃碧雲、9.林依麗、10.蔣麗芸、11.關新偉、12.劉小麗、13.游蕙禎、14.李泳漢、15.狄志遠。
新界東選區候選名單 (首位) - 1.方國珊、2.林卓廷、3.廖添誠、4.陳云根、5.梁國雄、6.張超雄、7.楊岳橋、8.麥嘉晋、9.鄭家富、10.葛珮帆、11.侯志強、12.李梓敬、13.鄧家彪、14.范國威、15.陳玉娥、16.黃琛喻、17.李偲嫣、18.陳志全、19.梁頌恆、20.梁金成、21.容海恩、22.陳克勤。

返回主頁

洗腦中史必須反對到底

近年有關「香港人VS中國人」身份認同爭拗，就有人建議重訂「中國歷史」為必修科，希望藉「增加認識中國而建立中國人的身份認同」。
小弟過去多次提過所謂「中國歷史」科是如何扭曲香港的歷史、位置與及同中國的關係：

英國等歐洲列強販賣鴉片毒害中國百姓，林則徐虎門銷煙而英國不滿，於是發動鴉片戰爭，最終『中國』戰敗，被迫簽訂充滿不平等條款、喪權辱國的《南京條約》，香港從始就落入英國殖民統治之下。但清朝中葉開始出現嘅衰落，史稱為「嘉道中衰」開始，為何會有這麼多大清國子民沉淪毒海；鴉片戰爭之前和戰事期間，清國政府有無做錯嘢，甚至係做「柒事」，完全隻字不提。

的確好多人沒有承認呢個問題，甚至「建設民主中國」的更認為是沒有問題，但事實就是所謂中史科的編撰，好明顯係一種建基於民族主義的洗腦，甚麼「不平等條約」之說只是將香港與中國的關係訴諸於悲情，將香港同「中國」的關係進行綑綁，結果就使港人認定香港與中國是不容分割、英國只是不義的殖民走狗，「香港人就是中國人」之說由此而生。而所謂「大中國膠」論述仍有相當龐大市場就是這個原因。

不承認不代表所謂中史科就是向港人洗腦不是事實。港共洗腦教育部長吳匪克儉也終於承認「香港發生的事，與中國的歷史發展一脈相連」的洗腦事實



過去的所謂中國歷史進行的洗腦，更是搞到香港今日一個爛攤子的重要原因。而吳匪咁講即係要繼續呢種方向，甚至共匪的意圖是要變本加厲。
既然所謂的中史科是錯誤的知識，就無可能要俾佢發生。所以一定要反對到底。

延伸閱讀
民主回歸派最少三宗罪 ─ 全面「追殺」完全合理

返回主頁

港獨有乜唔得！

「香港獨立」或簡稱「港獨」不單是中共欲去之而後快，或作為批鬥遮打革命的名詞，在香港本地政壇也視為禁忌，原因不單是怕變成中共針對對象，更是從1980年代的「民主回歸」發展到近年好一句「建設民主中國」口號之下成為一個大逆不道的話題。

不過，無論中共、港共、土共以至泛民，對呢個議題從來都不敢公開對應，極其量也只在網上大咀砲，而講嚟講去都係嗰啲論點。那就來一次自問自答

共匪篇
香港就是中國嘅地方，不容分割出去
你都痴線嘅！乜嘢叫中國嘅地方不容分割呀？海參崴、伯力、外興安嶺唔係中國地方呀？駛唔駛問下死過翻生嘅江澤民呀喂！

香港自古以來就是中國嘅領土
你都痴線嘅！1911年10月10日之前地球上有邊度叫中國呀？

中國就係五千幾年歷史嘅國家
你都痴線嘅！你咁堅持中史所教嘅1911年10月10日之前地球上係有中國呢個國家嘅，叫習近平立派兵去哈薩克、吉爾吉斯、土庫曼、阿富汗、伊朗，收復呢啲响公元1271 - 1368年期間嘅中國領土！

如果唔係英國佬賣鴉片毒害中國人，香港就唔會有百幾年唔係中國管治
你都痴線嘅！差佬拉極都仲有人賣K仔忽得搵大錢，你唔食?! 賴英國佬喎，不如搵問米婆，召道光皇帝上嚟問下佢做乜咁鍾意索五石散，跟住自己食埋鴉片一份吖！

三條不平等條約就是無效
你都痴線嘅！打敗仗條約就是不平等，咁日本依家叫要攞返台灣，德國要佔領返捷克、波蘭、匈牙利都得啦！

要不是中央恩賜香港，還有吃的喝的要不是祖國供應，你們完旦了
要不是以前港燦帶油帶米大熱天時著十幾件衫過關，你們餓死冷死啦！要不是香港賣的奶粉，王光亞個孫女都無奶飲呀！
米是泰國的，雞翼豬扒是巴西的；又要不是「發展就是硬道理」，香港有足夠菜田，駛鬼啲乜春供港菜場呀！

香港人就是中國人，所以香港就係中國嘅
你都痴線嘅！無綫報新聞個差妹利君雅，拍戲嗰個阿差喬寶寶，成日扮警察嘅死鬼佬布偉傑同河國榮，仲有蝦仔嗲哋嘅賈思樂、荳芽夢嘅露雲娜......係咪中國人呀?! 搭城巴見到個司機係巴基嘅你咪上車吖笨!
(頭盔：「助語詞」絕非侮辱佢哋，全因對住共匪係需要咁講嘢)
小弟仲可以伸多兩腳：我有1/4婆羅洲土著血統，咁我係咪中國人呀？毛澤東夾埋陳平、仲有周恩來夾埋蘇嘉諾蘇哈圖呃咗去建設偉大社會主義祖國，後來又被趕出嚟香港嗰幾十萬又係咪中國人呀？

總之香港是中國的，你們唔滿意就走
你都痴線嘅！香港你哋架?! 咁滿意共產黨領導國家嘛，但點解唔响返「祖國」生活而要嚟香港吵吵鬧鬧呀！習近平啲仔女都係美帝英帝國籍的，你唔叫佢哋返去「祖國」?!

