與其鬧柯P詆毀香港，不如屌爆林建岳

患斯伯格症嘅人嘅其中一個特質，就係耐唔時會爆seed「得罪人」，搞到所謂人際關係唔好。但「患者」爆嘅seed 唔少時候唔係無道理，甚至係事實。

台灣政界名人姚立明曾爆出柯P係患者，柯P就話無診斷過而唔肯定，但就耐唔時拎嚟自膠搞gag。不過，佢經常爆seed就係事實，今次鬧香港無嘢好玩好無聊，啲KOL 又衝出嚟鬧，港燦們就「上身」話要杯葛台北 (咪玩啦，成個「士悶丁」都係你哋堆港燦)。

香港有無嘢玩? 本來好多架，不過自從自由黨揸莊旅發局 (周梁淑怡，跟住就田北俊)，香港嘅旅遊業就只得返Shopping Shopping & Shopping。客源Market 除咗「要不是我們來消費你們香港玩單」嘅匪區屁民，就乜人種都唔係客。

到林建岳揸莊就變本加厲，走私奶粉尿片都嗌幫埋葉寶琳嗰啲仆街把口叫包容體諒，再唔係就撻啲做晒馬嘅所謂「旅客人均消費」數據，話支那匪區蝗蟲係上賓唔可以得罪云云，咁嘅旅遊政策同宣傳推廣策略之下，再加埋啲商場冚把冷都係賣支那暴發戶要嚟曬命嘅名牌，咪無嘢玩囉。

呢一切港共傀儡政權為配合支那共匪主子嘅殖民政策，要香港嘅經濟依賴「內地」，搞到旅遊業一落千丈，就是現實。

台北市政府辦公室無必要為柯P嘅爆seed解畫道歉，因為柯P所言亦不過是反映真相；相反地香港呢邊無 point 鬧返佢轉頭。

小弟要講嘅係咁多，唔明就自行 Google 返我寫過幾多有關香港旅遊業不堪嘅文章。

返回主頁

張曉明操盤操出大頭佛

或者佢一直以嚟認為呢個先係佢真正嘅職銜，不甘於「聯絡辦主任」呢個真相現實，所以肆無忌憚、處處插手於違反《基本法》第22條嘅香港內部事務，彰顯佢心目中嘅真正身份。

林門鄭氏妖鵝成為柒柒柒特首，張書記 (佢應該好LIKE 人咁叫佢) 連俾佢响舊年立法會選舉出賣過嘅「碌柒暴徒聯合會」都可以搞掂，唔單只立下大功，仲反映到佢身為書記嘅能力。如果江澤民成功政變推翻習近平，應該一定會為佢黃袍加身，俾返呢個正式名份佢。

只不過跳出以上夢境返回現實，張匪曉明主任今次以為搞掂到單大茶飯返嚟，查實為林門鄭氏、689、佢自己製造咗最少三隻炸彈。

第一隻：港燦政治覺醒
小弟嘅睇法唔係任健峰嗰隻打飛機mode，而係過去20年以嚟，撇除小農奴隸基因之盲從權威，港燦普遍認為選委會制度縱有不足，但民意點都會對選委們產生影響力。事實上老懵董、煲呔曾到689，都係呢個結果。於是乎無論長毛點聲嘶力竭高叫「小圈子選舉可恥」、黃浩銘點落力飾演鏡頭前烈士「打倒不公義選舉制度」、四方西點話「我哋要和理非非爭取真普選」、梁家傑余若薇點樣苦口婆心解說選舉制度有乜問題、風險，港燦都唔會聽得入耳。

但今次曾俊華親身上陣，懶理社民連班契弟、人力班信眾同堆垃圾左賊怒屌「攞戲嚟做呃鳩人」，一於當正全民普選咁進行選舉工程，結果高民望落選，就一次過將20年來港燦唔覺係問題嘅問題，完全赤裸裸的擺在一眾港燦眼前，仲要用牙籤拮住上下眼皮無得合埋眼當睇唔到。產生最直接嘅影響係使香港人唔會再信任現有而共匪想永續嘅選舉委員會制度，將會對嚟緊嘅一次政改咨詢產生重大衝擊。要直接啲講係只要支那共匪拋出任何一個可以俾統監府以至中南海操盤可能嘅方案，都必定會反枱收場。間接嘅效果就係香港人對特區政府、北京中央，與及現實係名存實亡嘅一國兩制嘅信心完全崩堤。

妖鵝面對呢隻大炸彈，而同時受制於張曉明以至去到江澤民，根本就無辦法handle，加埋要向選委同一眾鵝粉找數，係唔可能解決得到。呢隻炸彈最遲响政改咨詢展開就會爆。

順便的，恕我得罪全世界都要寫出嚟：過去兩個月，幾乎所有飯桶政客、KOL，包括我一直好尊重嘅韓連山老師，都睇唔到John Tsang 所(鳩)做嘅一切就係鋪排呢個結果，要妖鵝贏都要攬住呢個大炸彈過日子。

長氣講多一次：對付共產黨，好多嘢係只能做不能講!!! 要做只能暗地裡做，明做就會被消滅於萌芽之時。

第二隻：港燦不再受傳統泛民指揮
承接第一隻炸彈，港燦有如被敲醒見到飯桶們三十幾年嚟所謂爭取民主都只係廢話，乜嘢遊行示威請願集會佔領都係真‧鳩做。即時嘅後果唔駛諗一定係社會民主連線唔駛幾耐就會亡黨 (村長可以真係返歸做村代表了)，中長期而集中於政壇嘅後果唔單只令到支教民體系、律師黨响未來嘅選舉入面進一步喪失議席。

但更恐怖嘅係當有任何會係「針拮到肉」嘅社會議題發生，飯桶們點和理非非叫唔好衝擊公安、邵家臻點屌「邊個衝邊個係鬼」、四眼陳(淑莊)點大聲話「個大台我話事」嘅都好，將唔會有人再聽佢哋之笛，甚至「追斬」返佢哋轉頭。導致政府同坊間再無任何緩衝或「講數」渠道。

或者張匪曉明以至江匪澤民認為「啱喇，可以出動解放軍坦克，然後宣佈實施18條取消一國兩制接管香港」，但唔好以為你哋嘅反應會快得過香港人囉。再者，就是因為唔再受飯桶們指揮，反過來即係隨時唔駛佢哋吹雞，甚至佢哋未去到現場，已經做晒嘢，魚蛋革命就係例子。

第三隻：經濟危機導致的政治災難
呢隻炸彈威力其實最起碼會係原子彈，係最危險，且又無可能用毛澤東思想至江澤民指導去應付。

共匪治區嘅經濟狀況大家心知肚明，出事嘅一刻必觸及港燦最切身嘅利益 ── 地產物業、股票等資產價值萎縮，引發嘅民怨，睇返2003年老懵董腳痛事件，就知道港共支共唔會有辦法處理。況且到時不論習定江都已是泥菩薩，即係「唔駛搞」。

