袋住先? 好危險架!!!

人大常委開會傾香港2016/17 政改，李飛亦將會在下星期一 (1SEP) 嚟香港「宣旨」。共匪會掟個乜嘢方案出嚟，其實都講晒出口。「過半數提名」，即是小學雞算式100-51=49，即係只有一個候選人的北韓式假選舉；唔要得一個人，就採取「等額制投票」，即係共匪話事要提名幾多個，再由提委會班傀儡走狗篩出幾個「爛橙」出嚟，或者係爛橙，爛香蕉同爛芒果，然後俾香港人响堆爛生果中揀一個你未必想要但焗住要嘅爛嘢。

唔好嘔呀，事實就係咁!!!

呢個道理其實好多人明白，不過香港地仲有好多人腦袋充斥小農奴隸基因，認為「君要臣死，臣不得不死」，而會「袋住先」。呢種思維背後仲有一個幼稚無知的想法，認為只要共匪安排多過一個，總會有個好嘅會「入到閘」嘛，咁咪得囉。呢啲人唔明白到底共匪可以點樣透過提名委員會嘅組成方法達到操控嘅目的，或者香港人因為對得英國佬太耐，用錯咗方法嚟看待共產黨，所以就出晒事。

「袋住先」嘅危險之處，就係會形成「選票授權」嘅局面。即係無論係爛橙、爛蕉定爛芒果當選，共產黨要佢做啲乜，即使係以往「奶晒嘢」嘅23條、國民教育，又或者何匪喜華做極俾人鬧嘅「唔駛居港七年可以攞綜援上公屋」，都可以大大聲話「我係由香港人一人一票選出嚟架，你點反我呀」。

仲唔明? 咁就用仲有好多香港人誤解嘅新加坡政治作比喻：

新加坡係全民投票，西敏寺式議會制。好多人誤解李光耀係透過操縱選舉而當上「獨裁者」，尤其是1988年搞個乜鬼「集選區」(即多議席單票制)就係方便佢可以壟斷國會。不過，就係有得投票而成的「選票授權」李光耀就為所欲為；反對黨派想「隊冧佢」難過登天。
嗱...... 呢個就係「選舉授權」的恐怖局面了
慶幸李光耀姑且算是一個為新加坡人著想的「賢臣明君」，新加坡人人有屋住有工做，三餐基本無憂兼有瓦遮頭

若果「袋住先」，隻唔知係爛橙，爛香蕉定爛芒果，一樣可以為所欲為。但佢唔會唔記得「共匪俾佢入閘先有得選」呢個先決條件，會為香港人做事嘅機會必定Almost to be ZERO

再者，真係對新加坡政治有了解的話，都會明白「集選區」難打之處其實係要有好強大、跨族裔嘅人才團隊建立好高嘅實力先有機會贏。只不過新加坡啲在野黨派往日膠到無朋友，而華人主導社會必然又係小農基因發作，既然有屋住有飯食，駛鬼理Mr. Lee 搞乜春咩。幸好工人黨陸續醒水，知道個遊戲玩法，結果响2011年大選攻下阿裕尼集選區，打破「方便行動黨壟斷國會」嘅缺口。

2011年新加坡國會大選，劉程強領軍勝出阿裕尼集選區之後的集會

對照返香港，如果「袋住先」，你估共匪唔會借勢叫隻爛橙/爛香蕉/爛芒果搞23條、版權條例，甚至要搞金盾工程bla bla bla。到時啲「勾結外國勢力嘅反中亂港份子」就算唔拉晒去坐監，都唔敢再出聲。想有新加坡工人黨咁嘅機會就只有响睡夢中出現。

睇到咁嘅情況，仲要考慮係咪「袋住先」嘅人，真係無藥可救了

延伸閱讀
計下數就知中共點解會話拉倒就2027

返回主頁