泛民篇
香港同中國從來都係關連著的，所以香港唔應該分裂出去
你都霎憨嘅！香港响1842年1月26日出現於地球之上，1911年10月10日之前地球上無一個國家叫中國，點樣從來都有關連呀！

如果唔係鴉片戰爭，然後三條不平等條約，香港就唔會落响英國殖民手上
你都霎憨嘅！英國佬賣鴉片就要食架喇！咩叫「不平等」呀?! 日本同德國都係戰敗國，咁日本攞返台灣，德國恢復捷克、波蘭、匈牙利嘅主權，咁好唔好吖?!

香港回歸咗祖國，香港嘅政制發展要考慮埋「內地」嘅因素嘛
你都霎憨嘅！香港人買唔到奶粉嘅時候，祖國有無顧過香港嘅情況呀?!考慮乜鬼因素呀？聯合聲明白紙黑字都唔駛跟呀？依家共產黨走數你唔去鬧，反而叫香港人忍？個腦唔舒服就去檢查下啦！

香港回歸咗祖國，香港嘅政制發展就係要嚟推進國家走向民主
你都霎憨嘅！中國裡面嘅人要唔要民主，關香港人屁事呀!你唔叫蘇格蘭人要建設民主英國？唔去叫加泰隆尼亞人建設民主西班牙？咁在意「建設民主中國」，遷居深圳河以北啦！

香港回歸咗祖國，中央就唔會俾香港離開架啦
你都霎憨嘅！民主係從下而上授權，呢啲嘢你哋成日講架喎，等中央「俾？」咁即係好似等皇帝奏准啦，咁仲講乜嘢民主呀，你哋過主啦！

香港咁細，無可能獨立囉
你都霎憨嘅！新加坡仲細過香港

新加坡係被迫獨立，無得咁比較喎
你都霎憨嘅！新加坡係公投自決離開英國，咁你哋有無要求過香港要人民自決吖?!
係被迫獨立，但獨立後嘅發展勁過祖國馬來西亞多多聲喎，咁你哋當睇唔到架?!

香港無一個好似李光耀咁嘅人，點獨立呀
你都霎憨嘅！你哋唔識做李光耀架?? 大一統上腦唔願做就過主啦！仲有呀，社會上可能有人想做又識做李光耀，但你哋班大一統上腦嘅人阻住晒呢仆街！

香港唔能夠無咗「內地」呢個靠山，市民唔駛食咩
你都霎憨嘅！二戰後香港嘅發展成亞洲四小龍，有幾多係靠「內地」呀?! 工廠造啲貨出口去中國架？就算你係都要諗住東江水，點解唔諗海水化淡廠呀？平過東江水呀！

總之香港唔能夠同中國分開啦
你都霎憨嘅！乜嘢叫做唔可以分開呀？東帝汶要永遠俾印尼欺負架？愛沙尼亞拉脫維亞立陶宛趁蘇共倒台獨立就大逆不道呀！


延伸閱讀
香港獨立? 咪玩啦!

返回主頁

民主回歸派最少三宗罪 ─ 全面「追殺」完全合理

相信要不是蔡子強上週一篇文章，人大落閘也不會牽動「民主回歸論」爭議。不過，近兩年以來，小弟該是最早拿出這個歷史陳跡出來：
2013-3-26 如果命運能選擇...... (輔仁媒體版本)
2013-4-10「民主回歸」不能一錯再錯 (輔仁媒體版本)
2013-7-19 《蘋果日報》反思民主回歸
2013-8-22 《蘋果日報》悔不公投話當年
2014-1-10 香港人從來都無支持過「回歸祖國」 - 談1982年民意調查 (輔仁媒體版本 - 82年香港革新會民調：只有4%港人希望回歸中國)

其中由2013-7-19 那篇文章開始，就提到「1982年一項民意調查結果是逾八成市民希望繼續由英國管治」這個論點。到了今年2月11日《蘋果日報》〈32年前一項沒有「出街」的民調〉 就把手上的香港革新會民調報告公諸於世和分析評論。

也許小弟人微言輕，就一直無乜人理會過。但近期被「圍剿」的民主回歸派主事者，沒理由沒「眼尾望過」以上的文章；又正常而言，望見港中矛盾、政制爭拗，香港被中共搞到污喱單刀，「望過下」這些文章，該心中有數「陳年臭屎」已被挖掘出來，要為「找數」作心理準備。

或許佢哋就係認為小弟只是「悉尼老鼠」(高登術語，意即「識你老鼠!」)，認為沒知名道、沒影響力；又或者佢哋諗住拖得就拖，拖到唔掂先再算。但管理學都有教：知道爆鑊就早啲講出嚟，越遲講就越爆越大，到時想補都難。蔡子強篇文在網上，以至坊間的反應，大得出乎我意料之外。

在這爭吵聲之下，總有人認為不應遷怒於「民主回歸派」，甚至有言論以「米己成炊，追也無用」替他們辯護。撇除「民主回歸派」是否投共、是否無視我的存在，客觀而言，他們最少有三宗罪，因而被「追殺」是合理的：

1. 香港今日搞成咁，就算係俾人「賴」落你哋身上，但種種跡象反映就係「民主回歸論」導致。你哋唔係小朋友，當年起碼已是大學生，如今要「哽」咗呢條數，天公地道。況且，你哋唔係「悉尼老鼠」行出街有人識你哋，可以話一個「歷史人物」，承擔歷史責任好應該吖；
2. 好好醜醜都叫做有「文獻」挖咗呢條爛數出嚟接近兩年，即使再嚴格啲嚟講，公開香港革新會民調報告都有七個月；就算真係視小弟為「悉尼老鼠」，身為學者、政治人物，唔係唔明「你睇唔到唔代表歷史唔存在」嘅道理嘛；
3. 「民主回歸派」當年已會說「民主」，但竟然否決以最民主的方式 ── 全民公投，處理香港前途問題？
   呢條簡直死罪啦！你哋仲有乜資格講乜春民主呀！