再者，勁多支那共匪無辦法操控到嘅外圍因素。首要「敵人」唔係美帝走狗金融大鱷索羅斯，而係好多香港人無諗過嘅馬來西亞。

馬來西亞首相納吉貪污導致國內經濟一落千丈，同支那共匪有何關連，可參閱前文《江澤民隨時俾納吉累死》。「馬爆」會幾時發生，點樣發生，蔓延速度，通通都唔到江澤民話事，就連納吉都無辦法控制。即係港共支共都無辦法預計而去做準備，此為最恐怖之處。

就算撇除共匪同巫統勾結嘅政治因素，單純講經濟，「馬爆」產生嘅經濟衝擊波對香港財金體系嘅破壞力難以預計。林鄭有誰的財金專才可用，心照不宣啦。導致嘅局面唔單只係香港內部大爆發，仲有兩把屠刀擺响江澤民兩邊頸動脈 ── 响大馬嘅「投資」同响匿藏响香港嘅，一齊化為烏有。到時唔係愛爾蘭獨立戰爭2.0，或法國大革命2.0，就係文化大革命2.0 ── 習近平飾演毛澤東，江澤民飾演劉少奇。張曉明會係邊個？請自行摷返啲史料做對比。

其實仲有其他炸彈，要數真係有排數，但呢三隻就算未爆都足以玩謝林太同統監府。所以各位香港人，尤其一直支持阿SIR嘅，真係唔駛灰心同洩氣，因為真係「好戲在後頭，林鄭有排受」。

返回主頁

熱烈恭賀林鄭月娥女士當選行政長官

首先，所謂識時務者為俊傑，小弟先向候任特首閣下，就2012年7月8日下午於鴨脷洲社區會堂有任何冒犯致以萬分歉意。跪求林鄭月娥女士乃念小弟愛港之心切但用了錯誤表達方式，大人不記小人過。

林鄭月娥女士以777票勝出行政長官選舉，比580張提名進賬197票。觀乎過去兩個月以來中聯辦主任張曉明同人大委員長張德江扭盡六壬，文攻武嚇、威迫利誘選委會成員，增長的近200票實在得來不易，亦同時肯定黨中央對林太閣下的支持和擁護，相信候任特首閣下定必要好好回饋他們的努力和付出。

雖有謂「民望可以塑造建立」，又有云「一切不過是公關技倆」，但無可否認曾俊華先生在競選期間的民望狀況，是會對林太閣下面對極大嘅挑戰。縱使反對派社會民主連線及其一眾支持者認為支持曾先生的市民不過是愚蠢如豬的表現，又所謂要教化豬是難如登天的事情，但小弟相信在黨的指導之下，林太能夠輕易應付。再者，警務署不斷提升鎮暴設備數量及威力，以捍衛領導人面子為原則，為林太如虎添翼，定必能成功扭轉民望，並妥善教育香港市民明白和接受「得罪中央無運行」的思想，使未來的管治順利，尤其是如何配合中央的政策，定必無往而不利。

論到中央對港的政策之恩，首選莫過於內地資金流入香港所作的投資，尤其是地產物業方面，不單為GDP提供強大動力，促使樓價飛升使無數人置業無望，然後將比古時奴隸稍好的微薄收入花費於吃喝玩樂，進一步推動經濟數據予中央領導人宣揚功績之餘，又能有助推動《文匯報》於2011年1月25日指出的「低增值人士請離開香港，騰出空間讓高增值人士進入」所反映的管治目標，相信林太由7月開始的任期能夠加大力度做好做滿的實踐。

更值得一提的是，中央一方面推動地產價格有升無跌，另一方面借助發展鐵路，抑止其他公共交通服務生存空間，成功落實票價可加可減機制轉化成有加無減，進一步加重市民生活負擔；並同時在另一邊廂，借助一眾與中央關係良好的商會，和多家人事顧問公司，十九年來成功控制薪金增長幅度與通漲脫勾，使普遍市民未能得到古語有云「衣食足，知榮辱」之局，並因而沒有意識要過問政府施政只會照顧內地嘅感受，甚至普遍認為一眾對政府施政說三道四的都是反中亂港份子得宜諸之，相信候任特首閣下必定繼續這條路線方向，掃除所有施政障礙。

過去多任特首都強調港人該聚焦香港之餘放眼祖國尋找機遇，如今內地經濟面對嚴峻挑戰，不單能夠為林太更有力的推動港人與中央迎難而上，更能夠與祖國一起有難同當，感受國家給予的恩情。但另一方面，面對可恥美帝走狗和西方列強亡我之心不死造成的隱憂，林太更該迫切的在「施政需照顧內地嘅感受」的原則之下，指導港人與中央一齊化危為機。

國家面對的外來挑釁除了可恥美帝走狗和英國為首嘅歐洲等的西方列強之外，南海主權問題與東盟國家，尤其是相信背後有可恥美帝走狗撐腰的越南和菲律賓，也使國家領導人忙得不可開交。慶幸國家仍有馬來西亞這親密盟友，能發揮對東盟組織的監察和微弱的制衡作用之外，馬來西亞執政黨馬來民族統一機構過去二十多年為國家提供碩大的投資環境，海量資金進入馬來西亞的房地產市場、參與投資當地基建設施，為國家豐溢的財政儲備和各企業、商賈的資金提供出路，實在功德無量。相信國家領導人和馬來西亞總理納吉布繼續緊密合作之下，祖國與大馬定必能一同迎接使人祈盼的願景。並同時相信，由領袖毛澤東和總理周恩來造成華僑的矛盾和誤會，將會在林太任內得到化解。

雖然偉大的毛澤東主席講過「與天鬥，其樂無窮」和「人定勝天」，777 這個數字對普遍吸食「精神鴉片」的西方列強，是產生一定震懾作用，因為普遍西方列強信奉的《聖經》以這數字喻意其神明，定必因而敬畏林太閣下和國家領導人。更是賭博場所一稱為老虎機的器具以此數字為一等獎，喻意林太的管治定必取得重大勝利。

另外，根據前總書記胡錦濤在2003年提出的科學發展觀，波音777飛機在1994年推出，就顛覆了全球航空技術發展，引證林太將能夠為香港、為國家帶來前所未有、翻天覆地的革新。

圖為馬來西亞航空公司波音777客機。
與失蹤的MH370 及在烏克蘭被擊落的MH17 班機為同一型號系列機種

最後，謹祝林鄭月娥女士在籌組管治班子過程順利，和期待7月1日成功在國家主席習近平來港監督之下宣誓就任。

返回主頁

江澤民隨時俾納吉累死

特首選戰本身係江澤民同習近平之間嘅大惡鬥，做乜無端端燒到馬來西亞嗰疊？關大馬首相納吉乜嘢事？做乜提到碧桂園森林城市？

拆解之前，先同大家回帶响舊年12月出嘅一篇舊文《碧桂園森林城市隨時係爛尾樓》。

文中提到樓盤所在地當時仍然係一大幅爛地，唔覺有任何建築工程進行當中，不能排除會爛尾收場，提醒港燦小心唔好上當。

事隔三個多月，呢件事出現好多戲劇性嘅情節，全部都係要煮死個樓盤至爛尾收場。

《南洋商報》2017-3-9 報導，柔佛州行政會議掌管負責房屋及地方政府事務的成員拿督阿都拉帝班迪 (Datu Abdul Dibandi) 因兒子和特別助理涉嫌柔州房地產貪污和舞弊案而無限期請假，三人隨即被馬來西亞反貪委員會拘捕調查。州務大臣拿督斯里卡立諾丁 (Dato seri Mohamed Khaled bin Haji Nordin) 同時宣佈改組內閣。

