__

__

一月一, 仲要考慮啲乜?

小弟於今日《蘋果日報》論壇版的文章,對郝鐵川日前於《明報》撰文提出「中央十權」作逐點擊破。尾三段回應郝鐵川之餘,更是要向對中共作「溫馨提示」。剛到任中聯辦的張曉明最出名莫過於高度讚揚澳門落實三權合作就是落實一國兩制嘅典範,與及要香港「適時為廿三條立法」。對於中共這個野蠻政權,一個比李剛更無恥嘅人,怎可掉以輕心呢?最尾兩段是對目前形勢和一月一日倒梁示威作局勢分析。同樣地,中共是個蠻不講理的物體,目前倒梁氣氛像是冷淡下來,但中共還是要拿十八條威脅港人,即係想擺出一個「我係宗主我惡晒」姿態迫令港人收聲。可是過去十五年中共已僭越基本法權限不知多少次,郝鐵川今次可謂送死之餘,也可順便羅列中共罪狀,將佢哋眼中像沒看到廿二條搬出前台。

梁振英的問題不單是僭建,其呃人的也不只僭建。試翻開一年前他的「齊心」,有幾多項政策已經無疾而終,筆者覺得用不著點算,單是房屋政策由起公屋變港人港地,然後就係咁話要搵地起公屋好難,繼而整個新界東北出嚟話起公屋,點知又俾人踢爆晒係唯咗班新界佬起丁屋居多。面對住近三十萬人居於劏房,這筆賬已經有排同佢計。

僭建事件隨時涉及刑事,十八名立法會議員亦已啟動彈劾程序。香港人可會回想下當年葛柏、四大探長要走佬,點解仲可以忍受一個咁嘅管治者?難道共產黨搞到你為口奔馳再無精神去理就有得呢個仆街繼續厚顏落去?難道真係覺得「唔夠共產黨鬥架啦,慳返啖氣啦」;甚至係「你鬥嬴佢一局又點唧,黃之鋒人版啦,十六歲都拎佢出嚟搞呀」就如斯容讓幾代人辛苦建立出來的香港就此拱手襄讓俾一班賊?別忘記要不是學民思潮一班細路反抗,你的子女已經開始接受洗腦了。好歹都叫做拖住洗腦計劃後腿,做人豈可如此「無賴」呢?

所謂「唔發火當病貓」,港共政府嘅厚顏程度可以當全港市民無到!今日仲要宣佈委任落選立法會的劉江華擔任政制及內地事務局副局長。

香港電台 2012-12-20 HKT 18:18 劉 江 華 獲 委 出 任 政 制 及 內 地 事 務 局 副 局 長
政 府 公 布 新 一 批 副 局 長 及 政 治 助 理 名 單 。
在 超 級 區 議 會 選 舉 中 落 敗 的 民 建 聯 劉 江 華 , 將 出 任 政 制 及 內 地 事 務 局 副 局 長 , 明 日 上 任 , 月 薪 18 萬 3000 多 元

另 外 , 在 港 大 任 職 傳 訊 及 公 共 事 務 的 何 建 宗 , 以 及 地 球 之 友 的 區 詠 芷 , 就 分 別 出 任 發 展 局 及 環 境 局 政 治 助 理 。

一個爛到咁嘅政府,一個仆街到絕頂嘅傀儡特首,一個有法不遵下下講惡嘅黑社會宗主國,還要同佢哋客氣嗎?一月一日無懸念,上街吧!

返回主頁

沒有留言: