撤 CCTVB 廣告，商業計算背後的公義

頭先至講完，對付 CCTVB 唔一定要圍嘅，搵辦法驅使商號撤銷落廣告就得㗎喇，轉頭就有確實消息 of 寶礦力撤晒所有 CCTVB 廣告，仲要講明「回應公眾訴求」，真係「食咗豹子膽」嗰隻。無錯，表面睇係有如「為公義發聲」，但又坦白講，做生意嘅從來都係利益計算，搵到「路數」可以賺多啲，就必定唔會放過。只不過，as 我講到口臭 that 香港講政治從來都係嫌錢腥，郁啲就話「資本家可恥」，再唔係就「收錢做嘢正仆街」，從來都無面對「錢」呢個現實嘅問題。就算寶礦力今次只係商業考慮，正如鄧小平嗰句「唔理黑貓定白貓，捉到老鼠就好貓」，又或者我講過關於外國勢力嗰句「話之西方列強真心定假意定因為著數，對香港有利或最起碼無損失就梗係要勾結」，就係「隊冧」CCTVB 嘅效果出現，話之佢啦。

再又因為香港講政治從來都係嫌錢腥，搞到好多人唔敢同商界行得太埋因而失去財政以至各類資源嘅支援、互通消息渠道之餘，仲搞到好多人唔懂得以商業思維作為研判形勢或戰術策略以至實務執行嘅基礎，結果唔係事倍功半就係功敗垂成，甚至徒勞無功、功虧一簣、空手而回......

商業思維嘅重要性唔止係利益考量，亦唔止係同商界建立關係，而係有更宏觀嘅分析判斷。就以今次寶礦力撤 CCTVB 廣告為例，從商業角度會考量嘅第一樣嘢絕對唔係乜春「公義」，而係「得罪 CCTVB」嘅後果會係乜、唔响 CCTVB 落廣告對宣傳及往後業務造成幾多影響。

無錯吖，對於班習慣嫌錢腥嘅左賊「司馬懿」嚟講，一睇到「公義」唔係擺最優先，就必定想口誅筆伐、假仁假義..... (下刪三萬字)，但問題係「公義」到底係目標定係手段呢？如果手段但達成唔到目標，做嚟有乜謂呢？掉返轉，如果有底線地不擇手段而能達成目標，又何樂而不為呢？

舉個最簡單例子：香港班左賊成日話外判制係剝削工人階級嘅惡行。但馬來西亞民主行動黨在2008年起奪得檳城州政府管治權之後，採取多種方法減省公共開支(兼杜絕中間落格式貪污)，其中一種方法就係將大量公共服務進行外判。結果大約四年就將州政府財政轉虧為盈。招標文件訂明工人待遇為重要考慮條款之一，並且响州政府設立完善監察制度，就確保工人剝削嘅問題唔會出現。

要記住，民主行動黨係主張社會民主主義，即係左翼政黨。唔止封咗香港嗰班友把口，仲係五花大綁然後瘋狂兜巴星呀！由檳城例子已經證明「目標」係重要過「手段」。





講返寶礦力嘅CASE。「得罪 CCTVB」嘅後果，表面上就係少咗一個宣傳渠道，但呢期就係冚世界對 CCTVB 人人喊打，即係話「得罪 CCTVB」會換來冚世界嘅掌聲。慳返一筆俾 CCTVB 嘅錢，但又可即時收到強大宣傳效果，Why not?!

不過咁，香港商界十幾廿年來好避忌「政治」，但事實上係「西瓜靠大邊」嘅所謂中立，即係根本上係媚共以至投共；或至少對支那共匪 / 港共傀儡政權投鼠忌器忍氣吞聲。既使坊間普遍認為「商家佬都係親共」因而失去公眾輿論，唔好話支持，連據點都無，又使商界自己無咗客觀、宏觀嘅政治形勢了解、分析同判斷，呢吓先至最攞佢哋條命。更重要嘅係即使反送中抗爭如何紅紅大火，商界嘅下意識仍然唔敢貿然「激嬲共产党」，開始進退失據。

寶礦力決定採取行動，商業行為再衍生「公義」目標之達成，大塚製藥同真‧香港人各取所需，宏觀講就係連成一線；左賊 mode 就係使港人得到政治能量補級。更重要嘅係使嗰班「偽中立」商界點起引路明燈 (唔係蕭若元嗰隻)，可以話預計得陸續有大量政治能量注入俾真‧香港人 / 相反地大量「槍頭」對準 CCTVB、港共傀儡政權同支那共匪，就係一個極度重要嘅關鍵指標。

再講一次，政治從來都係利益計算，商界就算只係因為自己嘅利益考慮而行動，但能夠提供資源同能量俾真‧香港人進行抗爭就得啦。千祈咪再學班「司馬懿」喇，唔該。要記住：好多嘢唔能夠直線進行；好多嘢唔能夠枱面做。

後記：本來打算寫7月7日晚「小巴衝群眾單嘢」，但一來「唔發生都發生咗」而需要做嘅只係整理返成件事 for 日後行動，二來係寶礦力撤 CCTVB 廣告可以話係同大家「開腦」(尤其是「商業思維」) 嘅大好時機。做嘢有分緩急先後，就講咗寶礦力單嘢先。






返回主頁

包圍 CCTVB，傻仔兼白痴

反送中抗爭 Be Water 遍地開花，除咗前日嘅尖沙咀之外，嚟緊仲有沙田、上水...... 預計必定陸續接踵而來。但有一單係話想7月21日去包圍 CCTVB，我未望條路線而淨係聽到地點，已經知道根本係憨鳩之舉。雖然網上已經口誅筆伐，但為防求曾有懷疑虧空公款記錄而上位心切嘅陳展浚繼續死心不惜，一於整理各方嘅意見之餘再加料「送佢一程」。當然仲會提供一啲意見俾想搞鳩 CCTVB 九世嘅各位參考一吓。

首先，做任何行動，不論係示威抗爭，定係平日嘅商業活動、以至溝女/鎅仔，都要先分析各種形勢條件，以確定「有無得做」。

CCTVB 位於將軍澳工業村嘅盡頭，而通往將軍澳工業村就只得一條環保大道 ── 只要港共公安 set 路障，唔好話全部人準備束手就擒就唔怕；再封埋港鐵康城站，直頭邊度都唔駛去。或是相反角度，想資源補級嘅機會都係零。單係呢個情況，腦部正常嘅都知「無撚得打」。所以，其實响6月中已有網友 PM 問我「圍CCTVB」嘅意見，我全部回覆都係以呢個理據 banned 晒個計劃，就係咁解。亦所以我完全唔明「曾懷疑虧空公款嘅陳展浚」點解仲會提出呢個計劃。

第二，就假設可以做 (雖然事實係「無撚得打」)，從戰略角度必須以耗用最少資源去達到目標嘅思維去計劃行動。但單係由日出康城去到駿才街，路程已逾2km。


而且沿途零補級，即係群眾體力以至各種資源只有消耗；甚至乎無封路的話，大量貨車、泥頭車、以至「芬芳撲鼻」嘅垃圾車出沒，加速群眾嘅體力、鬥志嘅消耗。陳展浚仲打算由寶琳開始行入去，就算唔話佢只圖抽水搏年尾區議會選舉，已經清楚睇到成個計劃同「將群眾帶去送死」係無分別。

第三，再又假設人人鬥志旺盛，去到駿才街門口仍然群情洶湧，但你估袁志偉就算唔報警會出嚟應機咩？再者，袁志偉嘅任務就係日日同香港人洗腦，就算佢出嚟門口「應機」，你估佢會停止一切為支那共匪、港共傀儡政權嘅歌功頌德嘅所為咩？

大家應該好想問「咁即係無辦法對付 CCTVB？」承如毛澤東鬥爭理論，除咗要製造時機，唔一定係直線進行㗎嘛！

要針對嘅目標係袁臭花蟹志偉嘅洗腦，第一件事可以做嘅就係「預防針」。簡單啲講就係避免睇 CCTVB 嘅新聞以至所有節目。响屋企個電視機盒做手腳鎖咗 CCTVB 唔俾屋企人睇，以至裝 NOW、Cable 已經有基本效果。甚至乎你一响屋企就轉去 BBC、CNN、Al-jazeera、DW、Channel News Asia......





另一樣仿傚支那共匪打擊壹傳媒嘅手法，就係製造輿論壓力使商界唔再响 CCTVB 落廣告。商業運作最擔心就係收益來源出事，如果因為送中惡法立場而導致廣告收入萎縮，陳國強、黎瑞剛、李寶安就算因為「党的任務」而死撐，唔擔心會响股東大會必定俾人打到甩肺呀！呢招連登仔做緊，據聞開始有啲成效。

要稍為直接啲嘅行動，大可針對 CCTVB 嘅採訪、劇集/節目嘅外景拍攝。關於「滋擾記者 vs 新聞自由」嘅問題，前文已經講過我嘅立場，簡單整理一吓：

1. 袁志偉咁多年嚟嘅「豐功偉績」咁叫保持到「新聞自由」呀？
2. 台灣總統蔡英文及鄭南榕遺孀葉菊蘭响今年4月7日鄭南榕殉道紀念會嘅演詞「言論自由不是無限放任，每個人都要為自己嘅言論負責。任何對社會構成損害、威脅民主和人權嘅言論，都應該受到制約。」
3. 記者拍唔到嘢、扑唔到咪、做唔到扒......袁臭花蟹志偉就無「材料」俾佢為党做嘢

大家或者總係想有啲「實質行動」，但去 CCTVB 唔係唯一場地選擇 (況且根本唔係適合地點)，況且袁臭花蟹志偉驚嘅唔係「暴徒」登門，而係輿論聲勢。6月23日，台灣舉行一場反對紅色媒體嘅集會，仲開宗名義針對蔡衍明嘅旺旺中時集團旗下嘅中天電視、中國電視(中視)、中國時報等收受支那共匪經濟援助嘅傳媒，但地點只係台北凱達格蘭大道總統府對出。點解唔參考吓台灣嘅做法呢?!



至於袁臭花蟹屋企，雖則2014年已起底佢住邊，但一來唔知有無搬到，二來假設無搬，隔離就係九龍城狗籠，又係嗰句「除非兵力十足」啦。但就算唔俾佢返工/返屋企又點唧，佢咪繼續為党效力。

俾埋啲更安全而有效嘅方法建議，就唔好再諗住去將軍澳電視城呢個絕對係「來來曱甴屋」喇！







返回主頁

滋擾TVB記者破壞新聞自由? 咁袁志偉呢??

TVB 記者在採訪受到滋擾都唔係乜嘢新鮮事，只不過自從2014年佔領之後，無乜「大場面」兼無人有意欲，先至叫做平靜咗好幾年。今日响現稱律政中心嘅舊政府總部示威現場，又再有「滋擾」所為，坦白而客觀講無乜咁大不了。雖然用電筒閃記者雙眼係過份咗少少，但又好老實無造成永久傷害，示威者亦响「熄機」之後向記者道歉，根本就無乜大不了。記協作為捍衛記者飯碗，從記者角度「譴責」尚可以話係人之常情，但講到「破壞新聞自由」咁嚴重？香港地有腦嘅人都知一切問題根源就係响袁志偉呢隻臭蟹嗰度，袁臭花蟹多年嚟做咗咁多根本同破壞新聞自由嘅嘢，記協真係捍衛新聞自由，就應該順手屌柒埋佢。

無錯，表面上記者係無辜而無理由「搞」記者，但係袁臭花蟹做仆街嘢，一切就係由記者做採訪開始。縱使記者真係有心想做好隻「故仔」因而落力做採訪，可是當一切採訪完成嘅「材料」返到將軍澳電視城，就成為「中国共产党香港中央宣傳辦公室党委书记」嘅袁臭花蟹志偉要嚟為共匪主子歌功頌德、或唱紅打黑之用；啱共匪主子口味嘅就留，唔啱聽嘅就剪走，甚至乎左拼右砌扭橫折曲唱衰與主子作對嘅又得、唱好共匪主子嘅都得，得咗。

但如果令到記者拍唔到嘢、扑唔到咪、做唔到扒...... 即係無「材料」俾袁臭花蟹志偉做佢要為党做嘅嘢，就係基本目標。

不厭其煩再講多一次，表面上記者係無辜；撇除無綫新聞部唔少記者都幾仆街，响採訪現場俾人「搞」都係「抵死」，但正如支那共匪毛澤東鬥死劉少琦之前，都係先鬥垮鬥臭劉嘅部下、左右手 (例如鄧小平)，而袁臭花蟹志偉日日都只係匿响駿才街77號指天篤地，除非拖馬幾千人由清水灣半島開始沿環保大道一直到駿才街佔領，否則必定搞佢唔到。既然係咁，就咪向毛匪有樣學樣，鬥垮鬥臭啲前線先囉。縱使仲有一個半個記者偶爾會搵我「做功課」(例如啲交通新聞) ，但戰略上真係無辦法，鬼叫跟著個咁狠仆街嘅老細。最多如果我响現場而見到就係嗰一個半個，咪叫大家「輕手少少」。