阿都拉帝班迪原有的職位和職權，相當於香港嘅張炳良+升職前的陳茂波於一身。報導仲講明涉及柔州房地產貪污和舞弊案，柔佛州內的主要地產勢力就是中國共產黨，只不過有多個分支，集合埋一齊糖王郭鶴年都要企開啲。而共匪堆當中最大的「龍頭」就是碧桂園集團。

阿都拉帝班迪等三人被捕，意味住柔佛蘇丹郁手隊冧支那共匪正式揭幕。小弟三個多月前提出嘅警告唔係流料亂吹一通！

馬來西亞網媒《當今大馬》3月22日的《三分鐘快報》報導

碧桂園成個 project 要到2045年先至完成。「樓花期」可長達28年，誰敢保證唔會爛尾收場！但重點係柔佛蘇丹講明「不會賣地俾外國人，所謂的『永久地契』最終只會淪為廢紙」。擺明一刀直插碧桂園！仲警告「森林城市」將有多達70萬外國人居住勢必威脅馬來西亞未來嘅社會發展，出埋輿論手段踩多兩腳。

柔佛蘇丹用生日做藉口再出招，推出「10萬令吉購大房」計劃，予柔佛州人民購買半獨立甚至獨立屋洋房 (面積淨屋起碼2000呎，仲未計前後花園同車房)。仲要送齊全屋電器，首期只需馬幣10,000。

R$100,000 簡直係賤價到底 (小弟家鄉砂朥越古晉起碼 R$400,000)，收買人心就梗架喇，响經濟學角度就擺明推冧柔佛州嘅樓市，向碧桂園以至其他地產商插多一刀「放血」。

柔佛蘇丹用齊政治同經濟手段向中國共產黨 (姑且用返正名) 開拖，呀唔止，直頭係全面開戰。蘇丹陛下過去幾日所做的其實係發出最後通牒，因為根據柔佛州加入馬來西亞聯邦的條款，蘇丹仍保留州內的行政權力。言下之意即係隨時可以宣布充公塊地同所有資產，一個仙都唔賠返俾碧桂園集團 (以至其他中共底嘅地產商) 同買家。所以中國共產黨最好乖乖地自行離開，唔好諗住同柔佛蘇丹硬撼，因為最終必定Total Lost！
(咁嘅局面港燦們唔係仲諗住中個頭埋去買「新加坡一河之隔」呀嘛?!)

共匪唔見錢事少，其中一條清洗黑錢嘅路因而被斬斷都未算事大。若果碧桂園森林城市計劃 Collapse down，必定引致馬來西亞 (最起碼整個西馬)嘅地產市道出現骨牌式倒冧，繼而進一步摧毀俾納吉搞到爛晒嘅經濟，觸發新一波金融海嘯，對中國共產黨造成「死無全屍」以至「屍骨全無」嘅嚴重後果。

馬來西亞經濟到底有幾差，最準確數據唔係睇HKD~MYR，或USD~MYD，而係新加坡坊間找換店嘅匯率先至夠堅實。小弟今朝叫响新加坡嘅朋友出去金文泰組屋商場找換店望望：


兩年前係2.7，52週低位係2.80，單單一年升13%，已證明馬來西亞嘅經濟急速惡化。若再講埋牛車水「黑市」高見3.3，真係唔好唔信馬爆在即。

只要馬來西亞經濟一爆，中共响馬來西亞嘅「投資」就會全部化為烏有，共匪唔駛再諗點樣清洗窩藏响當地嘅黑錢，因為將會幾乎全部變成廢紙。仲唔係死狀恐怖！

扯到咁遠去講大馬，係因為江澤民由在位總書記到胡錦濤在位嘅「攝政」時期，不斷泵水過馬來西亞「投資」，單係計算時間，可以肯定「馬爆」發生之時中共必然受到拖累，而江系嘅傷亡慘重程度必定勁過習系。到時老江連呢條水都斷埋，仲有何彈藥同習近平鬥？

睇埋馬來西亞呢個局，應該見到就算妖鵝上場，老江姑且可以風騷一陣子，但「馬爆」而彈盡糧絕，就是被一網成擒之時。習近平响特首選舉根本就佈定請君入甕，隨時準備「螳螂捕蟬，黃雀在後」。示範何謂「兩手準備」、公我贏字你輸之局。

張曉明未必覺悟跟錯大佬，但如果仲唔知道已經身陷囹圄，以為有可能殺出一條血路，就真係幫佢唔到。

(頂圖十日前攝於柔佛士乃機場行李認領大堂)

返回主頁

張曉明仲唔縮就等上刑場

尋日曾俊華用開頂巴士落區，萬人空巷嘅情況小弟眼都凸埋。

聽日仲會用嘅選舉制度，民意無錯係 meaningless。呢個「原則性」觀點亦係 (就嚟亡黨) 嘅社民連與及其他一味得個鬧字但又拎唔出其他可行方法繼續鬧香港人豬嘅立論。但你估曾俊華成條 team 唔知要對準嘅目標不過是選委而唔係市民咩？但點解薯片叔仲要玩落區玩呢個現行選舉制度下係多舊魚嘅事？

上一篇文我提過，John Tsang 是仿傚 689 响五年前「脅民意以令中央」，而習近平順勢 (或可能係指示曾俊華咁做) 「以其之道還其之身」向江系宣示「就算張德江成功捧咗妖鵝坐上去，你老江都唔會有好日子過」嘅訊息。或者「原則派」會認為薯片叔都係受老習擺佈嘅傀儡云云，但都係嗰句：中共嘅嘢睇表面必定理解錯誤。

到底大局如何，首先要了解統監府响2012年同五年後嘅角色同劇情分野。

五年前，唐英年本是佔上風，統監府就指導 689 打民意戰。在爆出唐英年僭建同婚外情醜聞的幫助下，張曉明成功操出「脅民意以令中央」之局，迫使習近平退讓三舍，689 登基成功。

五年後，林鄭月娥從來都係處於下風，由買廁紙到八達通，接二連三搞出關公災難。另外仲爆出佢老公林兆婆嘅國籍/居留權問題。張曉明無法重施故技之餘，面對 (可能係習近平指導下) 曾俊華贏在起跑線之餘，民意節節上升，兩張 (曉明&德江) 就只能使出恐嚇選委、假傳聖旨嘅招數。

五年前後嘅相同之處，就係張曉明都係做操盤人，想操出香港受佢控制之局，以能俾江澤民要嚟做炮台對付習近平，或致少能進行對抗。但五年前同五年後嘅分野，唔單只係五年前做主動開炮、五年後只能被動還拖；五年前乘民意之勢而上，五年後得迎民意之壓，先至係最大最大嘅關鍵。