2014-9-8 《蘋果日報》報導

在小市民立場，時間就俾晒「民主回歸派」班友仔；姑且唔計客觀認定已投共的劉迺強、張炳良、馮煒光，其他的主事者，你哋仲想匿埋幾耐呢？以你哋嘅政治觸覺，應該好清楚針對「民主回歸論」嘅民怨唔會再拖得好耐就會大爆發，如今可以發出最後通牒。

當然，「跪玻璃」的結果就是你哋嘅「民主中國夢」就會粉碎，無得再以大嗌「建設民主中國」呃飯食，但至少將來唔會成為過街老鼠、遺臭萬年。也當然，要唔要公開認錯承認責任，你哋自己決定了。

返回主頁

平行時空 ~ 回到1982年

小弟可以話近兩年內最先發掘「民主回歸論」呢條天文數字世紀大爛數出嚟，尤其是托友人在港大圖書館找到香港革新會份民調報告之後，之前寫過最少兩篇文章「追數」
香港人從來都無支持過「回歸祖國」 - 談1982年民意調查
《蘋果日報》32年前一項沒有「出街」的民調

可是最大嫌疑犯的民主黨 (尤其是匯點派)、教協等等，這接近一年以來都「睬我生臭狐」當睇唔到，而近期政改爭拗又再有人重提，那就把心一橫來個隔海發炮，在《自由時報》指佢哋都唔知係咪潛伏香港30年嘅匪諜，追佢哋九條街。

以我所知，唔少人見到呢份民調報告之後，都在想如果當年有大肆宣揚的話，三十年後今日的香港會變成點。我姑且就以一個成長於80年代嘅人做一些推論，滿足下大家的心靈。






民調响1982年3月做，6月完成出街，大報如東方、明報、成報、星島都大篇幅報導。隨後，剛到任港督嘅尤德爵士如實向英國國會報告有關情況，下議院之後展開辯論，英國輿論亦認為「既然香港市民希望繼續由英國管治，首相應該與中國政府商討解決辦法，包括續租新界或採取其他可行方法，維持於香港的管治」。戴卓爾夫人宣佈將在9月訪華，並將與鄧小平商討香港主權及新界續租的問題。

消息披露，會面期間鄧小平擺出強硬姿態，表示無論如何都要收回香港，但戴卓爾夫人強調當前的香港民意就是希望英國繼續管治，有必要尊重港人的意願。雙方會面無果，而中英關係因香港問題陷入僵局。

有關消息傳到來香港之後，港督會同行政局多次討論解決方法，多位立法局非官守議員促請港督，盡快與英國商討解決事件的辦法，避免局勢發展危及香港安全。

但另一方面，中國政府向香港擺出強硬姿態，不單在人民日報、解放軍報發表文章，指堅決收回香港主權，甚至不惜動武，更在深圳河邊境駐扎重兵。英國方面，分別從汶萊、澳洲及加拿大調動陸軍及海軍來港，另從泥泊爾召回大批退役啹喀兵返港負責駐守邊境，新界氣氛持續緊張。港督在9月30日宣佈，新界禁區及部份外圍地方包括米埔、尖鼻咀至白泥、沙頭角公路以北蓮麻坑等地，每晚10時至第二日7時實施宵禁。

英國方面認為，民意調查並不具法律效力，縱然香港被剔除於殖民地名單，但基於人權公約的自決權要求，認為有需要讓港人表達意願。12月5日，港督會同行政局宣佈，打算進行香港前途公投，期間會向市民教育，說明多個香港前途可行方案予市民有確切了解。英國外相皮姆表示，將向聯合國報呈將會為香港進行主權公投；而中國外交部強烈抗議，指英國侵犯中國領土主權，並重申1972年聯合國決議案，香港已剔除於殖民地名單之內，要求英國尊重議案。港督尤德發表聲明，希望中英雙方能尊重港人意願，促請中共總書記鄧小平能保持克制，港府定以香港市民生活為大前題，保障市民安全。

經過約一年時間教育、籌備，公投於1984年1月8日舉行，凡年滿18歲、持有黑印身份證香港居民都可以投票。投票選項為：
1. 維持香港島、九龍(界限街以南) 為英皇屬地，九龍(界限街以北)、新九龍及新界因大清帝國已不存在，確認為香港一部份。連同關連海域，繼續由聯合王國管治
2. 將香港島、九龍(界限街以南) 為英皇屬地，九龍(界限街以北)、新九龍及新界，由聯合王國交予聯合國托管，在不遲於1997年12月31日訂定自治協議，或脫離聯合王國獨立
3. 在不遲於1997年12月31日，將九龍(界限街以北)、新九龍及新界主權轉交中華人民共和國

以1981年人口普查計算投票率達73%；投票結果為選擇1. 有大約84% ，選擇2. 有13%，選擇3. 不足3%

英國首相戴卓爾夫人表示歡迎公投結果，美、日、星、西德等多個國家表示承認公投結果。英國外交部亦向聯合國呈報。中共總書記鄧小平對於公投結果感到不滿，重申香港領土主權屬於中國。美國總統列根呼籲中國尊重香港人的意願，並表示會對香港日後發展作出支持。

農曆新年前夕，邊境局勢稍為緩和，港督宣佈取消邊境外圍地區宵禁令。英國政府並宣佈將以10年時間，予香港實行全面普選，達至內部自治。過渡期間，港督權力將逐步下放，直到首屆民選政府產生之後，港督將只會作為英國在港主權代表。