記協口口聲聲話示威者破壞新聞自由，但袁志偉咁多年嚟嘅「豐功偉績」咁叫保持到「新聞自由」呀？唔講遠，淨係612當日，明明港共公安戰犯黑警係射催淚彈，但 TVB 報乜春呀？「有煙霧嘅XX」咋。遠少少，2014年「暗角七警」單嘢，袁臭花蟹志偉嗰句「你係佢肚裡面條蟲？」，咁叫做「新聞自由」？早抖啦！

香港地總有啲扮左翼嘅友仔成日話要捍衛呢樣嗰樣，其中最常聽到就係捍衛新聞自由同言論自由。喂，「自由」包括埋袁臭花蟹志偉咁搞㗎？





要講捍衛言論自由同新聞自由，就要講台灣烈士鄭南榕。佢嘅名句之一就係「捍衛百份百言論自由」。唔好話香港有隻袁臭花蟹志偉，就是台灣政界、傳媒，好多人都拎住鄭南榕呢句說話無的放矢，包括支那共匪拳養嘅五毛党、白狼統促會、蔡衍明嘅旺旺中時等等。但响今年4月7日，鄭南榕殉道30週年紀念會，總統蔡英文及鄭南榕遺孀葉菊蘭嘅演詞就有咁講：

言論自由不是無限放任，每個人都要為自己嘅言論負責。任何對社會構成損害、威脅民主和人權嘅言論，都應該受到制約。

利申：當日我有响現場。姑且「有圖有真相」of 小弟同葉菊蘭嘅合照做證，我就係親耳聽到。


套用返袁志偉咁多年嚟嘅「豐功偉績」，佢有負責過咩？對香港社會構成嘅損害、對民主和人權嘅威脅，唔計支那共匪、港共傀儡政權同班土共政客嘅附和，有目共睹兼人神共憤啦。

明白記者都要開飯，但唔計同流合污嗰啲，唯有忍吓直到隻臭花蟹去見毛澤東為止，真係無計。因為，再講一次，令記者搵唔到「材料」俾袁臭花蟹志偉搞佢嘅「新聞自由」，係必須嘅戰略。






返回主頁

外國勢力為乜幫香港？881陳聰收嗲啦！

香港地一直以嚟，無論做議員或議助從政、論政、社運友，一個二個把口成撚鳩日嫌錢腥，但根本骨子裡只係小農奴隸DNA「政事乃食飽飯無事做嘅人先至做」，更根本係兩手準備 ── 當唔夠拗時就撻「收錢做嘢正仆街」嚟抺黑、潑污水。

另外，仲有就係成日話「香港豆腐膶咁細外國唔會理」，使香港人顧盼自憐，唔會產生尋求外力協助香港嘅意欲，然後使香港面對支那共匪只得困獸鬥，某啲仆街可以實踐三國名人司馬懿嘅「養敵自重」── 永續抗爭、永遠的反對派去呃飯食。

將呢兩樣撈埋一齊，就成為第三種「論述」── 外國憑乜要幫你香港？就算幫香港都只係為咗佢哋嘅利益，唔係真心幫。

誘使好多人產生「搵外國都係無用㗎喇」嘅諗法，過去就阻礙咗香港向國際社會發出求援嘅訊號；對應今次「反送中」抗爭，大量外國傳媒駐紮香港，促成咗「Hong Kong shouting for help」嘅局面，啲「司馬懿」阻唔到就唯有淋冷水、潑污水。

連登仔眾籌「全球廣告」，超額逾倍完成，對於班「司馬懿」嚟講可以話大難臨頭，但又基於客觀大形勢所以都唔夠膽再咁多嗲。但今朝商台881「晴朗」，主持人之一嘅陳聰竟然就講出第三種「論述」，仲要 exactly wordings 同我寫出嚟嘅幾乎無分別。





我從來都講「政治就係利益計算，國際社會點解要『幫』香港，必然有其利益計算响當中，如果香港能從中得益，或最底線係無損失，有乜所謂」。事實上，西方列強嘅利益計算就係打柒中国共产党老母臭閪，而如今香港因為送中惡法提供「彈藥」並且「打開缺口」，國際社會好自然就會運用。香港想要嘅就係逃脫於支那共匪魔掌，如今外國勢力有機可乘對付共匪，又如果成功的話，香港想要嘅嘢就有機會實現。市儈啲講就係「各取所需」，而既然香港有掙脫支那共匪嘅機會，那怕西方列強攞到著數！就係咁簡單嘅道理。

不過，唔少仆街就係成日「收錢做嘢正仆街」嘅思維，加埋「中國國民黨特色中國歷史教學」，尤其是甚麼「喪權辱國」云云，就覺得俾「西方列強」佔便宜係唔應該發生嘅事。但我好簡單掉返轉問陳聰一句：「家陣香港遭中国共产党佔咗廿二年便宜好撚過癮嗎？」或者就係「中國國民黨特色中國歷史教學」催生嘅民族主義思想，認為同支那共匪係「同文同種同宗」就唔覺得係問題，甚至係「香港之繁盛乃因鴉片戰爭的屈辱」而覺得俾支那共匪欺壓只係為「中華民族」找數，是天公地道。

我唔想猜測陳聰只係真心膠的失敗主義顧盼自憐，定係同堆「司馬懿」係同一幫人所以幫口。我只認為作為一個電台節目主持，就算唔識國際政治，响呢個時候唔好淋泠水、潑污水係最基本要守嘅原則。唔該陳聰收返今朝嘅言論。我會嘗試另外尋求途徑搵陳志雲，要陳聰做返啲佢作為主持應該做嘅嘢。

後記：相信好多人會諗我又「得罪」香港傳媒，甚至乎有啲反骨仔覺得我已經無晒香港輿論地盤都仲「鬧」香港傳媒真係抵撚死。我嘅立場係，要我阿諛奉承講假話換來曝光率知名度，絕對不配當一個論評員。另外，串咀啲講，至少台灣嘅傳媒唔駛要我做擦鞋仔，仲有俾返基本尊重過我，到底係我嘅問題定係香港傳媒有問題，一清二楚囉！







返回主頁

多謝余英時教授向支教民屈機

每年踏入五月，又係支聯會為首嘅支教民飯桶體系又出動消費八九學運嘅時候。而近年通稱本土派嘅興起，就關於紀念8964大屠殺嘅立場主張爭吵不斷，尤其是針對「建設民主中國」、「平反六四」等嘅口號，客觀講支教民根本就無力反駁，飯桶們只能大肆抹黑本土派、真‧獨派。

我早在2013年，已經响蘋果日報寫過《二十四年過去了……》《暴風雨中緊箍咒》兩篇文章，指出呢兩句口號有乜嘢問題；尤其是引用「平反劉少奇」嘅歷史指出「平反六四」就算真係出現，其實根本係無意思，試圖敲醒支教民，與及充當飯桶同本土派嘅和事佬，可是支教民充耳不聞，甚至私下當我臭四、以至當我透明。唔好話調整立場論述，根本就毫無反省。

但呢六年以來支教民、以至整個飯桶體系，依然故我。再者，响過去呢六年，我亦因為對紀念8964大屠殺嘅立場同論述同支教民完全南轅北轍，其實暗地裡受到飯桶陣營嘅排擠、背後嘅「毒箭」，以至或明或暗嘅打壓 (無得再响《蘋果日報》撰文就係其中之一)，所以自此之後，我無再每年6月4日晚上踏足維園，甚至眼尾都費時望。但「建設民主中國」、「平反六四」呢兩句口號嘅問題等如解決咗、消失咗咩？

响之後嘅一年，即係2014年，我直接向支教民「開拖」，直指「建設民主中國」呢句口號係飯桶建基於「中國無民主，香港唔會有民主」，認為中國一日未有民主都唔會俾香港落實民主，當中嘅邏輯簡直白痴。當中嘅重點就係响個「俾」字 ── 等中國有民主然後「俾」香港實行民主，咁同古代等皇帝奏准地方可以實施某啲政策，有何分別！

至於「平反六四」，我除咗再次以「平反劉少奇」嘅歷史、以至關於大躍進、文革嘅「平反」嘅歷史，指出「平反」都係等涉事人等死撚晒之後先至出現，所以「平反六四」呢句口號根本係無意思、係絕對廢話。換來的除咗係飯桶嘅無視同打壓之外，對我嘅抺黑更變本加厲，甚至出現响身邊。

差開少少講，我偶爾打 #躝返新加坡 Hashtag，起因就係响2014年，曾為戰友嘅尖碼之聲主席陳嘉朗對我提出以上「建設民主中國」同「平反六四」嘅觀點論述，無力反駁但又條氣唔順堅持己見，就在Chat group 發爛咋寫

冷血無恥之徒；你話你老豆老母係星馬嗰邊，又成日講到新加坡咁好嘛，你咪躝返新加坡

一直以來，我對於唔認識南洋政治嘅人，除非錯得離譜到好似沈旭暉嗰隻，否則大多都係忍口。但佢拗唔掂就出言侮辱埋我父母，我就梗係唔會放過佢啦。有人做和事佬，但佢唔肯道歉同收回呢番說話，所以各走各路之餘，我不斷伺機無限LOOP「躝返新加坡」呢五個字，埋下「君子報仇、十年未晚」之局。是的，我承認擺明玩「人格謀殺」。

有和事佬就梗有撥火，亦必定有花生友。邊個撥火邊個食花生嘅我暫時唔爆住，但咪話我唔「鳴槍示警」，當日撥火、同埋為求貫徹「識人好過識字」左右逢源而沉默嘅仆街反骨仔，好自為知啦。





我對「建設民主中國」同「平反六四」提出嘅論述，最少五年嚟受咗咁多「氣」，梗係希望有「平反」嘅一日啦。噚日《蘋果日報》訪問余英時教授，佢對呢兩句口號直斥其非，更是一如我响五年前所講嘅「冀皇帝開恩」認為支教民嘅諗法荒謬，

我一方面覺得「終於有人幫我出呢一口氣」，另一方面我就好熱切期待支教民飯桶對余教授嘅反應，但似乎無一隻飯桶夠膽出聲。呢個情況正正反映支教民飯桶根本係一班仆街冚家鏟 ── 第一，因人廢言。已經不配講「民主」二字；第二，證實過去最少五年，對我嘅態度根本同共产党一鳩樣「杮子挑軟的揑」，直接講就係欺善怕惡。

我依家就強烈要求支聯會、民主黨、工黨、公民黨等飯桶，有種就立即公開鬧爆余英時，甚至直指佢「係共諜係鬼」！一係就向我道歉，否則唔駛旨意我會停手鬧爆你哋。

但無論我呢啲「悉尼老鼠」又好，余英時教授呢啲鼎鼎大名又好，支教民响對8964大屠殺嘅立場同論述根本係一堆垃圾，就肯定係事實。又姑且好言相勸講，今年仲唔收返起呢兩句口號，唔好怪人繼續問候你哋娘親！





返回主頁

鄧紫棋合約糾紛，演藝界的黑暗面

鄧紫棋前晚失驚無神爆Seed 同經理人公司出現糾紛並終止合約，我真係嚇一跳。原因係GEM 同張丹間蜂鳥音樂合作咗11年；雖則張丹之前都同 SOLER 搞到大大鑊，但 GEM 一直(表面睇)相安無事，正常係唔會有人諗過 GEM 份合約都有問題。而 GEM 份聲明講到明一直忍氣吞聲，反映 GEM 今次唔係個別事件，張丹係一個好有問題嘅經理人。

另外，唔計 Soler 嗰單，我之前都從傳媒報導得知好幾宗呢類藝人合約糾紛，有香港有台灣，反映藝人合約問題真係好普遍。

首先要同 GEM 講句公道話。好多人拎住佢啲疑似「投共」言論而落井下石，我認為唔係太恰當。一來，客觀嚟講，公眾看待藝人應集中於佢嘅演藝作品；二來，論「投共」，GEM 拍馬都追唔上曾志偉、陳百祥、譚詠麟嗰堆仆街；三來，藝人嘅工作好多時係身不由己；更是四來，單純 GEM 今次嘅聲明，似乎更清楚「投共」嘅源由好可能係來自張丹而未必係 GEM 自己，更唔應該針對人。我甚至對於有人拎住佢「上海出生，移居香港」嘅身世背景嚟大造文章係感到反感，原因係响政治角度，要反共就要對事，唔係對人。唔計依家响獄中受緊嘅梁天琦都係由中国移居香港，點計都好，GEM 總算對香港社會有所付出，或最底線嘅係無貪圖本港社會福利。

講返正題，經理人嘅角色同職責，係為藝人處理工作接洽、日程安排等行政工作，讓藝人可以專注於演出；或是對歌手而言，唱片公司負責製作統籌、發行銷售、宣傳嘅工作。正因為經理人或唱片公司嘅角色同職責，變相操控住藝人嘅事業前途嘅生殺大權，於是乎就有唔少經理人或唱片公司會亂嚟。

經理人公司或唱片公司同藝人之間多數都有簽訂合約。正常嚟講，份合約係寫清楚權責，但唔少經理人/唱片公司等演藝機構捉住藝人總想住要大紅大紫唔敢得罪公司嘅心態，加上搏藝人唔熟識法律 (尤其是新人)而亂寫條款。目的係榨盡個藝人，或是「紅唔紅係我話事」對照藝人唔敢得罪公司而能操控住個藝人，甚至有其他不軌圖謀。以我所知，最常出現嘅仆街條款最少有以下兩種情況：