好簡單的，2012-7-1 689 登基後，那管有幾多醜聞纏身，民意仍在 689 的一邊，江澤民系統點都叫做有時間隻手遮天「玩鋪勁」；但2017-3-26 之後，張曉明就算成功威嚇到選委推林鄭上神枱，大部份嘅民意不只不在妖鵝身上，也不只是民意多數在曾俊華身上而張曉明張德江在政局上只能繼續捱打，更是會推動香港人真係出現醒覺 ～ 點解支持嘅人都俾支那共匪DQ。呢個思路係仲可能出現一個同 2012-7-1 嘅對比 of 當年 689 係有民意支持下登基，嚟個火上加油。就會導致張曉明想借林鄭月娥點搗亂搞局都隨時搞出大頭佛。

留意 John Tsang 尋日去嘅地方所接觸到嘅人，客觀嚟講大多數係叫做有學歷嘅白領以至專業階層，即一般所謂嘅中產。雖然中產多港燦，又多數一直只會諗住移民走佬著草，但逐漸地已經知道其實無路可逃。情況有如晚清時期 (尤其是光緒登位之後) ，想被賣豬仔去南洋都被未必出到海 (除咗「不平等條約」被割讓或租借的地方之外，清政府封鎖沿海城市及嚴查進出租界人口)，就迫到百姓支持革命黨起義。

今日《成報》頭版漢江泄撰文，開宗名義「違背民意釀亂局 選委後果自負」，唔只係警告統監府同繼續聽命張曉明、張德江嘅選委，尾二段「無數支持曾俊華的市民一旦面對長期穩站各項民調最高支持度的人選落敗，這份激情不會立即爆發，但肯定永遠長埋心中；當政府管治失敗、經濟轉差之時，他們的怨氣會一觸即發，2003年的數十萬人上街局面或再重現。」正正引證小弟嘅推論係成立的。

仲有最少兩個情況值得注意的：

1. 留意曾俊華所租用的開頂巴士。
   
   
   (Photo by Patrick Lau)
   
   唔識車的覺得平平無奇。薯片租用的是新鴻基旗下的陽光巴士的英國殖民走狗出品 Dennis Trident ALX500。
   香港可以租到嘅開頂巴士唔係好多部，目前大多數都係德國車 (MAN)，再唔係就是 BIG BUS 的匪區出品，要租「英國車」除咗陽光就只得城巴同新巴。羅永聰成 team 人未必會咁細心諗埋「戀英眷殖」因素而揀呢部車。但重點係開頂巴士因為供應少，唔係有錢實租俾你，巴士公司經常拒租係業內皆知嘅情況。成件事可以理解成新鴻基郭氏家族藉租車 (仲要俾貼埋車身廣告) 表態。
.
2. 前幾日發放的【杜 sir 飯局】 短片，唔單純只係一條公關騷片。
   
   
   片中有好多名人，其中重點之一是李鵬飛，佢嘅出現相當於代表普遍商界嘅取態。另一個重點人物就係有如擔任主持的「Sometimes Naive」張寶華。佢出現其實間接代表住某個原超級梁粉地產商已轉投曾俊華陣營。

再加埋李嘉誠嘅「女媧補天」，即係五大地產商有三個唔再睇統監府頭。剩低嘅兩個地產霸權，其中老闆姓陳嘅嗰一個，响支那匪區嘅投資已經因為之前痴住薄熙來而被習系瘋狂清算，所以無見過佢出聲。至於「借肚三胞胎」嗰家人，一來忌諱於橫洲事件，二來多少都仲要睇郭氏家族頭，亦唔可以講啲乜嘢。

成個局面好清楚，就是江系硬推林鄭月娥上，唔單只發生「與民為敵」之勢，更加必定會俾商界玩謝。結局就算唔係路易十六，都起碼會係愛爾蘭共和軍，即係根本死路一條，爭在遲死早死同點樣死。

江澤民一心諗住「我死都要搵香港墊屍底」要同習近平攬炒，唔會就此罷休就肯肯定架喇。但牌面上張曉明無盤可操，或者係點操最後都係死路一條，亦係佢無法迴避嘅事實。而《大明律集解附例》(即《大明律》) 總體原則是「知罪者斬，不知罪者絞(即五馬分屍)」，另有「死罪可免，活罪難饒」的酌情權概念，張曉明不妨考慮臨門一刻做逃兵自保，有得張德江、江澤民俾習近平幹掉，唔駛他日俾香港人同你玩車裂。

最後，漏少少風聲 of 今日稍後會講埋，江澤民其實死梗，仲會係慘死。張曉明自己參透下「路係自己揀，仆街唔好喊」箇中真理啦。

硬膠選舉條例：尚有一位候選人為胡國興。

後記：工聯會 (姑且用返正名) 尋日表態向中聯辦 (又姑且用返正名) 就範。你哋唔係咁快唔記得舊年9月4日點樣俾張曉明出賣呀嘛? 如果係就真係抵你哋背負67暴動之惡名而如今更兩面不是人咯。

返回主頁

選特首係乜嘢局勢都唔曉嘅就出少句聲

無錯，嚟緊嘅星期日就特首選舉投票，只得1193名選委可以投票，根本係一場得啖笑嘅政治鬧劇。成套戲只係支那共匪自編自導自演，係無法否定嘅事實。但由舊年選委會選舉到今日，更加係鬧劇中的鬧劇，但所指嘅唔係民主派參與其中有如承認個爛鬼特首選舉制度，而係因為佢哋嘅參與引起一堆只顧站在所謂政治道德高地嘈生晒嘅政客、KOL呱呱叫。

確實地，無論曾俊華、林鄭月娥還是胡國興當選，都只係傀儡一名，香港只會繼續俾支那共匪摧殘。呢個亦係堆嘈生晒嘅政客、KOL嘅立論基礎。但撇除長毛宣佈參選卻失敗收場，呢場鬧劇中的鬧劇荒謬所在，係呱呱嘈得嚟針對三個候選人同選舉制度之外，無任何實質可以改善香港政治形勢的解決方案。簡單啲講，唔好話完全唔諗誰當選將會有何後果，只係一味「小圈子選舉可恥」，掉返轉問佢哋有何Alternative proposal，都答唔出。

舉個最簡單例子 ── 「831框架」。曾俊華的政綱確實有「831」，林鄭無嗎? 點解社民連只鬧薯片唔鬧妖鵝? 撇除投共、共諜之說，「村長」已經解釋唔到。就針對呢一點，推上一個層次去講，三個人主要面對嘅係選委，係無法迴避嘅事實。如果講到明「否定831」，無錯係滿足咗堆嘈生晒嘅阿煩膠，但就禍晒 300+ 以外嘅選委，仲點應付場選舉呢?班友仔完全俾人覺得只係為鬧而鬧，又或者稍有政治觸覺的就認為只為彰顯佢哋嘅個人政治存在感，但只是荒謬處之一。

小弟不否定原則的重要性，但只顧原則不理現實，搵唔到如何落實原則的可能，根本連紙上談兵都不如。

三個候選人哪一個當選將會為香港政局推向甚麼局面，其實好多人未必睇得清，嘈鬧者更繼續只顧「道德高地」思想而視若無睹，三人背後所代表的支那共匪勢力與香港政局發展的關係，闊佬懶理不特只，聆聽了解都無，那管有多理據兼備的分析研究都聽唔入耳，先至係最攞命！