自始之後，歐、美、日等廠商紛到港投資設廠，推動工業向高技術發展。1987年美國放寬對香港出口紡織品配額限制，但勞工成本上漲，廠商逐步提高產品級數，香港繼續成為亞太區最大成衣出口地。其他工業，例如鐘錶、玩具等，都有強勁出口。

十年期過去，政黨陸續出現，兩次立法局選舉產生30%及70%民選議員。1994年，英國政府訂定香港自治協議，並得到立法局表決通過，實行議會制民選政府制度，行政局不再由港督委任而是由立法局內最大黨派委任，港督權力下放至立法局主席，並改稱為首相。第一任香港首相為選舉勝出的資深立法局非官守議員李鵬飛出任。

隨著經濟轉型，民選政府制訂一系列新政策，推動產業轉形及工人再培訓，並且推動電腦、通訊器材等科技產品研究及製造

啟德機場飽和，港府在1989年年底宣佈在赤鱲角填海興建第二個機場，並發展一系列道路、連接兩個機場鐵路的基建項目，及相關土地興建住宅商廈，新機場預計1998年落成啟用。之後會將啟德機場重建，然後兩個機場同時運作，分別處理中長途班機及區域班機，例如台灣、中國等。

房屋委員會在1990年進行改組，同時授權在市區進行重建。重新制訂房屋政策，以為市民提供更舒適的居住環境為目標，打破以往徙置的概念。到2000年，預計有60%本地合資格人口居於公屋或居屋。

地鐵東九龍線市區段鑽石山至上環，及港島線上環至堅尼地城於1995年動工，另延長鑽石山以北延長至馬鞍山新市鎮，及建議興建南港島線設計，交由交通運輸局進行規劃

1996年底，政府認為巴士、小巴、鐵路未能有效發揮互補功能，市民未能得到完善的公共交通服務，成立公共交通管理局 (Public Transport Authority)，從新統籌巴士、小巴及鐵路的票價及專營制度，透過即將推出的八達通卡作為中央結算平台。九巴專營權到期，有鑑於倫敦的經驗認為九巴規模過大，決定將九龍及新界區專營權一開五，分別由城巴，新加坡地鐵、冠忠巴士取得其中三個專營權，九巴則取得兩個專營權。港島區也一開二，由中巴及英國第一集團分別經營

的士、小巴牌炒賣情況雖不嚴重，但要防患於未燃，決定以公帑回收所有小巴及的士牌照，小巴服務撥入巴士路線規劃管理，但路線則開放競投經營。的士實施雙軌制租牌制度，由PTA分別向多家的士公司發出近80%牌照，另有20%牌照供私人司機申請。

同年，政府推行中央公積金，制度為僱員、僱主各供款5%，政府成立基金供款5%。仿傚新加坡做法，供款五年後可提取當時總額不多於40%用作購買居屋首期，或私人物業首期的部份

1999年，試驗推行鼓勵性入伍服役計劃，鼓勵20 - 35歲人士加入駐港英軍部隊，服役期間，除股役薪酬及福利外，僱主必須保留其職位並仍需支付30%薪金及供款公積金。

直到2010年，港人人均收入約為每月港幣25,000，大專學歷畢業生起身點約$12,000，中五畢業生約為$9,500

=======================
以上可能只係構想，甚至係幻想。但可以肯定，如果香港係走這條路，社會環境、經濟條件、就業情況，都一定好過依家。

不過..... 歷史豈有如果?

返回主頁

香港人從來都無支持過「回歸祖國」 - 談1982年民意調查

我响舊年蘋果日報7月19日《反思民主回歸》及8月22日《悔不公投話當年》的文章，都有提及「1982年一項民意調查結果是逾八成市民希望繼續由英國管治」這個論點，但相信不少人半信半疑這個調查是否存在，甚至不排除有人認為我亂吹一通。半年來我沒怎理會這些質疑，因為我撰寫這兩篇文的時候，是找到有媒體的報導為基礎

只是一直未有找到這份民調報告。乘著上週《明報》報導英國解密歷史資料，再次引發「民主回歸」爭辯，和朋友一起努力再尋找民調報告，結果在香港大學圖書館找到。全文可點擊下面閱讀和下載「慢慢欣賞」

1982 Future of Hk Poll by anymous_reporter

民調總共成功訪問998名20歲以上香港市民，負責民調的「香港革新會」在當年並非不知名機構，單是受訪者當中有3/5 知道這個機構存在 (第32項)。可以話這個民調符合統計學的基礎要求，不能說是不科學的了。

民調結果的重點，當然係「超過八成人支持繼續由英國管治」，但仔細了解第11 – 15項的結果，可以分幾個層次：

1. 諗都唔諗就話維持現狀 (Status quo) 的Preferred Outcome 高達七成，可想而知香港人當年嘅意識是非常堅定；
2. 堅定不移支持「回歸中國」(Preferred Outcome) 只得4%，稍有猶豫而支持的也只得6%。這也反映出當年港人是非常抗拒中國
3. 「托管地」(Trust Territory) 意思即係香港受英國或聯合國托管監督下自治以至獨立，都有15%人堅定支持，和33%支持。在第14. 項的解說指出，支持這項的主要是中高收入家庭並有較高學歷的受訪者。
   就學歷問題，須知道這批在1982年起碼20歲的人，即是普遍在二戰後出生的。在當年擁有中學學歷並不是容易的事情。
4. 有16% Probable Outcome 表示「唔知道」，或者有9%堅定表示。

繼而走回第9項的結果，只有一半人清楚知道將在1997年到期的「新界拓展條約」的具體內容就是「界限街以北」(area north of Boundary Street)，其他的都是矇查查(19%) 甚至直頭唔知甚麼事 (32%) 。縱合起來，更能清楚見到香港人在當年根本在面對香港前途問題是無所適從，尤其是「目不識丁」的基層市民。