1. 抽佣計算方法留有灰色地帶；
2. 藝人不能以不合理的理由拒絕公司安排的工作

抽佣條款可以造成剝削
先講抽佣。表面上有數可計，例如電影票房、劇集賣埠、唱片發行量等等。撇除「篤數」，隨住社會文化轉變、科技發展，就有好多灰色地帶。例如廿幾年前，李克勤同星光唱片出現合約糾紛，具體細節我當然唔太清楚，當年嘅報導指係克勤不滿版稅計算方法，幾乎對簿公堂。江湖傳聞關於卡拉OK 點播率嘅嗰一部份。

歌手收入係靠版稅，版稅來源除咗出碟，依家就仲有 iTunes、KKBox 下載/訂購率。依家卡啦OK 式微啦，但當年係會計算埋卡啦OK 播放率。出碟銷售量姑且有 IFPI 監察住，iTunes 或 KKBox 條數都好難呃；但加洲紅、NEWAY、BIG ECHO 之類嘅卡啦OK 嘅點播率，真係無實在嘅監察機制，呢條數就真係可以任「篤」！

不能拒絕工作可以將藝人置諸死地
工作安排嘅條款咁寫，原意係基於藝人同經理人公司/唱片公司/電影公司/etc 存在互信嘅基礎，方便安排工作。但「講個信字」嘅相反就是「魔鬼細節」── 何謂「不合理」理由，可以口同鼻拗。結果就有唔少立心不良嘅公司，利用呢個法律條件任意魚肉啲藝人 ── 公司可以亂接JOB、狂接JOB，但藝人無得推JOB。藝人只要 SAY NO，公司唔老嚟起上嚟就可以認為違約，繼而起訴藝人。我估計 Soler 當年應該因為呢種意思嘅條款而出事。

呢種條款嘅恐怖之處，就係成為經理人或演藝機構嘅尚方寶劍，甚至為非作歹。以 GEM 今次件事為例，似乎係張丹不顧 GEM 嘅個人時間需要狂開 SHOW，GEM 疑似頂唔順叫停，但因為可能合約有「唔可以推JOB」嘅條款，張丹於是夾硬嚟，結果 GEM 「爆煲」而搵律師並且爆大鑊。

況且，就係可能有「唔可以推JOB」嘅條款，GEM 焗住要受張丹嘅擺佈，那管係向共匪獻媚都無得推。所以，照事論事，就算幾憎 GEM，真係唔應該對佢落井下石。

不過，唔係黑心，GEM 今次其實算係小兒科，事關 MeToo、南韓女星張紫妍2009年自殺事件嘅背景，亦都係呢種條款而導致。經理人做扯皮條，利用合約迫張紫妍「接JOB」。

就算唔搞出人命，唔係轉行做扯皮條，一樣可以「以工作為名」性侵犯藝人，例如台灣最近就爆出導演鈕承澤借 Casting 「劇情需要」非禮、強姦女演員嘅事件。雖然未必直接關合約條款事，但就肯定反映演藝界嘅黑暗。





再就算無侵害他人，呢種合約條款足以摧毁藝人嘅前途。事關「違約」二字可以「告到破產」；就算唔告，公司又唔迫藝人就範，但可以就「掟入雪櫃」；然後就編造輿論，施壓就起碼啦，使就算解約都難以投向其他公司，意圖使藝人「永不超生」，呢種先至夠晒黑！

例如徐懷鈺响2011年被起訴違約。據當年嘅報導，事件背景係佢被當時經理人公司享鴻娛樂接咗一個响杭州嘅登台表演，但佢去到先至知仲要「順便」老細飯局。Yuki 覺得受辱、認為有人身安全威脅，夤夜逃回台灣。但享鴻拎住份合約「唔可以推JOB」嘅條款起訴佢，要求賠償1000萬台幣。後來，曾任民進黨立委嘅資深藝人余天介入，享鴻都唔肯收手，甚至有小道話「就是要她永遠消失於演藝圈」。幾經斡旋都只係肯「收順啲」，400萬台幣結案。

我另外仲有一個諗法，就係徐懷鈺出道時同滾石唱片簽訂嘅嗰份合約都可能有類似條款，否則滾石高層姚鳳群唔可能公開炮轟佢「唔聽話」，有大量「傳聞」話佢耍大牌之類，鋪陳出响台灣有一股不利 Yuki 演藝事業嘅輿論氣氛，唔係都唔駛離開滾石之後，浮浮沉沉的只會遇上享鴻之類嘅仆街公司，要捱到近兩三年遇上天熹呢間相對正常得多嘅公司，事業先至重新殿定基礎。

呢幾個例子可以睇到，演藝合約有好大嘅問題。無錯，歐美演藝界都存在類似情況，MeToo 亦係咁嘅條件下出現，但歐美嘅演藝圈仲有「維權」意識同組織真係會做嘢，台灣嘅演藝人公會近年亦開始做唔少保障藝人嘅工作，但香港呢？想問古天樂、田啟文等人仲想等到幾時？係咪要再死多幾個藍潔瑛先至做嘢呢？





返回主頁

唔好講到揸巴士好危險

每逢有涉及巴士嘅嚴重車禍，啲報館電視台總係要搵啲「有朵有牌頭」但何謂巴士、巴士結構都唔曉嘅所謂專家出嚟說三道四，唔係話「車身猶如紙扎」就係話呢忽唔安全、嗰樣好危險；加埋啲濕鳩政客一味「快就是危險」「安全帶是萬能的」，係咁响坊間散播「巴士恐懼症」。恕我先「政治化」咁講，根本就係曲線宣揚「鐵路萬能俠」。巴士呢種車係咪真係咁危險？正如一把刀，可以殺人亦可以煮飯，睇你點用囉！

噚日西九龍快速公路單意外，啲專家又話車頭得份玻璃纖維，對司機毫無保障。睇表面確實係幾件玻璃纖維，但想問李耀培之類，知唔知裡面仲有金屬嘅呢？



睇圖所見，確實真係好簡單。但要知道 E500、Wright Gemini 呢類雙層巴士嘅設計，只係預你响市區入面或鄉郊「碌車」，無預你會安排部車响高速公路上飛馳。

响歐洲，歐盟法規訂明高速公路行駛嘅車輛，車廂中不能有乘客站立；「高速公路」泛指可以 60km/h 或以上行駛嘅道路。單係呢個論點，已經肯定香港用 E500、Wright Gemini 呢類雙層巴士行公路，根本係用錯車。大吉利是講句，點可能炒起上嚟唔大大鑊吖！

歐洲既然規定要上高速公路嘅車唔能夠有企位，所以採用嘅巴士响結構同機械方面就好唔同。呢類响香港通稱「旅遊巴士」嘅車款，關於車頭防撞嘅設計，確實比 E500、Wright Gemini 呢類雙層巴士，以至 E200，Volvo B7RLE 之類嘅單層巴士，稍為強一啲。

因為不論巴士定旅遊巴，其實响車底都仲有條「大陣」。正式名稱 Longitude Frame 係以厚度最少 7mm 嘅精鋼屈摺成［ 形，只不過巴士條大陣底部嘅離地高度大約320 - 350mm，仲要只係得司機位下面一條。旅遊巴就離地高度大約550 - 600mm，左右兩條齊晒 ── 一條响司機位下面，一條响上車門樓梯底。


就咁睇確係覺得巴士好危險，不過要做到低地台就一定係咁嘅結構。除非停止推動無障礙運輸，否則就係無辦法！

不過，歐盟又基於「不能對其他車輛或行人造成嚴重傷害」嘅理論及衍生嘅法規要求，唔可以強到盧覺強諗住嘅裝甲車嘅程度，必須考慮「卸力」嘅問題，所以旅遊巴其實都唔會真係好強。事實上，旅遊巴既為咗卸力，同埋要在車廂之下有行李倉，「大陣」去到前輪之後就會變返弱；而且，巴士車頭一定有度車門，結構上完全無得「頂」，所以車頭碰撞司機無可能唔遭殃。

歐盟一直有思量過加強駕駛室嘅保護，其中一項構思係响前幅骨架相對駕駛室地台嘅高度加裝盧覺強最鍾意嘅裝甲鋼板。高位置及概念如下圖 (記住响車身入面)


但研究結果發現無太大實際效用，甚至相反地增加私家車/客貨VAN 車尾嘅損毀程度，或導致司機「夾腳」；而且遮擋咗例如水撥摩打、車頭燈、防霞風機等設備阻礙維修，結果就放棄。

咁即係巴士司機只能準備「受死」？結構上好似無辦法唔代表唔可以有其他方面嘅辦法。其實歐盟關於車速限制嘅法規，算係一項理論上能提升巴士司機安全嘅措施。歐洲有對總重3.5噸以上車輛限速規例，巴士/小巴為100km/h，貨車係90km/h。巴士快過貨車仲話安全？傻架！揸開車嘅都知，巴士或貨車車尾會擋晒視線......

俾巴士開快少少，就係俾巴士爬過貨車，避免司機視線受阻。明未?!

到近年嘅科技發展，出現咗「自動剎車」呢樣裝置，就進一步減低巴士司機响意外受傷以至死亡嘅風險，不過要明白機器嘅嘢就算唔壞，都有技術極限，始終都唔係萬無一失。況且，香港運輸署對呢項設備又係諸多留難，詳細就日後有機會先至講啦。

意外無人想發生，但有啲嘢無搞清楚就亂咁噏，輕則誤導蒼生，重則製造恐慌；而意外唔發生都發生咗，當然要設法避免再發生，但亂噏一通就可以咩？計幾條中學物理算式得出撞擊力 109,700N 又點呢，可以防止悲劇重演咩？啲記者要同編輯搶版面都唔好咁搞啦！你要搵食，明白，雖則無犯法，但寫嚟又有乜為呢！






返回主頁

九巴冧機與新聞自由

港燦港豬成日以「我討厭政治」嘅思維去理解新聞自由同言論自由，認為只要唔講涉及政府嘅事就唔需要擔心。但噚日九巴冧機，正正對一眾港燦港豬當頭棒喝，成事件嘅來籠去脈反映新聞自由唔只非常重要，仲同生活息息相關。

九巴响噚日凌晨 0350 冧機，就沒有對外公佈任何消息。如果唔係有車長漏料俾 HK BUS CHANNEL，全香港都會被蒙在鼓裡，所有「我好鍾意返工」而要搭巴士嘅港燦港豬只會繼續响車站等了又等而唔知發生乜嘢事。

試諗吓，明明平常時大約十至十五分鐘上到車，噚日等咗起碼半個鐘甚至一個幾鐘，但完全唔知出咗乜嘢事，搞到你哋啲「我好鍾意返工」嘅港豬俾老細抦而解釋唔到，你老唔老嚟吖?! 跟住呢，就算政府話會調查事件，但就係全香港無人知道發生過乜嘢事，九巴可以「耍」咗政府就算，又甚至乎同運輸署運房局夾好口供然後話「無乜大不了，九巴會密切監察同檢討，盡量避免再有同類事件發生」，變成無頭公案跟住石沉大海...... 睇到呢度，最起碼應該明白有人「爆料」嘅重要性。

九巴以為「臭屎密冚」搞消息封鎖就可以瞞天過海，問題唔單止在於影響公眾係不負責任所為，仲有係九巴嘅動機如何養成。呢種同小農奴隸基因嘅「賊性」有關。「賊性」嘅本質就係做衰嘢唔想俾人知，而九巴由何達文到依家李澤昌，一味只顧削減開支，但同時地呢兩條友對於公共運輸服務係白痴，結果 cut budget 只顧啲「枱面數」而唔知隨時後患無窮。就以噚日嘅冧機事件為例，「殺」IT 部門之外，派更部亦不斷削減人手，就搞到就算可以轉「人手操作」都唔夠人做嘢。但「白痴」嘅人永遠唔會知自己白痴，而當爆鑊嘅時候，佢哋嘅白痴就會浮現出嚟，於是乎就唔想俾人知佢哋係白痴，所以就唔想有任何「家醜」外傳。





另一個養成嘅成因，就係威權主義作崇，以為可以隻手遮天。呢個唔單止係意圖搞消息封鎖嘅動機之外，仲係在過去最少24小時內不斷有風聲傳出九巴想抽出「漏料」嘅二五仔嘅原因。事關一來「家醜」外傳搞到無面，二來係「挑戰權威」嘅舉動破壞咗佢哋嘅自我地位。而走返轉頭，噚日嘅冧機事件唔係單純九巴內部嘅管理不善嘅問題，而係涉及到公眾利益。如果無 whistle blower，九巴成功地臭屎密冚，就九龍同新界嘅居民就要硬食。如果無新聞自由，九巴認為嘅「二五仔」就無辦法捍衛市民嘅搭車權益。

更大嘅問題係九巴請咗唔少前政府高官，其中最受爭議嘅係前警務處長曾偉雄。呢條仆街以往做過啲乜嘢仆街事，正好引證九巴嘅「臭屎密冚」嘅打算只會變本加厲。而今次事件，就係要以新聞自由原則打破九巴呢啲仆街諗頭，直接啲講就係警告禿鷹以至李澤昌同一眾九巴高層唔好諗住搞啲咁嘅衰嘢。