江澤民 vs. 習近平兩派的政治鬥爭，亦係另一個點避都避唔到嘅政治現實，三個候選人份屬那一派，其實好明顯，尤其是林門鄭氏。

但支那共匪的事，由1949年以嚟都係唔可以單憑表面所講所做的去了解，呢個係分析研究支那政局的基本功。嘈鬧者連呢啲基本功都無，就對共匪任何一派做或講乜嘢事就衝出嚟扮晒專家說三道四。更枉談要應付共匪「只能做，不能講」，「就算講都只能隱晦地講」的玩法，甚至乎共匪好多時講/做出嘅即時效果同真正目的往往相反，可以諗到你頭都爆；

最簡單例子莫過於劉夢熊出獄當晚响商台《光明頂》談提及林彪，係以林彪謀反曝光之後，周恩來一直保住佢，撳住毛澤東唔好郁手，但到最後卻是周恩來親自下令開炮打飛機隊冧林彪，暗喻習近平同689「握手」唔代表啲乜而最後會親自手刃。然後的，林彪遇害之後，就開始清算四人幫，喻「搞掂」689 之後就必清算其黨羽。唔識黨史咪覺得尖啤當晚無料到囉！劉夢熊另提到令計劃，講佢升做政協副主席之後，習近平就親自郁手做瓜佢。暗喻 (其實講到白) 689 被擢升的可能結局。淨係睇表面會明白 689 根本係泥菩薩過江咩?!

江澤民一派當然會伺機向習近平還拖，呢個係唔駛熟讀兵法、史書都明嘅常識。但江派到底有何目的、做緊乜去反擊，林門鄭氏又如何受老江透過統監府操控，又係一個二個都睇唔明就呱呱嘈。薯片是否代表習系，無人夠膽肯定。但習近平就算幾唔滿意有美帝走狗背景的曾俊華都好，如果能夠借刀對付江澤民，就符合毛澤東名句「聯同次要敵人，打擊主要敵人」理論。

689五年已引證江澤民只會使香港走向萬劫不復，而習近平雖則都係仆街一名，但了解佢老豆習仲勛的歷史，多少都會睇到習近平衰極都唔會有如江澤民咁毫無底線做盡壞事；若再「考古」林門鄭氏同鬍鬚曾，拆解出兩人的做事模式同風格、以至政治立場取態，就會見到 Lesser evil 並非純引日本明治維新、二戰英國為對付納粹德國容讓蘇聯開火的歷史的紙上談兵。

兩派對香港有何所圖，不外乎同權鬥有關，但亦正是妖鵝定薯片當選香港政局走向。姑且講白一個分析。表面睇，John Tsang 當選可視為習近平大勝，就算妖鵝當選，是否意味習近平將會徹底的輸而香港被陪葬？薯片叔搞「民意戰」，意不只是仿傚 689 响五年前「脅民意以令中央」，而會係習近平借「以其之道還其之身」向江系宣示「你玩得咁過癮吖嗱，依家要你受返晒」，當中還包含「就算張德江成功捧咗妖鵝坐上去，你老江都唔會有好日子過」嘅訊息。雖然引證到誰當選香港都未必會好過，但痛苦程度同持續時間係會有分別，與及香港可會絕境重生的機會。

是的，呢啲分析係好狠複雜，小弟都未算好曉，但點都清楚過已走入滅黨之路嘅社民連和一眾KOL所鳩叫鳩寫的吧。

後記：1193 - 327 = 866。呢八百幾票除咗自由黨之外，仲有好多商賈响度。姑且「溫馨提示」佢哋唔好以為所有掌權的都會千秋萬世，更唔好諗埋堆某一邊實有運行，姓鄭嗰家人已經係 Sample，用完即棄係中共永恆不變的遊戲規則。

返回主頁

真係有少少想留响砂朥越唔返香港

返咗「鄉下」半個月，到過新加坡，古晉同汶萊，其中逗留時間最長就是在古晉，呢個十個港燦十一個唔知响邊嘅地方。頭搭尾8日。

馬來西亞聯邦唔係得馬來半島，俗稱西馬，係仲有婆羅洲島上的砂朥越同沙巴兩個州，即俗稱東馬。古晉是砂朥越首府，英文Kuching 馬來話解貓，故有稱為貓城。華人移居可追溯至清道光、同治年間。據家人所述，太公係响嗰個年頭走過去搵食，久而久之响當地落地生根。

唔計港龍十幾年前有開過直航機往來古晉，但做唔夠兩年就cut；該正名共匪快運的香港快運舊年11月開過，兩個月唔夠就bye bye，香港一直無直飛班機，一定要轉機either 經新加坡或沙巴亞庇 (Kota Kinabalu。記住唔係叫「沙巴」as 州名)。今次經新加坡，順便留幾日行下。

之所以有少少唔想返嚟，唔係因為聯絡返啲親人，亦並非當地生活質素舒服過香港，而係所見所聞真係對香港眼冤。

近期馬來西亞嘅新聞除咗金正男同 Najib 26億美金貪污之外，大馬的 M 記俾沙地阿拉伯資金收購之後推動伊斯蘭化，其中一項新規矩係若要在 M 記開生日Party，帶入店的生日蛋糕要是 Halal。何為 Halal 蛋糕? 就是沒有雞蛋造的。哪是因為雞蛋係通過肛門生出，班回教佬認為是不潔的，故不能食用。

M 記此舉响大馬國內罵聲四起，但大多都乖乖就範，唯獨砂朥越人就同 M 記「死過」── 串咀的說「開生日 P 淨係得 M 記一個地方嗎」，甚至話「得 M 記有嘢食咩? Laksa、kolo mee 唔好食得過你 M 記」，發動杯葛行動，沙地佬卒之响砂朥越跪低。背景論述係砂朥越人同新加坡人有個類似之處，就係好清楚知道身處之地唔係單一種族同宗教，而係多元種族文化，互相尊重同接納。除咗 M 記 Halal 蛋糕事件出事之外，當地人對於納吉夾埋回教黨鼓吹煽動種族主義同宗教問題，嗤之以鼻之餘更會認定任何利用種族同宗教去「搞事」嘅都係 (丘光耀mode) 仆街冚家鏟，誓要鏟除。

如果响香港，剩係睇個個港燦對支那共匪搞到周街藥房都只會鵪鶉，就知道只會諗「Halal 蛋糕咪又係咁食....」而就範算數。

砂朥越加入馬來西亞聯邦不過是英國殖民走狗無徵詢民意夾硬嚟嘅傑作，其中最蝕卓嘅係砂朥越本身有出產石油，巫統玩弄憲法將石油開採收益全歸吉隆坡中央政府，然後向砂州 Rebate 5%。前年「砂獨」呼聲抬頭，納吉急急腳响國會提出法安增加 Rebate 至20%。雖則到今日都仲未「找數」，又現實地砂朥越未有進一步辦法迫宮，但古晉人腦裡總有一種「啲嘢本來係我哋嘅，你(巫統)搶咗去然後當俾乞兒咁俾返雞碎咁多我哋，算乜嘢意思」嘅想法。