接著到第16 – 18項，更可以見到香港人响當年係感到進退兩難，想留低的有超過一半，想移民的也有三成；唔知點算的也有10%。想留港的原因都是與生活有關，可以見到「港燦」很實際的！但打算移民的，絕大部份都係怕咗共產黨！怕的就是「無自由，失自由」

而第20 – 22項要排除心理因素(apart from ….. emotional link between…..) 得出的結果，說香港人無根其實不完全正確，只是並非建基於一種族群或公民意識、而僅集中於實際性質的生活事情之上。但其實環顧歷史，所謂「根」也不過是由此而建立的吧。
更加是去到第24，和29. 項作一個二元對立的抉擇的話，更見到當年港人「如果有得揀，一定唔揀中國」，即係近年共匪鬧嗰句「寧做殖民走狗，不做祖國同胞」的局面。

歸納總結這個民調結果，清楚反映30年前香港市民根本唔想「回歸祖國」，但意識上是「唔知可以點做」；縱使希望留港建港，但為求生活安樂，有能力移民的只好考慮移民，「總之唔想沾上大陸 / 共產黨」。
引伸出來，就最少有三個疑團：

1. 既然香港革新會當年並不是「二打六」機構，為何有這個民調，但民意卻沒有高調的走出來
2. 為何有這個民調結果，卻無法扭轉英國要同中共談判交出香港主權
3. 為何普遍港人都不欲中共管治香港，但偏偏「支持民主回歸」成為當年的所謂「主流民意」

與其說「英國國力衰落，又受到美國背後指使，於是就唯有向中共妥協」，不如說成就是這個民意沒有被「煲大」好過。要「煲大」民意，重點就落在當年的社會領袖身上。傳媒不怎報導還該有其他方法的吧，但為何他們沒有這樣做？
另一方面，坊間確實存在「唔知點算」的情況，而社會領袖又沒有把民調結果採取合理的處理，於是乎民意就被淹沒在當中，港人也只能隨波逐流。能走的走，不能走的就尤如等死……

而事有湊巧的，「支持民主回歸」又是在那個時候，在社會領袖、學者群體當中高唱入雲。更重要的是，如果對應英國在舊年八月解密的歷史資料指有打算過進行主權公投、但擔心中共搞局而沒有進行。為何連簡單的一個民調結果也沒有被搬到台前，可會是這些社會領袖刻意以防「民族大業」之夢粉碎…… 由民調結果看來太欲蓋彌彰了。

總結而言，說「民主回歸論」就是香港今天在中共之下淪喪的罪魁禍首，從這份民調報告來看，這說法不足為過。而當年高喊「支持民主回歸」的人，記憶中就是今天民主黨的一班元老和支聯會的核心骨幹成員，包括死咗而「神主牌」安放於歌連臣角的司徒華。事到如今，歷史已陳現出來，他們該出來承擔政治責任，向580萬97前居港的市民，及數以十萬計為逃避中共而耗盡家財移民他方的港人，公開謝罪，甚至「一死以謝天下」，相信大家閱畢這份報告的也不會覺得是過份要求。

要「一死以謝天下」的話，就在這處。唔好要香港人同你哋執手尾

返回主頁

「民主回歸」不能一錯再錯

上一篇《隨鐵娘子離去的爭拗》談到有所謂的「民主回歸論」成為當年主流民情的一些因素、或是疑問, 確實香港人、尤其是當年倡導「民主回歸」的政治人物必須要面對和重新反思究竟當年的想法有何問題。

昨晚公民黨領袖吳靄儀在Facebook上載29年前她在《南華早報》的專欄的剪報

她說「29年過去了，重看這篇一直保存的文章，感慨自己一直未改變過，香港的局勢也未改變過。其實，中英談判，英方注定是要輸的，因為沒有任何一個英國首相會負起對香港的道義責任，容許所有在香港出生的女皇陛下的子民自動享有居英權。中方同樣注定只能全面恢復行使主權，不然就是中華民族的千古罪人。大部分香港人一面擔憂中共政權，另一面又說不出口要延長殖民地管治。支持回歸，反對向外國人「乞求」居留權，其實餘下的一途就是自救，奮力參與政治建立起民主制度。為此，我29年前說，我們要預備好付出代價。也許，吳靄儀被打成「港獨」份子，就是這篇文章闖的禍。」既反映住Margaret 的心路歷程, 就是「中華民族的千古罪人。大部分香港人一面擔憂中共政權，另一面又說不出口要延長殖民地管治。支持回歸，反對向外國人「乞求」居留權」也就述說著三十年前的輿論和民情就是充斥著民族主義思維。「其實餘下的一途就是自救」對好多香港人不論當年, 或是現在都是不敢想像的, 因為腦海裡總想著「香港咁細, 何德何能吖!」。仔細思考, 這也不過是「大一統」當中的「大」的迷思。

世界上有不少國家的面積與香港相若甚至更細小, 但都有相當經濟及政治成就。例如面積只是香港兩倍多的盧森堡, 既是歐洲空運樞紐之一, 現時是歐元區內最重要的私人銀行中心, 2011年國民平均GDP達 USD113,000；又或是面積只有香港八份之一的列支敦斯登, 以紡織、陶瓷與精密電子工業, 與及郵票設計發行等維持國家收入。更是看看鄰近香港的新加坡, 1965年被迫獨立時的面積600平方公里都未夠, 人口僅約220萬；當時還要面對經濟崩潰邊緣、衛生惡劣、種族不和的問題, 但結果卻擠身「亞洲四小龍」之一。這些都足以證明, 對「大」嘅迷思是何等的憨鳩。