傳媒係第四權，主要作用係監察，今次九巴冧機事件，正正反映傳媒嘅重要性。相反地，就係傳媒嘅監察作用，令到當權者無得為所欲為，所以支那共匪不斷向傳媒機構上下其手，搞滲透、搞統戰，目的就係將傳媒嘅監察角色及形成嘅權力制衡力量消失。所以唔好再覺得新聞自由唔重要，要是連埋支那匪區嘅豬瘟事件去睇，就是食飯同搭車都要新聞自由為社會提供保障。





返回主頁

劉德華喉嚨發炎被抽水

劉德華噚晚因喉嚨發炎宣佈腰斬演唱會 (今日更宣佈取消今晚及明晚)，冚世界就「抽水」話佢好黐埋老懵董嗰度如今報應云云。在我嚟講，劉德華無LIKE無唔LIKE，另外就多少都明白歌手最重視嘅兩件事分別係出碟同演唱會，劉德華咁樣出事其實承受好大打擊，所以有叫人唔好打落水狗。又雖然「打落水狗」言論都係來自所謂會關心政治嘅人，以至「除了政治以外沒有別的事情」嘅人，但搞成咁，一定程度上反映公眾人物好難同政治呢樣嘢分割，藝人有責任要諗清楚自己嘅立場取態應該要點處理。

藝人同政治，表面上大纜都扯唔埋，但响支那共匪殖民形成一股氣氛籠罩之下，唔好話藝人，就算一般人，為咗「搵食」總有著「唔好得罪『阿爺』」嘅思想意識。而藝人始終响社會上有一定地位同影響力，更難免成為政治角力嘅籌碼。無論係「殺一警百」定統戰宣傳，利用藝人作工具都能產生莫大嘅效果。

問題在於唔少藝人在「搵食」嘅問題上，連任何人都應該有基本良知，或最基本嘅是非判斷能力，要不是如王苑之咁選擇逃避，就是客觀而言嘅錯誤判斷。就以劉德華接拍東大嶼填海計劃條片為例，佢接受董匪建華嗰面邀請時，有無先認真了解過個計劃會唔會有「伏」？要做判斷，先撇除任何政治元素，正如考慮接拍一套戲必定先了解劇本然後才做決定，係基本功來的；再者，見到係一個社會議題，就算唔判斷/唔識判斷個議題嘅合理性，也就是「小農奴隸基因」西瓜靠大邊，點都應該留意一吓社會上對個議題嘅反應，見到爭議聲有返咁上下大就應該諗清諗楚，都係常識來的吧。

劉德華被「抽水」唔止因為東大嶼填海計劃，仲有巴士佬 / 售貨員 / 餐飲行業拎返「今時今日咁嘅服務態度係唔夠架」出嚟「抽」埋一份。唔係話劉德華因為咁而「周街仇家」，而係清楚證明「判斷力」呢三個字，藝人比一般平民百姓更加之重要。

或者所謂「中国是最巨大的市場」，所以藝人點都要討好「阿爺」或最起碼唔好得罪「上面」，因而劉德華之類好難「推莊」。好簡單講，有藝人偏唔埋支那共匪堆都仲生存到，之不過搵得無咁多亦係事實；撇除貪念呢個問題，香港嘅演藝事業嘅空間只係得支那匪區咩？就舉啲極端少少嘅例子去講，例如杜文澤，《低俗喜劇》、《空手道》擺明無得响匪區上映，佢搵唔多咩？單係咁已經證明所謂「北望神州」嘅思維根本同井底蛙無分別，因而就以劉德華呢個例子，根本就唔係藉口囉。掉返轉講，如果個腦入面仲有支那匪區以外嘅市場嘅諗法，使乜俾支那共匪「鍊住條頸」先得架！





又就算係「中国的巨大市場空間」，好似梁靜茹，直頭向五毛黨還拖，少咗响中国嘅演出機會咩？唔係要求或期望香港嘅藝人可以做到梁靜茹咁樣，但梁靜茹嘅例子就證明根本無需要連良知、基本嘅是非判斷能力都要放棄。甚至再血淋淋啲講，有梁靜茹嘅實力，使怕支那共匪指手劃腳！講到尾，不過是香港嘅藝人思維狹隘、實力不足，所以先要對住支那共匪揸頸就命。

唔係要煽動香港藝人「作反」，但要表達唔認同以至反對官府立場有幾難，有理有據的話，支那共匪 / 港共傀儡政權奈得你乜嘢何！再串啲講，夠實力而又不是只著眼於支那匪區市場，共产党咬你食呀！






返回主頁

波德申補選再次見香港傳媒淪落

開始撰文嘅呢一刻，馬來西亞國會波德申 (Port Dickson) 補選已完成點票，根據當地傳媒報導點票進度 (非官方結果)，安華 (Anwar Ibrahim) 嘅得票已大幅拋離第二位「恐怖份子黨」回教黨納扎里 (Nazari Mokhtar) 逾四倍，可以話篤定當選呢一個議席，重返國會準備擔任下一任馬來西亞聯邦首相。安華嘅票數拋離對手嘅消息，早在投票結束後約兩小時 (即大約18:00) 左右陸續出現。

5月9日大選，香港傳媒就冷處理；今次補選，香港傳媒就急急腳狗衝咁報，最早嘅响大約18:00左右，就話預計當選。唔係報又鬧唔報又鬧，而係將今次補選同 509大選香港嘅傳媒報導取態進行比較，真係睇到香港啲傳媒都真係幾無腰骨。

香港傳媒對 509大選冷處理，我就猛火炮轟，話因為支那共匪有所顧忌選舉結果而「有指示」。今次補選，表面睇好似撥亂反正，但問題係既然 509大選就冷處理，而大選後馬哈迪就任首相就連番同支那共匪對著幹，理論上支那共匪嘅顧忌只會越重，因而都應該對今場補選作冷處理安排。但竟然掉返轉，真係唔使我起疑心。

問題在於，稍有留意南洋政治嘅阿水都知，安華勝出補選就將會朝擔任首相之路進發；而睇返希盟政府上台之後，支那共匪响馬來西亞嘅利益節節受挫，共产党班賊嘅思維好自然會諗如何扭轉劣勢。共匪所諗嘅係响大馬嘅利益出事只因馬哈迪，如果換上第二個就有變動嘅可能、翻身有望。呢個可以解釋支那共匪會好想安華贏嘅心態。就是希望安華贏，所以有「吹」佢贏嘅動機，亦於是乎解釋到點解香港啲傳媒咁急就報導呢場補選，仲要報得嚟係咁吹安華會當選，而唔似 509大選嗰陣，投票結束都只係話「投票結束，等待點票結果」；甚至是5月10日出晒點票結果，希盟推舉馬哈迪做首相，國王跟足程序處理宣誓安排，但《蘋果日報》就話「國王拖延宣誓」咁仆街。

另外，CCTVB 錯料 ── 安華係以「人民公正黨的候選人」身份參選，但真相係安華掛希望聯盟 Pakatan Harapan 牌頭出選。



基本Facts check 唔做當然有違新聞專業，問題在於 CCTVB 响傍晚六點幾就出 (網上已經遲起碼半個鐘，即係最遲17:00 多啲已經响新聞台做第一輪報導)，好有「急到瀨」嘅跡象。而點解急成咁，除咗係共匪主子嘅指令，似乎搵唔到其他原因。

將 509大選同今次波德申補選响香港嘅報導比較，可以見到：
第一，支那共匪真係好著緊馬來西亞嘅局勢變化。為乜咁緊張就唔駛再多解釋啦；
第二，因為對大馬局勢變化嘅著緊，輿論鋪排都要「計過度過」；
第三，香港嘅傳媒就視乎黨嘅取態想報定唔想報，而唔係純粹基於新聞價值去做衡量。

香港嘅傳媒機構根本就無腰骨，甚至再串啲講，因應本港政局已經「無腰骨」，連國際新聞都要「跟隨黨嘅指令」，直頭係軟體動物囉。





推前返少少去今場補選開始蘊釀，有傳媒報導 (唔開名喇) 話「馬哈迪要求安華先勝出補選先可以接任首相」，根本係一個誤導。馬來西亞係實行議會制，即有如英國、德國嗰種。首相必須係國會議員，而國會議員必須經由民主選舉選出。只不過太多人唔明、唔識，以至係小農奴隸基因只有皇帝嗰種諗法。可以見到香港傳媒處理國際新聞嘅能力同質素到底有幾不堪。

補選結果可以唔駛多懷疑，但安華即使就任首相，係咪代表「中馬關係」可以稍趨緩和；或者從支那共匪角度直接啲講，共产党响馬來西亞係咪會有返運行？須知道議會制政府唔係一個人話事；再者，安華、財長林冠英都係「好實際」嘅人，見到中国對大馬嘅經濟同政治會造成乜嘢影響，係唔會輕易轉軚。再者，劉特佐嘅問題一日未解決，支那共匪一日都唔駛旨意可以同馬來西亞有計傾。簡單而直接啲講，習匪近平早點就寢吧。






返回主頁

共匪封殺港澳台藝人，投共者窮途末路

中国国家广播电视总局响9月20日公佈《境外人员参加广播电视节目制作管理规定》嘅初稿，美其名「征求意见稿」，實際上都可以話有咗訂案。其中第二条寫明：

本规定适用于聘用外国及香港特别行政区、澳门特别行政区和台湾地区人员（以下简称境外人员）参加境内广播电视节目制作的活动。

政治上即係將香港澳門同台灣從中华人民共和国分裂出去，針對演藝界嚟講，即係將香港同台灣藝人踢出局。對於嗰班一味掛住「搵人仔」嘅藝人嚟講，今次真係大鑊。

第一層大鑊，即係準備以後唔駛再「為人民幣服務」；第二層大鑊，係因為過去不以香港或台灣為主力、甚至全部放棄演出，想「食回頭草」就要從新嚟過；第三層大鑊，就要政治化一啲講，尤其是對香港嘅藝人，就係呢堆一直只會「心懷祖国」嘅藝人，都做過不同程度討好支那共匪嘅言行。最顯然易明嘅例子莫過於陳小春。呢啲藝人响《规定》實施之後想响返香港搵食，應該都幾難，尤其是當香港歸英之後，必定Total Lost。

至於台灣，一來承如前述，比例上較少藝人會完全投入匪區市場，二來係始終台灣社會風氣普遍唔會「我討厭政治」，大多都仲有底線而唔會賣屎忽俾支那共匪。係除咗黃安同劉樂妍呢兩件垃圾囉。

有人話共匪實施咗港澳台居民證制度，投共去的港台藝人申請咗就可以了。講呢啲實在太天真了。睇清楚居民證有關嘅條文，無話係相當於「入籍」囉；而根據返《规定》嘅「初稿」，亦未見有條文承認居民證嘅制度之下就不再是「境外人員」。

投共去嘅藝人嘅未來前途會係點，坦白講真係Who Fucking Cares。尤其是當中国局勢急轉之後，佢哋嘅生死根本無需要理。所謂「路係自己揀，仆街唔好喊」。但出現呢個局面嘅前因後果，就好值得反省，亦該開始思量港、台演藝文化嘅前路 (記住，唔係藝人嘅前路，係文化主體)。

過去十幾年，香港娛樂圈流行一句說話「香港得嗰六、七百萬人，『內地』十億人，1%都多過香港，市場大好多」，充斥一股「北上搵錢」嘅風氣。確實，以經濟右派理論嚟講，由於人口形成嘅市場空間，加上匪區嘅好大喜功、財大氣粗嘅習性，演藝事業嘅酬勞比起香港真係非常吸引，令到唔少香港藝人都部份甚至全部放棄香港嘅表演工作。另外，台灣演藝界亦有呢股風氣，只不過人數比例上就無香港咁犀利，全面放棄台灣市場嘅比起香港亦寥寥無幾。

「人口多、市場大」確係吸引到藝人投入中国市場，但可有需要放棄香港原本嘅基地呢？所謂良禽擇木而棲，但放棄香港市場，表面上係「搵食」嘅人性表現，實際上根本心不在此。通俗啲講，响香港開到飯駛乜向外闖吖。過去十幾廿年嚟，香港嘅演藝界有善待藝人嗎？剩係講 CCTVB 俾得雞碎咁多人工，已經說明一切。雖然娛樂圈唔止 CCTVB 一間公司，但要不是 CCTVB 壓榨在先，其他演藝機構會跟風咩！ 無錯，亦有唔少藝人唔爭氣，演藝界淪亡可能係一個「雞先定蛋先」嘅問題，但承如我過去講過好幾次，不論經營者/投資者還是藝人本身，有無尊重過呢個專業呢！

另一方面，經營者/投資者不斷壓榨藝人，除咗係奴隸主嘅心態同價值觀之外，無法排除呢班人係受支那共匪嘅擺佈、指揮。在政治角度上，支那共匪視演藝事業係意識形態鬥爭嘅工具，在要控制香港嘅鬥爭上，一定要消減甚至消滅香港主體嘅文化。引伸到金錢利益方面，透過合拍片之類嘅利誘引到班經營者/投資者歸邊，另外當然吸引到藝人「北上掘金」；但同時地將香港市場進行「萎縮」操作，使一啲唔願意歸順嘅經營者/投資者、藝人、幕後製作人等嘅「搵食」就算唔出問題都被「比下去」。