如果响香港，咪只會「中央想點就點架啦，可以反對咩」。就是睇住公屋、公共醫療、教育等社會資源都俾支那共匪侵吞，都只係鵪鶉，然後只係識得諗「往外跑」，連砂朥越人有嘅基本公民意識都無呀！

甚至早幾年 (年份待考究)，時任州元首泰益瑪目(Abdul Taib bin Mahmud) 想將石油重鎮民都魯 (Bintulu)「升格」做聯邦直轄區，其實即係變相割讓俾巫統直接控制，連 5% Rebate 都可以慳返，成個砂朥越州嘅人癲到想買凶殺咗佢，件仆街白毛 (泰益瑪目謔稱) 先至唔敢真係行動。

如果响香港，咪只會「唔好激嬲『阿爺』」「激嬲中央無運行」，甚至係「無咗 Bintulu 無飯食咩」

淨係呢三個例子，對照出港燦的不堪簡直係爛泥扶唔上璧，點可能唔會萌生唔想返香港之念吖。

後記：古晉係 Air Asia 响東馬的 Hub。AK 都唔開香港--古晉直航，支那共匪憑甚麼去開呢條航線?? 抵你執得快過港龍。

返回主頁

呢個時候梗係對葉劉打落水狗

2013年2月3日城市論壇討論限奶令，我响台下發言時間講「唔搶奶粉搶衛生巾，台上咁多位嘉賓唔駛用，但仲有好多女士要用」，串爆希師奶之後，再串佢公然地話自己提出有法律理據實施奶粉出口限制，無視小弟、黃世澤、林忌等人合力最早出手提倡限奶令，然後就如呢個 Cap 圖送個「抄功課」牌扁俾佢。完場後佢無攞走，我就拎返追出去記者咪兜度大嗌佢漏咗嘢，串到佢爆晒廠。以我所知道佢自始之後係極度憎到我入骨，亦所以我打佢落水狗係可以更加恃無忌憚。

葉劉卒之因為攞唔夠150個選委提名而被DQ，江湖傳聞 40 唔夠，怪唔得佢見教協時會話「開始明白點解你哋要佔中」。梗係啦，如果係「公民提名」，又即管參照學民思潮提出的「1% 登記選民」，淨係上星期响旺角警察會遊樂場大嗌「屌你老母」嘅都已經達標一半，再然後果堆港共公安叫埋啲家爺仔乸，38,000 提名容乜易超額完成吖!!

咪話我唔同各位回帶，响佔領期間，係有人同希師奶講過，只要「公民提名」任何人都有入閘嘅機會。今鋪仲唔係應驗咗佢當日以為「只要跟隨黨嘅路線就唔會出事」，根本就仲天真過鍾欣桐。

或者仲有好多人仍然堅持正如左賊話齋「激嬲中央無運行」，唔跟黨嘅路線更加之死路一條。老實講，就算跟黨嘅路線，大把出大事甚至命都無埋嘅珠玉在前啦。唔講遠，淨係講上星期一出冊嘅劉夢熊已經係人版。

若稍為認真的研究中共黨史，必定發現除非成功登上權力頂端，即軍委主席級，否則都係死路一條，只差在遲早。而所謂遲同早嘅時間差距，「剩餘利用價值」呢個主因相信好多人都會睇到；但個價值遞減嘅速度，係唔到當事人自己可以控制，呢個就好多人未必了解。箇中嘅重要因素，就係「痛腳」。

唔係無「痛腳」就可以死遲啲，响支那共匪嘅「制度」裡面係剛剛相反，越無「痛腳」死得越快。因為「痛腳」本身嘅作用係「遙控器」，可以控制住你去做或唔做每一件事；無痛腳即係控制唔到你，再加埋賊性心理「點知你條扮清高嘅友仔幾時爆大鑊」，就會設法盡最快速度將你整走甚至整死。

唔講妖鵝公然搵個仔同老公俾江匪拎嚟做人質，對比希師奶老公又早死個女又係「沙頭角村長個女 ~ 搵你愛」，姑且擺自己上枱。

本來14年前一片 (憨鳩的) 丹心想推動「祖國」汽車工業發展，無錯係做咗香港第一個中國車品牌嘅代理，


但是唔夠四年就被迫「退下來」，甚至可以公開講，當年係面對死亡威脅。箇中嘅過程暫且唔詳細披露。而個原因就係因為我無「痛腳」响廈門共產黨手上，甚至曾經引我落疊嘅安排，我都拒絕參與。件事係咁嘅.....

响2004年下半年，廈門金龍負責運車落深圳嘅運輸部元老級人馬在皇崗口岸同我做車輛/文件交收，等候深圳海關手續嗰陣吹水講開，話架車咁多「檢修蓋」，((其中之一如下圖係XMQ6118的錶板左邊，未裝上蓋見到個電制板 / 行內人叫「灰士箱」)


一架旅遊巴剩係儀錶板已經最少有三個呢類「暗格」，再加埋車底一啲窿窿罅罅，可以放唔少「黑星」又得，「麵粉」又得，你諗得到嘅都得。順手搵多筆，好過賣車又要成日上廈門咁辛苦。

雖則我無當面拒絕，但就從無搵過佢話要參與呢個遊戲。而又好衰唔衰哋，我去咁多次廈門除咗因為啲「滾友」客人同行，都無出入過夜場。黃腳雞又捉唔到.......

對比返希師奶，係呀，佢响2003年都一片丹心為「祖國」出謀獻策，為23條奮不顧身，仲要「信我啦，無呃你架」拎埋自己出嚟賣。結果係好聽啲講就「歸隱」，唔好聽講就「孭咗鑊就要走投」。去勾結完美帝走狗，返到香港埋啲同鄉會堆。無錯，啲乜春同鄉會絕大部份都係統監府所控制，希師奶以為痴實張匪曉明實大把運行啦，最終結果咪又係好似我當年唔肯為共匪走私軍火毒品一樣，無「痛腳」揸手嘛，咪只好踢你走囉。

若再考慮埋政治棋局情況，張匪曉明根本急到瀨晒屎，雖然見到妖鵝癲到出賣老公同仔，但面對習主席處處進迫，為咗自保就必須用盡任何可能方法護住妖鵝。所謂鄧小平嘅兩手準備，一邊對外恐嚇選委，另一邊就梗係搵定人墊屍底。張匪見你希師奶忠心過洛威拿，但又如芝娃娃咁得把聲，唔搵你唔通搵我呢隻癲過藏獒嘅唔知乜嘢狗呀。

葉劉淑儀嘅政治前途係咪走到盡頭，我完全Who fucking cares。但除咗無受過牢獄之苦以外，下場比劉夢熊有過之而無不及。奉勸各路依家仲奶緊共匪鞋底啲屎嘅投共走狗，唔好以為你可以逃離呢個中共黨史永恆不變嘅現實。亦順便扮晒好人同葉劉淑儀女士講句，你唔想「就咁先」遺臭萬年而想翻身的話就只得一條路：爆支那共匪大鑊，以同林門鄭氏大攬炒為目標。做唔做就閣下自理，但就記住毛澤東有句名言：