談到新加坡, 就必要提到其政治進程對應三十年前的香港, 就衍生最少兩個額外問題出來：

1. 新加坡於1959年進行第一屆民主選舉產生國會；更要追溯至1957年新加坡與英國進行自治協議談判, 當時英方代表之一是「坡督」柏立基。他完成處理新加坡自治協議之後, 就被當時殖民地部派來香港出任港督。如果做歷史評估，根本可以理解為英國已經打算俾香港自治甚至獨立, 況且以1980年代而言, 新加坡的事並不算「很遠古」。既然如此, 以不少「民主回歸論」支持者的政治理念而言, 為何不就以新加坡作例去同英國「講數」在香港推動民主政制?
2. 1962年9月1日，新加坡主權公投，就係人民行動黨在1959年上台後向英國爭取要進行的事。結果係72%得票支持脫離英國拼入馬來西亞聯邦。引伸出來......
   如果「民主回歸論」支持者當年認定香港人係大多支持「回歸祖國」，點解唔學李光耀咁賭一鋪??? 抑或其實心中知道香港市民情願繼續做「殖民地走狗」，如果進行公投應該會輸到仆街，所以情願就咁鳩叫進行打所謂輿論戰, 然後騎劫所謂嘅民意民情?

香港電台2001年《傑出華人系列 - 李光耀 (上)》

如果2. 的推斷被「估中」的話, 看著三十年後嘅今天，「大一統左膠」都係繼續使呢招出嚟...... 所謂泛民、社運幾十年嚟毫無進步！

由此可見, 三十年前的香港所作的「決定」肯定是錯誤, 建構「普遍香港人支持回歸」的輿論就使英國未有足夠民意作籌碼與中共進行談判。若再看看中共數十年來的政治手段, 更可以肯定《中英聯合聲明》不過是對港人的權宜之計, 看著今天的香港境況絕對是「財到光棍手, 一去無回頭」。當年的「民主回歸論」支持者該好好想想如何給數百萬港人交代之餘, 更不要再對中共有任何幻想。俗氣而直接明言, 中共昆鳩咗「民主回歸論」支持者三十年, 弄得香港一敗塗地, 我們還有幾多個三十年可以輸? 因此, 實在不明李柱銘為何要開出一個容讓篩選候選人基制的所謂談判條件
《明報》2013-4-10 李柱銘倡最高票5人入閘 願接受機構提名 提反建議

李柱銘真的以為, 中共還會跟你談判然後「容讓」泛民候選人有機會參選嗎? 香港已被中共侵害得體無完膚, 中共豈會這麼笨唔「食住上」做憨鳩仔 ?! 三十年前中共「談判」的對手是英國也弄得香港如斯下場, 香港自己有何能力應付中共呢? 更是三十年前的思維已經害了香港一次, 還要害多一次嗎?

以現時港人普遍三十多歲結婚生子, 香港已失去了一代人的時間, 或說是消耗了下一代的時光。我們對得起下一、兩代人嗎? 尊敬的李柱銘先生, 請你公開宣佈收回這篇報導所發表的內容吧!

返回主頁

隨鐵娘子離去的爭拗

「戴卓爾夫人是一位非常受爭議的人物」真是非常正確的說法。她昨晚(香港時間)病逝消息發佈之後, 網上討論非常熱烈。多數說她的成就之餘, 也有不少如筆者般批評她出賣香港之說。但在小農奴隸基因之「人都死咗仲鬧啲乜」之下, 包括筆者在內批評的言論, 當然被罵得狗血淋頭。試問她對香港嘅「豐功偉績」之下, 為何不能罵？再借喻金日城、金正日死之時有誰會說他們好話？

更是有不少有威望的人物也罵起上來：
《蘋果日報》2013-4-8 22:13【鐵娘子逝世】夫子：佢冇真正為過香港人爭取利益

在80年代擔任政治記者的時事評論員劉銳紹說，當時戴卓爾代表英國與中國談判，並非從香港人利益出發：「英國係長期、利用、剝削緊香港，戴卓爾夫人代表英國利益係好自然，佢喺香港問題上，同中國談判時，佢冇真正為過香港人爭取最大利益，只係利用香港作為一個籌碼，為英國爭取最大的利益。」

曾任行政立法兩局議員的資深政壇中人李鵬飛則憶述，戴卓爾夫人當年未能成功向北京爭取「主權換治權」後，港英政府曾向他們這班兩局議員探問意見，但最終卻是鄧小平未有靜心等待港英的答覆，便在84年9月宣佈會單方面處理香港問題，港英政府最終接受。

王岸然對她的批評, 比小弟更狠《主場新聞》2013-4-8 23:11 戴卓爾夫人欠香港什麼？

信報專欄作家王岸然，則批評戴卓爾夫人是出賣香港的千古罪人。他在facebook狠批，戴卓爾夫人是今天香港人受苦的源頭：

我想提醒大家她是一手出賣香港，為了帝國的利益，將不曾發展民主的香港交還給極權政府，港人受苦到今天。

記著：
1979年，麥理浩訪北京後向她滙報，她馬上修改國藉法，將本來享有英藉的香港人貶為外人，BNO 並無居英權。
1982 年，大幅增加海外留學生學費4倍，香港人當作外國人收費。
1984年的中英聨合聲明，並無清楚要求在港發展民主。
1987年，在中方發惡下，88直選立法局告吹。
1989年，六四之後，一口拒絕港人居英權，但起左個貴人幾倍，全益英資工程公司的新機場。

她絕無恩於港人，是出賣香港的千古罪人。

又例如毛孟靜响FACEBOOK 的帖文是「戴卓爾夫人 今日死了」。有網友認為Ms Mo無禮不敬, 但她回應「unnecessarily euphemistic」

的確, 不論正面或負面的討論焦點都集中於她對「香港前途」的處理手法。民主黨元老李柱銘也表示「如果當日戴卓爾夫人簽署嘅聯合聲明，中央可以全面落實，香港一早有民主，唔會好似家咁變晒樣」(蘋果日報 2013-4-8 21:35)。十五年半過去, 看著共產黨將《聯合聲明》視之為無物咁滯, 除咗感到遺憾, 我們更應反思「回歸」嘅問題。

