心理唔平衡就去睇醫生啦

舊年區議會選舉，九龍城黃埔西選區游蕙禎大戰鼠王芬，唔講「外界」一面倒看淡選情而結果通地爛眼鏡，一堆所謂「社運友」無幫拖之餘，仲揶揄游蕙禎「選美定選議員」，清楚反映佢哋對人不對事嘅做人態度。網上不少反諷佢哋「搵塊鏡照下自己乜嘢烏歪樣」等有如人身攻擊之外，還有例如樣貎都是天賦而不該成為攻擊等較客觀的論點，班社運友都未真係肯完全收聲。直到1月21日《自由時報》刊出小弟撰文，揭露佢哋去台灣觀選的醜行而順手談及此事，佢哋先至在這「話題」沉寂下來。但以我所知呢班人嘅性格，點會唔伺機重演戲碼。

不出所料，尋日(15JUL) 《蘋果日報》報導，長毛梁國雄嘲諷蔣匪元秋，但又是拿游蕙禎的樣貎作類比。姑且上綱上線，說是在抽「選美定選議員」的水，其實並不過份。

可但是當日有份「點火」的 (唔知仲係咪社民連成員) 嚴敏華，又再發表針對游蕙禎的樣貎的言論：


我唔知已嫁俾一名非裔港人的她的腦袋構造如何，但再次出現這類事情，實難以收口。

游蕙禎算唔算靚，實屬見人見智。在我個人平心而論，只算是順眼，極其量叫「有氣質」嘅一種。但無論美定醜，都是她父母傳給她的，又有何可以論斷之處?!

青年新政的政治根底的確唔夠實，亦經常出錯。但要批評就直截了當而唔係人身攻擊。話說一年多前青政出一份有關爭取小巴增加座位的文宣，錯誤的寫了7.7m長度，我恥笑到佢哋極點，但從無以「靚女通常無腦」之類去攻擊佢哋。而青政後來主動聯絡我，問到底錯咗啲乜，應該點糾正；又例如4月27日《明報》刊登佢哋一篇談論三跑的文章，錯用台北做例子。換來熟識航空事業的人恥笑「知唔知『機肚』(貨倉) 再開多啲機都未必夠載」。我所知佢哋亦沒有無理、無禮地還擊，反而有去討教 (當然其中一個係我)。綜合兩件事反映佢哋嘅心態質素，去邊度搵呀。

就算再要針對人，梁頌衡條友係懵炳兼死牛一面頸搞到啲事膠晒，咁又係可以用游蕙禎的相貎來「狙擊」喇喎?!!

古語有云：相由心生。又或是「有諸於內，形諸於外」。見人哋可能好似靚過自己唔抵得，又或者「柒」極都仲有市民支持，唔想揳高枕頭反省下嘅，就去睇下醫生檢查下有無人格分裂之類嘅問題啦。

後記：
《自由時報》篇文刊出之後，好多人私下問我到底係邊班人嗌好悶要去行街，我一直秉持「做人要有返啲口德」無宣揚過。而篇文既然有提及「選美定選議員」事件，就姑且拿作威脅的黑材料，唔該做人有返啲質素!!

返回主頁