最大鑊嘅問題係成個演藝界被支那共匪利誘而對香港忘本之餘，更忘記咗原本可以有嘅市場其實唔止香港，仲有其他粵語/華語市場。搞到冚世界就只會「心懷祖国」，落入支那共匪政治鬥爭嘅圈套。曾幾何時，香港嘅電影、電視劇「賣埠」嘅地點係台灣、新加坡、馬來西亞，但近呢十幾年，仲有幾多電影會去台灣爭金馬獎？仲有幾多藝人會去台灣拍劇？有幾多歌手出唱片 (不論廣東大碟定華語專輯) 會去台灣、星馬做宣傳、去開演唱會？就講返演唱會，去台灣開嘅已經無乜，近期就有鄧紫棋 (林口體育館) 同譚詠麟 (台北小巨蛋)；星馬呢？得張學友 (吉隆坡) 同李克勤 (新加坡)咋。其他嘅就只係識去匪區巡迴演唱囉！





留意返，會「殺」去台灣、星馬嘅演員歌星，本身响香港都有一定基礎，你叫嗰班近十幾年只顧「搵人仔」嘅藝人可以去？呢個既係《规定》實施之後佢哋會「慘死」嘅原因，另一方面亦係香港與及台灣藝人在《规定》實施之後嘅出路。簡單啲講，就係先响香港或台灣扎穩根基，再向南發展。

再者，雖然香港同台灣响語言系統上未能互通，但有經常去台灣而又唔係只會去遊客區吃喝玩樂的話，其實會發現香港同台灣嘅語言交流唔係雞同鴨講。深入少少講，台灣嘅國語嘅用字其實有唔少「香港字」，例如「搭捷運」而唔係匪區普通話「乘地鐵」。香港同台灣嘅演藝文化係可以結合，甚至乎結盟，成為一個「聯合演藝文化基地」。至於星馬，唔好以為係華語嘅世界，查實唔止類似台灣流通幾種漢字語系，仲係香港語(粵語) 可以大行其道，尤其是新加坡、吉隆坡、怡保等地。嚟緊11月9-10日陳潔儀會响新加坡濱海藝術中心開25週年演唱會，開宗名義大唱廣東歌



睇到港、台、星、馬嘅文化連結係可行！亦睇到過去呢十幾年香港演藝界遺忘咗南洋市場係幾咁憨鳩嘅所為！

咁講啦，支那最唔想見到呢個連結嘅存在，因為俾香港 (以至台灣) 嘅藝人唔駛靠匪區就開到飯，就無辦法進行政治操控。但隨住《境外人员参加广播电视节目制作管理规定》嘅出現，就會係重新建立呢個連結嘅契機。真正具備實力嘅演員、歌手、創作人當然要做好準備，一般人亦應當迎接演藝文化新紀元嘅來臨。

後記：支那共匪成日話香港台灣係中国不可分割嘅一部份，今鋪就將香港同台灣列為「境外」，清楚可見香港、台灣係咪中国領土只係隨政治形勢任得共匪鳩噏。堅持「香港中国不容分割」嘅支教民左賊又輸一舖。






返回主頁

Facebook 變質到用唔用都無大分別

Facebook 出現本來嘅目的係「尋找失散多年嘅朋友」，但隨住貼文功能嘅發展變得多元，逐漸變成為資訊流傳嘅渠道，甚至產生推動社會進程嘅作用，例如香港過去十幾年嘅保育、社會運動、佔領等等。於是乎有人話 Facebook 已變成政治角力場，再衍生出所謂 KOL 、識打字就是評論員等網絡生態變化。

用途「政治化」之外，Facebook 公司本身亦都政治化。朱西百格為咗打入支那匪區市場不擇手段，乘著用途變得政治化，就開始一連串扭盡六壬、古靈精怪、痴線變態嘅操作，所謂 Community Standard 無限搬龍門，縱容五毛黨嘅存在，但同時針對同支那共匪「過唔去」嘅帳戶、專頁，搞事搞幹。輕則刪POST，重則禁言，以至「極刑」取消帳戶。可以見到 Facebook 已經變晒質。

在要數臭朱西百格之前，以所謂「自己眼中的樑木」的去睇返隨住 FB 發展繁盛嘅網絡生態變化，除咗孕育出所謂 KOL 、識打字就是評論員之外，值得留意嘅係，唔少人對於接收資訊，唔好話身邊朋友發生乜嘢事，就連社會上有乜事發生緊，已偏向甚至完全依賴 Facebook，無咗主動性。

對於每個人嘅朋友圈子，呢啲私事就唔多干涉；就是新聞資訊，自從 FB 興旺以來，仲有幾多人會自己主動去睇報館、電台、電視台嘅新聞網站？唔好話外國新聞都懶得去睇，就連香港本地嘅都闊佬懶理。以我最近三至四年嘅觀察，唔止係好少主動去新聞資訊嘅網站，就連 Facebook 出 POST 貼埋條 Link 可以睇全文 (不論香港、外國，或是博客作家網站)，頂盡得30%嘅人有 click，仲要當中唔少係「標題黨」── 睇下出 POST 嘅 caption 先至考慮係咪 click；其餘的都係無 click 條 Link，甚至近一年嚟仲有人同我講「吓，乜有 Link 可以 click 嘅咩??」，即係全無意識、意念可以睇晒 whole story。引伸出嚟，即係根本啲人懶到出汁。或者掉返轉去分析，呢啲人其實响未有 Facebook 之前嘅時空，普遍地 Browser 嘅 Home page 設定係 Yahoo，都唔會睇下社會、以至地球上發生緊乜嘢事。只不過 Facebook 嘅出現，叫做有可能「眼尾望過吓」嗰隻。

可以話，Facebook 嘅普及其實係「養懶人」── 以往尚且有了解過吓個世界發生緊乜嘢事嘅人，因為 FB 嘅「方便」而唔再自己「摷新聞」；懶開嘅更加懶。綜合而言，對社會以至整個世界，FB 使人更加無知。

最大鑊嘅係，隨住朱西百格嘅投共所為越來越猖狂，加埋「毛澤東私人攝影師個仔」── FB Greater China CEO 陳澍嘅仆街，到底每個帳戶可以接收到乜嘢資訊，不論係朋友嘅事情、還是新聞消息，完全受到操控。之前已經講過「演算法」如何出蠱惑，壓低某啲帳戶 / 專頁嘅 feed distribution、或帳戶嘅 feed receiving。





近期更發現多一個仆街嘅做法，而似乎針對香港同台灣 (香港嘅比重較台灣大)，就係 delay feed distribution。同樣係針對某些 PAGE / 帳戶，尤其是「政治化」的 PAGE、傳媒等。Delay 9小時或以上，甚至我遇過嘅最高紀錄係14小時。即係點？


睇 Timeline wall 所謂嘅 Top Stories 係「演算法」亂鳩咁嚟就唔駛多講，而「演算」得嚟，好多傳媒 / 作家 / 政客 PAGE 以至帳戶 嘅 Posts，見到嘅時候已經係 9 hrs、14 hrs，搞到 News 變 iMoM。轉用 Most recent 呢？so9ry that 直頭唔派 feed。除非响 Search box 直接 click 過去某個 PAGE 或 帳戶，然後不斷轆 Mouse 嘅 pointer Scroll down，先至睇到出過乜嘢 POSTS，知道報館/電視台出過乜嘢新聞、朋友發生過乜事。

即係話，用唔用 Facebook 對於每個人嘅社交生活，以至留意社會時事，都係無意思，都係要靠自己。咁同時光倒流去返2005年以前，其實無分別。當然的，同時見到 Facebook 將會沒落同如何沒落。所謂花無百日紅，加上朱西百格同陳澍呢兩條撚樣嘅仆街，Facebook 已經進入 Counting down 階段，大家係時候要改變。只不過習慣嘅嘢，無可能一時三刻、三五七日可以改變，現階段大家姑且繼續用住先，但都要開始熟習返得閒搵下啲朋友嗲下吹下水、瀏覽唔同嘅網站尋找新聞資訊等等。

成言，小弟亦逐步開始「做嘢」，但亦需要大家嘅配合。目前還是維持在 Facebook 嘅運作，但懇請大家直接訂閱小弟現時運作嘅各個平台。習慣用手機睇我呢度嘅文章嘅朋友，想加入「追縱」訂閱，除咗用 Notebook 或返到屋企用Desktop 電腦做之外，可以用以下嘅方法：

Step 1，轉做「網絡版本」

Step 2，指去右邊，見到「追縱」check box，然後用手指「篤」一下

咁就搞掂

除咗呢度，暫時仲有 IG、Medium。往後再有乜嘢變動，都會通知大家。





返回主頁

碧桂園死撐，港燦唔抵爭

噚日馬來西亞首相宣佈會禁止「新加坡一河之隔」嘅碧桂園森林城市賣俾外國人、唔會向買家發出居留簽證之後，碧桂園發出聲明話只係傳聞、「未有確實消息肯定有關措施」死撐，好多港燦、五毛就起勢話「禁售」只係老吹老作云云、或是保守少少跟風話「傳聞」大家唔駛緊張。雖然馬來西亞政府真係未發出官方文件確認，但只要清楚馬來西亞嘅移民政策，根本唔會選擇相信碧桂園嘅聲明，甚至一早唔會落搭買呢個樓盤。

縱使到依家都仲未見大馬政府嘅官方文件，一切都只係建基於傳媒報導。香港嘅傳媒多數引述 Reuters。路透社一貫唔會亂「賣稿」，而本身嘅「消息」都係來自當地嘅傳媒。我睇返噚日嘅「消息」發佈時序，最早嘅係新加坡 Channel News Asia。「森林城市」所構成响政治方面嘅威脅，新加坡係有份承受，即係話「傳聞」嘅可信性係存在，或最起碼「唔會流得去邊」。

更要知道 Channel News Asia 係新加坡政府有份嘅 Media Corporation 旗下嘅傳媒機構，即係話「傳聞」有官方加持。响呢個條件之下，仲選擇信香港傳媒狂推嘅「碧桂園否認『傳聞』」嘅友仔，唔係傻嘅就係無腦啦。只不過港燦習慣地「我討厭政治」同國際視野係零，再加埋總是「祖国很強大」嘅潛意識，咪信「只係傳聞」囉！





再推前返去個樓盤聲稱「永久居留權」嘅宣傳技倆，相對馬來西亞最原本嘅移民政策，其實係除非基於家庭因素，例如已故香港藝人陳儀馨嗰隻，否則無得移居入籍，係只能「定居」，無公民權，即係連教育、醫療等社會福利都唔會有；或是近年好多人吹捧嘅「第二家園計劃」(MM2H)，更講到明唔會有得入籍，根本可以意會到碧桂園有可能呃神騙鬼。試諗下馬來西亞政府點會無端端因為一個樓盤而改變政策？你話信嗰個係咪個腦有問題吖！

我有聽過有啲友仔話納吉同中国關係「友好」，提供啲「優惠」俾中国有乜出奇。道理上好似講得通，但對比返最原本嘅移民政策，根本係名不正言不順；掉返轉，相對於MM2H，其他樓盤嘅買家見到，撇除「狗衝」，條氣一定唔順。引發以 MM2H 定居嘅人嘅不滿情緒事少，隨時搞到 MM2H 都話要爭取有得入籍/永久定居，即係馬來西亞分分鐘要大開中門，咁仲得掂嘅?! 可以睇到馬哈迪「斬」嘅原因，亦睇到有言論指納吉係「引清兵入關」嘅賣國賊真係無講錯，另同時睇到啲俾楊國強父女 tum 落搭嘅人係幾咁憨鳩白痴無腦！

另外，做返啲「考古」，小弟响兩年前已經發出警告訊號小心唔好俾人昆，呢個樓盤可會係一個騙局、甚至爛尾；雖然以馬哈迪嘅宣告內容嚟講，「爛尾」嘅成因有別於當初我所預計的，但掉返轉講，如果當初有聽我「鳩吹」，依家咪唔駛準備做苦主囉。而由今次碧桂園森林城市嘅事件可以見到，港燦真係唔抵可憐，甚至可以話死有餘辜。

碧桂園今日股價中午收市下跌42仙，報$11.72。雖未至於插水式下跌，但後市仲有幾多承托力，自行判斷啦。





申報：本人未持有碧桂園任何股份，或各類投資產品。

返回主頁

馬哈迪怒斬共匪到一地都係血

馬來西亞首相馬哈迪今日接受美聯社訪問，宣佈取消三個總值逾USD220億、由支那共匪揸莊嘅基建項目。而馬哈迪將在17AUG到中国官式訪問，呢個訪問有如向支那共匪「送大禮」！

三個項目最多香港(及台灣)人知曉的是東海岸鐵路，另外兩個係能源輸送管道工程，分別係連接馬六甲至吉打嘅多元石油產品輸送管 (簡稱PMPP)，與及連拉沙巴東岸金馬利 (Kimanis) 至山打根嘅沙巴天然氣輸送管 (簡稱TSGP)。撇除金錢問題，PMPP 同 TSGP 涉及戰略和國防安全問題，而明知支那共匪响南海進行軍事擴張，俾著你係馬哈迪，點會唔「手起刀落」！