有不少的討論指「回歸」的數不應算到戴卓爾夫人頭上, 而要向「民主回歸論」支持者追討。我認為兩方面 (戴卓爾夫人以至保守黨 及「民主回歸論」支持者) 都要「埋單」。港人國籍問題完全係保守黨搞出嚟, 正如黃世澤話齋：「戴卓爾夫人或者喺美國壓力下守唔住香港，但要絕對封死香港人逃離中共暴政呢道門嗎？」再者, 2001年國籍法修訂案, 將香港人原本有份嘅BDTC (後改稱作BOTC) 擁有居英權。時間證據足以證明這就是戴卓爾夫人以至保守黨無法推掉嘅責任。

也有不少人指出怪責戴卓爾夫人無維護香港利益, 更要追殺「民主回歸論」支持者, 要不是他們當年民族主義上腦、或借民族主義來反殖, 怎會使英國不夠籌碼與鄧小平講數。我認為要作判斷是否合理之先, 更要理解一下為何「民主回歸論」會成為當年的輿論主流：

英國並沒有在香港確立身份認同, 這是不爭的事實。這也成為不少「反殖」份子批評英國模糊港人身份以便管治嘅立論。
這論點並沒有錯, 但問題係為何這麼多港人認為自己是「中國人」呢? 這不得不提以往的中學中史科內容, 甚至「中國語文」科, 可以話充斥住「大一統」的思維:

1. 強調「統一領土嘅朝代」是美好的；「分裂時期」 是敗壞的。
   仍記得講到「秦始皇」時, 除咗談論佢嘅暴政之外, 就好強調佢「統一天下」為日後嘅華夏大地政治建立重要嘅基礎；講到「漢武帝」時, 就指出佢如何將董仲舒提倡嘅「大一統」主意發揚光大, 建立強大嘅漢室；
2. 對漢朝分裂後嘅三國至隋文帝前嘅歷史階段, 包括魏晉南北朝、五胡十六國等等, 不單篇幅少到無人有, 更是總要找出一個响嗰段時期嘅所謂「權力核心」做正統立論。部份學校 (包括筆者就讀嗰間) 直頭對呢幾頁紙教都唔教；
3. 對元、清兩朝嘅描述, 強調「外族入侵」、「迫害漢人」多於宏觀記述同分析歷史。
   再次引用鹿鼎記韋小寶勸陳近南收手所言：「相對昔日明室之時有何日及得上如今康熙之下國泰民安, 民間豐衣足食, 還需要反清復明嗎?」
   中三級嘅中史對「康雍乾盛世」時期嘅民間狀況有幾多述說吖? 為何對乾隆時會有咁多周邊國加入成為「附庸國」的原因隻字不提；但就將雍正時的查嗣庭「維民所止」一案無限放大?
4. 輸入鴉片的確無義可談, 但為何清帝國之下有咁多嘅「中國人」糜爛到沉淪吸毒? 當時嘅「中國社會」的情況是如何形成這股氣氛? 也是沒太多闡述。鴉片戰爭也的確是不義, 割地賠款放諸現今世代嘅戰爭分析, 根本正常不過之事。
   好吧, 就當呢段歷史真係咁撚柒不義啦......
5. 「新安縣」 响1841年之後開始有嘅變化, 甚至同「中土」之間嘅發展落差, 又係近乎零描述, 或者只係繼續訴諸悲情, 強調「西方列強繼續入侵瓜分吾土」

就係基於以上嘅立論, 就使普遍港人認定「香港被割讓是喪權辱國之事, 別無其他意義」, 繼而就是「國民政府在國共內戰後國民政府遷守台灣, 無法照顧在港的中國人」之論, 就使香港嘅中史教學教出一大堆港人「民族主義上腦」囉！

另有說法指這些都是在港的國民黨餘部為求將「中國人」植入港人心中, 以便維持香港作為「反攻大陸」的據, 因而搞出這些硬膠教學手段。所以, 在反對中共响香港搞 「國民教育」 洗腦染紅嘅同時, 更要抽出呢段香港教育史出嚟鞭撻國民黨响香港搞洗腦, 因而導致「英國沒有建立港人身份認同」下, 出現洗腦而認「中國人」的情況。

說到這處, 相信很多依然「民族主義」份子狠批筆者大逆不道, 那得請你們對比一下「西史」的內容有較宏觀的記述, 老師亦會引導學生做「歷史比較」, 然後請解釋一下為何「中史」沒有或者不需要。

就在這樣的「國民黨特色中史教學」洗腦之下, 加上三十多年來普羅港人對政治嘅心態其實無點變過, 都係政治人物話乜就乜、隨波逐流 (即係小農奴隸DNA之君要臣死臣不得不死)。這便能解釋到為何「民主回歸論」就成為當年嘅輿論主調。也就是就係因為「主流」政治人物指這個才是「正統」, 加上抨擊「公投」、「主權換治權」係戀殖走狗, 於是小市民就跟隨之!
(按：沒想到三十年後嘅今天，大一統左膠都係繼續使呢招出嚟。幾十年嚟毫無進步！)

或者就客觀而言, 「民主回歸論」 支持者係必須解釋以下疑問:

1. 所謂 「君子不立危牆下」, 响反殖 vs 中共專制政權之下, 為何要高唱「回歸」, 使香港要同中共呢個極權拉上直接關係 ?
2. 所謂「從香港開始推動中國民主發展」, 即所謂「六四」之後嗰句「建設民主中國」嘅口號, 點解一定要將香港呢1070平方公里 (當年香港領土面積宣稱) 拼入於中共專制政權之下去 「建設民主中國」。Is this the only way?
3. 相對2. , 民主之念在於制度嘅實行, why not 香港繼續維持當時的狀況, 或爭取如新加坡1959年嘅方式, 甚至尋求獨立之類, 先在香港推動全面民主, 然後再談「回歸」。使香港已有一個民主制度而構成對中共嘅成影響力, 或使香港响「前途問題」上有最多嘅籌碼
4. 承3. 之下嘅底線, 為何對《拓展新界條約》到期嘅問題, 唔响香港推動以取民主嘅方式去處理, 而只求「回歸」?