吃硬不吃軟，越硬越有機

唔好到時真係徹底Total lost時話無人提過你。

返回主頁

皇冠車行懷疑就Coaster 小巴第20個位向政府提供虛假資料

先同大家回帶。舊年6月21日立法會交通事務委員會審議放寬小巴座位上限。小弟聯同柴文瀚及柏斯敦巴士台台長羅振奇發動聯署，共33人參與，指運輸及房屋局提交嘅文件(編號CB(4)1124/15-16(01))提到「若座位增加超過 3 個，車長將會超過法定上限7m」，失實或虛假陳述，違反《立法會(權力及特權)條例》(香港法例第 382 章) 第 18(2)條，要求主席將文件宣告作廢。

雖然都預咗當任委員會主席田北辰唔會運用 P&P 權力廢咗份文件 (更唔好話揸正嚟做可以報警拉人)，但當日會議各黨各派議員都出行力就19定20甚至更多，質到張炳良同運輸署署長楊何蓓茵唔識招架。

更是署長楊何蓓茵解釋因為某個車款(所指的是豐田Coaster)第20個位响車頭，雖然澳洲批准安裝，但因為「要爬過引擎蓋，好危險」所以唔符合《道路交通(車輛構造及保養)規例》(香港法例第374A章)而不能安裝，亦所以訂响19呢個數字。

結果招致小弟再次聯同阿柴同「巴士判官」出手，指政府使用的豐田 Coaster 都有嗰個位，除咗質疑署長嘅言論失實之外，仲串佢快啲通知 EMSD 拆咗佢 (詳見當日的新聞稿)。

稍為會用下腦的，見我哋拎政府的豐田 Coaster 出嚟，就算唔知道「出事」，都應該聞到陣燶味，諗辦法轉軚，將19變起碼20啦。但舊年12月16日，立法會交通事務委員會會議，運房局提交文件仍然是19，再次俾各黨各派議員打到一仆一碌。劉國勳同林卓廷分別動議要加到20，都獲得通過。

之後呢兩個多月表面上無乜動靜，但運輸署 / 運房局响不同嘅場合仍然繼續「19」，即係粗俗啲講「仲未知死」。

本來，政府車嘅規格可以亂嚟，就算如我哋串署長嘅車，都可以話「因應部門運作需要」卸晒。可是..... (睇嚟真係天意)

响2017年1月16日早上大約08:00，有一部白色車身、車牌 NA 6183嘅豐田Coaster 長陣「小巴」，駛經油麻地北海街近彌敦酒店，俾人影到擺咗上網。


最「過癮」嘅係，呢部 NA 6183 竟然有運輸署署長响2016年6月21日立法會上話「好危險」嘅嗰個位 (留意上圖箭咀所指)。即係呢部車懷疑非法改裝啦！

本來打算掟去西九龍交通部報串，但諗起唔知會唔會係邊個老友間旅遊巴公司，先去運輸署填份 TD318 表格俾$45「查底」(嗱，懷疑非法改裝，我剔「法律程序」，無錯架!!)。點知運輸署職員表示沒有該車牌的登記資料！

詢問職員點解會無記錄，職員表示有兩個可能性 ── 有人使用假車牌；或該車輛為政府車輛，但暫以一般登記號碼行駛 (即俗稱「套街牌」)。如果係假牌就當然可以報警；但要確定係「套街牌」嘅政府車，要問政府物流服務署。

先透過傳統車輛登記號碼預留拍賣網上服務，查詢 NA 6183 能否被勾出拍賣，結果係


咁就極有可能係「套街牌」嘅政府車。於是就根據《公開資料守則》向政府物流服務署出信查詢。物流署回覆確認真係政府車，屬警務處的。轉介過去警務處之後，收到嘅回覆係咁

信中無提到係豐田Coaster，唔緊要。對比以下遮咗可識別到車主資料嘅行車證：


登記類別 PUBLIC LIGHT BUS，廠名 Toyota。除咗Coaster 都無第二款車！底盤號碼：JTGFP538___________ ，同警方嘅回信JTGFC538___________，只相差 P 同 C。

豐田採用 ISO 格式底盤號碼，全部有得解。J = Japan，TG = Toyota；FP538 或FC538 都係豐田 Coaster B50系嘅代號，後面 masked 嗰堆係生產年份、生產序號之類嘅資料。唔駛再拗，100000000% 肯定 NA 6183 係豐田 Coaster B50。

留意信中黃色 Highlight 嘅部份 ── 機電工程署驗收確認車輛結構及配備均乎合法例要求。楊太話唔合例喎，點解 EMSD 話合例？喂阿哥，《基本法》第8條訂明「香港沿用普通法制度」，點解兩個政府部門，兩個說法????????

仲有好戲在後頭！有政府深喉俾咗一份買車標書俾我，當中有一頁

(打格以免能查出誰人做二五仔向我放料)

又係留意黃色 Highlight 嘅部份。意即「投標者必須報稱確認將供應的車輛符合《道路交通(車輛構造及保養)規例》(香港法例第374A章)」。

Fully Comply 即係全架車任何一忽都要合例。但皇冠車行入標賣豐田Coaster俾政府時，報稱楊太話「要爬過引擎蓋，好危險」嘅嗰個位，聲稱確認係合例，即係皇冠車行向機電工程署入標時 提供虛假資料同作出虛假聲明？刑事喎老友！

當然，亦有一個相反嘅可能，就係本身嗰個位合例，但運輸署過去死都唔批。在運房局撰寫文件同署長準備發言稿時，俾人放流料話第20個位唔合例。

咁邊個向署長同運房局放流料呢？存在可能性包括：

1. 運房局撰寫文件會問運輸署攞意見同資料，運輸署會問各代理商攞料，當然包括皇冠車行。皇冠車行可以話「嗰個位」裝唔到故只得19座；
2. 運輸署班友整理資料提交俾運房局嘅過程當中，就咁基於 Type Approval 檔案確實未批過 (28位個「倒頭位」因為就坐方向而唔算)，無同 EMSD 溝通研究到底得唔得，就直接寫19；
3. 但就算運輸署班友同皇冠車行了解到賣俾政府嘅 Coaster 小巴有署長話好危險嘅嗰個位，仍舊基於 Type Approval 檔案同唔想搞到 EMSD，所以寫 19？
4. 甚至乎係一如小弟一直推斷，就算知政府嘅豐田 Coaster 有署長話好危險嗰個位都好，為求要廢咗三菱 ROSA 可以多一個位而有嘅市場優勢，一於搏大霧求過骨寫19？

一係 TD 跣楊太同張炳良，一係 TD 夾埋皇冠作故仔，再唔係就皇冠擺明叫 TD 做手腳，是但中一樣，當然仲有其他可能性。

而不論邊個鋪蕉皮，四個疑點都會構成 P&P 串謀提交虛假文件嘅罪行之先，頭三個疑點即場斷正行政失當，申訴專員公署可以開快勞。疑點 4 更加涉嫌干犯串謀行騙、偽造文件嘅罪行 (最高刑罰監禁14年)。假設運輸署無事，咁即係皇冠車行涉嫌向機電工程署提供虛假資料同作出虛假聲明可以話斷到正晒！