香港嘅傳媒雖然都有報導，但素來都知香港報導國際新聞都係唔多可靠，梗係上網搵外國傳媒嚟睇啦。除咗搵到美聯社嘅「原裝正版」 之外，亦搵到大量西方英文傳媒嘅報導。不論美聯社定外國傳媒，對於三個項目嘅用字係Scrap。呢個字中文譯作「拆毁」。

小弟嘅英文水準唔算好，但都可以班門弄虎講解一下。香港傳媒用「取消」，相對返英文可以係Cancel，或Terminate。呢兩個字套用於工程的話，可以用「停工」。但要知道英文用唔同同義字或近義字係表達語氣同立場態度。Scrap 嚟表達「停工」，可理解成「拆散埋佢，無得再重新嚟過」，意即「斬纜」。而睇返美聯社嘅原文：
Malaysia’s new government has already suspended work on the projects
Suspend 本身亦係「停工」之意
再睇跟住落去嘅一句：

If scrapping the projects altogether isn’t doable, Malaysia will need to at least put them on hold until the future

字面翻譯係「如果現實係無法拆毁，馬來西亞會視乎未來有無需要」。
又注意返，馬哈迪都係受英式英語教育，過去我講過好多次，英式英文有Under-statement嘅習慣傳統。按此傳統而將兩句夾埋一齊理解，即係「早已停工」，依家係「唔想再見到佢」。簡單而直接啲講，馬哈迪同支那共匪講「呢三單嘢同我收皮」。

另一方面，香港嘅報導比較集中於「取消」三項基建項目，但睇返美聯社嘅報導，訪問仲有講到兩個範疇，包括南海主權爭議，與及緬甸羅興亞人道災難。

緬甸嘅問題對香港嚟講比較遠，或俗語所謂「大纜都扯唔埋」，姑且擱下不談。至於南海主權爭議，可以話先至係戲肉！

雖然都有香港傳媒報導南海主權問題，但只係提到促請中國唔好挑起無謂嘅緊張。但睇返美聯社原文：

Mahathir also urged China to respect the free movement of ships throughout the South China Sea and reiterated his call for no warships to be based there.
We are all for ships, even warships, passing through, but not stationed here......... included U.S. vessels.
It is a warning to everyone. Don’t create tension unnecessarily.

馬哈迪唔係「促請」，而係「警告」，語氣根本重好多。仲直言「就算美國嘅軍艦都應該响南海通行無阻」。夾埋晒三句嘅字面意思其實係「警告你支那共匪好拆鳩晒你啲乜春軍事基地」。另睇埋後段 Malaysia would continue to welcome American investment, particularly in high-tech sectors, he said, as he promised tax breaks and other incentives，老馬其實向支那宣告「馬來西亞唔睇你支那共匪面色，依家就係企响美國嗰邊」。更是 tax breaks and other incentives，相對返前段關於三個基建項目「善後」係Some of that money has already been paid and could be difficult to recoup. 嘅意思係「告我毁約都無錢賠俾你」，即係擺明車馬對剃支那共匪眼眉。

單係睇呢篇訪問報導，支那共匪响馬來西亞嘅勢力已經崩塌，再睇返過去兩星期馬哈迪兩度出訪日本，除咗同日本政商界進一步商討借貸及投資之外，仲有話考慮同Toyota、Nissan 合作馬來西亞汽車工業。對照返之前馬哈迪/希盟政府明言對支那共匪吉利汽車為大股東嘅Proton「自生自滅」，唔只見到支那共匪Total Lost 於大馬，亦睇到馬來西亞已經同日本與及美國聯成一陣線。

支那共匪依家已經入咗深切治療部，爭在幾時俾人「拔喉熄機」。





返回主頁

要藝人免受凌辱，先要學識尊重藝人

南韓女星張紫妍2009年自殺事件，近日因為南韓嘅刑事檢控期限即將屆滿再被翻出來，有指她的經理人做扯皮條 (香港叫法「雞頭」) 迫她做應召女郎，由陪酒到上床，甚至SM、Orgy、Double Penetration、Trio-bang ...... 乜都玩齊，更要她進行結紥手術方便各行各業的老闆「享用」時可以無套中出，可見南韓人嘅變態程度令人咋舌。另根據報導指南韓警方在張紫妍報案嘅冷淡處理睇到韓國人重男輕女嘅態度係幾咁仆街。

雖然褻玩性侵藝人唔只發生於亞洲，美國荷里活、歐洲演藝圈一樣有，「metoo」事件都係咁樣嚟。一般人認為呢類事件嘅成因不過是經理人、製片人、監製之類大權在握，演員、歌手為咗事業生計唯有就範，以至再衰啲嘅小農奴隸基因 ──「一買一賣」之嘛，甚至係「這就是發明星夢嘅代價」。但點解會有呢類事件發生，無乜人深究過，更無人反思過，頂多只係從金錢嘅角度，認為演藝圈嘅生態不過如此然後作結。

要講錢，就要從經濟右派嘅角度去分析。「右派」嘅理論基礎係供求，有何「求」導致啲仆街經理人、製片人、監製之類會提出「供」？又或者啲經理人、製片人、監製之類同演員、歌手之間就呢啲不道德的交易有何供求關係？後面條問題好多人都會明白，唔駛多講。想詳細啲可睇返前文《係時候對藝人的壓力做反思》。至於前面條問題，除咗錢之外，不容否定的是，係對「藝人」嘅所謂身份地位嘅想像，以至幻想。金錢方面，當然就係藝人嘅收入生計問題，不論係「無通告」要開飯就上床都要做，或者認為藝人為咗賺更多錢上床都無所謂。至於想像以至幻想，就係覺得「搞明星」係好威水嗰份虛榮感 ── 明星人人識，但就係我同佢上到床；又或者同金錢角度嘅虛榮感 ── 老子有錢有本事同明星上床。





深入一層做思考，無論係「同明星上床好威」定「有錢搵明星上床」嘅虛榮感，其實都係基於一種「明星唔係普通人」嘅看待態度，講到尾都係一份唔尊重嘅思想心態。無錯，「發明星夢」呢四個字對某啲人真係好大引誘，但唔係成為經理人之類可以胡作非為嘅藉口。

或者大家認為我諗得太理想，覺得從事演藝圈嘅應該只集中磨練演技唱功，啲仆街經理人之類應該消失。事實上我亦知現實世界一定有仆街，賤人永遠係掃唔晒，但是只要仍有視藝人、公眾人物係「好另類」，嗰份虛榮心就必定存在，啲變態佬仍然會「求」、啲仆街經理人仍會搵辦法「供」。社會應該要學會「藝人嘅工作唔係anywhere，anytime，離開咗螢幕、舞台就如一般打工仔 after office hour『收工』」嘅觀念；或者套用來自高登嘅「靚女唔疴屎」嘅笑話，即係藝人在工作以外，都係要過一個尋常普通人嘅生活。

所謂「仆街掃唔晒」，但無謂增加仆街嘅數目，就由大家做起。

後記：張紫妍慘劇被翻出，令我產生一個懷疑，當年台灣滾石唱片一個姚姓嘅經理係咪打算安排响南韓做類似嘅交易？只不過有人唔肯就範，但之後就開始一連串負面新聞出嚟，嚟劑一沉百踩過佢嘆。邊個歌手就唔開名喇。如果我烏鴉口佢都係受害者。再者，「過咗咁多年」都無謂再考究。





返回主頁

係時候對藝人的壓力做反思

盧凱彤墮樓終結生命，確實使人非常悲痛同惋惜；縱使我不是她 / At17 的Fans，尋日嘅心情都唔是太好。原因可能同我都曾經係情緒病患者，或多或少有點感同身受；加上近期多咗接觸娛樂新聞、演藝界的人和事，對於 Ellen 的不幸，再有多一重的思量。

盧凱彤的經理人昨晚在 FB 出post，從新聞角度正式確認她的離去及感謝各界關心之餘，亦提及她的情緒病經歷。一般公眾總有意識「藝人面對好大壓力」，但似乎無乜人認真思考藝人嘅壓力來由，極其量只係「藝術家特質」然後再無補充陳述。

單純工作方面嘅壓力，其實唔難理解。從最「小農」嘅搵食開始講起。打工仔定時定候返工(放工)，個個月準時出糧，人工幾多一清二楚；但藝人無固定返工時間，無準時出糧，仲要唔係今個月出咗糧就知道下個月有糧出，而係做咗嘢先至(應該)有糧出，出咗之後唔知下次幾時有得出，人工銀碼幾多，視乎「通告」嘅主事單位offer，天價又得、賤價又得。然後的，啱價就做，唔啱價唔想做都可能要焗住做；相比打工，上司交項任務俾你，唔LIKE可以彈，又就算「硬食」，你份人工起碼無減到。

藝人「搵食」嘅金錢問題，理論上同工作表現掛勾。最容易理解嘅講法 ── 出唱片嘅銷量、拍電影嘅票房收益、拍電視嘅收視成績。再引伸出嚟，就係有幾多人會聽/睇佢嘅工作。但同時地掉返轉，每一次嘅工作要面對嘅人數，起碼幾百，甚至成千上萬。相對打工仔頂多對住幾十人 (就算大公司幾千人，都只係對住一個部門幾十人)，嗰份壓力已經唔嘢少。或者換另一個該比較貼切嘅比喻 ── 學校「天才表演」、話劇比賽、歌唱比賽，上台就要對住合共過千名師生...... 想像到嗰份壓力吧。

再深入一啲講，所謂「台上一分鐘，台下十年功」，唔好講經驗累積同學習，出碟要練歌，而唱歌唔係大家平常去唱K(認真唱嗰隻) 唱啱個音就得，運氣發聲如何配合編曲，已經唔簡單。再講埋「感情」投入嘅準備功夫，又要參透歌詞，又聽監製講解兼聽編曲以至Demo 去「憑空想像」。拍戲仲高難度，响每次「通告」時，參透劇本、熟讀該場戲嘅對白之外，每一個場境唔計NG，起碼要重覆拍幾次唔同角度，先至可以俾剪接師剪到大家入戲院、對住電視睇到嘅畫面。

舉個例，就如昨日巴士台HK Bus Channel「出街」同小弟 Cross-over 嘅旅遊巴士試車片集，開場見到我行上車、坐入司機位再到閂門嗰十幾秒，總共拍咗三次唔同角度 (連埋剪咗無用嘅拍咗五次)！每拍一次，都要記住左腳定右腳開步先，坐入去司機位個籮柚係點樣轉。真係想講「你哋睇就輕鬆呀，試下做就知有幾唔好玩」！

拍 Documentary 已經叫簡單，拍戲的話仲要講求揣摩角色，即係要將自己「變咗做另一個人」。技術上對常人而言已經好高難度，要演得逼真分分鐘抽離唔到角色，搞到「懷疑自己係咪變成另一個人」嘅心理包袱，就隨時可以搞出「大件事」。

單係呢啲工作所形成嘅壓力，已經非一般人嘅水平。可是，坊間總是坊間只會覺得「明星搵好多錢」好風光，忽略藝人背後嘅辛酸，更是無咗對藝人嘅基本尊重。剩係講盜版嘅問題已經有排講。太多人只圖免費，唔會諗藝人「開飯」嘅問題，又或者就係諗住「明星搵好多錢」然後「少我一個唔少啦」。無錯，近呢十幾廿年，演戲嘅唱歌嘅，質素如何唔想再多講，但低質素嘅作品、實力欠奉的表演者可以眼尾都唔望，由市場進行淘汰係可以。只不過，港燦就是只會羊群心態的跟風，見「人氣」勁就衝過去。

而「人氣」係可以造出嚟，例如「買Fans」、造新聞等等。要「造」與否同如何「造」，都係公司做主導，結果就使藝人要受公司擺佈。俗啲講即係想紅就要「聽話」，唔受擺佈嘅唔駛旨意紅，就算紅都可以造幾單新聞打返落十八層地獄.......無形中再增加藝人嘅心理負擔。





其中「造新聞」呢樣嘅「人氣」條件，一定程度上係建基於小農奴隸基因的「戲子」之念，覺得佢哋嘅生活是與眾不同；或因為佢哋嘅工作是要面對成千上萬嘅群眾，引伸而成統稱「公眾人物」在社會上嘅身份，就產生「八卦」心理，結果就催生「狗仔隊」之類嘅怪物出嚟，連私人生活都彷彿要公諸於世。

藝人嘅生活關你哋啲港燦乜事？我曾聽過有「燦」回答「公眾人物嘛，一舉一動受到注視係理所當然」，真係唔知乜嘢道理！低層次啲講，藝人嘅工作係向公眾提供娛樂；工作地點唔係anywhere 時間亦唔係 anytime。掉返轉講，一般打工仔 after office hour 上司「騷擾」都有啲火，你俾人「監視」都唔高興，為何認為藝人連私生活都要曝光是理所當然的??