以上四條問題對應今天的局面, 可會就是民族主義上腦? 或者希望有其他符合現代文明的原因。所以, 我也不知現任民主黨主席劉慧卿當年質疑「將500萬香港人交畀共產政權，道義上講唔講得通呢」(蘋果日報 2013-4-8 21:59) 可如何面對。

戴卓爾夫人就人死而已, 但「走」也在香港帶出這場討論或爭拗, 或者就引證住偉人死後還影響世界的說法, 又或總算「最後一程」也給香港做返一點事。


返回主頁

如果命運能選擇......

自從南華早報的網上投票 Would Hongkongers vote to return to a British overseas territory，given the option? 至今十多天，有關香港同英國關係嘅新聞、報刊博客評論為數不少。剛過去週日《蘋果日報》報導英國將一批1982年中英談判嘅文件解密，在坊間出現更多的討論。當然地「牛頭角順嫂、街市賣魚佬」十居其九都在說著「咁又點吖，都俾返咗共產黨咯，仲可以講得啲乜吖」。但我相信最多人有的感覺，就是感慨萬千、無限唏噓，心中暗想著如果當年有得選擇，真係唔好「回歸」好過。

的確响目前平民老百姓「朝搵唔得晚」嘅社會情況下，人心思異想到「今不如昔」實在平常不過。再看著一眾媚共走狗政客商賈得到不少好處，就想到昔日英治時期有規有矩，好自然就會出現「一切壞事都是因共產黨而來」的想法。繼而就有心繫英倫、戀英眷殖的情懷，所以一見到下面呢枝旗就真情流露。這亦解釋到為何共產黨要將香港旗上綱上線是分裂國家、顛覆中央嘅標記，就是再繼續激發起普羅市民對昔日的思念，仲點繼續搵傀儡走狗嚟管呀?!

這枝旗懸掛於灣仔一酒吧外逾二十年了

面對呢個既不滿現況又無法回到過去的情境的心情就如寒天飲露 ── 百般滋味在心頭。

大家可會再想想，三十年前是否真的沒有選擇? 週日《蘋果日報》其中一篇報導標題「排除獨立可能性 擬公投香港回歸」講到當年英國政府係有打算在香港進行公投，並認為「本港年輕、中產階層最支持英國人在97年後繼續管治」。大家又可會記起當年社會上最熾烈的聲音就是所謂「民主回歸」。這是否意掩蓋了公投的呼聲，今天回看實在欲蓋彌彰。當年叫嚷這些口號最熱烈的，莫過於今天位居於民主黨領導層的一班政治人物，再加上1970年代的「認中關社」意識形態；與及這些人物和周邊的支持者一直都是叫喊著「建設民主中國」，甚至是「中國沒民主、香港不會有民主」這種荒誕之談，似乎就能解釋這班人不過是民族主義上腦，「大一統」思維而不要在香港有民主。這班算是香港最早有民主意念的人卻不推動用民主方法解決香港前途問題，不知是可笑、可悲、還是可怒呢? 但看到三十年後的今天，香港淪喪得比「西方列強殖民入侵」更糟的境地，這班人該走出來給670萬97年已在港定居的香港市民一個說法，甚至公開道歉。但即使現在能成功追究責任，三十年的光陰也耗掉過去。

回望1980年代開始信心危機、移民潮、六四屠殺恐懼、中英政制爭拗...... 該是再一次不敢想起但未能忘記；97後的釋法、遊行示威、政治爭拗等等，相信港人都希望歷史能夠改寫。更是相信信好多人嘅腦入面應該浮起呢首歌

(放晒兩個版本，隨大家喜歡。我比較喜歡LIVE 版本)  

或至少諗起chorus 嘅一段：
如果命運能選擇..............   

後記：隨著更多香港同英國關係嘅新聞，甚至因著有英國人發起聯署要求英國政府介入「中共不予香港實行民主」，好多冥頑不靈嘅大一統、民族主義份子高叫「不要西方列強再殖民香港」。但是英國「殖民地」近年出現大變化，不單二戰後「能獨立的都獨立」，留下來的都給予最大的自主權同民主制度。小弟就造了這張圖作出說明。

 

欲討論此圖，可點擊此圖往小弟FACEBOOK 的帖

套用林忌分享此圖時其中一個回應：

就假設肥彭返嚟坐陣，响過渡安排之後香港有民選嘅議會同總理(或者叫做 "首席部長")，而肥彭就只係日日响港督府發吽哣，有外賓來港訪問先出嚟蒲下頭，聖誕先講句merry christmas，農曆年先出嚟講兩句「恭喜發財，新年快樂」，唔知仲有幾多人覺得香港人係二等公民囉

香港人一定要更新國際視野，莫再重蹈三十年前覆轍俾班民族主義上腦嘅人影響我們的將來。更是英國近來的舉動，可謂反映著昔日對香港縱有千般錯，但也認知道錯在己身；相比之下，中共毫不認錯之餘更肆意發爛咋。你係香港人想邊個嚟管吖.........

延伸閱讀
黃世澤 - 香港先回歸英國是出路
地產小子 - 假如香港回歸英國......
林忌 - 香港，是香港人的香港 
蕭少滔 - 新加坡模式在香港可行嗎? (輔仁媒體)

返回主頁