成件事反映皇冠車行呢十幾年嚟玩緊「好女兩頭瞞」，但今次為咗意圖或企圖保持市場壟斷，卒之東窗事發。真係古語有云「上得山多終遇虎」，有咁耐風流嚟緊應該有咁耐折墮。





要擺平件事得三個做法。一係EMSD 立即召喚所有政府嘅豐田 Coaster，尤其是警方 PTU 嗰批7.7m 嘅 XZB59 車頭裝兩個位，返加路連山又好邊度都好，通通拆櫈。一係運輸署車輛安全及標準部同皇冠車行立即跪低，批咗署長話好危險，但澳洲批咗嘅第20個位。反正新款 XZB70 嘅引擎蓋比 XZB50 低，兼冷氣罩更前，即係既然賣俾政府嘅 XZB50 都裝到，XZB70 更加無難度。兩樣都唔搞就第三個做法，留名等睇警方拉人封艇。

但不論有無擺平、警方有無採取行動，我好相信渣華道321號應該開始準備緊啲咖啡招呼你哋。爭在幾時，同會唔會好彩地係 Akina (前新聞主播方健儀) 沖俾佢哋。

後記：
1. 八個幾月前撻政府批 Coaster 串楊太，中間仲爆過幾單大嘢 (睇延伸閱讀個list)，咁都唔醒水，迫我出動到終極核彈，真係攞嚟賤。
2. 廈門金旅係有俾錢同日本豐田買圖紙生產A貨，佢哋改到XML6701小巴車門移前約700mm 裝多一張櫈，「正廠」做唔到意味日本仔廢柴。不過又公平啲講，B70系嘅車身要改車門位置係有啲難度，但Nissan Civilian 都停產，剩低豐田 Coaster 同三菱 Rosa 兩款車，又明知三菱 Rosa 嘅車身設計其中一個優點就係車門位置，都唔趁改款順手處理埋，豐田汽車株式會社班人仲廢過福島。
3. 唔該運房局同運輸署唔好再講乜嘢「保持運輸業界生態平衡」，我已經响2016年7月7日《明報》寫咗篇文，踢爆晒你哋玩嘅數字遊戲喇。收手啦，我唔想張局長同楊太到時有份去埋渣華道321號飲咖啡呀！

延伸閱讀
運輸署唔係明益豐田就係明跣三菱
封殺柴油私家車為益油公司，亦係為皇冠車行
港共為保住皇冠車行乜都夠膽死
豐田驗車唔係盡享特權真係搵鬼信
驗車從來都係官威與牙力嘅較量
19座位為平衡其他運輸業利益只係藉口
回應明報、蘋果日報報導運房局否認失實
皇冠車行食得禾米多





返回主頁

運輸署唔係明益豐田就係明跣三菱

黃世澤今早揭露運輸署九龍灣驗車中心懷疑向新款豐田Coaster (B70) 小巴嘅LED路線牌放水，唔少網友追問我仲會唔會有乜料爆。本來星期六想攤抖下，都搞到我心癢癢出去搵返啲以前嘅行家索料，結果當然有發現。

爆料之前，先講講皇冠車行打算將 B70 嘅路線牌或捷輝小巴部三菱 ROSA 嘅樣板 (但俾運輸署「肥」) ，係乜嘢一回事。

依家嘅小巴嘅前路線牌都係放响車頭車頂，但其實响台灣或新加坡做Premium Bus 或 Peak Period Short Bus (即類似香港的「邨巴」) 的豐田 Coaster 或三菱 Rosa (或平治 Sprinter)，路線牌都係裝設响車頭擋風玻璃 upper corner (如下圖)。



日本的既有在車頂，但亦有在擋風玻璃左上角。

證明呢種設計唔係香港自己諗出嚟，而係正如港共啲狗官最愛嘅「有外國先例」。

呢種設計可會有危險？倒想問，一個人會凌空六呎出現於小巴左前方嗎？一個响擋風玻璃頂嘅大箱會導致司機睇唔到一個身高三呎嘅細路响車頭行過？

早幾個月去台北，在台灣做運輸業設備的朋友安排下，去過大都會客運松仁路車場「八卦」，做咗如下圖嘅試驗。



身高只得1.65m 嘅成個X樣清楚可見，證明「視線受阻」只係一個有如左賊口頭禪之一嘅「偽命題」。

講返件事。早在2015年年底，三菱代理去九龍灣為架 Rosa 做 Type Approval 時已經做過，仲要俾我刮到有圖有真相！

(Source protected)

環宇汽車早就想路線牌不再放上車頂，原因係運輸署對小巴使用LED路線牌嘅規格要求，無得用日本原廠 Option 嘅路線牌箱，要搵本地玻璃纖維師傅開模造，即係要$$啦。另外就係小巴業界 (唔只捷輝) 長期埋怨，因為路線牌搞到近車頭嘅車頂好容易漏水，希望可以根治呢個問題。環宇或者係好心，當然亦會係為咗爭取生意，就想响呢次嘅 Type Approval 申請搞掂佢。

驗車當日，驗車官當然堅持「跟例的話個牌要去車頂」。但消息指原來早已向署長級人馬通報 (照架構資料若不是署長楊何蓓茵，就會係副署長/公共運輸事務及管理李萃珍或助理署長/管理及輔助客運李艷芳)，該署長級人馬當然唔會Say Yes or No，只係叫三菱代理「執齊料俾我啲同事睇下點批啦」。响呢個情況之下，環宇汽車好正常就用新嘅路線牌規格去做 Type Approval，包括提交文件申請時嘅圖則。但驗車官「細細聲」同環宇講「不如你張則改返個路線牌上頂先啦，唔係我哋好難做」。結果到最後環宇同驗車官拗餐飽，還是驗車官以「擺官威」力壓勝出。

之後，某方面繼續同運輸署拗嚟拗去，卒之運輸署唔知係嫌煩定點，同意捷輝改一兩部車做試驗同評估，但後來唔知乜原因搞出黃世澤兩個月前爆嘅嗰單「驗車肥佬」事件。

如果索料嘅內容真確，某些網民以為成件事係環宇汽車或捷輝小巴自作聰明，

就真係唔知笑佢先係自作聰明定話佢憨鳩怕佢嬲！





至於皇冠車行今次咁做，架車嘅因素我唔再講。但運輸署如果一批，唔單只再一次斷正偏幫皇冠車行助長豐田霸權，仲係陷環宇汽車同捷輝小巴於不義。

到底係唔係，不如留返俾啲署長級人馬，或以下人士回答：
總驗車主任 李偉文 先生。電話 2829 5464，電郵 cmve@td.gov.hk
九龍灣驗車中心 高級驗車主任/九龍灣 袁錦麟 先生。電話 2759 7522，電郵 smkb@td.gov.hk

運輸署班人一國幾制，仲要豐田就手鬆乜都得唔係豐田就BAN，玩夠架喇。依家幾十對眼昅住你哋，收手啦，你哋拎埋返長糧出嚟都唔會夠玩！記住古語有云，上得山多終遇虎!!!

延伸閱讀
港共為保住皇冠車行乜都夠膽死
豐田驗車唔係盡享特權真係搵鬼信
驗車從來都係官威與牙力嘅較量
運輸署驗車黑幕黑到嚇死你
19座位為平衡其他運輸業利益只係藉口
皇冠車行食得禾米多





返回主頁