總括嚟講，演藝人在工作本身已經要承受無比嘅壓力，公眾再額外增加壓力實在講唔過去，更何況藝人在社會上嘅基本職責是唱好啲歌、拍好啲戲，唔係連食飯、疴屎都要俾你啲港燦拎嚟娛樂。唔好再留意「揭陰私」的娛樂新聞，就算唔稍為認真研究何謂唱歌唱得好、做戲做得掂，都唔好再為藝人添加不合理嘅煩亂。不幸嘅事件，一單都嫌多。

最後，願 Ellen 安息，無人再煩你喇；願家人振作。

延伸閱讀
解決演唱會黃牛黨，還原基本步先再講




返回主頁

郭釗要幫共匪做說客唔該先做足功課

雖則有云言論自由就是任得你噏，但「道理」兩個字亦是原則底線，尤其是傳媒，更不容無理取鬧，甚至基於立場取態亂噏廿四更加不能接受。

如前文所述，香港傳媒對馬來西亞大選的報導及分析，因為支那共匪在馬來西亞嘅利益，搞到不堪入目。《蘋果日報》似乎仲未有意識要制止呢啲亂報亂寫，今日再多一個近年狂sell外國置業、尤其是大力吹捧馬來西亞物業嘅地產佬郭釗亂鳩咁寫《馬國不會自斷米路》。

無錯，因為馬來西亞憲法第153條的「馬來人優先」，大馬華人由讀書到就業都受到壓制，因而普遍出國升學同發展事業；亦同時導致唔少大馬華人(尤其是年紀較大的)比香港支教民左賊更心懷「祖國」。但郭釗文中所言的「有爭一口氣的感覺，也樂見中國在此投資做生意」，就真係唔好意思要講句「郭生今晚早啲瞓啦！」加埋佢又話「馬拉人更樂見中資帶動他們的經濟發展」，完完全全吹噓支那共匪係馬來西亞人心中的救世主。單係呢兩點已經清楚肯定郭釗在為中国共产党做推銷以至做說客。

點解要「老屈」郭生是在為党效力？講到錢，香港啲金融佬地產佬有邊個唔係仲吹緊「『祖國』強大」呀。再者，有一直跟開馬來西亞同財經有關嘅新聞，都會知道「馬來西亞最大外資來自中国」。標題擺明 passive voice 話「馬來西亞唔會為咗錢破壞同中国嘅關係」。

要理解郭釗咁寫錯咗乜，先要明白南洋人不論膚色種族，思想其實好現實 ── 有飯食就可以，但唔會因為邊個俾飯佢哋食就當佢神咁拜。郭釗跑咗咁多年大馬地產無理由唔知當地人係咁嘅思想，知而都係咁寫仲唔係幫支那共匪講好說話，或起碼係擦共匪主子鞋？又或者掉返轉，如果郭釗唔知當地人係咁嘅思想，唔單只證實呢篇爛文係鳩吹老作，嚴格啲講係無資格寫！

所謂唔出都出咗、印咗落報紙冇得改㗎喇，就再仔細睇下佢廢噏啲乜。發現最少錯咗兩個論點：

第一個係「一馬貪污案是他們(希望聯盟)勝利關鍵」，呢個簡直係極度嚴重低級錯誤。無錯，以支教民左賊最鍾意講「高層次論述」嘅思維，1MBD 確係納吉同巫統嘅死因之一，只不過馬哈迪講過，响整個競選過程當中，講得最多嘅唔係 1MBD，而係 GST (消費稅)。馬哈迪有解釋過，對於「連飯都食唔飽嘅平民」嚟講，納吉貪26億唔關佢哋事，但 GST 搞到要節衣縮食就怒火沖天。雖然，以支教民左賊嘅思維 GST 都係源於 1MBD，但兜咁大個圈先燒到選民最貼身嘅問題真係蚊都瞓。好明顯郭釗又係零國際視野井底蛙思維，然後自我幻想亂寫一通。就算因為香港啲傳媒無認真報導今次選情而郭釗唔知，但是張秀賢在《明報》撰文提到佢親自到當地觀選而聽到最多嘅不滿聲音就是 GST，而篇文响5月14日出街。早過郭釗尋日交稿囉！佢篤 keyboard 之前無睇過，就係失職。

郭釗或者想拗「張秀賢咁寫又如何？咪又係佢主觀諗法！」，但是，唔好話如前述連馬來西亞人嘅思想都唔曉，秀賢親自到當地視察，佢見到嘅嘢唔準過你郭釗响香港FF?! 如果再加埋曾擔任納吉秘書的胡逸山都接二連三話 GST 係希盟勝出大選嘅最大關鍵因素，直頭可以向郭釗大叫「連功課都唔做寫乜春國際嘢，你收皮啦！」

第二個係「林冠英擔任第一位華人財長」，完全超錯。

馬來西亞第一位華人財相係李孝式爵士，任期是1957至1959年。郭釗或可以打橫嚟講「馬來亞聯合邦 not 馬來西亞聯邦」(如果佢識的話，但睇怕佢唔識囉)，但是南洋政治研究就是視「馬來西亞聯邦」延伸自「馬來亞聯合邦」，原因是馬來西亞聯邦是馬來亞聯合邦加入新加坡、砂朥越及沙巴(當時稱為英屬北婆羅洲)而成，加上巫統的執政就是由1957年開始 (嚴格講是1955年) 一直到2018年5月9日，所以第一位華人財相是李孝式。郭釗連 Google 可以搵到嘅料都錯，簡直不知所謂！

只不過如果寫出呢個歷史真相，就不能將林冠英進行「神明化」然後基於「黃皮膚黑頭髮就是『中國人』」提出有利支那共匪嘅推論。無咗呢個推論就無得 spin 馬中關係將如何提升......再然後佢又點推銷中国地產商的樓盤呢！再次反映郭釗今次篇鳩文唔係意圖為支那共匪做說客，或推銷其馬來西亞物業銷售生意，真係搵鬼信。

仲有，郭釗話「馬哈迪委任郭鶴年擔任財政顧問」，剩係「財政顧問」又係錯晒。郭鶴年加入的是「國家元老理事會」。理事會嘅任務唔只「財政」，而且第一項工作係翻查 1MBD 案嘅文件呀，關「財政」乜事呀！可見郭釗又係鳩噏當秘笈。

佢咁寫咪又係想繼續以「黃皮膚黑頭髮就是『中國人』」話支那共匪仍然對大馬有非凡嘅影響力。甚至小弟可以更加串咀啲指出，馬哈迪委任郭鶴年真係貪佢同支那共匪關係良好而可以保持「水源」呀！講白啲，馬哈迪話要 review 外國投資項目唔可以損害大馬人民利益，仲兜口兜面開名碧桂園與及馬來半島東岸鐵路計劃，馬哈迪點都要撳住幫支那共匪講好說話嘅聲音，那管只係做戲都要有如周星馳嗰句「臨時演員都係演員」吖。

我唔會懷疑財經版「大佬」劉兆昌點解會俾呢篇文出街，事關劉兆昌嘅專長始終係財經方面，但總編輯陳沛敏點都眼尾望過下郭釗寫乜，撇除「疑似」幫支那共匪嘅鳩觀點，剩係呢三個錯誤佢都無 find out 走漏眼就係失職。更是陳沛敏五年前有去過馬來西亞採訪大選，衰極點都有少少 senses 去做判斷篇文係咪可以出街。

睇返郭釗嘅背景，呢條地產佬真係好積極 sell 馬來西亞物業，但好集中於來自中国嘅地產商嘅項目，又經常吹噓馬來西亞同中国關係幾咁密切、馬來西亞係一帶一路嘅要塞。呢啲就算唔係反映郭釗為支那共匪做緊說客，都係幫中国共产党進行緊宣傳推銷；當然，佢作為不過是一個地產佬，就是為錢，但為咗錢而硬銷共匪，更不惜在輿論方面進行誤導，就是不能接受嘅仆街所為。

地產代理監管局確係無權就佢呢啲鳩噏郁佢，但唔代表無人會拆穿佢嘅西洋鏡。可以講，小弟唔只因為南洋政治而抦佢，我亦曾經係註冊地產佬，雖則只係 S 牌，但好好醜醜都叫做有相關專業知識經驗睇到佢做緊乜嘢仆街事。兩瓣夾埋呀郭生，小心講嘢/寫嘢呀！

返回主頁

馬來西亞大選盡見香港傳媒墮落

相信唔少讀者朋友在所謂「唔講唔覺，講開又真係好覺」嘅情況下，會發現到香港嘅傳媒對今次馬來西亞大選嘅報導數量比五年前少得多。尤其是選前，除咗前首相納吉宣佈解散國會同公佈報名及投票日之外，完全沒有其他內容；選舉完成後，除了就希盟大勝「變天」而大篇幅報導之外，沒有緊密的跟進報導，更欠缺「賽果」分析。另外，姑且夠膽囂張自封「南洋政治專家」與及黃世澤在五年前都有在選前和選後在報章撰寫多篇文章評論選舉，但今屆除了一些「鳩寫」嘅所謂評論，以至如《蘋果日報》安裕的一篇是觸犯南洋政治禁忌之外，僅有已負笈馬來亞大學 (University of Malaya) 的李振良(Jacky Li) 在《信報》撰寫一篇談及我倆共同祖家(小弟長輩與他的長輩是古晉街坊) 砂朥越的文章，與及張秀賢在《信報》撰文分享到當地觀選的見聞。小弟及世澤完全消失於報章。

首先向堆左賊之類友仔「劈一刀」，小弟絕非「恨出鏡」或「鍾意搏見報」嘅人，所以唔好用「刷存在感」嚟 Spin 呢篇文。純粹照事論事而對比五年前、與及因應當前香港政治形勢，去探討香港傳媒到底衰成點嘅樣。

無錯，好多香港人在五年前都渴望馬來西亞變天，但最終願望落空。可是呢啲情緒化條件唔係可以成為冷處理今屆大選新聞消息嘅藉口，這就是新聞專業原則。撇除要派記者前赴當地的專訪，又撇除一些具煽情成份的報導，例如希盟的集會氣氛如何洶湧、國陣的集會如何人丁疏落...... 純粹靠外電的報導，客觀而言選前沒有值得報導的消息嗎？重劃選區呢樣奸招，已經可以拎嚟對比港共傀儡政權，但常理而言最應該會報導嘅《蘋果日報》都無報到。又例如馬哈迪警告就算希盟勝出大選變天但納吉可以拒絕交出權力，夠晒新聞價值啦，但無一間報館、電視台有作出報導。

點解唔報？撇除港燦的國際視野係零，表面而言當然就係唔想俾香港人知道咁多，繼續維持香港社會「我討厭政治」氛圍，推上一個層次就是選前形勢點都同「馬爆」有關。擱開小弟(以至黃世澤) 就「馬爆」寫過多篇文章深入分析，就是馬哈迪、林吉祥等人不斷強調「最後拯救國家的機會」，已經係大選同「馬爆」有關嘅訊號；又就是如小弟以往所寫的，「馬爆」必會牽連支那共匪，香港報紙電視電台報得多即係唱衰「祖國」，會「激嬲中央無運行」。再者，小弟以至世澤兄都必然會「抽水」。响咁嘅條件之下仲點會報導呀。由呢一點可以清楚見到，香港嘅傳媒已淪為支那共匪指揮的輿論機構。

一係唔報，一係鳩報、鳩評論。鳩報者，從最基本一味跟隨支那共匪新華社嘅「總理納吉布」、唔守新聞專業原則而拒絕使用馬來西亞政府官方華文譯名的「首相納吉」呢啲幼稚園級數低級錯誤，或是近幾日 馬哈迪高調處理 1MBD 案件、蒙古女郎炸屍案，香港傳媒嘅報導都係近乎零，甚至乎《蘋果日報》對馬哈迪宣誓安排竟然以「皇室搞局拖延宣誓」進行報導係嚴重犯錯，唔單只再一次睇到報館、電視台、電台只顧「跟隨黨嘅路線」，仲有係連新聞專業原則的 facts check / verification and clarification 嘅基本功都唔做。要做 facts check，嫌小弟係悉尼老鼠、口臭串咀「唔識做人」成日鬧傳媒，或是嫌李振良「新面口」，仲有黃世澤可以搵 (雖然响德國，但呢個世界有樣嘢叫長途電話 / Whatsapp call 直頭唔駛錢)，再唔係，當地幾份華文報章都係免費任睇唔嬲，咁都無做好基本功，可見香港啲傳媒人廢到退聯。

「皇室搞局拖延宣誓」同支那共匪有何關係，撇除首相馬哈迪聲言會重新審視同中国簽訂的合約、協議是擺明車馬對支那共匪是負面因素，單係「中国於海外最大投資是馬來西亞」呢一點，已經肯定支那共匪極度唔希望大馬「變天」。引伸出嚟，即係「如果繼續係納吉同巫統話事，支那共匪就會平安大吉」。呢一點唔只可見《蘋果日報》的報導極有可能有 Hidden agenda，甚至話總編輯陳沛敏 / 個別編採人員係支那共匪安插俾黎智英嘅「針」，都未必係子虛烏有嘅老作。

至於「評論」，除咗張秀賢嗰篇叫做正常之外，又撇除安裕如果响馬來西亞寫應該會被內部安全法即時收監，連埋李振良嗰篇都係鳩寫。以我同李振良嘅關係是不會懷疑他的出發點，但就要問《信報》：「砂朥越是大選的重點嗎？」為何要李振良咁寫，無 hidden agenda？我打死都唔信囉！

仲有，NOW 時事全方位本來邀請我，只是咁啱當日要飛而推掉。不過「變天」咁大件事竟然只安排1030-1100做 short talk，比2015年新加坡大選講足1.5小時，真係覺得有啲唔係好合理。請郭一鳴做嘉賓講者，又是對比2015年新加坡大選，四位嘉賓都同新加坡有聯繫，更加搲爆頭無法理解。雖然小弟自知「飲 NOW 新聞台奶水大」，但所謂是其是非其非，無可能唔出聲。

無錯，當前香港嘅傳媒都受到支那共匪不同程度嘅干預，所謂「政治大氣候」之下只能跟隨黨嘅路線？馬來西亞「變天」之前嘅「政治大氣候」，小弟曾經供稿、巫統國陣非常唔妥嘅《東方日報》(馬來西亞嗰份) 嘅編採水準都未至於依家香港咁低。所謂牛唔飲水唔撳得牛頭低，掉返轉傳媒人有無恪守返自己嘅專業水平，請撫心自問好了。

返回主頁

獨媒唔該有返啲自知之名，大馬政治唔到你哋亂評

獨立媒體成班左賊乜料子唔駛再多講，佢哋同共產黨有乜關係，無謂扣帽子的子虛烏有，大家心神意會就算。

斷估佢哋啲死忠一睇到標題唔係想發爛咋，就想話我「擦存在感」然後自high。但睇到佢哋對今次馬來西亞大選指天篤地、亂寫啲「無營養」嘅嘢，我就諗到「佢哋又『收柯打』做嘢攞話語權」，但跟住就諗到「南洋政治咁易明，就唔輪到我可以扮專家啦」。

南洋政治有幾難理解？
就由最近期有關第14屆大選有關嘅事開始講。最簡單嘅一條問題：

點解馬哈迪會勾結原本係政壇死敵嘅民主行動黨向巫統「倒戈」，以打倒他親手扶持嘅納吉為目標？

我好相信、甚至肯定，班左賊只會識答「因為要推倒自1MBD案被揭發以來的不公義」。

但要「打倒納吉嘅不公義」，都唔駛去到「勾結積怨深過殺父仇人近四十年、原本視為代表馬來入侵者嘅華人為主嘅民主行動黨」馬哈迪為乜要「覺今是而昨非」咁盡呀！唔好話再追問落去「點解被馬哈迪主使拉過入監倉兩次嘅林吉祥、林冠英父子竟然同佢握手言和同合作」，那管是避開「馬爆」呢個對支那共匪咁敏感嘅角度，佢哋一定唔識答同分析箇中因素！寫乜春居港大馬人為公義、防止海外投票被作弊所以會返國投票，唔單只「無營養」，根本就無助了解馬來西亞政治形勢；再衰啲講，直頭只係「阿媽係女人」嘅水平，似乎係班左賊佢哋「擦存在感」多啲囉。

南洋政治之所以難理解，因為涉及複雜嘅歷史元素，當中包括地緣政治演變進程、族群矛盾、文化、宗教、甚至語言。是但少一樣嘢都無可能參透到「點解會發生啲咁嘅事」，而成堆元素撈埋一齊變咗一舊高登仔所講嘅「膠」，仲要係「超級大硬膠」，掌握唔到就無可能做出實在而較客觀、宏觀嘅分析，分析唔到可以評估形勢，簡直發夢啦！

地緣政治演變進程，斷估班左賊剩係識得「殖民主義可恥」而只會由英國殖民馬來亞開始抽水。如果話俾大家知，馬來半島四個州 ── 吉蘭丹、玻璃市、吉打同登嘉樓，曾經係今泰國的暹羅王國嘅領土......班左賊應該唔好話會解釋到同馬來西亞近60年嘅政治變化會有何關連，更有可能唔會識同大家講呢個歷史。或者再「膠」啲，呢段歷史嘅出現某程度上係泰王拉瑪四係拉攏英國殖民走狗「你幫我搞掂佢哋啦，我唔想理班回教徒」而出現。班左賊更加唔識用咁「在地」嘅講法去解說呢段歷史！

表面睇「族群矛盾」係巫統煽動出嚟，但點解可以煽動得到？單純因為英國佬「為殖民主義感到羞恥，急於離開馬來亞而種下禍根」？或者一如巫統嘅煽動背後嘅論述「華人搶奪本來屬於我哋馬來人嘅土地、資源、財產」嗎？班左賊就算咁講係錯唔晒，但除咗其他嘅因素，又能否講解到為何演變出馬來西亞政壇「賭撚」風氣盛行？頂盡咪只係識講「巫統煽動種族民粹仇恨可恥」然後長篇大論但得佢哋自己睇得明嘅廢話！

要了解南洋政治，欠缺當地聯繫因素，唔係話無可能，但就算識得睇如前述的一大堆「超級大硬膠」，都好難明白堆「膠」點解會出現。最簡單例如丘光耀演講點都會有幾句粗口，但點解啲人唔會反感；再例如馬來西亞國會議員沙布丁 (Shabudin Yahaya) 「先姦後娶、9歲細路女可娶」點解夠膽講出口，係咪單純極端伊斯蘭主義「上腦」咁簡單？解到天光都未解得晒。更唔好話左賊滿腦子大一統而無法理解為何1965年8月9日要「分裂馬來西亞、破壞國家領土完整」！

唔好話呢個劉嘉美都唔知有乜咁巴閉，就算左賊堆中有個聲稱來自馬來西亞嘅陳允中，有「當地聯繫」又如何？佢會真係識得以上呢堆元素、懂得分析然後表達出嚟咩?! 仲未計「反國教」集會時呢條友無啦啦講乜春「中國農民工」趕客呢條數，反映出佢真係未必識、甚至識都可能「收柯打」而唔會講。就算夠膽講，有能力講到我咁「深入」咩？唔係我囂，只係我有Track record of 真係解得到 (Even 總有甩漏，但都唔會偏離得太遠)。

奉勸獨媒班友無謂再浪費時間，呢啲唔係打壓言論自由，而係你哋就算唔「播毒」都阻頭阻勢。或者你哋即管繼續寫，但我就是聲言連全香港報館電視台的「總理納吉布」都唔會放過，你哋有乜寫錯寫爛甚至「散佈毒害」，我都一定會出手。

返回主頁

政客 - 藝人 cross-over 唔得架?!

曾俊華為動畫電影《超級無敵世界波》(原名：Early Man) 配音，好多人睇到宣傳廣告就打個突。一來應該無人諗過阿 John 會參與演藝工作，深入少少嘅二來就係配音唔是「對畫面口形讀稿」咁簡單，阿 John 竟然配到 (利伸：小弟未睇套戲)！如果唔係金魚記憶，應該知道阿 John 唔係第一個香港政治人物參與演藝工作。約兩年前游蕙禎就拍攝了ViuTV的劇集《三一如三》，撇除「私怨大過天」而針對佢嘅言論，同樣唔少人睇到嘩嘩聲。




唔少香港人都抱有「政界同娛樂圈風馬牛不相及」嘅觀念，甚至歸根究底是華人社會自古以嚟看待「為官者是為民請命，而戲子多是無情」的想法，認為做官不該同時做藝人嘅小農思想。又或者反過來認為藝人從政又係騎呢古怪舉動，認為拍戲唱歌就咪掂政治，以至又係小農基因的認為藝人從政嘅目的不過是「攞著數」。無幾多人會細心思考政客/演藝人 cross-over 嘅需要，更唔好話對社會產生甚麼作用。

無錯，從所謂「私利」嘅角度，政客參演或藝人從政，確係可以增加收入渠道、曝光率以維持知名度，點都避唔開的。但政客參與演藝工作嘅過程當中，既能對政治以外嘅事物有親身體驗，拓闊視野同思維，一定程度上有助政務、管治嘅工作。衰啲講，假設小弟在運房局工作 (事實當然係現在和可見將來都唔可能) 但又繼續偶爾「客串」揸巴士，不是可以在運輸政策工作上做得更好嗎！

從另一個角度去睇，演藝界唔需要面對「政治」嗎？撇開汪明荃、鄺美雲、曾志偉、成龍、陳小春...... 嗰咋友仔投共所衍生嘅問題，單純拍戲要申請封路、用政府設施做場景、拍攝爆破場面，唔係已經無得「我討厭政治」咩！如果有認識娛樂圈嘅政客，撇除所謂「朝中有人好辦事」嘅小農思想，剩係協助處理及跟進申請審批，已經有助推動本港嘅演藝娛樂文化。又例如近期熱門話題的演唱會門票炒賣，撇開馬逢國根本係一件廢柴，不是可以更有效向政府施壓嗎！甚至從小農基因角度去講，要是有熟悉演藝界嘅政客「坐鎮」，班黃牛黨點都有所顧忌。

就算要完全撇清「政治」二字，演藝工作過程唔需要同政府部門接觸，演藝人最經常遇到嘅問題之一莫過於同錢銀有關的事，例如收唔齊歌酬、片酬甚至被走數。又或是其實唔少藝人，尤其是新人，都缺乏足夠法律知識，或是受香港娛樂圈有著「講個信字」、「你唔係唔信我」嘅觀念氛圍影響，同經理人公司、唱片公司、電影公司有合約糾紛。撇開普羅大眾看待「明星」嘅心態，呢類事件其實有如一般打工仔的勞資糾紛。一般勞工階層如果同僱主「講唔掂數」都會尋求議員、政客協助，那麼一個能穿梭於政界同演藝界嘅人，不是能更有效充當呢個角色，必要時負責「擺平」工作參與談判，以至於平常嘅時期「鎮住」班心謀不軌嘅經營者。

撇除曾俊華現無官職、游蕙禎被DQ，又撇除班投共 artists、馬逢國之類嘅廢柴，香港確實欠缺有份量能穿梭於政界同演藝界嘅人物。方國珊除咗選極立法會都選唔到，仲要到今時今日仲拎住三十年前亞視劇集《哪吒》做光環，十足十啲「拔萃仔」咁，就算數把啦。原名劉慶基嘅「叉燒炳」劉丹，2000年競選立法會先得嗰15,450票。

反觀外國，唔計阿諾舒華辛力加（Arnold Schwarzenegger) 咁遠同「荷李活巨星」咁高嘅級數，近在台灣已經有一個叫余天嘅人物。


有去過台灣觀選，總會响民進黨嘅活動中見到呢位「二撇雞」大叔。

余天不單只是民進黨核心人物、曾於2008至2012年擔任立委，1965年已參與電影演出，1966年開始推出唱片，1977年起主持綜藝節目，是縱橫台灣演藝界逾半世紀的資深藝人。2004年參選立委但落敗，到2008年當選。曾為民進黨中委 (2014-2016年) ，現為民進黨新北市黨部主任委員。雖然余天出任立委期間未有突出的政績表現 (近期亦因為女兒余筱萍參選台北市議員而膠事連篇)，但確實壯大了他對台灣演藝界提供支援的實力。

余天除了身家豐厚不時借款予藝人渡過財政難關之餘，亦為唔少演藝人出頭。「大範圍」的計有2003年率領成立台灣文化演藝推展協會，2006年成立全國藝能總工會；「細範圍」的就例如襄助以故的豬哥亮當年的復出、協助徐懷鈺處理「登台演出『順便』老細飯局事件」之後的合約糾紛等等。

香港所謂從政的藝人，唔好話一味只識投共嚷著藝人「心懷祖国」有形無形地摧毀香港嘅娛樂事業演藝文化，有誰曾經關注過任何級數的演藝人的工作問題？唔好話從無過問 Dancers 五勞七傷而酬金奀到唔好話睇醫生、連開飯都成問題；唔敢得罪620之類無視 CCTVB 藝員人工差到隨時要借貸度日，連「發哥」周潤發的片酬被走數要自己搞訴訟追討！

再引伸出嚟，並非議員而在政圈中打滾嘅人、社運份子，對於香港嘅娛樂圈、演藝文化有何關注？除咗留意、分析、探究某部電影、電視劇、歌曲，藝人的言論有何政治涵意然後抽水說三道四之外，頂盡只會關注具有政治元素的事件 (例如近期的《中英街一號》未獲電影發展基金撥款)，有邊個稍為會留意涉及演藝人的權益的問題，以至發聲？在小弟視線範圍真係完全唔見囉！更唔好話會寫「非政治角度」的影評、歌評。單純以上呢兩點，已經係香港娛樂事業文化衰落嘅原因之一。

還要指出，家陣香港人對娛樂新聞嘅態度，對電影、劇集、歌曲作品有何欣賞或批評之處，幾近全無興趣，一味掛住「狗仔隊」揭陰私、藝人嘅私生活、女星件衫領口有幾低條波罅唧得有幾深、走光條底褲乜嘢顏色......

掉返轉講，台灣演藝界同樣受盡中国大陸嘅影響，但仍然總算基礎堅固。唔好用台、港人口差距做藉口抵賴，商界常言道「大陸十幾億人，一人一啖口水都浸死你」，香港嘅演藝文化衰落，根本全香港人都有份造成。

由此可見，政界同演藝界之間有互動往來係必須，政客參與演出根本唔駛大驚小怪 / 藝人參政 (投共之外) 亦無乜咁大不了。香港人咪再小農基因，更唔好再只掛住睇藝人嘅私隱；政圈中人亦唔好再「除了政治以外沒有別的事情」。

返回主頁